Bibles in ancient languages
Old translations
Modern translations

Biblia Hebraica Stuttgartensia 2 Rois 20:7

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בַּיָּמִ֣ים הָהֵ֔ם חָלָ֥ה חִזְקִיָּ֖הוּ לָמ֑וּת וַיָּבֹ֣א אֵ֠לָיו יְשַׁעְיָ֨הוּ בֶן־אָמֹ֜וץ הַנָּבִ֗יא וַיֹּ֨אמֶר אֵלָ֜יו כֹּֽה־אָמַ֤ר יְהוָה֙ צַ֣ו לְבֵיתֶ֔ךָ כִּ֛י מֵ֥ת אַתָּ֖ה וְלֹ֥א תִֽחְיֶֽה׃

bȧyá̇mi֣ym háhé֔m ẖálá֥h ẖizĕqiyá֖̇hẇ lám֑ẇţ wayá̇bò֣ʼ ʼé֠láyw yĕşǎʻĕyá֨hẇ ben־ʼámò֜wẕ haná̇bi֗yʼ wayò̇֨ʼmer ʼélá֜yw kòֽ̇h־ʼáma֤r yĕhwáh֙ ẕa֣w lĕbéyţe֔ká ki֛̇y mé֥ţ ʼaţá֖̇h wĕlò֥ʼ ţiֽẖĕyeֽh׃

2
וַיַּסֵּ֥ב אֶת־פָּנָ֖יו אֶל־הַקִּ֑יר וַיִּ֨תְפַּלֵּ֔ל אֶל־יְהוָ֖ה לֵאמֹֽר׃

wayȧsé֥̇b ʼeţ־pá̇ná֖yw ʼel־haqi֑̇yr wayi̇֨ţĕpȧlé̇֔l ʼel־yĕhwá֖h léʼmòֽr׃

3
אָנָּ֣ה יְהוָ֗ה זְכָר־נָ֞א אֵ֣ת אֲשֶׁ֧ר הִתְהַלַּ֣כְתִּי לְפָנֶ֗יךָ בֶּֽאֱמֶת֙ וּבְלֵבָ֣ב שָׁלֵ֔ם וְהַטֹּ֥וב בְּעֵינֶ֖יךָ עָשִׂ֑יתִי וַיֵּ֥בְךְּ חִזְקִיָּ֖הוּ בְּכִ֥י גָדֹֽול׃ ס

ʼáná֣̇h yĕhwá֗h zĕkár־ná֞ʼ ʼé֣ţ ʼàşě֧r hiţĕhalȧ֣kĕţi̇y lĕpáne֗yká bėֽʼèmeţ֙ ẇbĕlébá֣b şá̌lé֔m wĕhatò֥̇wb bĕ̇ʻéyne֖yká ʻáşî֑yţiy wayé֥̇bĕkĕ̇ ẖizĕqiyá֖̇hẇ bĕ̇ki֥y gádòֽwl׃ s

4
וַיְהִ֣י יְשַׁעְיָ֔הוּ לֹ֣א יָצָ֔א הָעִיר הַתִּֽיכֹנָ֑ה וּדְבַר־יְהוָ֔ה הָיָ֥ה אֵלָ֖יו לֵאמֹֽר׃

wayĕhi֣y yĕşǎʻĕyá֔hẇ lò֣ʼ yáẕá֔ʼ háʻiyr haţiֽ̇ykòná֑h ẇdĕbar־yĕhwá֔h háyá֥h ʼélá֖yw léʼmòֽr׃

5
שׁ֣וּב וְאָמַרְתָּ֞ אֶל־חִזְקִיָּ֣הוּ נְגִיד־עַמִּ֗י כֹּֽה־אָמַ֤ר יְהוָה֙ אֱלֹהֵי֙ דָּוִ֣ד אָבִ֔יךָ שָׁמַ֨עְתִּי֙ אֶת־תְּפִלָּתֶ֔ךָ רָאִ֖יתִי אֶת־דִּמְעָתֶ֑ךָ הִנְנִי֙ רֹ֣פֶא לָ֔ךְ בַּיֹּום֙ הַשְּׁלִישִׁ֔י תַּעֲלֶ֖ה בֵּ֥ית יְהוָֽה׃

