Bibles in ancient languages
Old translations
Modern translations

Biblia Hebraica Stuttgartensia 2 Rois 1:7

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיִּפְשַׁ֤ע מֹואָב֙ בְּיִשְׂרָאֵ֔ל אַחֲרֵ֖י מֹ֥ות אַחְאָֽב׃

wayi̇pĕşǎ֤ʻ mòwʼáb֙ bĕ̇yişĕ̂ráʼé֔l ʼaẖàré֖y mò֥wţ ʼaẖĕʼáֽb׃

2
וַיִּפֹּ֨ל אֲחַזְיָ֜ה בְּעַ֣ד הַשְּׂבָכָ֗ה בַּעֲלִיָּתֹ֛ו אֲשֶׁ֥ר בְּשֹׁמְרֹ֖ון וַיָּ֑חַל וַיִּשְׁלַ֣ח מַלְאָכִ֔ים וַיֹּ֤אמֶר אֲלֵהֶם֙ לְכ֣וּ דִרְשׁ֗וּ בְּבַ֤עַל זְבוּב֙ אֱלֹהֵ֣י עֶקְרֹ֔ון אִם־אֶחְיֶ֖ה מֵחֳלִ֥י זֶֽה׃ ס

wayi̇pò̇֨l ʼàẖazĕyá֜h bĕ̇ʻa֣d haşĕ̇̂báká֗h bȧʻàliyá̇ţò֛w ʼàşě֥r bĕ̇şò̌mĕrò֖wn wayá֑̇ẖal wayi̇şĕ̌la֣ẖ malĕʼáki֔ym wayò֤̇ʼmer ʼàléhem֙ lĕk֣ẇ dirĕş̌֗ẇ bĕ̇ba֤ʻal zĕbẇb֙ ʼèlòhé֣y ʻeqĕrò֔wn ʼim־ʼeẖĕye֖h méẖoli֥y zeֽh׃ s

3
וּמַלְאַ֣ךְ יְהוָ֗ה דִּבֶּר֙ אֶל־אֵלִיָּ֣ה הַתִּשְׁבִּ֔י ק֣וּם עֲלֵ֔ה לִקְרַ֖את מַלְאֲכֵ֣י מֶֽלֶךְ־ שֹׁמְרֹ֑ון וְדַבֵּ֣ר אֲלֵהֶ֔ם הַֽמִבְּלִ֤י אֵין־אֱלֹהִים֙ בְּיִשְׂרָאֵ֔ל אַתֶּם֙ הֹֽלְכִ֔ים לִדְרֹ֕שׁ בְּבַ֥עַל זְב֖וּב אֱלֹהֵ֥י עֶקְרֹֽון׃

ẇmalĕʼa֣kĕ yĕhwá֗h di̇bėr֙ ʼel־ʼéliyá֣̇h haţi̇şĕ̌bi̇֔y q֣ẇm ʻàlé֔h liqĕra֖ʼţ malĕʼàké֣y meֽlekĕ־ şò̌mĕrò֑wn wĕdabé֣̇r ʼàléhe֔m haֽmibĕ̇li֤y ʼéyn־ʼèlòhiym֙ bĕ̇yişĕ̂ráʼé֔l ʼaţėm֙ hòֽlĕki֔ym lidĕrò֕ş̌ bĕ̇ba֥ʻal zĕb֖ẇb ʼèlòhé֥y ʻeqĕròֽwn׃

4
וְלָכֵן֙ כֹּֽה־אָמַ֣ר יְהוָ֔ה הַמִּטָּ֞ה אֲשֶׁר־עָלִ֥יתָ שָּׁ֛ם לֹֽא־תֵרֵ֥ד מִמֶּ֖נָּה כִּ֣י מֹ֣ות תָּמ֑וּת וַיֵּ֖לֶךְ אֵלִיָּֽה׃

wĕlákén֙ kòֽ̇h־ʼáma֣r yĕhwá֔h hami̇tá̇֞h ʼàşěr־ʻáli֥yţá şá֛̇̌m lòֽʼ־ţéré֥d mimė֖ná̇h ki֣̇y mò֣wţ ţá̇m֑ẇţ wayé֖̇lekĕ ʼéliyáֽ̇h׃

