Bibles in ancient languages
Old translations
Modern translations

Biblia Hebraica Stuttgartensia Daniel 6:21

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְדָרְיָ֨וֶשׁ֙ מָדָיָא קַבֵּ֖ל מַלְכוּתָ֑א כְּבַ֥ר שְׁנִ֖ין שִׁתִּ֥ין וְתַרְתֵּֽין׃

wĕdárĕyá֨weş̌֙ mádáyáʼ qabé֖̇l malĕkẇţá֑ʼ kĕ̇ba֥r şĕ̌ni֖yn şǐţi֥̇yn wĕţarĕţéֽ̇yn׃

2
שְׁפַר֙ קֳדָ֣ם דָּרְיָ֔וֶשׁ וַהֲקִים֙ עַל־מַלְכוּתָ֔א לַאֲחַשְׁדַּרְפְּנַיָּ֖א מְאָ֣ה וְעֶשְׂרִ֑ין דִּ֥י לֶהֱוֹ֖ן בְּכָל־מַלְכוּתָֽא׃

şĕ̌par֙ qodá֣m dá̇rĕyá֔weş̌ wahàqiym֙ ʻal־malĕkẇţá֔ʼ laʼàẖaşĕ̌dȧrĕpĕ̇nayá֖̇ʼ mĕʼá֣h wĕʻeşĕ̂ri֑yn di֥̇y lehèwò֖n bĕ̇kál־malĕkẇţáֽʼ׃

3
וְעֵ֤לָּא מִנְּהֹון֙ סָרְכִ֣ין תְּלָתָ֔א דִּ֥י דָנִיֵּ֖אל חַֽד־מִנְּהֹ֑ון דִּֽי־לֶהֱוֹ֞ן אֲחַשְׁדַּרְפְּנַיָּ֣א אִלֵּ֗ין יָהֲבִ֤ין לְהֹון֙ טַעְמָ֔א וּמַלְכָּ֖א לָֽא־לֶהֱוֵ֥א נָזִֽק׃

wĕʻé֤lá̇ʼ minĕ̇hòwn֙ sárĕki֣yn ţĕ̇láţá֔ʼ di֥̇y dániyé֖̇ʼl ẖaֽd־minĕ̇hò֑wn diֽ̇y־lehèwò֞n ʼàẖaşĕ̌dȧrĕpĕ̇nayá֣̇ʼ ʼilé̇֗yn yáhàbi֤yn lĕhòwn֙ taʻĕmá֔ʼ ẇmalĕká֖̇ʼ láֽʼ־lehèwé֥ʼ náziֽq׃

4
אֱדַ֨יִן֙ דָּנִיֵּ֣אל דְּנָ֔ה הֲוָ֣א מִתְנַצַּ֔ח עַל־סָרְכַיָּ֖א וַאֲחַשְׁדַּרְפְּנַיָּ֑א כָּל־קֳבֵ֗ל דִּ֣י ר֤וּחַ יַתִּירָא֙ בֵּ֔הּ וּמַלְכָּ֣א עֲשִׁ֔ית לַהֲקָמוּתֵ֖הּ עַל־כָּל־מַלְכוּתָֽא׃

ʼèda֨yin֙ dá̇niyé֣̇ʼl dĕ̇ná֔h hàwá֣ʼ miţĕnaẕȧ֔ẖ ʻal־sárĕkayá֖̇ʼ waʼàẖaşĕ̌dȧrĕpĕ̇nayá֑̇ʼ ká̇l־qobé֗l di֣̇y r֤ẇẖa yaţi̇yráʼ֙ bé̇֔ḣ ẇmalĕká֣̇ʼ ʻàşǐ֔yţ lahàqámẇţé֖ḣ ʻal־ká̇l־malĕkẇţáֽʼ׃