ş֣̌ẇb wĕʼámarĕţá̇֞ ʼel־ẖizĕqiyá֣̇hẇ nĕgiyd־ʻami̇֗y kòֽ̇h־ʼáma֤r yĕhwáh֙ ʼèlòhéy֙ dá̇wi֣d ʼábi֔yká şá̌ma֨ʻĕţi̇y֙ ʼeţ־ţĕ̇pilá̇ţe֔ká ráʼi֖yţiy ʼeţ־di̇mĕʻáţe֑ká hinĕniy֙ rò֣peʼ lá֔kĕ bȧyò̇wm֙ haşĕ̇̌liyşǐ֔y ţȧʻàle֖h bé֥̇yţ yĕhwáֽh׃

6
וְהֹסַפְתִּ֣י עַל־יָמֶ֗יךָ חֲמֵ֤שׁ עֶשְׂרֵה֙ שָׁנָ֔ה וּמִכַּ֤ף מֶֽלֶךְ־אַשּׁוּר֙ אַצִּ֣ילְךָ֔ וְאֵ֖ת הָעִ֣יר הַזֹּ֑את וְגַנֹּותִי֙ עַל־הָעִ֣יר הַזֹּ֔את לְמַֽעֲנִ֔י וּלְמַ֖עַן דָּוִ֥ד עַבְדִּֽי׃

wĕhòsapĕţi֣̇y ʻal־yáme֗yká ẖàmé֤ş̌ ʻeşĕ̂réh֙ şá̌ná֔h ẇmikȧ֤p meֽlekĕ־ʼaş̇̌ẇr֙ ʼaẕi֣̇ylĕká֔ wĕʼé֖ţ háʻi֣yr hazò֑̇ʼţ wĕganò̇wţiy֙ ʻal־háʻi֣yr hazò̇֔ʼţ lĕmaֽʻàni֔y ẇlĕma֖ʻan dá̇wi֥d ʻabĕdiֽ̇y׃

7
וַיֹּ֣אמֶר יְשַֽׁעְיָ֔הוּ קְח֖וּ דְּבֶ֣לֶת תְּאֵנִ֑ים וַיִּקְח֛וּ וַיָּשִׂ֥ימוּ עַֽל־הַשְּׁחִ֖ין וַיֶּֽחִי׃

wayò֣̇ʼmer yĕşǎֽʻĕyá֔hẇ qĕẖ֖ẇ dĕ̇be֣leţ ţĕ̇ʼéni֑ym wayi̇qĕẖ֛ẇ wayá̇şî֥ymẇ ʻaֽl־haşĕ̇̌ẖi֖yn wayėֽẖiy׃

8
וַיֹּ֤אמֶר חִזְקִיָּ֨הוּ֙ אֶֽל־יְשַׁעְיָ֔הוּ מָ֣ה אֹ֔ות כִּֽי־יִרְפָּ֥א יְהוָ֖ה לִ֑י וְעָלִ֛יתִי בַּיֹּ֥ום הַשְּׁלִישִׁ֖י בֵּ֥ית יְהוָֽה׃

wayò֤̇ʼmer ẖizĕqiyá̇֨hẇ֙ ʼeֽl־yĕşǎʻĕyá֔hẇ má֣h ʼò֔wţ kiֽ̇y־yirĕpá֥̇ʼ yĕhwá֖h li֑y wĕʻáli֛yţiy bȧyò֥̇wm haşĕ̇̌liyşǐ֖y bé֥̇yţ yĕhwáֽh׃

