Bibles in ancient languages
Old translations
Modern translations

Biblia Hebraica Stuttgartensia Daniel 3:11

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
נְבוּכַדְנֶצַּ֣ר מַלְכָּ֗א עֲבַד֙ צְלֵ֣ם דִּֽי־דְהַ֔ב רוּמֵהּ֙ אַמִּ֣ין שִׁתִּ֔ין פְּתָיֵ֖הּ אַמִּ֣ין שִׁ֑ת אֲקִימֵהּ֙ בְּבִקְעַ֣ת דּוּרָ֔א בִּמְדִינַ֖ת בָּבֶֽל׃

nĕbẇkadĕneẕȧ֣r malĕká̇֗ʼ ʻàbad֙ ẕĕlé֣m diֽ̇y־dĕha֔b rẇméḣ֙ ʼami֣̇yn şǐţi̇֔yn pĕ̇ţáyé֖ḣ ʼami֣̇yn şǐ֑ţ ʼàqiyméḣ֙ bĕ̇biqĕʻa֣ţ ḋẇrá֔ʼ bi̇mĕdiyna֖ţ bá̇beֽl׃

2
וּנְבוּכַדְנֶצַּ֣ר מַלְכָּ֡א שְׁלַ֡ח לְמִכְנַ֣שׁ׀ לַֽאֲחַשְׁדַּרְפְּנַיָּ֡א סִגְנַיָּ֣א וּֽפַחֲוָתָ֡א אֲדַרְגָּזְרַיָּא֩ גְדָ֨בְרַיָּ֤א דְּתָבְרַיָּא֙ תִּפְתָּיֵ֔א וְכֹ֖ל שִׁלְטֹנֵ֣י מְדִֽינָתָ֑א לְמֵתֵא֙ לַחֲנֻכַּ֣ת צַלְמָ֔א דִּ֥י הֲקֵ֖ים נְבוּכַדְנֶצַּ֥ר מַלְכָּֽא׃

ẇnĕbẇkadĕneẕȧ֣r malĕká̇֡ʼ şĕ̌la֡ẖ lĕmikĕna֣ş̌׀ laֽʼàẖaşĕ̌dȧrĕpĕ̇nayá̇֡ʼ sigĕnayá֣̇ʼ ẇֽpaẖàwáţá֡ʼ ʼàdarĕgá̇zĕrayá̇ʼ֩ gĕdá֨bĕrayá֤̇ʼ dĕ̇ţábĕrayá̇ʼ֙ ţi̇pĕţá̇yé֔ʼ wĕkò֖l şǐlĕtòné֣y mĕdiֽynáţá֑ʼ lĕméţéʼ֙ laẖànukȧ֣ţ ẕalĕmá֔ʼ di֥̇y hàqé֖ym nĕbẇkadĕneẕȧ֥r malĕkáֽ̇ʼ׃

3
בֵּאדַ֡יִן מִֽתְכַּנְּשִׁ֡ין אֲחַשְׁדַּרְפְּנַיָּ֡א סִגְנַיָּ֣א וּֽפַחֲוָתָ֡א אֲדַרְגָּזְרַיָּ֣א גְדָבְרַיָּא֩ דְּתָ֨בְרַיָּ֜א תִּפְתָּיֵ֗א וְכֹל֙ שִׁלְטֹנֵ֣י מְדִֽינָתָ֔א לַחֲנֻכַּ֣ת צַלְמָ֔א דִּ֥י הֲקֵ֖ים נְבוּכַדְנֶצַּ֣ר מַלְכָּ֑א וְקָאֲמִין לָקֳבֵ֣ל צַלְמָ֔א דִּ֥י הֲקֵ֖ים נְבוּכַדְנֶצַּֽר׃

bé̇ʼda֡yin miֽţĕkȧnĕ̇şǐ֡yn ʼàẖaşĕ̌dȧrĕpĕ̇nayá̇֡ʼ sigĕnayá֣̇ʼ ẇֽpaẖàwáţá֡ʼ ʼàdarĕgá̇zĕrayá֣̇ʼ gĕdábĕrayá̇ʼ֩ dĕ̇ţá֨bĕrayá̇֜ʼ ţi̇pĕţá̇yé֗ʼ wĕkòl֙ şǐlĕtòné֣y mĕdiֽynáţá֔ʼ laẖànukȧ֣ţ ẕalĕmá֔ʼ di֥̇y hàqé֖ym nĕbẇkadĕneẕȧ֣r malĕká֑̇ʼ wĕqáʼàmiyn láqobé֣l ẕalĕmá֔ʼ di֥̇y hàqé֖ym nĕbẇkadĕneẕȧֽr׃