5
אֱדַ֨יִן סָֽרְכַיָּ֜א וַאֲחַשְׁדַּרְפְּנַיָּ֗א הֲוֹ֨ו בָעַ֧יִן עִלָּ֛ה לְהַשְׁכָּחָ֥ה לְדָנִיֵּ֖אל מִצַּ֣ד מַלְכוּתָ֑א וְכָל־עִלָּ֨ה וּשְׁחִיתָ֜ה לָא־יָכְלִ֣ין לְהַשְׁכָּחָ֗ה כָּל־קֳבֵל֙ דִּֽי־מְהֵימַ֣ן ה֔וּא וְכָל־שָׁלוּ֙ וּשְׁחִיתָ֔ה לָ֥א הִשְׁתְּכַ֖חַת עֲלֹֽוהִי׃

ʼèda֨yin sáֽrĕkayá̇֜ʼ waʼàẖaşĕ̌dȧrĕpĕ̇nayá̇֗ʼ hàwò֨w báʻa֧yin ʻilá֛̇h lĕhaşĕ̌ká̇ẖá֥h lĕdániyé֖̇ʼl miẕȧ֣d malĕkẇţá֑ʼ wĕkál־ʻilá̇֨h ẇşĕ̌ẖiyţá֜h láʼ־yákĕli֣yn lĕhaşĕ̌ká̇ẖá֗h ká̇l־qobél֙ diֽ̇y־mĕhéyma֣n h֔ẇʼ wĕkál־şá̌lẇ֙ ẇşĕ̌ẖiyţá֔h lá֥ʼ hişĕ̌ţĕ̇ka֖ẖaţ ʻàlòֽwhiy׃

6
אֱ֠דַיִן גֻּבְרַיָּ֤א אִלֵּךְ֙ אָֽמְרִ֔ין דִּ֣י לָ֧א נְהַשְׁכַּ֛ח לְדָנִיֵּ֥אל דְּנָ֖ה כָּל־עִלָּ֑א לָהֵ֕ן הַשְׁכַּ֥חְנָֽה עֲלֹ֖והִי בְּדָ֥ת אֱלָהֵֽהּ׃ ס

ʼè֠dayin gu̇bĕrayá֤̇ʼ ʼilé̇kĕ֙ ʼáֽmĕri֔yn di֣̇y lá֧ʼ nĕhaşĕ̌kȧ֛ẖ lĕdániyé֥̇ʼl dĕ̇ná֖h ká̇l־ʻilá֑̇ʼ láhé֕n haşĕ̌kȧ֥ẖĕnáֽh ʻàlò֖whiy bĕ̇dá֥ţ ʼèláhéֽḣ׃ s

7
אֱ֠דַיִן סָרְכַיָּ֤א וַאֲחַשְׁדַּרְפְּנַיָּא֙ אִלֵּ֔ן הַרְגִּ֖שׁוּ עַל־מַלְכָּ֑א וְכֵן֙ אָמְרִ֣ין לֵ֔הּ דָּרְיָ֥וֶשׁ מַלְכָּ֖א לְעָלְמִ֥ין חֱיִֽי׃

ʼè֠dayin sárĕkayá֤̇ʼ waʼàẖaşĕ̌dȧrĕpĕ̇nayá̇ʼ֙ ʼilé̇֔n harĕgi֖̇ş̌ẇ ʻal־malĕká֑̇ʼ wĕkén֙ ʼámĕri֣yn lé֔ḣ dá̇rĕyá֥weş̌ malĕká֖̇ʼ lĕʻálĕmi֥yn ẖèyiֽy׃

8
אִתְיָעַ֜טוּ כֹּ֣ל׀ סָרְכֵ֣י מַלְכוּתָ֗א סִגְנַיָּ֤א וַֽאֲחַשְׁדַּרְפְּנַיָּא֙ הַדָּֽבְרַיָּ֣א וּפַחֲוָתָ֔א לְקַיָּמָ֤ה קְיָם֙ מַלְכָּ֔א וּלְתַקָּפָ֖ה אֱסָ֑ר דִּ֣י כָל־דִּֽי־יִבְעֵ֣ה בָ֠עוּ מִן־כָּל־אֱלָ֨הּ וֶֽאֱנָ֜שׁ עַד־יֹומִ֣ין תְּלָתִ֗ין לָהֵן֙ מִנָּ֣ךְ מַלְכָּ֔א יִתְרְמֵ֕א לְגֹ֖ב אַרְיָוָתָֽא׃