5
וַיָּשׁ֥וּבוּ הַמַּלְאָכִ֖ים אֵלָ֑יו וַיֹּ֥אמֶר אֲלֵיהֶ֖ם מַה־זֶּ֥ה שַׁבְתֶּֽם׃

wayá̇ş֥̌ẇbẇ hamȧlĕʼáki֖ym ʼélá֑yw wayò֥̇ʼmer ʼàléyhe֖m mah־zė֥h şǎbĕţėֽm׃

6
וַיֹּאמְר֨וּ אֵלָ֜יו אִ֣ישׁ׀ עָלָ֣ה לִקְרָאתֵ֗נוּ וַיֹּ֣אמֶר אֵלֵינוּ֮ לְכ֣וּ שׁוּבוּ֮ אֶל־הַמֶּ֣לֶךְ אֲשֶׁר־שָׁלַ֣ח אֶתְכֶם֒ וְדִבַּרְתֶּ֣ם אֵלָ֗יו כֹּ֚ה אָמַ֣ר יְהוָ֔ה הַֽמִבְּלִ֤י אֵין־אֱלֹהִים֙ בְּיִשְׂרָאֵ֔ל אַתָּ֣ה שֹׁלֵ֔חַ לִדְרֹ֕שׁ בְּבַ֥עַל זְב֖וּב אֱלֹהֵ֣י עֶקְרֹ֑ון לָ֠כֵן הַמִּטָּ֞ה אֲשֶׁר־עָלִ֥יתָ שָּׁ֛ם לֹֽא־תֵרֵ֥ד מִמֶּ֖נָּה כִּֽי־מֹ֥ות תָּמֽוּת׃

wayò̇ʼmĕr֨ẇ ʼélá֜yw ʼi֣yş̌׀ ʻálá֣h liqĕráʼţé֗nẇ wayò֣̇ʼmer ʼéléynẇ֮ lĕk֣ẇ ş̌ẇbẇ֮ ʼel־hamė֣lekĕ ʼàşěr־şá̌la֣ẖ ʼeţĕkem֒ wĕdibȧrĕţė֣m ʼélá֗yw kò֚̇h ʼáma֣r yĕhwá֔h haֽmibĕ̇li֤y ʼéyn־ʼèlòhiym֙ bĕ̇yişĕ̂ráʼé֔l ʼaţá֣̇h şò̌lé֔ẖa lidĕrò֕ş̌ bĕ̇ba֥ʻal zĕb֖ẇb ʼèlòhé֣y ʻeqĕrò֑wn lá֠kén hami̇tá̇֞h ʼàşěr־ʻáli֥yţá şá֛̇̌m lòֽʼ־ţéré֥d mimė֖ná̇h kiֽ̇y־mò֥wţ ţá̇mֽẇţ׃

7
וַיְדַבֵּ֣ר אֲלֵהֶ֔ם מֶ֚ה מִשְׁפַּ֣ט הָאִ֔ישׁ אֲשֶׁ֥ר עָלָ֖ה לִקְרַאתְכֶ֑ם וַיְדַבֵּ֣ר אֲלֵיכֶ֔ם אֶת־הַדְּבָרִ֖ים הָאֵֽלֶּה׃

wayĕdabé֣̇r ʼàléhe֔m me֚h mişĕ̌pȧ֣t háʼi֔yş̌ ʼàşě֥r ʻálá֖h liqĕraʼţĕke֑m wayĕdabé֣̇r ʼàléyke֔m ʼeţ־hadĕ̇bári֖ym háʼéֽlėh׃

8
וַיֹּאמְר֣וּ אֵלָ֗יו אִ֚ישׁ בַּ֣עַל שֵׂעָ֔ר וְאֵזֹ֥ור עֹ֖ור אָז֣וּר בְּמָתְנָ֑יו וַיֹּאמַ֕ר אֵלִיָּ֥ה הַתִּשְׁבִּ֖י הֽוּא׃

wayò̇ʼmĕr֣ẇ ʼélá֗yw ʼi֚yş̌ bȧ֣ʻal şé̂ʻá֔r wĕʼézò֥wr ʻò֖wr ʼáz֣ẇr bĕ̇máţĕná֑yw wayò̇ʼma֕r ʼéliyá֥̇h haţi̇şĕ̌bi֖̇y hֽẇʼ׃