4
וְכָרֹוזָ֖א קָרֵ֣א בְחָ֑יִל לְכֹ֤ון אָֽמְרִין֙ עַֽמְמַיָּ֔א אֻמַּיָּ֖א וְלִשָּׁנַיָּֽא׃

wĕkáròwzá֖ʼ qáré֣ʼ bĕẖá֑yil lĕkò֤wn ʼáֽmĕriyn֙ ʻaֽmĕmayá̇֔ʼ ʼumȧyá֖̇ʼ wĕlişá̇̌nayáֽ̇ʼ׃

5
בְּעִדָּנָ֡א דִּֽי־תִשְׁמְע֡וּן קָ֣ל קַרְנָ֣א מַ֠שְׁרֹוקִיתָא קִיתָרֹוס סַבְּכָ֤א פְּסַנְתֵּרִין֙ סוּמְפֹּ֣נְיָ֔ה וְכֹ֖ל זְנֵ֣י זְמָרָ֑א תִּפְּל֤וּן וְתִסְגְּדוּן֙ לְצֶ֣לֶם דַּהֲבָ֔א דִּ֥י הֲקֵ֖ים נְבוּכַדְנֶצַּ֥ר מַלְכָּֽא׃

bĕ̇ʻidá̇ná֡ʼ diֽ̇y־ţişĕ̌mĕʻ֡ẇn qá֣l qarĕná֣ʼ ma֠şĕ̌ròwqiyţáʼ qiyţáròws sabĕ̇ká֤ʼ pĕ̇sanĕţé̇riyn֙ sẇmĕpò֣̇nĕyá֔h wĕkò֖l zĕné֣y zĕmárá֑ʼ ţi̇pĕ̇l֤ẇn wĕţisĕgĕ̇dẇn֙ lĕẕe֣lem dȧhàbá֔ʼ di֥̇y hàqé֖ym nĕbẇkadĕneẕȧ֥r malĕkáֽ̇ʼ׃

6
וּמַן־דִּי־לָ֥א יִפֵּ֖ל וְיִסְגֻּ֑ד בַּהּ־שַׁעֲתָ֣א יִתְרְמֵ֔א לְגֹֽוא־אַתּ֥וּן נוּרָ֖א יָקִֽדְתָּֽא׃

ẇman־di̇y־lá֥ʼ yipé֖̇l wĕyisĕgu֑̇d bȧḣ־şǎʻàţá֣ʼ yiţĕrĕmé֔ʼ lĕgòֽwʼ־ʼaţ֥̇ẇn nẇrá֖ʼ yáqiֽdĕţáֽ̇ʼ׃

7
כָּל־קֳבֵ֣ל דְּנָ֡ה בֵּהּ־זִמְנָ֡א כְּדִ֣י שָֽׁמְעִ֣ין כָּֽל־עַמְמַיָּ֡א קָ֣ל קַרְנָא֩ מַשְׁרֹ֨וקִיתָ֜א קִיתָרֹס שַׂבְּכָא֙ פְּסַנְטֵרִ֔ין וְכֹ֖ל זְנֵ֣י זְמָרָ֑א נָֽפְלִ֨ין כָּֽל־עַֽמְמַיָּ֜א אֻמַיָּ֣א וְלִשָּׁנַיָּ֗א סָֽגְדִין֙ לְצֶ֣לֶם דַּהֲבָ֔א דִּ֥י הֲקֵ֖ים נְבוּכַדְנֶצַּ֥ר מַלְכָּֽא׃

ká̇l־qobé֣l dĕ̇ná֡h bé̇ḣ־zimĕná֡ʼ kĕ̇di֣y şáֽ̌mĕʻi֣yn káֽ̇l־ʻamĕmayá̇֡ʼ qá֣l qarĕnáʼ֩ maşĕ̌rò֨wqiyţá֜ʼ qiyţáròs şâbĕ̇káʼ֙ pĕ̇sanĕtéri֔yn wĕkò֖l zĕné֣y zĕmárá֑ʼ náֽpĕli֨yn káֽ̇l־ʻaֽmĕmayá̇֜ʼ ʼumayá֣̇ʼ wĕlişá̇̌nayá̇֗ʼ sáֽgĕdiyn֙ lĕẕe֣lem dȧhàbá֔ʼ di֥̇y hàqé֖ym nĕbẇkadĕneẕȧ֥r malĕkáֽ̇ʼ׃

8
כָּל־קֳבֵ֤ל דְּנָה֙ בֵּהּ־זִמְנָ֔א קְרִ֖בוּ גֻּבְרִ֣ין כַּשְׂדָּאִ֑ין וַאֲכַ֥לוּ קַרְצֵיהֹ֖ון דִּ֥י יְהוּדָיֵֽא׃

ká̇l־qobé֤l dĕ̇náh֙ bé̇ḣ־zimĕná֔ʼ qĕri֖bẇ gu̇bĕri֣yn kȧşĕ̂dá̇ʼi֑yn waʼàka֥lẇ qarĕẕéyhò֖wn di֥̇y yĕhẇdáyéֽʼ׃