ʼiţĕyáʻa֜tẇ kò֣̇l׀ sárĕké֣y malĕkẇţá֗ʼ sigĕnayá֤̇ʼ waֽʼàẖaşĕ̌dȧrĕpĕ̇nayá̇ʼ֙ hadáֽ̇bĕrayá֣̇ʼ ẇpaẖàwáţá֔ʼ lĕqayá̇má֤h qĕyám֙ malĕká̇֔ʼ ẇlĕţaqá̇pá֖h ʼèsá֑r di֣̇y kál־diֽ̇y־yibĕʻé֣h bá֠ʻẇ min־ká̇l־ʼèlá֨ḣ weֽʼèná֜ş̌ ʻad־yòwmi֣yn ţĕ̇láţi֗yn láhén֙ miná֣̇kĕ malĕká̇֔ʼ yiţĕrĕmé֕ʼ lĕgò֖b ʼarĕyáwáţáֽʼ׃

9
כְּעַ֣ן מַלְכָּ֔א תְּקִ֥ים אֱסָרָ֖א וְתִרְשֻׁ֣ם כְּתָבָ֑א דִּ֣י לָ֧א לְהַשְׁנָיָ֛ה כְּדָת־מָדַ֥י וּפָרַ֖ס דִּי־לָ֥א תֶעְדֵּֽא׃

kĕ̇ʻa֣n malĕká̇֔ʼ ţĕ̇qi֥ym ʼèsárá֖ʼ wĕţirĕşǔ֣m kĕ̇ţábá֑ʼ di֣̇y lá֧ʼ lĕhaşĕ̌náyá֛h kĕ̇dáţ־máda֥y ẇpára֖s di̇y־lá֥ʼ ţeʻĕdéֽ̇ʼ׃

10
כָּל־קֳבֵ֖ל דְּנָ֑ה מַלְכָּא֙ דָּֽרְיָ֔וֶשׁ רְשַׁ֥ם כְּתָבָ֖א וֶאֱסָרָֽא׃

ká̇l־qobé֖l dĕ̇ná֑h malĕká̇ʼ֙ dáֽ̇rĕyá֔weş̌ rĕşǎ֥m kĕ̇ţábá֖ʼ weʼèsáráֽʼ׃

11
וְ֠דָנִיֵּאל כְּדִ֨י יְדַ֜ע דִּֽי־רְשִׁ֤ים כְּתָבָא֙ עַ֣ל לְבַיְתֵ֔הּ וְכַוִּ֨ין פְּתִיחָ֥ן לֵהּ֙ בְּעִלִּיתֵ֔הּ נֶ֖גֶד יְרוּשְׁלֶ֑ם וְזִמְנִין֩ תְּלָתָ֨ה בְיֹומָ֜א ה֣וּא׀ בָּרֵ֣ךְ עַל־בִּרְכֹ֗והִי וּמְצַלֵּ֤א וּמֹודֵא֙ קֳדָ֣ם אֱלָהֵ֔הּ כָּל־קֳבֵל֙ דִּֽי־הֲוָ֣א עָבֵ֔ד מִן־קַדְמַ֖ת דְּנָֽה׃ ס

wĕ֠dániyé̇ʼl kĕ̇di֨y yĕda֜ʻ diֽ̇y־rĕşǐ֤ym kĕ̇ţábáʼ֙ ʻa֣l lĕbayĕţé֔ḣ wĕkawi̇֨yn pĕ̇ţiyẖá֥n léḣ֙ bĕ̇ʻili̇yţé֔ḣ ne֖ged yĕrẇşĕ̌le֑m wĕzimĕniyn֩ ţĕ̇láţá֨h bĕyòwmá֜ʼ h֣ẇʼ׀ bá̇ré֣kĕ ʻal־bi̇rĕkò֗whiy ẇmĕẕalé֤̇ʼ ẇmòwdéʼ֙ qodá֣m ʼèláhé֔ḣ ká̇l־qobél֙ diֽ̇y־hàwá֣ʼ ʻábé֔d min־qadĕma֖ţ dĕ̇náֽh׃ s

