Bibles in ancient languages
Old translations
Modern translations

Biblia Hebraica Stuttgartensia 2 Samuel 13:33

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֣י אַֽחֲרֵי־כֵ֗ן וּלְאַבְשָׁלֹ֧ום בֶּן־דָּוִ֛ד אָחֹ֥ות יָפָ֖ה וּשְׁמָ֣הּ תָּמָ֑ר וַיֶּאֱהָבֶ֖הָ אַמְנֹ֥ון בֶּן־דָּוִֽד׃

wayĕhi֣y ʼaֽẖàréy־ké֗n ẇlĕʼabĕşá̌lò֧wm bėn־dá̇wi֛d ʼáẖò֥wţ yápá֖h ẇşĕ̌má֣ḣ ţá̇má֑r wayėʼèhábe֖há ʼamĕnò֥wn bėn־dá̇wiֽd׃

2
וַיֵּ֨צֶר לְאַמְנֹ֜ון לְהִתְחַלֹּ֗ות בַּֽעֲבוּר֙ תָּמָ֣ר אֲחֹתֹ֔ו כִּ֥י בְתוּלָ֖ה הִ֑יא וַיִּפָּלֵא֙ בְּעֵינֵ֣י אַמְנֹ֔ון לַעֲשֹׂ֥ות לָ֖הּ מְאֽוּמָה׃

wayé̇֨ẕer lĕʼamĕnò֜wn lĕhiţĕẖalò̇֗wţ bȧֽʻàbẇr֙ ţá̇má֣r ʼàẖòţò֔w ki֥̇y bĕţẇlá֖h hi֑yʼ wayi̇pá̇léʼ֙ bĕ̇ʻéyné֣y ʼamĕnò֔wn laʻàşò֥̂wţ lá֖ḣ mĕʼֽẇmáh׃

3
וּלְאַמְנֹ֣ון רֵ֗עַ וּשְׁמֹו֙ יֹֽונָדָ֔ב בֶּן־שִׁמְעָ֖ה אֲחִ֣י דָוִ֑ד וְיֹ֣ונָדָ֔ב אִ֥ישׁ חָכָ֖ם מְאֹֽד׃

ẇlĕʼamĕnò֣wn ré֗ʻa ẇşĕ̌mòw֙ yòֽwnádá֔b bėn־şǐmĕʻá֖h ʼàẖi֣y dáwi֑d wĕyò֣wnádá֔b ʼi֥yş̌ ẖáká֖m mĕʼòֽd׃

4
וַיֹּ֣אמֶר לֹ֗ו מַדּ֣וּעַ אַ֠תָּה כָּ֣כָה דַּ֤ל בֶּן־הַמֶּ֨לֶךְ֙ בַּבֹּ֣קֶר בַּבֹּ֔קֶר הֲלֹ֖וא תַּגִּ֣יד לִ֑י וַיֹּ֤אמֶר לֹו֙ אַמְנֹ֔ון אֶת־תָּמָ֗ר אֲחֹ֛ות אַבְשָׁלֹ֥ם אָחִ֖י אֲנִ֥י אֹהֵֽב׃

wayò֣̇ʼmer lò֗w maḋ֣ẇʻa ʼa֠ţá̇h ká֣̇káh dȧ֤l bėn־hamė֨lekĕ֙ bȧbò֣̇qer bȧbò̇֔qer hàlò֖wʼ ţȧgi֣̇yd li֑y wayò֤̇ʼmer lòw֙ ʼamĕnò֔wn ʼeţ־ţá̇má֗r ʼàẖò֛wţ ʼabĕşá̌lò֥m ʼáẖi֖y ʼàni֥y ʼòhéֽb׃

5
וַיֹּ֤אמֶר לֹו֙ יְהֹ֣ונָדָ֔ב שְׁכַ֥ב עַל־מִשְׁכָּבְךָ֖ וְהִתְחָ֑ל וּבָ֧א אָבִ֣יךָ לִרְאֹותֶ֗ךָ וְאָמַרְתָּ֣ אֵלָ֡יו תָּ֣בֹא נָא֩ תָמָ֨ר אֲחֹותִ֜י וְתַבְרֵ֣נִי לֶ֗חֶם וְעָשְׂתָ֤ה לְעֵינַי֙ אֶת־הַבִּרְיָ֔ה לְמַ֨עַן֙ אֲשֶׁ֣ר אֶרְאֶ֔ה וְאָכַלְתִּ֖י מִיָּדָֽהּ׃

wayò֤̇ʼmer lòw֙ yĕhò֣wnádá֔b şĕ̌ka֥b ʻal־mişĕ̌ká̇bĕká֖ wĕhiţĕẖá֑l ẇbá֧ʼ ʼábi֣yká lirĕʼòwţe֗ká wĕʼámarĕţá֣̇ ʼélá֡yw ţá֣̇bòʼ náʼ֩ ţámá֨r ʼàẖòwţi֜y wĕţabĕré֣niy le֗ẖem wĕʻáşĕ̂ţá֤h lĕʻéynay֙ ʼeţ־habi̇rĕyá֔h lĕma֨ʻan֙ ʼàşě֣r ʼerĕʼe֔h wĕʼákalĕţi֖̇y miyá̇dáֽḣ׃