9
עֲנֹו֙ וְאָ֣מְרִ֔ין לִנְבוּכַדְנֶצַּ֖ר מַלְכָּ֑א מַלְכָּ֖א לְעָלְמִ֥ין חֱיִֽי׃

ʻànòw֙ wĕʼá֣mĕri֔yn linĕbẇkadĕneẕȧ֖r malĕká֑̇ʼ malĕká֖̇ʼ lĕʻálĕmi֥yn ẖèyiֽy׃

10
אַנְתָּה מַלְכָּא֮ שָׂ֣מְתָּ טְּעֵם֒ דִּ֣י כָל־אֱנָ֡שׁ דִּֽי־יִשְׁמַ֡ע קָ֣ל קַרְנָ֣א מַ֠שְׁרֹקִיתָא קִיתָרֹס שַׂבְּכָ֤א פְסַנְתֵּרִין֙ וְסִיפֹּנְיָה וְכֹ֖ל זְנֵ֣י זְמָרָ֑א יִפֵּ֥ל וְיִסְגֻּ֖ד לְצֶ֥לֶם דַּהֲבָֽא׃

ʼanĕţá̇h malĕká̇ʼ֮ şá֣̂mĕţá̇ tĕ̇ʻém֒ di֣̇y kál־ʼèná֡ş̌ diֽ̇y־yişĕ̌ma֡ʻ qá֣l qarĕná֣ʼ ma֠şĕ̌ròqiyţáʼ qiyţáròs şâbĕ̇ká֤ʼ pĕsanĕţé̇riyn֙ wĕsiypò̇nĕyáh wĕkò֖l zĕné֣y zĕmárá֑ʼ yipé֥̇l wĕyisĕgu֖̇d lĕẕe֥lem dȧhàbáֽʼ׃

11
וּמַן־דִּי־לָ֥א יִפֵּ֖ל וְיִסְגֻּ֑ד יִתְרְמֵ֕א לְגֹֽוא־אַתּ֥וּן נוּרָ֖א יָקִֽדְתָּֽא׃

ẇman־di̇y־lá֥ʼ yipé֖̇l wĕyisĕgu֑̇d yiţĕrĕmé֕ʼ lĕgòֽwʼ־ʼaţ֥̇ẇn nẇrá֖ʼ yáqiֽdĕţáֽ̇ʼ׃

12
אִיתַ֞י גֻּבְרִ֣ין יְהוּדָאיִ֗ן דִּֽי־מַנִּ֤יתָ יָתְהֹון֙ עַל־עֲבִידַת֙ מְדִינַ֣ת בָּבֶ֔ל שַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו גֻּבְרַיָּ֣א אִלֵּ֗ךְ לָא־שָׂ֨מֽוּ עֲלַיִךְ מַלְכָּא֙ טְעֵ֔ם לֵאלָהַיִךְ לָ֣א פָלְחִ֔ין וּלְצֶ֧לֶם דַּהֲבָ֛א דִּ֥י הֲקֵ֖ימְתָּ לָ֥א סָגְדִֽין׃ ס

ʼiyţa֞y gu̇bĕri֣yn yĕhẇdáʼyi֗n diֽ̇y־mani֤̇yţá yáţĕhòwn֙ ʻal־ʻàbiydaţ֙ mĕdiyna֣ţ bá̇be֔l şǎdĕra֥kĕ méyşǎ֖kĕ waʻàbé֣d nĕgò֑w gu̇bĕrayá֣̇ʼ ʼilé̇֗kĕ láʼ־şá̂֨mֽẇ ʻàlayikĕ malĕká̇ʼ֙ tĕʻé֔m léʼláhayikĕ lá֣ʼ pálĕẖi֔yn ẇlĕẕe֧lem dȧhàbá֛ʼ di֥̇y hàqé֖ymĕţá̇ lá֥ʼ ságĕdiֽyn׃ s

13
בֵּאדַ֤יִן נְבוּכַדְנֶצַּר֙ בִּרְגַ֣ז וַחֲמָ֔ה אֲמַר֙ לְהַיְתָיָ֔ה לְשַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו בֵּאדַ֨יִן֙ גֻּבְרַיָּ֣א אִלֵּ֔ךְ הֵיתָ֖יוּ קֳדָ֥ם מַלְכָּֽא׃

bé̇ʼda֤yin nĕbẇkadĕneẕȧr֙ bi̇rĕga֣z waẖàmá֔h ʼàmar֙ lĕhayĕţáyá֔h lĕşǎdĕra֥kĕ méyşǎ֖kĕ waʻàbé֣d nĕgò֑w bé̇ʼda֨yin֙ gu̇bĕrayá֣̇ʼ ʼilé̇֔kĕ héyţá֖yẇ qodá֥m malĕkáֽ̇ʼ׃