12
אֱ֠דַיִן גֻּבְרַיָּ֤א אִלֵּךְ֙ הַרְגִּ֔שׁוּ וְהַשְׁכַּ֖חוּ לְדָנִיֵּ֑אל בָּעֵ֥א וּמִתְחַנַּ֖ן קֳדָ֥ם אֱלָהֵֽהּ׃

ʼè֠dayin gu̇bĕrayá֤̇ʼ ʼilé̇kĕ֙ harĕgi̇֔ş̌ẇ wĕhaşĕ̌kȧ֖ẖẇ lĕdániyé֑̇ʼl bá̇ʻé֥ʼ ẇmiţĕẖanȧ֖n qodá֥m ʼèláhéֽḣ׃

13
בֵּ֠אדַיִן קְרִ֨יבוּ וְאָמְרִ֥ין קֳדָם־מַלְכָּא֮ עַל־אֱסָ֣ר מַלְכָּא֒ הֲלָ֧א אֱסָ֣ר רְשַׁ֗מְתָּ דִּ֣י כָל־אֱנָ֡שׁ דִּֽי־יִבְעֵה֩ מִן־כָּל־אֱלָ֨הּ וֶֽאֱנָ֜שׁ עַד־יֹומִ֣ין תְּלָתִ֗ין לָהֵן֙ מִנָּ֣ךְ מַלְכָּ֔א יִתְרְמֵ֕א לְגֹ֖וב אַרְיָותָ֑א עָנֵ֨ה מַלְכָּ֜א וְאָמַ֗ר יַצִּיבָ֧א מִלְּתָ֛א כְּדָת־מָדַ֥י וּפָרַ֖ס דִּי־לָ֥א תֶעְדֵּֽא׃

bé̇֠ʼdayin qĕri֨ybẇ wĕʼámĕri֥yn qodám־malĕká̇ʼ֮ ʻal־ʼèsá֣r malĕká̇ʼ֒ hàlá֧ʼ ʼèsá֣r rĕşǎ֗mĕţá̇ di֣̇y kál־ʼèná֡ş̌ diֽ̇y־yibĕʻéh֩ min־ká̇l־ʼèlá֨ḣ weֽʼèná֜ş̌ ʻad־yòwmi֣yn ţĕ̇láţi֗yn láhén֙ miná֣̇kĕ malĕká̇֔ʼ yiţĕrĕmé֕ʼ lĕgò֖wb ʼarĕyáwţá֑ʼ ʻáné֨h malĕká̇֜ʼ wĕʼáma֗r yaẕi̇ybá֧ʼ milĕ̇ţá֛ʼ kĕ̇dáţ־máda֥y ẇpára֖s di̇y־lá֥ʼ ţeʻĕdéֽ̇ʼ׃

14
בֵּ֠אדַיִן עֲנֹ֣ו וְאָמְרִין֮ קֳדָ֣ם מַלְכָּא֒ דִּ֣י דָנִיֵּ֡אל דִּי֩ מִן־בְּנֵ֨י גָלוּתָ֜א דִּ֣י יְה֗וּד לָא־שָׂ֨ם עֲלַיִךְ מַלְכָּא֙ טְעֵ֔ם וְעַל־אֱסָרָ֖א דִּ֣י רְשַׁ֑מְתָּ וְזִמְנִ֤ין תְּלָתָה֙ בְּיֹומָ֔א בָּעֵ֖א בָּעוּתֵֽהּ׃

bé̇֠ʼdayin ʻànò֣w wĕʼámĕriyn֮ qodá֣m malĕká̇ʼ֒ di֣̇y dániyé̇֡ʼl di̇y֩ min־bĕ̇né֨y gálẇţá֜ʼ di֣̇y yĕh֗ẇd láʼ־şá̂֨m ʻàlayikĕ malĕká̇ʼ֙ tĕʻé֔m wĕʻal־ʼèsárá֖ʼ di֣̇y rĕşǎ֑mĕţá̇ wĕzimĕni֤yn ţĕ̇láţáh֙ bĕ̇yòwmá֔ʼ bá̇ʻé֖ʼ bá̇ʻẇţéֽḣ׃

