Bibles in ancient languages
Old translations
Modern translations

Biblia Hebraica Stuttgartensia 2 Samuel 12:25

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיִּשְׁלַ֧ח יְהוָ֛ה אֶת־נָתָ֖ן אֶל־דָּוִ֑ד וַיָּבֹ֣א אֵלָ֗יו וַיֹּ֤אמֶר לֹו֙ שְׁנֵ֣י אֲנָשִׁ֗ים הָיוּ֙ בְּעִ֣יר אֶחָ֔ת אֶחָ֥ד עָשִׁ֖יר וְאֶחָ֥ד רָֽאשׁ׃

wayi̇şĕ̌la֧ẖ yĕhwá֛h ʼeţ־náţá֖n ʼel־dá̇wi֑d wayá̇bò֣ʼ ʼélá֗yw wayò֤̇ʼmer lòw֙ şĕ̌né֣y ʼànáşǐ֗ym háyẇ֙ bĕ̇ʻi֣yr ʼeẖá֔ţ ʼeẖá֥d ʻáşǐ֖yr wĕʼeẖá֥d ráֽʼş̌׃

2
לְעָשִׁ֗יר הָיָ֛ה צֹ֥אן וּבָקָ֖ר הַרְבֵּ֥ה מְאֹֽד׃

lĕʻáşǐ֗yr háyá֛h ẕò֥ʼn ẇbáqá֖r harĕbé֥̇h mĕʼòֽd׃

3
וְלָרָ֣שׁ אֵֽין־כֹּ֗ל כִּי֩ אִם־כִּבְשָׂ֨ה אַחַ֤ת קְטַנָּה֙ אֲשֶׁ֣ר קָנָ֔ה וַיְחַיֶּ֕הָ וַתִּגְדַּ֥ל עִמֹּ֛ו וְעִם־בָּנָ֖יו יַחְדָּ֑ו מִפִּתֹּ֨ו תֹאכַ֜ל וּמִכֹּסֹ֤ו תִשְׁתֶּה֙ וּבְחֵיקֹ֣ו תִשְׁכָּ֔ב וַתְּהִי־לֹ֖ו כְּבַֽת׃

wĕlárá֣ş̌ ʼéֽyn־kò̇֗l ki̇y֩ ʼim־ki̇bĕşá̂֨h ʼaẖa֤ţ qĕtaná̇h֙ ʼàşě֣r qáná֔h wayĕẖayė֕há waţi̇gĕdȧ֥l ʻimò֛̇w wĕʻim־bá̇ná֖yw yaẖĕdá֑̇w mipi̇ţò̇֨w ţòʼka֜l ẇmikò̇sò֤w ţişĕ̌ţėh֙ ẇbĕẖéyqò֣w ţişĕ̌ká̇֔b waţĕ̇hiy־lò֖w kĕ̇baֽţ׃

4
וַיָּ֣בֹא הֵלֶךְ֮ לְאִ֣ישׁ הֶֽעָשִׁיר֒ וַיַּחְמֹ֗ל לָקַ֤חַת מִצֹּאנֹו֙ וּמִבְּקָרֹ֔ו לַעֲשֹׂ֕ות לָאֹרֵ֖חַ הַבָּא־לֹ֑ו וַיִּקַּ֗ח אֶת־כִּבְשַׂת֙ הָאִ֣ישׁ הָרָ֔אשׁ וַֽיַּעֲשֶׂ֔הָ לָאִ֖ישׁ הַבָּ֥א אֵלָֽיו׃

wayá֣̇bòʼ hélekĕ֮ lĕʼi֣yş̌ heֽʻáşǐyr֒ wayȧẖĕmò֗l láqa֤ẖaţ miẕò̇ʼnòw֙ ẇmibĕ̇qárò֔w laʻàşò̂֕wţ láʼòré֖ẖa habá̇ʼ־lò֑w wayi̇qȧ֗ẖ ʼeţ־ki̇bĕşâţ֙ háʼi֣yş̌ hárá֔ʼş̌ waֽyȧʻàşê֔há láʼi֖yş̌ habá֥̇ʼ ʼéláֽyw׃