14
עָנֵ֤ה נְבֻֽכַדְנֶצַּר֙ וְאָמַ֣ר לְהֹ֔ון הַצְדָּ֕א שַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו לֵֽאלָהַ֗י לָ֤א אִֽיתֵיכֹון֙ פָּֽלְחִ֔ין וּלְצֶ֧לֶם דַּהֲבָ֛א דִּ֥י הֲקֵ֖ימֶת לָ֥א סָֽגְדִֽין׃

ʻáné֤h nĕbuֽkadĕneẕȧr֙ wĕʼáma֣r lĕhò֔wn haẕĕdá̇֕ʼ şǎdĕra֥kĕ méyşǎ֖kĕ waʻàbé֣d nĕgò֑w léֽʼláha֗y lá֤ʼ ʼiֽyţéykòwn֙ páֽ̇lĕẖi֔yn ẇlĕẕe֧lem dȧhàbá֛ʼ di֥̇y hàqé֖ymeţ lá֥ʼ sáֽgĕdiֽyn׃

15
כְּעַ֞ן הֵ֧ן אִֽיתֵיכֹ֣ון עֲתִידִ֗ין דִּ֣י בְעִדָּנָ֡א דִּֽי־תִשְׁמְע֡וּן קָ֣ל קַרְנָ֣א מַשְׁרֹוקִיתָ֣א קִיתָרֹס שַׂבְּכָ֡א פְּסַנְתֵּרִין֩ וְסוּמְפֹּ֨נְיָ֜ה וְכֹ֣ל׀ זְנֵ֣י זְמָרָ֗א תִּפְּל֣וּן וְתִסְגְּדוּן֮ לְצַלְמָ֣א דִֽי־עַבְדֵת֒ וְהֵן֙ לָ֣א תִסְגְּד֔וּן בַּהּ־שַׁעֲתָ֣ה תִתְרְמֹ֔ון לְגֹֽוא־אַתּ֥וּן נוּרָ֖א יָקִֽדְתָּ֑א וּמַן־ה֣וּא אֱלָ֔הּ דֵּ֥י יְשֵֽׁיזְבִנְכֹ֖ון מִן־יְדָֽי׃

kĕ̇ʻa֞n hé֧n ʼiֽyţéykò֣wn ʻàţiydi֗yn di֣̇y bĕʻidá̇ná֡ʼ diֽ̇y־ţişĕ̌mĕʻ֡ẇn qá֣l qarĕná֣ʼ maşĕ̌ròwqiyţá֣ʼ qiyţáròs şâbĕ̇ká֡ʼ pĕ̇sanĕţé̇riyn֩ wĕsẇmĕpò̇֨nĕyá֜h wĕkò֣l׀ zĕné֣y zĕmárá֗ʼ ţi̇pĕ̇l֣ẇn wĕţisĕgĕ̇dẇn֮ lĕẕalĕmá֣ʼ diֽy־ʻabĕdéţ֒ wĕhén֙ lá֣ʼ ţisĕgĕ̇d֔ẇn bȧḣ־şǎʻàţá֣h ţiţĕrĕmò֔wn lĕgòֽwʼ־ʼaţ֥̇ẇn nẇrá֖ʼ yáqiֽdĕţá֑̇ʼ ẇman־h֣ẇʼ ʼèlá֔ḣ dé֥̇y yĕşéֽ̌yzĕbinĕkò֖wn min־yĕdáֽy׃

16
עֲנֹ֗ו שַׁדְרַ֤ךְ מֵישַׁךְ֙ וַעֲבֵ֣ד נְגֹ֔ו וְאָמְרִ֖ין לְמַלְכָּ֑א נְבֽוּכַדְנֶצַּ֔ר לָֽא־חַשְׁחִ֨ין אֲנַ֧חְנָה עַל־דְּנָ֛ה פִּתְגָ֖ם לַהֲתָבוּתָֽךְ׃

ʻànò֗w şǎdĕra֤kĕ méyşǎkĕ֙ waʻàbé֣d nĕgò֔w wĕʼámĕri֖yn lĕmalĕká֑̇ʼ nĕbֽẇkadĕneẕȧ֔r láֽʼ־ẖaşĕ̌ẖi֨yn ʼàna֧ẖĕnáh ʻal־dĕ̇ná֛h pi̇ţĕgá֖m lahàţábẇţáֽkĕ׃