15
אֱדַ֨יִן מַלְכָּ֜א כְּדִ֧י מִלְּתָ֣א שְׁמַ֗ע שַׂגִּיא֙ בְּאֵ֣שׁ עֲלֹ֔והִי וְעַ֧ל דָּנִיֵּ֛אל שָׂ֥ם בָּ֖ל לְשֵׁיזָבוּתֵ֑הּ וְעַד֙ מֶֽעָלֵ֣י שִׁמְשָׁ֔א הֲוָ֥א מִשְׁתַּדַּ֖ר לְהַצָּלוּתֵֽהּ׃

ʼèda֨yin malĕká̇֜ʼ kĕ̇di֧y milĕ̇ţá֣ʼ şĕ̌ma֗ʻ şâgi̇yʼ֙ bĕ̇ʼé֣ş̌ ʻàlò֔whiy wĕʻa֧l dá̇niyé֛̇ʼl şá֥̂m bá֖̇l lĕşé̌yzábẇţé֑ḣ wĕʻad֙ meֽʻálé֣y şǐmĕşá̌֔ʼ hàwá֥ʼ mişĕ̌ţȧdȧ֖r lĕhaẕá̇lẇţéֽḣ׃

16
בֵּאדַ֨יִן֙ גֻּבְרַיָּ֣א אִלֵּ֔ךְ הַרְגִּ֖שׁוּ עַל־מַלְכָּ֑א וְאָמְרִ֣ין לְמַלְכָּ֗א דַּ֤ע מַלְכָּא֙ דִּֽי־דָת֙ לְמָדַ֣י וּפָרַ֔ס דִּֽי־כָל־אֱסָ֥ר וּקְיָ֛ם דִּֽי־מַלְכָּ֥א יְהָקֵ֖ים לָ֥א לְהַשְׁנָיָֽה׃

bé̇ʼda֨yin֙ gu̇bĕrayá֣̇ʼ ʼilé̇֔kĕ harĕgi֖̇ş̌ẇ ʻal־malĕká֑̇ʼ wĕʼámĕri֣yn lĕmalĕká̇֗ʼ dȧ֤ʻ malĕká̇ʼ֙ diֽ̇y־dáţ֙ lĕmáda֣y ẇpára֔s diֽ̇y־kál־ʼèsá֥r ẇqĕyá֛m diֽ̇y־malĕká֥̇ʼ yĕháqé֖ym lá֥ʼ lĕhaşĕ̌náyáֽh׃

17
בֵּאדַ֜יִן מַלְכָּ֣א אֲמַ֗ר וְהַיְתִיו֙ לְדָ֣נִיֵּ֔אל וּרְמֹ֕ו לְגֻבָּ֖א דִּ֣י אַרְיָוָתָ֑א עָנֵ֤ה מַלְכָּא֙ וְאָמַ֣ר לְדָנִיֵּ֔אל אֱלָהָ֗ךְ דִּ֣י אַנְתָּה פָּֽלַֽח־לֵהּ֙ בִּתְדִירָ֔א ה֖וּא יְשֵׁיזְבִנָּֽךְ׃

bé̇ʼda֜yin malĕká֣̇ʼ ʼàma֗r wĕhayĕţiyw֙ lĕdá֣niyé̇֔ʼl ẇrĕmò֕w lĕgubá֖̇ʼ di֣̇y ʼarĕyáwáţá֑ʼ ʻáné֤h malĕká̇ʼ֙ wĕʼáma֣r lĕdániyé̇֔ʼl ʼèláhá֗kĕ di֣̇y ʼanĕţá̇h páֽ̇laֽẖ־léḣ֙ bi̇ţĕdiyrá֔ʼ h֖ẇʼ yĕşé̌yzĕbináֽ̇kĕ׃