5
וַיִּֽחַר־אַ֥ף דָּוִ֛ד בָּאִ֖ישׁ מְאֹ֑ד וַיֹּ֨אמֶר֙ אֶל־נָתָ֔ן חַי־יְהוָ֕ה כִּ֣י בֶן־מָ֔וֶת הָאִ֖ישׁ הָעֹשֶׂ֥ה זֹֽאת׃

wayiֽ̇ẖar־ʼa֥p dá̇wi֛d bá̇ʼi֖yş̌ mĕʼò֑d wayò̇֨ʼmer֙ ʼel־náţá֔n ẖay־yĕhwá֕h ki֣̇y ben־má֔weţ háʼi֖yş̌ háʻòşê֥h zòֽʼţ׃

6
וְאֶת־הַכִּבְשָׂ֖ה יְשַׁלֵּ֣ם אַרְבַּעְתָּ֑יִם עֵ֗קֶב אֲשֶׁ֤ר עָשָׂה֙ אֶת־הַדָּבָ֣ר הַזֶּ֔ה וְעַ֖ל אֲשֶׁ֥ר לֹֽא־חָמָֽל׃

wĕʼeţ־haki̇bĕşá֖̂h yĕşǎlé֣̇m ʼarĕbȧʻĕţá֑̇yim ʻé֗qeb ʼàşě֤r ʻáşá̂h֙ ʼeţ־hadá̇bá֣r hazė֔h wĕʻa֖l ʼàşě֥r lòֽʼ־ẖámáֽl׃

7
וַיֹּ֧אמֶר נָתָ֛ן אֶל־דָּוִ֖ד אַתָּ֣ה הָאִ֑ישׁ כֹּה־אָמַ֨ר יְהוָ֜ה אֱלֹהֵ֣י יִשְׂרָאֵ֗ל אָנֹכִ֞י מְשַׁחְתִּ֤יךָֽ לְמֶ֨לֶךְ֙ עַל־יִשְׂרָאֵ֔ל וְאָנֹכִ֥י הִצַּלְתִּ֖יךָ מִיַּ֥ד שָׁאֽוּל׃

wayò֧̇ʼmer náţá֛n ʼel־dá̇wi֖d ʼaţá֣̇h háʼi֑yş̌ kò̇h־ʼáma֨r yĕhwá֜h ʼèlòhé֣y yişĕ̂ráʼé֗l ʼánòki֞y mĕşǎẖĕţi֤̇ykáֽ lĕme֨lekĕ֙ ʻal־yişĕ̂ráʼé֔l wĕʼánòki֥y hiẕȧlĕţi֖̇yká miyȧ֥d şá̌ʼֽẇl׃

8
וָאֶתְּנָ֨ה לְךָ֜ אֶת־בֵּ֣ית אֲדֹנֶ֗יךָ וְאֶת־נְשֵׁ֤י אֲדֹנֶ֨יךָ֙ בְּחֵיקֶ֔ךָ וָאֶתְּנָ֣ה לְךָ֔ אֶת־בֵּ֥ית יִשְׂרָאֵ֖ל וִֽיהוּדָ֑ה וְאִ֨ם־מְעָ֔ט וְאֹסִ֥פָה לְּךָ֖ כָּהֵ֥נָּה וְכָהֵֽנָּה׃

wáʼeţĕ̇ná֨h lĕká֜ ʼeţ־bé֣̇yţ ʼàdòne֗yká wĕʼeţ־nĕşé֤̌y ʼàdòne֨yká֙ bĕ̇ẖéyqe֔ká wáʼeţĕ̇ná֣h lĕká֔ ʼeţ־bé֥̇yţ yişĕ̂ráʼé֖l wiֽyhẇdá֑h wĕʼi֨m־mĕʻá֔t wĕʼòsi֥páh lĕ̇ká֖ ká̇hé֥ná̇h wĕkáhéֽná̇h׃