6
וַיִּשְׁכַּ֥ב אַמְנֹ֖ון וַיִּתְחָ֑ל וַיָּבֹ֨א הַמֶּ֜לֶךְ לִרְאֹתֹ֗ו וַיֹּ֨אמֶר אַמְנֹ֤ון אֶל־הַמֶּ֨לֶךְ֙ תָּֽבֹוא־נָ֞א תָּמָ֣ר אֲחֹתִ֗י וּתְלַבֵּ֤ב לְעֵינַי֙ שְׁתֵּ֣י לְבִבֹ֔ות וְאֶבְרֶ֖ה מִיָּדָֽהּ׃

wayi̇şĕ̌kȧ֥b ʼamĕnò֖wn wayi̇ţĕẖá֑l wayá̇bò֨ʼ hamė֜lekĕ lirĕʼòţò֗w wayò̇֨ʼmer ʼamĕnò֤wn ʼel־hamė֨lekĕ֙ ţáֽ̇bòwʼ־ná֞ʼ ţá̇má֣r ʼàẖòţi֗y ẇţĕlabé֤̇b lĕʻéynay֙ şĕ̌ţé֣̇y lĕbibò֔wţ wĕʼebĕre֖h miyá̇dáֽḣ׃

7
וַיִּשְׁלַ֥ח דָּוִ֛ד אֶל־תָּמָ֖ר הַבַּ֣יְתָה לֵאמֹ֑ר לְכִ֣י נָ֗א בֵּ֚ית אַמְנֹ֣ון אָחִ֔יךְ וַעֲשִׂי־לֹ֖ו הַבִּרְיָֽה׃

wayi̇şĕ̌la֥ẖ dá̇wi֛d ʼel־ţá̇má֖r habȧ֣yĕţáh léʼmò֑r lĕki֣y ná֗ʼ bé֚̇yţ ʼamĕnò֣wn ʼáẖi֔ykĕ waʻàşîy־lò֖w habi̇rĕyáֽh׃

8
וַתֵּ֣לֶךְ תָּמָ֗ר בֵּ֛ית אַמְנֹ֥ון אָחִ֖יהָ וְה֣וּא שֹׁכֵ֑ב וַתִּקַּ֨ח אֶת־הַבָּצֵ֤ק וַתָּלֹושׁ וַתְּלַבֵּ֣ב לְעֵינָ֔יו וַתְּבַשֵּׁ֖ל אֶת־הַלְּבִבֹֽות׃

waţé֣̇lekĕ ţá̇má֗r bé֛̇yţ ʼamĕnò֥wn ʼáẖi֖yhá wĕh֣ẇʼ şò̌ké֑b waţi̇qȧ֨ẖ ʼeţ־habá̇ẕé֤q waţá̇lòwş̌ waţĕ̇labé֣̇b lĕʻéyná֔yw waţĕ̇başé֖̇̌l ʼeţ־halĕ̇bibòֽwţ׃

9
וַתִּקַּ֤ח אֶת־הַמַּשְׂרֵת֙ וַתִּצֹ֣ק לְפָנָ֔יו וַיְמָאֵ֖ן לֶאֱכֹ֑ול וַיֹּ֣אמֶר אַמְנֹ֗ון הֹוצִ֤יאוּ כָל־אִישׁ֙ מֵֽעָלַ֔י וַיֵּצְא֥וּ כָל־אִ֖ישׁ מֵעָלָֽיו׃

waţi̇qȧ֤ẖ ʼeţ־hamȧşĕ̂réţ֙ waţi̇ẕò֣q lĕpáná֔yw wayĕmáʼé֖n leʼèkò֑wl wayò֣̇ʼmer ʼamĕnò֗wn hòwẕi֤yʼẇ kál־ʼiyş̌֙ méֽʻála֔y wayé̇ẕĕʼ֥ẇ kál־ʼi֖yş̌ méʻáláֽyw׃