18
וְהֵיתָ֨יִת֙ אֶ֣בֶן חֲדָ֔ה וְשֻׂמַ֖ת עַל־פֻּ֣ם גֻּבָּ֑א וְחַתְמַ֨הּ מַלְכָּ֜א בְּעִזְקְתֵ֗הּ וּבְעִזְקָת֙ רַבְרְבָנֹ֔והִי דִּ֛י לָא־תִשְׁנֵ֥א צְב֖וּ בְּדָנִיֵּֽאל׃

wĕhéyţá֨yiţ֙ ʼe֣ben ẖàdá֔h wĕşûma֖ţ ʻal־pu֣̇m gu̇bá֑̇ʼ wĕẖaţĕma֨ḣ malĕká̇֜ʼ bĕ̇ʻizĕqĕţé֗ḣ ẇbĕʻizĕqáţ֙ rabĕrĕbánò֔whiy di֛̇y láʼ־ţişĕ̌né֥ʼ ẕĕb֖ẇ bĕ̇dániyéֽ̇ʼl׃

19
אֱ֠דַיִן אֲזַ֨ל מַלְכָּ֤א לְהֵֽיכְלֵהּ֙ וּבָ֣ת טְוָ֔ת וְדַחֲוָ֖ן לָא־הַנְעֵ֣ל קָֽדָמֹ֑והִי וְשִׁנְתֵּ֖הּ נַדַּ֥ת עֲלֹֽוהִי׃

ʼè֠dayin ʼàza֨l malĕká֤̇ʼ lĕhéֽykĕléḣ֙ ẇbá֣ţ tĕwá֔ţ wĕdaẖàwá֖n láʼ־hanĕʻé֣l qáֽdámò֑whiy wĕşǐnĕţé֖̇ḣ nadȧ֥ţ ʻàlòֽwhiy׃

20
בֵּאדַ֣יִן מַלְכָּ֔א בִּשְׁפַּרְפָּרָ֖א יְק֣וּם בְּנָגְהָ֑א וּבְהִ֨תְבְּהָלָ֔ה לְגֻבָּ֥א דִֽי־אַרְיָוָתָ֖א אֲזַֽל׃

bé̇ʼda֣yin malĕká̇֔ʼ bi̇şĕ̌pȧrĕpá̇rá֖ʼ yĕq֣ẇm bĕ̇nágĕhá֑ʼ ẇbĕhi֨ţĕbĕ̇hálá֔h lĕgubá֥̇ʼ diֽy־ʼarĕyáwáţá֖ʼ ʼàzaֽl׃

21
וּכְמִקְרְבֵ֣הּ לְגֻבָּ֔א לְדָ֣נִיֵּ֔אל בְּקָ֥ל עֲצִ֖יב זְעִ֑ק עָנֵ֨ה מַלְכָּ֜א וְאָמַ֣ר לְדָנִיֵּ֗אל דָּֽנִיֵּאל֙ עֲבֵד֙ אֱלָהָ֣א חַיָּ֔א אֱלָהָ֗ךְ דִּ֣י אַנְתָּה פָּֽלַֽח־לֵהּ֙ בִּתְדִירָ֔א הַיְכִ֥ל לְשֵׁיזָבוּתָ֖ךְ מִן־אַרְיָוָתָֽא׃

ẇkĕmiqĕrĕbé֣ḣ lĕgubá̇֔ʼ lĕdá֣niyé̇֔ʼl bĕ̇qá֥l ʻàẕi֖yb zĕʻi֑q ʻáné֨h malĕká̇֜ʼ wĕʼáma֣r lĕdániyé̇֗ʼl dáֽ̇niyé̇ʼl֙ ʻàbéd֙ ʼèláhá֣ʼ ẖayá̇֔ʼ ʼèláhá֗kĕ di֣̇y ʼanĕţá̇h páֽ̇laֽẖ־léḣ֙ bi̇ţĕdiyrá֔ʼ hayĕki֥l lĕşé̌yzábẇţá֖kĕ min־ʼarĕyáwáţáֽʼ׃