9
מַדּ֜וּעַ בָּזִ֣יתָ׀ אֶת־דְּבַ֣ר יְהוָ֗ה לַעֲשֹׂ֣ות הָרַע֮ בְּעֵינֹו אֵ֣ת אוּרִיָּ֤ה הַֽחִתִּי֙ הִכִּ֣יתָ בַחֶ֔רֶב וְאֶ֨ת־אִשְׁתֹּ֔ו לָקַ֥חְתָּ לְּךָ֖ לְאִשָּׁ֑ה וְאֹתֹ֣ו הָרַ֔גְתָּ בְּחֶ֖רֶב בְּנֵ֥י עַמֹּֽון׃

maḋ֜ẇʻa bá̇zi֣yţá׀ ʼeţ־dĕ̇ba֣r yĕhwá֗h laʻàşò֣̂wţ háraʻ֮ bĕ̇ʻéynòw ʼé֣ţ ʼẇriyá֤̇h haֽẖiţi̇y֙ hiki֣̇yţá baẖe֔reb wĕʼe֨ţ־ʼişĕ̌ţò̇֔w láqa֥ẖĕţá̇ lĕ̇ká֖ lĕʼişá֑̇̌h wĕʼòţò֣w hára֔gĕţá̇ bĕ̇ẖe֖reb bĕ̇né֥y ʻamòֽ̇wn׃

10
וְעַתָּ֗ה לֹא־תָס֥וּר חֶ֛רֶב מִבֵּיתְךָ֖ עַד־עֹולָ֑ם עֵ֚קֶב כִּ֣י בְזִתָ֔נִי וַתִּקַּ֗ח אֶת־אֵ֨שֶׁת֙ אוּרִיָּ֣ה הַחִתִּ֔י לִהְיֹ֥ות לְךָ֖ לְאִשָּֽׁה׃ ס

wĕʻaţá̇֗h lòʼ־ţás֥ẇr ẖe֛reb mibé̇yţĕká֖ ʻad־ʻòwlá֑m ʻé֚qeb ki֣̇y bĕziţá֔niy waţi̇qȧ֗ẖ ʼeţ־ʼé֨şěţ֙ ʼẇriyá֣̇h haẖiţi̇֔y lihĕyò֥wţ lĕká֖ lĕʼişáֽ̇̌h׃ s

11
כֹּ֣ה׀ אָמַ֣ר יְהוָ֗ה הִנְנִי֩ מֵקִ֨ים עָלֶ֤יךָ רָעָה֙ מִבֵּיתֶ֔ךָ וְלָקַחְתִּ֤י אֶת־נָשֶׁ֨יךָ֙ לְעֵינֶ֔יךָ וְנָתַתִּ֖י לְרֵעֶ֑יךָ וְשָׁכַב֙ עִם־נָשֶׁ֔יךָ לְעֵינֵ֖י הַשֶּׁ֥מֶשׁ הַזֹּֽאת׃

kò֣̇h׀ ʼáma֣r yĕhwá֗h hinĕniy֩ méqi֨ym ʻále֤yká ráʻáh֙ mibé̇yţe֔ká wĕláqaẖĕţi֤̇y ʼeţ־náşě֨yká֙ lĕʻéyne֔yká wĕnáţaţi֖̇y lĕréʻe֑yká wĕşá̌kab֙ ʻim־náşě֔yká lĕʻéyné֖y haşė֥̌meş̌ hazòֽ̇ʼţ׃

12
כִּ֥י אַתָּ֖ה עָשִׂ֣יתָ בַסָּ֑תֶר וַאֲנִ֗י אֶעֱשֶׂה֙ אֶת־הַדָּבָ֣ר הַזֶּ֔ה נֶ֥גֶד כָּל־יִשְׂרָאֵ֖ל וְנֶ֥גֶד הַשָּֽׁמֶשׁ׃ ס

ki֥̇y ʼaţá֖̇h ʻáşî֣yţá basá֑̇ţer waʼàni֗y ʼeʻèşêh֙ ʼeţ־hadá̇bá֣r hazė֔h ne֥ged ká̇l־yişĕ̂ráʼé֖l wĕne֥ged haşáֽ̇̌meş̌׃ s