9
וַיֹּ֣אמֶר יְשַׁעְיָ֗הוּ זֶה־לְּךָ֤ הָאֹות֙ מֵאֵ֣ת יְהוָ֔ה כִּ֚י יַעֲשֶׂ֣ה יְהוָ֔ה אֶת־הַדָּבָ֖ר אֲשֶׁ֣ר דִּבֵּ֑ר הָלַ֤ךְ הַצֵּל֙ עֶ֣שֶׂר מַֽעֲלֹ֔ות אִם־יָשׁ֖וּב עֶ֥שֶׂר מַעֲלֹֽות׃

wayò֣̇ʼmer yĕşǎʻĕyá֗hẇ zeh־lĕ̇ká֤ háʼòwţ֙ méʼé֣ţ yĕhwá֔h ki֚̇y yaʻàşê֣h yĕhwá֔h ʼeţ־hadá̇bá֖r ʼàşě֣r di̇bé֑̇r hála֤kĕ haẕé̇l֙ ʻe֣şêr maֽʻàlò֔wţ ʼim־yáş֖̌ẇb ʻe֥şêr maʻàlòֽwţ׃

10
וַיֹּ֨אמֶר֙ יְחִזְקִיָּ֔הוּ נָקֵ֣ל לַצֵּ֔ל לִנְטֹ֖ות עֶ֣שֶׂר מַעֲלֹ֑ות לֹ֣א כִ֔י יָשׁ֥וּב הַצֵּ֛ל אֲחֹרַנִּ֖ית עֶ֥שֶׂר מַעֲלֹֽות׃

wayò̇֨ʼmer֙ yĕẖizĕqiyá̇֔hẇ náqé֣l laẕé̇֔l linĕtò֖wţ ʻe֣şêr maʻàlò֑wţ lò֣ʼ ki֔y yáş֥̌ẇb haẕé֛̇l ʼàẖòrani֖̇yţ ʻe֥şêr maʻàlòֽwţ׃

11
וַיִּקְרָ֛א יְשַׁעְיָ֥הוּ הַנָּבִ֖יא אֶל־יְהוָ֑ה וַיָּ֣שֶׁב אֶת־הַצֵּ֗ל בַּֽ֠מַּעֲלֹות אֲשֶׁ֨ר יָרְדָ֜ה בְּמַעֲלֹ֥ות אָחָ֛ז אֲחֹֽרַנִּ֖ית עֶ֥שֶׂר מַעֲלֹֽות׃ פ

wayi̇qĕrá֛ʼ yĕşǎʻĕyá֥hẇ haná̇bi֖yʼ ʼel־yĕhwá֑h wayá֣̇şěb ʼeţ־haẕé̇֗l bȧֽ֠mȧʻàlòwţ ʼàşě֨r yárĕdá֜h bĕ̇maʻàlò֥wţ ʼáẖá֛z ʼàẖòֽrani֖̇yţ ʻe֥şêr maʻàlòֽwţ׃ p

12
בָּעֵ֣ת הַהִ֡יא שָׁלַ֡ח בְּרֹאדַ֣ךְ ֠בַּלְאֲדָן בֶּֽן־בַּלְאֲדָ֧ן מֶֽלֶךְ־בָּבֶ֛ל סְפָרִ֥ים וּמִנְחָ֖ה אֶל־חִזְקִיָּ֑הוּ כִּ֣י שָׁמַ֔ע כִּ֥י חָלָ֖ה חִזְקִיָּֽהוּ׃

bá̇ʻé֣ţ hahi֡yʼ şá̌la֡ẖ bĕ̇ròʼda֣kĕ ֠bȧlĕʼàdán bėֽn־bȧlĕʼàdá֧n meֽlekĕ־bá̇be֛l sĕpári֥ym ẇminĕẖá֖h ʼel־ẖizĕqiyá֑̇hẇ ki֣̇y şá̌ma֔ʻ ki֥̇y ẖálá֖h ẖizĕqiyáֽ̇hẇ׃