22
אֱדַ֨יִן֙ דָּנִיֶּ֔אל עִם־מַלְכָּ֖א מַלִּ֑ל מַלְכָּ֖א לְעָלְמִ֥ין חֱיִֽי׃

ʼèda֨yin֙ dá̇niyė֔ʼl ʻim־malĕká֖̇ʼ mali֑̇l malĕká֖̇ʼ lĕʻálĕmi֥yn ẖèyiֽy׃

23
אֱלָהִ֞י שְׁלַ֣ח מַלְאֲכֵ֗הּ וּֽסֲגַ֛ר פֻּ֥ם אַרְיָוָתָ֖א וְלָ֣א חַבְּל֑וּנִי כָּל־קֳבֵ֗ל דִּ֤י קָֽדָמֹ֨והִי֙ זָכוּ֙ הִשְׁתְּכַ֣חַת לִ֔י וְאַ֤ף קָדָמַיִךְ מַלְכָּ֔א חֲבוּלָ֖ה לָ֥א עַבְדֵֽת׃

ʼèláhi֞y şĕ̌la֣ẖ malĕʼàké֗ḣ ẇֽsàga֛r pu֥̇m ʼarĕyáwáţá֖ʼ wĕlá֣ʼ ẖabĕ̇l֑ẇniy ká̇l־qobé֗l di֤̇y qáֽdámò֨whiy֙ zákẇ֙ hişĕ̌ţĕ̇ka֣ẖaţ li֔y wĕʼa֤p qádámayikĕ malĕká̇֔ʼ ẖàbẇlá֖h lá֥ʼ ʻabĕdéֽţ׃

24
בֵּאדַ֣יִן מַלְכָּ֗א שַׂגִּיא֙ טְאֵ֣ב עֲלֹ֔והִי וּלְדָ֣נִיֵּ֔אל אֲמַ֖ר לְהַנְסָקָ֣ה מִן־גֻּבָּ֑א וְהֻסַּ֨ק דָּנִיֵּ֜אל מִן־גֻּבָּ֗א וְכָל־חֲבָל֙ לָא־הִשְׁתְּכַ֣ח בֵּ֔הּ דִּ֖י הֵימִ֥ן בֵּאלָהֵֽהּ׃

bé̇ʼda֣yin malĕká̇֗ʼ şâgi̇yʼ֙ tĕʼé֣b ʻàlò֔whiy ẇlĕdá֣niyé̇֔ʼl ʼàma֖r lĕhanĕsáqá֣h min־gu̇bá֑̇ʼ wĕhusȧ֨q dá̇niyé̇֜ʼl min־gu̇bá̇֗ʼ wĕkál־ẖàbál֙ láʼ־hişĕ̌ţĕ̇ka֣ẖ bé̇֔ḣ di֖̇y héymi֥n bé̇ʼláhéֽḣ׃

25
וַאֲמַ֣ר מַלְכָּ֗א וְהַיְתִ֞יו גֻּבְרַיָּ֤א אִלֵּךְ֙ דִּֽי־אֲכַ֤לוּ קַרְצֹ֨והִי֙ דִּ֣י דָֽנִיֵּ֔אל וּלְגֹ֤ב אַרְיָוָתָא֙ רְמֹ֔ו אִנּ֖וּן בְּנֵיהֹ֣ון וּנְשֵׁיהֹ֑ון וְלָֽא־מְטֹ֞ו לְאַרְעִ֣ית גֻּבָּ֗א עַ֠ד דִּֽי־שְׁלִ֤טֽוּ בְהֹון֙ אַרְיָ֣וָתָ֔א וְכָל־גַּרְמֵיהֹ֖ון הַדִּֽקוּ׃

waʼàma֣r malĕká̇֗ʼ wĕhayĕţi֞yw gu̇bĕrayá֤̇ʼ ʼilé̇kĕ֙ diֽ̇y־ʼàka֤lẇ qarĕẕò֨whiy֙ di֣̇y dáֽniyé̇֔ʼl ẇlĕgò֤b ʼarĕyáwáţáʼ֙ rĕmò֔w ʼiṅ֖ẇn bĕ̇néyhò֣wn ẇnĕşé̌yhò֑wn wĕláֽʼ־mĕtò֞w lĕʼarĕʻi֣yţ gu̇bá̇֗ʼ ʻa֠d diֽ̇y־şĕ̌li֤tֽẇ bĕhòwn֙ ʼarĕyá֣wáţá֔ʼ wĕkál־gȧrĕméyhò֖wn hadiֽ̇qẇ׃