13
וַיֹּ֤אמֶר דָּוִד֙ אֶל־נָתָ֔ן חָטָ֖אתִי לַֽיהוָ֑ה סוַיֹּ֨אמֶר נָתָ֜ן אֶל־דָּוִ֗ד גַּם־יְהוָ֛ה הֶעֱבִ֥יר חַטָּאתְךָ֖ לֹ֥א תָמֽוּת׃

wayò֤̇ʼmer dá̇wid֙ ʼel־náţá֔n ẖátá֖ʼţiy laֽyhwá֑h swayò̇֨ʼmer náţá֜n ʼel־dá̇wi֗d gȧm־yĕhwá֛h heʻèbi֥yr ẖatá̇ʼţĕká֖ lò֥ʼ ţámֽẇţ׃

14
אֶ֗פֶס כִּֽי־נִאֵ֤ץ נִאַ֨צְתָּ֙ אֶת־אֹיְבֵ֣י יְהוָ֔ה בַּדָּבָ֖ר הַזֶּ֑ה גַּ֗ם הַבֵּ֛ן הַיִּלֹּ֥וד לְךָ֖ מֹ֥ות יָמֽוּת׃

ʼe֗pes kiֽ̇y־niʼé֤ẕ niʼa֨ẕĕţá̇֙ ʼeţ־ʼòyĕbé֣y yĕhwá֔h bȧdá̇bá֖r hazė֑h gȧ֗m habé֛̇n hayi̇lò֥̇wd lĕká֖ mò֥wţ yámֽẇţ׃

15
וַיֵּ֥לֶךְ נָתָ֖ן אֶל־בֵּיתֹ֑ו וַיִּגֹּ֣ף יְהוָ֗ה אֶת־הַיֶּ֜לֶד אֲשֶׁ֨ר יָלְדָ֧ה אֵֽשֶׁת־אוּרִיָּ֛ה לְדָוִ֖ד וַיֵּאָנַֽשׁ׃

wayé֥̇lekĕ náţá֖n ʼel־bé̇yţò֑w wayi̇gò֣̇p yĕhwá֗h ʼeţ־hayė֜led ʼàşě֨r yálĕdá֧h ʼéֽşěţ־ʼẇriyá֛̇h lĕdáwi֖d wayé̇ʼánaֽş̌׃

16
וַיְבַקֵּ֥שׁ דָּוִ֛ד אֶת־הָאֱלֹהִ֖ים בְּעַ֣ד הַנָּ֑עַר וַיָּ֤צָם דָּוִד֙ צֹ֔ום וּבָ֥א וְלָ֖ן וְשָׁכַ֥ב אָֽרְצָה׃

wayĕbaqé֥̇ş̌ dá̇wi֛d ʼeţ־háʼèlòhi֖ym bĕ̇ʻa֣d haná֑̇ʻar wayá֤̇ẕám dá̇wid֙ ẕò֔wm ẇbá֥ʼ wĕlá֖n wĕşá̌ka֥b ʼáֽrĕẕáh׃

17
וַיָּקֻ֜מוּ זִקְנֵ֤י בֵיתֹו֙ עָלָ֔יו לַהֲקִימֹ֖ו מִן־הָאָ֑רֶץ וְלֹ֣א אָבָ֔ה וְלֹֽא־בָרָ֥א אִתָּ֖ם לָֽחֶם׃

wayá̇qu֜mẇ ziqĕné֤y béyţòw֙ ʻálá֔yw lahàqiymò֖w min־háʼá֑reẕ wĕlò֣ʼ ʼábá֔h wĕlòֽʼ־bárá֥ʼ ʼiţá֖̇m láֽẖem׃

18
וַיְהִ֛י בַּיֹּ֥ום הַשְּׁבִיעִ֖י וַיָּ֣מָת הַיָּ֑לֶד וַיִּֽרְאוּ֩ עַבְדֵ֨י דָוִ֜ד לְהַגִּ֥יד לֹ֣ו׀ כִּי־מֵ֣ת הַיֶּ֗לֶד כִּ֤י אָֽמְרוּ֙ הִנֵּה֩ בִהְיֹ֨ות הַיֶּ֜לֶד חַ֗י דִּבַּ֤רְנוּ אֵלָיו֙ וְלֹא־שָׁמַ֣ע בְּקֹולֵ֔נוּ וְאֵ֨יךְ נֹאמַ֥ר אֵלָ֛יו מֵ֥ת הַיֶּ֖לֶד וְעָשָׂ֥ה רָעָֽה׃