17
הֵ֣ן אִיתַ֗י אֱלָהַ֨נָא֙ דִּֽי־אֲנַ֣חְנָא פָֽלְחִ֔ין יָכִ֖ל לְשֵׁיזָבוּתַ֑נָא מִן־אַתּ֨וּן נוּרָ֧א יָקִֽדְתָּ֛א וּמִן־יְדָ֥ךְ מַלְכָּ֖א יְשֵׁיזִֽב׃

hé֣n ʼiyţa֗y ʼèláha֨náʼ֙ diֽ̇y־ʼàna֣ẖĕnáʼ páֽlĕẖi֔yn yáki֖l lĕşé̌yzábẇţa֑náʼ min־ʼaţ̇֨ẇn nẇrá֧ʼ yáqiֽdĕţá֛̇ʼ ẇmin־yĕdá֥kĕ malĕká֖̇ʼ yĕşé̌yziֽb׃

18
וְהֵ֣ן לָ֔א יְדִ֥יעַ לֶהֱוֵא־לָ֖ךְ מַלְכָּ֑א דִּ֤י לֵֽאלָהָיךְ֙ לָא־אִיתַיְנָא פָֽלְחִ֔ין וּלְצֶ֧לֶם דַּהֲבָ֛א דִּ֥י הֲקֵ֖ימְתָּ לָ֥א נִסְגֻּֽד׃ ס

wĕhé֣n lá֔ʼ yĕdi֥yʻa lehèwéʼ־lá֖kĕ malĕká֑̇ʼ di֤̇y léֽʼláháykĕ֙ láʼ־ʼiyţayĕnáʼ páֽlĕẖi֔yn ẇlĕẕe֧lem dȧhàbá֛ʼ di֥̇y hàqé֖ymĕţá̇ lá֥ʼ nisĕguֽ̇d׃ s

19
בֵּאדַ֨יִן נְבוּכַדְנֶצַּ֜ר הִתְמְלִ֣י חֱמָ֗א וּצְלֵ֤ם אַנְפֹּ֨והִי֙ אֶשְׁתַּנּוּ עַל־שַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו עָנֵ֤ה וְאָמַר֙ לְמֵזֵ֣א לְאַתּוּנָ֔א חַ֨ד־שִׁבְעָ֔ה עַ֛ל דִּ֥י חֲזֵ֖ה לְמֵזְיֵֽהּ׃

bé̇ʼda֨yin nĕbẇkadĕneẕȧ֜r hiţĕmĕli֣y ẖèmá֗ʼ ẇẕĕlé֤m ʼanĕpò̇֨whiy֙ ʼeşĕ̌ţȧṅẇ ʻal־şǎdĕra֥kĕ méyşǎ֖kĕ waʻàbé֣d nĕgò֑w ʻáné֤h wĕʼámar֙ lĕmézé֣ʼ lĕʼaţ̇ẇná֔ʼ ẖa֨d־şǐbĕʻá֔h ʻa֛l di֥̇y ẖàzé֖h lĕmézĕyéֽḣ׃

20
וּלְגֻבְרִ֤ין גִּבָּֽרֵי־חַ֨יִל֙ דִּ֣י בְחַיְלֵ֔הּ אֲמַר֙ לְכַפָּתָ֔ה לְשַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו לְמִרְמֵ֕א לְאַתּ֥וּן נוּרָ֖א יָקִֽדְתָּֽא׃

ẇlĕgubĕri֤yn gi̇báֽ̇réy־ẖa֨yil֙ di֣̇y bĕẖayĕlé֔ḣ ʼàmar֙ lĕkapá̇ţá֔h lĕşǎdĕra֥kĕ méyşǎ֖kĕ waʻàbé֣d nĕgò֑w lĕmirĕmé֕ʼ lĕʼaţ֥̇ẇn nẇrá֖ʼ yáqiֽdĕţáֽ̇ʼ׃

21
בֵּאדַ֜יִן גֻּבְרַיָּ֣א אִלֵּ֗ךְ כְּפִ֨תוּ֙ בְּסַרְבָּלֵיהֹון֙ פַּטִּישֵׁיהֹון וְכַרְבְּלָתְהֹ֖ון וּלְבֻשֵׁיהֹ֑ון וּרְמִ֕יו לְגֹֽוא־אַתּ֥וּן נוּרָ֖א יָקִֽדְתָּֽא׃

bé̇ʼda֜yin gu̇bĕrayá֣̇ʼ ʼilé̇֗kĕ kĕ̇pi֨ţẇ֙ bĕ̇sarĕbá̇léyhòwn֙ pȧti̇yşé̌yhòwn wĕkarĕbĕ̇láţĕhò֖wn ẇlĕbuşé̌yhò֑wn ẇrĕmi֕yw lĕgòֽwʼ־ʼaţ֥̇ẇn nẇrá֖ʼ yáqiֽdĕţáֽ̇ʼ׃