10
וַיֹּ֨אמֶר אַמְנֹ֜ון אֶל־תָּמָ֗ר הָבִ֤יאִי הַבִּרְיָה֙ הַחֶדֶ֔ר וְאֶבְרֶ֖ה מִיָּדֵ֑ךְ וַתִּקַּ֣ח תָּמָ֗ר אֶת־הַלְּבִבֹות֙ אֲשֶׁ֣ר עָשָׂ֔תָה וַתָּבֵ֛א לְאַמְנֹ֥ון אָחִ֖יהָ הֶחָֽדְרָה׃

wayò̇֨ʼmer ʼamĕnò֜wn ʼel־ţá̇má֗r hábi֤yʼiy habi̇rĕyáh֙ haẖede֔r wĕʼebĕre֖h miyá̇dé֑kĕ waţi̇qȧ֣ẖ ţá̇má֗r ʼeţ־halĕ̇bibòwţ֙ ʼàşě֣r ʻáşá̂֔ţáh waţá̇bé֛ʼ lĕʼamĕnò֥wn ʼáẖi֖yhá heẖáֽdĕráh׃

11
וַתַּגֵּ֥שׁ אֵלָ֖יו לֶֽאֱכֹ֑ל וַיַּֽחֲזֶק־בָּהּ֙ וַיֹּ֣אמֶר לָ֔הּ בֹּ֛ואִי שִׁכְבִ֥י עִמִּ֖י אֲחֹותִֽי׃

waţȧgé֥̇ş̌ ʼélá֖yw leֽʼèkò֑l wayȧֽẖàzeq־bá̇ḣ֙ wayò֣̇ʼmer lá֔ḣ bò֛̇wʼiy şǐkĕbi֥y ʻimi֖̇y ʼàẖòwţiֽy׃

12
וַתֹּ֣אמֶר לֹ֗ו אַל־אָחִי֙ אַל־תְּעַנֵּ֔נִי כִּ֛י לֹא־יֵֽעָשֶׂ֥ה כֵ֖ן בְּיִשְׂרָאֵ֑ל אַֽל־תַּעֲשֵׂ֖ה אֶת־הַנְּבָלָ֥ה הַזֹּֽאת׃

waţò֣̇ʼmer lò֗w ʼal־ʼáẖiy֙ ʼal־ţĕ̇ʻané̇֔niy ki֛̇y lòʼ־yéֽʻáşê֥h ké֖n bĕ̇yişĕ̂ráʼé֑l ʼaֽl־ţȧʻàşé֖̂h ʼeţ־hanĕ̇bálá֥h hazòֽ̇ʼţ׃

13
וַאֲנִ֗י אָ֤נָה אֹולִיךְ֙ אֶת־חֶרְפָּתִ֔י וְאַתָּ֗ה תִּהְיֶ֛ה כְּאַחַ֥ד הַנְּבָלִ֖ים בְּיִשְׂרָאֵ֑ל וְעַתָּה֙ דַּבֶּר־נָ֣א אֶל־הַמֶּ֔לֶךְ כִּ֛י לֹ֥א יִמְנָעֵ֖נִי מִמֶּֽךָּ׃

waʼàni֗y ʼá֤náh ʼòwliykĕ֙ ʼeţ־ẖerĕpá̇ţi֔y wĕʼaţá̇֗h ţi̇hĕye֛h kĕ̇ʼaẖa֥d hanĕ̇báli֖ym bĕ̇yişĕ̂ráʼé֑l wĕʻaţá̇h֙ dȧbėr־ná֣ʼ ʼel־hamė֔lekĕ ki֛̇y lò֥ʼ yimĕnáʻé֖niy mimėֽká̇׃

14
וְלֹ֥א אָבָ֖ה לִשְׁמֹ֣עַ בְּקֹולָ֑הּ וַיֶּחֱזַ֤ק מִמֶּ֨נָּה֙ וַיְעַנֶּ֔הָ וַיִּשְׁכַּ֖ב אֹתָֽהּ׃

wĕlò֥ʼ ʼábá֖h lişĕ̌mò֣ʻa bĕ̇qòwlá֑ḣ wayėẖèza֤q mimė֨ná̇h֙ wayĕʻanė֔há wayi̇şĕ̌kȧ֖b ʼòţáֽḣ׃