wayĕhi֛y bȧyò֥̇wm haşĕ̇̌biyʻi֖y wayá֣̇máţ hayá֑̇led wayiֽ̇rĕʼẇ֩ ʻabĕdé֨y dáwi֜d lĕhagi֥̇yd lò֣w׀ ki̇y־mé֣ţ hayė֗led ki֤̇y ʼáֽmĕrẇ֙ hiné̇h֩ bihĕyò֨wţ hayė֜led ẖa֗y di̇bȧ֤rĕnẇ ʼéláyw֙ wĕlòʼ־şá̌ma֣ʻ bĕ̇qòwlé֔nẇ wĕʼé֨ykĕ nòʼma֥r ʼélá֛yw mé֥ţ hayė֖led wĕʻáşá֥̂h ráʻáֽh׃

19
וַיַּ֣רְא דָּוִ֗ד כִּ֤י עֲבָדָיו֙ מִֽתְלַחֲשִׁ֔ים וַיָּ֥בֶן דָּוִ֖ד כִּ֣י מֵ֣ת הַיָּ֑לֶד וַיֹּ֨אמֶר דָּוִ֧ד אֶל־עֲבָדָ֛יו הֲמֵ֥ת הַיֶּ֖לֶד וַיֹּ֥אמְרוּ מֵֽת׃

wayȧ֣rĕʼ dá̇wi֗d ki֤̇y ʻàbádáyw֙ miֽţĕlaẖàşǐ֔ym wayá֥̇ben dá̇wi֖d ki֣̇y mé֣ţ hayá֑̇led wayò̇֨ʼmer dá̇wi֧d ʼel־ʻàbádá֛yw hàmé֥ţ hayė֖led wayò֥̇ʼmĕrẇ méֽţ׃

20
וַיָּקָם֩ דָּוִ֨ד מֵהָאָ֜רֶץ וַיִּרְחַ֣ץ וַיָּ֗סֶךְ וַיְחַלֵּף֙ שִׂמְלֹתֹו וַיָּבֹ֥א בֵית־יְהוָ֖ה וַיִּשְׁתָּ֑חוּ וַיָּבֹא֙ אֶל־בֵּיתֹ֔ו וַיִּשְׁאַ֕ל וַיָּשִׂ֥ימוּ לֹ֛ו לֶ֖חֶם וַיֹּאכַֽל׃

wayá̇qám֩ dá̇wi֨d méháʼá֜reẕ wayi̇rĕẖa֣ẕ wayá̇֗sekĕ wayĕẖalé̇p֙ şîmĕlòţòw wayá̇bò֥ʼ béyţ־yĕhwá֖h wayi̇şĕ̌ţá֑̇ẖẇ wayá̇bòʼ֙ ʼel־bé̇yţò֔w wayi̇şĕ̌ʼa֕l wayá̇şî֥ymẇ lò֛w le֖ẖem wayò̇ʼkaֽl׃

21
וַיֹּאמְר֤וּ עֲבָדָיו֙ אֵלָ֔יו מָֽה־הַדָּבָ֥ר הַזֶּ֖ה אֲשֶׁ֣ר עָשִׂ֑יתָה בַּעֲב֞וּר הַיֶּ֤לֶד חַי֙ צַ֣מְתָּ וַתֵּ֔בְךְּ וְכַֽאֲשֶׁר֙ מֵ֣ת הַיֶּ֔לֶד קַ֖מְתָּ וַתֹּ֥אכַל לָֽחֶם׃

wayò̇ʼmĕr֤ẇ ʻàbádáyw֙ ʼélá֔yw máֽh־hadá̇bá֥r hazė֖h ʼàşě֣r ʻáşî֑yţáh bȧʻàb֞ẇr hayė֤led ẖay֙ ẕa֣mĕţá̇ waţé̇֔bĕkĕ̇ wĕkaֽʼàşěr֙ mé֣ţ hayė֔led qa֖mĕţá̇ waţò֥̇ʼkal láֽẖem׃