13
וַיִּשְׁמַ֣ע עֲלֵיהֶם֮ חִזְקִיָּהוּ֒ וַיַּרְאֵ֣ם אֶת־כָּל־בֵּ֣ית נכתה אֶת־הַכֶּסֶף֩ וְאֶת־הַזָּהָ֨ב וְאֶת־הַבְּשָׂמִ֜ים וְאֵ֣ת׀ שֶׁ֣מֶן הַטֹּ֗וב וְאֵת֙ בֵּ֣ית כֵּלָ֔יו וְאֵ֛ת כָּל־אֲשֶׁ֥ר נִמְצָ֖א בְּאֹֽוצְרֹתָ֑יו לֹֽא־הָיָ֣ה דָבָ֗ר אֲ֠שֶׁר לֹֽא־הֶרְאָ֧ם חִזְקִיָּ֛הוּ בְּבֵיתֹ֖ו וּבְכָל־מֶמְשַׁלְתֹּֽו׃

wayi̇şĕ̌ma֣ʻ ʻàléyhem֮ ẖizĕqiyá̇hẇ֒ wayȧrĕʼé֣m ʼeţ־ká̇l־bé֣̇yţ nkţh ʼeţ־hakėsep֩ wĕʼeţ־hazá̇há֨b wĕʼeţ־habĕ̇şá̂mi֜ym wĕʼé֣ţ׀ şě֣men hatò̇֗wb wĕʼéţ֙ bé֣̇yţ ké̇lá֔yw wĕʼé֛ţ ká̇l־ʼàşě֥r nimĕẕá֖ʼ bĕ̇ʼòֽwẕĕròţá֑yw lòֽʼ־háyá֣h dábá֗r ʼà֠şěr lòֽʼ־herĕʼá֧m ẖizĕqiyá֛̇hẇ bĕ̇béyţò֖w ẇbĕkál־memĕşǎlĕţòֽ̇w׃

14
וַיָּבֹא֙ יְשַֽׁעְיָ֣הוּ הַנָּבִ֔יא אֶל־הַמֶּ֖לֶךְ חִזְקִיָּ֑הוּ וַיֹּ֨אמֶר אֵלָ֜יו מָ֥ה אָמְר֣וּ׀ הָאֲנָשִׁ֣ים הָאֵ֗לֶּה וּמֵאַ֨יִן֙ יָבֹ֣אוּ אֵלֶ֔יךָ וַיֹּ֨אמֶר֙ חִזְקִיָּ֔הוּ מֵאֶ֧רֶץ רְחֹוקָ֛ה בָּ֖אוּ מִבָּבֶֽל׃

wayá̇bòʼ֙ yĕşǎֽʻĕyá֣hẇ haná̇bi֔yʼ ʼel־hamė֖lekĕ ẖizĕqiyá֑̇hẇ wayò̇֨ʼmer ʼélá֜yw má֥h ʼámĕr֣ẇ׀ háʼànáşǐ֣ym háʼé֗lėh ẇméʼa֨yin֙ yábò֣ʼẇ ʼéle֔yká wayò̇֨ʼmer֙ ẖizĕqiyá̇֔hẇ méʼe֧reẕ rĕẖòwqá֛h bá֖̇ʼẇ mibá̇beֽl׃

15
וַיֹּ֕אמֶר מָ֥ה רָא֖וּ בְּבֵיתֶ֑ךָ וַיֹּ֣אמֶר חִזְקִיָּ֗הוּ אֵ֣ת כָּל־אֲשֶׁ֤ר בְּבֵיתִי֙ רָא֔וּ לֹא־הָיָ֥ה דָבָ֛ר אֲשֶׁ֥ר לֹֽא־הִרְאִיתִ֖ם בְּאֹצְרֹתָֽי׃

wayò̇֕ʼmer má֥h ráʼ֖ẇ bĕ̇béyţe֑ká wayò֣̇ʼmer ẖizĕqiyá̇֗hẇ ʼé֣ţ ká̇l־ʼàşě֤r bĕ̇béyţiy֙ ráʼ֔ẇ lòʼ־háyá֥h dábá֛r ʼàşě֥r lòֽʼ־hirĕʼiyţi֖m bĕ̇ʼòẕĕròţáֽy׃