9
וַיִּשְׁלַ֥ח אֵלָ֛יו שַׂר־חֲמִשִּׁ֖ים וַחֲמִשָּׁ֑יו וַיַּ֣עַל אֵלָ֗יו וְהִנֵּה֙ יֹשֵׁב֙ עַל־רֹ֣אשׁ הָהָ֔ר וַיְדַבֵּ֣ר אֵלָ֔יו אִ֚ישׁ הָֽאֱלֹהִ֔ים הַמֶּ֥לֶךְ דִּבֶּ֖ר רֵֽדָה׃

wayi̇şĕ̌la֥ẖ ʼélá֛yw şâr־ẖàmişi֖̇̌ym waẖàmişá֑̇̌yw wayȧ֣ʻal ʼélá֗yw wĕhiné̇h֙ yòşé̌b֙ ʻal־rò֣ʼş̌ háhá֔r wayĕdabé֣̇r ʼélá֔yw ʼi֚yş̌ háֽʼèlòhi֔ym hamė֥lekĕ di̇bė֖r réֽdáh׃

10
וַיַּעֲנֶ֣ה אֵלִיָּ֗הוּ וַיְדַבֵּר֮ אֶל־שַׂ֣ר הַחֲמִשִּׁים֒ וְאִם־אִ֤ישׁ אֱלֹהִים֙ אָ֔נִי תֵּ֤רֶד אֵשׁ֙ מִן־הַשָּׁמַ֔יִם וְתֹאכַ֥ל אֹתְךָ֖ וְאֶת־חֲמִשֶּׁ֑יךָ וַתֵּ֤רֶד אֵשׁ֙ מִן־הַשָּׁמַ֔יִם וַתֹּ֥אכַל אֹתֹ֖ו וְאֶת־חֲמִשָּֽׁיו׃

wayȧʻàne֣h ʼéliyá̇֗hẇ wayĕdabé̇r֮ ʼel־şâ֣r haẖàmişi̇̌ym֒ wĕʼim־ʼi֤yş̌ ʼèlòhiym֙ ʼá֔niy ţé֤̇red ʼéş̌֙ min־haşá̇̌ma֔yim wĕţòʼka֥l ʼòţĕká֖ wĕʼeţ־ẖàmişė֑̌yká waţé֤̇red ʼéş̌֙ min־haşá̇̌ma֔yim waţò֥̇ʼkal ʼòţò֖w wĕʼeţ־ẖàmişáֽ̇̌yw׃

11
וַיָּ֜שָׁב וַיִּשְׁלַ֥ח אֵלָ֛יו שַׂר־חֲמִשִּׁ֥ים אַחֵ֖ר וַחֲמִשָּׁ֑יו וַיַּ֨עַן֙ וַיְדַבֵּ֣ר אֵלָ֔יו אִ֚ישׁ הָאֱלֹהִ֔ים כֹּֽה־אָמַ֥ר הַמֶּ֖לֶךְ מְהֵרָ֥ה רֵֽדָה׃

wayá̇֜şá̌b wayi̇şĕ̌la֥ẖ ʼélá֛yw şâr־ẖàmişi֥̇̌ym ʼaẖé֖r waẖàmişá֑̇̌yw wayȧ֨ʻan֙ wayĕdabé֣̇r ʼélá֔yw ʼi֚yş̌ háʼèlòhi֔ym kòֽ̇h־ʼáma֥r hamė֖lekĕ mĕhérá֥h réֽdáh׃