22
וַיֹּ֕אמֶר בְּעֹוד֙ הַיֶּ֣לֶד חַ֔י צַ֖מְתִּי וָֽאֶבְכֶּ֑ה כִּ֤י אָמַ֨רְתִּי֙ מִ֣י יֹודֵ֔עַ יְחָנַּנִי יְהוָ֖ה וְחַ֥י הַיָּֽלֶד׃

wayò̇֕ʼmer bĕ̇ʻòwd֙ hayė֣led ẖa֔y ẕa֖mĕţi̇y wáֽʼebĕkė֑h ki֤̇y ʼáma֨rĕţi̇y֙ mi֣y yòwdé֔ʻa yĕẖánȧniy yĕhwá֖h wĕẖa֥y hayáֽ̇led׃

23
וְעַתָּ֣ה׀ מֵ֗ת לָ֤מָּה זֶּה֙ אֲנִ֣י צָ֔ם הַאוּכַ֥ל לַהֲשִׁיבֹ֖ו עֹ֑וד אֲנִי֙ הֹלֵ֣ךְ אֵלָ֔יו וְה֖וּא לֹֽא־יָשׁ֥וּב אֵלָֽי׃

wĕʻaţá֣̇h׀ mé֗ţ lá֤má̇h zėh֙ ʼàni֣y ẕá֔m haʼẇka֥l lahàşǐybò֖w ʻò֑wd ʼàniy֙ hòlé֣kĕ ʼélá֔yw wĕh֖ẇʼ lòֽʼ־yáş֥̌ẇb ʼéláֽy׃

24
וַיְנַחֵ֣ם דָּוִ֗ד אֵ֚ת בַּת־שֶׁ֣בַע אִשְׁתֹּ֔ו וַיָּבֹ֥א אֵלֶ֖יהָ וַיִּשְׁכַּ֣ב עִמָּ֑הּ וַתֵּ֣לֶד בֵּ֗ן וַיִּקְרָא אֶת־שְׁמֹו֙ שְׁלֹמֹ֔ה וַיהוָ֖ה אֲהֵבֹֽו׃

wayĕnaẖé֣m dá̇wi֗d ʼé֚ţ bȧţ־şě֣baʻ ʼişĕ̌ţò̇֔w wayá̇bò֥ʼ ʼéle֖yhá wayi̇şĕ̌kȧ֣b ʻimá֑̇ḣ waţé֣̇led bé̇֗n wayi̇qĕráʼ ʼeţ־şĕ̌mòw֙ şĕ̌lòmò֔h wayhwá֖h ʼàhébòֽw׃

25
וַיִּשְׁלַ֗ח בְּיַד֙ נָתָ֣ן הַנָּבִ֔יא וַיִּקְרָ֥א אֶת־שְׁמֹ֖ו יְדִ֣ידְיָ֑הּ בַּעֲב֖וּר יְהוָֽה׃ פ

wayi̇şĕ̌la֗ẖ bĕ̇yad֙ náţá֣n haná̇bi֔yʼ wayi̇qĕrá֥ʼ ʼeţ־şĕ̌mò֖w yĕdi֣ydĕyá֑ḣ bȧʻàb֖ẇr yĕhwáֽh׃ p

26
וַיִּלָּ֣חֶם יֹואָ֔ב בְּרַבַּ֖ת בְּנֵ֣י עַמֹּ֑ון וַיִּלְכֹּ֖ד אֶת־עִ֥יר הַמְּלוּכָֽה׃

wayi̇lá֣̇ẖem yòwʼá֔b bĕ̇rabȧ֖ţ bĕ̇né֣y ʻamò֑̇wn wayi̇lĕkò֖̇d ʼeţ־ʻi֥yr hamĕ̇lẇkáֽh׃

27
וַיִּשְׁלַ֥ח יֹואָ֛ב מַלְאָכִ֖ים אֶל־דָּוִ֑ד וַיֹּ֨אמֶר֙ נִלְחַ֣מְתִּי בְרַבָּ֔ה גַּם־לָכַ֖דְתִּי אֶת־עִ֥יר הַמָּֽיִם׃

wayi̇şĕ̌la֥ẖ yòwʼá֛b malĕʼáki֖ym ʼel־dá̇wi֑d wayò̇֨ʼmer֙ nilĕẖa֣mĕţi̇y bĕrabá̇֔h gȧm־láka֖dĕţi̇y ʼeţ־ʻi֥yr hamáֽ̇yim׃