22
כָּל־קֳבֵ֣ל דְּנָ֗ה מִן־דִּ֞י מִלַּ֤ת מַלְכָּא֙ מַחְצְפָ֔ה וְאַתּוּנָ֖א אֵזֵ֣ה יַתִּ֑ירָא גֻּבְרַיָּ֣א אִלֵּ֗ךְ דִּ֤י הַסִּ֨קוּ֙ לְשַׁדְרַ֤ךְ מֵישַׁךְ֙ וַעֲבֵ֣ד נְגֹ֔ו קַטִּ֣ל הִמֹּ֔ון שְׁבִיבָ֖א דִּ֥י נוּרָֽא׃

ká̇l־qobé֣l dĕ̇ná֗h min־di̇֞y milȧ֤ţ malĕká̇ʼ֙ maẖĕẕĕpá֔h wĕʼaţ̇ẇná֖ʼ ʼézé֣h yaţi֑̇yráʼ gu̇bĕrayá֣̇ʼ ʼilé̇֗kĕ di֤̇y hasi̇֨qẇ֙ lĕşǎdĕra֤kĕ méyşǎkĕ֙ waʻàbé֣d nĕgò֔w qati֣̇l himò̇֔wn şĕ̌biybá֖ʼ di֥̇y nẇráֽʼ׃

23
וְגֻבְרַיָּ֤א אִלֵּךְ֙ תְּלָ֣תֵּהֹ֔ון שַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו נְפַ֛לוּ לְגֹֽוא־אַתּוּן־נוּרָ֥א יָֽקִדְתָּ֖א מְכַפְּתִֽין׃ פ

wĕgubĕrayá֤̇ʼ ʼilé̇kĕ֙ ţĕ̇lá֣ţé̇hò֔wn şǎdĕra֥kĕ méyşǎ֖kĕ waʻàbé֣d nĕgò֑w nĕpa֛lẇ lĕgòֽwʼ־ʼaţ̇ẇn־nẇrá֥ʼ yáֽqidĕţá֖̇ʼ mĕkapĕ̇ţiֽyn׃ p

24
אֱדַ֨יִן֙ נְבוּכַדְנֶצַּ֣ר מַלְכָּ֔א תְּוַ֖הּ וְקָ֣ם בְּהִתְבְּהָלָ֑ה עָנֵ֨ה וְאָמַ֜ר לְהַדָּֽבְרֹ֗והִי הֲלָא֩ גֻבְרִ֨ין תְּלָתָ֜א רְמֵ֤ינָא לְגֹוא־נוּרָא֙ מְכַפְּתִ֔ין עָנַ֤יִן וְאָמְרִין֙ לְמַלְכָּ֔א יַצִּיבָ֖א מַלְכָּֽא׃

ʼèda֨yin֙ nĕbẇkadĕneẕȧ֣r malĕká̇֔ʼ ţĕ̇wa֖ḣ wĕqá֣m bĕ̇hiţĕbĕ̇hálá֑h ʻáné֨h wĕʼáma֜r lĕhadáֽ̇bĕrò֗whiy hàláʼ֩ gubĕri֨yn ţĕ̇láţá֜ʼ rĕmé֤ynáʼ lĕgòwʼ־nẇráʼ֙ mĕkapĕ̇ţi֔yn ʻána֤yin wĕʼámĕriyn֙ lĕmalĕká̇֔ʼ yaẕi̇ybá֖ʼ malĕkáֽ̇ʼ׃

25
עָנֵ֣ה וְאָמַ֗ר הָֽא־אֲנָ֨ה חָזֵ֜ה גֻּבְרִ֣ין אַרְבְּעָ֗ה שְׁרַ֨יִן֙ מַהְלְכִ֣ין בְּגֹֽוא־נוּרָ֔א וַחֲבָ֖ל לָא־אִיתַ֣י בְּהֹ֑ון וְרֵוֵהּ֙ דִּ֣י רְבִיעָיָא דָּמֵ֖ה לְבַר־אֱלָהִֽין׃ ס

ʻáné֣h wĕʼáma֗r háֽʼ־ʼàná֨h ẖázé֜h gu̇bĕri֣yn ʼarĕbĕ̇ʻá֗h şĕ̌ra֨yin֙ mahĕlĕki֣yn bĕ̇gòֽwʼ־nẇrá֔ʼ waẖàbá֖l láʼ־ʼiyţa֣y bĕ̇hò֑wn wĕréwéḣ֙ di֣̇y rĕbiyʻáyáʼ dá̇mé֖h lĕbar־ʼèláhiֽyn׃ s