12
וַיַּ֣עַן אֵלִיָּה֮ וַיְדַבֵּ֣ר אֲלֵיהֶם֒ אִם־אִ֤ישׁ הָֽאֱלֹהִים֙ אָ֔נִי תֵּ֤רֶד אֵשׁ֙ מִן־הַשָּׁמַ֔יִם וְתֹאכַ֥ל אֹתְךָ֖ וְאֶת־חֲמִשֶּׁ֑יךָ וַתֵּ֤רֶד אֵשׁ־אֱלֹהִים֙ מִן־הַשָּׁמַ֔יִם וַתֹּ֥אכַל אֹתֹ֖ו וְאֶת־חֲמִשָּֽׁיו׃

wayȧ֣ʻan ʼéliyá̇h֮ wayĕdabé֣̇r ʼàléyhem֒ ʼim־ʼi֤yş̌ háֽʼèlòhiym֙ ʼá֔niy ţé֤̇red ʼéş̌֙ min־haşá̇̌ma֔yim wĕţòʼka֥l ʼòţĕká֖ wĕʼeţ־ẖàmişė֑̌yká waţé֤̇red ʼéş̌־ʼèlòhiym֙ min־haşá̇̌ma֔yim waţò֥̇ʼkal ʼòţò֖w wĕʼeţ־ẖàmişáֽ̇̌yw׃

13
וַיָּ֗שָׁב וַיִּשְׁלַ֛ח שַׂר־חֲמִשִּׁ֥ים שְׁלִשִׁ֖ים וַחֲמִשָּׁ֑יו וַיַּ֡עַל וַיָּבֹא֩ שַׂר־הַחֲמִשִּׁ֨ים הַשְּׁלִישִׁ֜י וַיִּכְרַ֥ע עַל־בִּרְכָּ֣יו׀ לְנֶ֣גֶד אֵלִיָּ֗הוּ וַיִּתְחַנֵּ֤ן אֵלָיו֙ וַיְדַבֵּ֣ר אֵלָ֔יו אִ֚ישׁ הָֽאֱלֹהִ֔ים תִּֽיקַר־נָ֣א נַפְשִׁ֗י וְנֶ֨פֶשׁ עֲבָדֶ֥יךָֽ אֵ֛לֶּה חֲמִשִּׁ֖ים בְּעֵינֶֽיךָ׃

wayá̇֗şá̌b wayi̇şĕ̌la֛ẖ şâr־ẖàmişi֥̇̌ym şĕ̌lişǐ֖ym waẖàmişá֑̇̌yw wayȧ֡ʻal wayá̇bòʼ֩ şâr־haẖàmişi̇̌֨ym haşĕ̇̌liyşǐ֜y wayi̇kĕra֥ʻ ʻal־bi̇rĕká֣̇yw׀ lĕne֣ged ʼéliyá̇֗hẇ wayi̇ţĕẖané֤̇n ʼéláyw֙ wayĕdabé֣̇r ʼélá֔yw ʼi֚yş̌ háֽʼèlòhi֔ym ţiֽ̇yqar־ná֣ʼ napĕşǐ֗y wĕne֨peş̌ ʻàbáde֥ykáֽ ʼé֛lėh ẖàmişi֖̇̌ym bĕ̇ʻéyneֽyká׃

14
הִ֠נֵּה יָ֤רְדָה אֵשׁ֙ מִן־הַשָּׁמַ֔יִם וַ֠תֹּאכַל אֶת־שְׁנֵ֞י שָׂרֵ֧י הַחֲמִשִּׁ֛ים הָרִאשֹׁנִ֖ים וְאֶת־חֲמִשֵּׁיהֶ֑ם וְעַתָּ֕ה תִּיקַ֥ר נַפְשִׁ֖י בְּעֵינֶֽיךָ׃ ס

hi֠né̇h yá֤rĕdáh ʼéş̌֙ min־haşá̇̌ma֔yim wa֠ţò̇ʼkal ʼeţ־şĕ̌né֞y şá̂ré֧y haẖàmişi֛̇̌ym háriʼşò̌ni֖ym wĕʼeţ־ẖàmişé̇̌yhe֑m wĕʻaţá̇֕h ţi̇yqa֥r napĕşǐ֖y bĕ̇ʻéyneֽyká׃ s