28
וְעַתָּ֗ה אֱסֹף֙ אֶת־יֶ֣תֶר הָעָ֔ם וַחֲנֵ֥ה עַל־הָעִ֖יר וְלָכְדָ֑הּ פֶּן־אֶלְכֹּ֤ד אֲנִי֙ אֶת־הָעִ֔יר וְנִקְרָ֥א שְׁמִ֖י עָלֶֽיהָ׃

wĕʻaţá̇֗h ʼèsòp֙ ʼeţ־ye֣ţer háʻá֔m waẖàné֥h ʻal־háʻi֖yr wĕlákĕdá֑ḣ pėn־ʼelĕkò֤̇d ʼàniy֙ ʼeţ־háʻi֔yr wĕniqĕrá֥ʼ şĕ̌mi֖y ʻáleֽyhá׃

29
וַיֶּאֱסֹ֥ף דָּוִ֛ד אֶת־כָּל־הָעָ֖ם וַיֵּ֣לֶךְ רַבָּ֑תָה וַיִּלָּ֥חֶם בָּ֖הּ וַֽיִּלְכְּדָֽהּ׃

wayėʼèsò֥p dá̇wi֛d ʼeţ־ká̇l־háʻá֖m wayé֣̇lekĕ rabá֑̇ţáh wayi̇lá֥̇ẖem bá֖̇ḣ waֽyi̇lĕkĕ̇dáֽḣ׃

30
וַיִּקַּ֣ח אֶת־עֲטֶֽרֶת־מַלְכָּם֩ מֵעַ֨ל רֹאשֹׁ֜ו וּמִשְׁקָלָ֨הּ כִּכַּ֤ר זָהָב֙ וְאֶ֣בֶן יְקָרָ֔ה וַתְּהִ֖י עַל־רֹ֣אשׁ דָּוִ֑ד וּשְׁלַ֥ל הָעִ֛יר הֹוצִ֖יא הַרְבֵּ֥ה מְאֹֽד׃

wayi̇qȧ֣ẖ ʼeţ־ʻàteֽreţ־malĕká̇m֩ méʻa֨l ròʼşò̌֜w ẇmişĕ̌qálá֨ḣ ki̇kȧ֤r záháb֙ wĕʼe֣ben yĕqárá֔h waţĕ̇hi֖y ʻal־rò֣ʼş̌ dá̇wi֑d ẇşĕ̌la֥l háʻi֛yr hòwẕi֖yʼ harĕbé֥̇h mĕʼòֽd׃

31
וְאֶת־הָעָ֨ם אֲשֶׁר־בָּ֜הּ הֹוצִ֗יא וַיָּ֣שֶׂם בַּ֠מְּגֵרָה וּבַחֲרִצֵ֨י הַבַּרְזֶ֜ל וּֽבְמַגְזְרֹ֣ת הַבַּרְזֶ֗ל וְהֶעֱבִ֤יר אֹותָם֙ בַּמַּלְכֶּן וְכֵ֣ן יַעֲשֶׂ֔ה לְכֹ֖ל עָרֵ֣י בְנֵֽי־עַמֹּ֑ון וַיָּ֧שָׁב דָּוִ֛ד וְכָל־הָעָ֖ם יְרוּשָׁלִָֽם׃ פ

wĕʼeţ־háʻá֨m ʼàşěr־bá̇֜ḣ hòwẕi֗yʼ wayá֣̇şêm bȧ֠mĕ̇géráh ẇbaẖàriẕé֨y habȧrĕze֜l ẇֽbĕmagĕzĕrò֣ţ habȧrĕze֗l wĕheʻèbi֤yr ʼòwţám֙ bȧmȧlĕkėn wĕké֣n yaʻàşê֔h lĕkò֖l ʻáré֣y bĕnéֽy־ʻamò֑̇wn wayá֧̇şá̌b dá̇wi֛d wĕkál־háʻá֖m yĕrẇşá̌láֽim׃ p