15
וַיִּשְׂנָאֶ֣הָ אַמְנֹ֗ון שִׂנְאָה֙ גְּדֹולָ֣ה מְאֹ֔ד כִּ֣י גְדֹולָ֗ה הַשִּׂנְאָה֙ אֲשֶׁ֣ר שְׂנֵאָ֔הּ מֵאַהֲבָ֖ה אֲשֶׁ֣ר אֲהֵבָ֑הּ וַֽיֹּאמֶר־לָ֥הּ אַמְנֹ֖ון ק֥וּמִי לֵֽכִי׃

wayi̇şĕ̂náʼe֣há ʼamĕnò֗wn şînĕʼáh֙ gĕ̇dòwlá֣h mĕʼò֔d ki֣̇y gĕdòwlá֗h haşi̇̂nĕʼáh֙ ʼàşě֣r şĕ̂néʼá֔ḣ méʼahàbá֖h ʼàşě֣r ʼàhébá֑ḣ waֽyò̇ʼmer־lá֥ḣ ʼamĕnò֖wn q֥ẇmiy léֽkiy׃

16
וַתֹּ֣אמֶר לֹ֗ו אַל־אֹודֹ֞ת הָרָעָ֤ה הַגְּדֹולָה֙ הַזֹּ֔את מֵאַחֶ֛רֶת אֲשֶׁר־עָשִׂ֥יתָ עִמִּ֖י לְשַׁלְּחֵ֑נִי וְלֹ֥א אָבָ֖ה לִשְׁמֹ֥עַֽ לָֽהּ׃

waţò֣̇ʼmer lò֗w ʼal־ʼòwdò֞ţ háráʻá֤h hagĕ̇dòwláh֙ hazò̇֔ʼţ méʼaẖe֛reţ ʼàşěr־ʻáşî֥yţá ʻimi֖̇y lĕşǎlĕ̇ẖé֑niy wĕlò֥ʼ ʼábá֖h lişĕ̌mò֥ʻaֽ láֽḣ׃

17
וַיִּקְרָ֗א אֶֽת־נַעֲרֹו֙ מְשָׁ֣רְתֹ֔ו וַיֹּ֕אמֶר שִׁלְחוּ־נָ֥א אֶת־זֹ֛את מֵעָלַ֖י הַח֑וּצָה וּנְעֹ֥ל הַדֶּ֖לֶת אַחֲרֶֽיהָ׃

wayi̇qĕrá֗ʼ ʼeֽţ־naʻàròw֙ mĕşá֣̌rĕţò֔w wayò̇֕ʼmer şǐlĕẖẇ־ná֥ʼ ʼeţ־zò֛ʼţ méʻála֖y haẖ֑ẇẕáh ẇnĕʻò֥l hadė֖leţ ʼaẖàreֽyhá׃

18
וְעָלֶ֨יהָ֙ כְּתֹ֣נֶת פַּסִּ֔ים כִּי֩ כֵ֨ן תִּלְבַּ֧שְׁןָ בְנֹות־הַמֶּ֛לֶךְ הַבְּתוּלֹ֖ת מְעִילִ֑ים וַיֹּצֵ֨א אֹותָ֤הּ מְשָֽׁרְתֹו֙ הַח֔וּץ וְנָעַ֥ל הַדֶּ֖לֶת אַחֲרֶֽיהָ׃

wĕʻále֨yhá֙ kĕ̇ţò֣neţ pȧsi̇֔ym ki̇y֩ ké֨n ţi̇lĕbȧ֧şĕ̌ná bĕnòwţ־hamė֛lekĕ habĕ̇ţẇlò֖ţ mĕʻiyli֑ym wayò̇ẕé֨ʼ ʼòwţá֤ḣ mĕşáֽ̌rĕţòw֙ haẖ֔ẇẕ wĕnáʻa֥l hadė֖leţ ʼaẖàreֽyhá׃

19
וַתִּקַּ֨ח תָּמָ֥ר אֵ֨פֶר֙ עַל־רֹאשָׁ֔הּ וּכְתֹ֧נֶת הַפַּסִּ֛ים אֲשֶׁ֥ר עָלֶ֖יהָ קָרָ֑עָה וַתָּ֤שֶׂם יָדָהּ֙ עַל־רֹאשָׁ֔הּ וַתֵּ֥לֶךְ הָלֹ֖וךְ וְזָעָֽקָה׃

waţi̇qȧ֨ẖ ţá̇má֥r ʼé֨per֙ ʻal־ròʼşá̌֔ḣ ẇkĕţò֧neţ hapȧsi֛̇ym ʼàşě֥r ʻále֖yhá qárá֑ʻáh waţá֤̇şêm yádáḣ֙ ʻal־ròʼşá̌֔ḣ waţé֥̇lekĕ hálò֖wkĕ wĕzáʻáֽqáh׃