26
בֵּאדַ֜יִן קְרֵ֣ב נְבוּכַדְנֶצַּ֗ר לִתְרַע֮ אַתּ֣וּן נוּרָ֣א יָקִֽדְתָּא֒ עָנֵ֣ה וְאָמַ֗ר שַׁדְרַ֨ךְ מֵישַׁ֧ךְ וַעֲבֵד־נְגֹ֛ו עַבְדֹ֛והִי דִּֽי־אֱלָהָ֥א עִלָּיָא פֻּ֣קוּ וֶאֱתֹ֑ו בֵּאדַ֣יִן נָֽפְקִ֗ין שַׁדְרַ֥ךְ מֵישַׁ֛ךְ וַעֲבֵ֥ד נְגֹ֖ו מִן־גֹּ֥וא נוּרָֽא׃

bé̇ʼda֜yin qĕré֣b nĕbẇkadĕneẕȧ֗r liţĕraʻ֮ ʼaţ֣̇ẇn nẇrá֣ʼ yáqiֽdĕţá̇ʼ֒ ʻáné֣h wĕʼáma֗r şǎdĕra֨kĕ méyşǎ֧kĕ waʻàbéd־nĕgò֛w ʻabĕdò֛whiy diֽ̇y־ʼèláhá֥ʼ ʻilá̇yáʼ pu֣̇qẇ weʼèţò֑w bé̇ʼda֣yin náֽpĕqi֗yn şǎdĕra֥kĕ méyşǎ֛kĕ waʻàbé֥d nĕgò֖w min־gò֥̇wʼ nẇráֽʼ׃

27
וּ֠מִֽתְכַּנְּשִׁין אֲחַשְׁדַּרְפְּנַיָּ֞א סִגְנַיָּ֣א וּפַחֲוָתָא֮ וְהַדָּבְרֵ֣י מַלְכָּא֒ חָזַ֣יִן לְגֻבְרַיָּ֣א אִלֵּ֡ךְ דִּי֩ לָֽא־שְׁלֵ֨ט נוּרָ֜א בְּגֶשְׁמְהֹ֗ון וּשְׂעַ֤ר רֵֽאשְׁהֹון֙ לָ֣א הִתְחָרַ֔ךְ וְסָרְבָּלֵיהֹ֖ון לָ֣א שְׁנֹ֑ו וְרֵ֣יחַ נ֔וּר לָ֥א עֲדָ֖ת בְּהֹֽון׃

ẇ֠miֽţĕkȧnĕ̇şǐyn ʼàẖaşĕ̌dȧrĕpĕ̇nayá̇֞ʼ sigĕnayá֣̇ʼ ẇpaẖàwáţáʼ֮ wĕhadá̇bĕré֣y malĕká̇ʼ֒ ẖáza֣yin lĕgubĕrayá֣̇ʼ ʼilé̇֡kĕ di̇y֩ láֽʼ־şĕ̌lé֨t nẇrá֜ʼ bĕ̇geşĕ̌mĕhò֗wn ẇşĕ̂ʻa֤r réֽʼşĕ̌hòwn֙ lá֣ʼ hiţĕẖára֔kĕ wĕsárĕbá̇léyhò֖wn lá֣ʼ şĕ̌nò֑w wĕré֣yẖa n֔ẇr lá֥ʼ ʻàdá֖ţ bĕ̇hòֽwn׃

28
עָנֵ֨ה נְבֽוּכַדְנֶצַּ֜ר וְאָמַ֗ר בְּרִ֤יךְ אֱלָהֲהֹון֙ דִּֽי־שַׁדְרַ֤ךְ מֵישַׁךְ֙ וַעֲבֵ֣ד נְגֹ֔ו דִּֽי־שְׁלַ֤ח מַלְאֲכֵהּ֙ וְשֵׁיזִ֣ב לְעַבְדֹ֔והִי דִּ֥י הִתְרְחִ֖צוּ עֲלֹ֑והִי וּמִלַּ֤ת מַלְכָּא֙ שַׁנִּ֔יו וִיהַ֣בוּ גֶשְׁמֵיהֹון דִּ֠י לָֽא־יִפְלְח֤וּן וְלָֽא־יִסְגְּדוּן֙ לְכָל־אֱלָ֔הּ לָהֵ֖ן לֵאלָֽהֲהֹֽון׃

ʻáné֨h nĕbֽẇkadĕneẕȧ֜r wĕʼáma֗r bĕ̇ri֤ykĕ ʼèláhàhòwn֙ diֽ̇y־şǎdĕra֤kĕ méyşǎkĕ֙ waʻàbé֣d nĕgò֔w diֽ̇y־şĕ̌la֤ẖ malĕʼàkéḣ֙ wĕşé̌yzi֣b lĕʻabĕdò֔whiy di֥̇y hiţĕrĕẖi֖ẕẇ ʻàlò֑whiy ẇmilȧ֤ţ malĕká̇ʼ֙ şǎni̇֔yw wiyha֣bẇ geşĕ̌méyhòwn di̇֠y láֽʼ־yipĕlĕẖ֤ẇn wĕláֽʼ־yisĕgĕ̇dẇn֙ lĕkál־ʼèlá֔ḣ láhé֖n léʼláֽhàhòֽwn׃