16
וַיֹּ֥אמֶר יְשַׁעְיָ֖הוּ אֶל־חִזְקִיָּ֑הוּ שְׁמַ֖ע דְּבַר־יְהוָֽה׃

wayò֥̇ʼmer yĕşǎʻĕyá֖hẇ ʼel־ẖizĕqiyá֑̇hẇ şĕ̌ma֖ʻ dĕ̇bar־yĕhwáֽh׃

17
הִנֵּה֮ יָמִ֣ים בָּאִים֒ וְנִשָּׂ֣א׀ כָּל־אֲשֶׁ֣ר בְּבֵיתֶ֗ךָ וַאֲשֶׁ֨ר אָצְר֧וּ אֲבֹתֶ֛יךָ עַד־הַיֹּ֥ום הַזֶּ֖ה בָּבֶ֑לָה לֹֽא־יִוָּתֵ֥ר דָּבָ֖ר אָמַ֥ר יְהוָֽה׃

hiné̇h֮ yámi֣ym bá̇ʼiym֒ wĕnişá֣̇̂ʼ׀ ká̇l־ʼàşě֣r bĕ̇béyţe֗ká waʼàşě֨r ʼáẕĕr֧ẇ ʼàbòţe֛yká ʻad־hayò֥̇wm hazė֖h bá̇be֑láh lòֽʼ־yiwá̇ţé֥r dá̇bá֖r ʼáma֥r yĕhwáֽh׃

18
וּמִבָּנֶ֜יךָ אֲשֶׁ֨ר יֵצְא֧וּ מִמְּךָ֛ אֲשֶׁ֥ר תֹּולִ֖יד יִקָּח וְהָיוּ֙ סָֽרִיסִ֔ים בְּהֵיכַ֖ל מֶ֥לֶךְ בָּבֶֽל׃

ẇmibá̇ne֜yká ʼàşě֨r yéẕĕʼ֧ẇ mimĕ̇ká֛ ʼàşě֥r ţò̇wli֖yd yiqá̇ẖ wĕháyẇ֙ sáֽriysi֔ym bĕ̇héyka֖l me֥lekĕ bá̇beֽl׃

19
וַיֹּ֤אמֶר חִזְקִיָּ֨הוּ֙ אֶֽל־יְשַֽׁעְיָ֔הוּ טֹ֥וב דְּבַר־יְהוָ֖ה אֲשֶׁ֣ר דִּבַּ֑רְתָּ וַיֹּ֕אמֶר הֲלֹ֛וא אִם־שָׁלֹ֥ום וֶאֱמֶ֖ת יִהְיֶ֥ה בְיָמָֽי׃

wayò֤̇ʼmer ẖizĕqiyá̇֨hẇ֙ ʼeֽl־yĕşǎֽʻĕyá֔hẇ tò֥wb dĕ̇bar־yĕhwá֖h ʼàşě֣r di̇bȧ֑rĕţá̇ wayò̇֕ʼmer hàlò֛wʼ ʼim־şá̌lò֥wm weʼème֖ţ yihĕye֥h bĕyámáֽy׃

20
וְיֶ֨תֶר דִּבְרֵ֤י חִזְקִיָּ֨הוּ֙ וְכָל־גְּב֣וּרָתֹ֔ו וַאֲשֶׁ֣ר עָשָׂ֗ה אֶת־הַבְּרֵכָה֙ וְאֶת־הַתְּעָלָ֔ה וַיָּבֵ֥א אֶת־הַמַּ֖יִם הָעִ֑ירָה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

wĕye֨ţer di̇bĕré֤y ẖizĕqiyá̇֨hẇ֙ wĕkál־gĕ̇b֣ẇráţò֔w waʼàşě֣r ʻáşá̂֗h ʼeţ־habĕ̇rékáh֙ wĕʼeţ־haţĕ̇ʻálá֔h wayá̇bé֥ʼ ʼeţ־hamȧ֖yim háʻi֑yráh hàlòʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yĕhẇdáֽh׃

21
וַיִּשְׁכַּ֥ב חִזְקִיָּ֖הוּ עִם־אֲבֹתָ֑יו וַיִּמְלֹ֛ךְ מְנַשֶּׁ֥ה בְנֹ֖ו תַּחְתָּֽיו׃ פ

wayi̇şĕ̌kȧ֥b ẖizĕqiyá֖̇hẇ ʻim־ʼàbòţá֑yw wayi̇mĕlò֛kĕ mĕnaşė֥̌h bĕnò֖w ţȧẖĕţáֽ̇yw׃ p