20
וַיֹּ֨אמֶר אֵלֶ֜יהָ אַבְשָׁלֹ֣ום אָחִ֗יהָ הַאֲמִינֹ֣ון אָחִיךְ֮ הָיָ֣ה עִמָּךְ֒ וְעַתָּ֞ה אֲחֹותִ֤י הַחֲרִ֨ישִׁי֙ אָחִ֣יךְ ה֔וּא אַל־תָּשִׁ֥יתִי אֶת־לִבֵּ֖ךְ לַדָּבָ֣ר הַזֶּ֑ה וַתֵּ֤שֶׁב תָּמָר֙ וְשֹׁ֣מֵמָ֔ה בֵּ֖ית אַבְשָׁלֹ֥ום אָחִֽיהָ׃

wayò̇֨ʼmer ʼéle֜yhá ʼabĕşá̌lò֣wm ʼáẖi֗yhá haʼàmiynò֣wn ʼáẖiykĕ֮ háyá֣h ʻimá̇kĕ֒ wĕʻaţá̇֞h ʼàẖòwţi֤y haẖàri֨yşǐy֙ ʼáẖi֣ykĕ h֔ẇʼ ʼal־ţá̇şǐ֥yţiy ʼeţ־libé֖̇kĕ ladá̇bá֣r hazė֑h waţé֤̇şěb ţá̇már֙ wĕşò֣̌mémá֔h bé֖̇yţ ʼabĕşá̌lò֥wm ʼáẖiֽyhá׃

21
וְהַמֶּ֣לֶךְ דָּוִ֔ד שָׁמַ֕ע אֵ֥ת כָּל־הַדְּבָרִ֖ים הָאֵ֑לֶּה וַיִּ֥חַר לֹ֖ו מְאֹֽד׃

wĕhamė֣lekĕ dá̇wi֔d şá̌ma֕ʻ ʼé֥ţ ká̇l־hadĕ̇bári֖ym háʼé֑lėh wayi֥̇ẖar lò֖w mĕʼòֽd׃

22
וְלֹֽא־דִבֶּ֧ר אַבְשָׁלֹ֛ום עִם־אַמְנֹ֖ון לְמֵרָ֣ע וְעַד־טֹ֑וב כִּֽי־שָׂנֵ֤א אַבְשָׁלֹום֙ אֶת־אַמְנֹ֔ון עַל־דְּבַר֙ אֲשֶׁ֣ר עִנָּ֔ה אֵ֖ת תָּמָ֥ר אֲחֹתֹֽו׃ פ

wĕlòֽʼ־dibė֧r ʼabĕşá̌lò֛wm ʻim־ʼamĕnò֖wn lĕmérá֣ʻ wĕʻad־tò֑wb kiֽ̇y־şá̂né֤ʼ ʼabĕşá̌lòwm֙ ʼeţ־ʼamĕnò֔wn ʻal־dĕ̇bar֙ ʼàşě֣r ʻiná̇֔h ʼé֖ţ ţá̇má֥r ʼàẖòţòֽw׃ p

23
וַֽיְהִי֙ לִשְׁנָתַ֣יִם יָמִ֔ים וַיִּהְי֤וּ גֹֽזְזִים֙ לְאַבְשָׁלֹ֔ום בְּבַ֥עַל חָצֹ֖ור אֲשֶׁ֣ר עִם־אֶפְרָ֑יִם וַיִּקְרָ֥א אַבְשָׁלֹ֖ום לְכָל־בְּנֵ֥י הַמֶּֽלֶךְ׃

waֽyĕhiy֙ lişĕ̌náţa֣yim yámi֔ym wayi̇hĕy֤ẇ gòֽzĕziym֙ lĕʼabĕşá̌lò֔wm bĕ̇ba֥ʻal ẖáẕò֖wr ʼàşě֣r ʻim־ʼepĕrá֑yim wayi̇qĕrá֥ʼ ʼabĕşá̌lò֖wm lĕkál־bĕ̇né֥y hamėֽlekĕ׃

24
וַיָּבֹ֤א אַבְשָׁלֹום֙ אֶל־הַמֶּ֔לֶךְ וַיֹּ֕אמֶר הִנֵּה־נָ֥א גֹזְזִ֖ים לְעַבְדֶּ֑ךָ יֵֽלֶךְ־נָ֥א הַמֶּ֛לֶךְ וַעֲבָדָ֖יו עִם־עַבְדֶּֽךָ׃

wayá̇bò֤ʼ ʼabĕşá̌lòwm֙ ʼel־hamė֔lekĕ wayò̇֕ʼmer hiné̇h־ná֥ʼ gòzĕzi֖ym lĕʻabĕdė֑ká yéֽlekĕ־ná֥ʼ hamė֛lekĕ waʻàbádá֖yw ʻim־ʻabĕdėֽká׃