15
וַיְדַבֵּ֞ר מַלְאַ֤ךְ יְהוָה֙ אֶל־אֵ֣לִיָּ֔הוּ רֵ֣ד אֹותֹ֔ו אַל־תִּירָ֖א מִפָּנָ֑יו וַיָּ֛קָם וַיֵּ֥רֶד אֹותֹ֖ו אֶל־הַמֶּֽלֶךְ׃

wayĕdabé̇֞r malĕʼa֤kĕ yĕhwáh֙ ʼel־ʼé֣liyá̇֔hẇ ré֣d ʼòwţò֔w ʼal־ţi̇yrá֖ʼ mipá̇ná֑yw wayá֛̇qám wayé֥̇red ʼòwţò֖w ʼel־hamėֽlekĕ׃

16
וַיְדַבֵּ֨ר אֵלָ֜יו כֹּֽה־אָמַ֣ר יְהוָ֗ה יַ֜עַן אֲשֶׁר־שָׁלַ֣חְתָּ מַלְאָכִים֮ לִדְרֹשׁ֮ בְּבַ֣עַל זְבוּב֮ אֱלֹהֵ֣י עֶקְרֹון֒ הַֽמִבְּלִ֤י אֵין־אֱלֹהִים֙ בְּיִשְׂרָאֵ֔ל לִדְרֹ֖שׁ בִּדְבָרֹ֑ו לָ֠כֵן הַמִּטָּ֞ה אֲשֶׁר־עָלִ֥יתָ שָּׁ֛ם לֹֽא־תֵרֵ֥ד מִמֶּ֖נָּה כִּֽי־מֹ֥ות תָּמֽוּת׃

wayĕdabé̇֨r ʼélá֜yw kòֽ̇h־ʼáma֣r yĕhwá֗h ya֜ʻan ʼàşěr־şá̌la֣ẖĕţá̇ malĕʼákiym֮ lidĕròş֮̌ bĕ̇ba֣ʻal zĕbẇb֮ ʼèlòhé֣y ʻeqĕròwn֒ haֽmibĕ̇li֤y ʼéyn־ʼèlòhiym֙ bĕ̇yişĕ̂ráʼé֔l lidĕrò֖ş̌ bi̇dĕbárò֑w lá֠kén hami̇tá̇֞h ʼàşěr־ʻáli֥yţá şá֛̇̌m lòֽʼ־ţéré֥d mimė֖ná̇h kiֽ̇y־mò֥wţ ţá̇mֽẇţ׃

17
וַיָּ֜מָת כִּדְבַ֥ר יְהוָ֣ה׀ אֲשֶׁר־דִּבֶּ֣ר אֵלִיָּ֗הוּ וַיִּמְלֹ֤ךְ יְהֹורָם֙ תַּחְתָּ֔יו פבִּשְׁנַ֣ת שְׁתַּ֔יִם לִיהֹורָ֥ם בֶּן־יְהֹושָׁפָ֖ט מֶ֣לֶךְ יְהוּדָ֑ה כִּ֛י לֹֽא־הָ֥יָה לֹ֖ו בֵּֽן׃

wayá̇֜máţ ki̇dĕba֥r yĕhwá֣h׀ ʼàşěr־di̇bė֣r ʼéliyá̇֗hẇ wayi̇mĕlò֤kĕ yĕhòwrám֙ ţȧẖĕţá̇֔yw pbi̇şĕ̌na֣ţ şĕ̌ţȧ֔yim liyhòwrá֥m bėn־yĕhòwşá̌pá֖t me֣lekĕ yĕhẇdá֑h ki֛̇y lòֽʼ־há֥yáh lò֖w béֽ̇n׃

18
וְיֶ֛תֶר דִּבְרֵ֥י אֲחַזְיָ֖הוּ אֲשֶׁ֣ר עָשָׂ֑ה הֲלֹֽוא־הֵ֣מָּה כְתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ

wĕye֛ţer di̇bĕré֥y ʼàẖazĕyá֖hẇ ʼàşě֣r ʻáşá֑̂h hàlòֽwʼ־hé֣má̇h kĕţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yişĕ̂ráʼéֽl׃ p