29
וּמִנִּי֮ שִׂ֣ים טְעֵם֒ דִּי֩ כָל־עַ֨ם אֻמָּ֜ה וְלִשָּׁ֗ן דִּֽי־יֵאמַ֤ר שֵׁלָה עַ֣ל אֱלָהֲהֹ֗ון דִּֽי־שַׁדְרַ֤ךְ מֵישַׁךְ֙ וַעֲבֵ֣ד נְגֹ֔וא הַדָּמִ֣ין יִתְעֲבֵ֔ד וּבַיְתֵ֖הּ נְוָלִ֣י יִשְׁתַּוֵּ֑ה כָּל־קֳבֵ֗ל דִּ֣י לָ֤א אִיתַי֙ אֱלָ֣ה אָחֳרָ֔ן דִּֽי־יִכֻּ֥ל לְהַצָּלָ֖ה כִּדְנָֽה׃

ẇmini̇y֮ şî֣ym tĕʻém֒ di̇y֩ kál־ʻa֨m ʼumá̇֜h wĕlişá̇̌֗n diֽ̇y־yéʼma֤r şé̌láh ʻa֣l ʼèláhàhò֗wn diֽ̇y־şǎdĕra֤kĕ méyşǎkĕ֙ waʻàbé֣d nĕgò֔wʼ hadá̇mi֣yn yiţĕʻàbé֔d ẇbayĕţé֖ḣ nĕwáli֣y yişĕ̌ţȧwé֑̇h ká̇l־qobé֗l di֣̇y lá֤ʼ ʼiyţay֙ ʼèlá֣h ʼáẖorá֔n diֽ̇y־yiku֥̇l lĕhaẕá̇lá֖h ki̇dĕnáֽh׃

30
בֵּאדַ֣יִן מַלְכָּ֗א הַצְלַ֛ח לְשַׁדְרַ֥ךְ מֵישַׁ֛ךְ וַעֲבֵ֥ד נְגֹ֖ו בִּמְדִינַ֥ת בָּבֶֽל׃ פ

bé̇ʼda֣yin malĕká̇֗ʼ haẕĕla֛ẖ lĕşǎdĕra֥kĕ méyşǎ֛kĕ waʻàbé֥d nĕgò֖w bi̇mĕdiyna֥ţ bá̇beֽl׃ p

31
נְבוּכַדְנֶצַּ֣ר מַלְכָּ֗א לְֽכָל־עַֽמְמַיָּ֞א אֻמַיָּ֧א וְלִשָּׁנַיָּ֛א דִּֽי־דָאֲרִין בְּכָל־אַרְעָ֖א שְׁלָמְכֹ֥ון יִשְׂגֵּֽא׃

nĕbẇkadĕneẕȧ֣r malĕká̇֗ʼ lĕֽkál־ʻaֽmĕmayá̇֞ʼ ʼumayá֧̇ʼ wĕlişá̇̌nayá֛̇ʼ diֽ̇y־dáʼàriyn bĕ̇kál־ʼarĕʻá֖ʼ şĕ̌lámĕkò֥wn yişĕ̂géֽ̇ʼ׃

32
אָֽתַיָּא֙ וְתִמְהַיָּ֔א דִּ֚י עֲבַ֣ד עִמִּ֔י אֱלָהָ֖א עִלָּיָא שְׁפַ֥ר קָֽדָמַ֖י לְהַחֲוָיָֽה׃

ʼáֽţayá̇ʼ֙ wĕţimĕhayá̇֔ʼ di֚̇y ʻàba֣d ʻimi̇֔y ʼèláhá֖ʼ ʻilá̇yáʼ şĕ̌pa֥r qáֽdáma֖y lĕhaẖàwáyáֽh׃

33
אָתֹ֨והִי֙ כְּמָ֣ה רַבְרְבִ֔ין וְתִמְהֹ֖והִי כְּמָ֣ה תַקִּיפִ֑ין מַלְכוּתֵהּ֙ מַלְכ֣וּת עָלַ֔ם וְשָׁלְטָנֵ֖הּ עִם־דָּ֥ר וְדָֽר׃

ʼáţò֨whiy֙ kĕ̇má֣h rabĕrĕbi֔yn wĕţimĕhò֖whiy kĕ̇má֣h ţaqi̇ypi֑yn malĕkẇţéḣ֙ malĕk֣ẇţ ʻála֔m wĕşá̌lĕtáné֖ḣ ʻim־dá֥̇r wĕdáֽr׃