25
וַיֹּ֨אמֶר הַמֶּ֜לֶךְ אֶל־אַבְשָׁלֹ֗ום אַל־בְּנִי֙ אַל־נָ֤א נֵלֵךְ֙ כֻּלָּ֔נוּ וְלֹ֥א נִכְבַּ֖ד עָלֶ֑יךָ וַיִּפְרָץ־בֹּ֛ו וְלֹֽא־אָבָ֥ה לָלֶ֖כֶת וַֽיְבָרֲכֵֽהוּ׃

wayò̇֨ʼmer hamė֜lekĕ ʼel־ʼabĕşá̌lò֗wm ʼal־bĕ̇niy֙ ʼal־ná֤ʼ nélékĕ֙ ku̇lá̇֔nẇ wĕlò֥ʼ nikĕbȧ֖d ʻále֑yká wayi̇pĕráẕ־bò֛̇w wĕlòֽʼ־ʼábá֥h lále֖keţ waֽyĕbáràkéֽhẇ׃

26
וַיֹּ֨אמֶר֙ אַבְשָׁלֹ֔ום וָלֹ֕א יֵֽלֶךְ־נָ֥א אִתָּ֖נוּ אַמְנֹ֣ון אָחִ֑י וַיֹּ֤אמֶר לֹו֙ הַמֶּ֔לֶךְ לָ֥מָּה יֵלֵ֖ךְ עִמָּֽךְ׃

wayò̇֨ʼmer֙ ʼabĕşá̌lò֔wm wálò֕ʼ yéֽlekĕ־ná֥ʼ ʼiţá֖̇nẇ ʼamĕnò֣wn ʼáẖi֑y wayò֤̇ʼmer lòw֙ hamė֔lekĕ lá֥má̇h yélé֖kĕ ʻimáֽ̇kĕ׃

27
וַיִּפְרָץ־בֹּ֖ו אַבְשָׁלֹ֑ום וַיִּשְׁלַ֤ח אִתֹּו֙ אֶת־אַמְנֹ֔ון וְאֵ֖ת כָּל־בְּנֵ֥י הַמֶּֽלֶךְ׃ ס

wayi̇pĕráẕ־bò֖̇w ʼabĕşá̌lò֑wm wayi̇şĕ̌la֤ẖ ʼiţò̇w֙ ʼeţ־ʼamĕnò֔wn wĕʼé֖ţ ká̇l־bĕ̇né֥y hamėֽlekĕ׃ s

28
וַיְצַו֩ אַבְשָׁלֹ֨ום אֶת־נְעָרָ֜יו לֵאמֹ֗ר רְא֣וּ נָ֠א כְּטֹ֨וב לֵב־אַמְנֹ֤ון בַּיַּ֨יִן֙ וְאָמַרְתִּ֣י אֲלֵיכֶ֔ם הַכּ֧וּ אֶת־אַמְנֹ֛ון וַהֲמִתֶּ֥ם אֹתֹ֖ו אַל־תִּירָ֑אוּ הֲלֹ֗וא כִּ֤י אָֽנֹכִי֙ צִוִּ֣יתִי אֶתְכֶ֔ם חִזְק֖וּ וִהְי֥וּ לִבְנֵי־חָֽיִל׃

wayĕẕaw֩ ʼabĕşá̌lò֨wm ʼeţ־nĕʻárá֜yw léʼmò֗r rĕʼ֣ẇ ná֠ʼ kĕ̇tò֨wb léb־ʼamĕnò֤wn bȧyȧ֨yin֙ wĕʼámarĕţi֣̇y ʼàléyke֔m hak֧̇ẇ ʼeţ־ʼamĕnò֛wn wahàmiţė֥m ʼòţò֖w ʼal־ţi̇yrá֑ʼẇ hàlò֗wʼ ki֤̇y ʼáֽnòkiy֙ ẕiwi֣̇yţiy ʼeţĕke֔m ẖizĕq֖ẇ wihĕy֥ẇ libĕnéy־ẖáֽyil׃

29
וַֽיַּעֲשׂ֞וּ נַעֲרֵ֤י אַבְשָׁלֹום֙ לְאַמְנֹ֔ון כַּאֲשֶׁ֥ר צִוָּ֖ה אַבְשָׁלֹ֑ום וַיָּקֻ֣מוּ׀ כָּל־בְּנֵ֣י הַמֶּ֗לֶךְ וַֽיִּרְכְּב֛וּ אִ֥ישׁ עַל־פִּרְדֹּ֖ו וַיָּנֻֽסוּ׃

waֽyȧʻàş̂֞ẇ naʻàré֤y ʼabĕşá̌lòwm֙ lĕʼamĕnò֔wn kȧʼàşě֥r ẕiwá֖̇h ʼabĕşá̌lò֑wm wayá̇qu֣mẇ׀ ká̇l־bĕ̇né֣y hamė֗lekĕ waֽyi̇rĕkĕ̇b֛ẇ ʼi֥yş̌ ʻal־pi̇rĕdò֖̇w wayá̇nuֽsẇ׃

30
וַֽיְהִי֙ הֵ֣מָּה בַדֶּ֔רֶךְ וְהַשְּׁמֻעָ֣ה בָ֔אָה אֶל־דָּוִ֖ד לֵאמֹ֑ר הִכָּ֤ה אַבְשָׁלֹום֙ אֶת־כָּל־בְּנֵ֣י הַמֶּ֔לֶךְ וְלֹֽא־נֹותַ֥ר מֵהֶ֖ם אֶחָֽד׃ ס

waֽyĕhiy֙ hé֣má̇h badė֔rekĕ wĕhaşĕ̇̌muʻá֣h bá֔ʼáh ʼel־dá̇wi֖d léʼmò֑r hiká֤̇h ʼabĕşá̌lòwm֙ ʼeţ־ká̇l־bĕ̇né֣y hamė֔lekĕ wĕlòֽʼ־nòwţa֥r méhe֖m ʼeẖáֽd׃ s

31
וַיָּ֧קָם הַמֶּ֛לֶךְ וַיִּקְרַ֥ע אֶת־בְּגָדָ֖יו וַיִּשְׁכַּ֣ב אָ֑רְצָה וְכָל־עֲבָדָ֥יו נִצָּבִ֖ים קְרֻעֵ֥י בְגָדִֽים׃ ס

wayá֧̇qám hamė֛lekĕ wayi̇qĕra֥ʻ ʼeţ־bĕ̇gádá֖yw wayi̇şĕ̌kȧ֣b ʼá֑rĕẕáh wĕkál־ʻàbádá֥yw niẕá̇bi֖ym qĕruʻé֥y bĕgádiֽym׃ s

32
וַיַּ֡עַן יֹונָדָ֣ב׀ בֶּן־שִׁמְעָ֨ה אֲחִֽי־דָוִ֜ד וַיֹּ֗אמֶר אַל־יֹאמַ֤ר אֲדֹנִי֙ אֵ֣ת כָּל־הַנְּעָרִ֤ים בְּנֵֽי־הַמֶּ֨לֶךְ֙ הֵמִ֔יתוּ כִּֽי־אַמְנֹ֥ון לְבַדֹּ֖ו מֵ֑ת כִּֽי־עַל־פִּ֤י אַבְשָׁלֹום֙ הָיְתָ֣ה שׂוּמָ֔ה מִיֹּום֙ עַנֹּתֹ֔ו אֵ֖ת תָּמָ֥ר אֲחֹתֹֽו׃

wayȧ֡ʻan yòwnádá֣b׀ bėn־şǐmĕʻá֨h ʼàẖiֽy־dáwi֜d wayò̇֗ʼmer ʼal־yòʼma֤r ʼàdòniy֙ ʼé֣ţ ká̇l־hanĕ̇ʻári֤ym bĕ̇néֽy־hamė֨lekĕ֙ hémi֔yţẇ kiֽ̇y־ʼamĕnò֥wn lĕbadò֖̇w mé֑ţ kiֽ̇y־ʻal־pi֤̇y ʼabĕşá̌lòwm֙ háyĕţá֣h ş̂ẇmá֔h miyò̇wm֙ ʻanò̇ţò֔w ʼé֖ţ ţá̇má֥r ʼàẖòţòֽw׃

33
וְעַתָּ֡ה אַל־יָשֵׂם֩ אֲדֹנִ֨י הַמֶּ֤לֶךְ אֶל־לִבֹּו֙ דָּבָ֣ר לֵאמֹ֔ר כָּל־בְּנֵ֥י הַמֶּ֖לֶךְ מֵ֑תוּ כִּֽי־אִם־אַמְנֹ֥ון לְבַדֹּ֖ו מֵֽת׃ פ

wĕʻaţá̇֡h ʼal־yáşé̂m֩ ʼàdòni֨y hamė֤lekĕ ʼel־libò̇w֙ dá̇bá֣r léʼmò֔r ká̇l־bĕ̇né֥y hamė֖lekĕ mé֑ţẇ kiֽ̇y־ʼim־ʼamĕnò֥wn lĕbadò֖̇w méֽţ׃ p

34
וַיִּבְרַ֖ח אַבְשָׁלֹ֑ום וַיִּשָּׂ֞א הַנַּ֤עַר הַצֹּפֶה֙ אֶת־עֵינֹו וַיַּ֗רְא וְהִנֵּ֨ה עַם־רַ֜ב הֹלְכִ֥ים מִדֶּ֛רֶךְ אַחֲרָ֖יו מִצַּ֥ד הָהָֽר׃

wayi̇bĕra֖ẖ ʼabĕşá̌lò֑wm wayi̇şá̇̂֞ʼ hanȧ֤ʻar haẕò̇peh֙ ʼeţ־ʻéynòw wayȧ֗rĕʼ wĕhiné̇֨h ʻam־ra֜b hòlĕki֥ym midė֛rekĕ ʼaẖàrá֖yw miẕȧ֥d háháֽr׃

35
וַיֹּ֤אמֶר יֹֽונָדָב֙ אֶל־הַמֶּ֔לֶךְ הִנֵּ֥ה בְנֵֽי־הַמֶּ֖לֶךְ בָּ֑אוּ כִּדְבַ֥ר עַבְדְּךָ֖ כֵּ֥ן הָיָֽה׃

wayò֤̇ʼmer yòֽwnádáb֙ ʼel־hamė֔lekĕ hiné֥̇h bĕnéֽy־hamė֖lekĕ bá֑̇ʼẇ ki̇dĕba֥r ʻabĕdĕ̇ká֖ ké֥̇n háyáֽh׃

36
וַיְהִ֣י׀ כְּכַלֹּתֹ֣ו לְדַבֵּ֗ר וְהִנֵּ֤ה בְנֵֽי־הַמֶּ֨לֶךְ֙ בָּ֔אוּ וַיִּשְׂא֥וּ קֹולָ֖ם וַיִּבְכּ֑וּ וְגַם־הַמֶּ֨לֶךְ֙ וְכָל־עֲבָדָ֔יו בָּכ֕וּ בְּכִ֖י גָּדֹ֥ול מְאֹֽד׃

wayĕhi֣y׀ kĕ̇kalò̇ţò֣w lĕdabé̇֗r wĕhiné֤̇h bĕnéֽy־hamė֨lekĕ֙ bá̇֔ʼẇ wayi̇şĕ̂ʼ֥ẇ qòwlá֖m wayi̇bĕk֑̇ẇ wĕgam־hamė֨lekĕ֙ wĕkál־ʻàbádá֔yw bá̇k֕ẇ bĕ̇ki֖y gá̇dò֥wl mĕʼòֽd׃

37
וְאַבְשָׁלֹ֣ום בָּרַ֔ח וַיֵּ֛לֶךְ אֶל־תַּלְמַ֥י בֶּן־עַמִּיחוּר מֶ֣לֶךְ גְּשׁ֑וּר וַיִּתְאַבֵּ֥ל עַל־בְּנֹ֖ו כָּל־הַיָּמִֽים׃

wĕʼabĕşá̌lò֣wm bá̇ra֔ẖ wayé֛̇lekĕ ʼel־ţȧlĕma֥y bėn־ʻami̇yẖẇr me֣lekĕ gĕ̇ş֑̌ẇr wayi̇ţĕʼabé֥̇l ʻal־bĕ̇nò֖w ká̇l־hayá̇miֽym׃

38
וְאַבְשָׁלֹ֥ום בָּרַ֖ח וַיֵּ֣לֶךְ גְּשׁ֑וּר וַיְהִי־שָׁ֖ם שָׁלֹ֥שׁ שָׁנִֽים׃

wĕʼabĕşá̌lò֥wm bá̇ra֖ẖ wayé֣̇lekĕ gĕ̇ş֑̌ẇr wayĕhiy־şá֖̌m şá̌lò֥ş̌ şá̌niֽym׃

39
וַתְּכַל֙ דָּוִ֣ד הַמֶּ֔לֶךְ לָצֵ֖את אֶל־אַבְשָׁלֹ֑ום כִּֽי־נִחַ֥ם עַל־אַמְנֹ֖ון כִּֽי־מֵֽת׃ ס

waţĕ̇kal֙ dá̇wi֣d hamė֔lekĕ láẕé֖ʼţ ʼel־ʼabĕşá̌lò֑wm kiֽ̇y־niẖa֥m ʻal־ʼamĕnò֖wn kiֽ̇y־méֽţ׃ s