26
בֵּאדַ֜יִן דָּרְיָ֣וֶשׁ מַלְכָּ֗א כְּ֠תַב לְֽכָל־עַֽמְמַיָּ֞א אֻמַיָּ֧א וְלִשָּׁנַיָּ֛א דִּֽי־דָאֲרִין בְּכָל־אַרְעָ֖א שְׁלָמְכֹ֥ון יִשְׂגֵּֽא׃

bé̇ʼda֜yin dá̇rĕyá֣weş̌ malĕká̇֗ʼ kĕ̇֠ţab lĕֽkál־ʻaֽmĕmayá̇֞ʼ ʼumayá֧̇ʼ wĕlişá̇̌nayá֛̇ʼ diֽ̇y־dáʼàriyn bĕ̇kál־ʼarĕʻá֖ʼ şĕ̌lámĕkò֥wn yişĕ̂géֽ̇ʼ׃

27
מִן־קֳדָמַי֮ שִׂ֣ים טְעֵם֒ דִּ֣י׀ בְּכָל־שָׁלְטָ֣ן מַלְכוּתִ֗י לֶהֱוֹ֤ן זָאֲעִין וְדָ֣חֲלִ֔ין מִן־קֳדָ֖ם אֱלָהֵ֣הּ דִּי־דָֽנִיֵּ֑אל דִּי־ה֣וּא׀ אֱלָהָ֣א חַיָּ֗א וְקַיָּם֙ לְעָ֣לְמִ֔ין וּמַלְכוּתֵהּ֙ דִּֽי־לָ֣א תִתְחַבַּ֔ל וְשָׁלְטָנֵ֖הּ עַד־סֹופָֽא׃

min־qodámay֮ şî֣ym tĕʻém֒ di֣̇y׀ bĕ̇kál־şá̌lĕtá֣n malĕkẇţi֗y lehèwò֤n záʼàʻiyn wĕdá֣ẖàli֔yn min־qodá֖m ʼèláhé֣ḣ di̇y־dáֽniyé֑̇ʼl di̇y־h֣ẇʼ׀ ʼèláhá֣ʼ ẖayá̇֗ʼ wĕqayá̇m֙ lĕʻá֣lĕmi֔yn ẇmalĕkẇţéḣ֙ diֽ̇y־lá֣ʼ ţiţĕẖabȧ֔l wĕşá̌lĕtáné֖ḣ ʻad־sòwpáֽʼ׃

28
מְשֵׁיזִ֣ב וּמַצִּ֗ל וְעָבֵד֙ אָתִ֣ין וְתִמְהִ֔ין בִּשְׁמַיָּ֖א וּבְאַרְעָ֑א דִּ֚י שֵׁיזִ֣יב לְדָֽנִיֵּ֔אל מִן־יַ֖ד אַרְיָוָתָֽא׃

mĕşé̌yzi֣b ẇmaẕi̇֗l wĕʻábéd֙ ʼáţi֣yn wĕţimĕhi֔yn bi̇şĕ̌mayá֖̇ʼ ẇbĕʼarĕʻá֑ʼ di֚̇y şé̌yzi֣yb lĕdáֽniyé̇֔ʼl min־ya֖d ʼarĕyáwáţáֽʼ׃

29
וְדָנִיֵּ֣אל דְּנָ֔ה הַצְלַ֖ח בְּמַלְכ֣וּת דָּרְיָ֑וֶשׁ וּבְמַלְכ֖וּת כֹּ֥ורֶשׁ פָּרְסָיָא

wĕdániyé֣̇ʼl dĕ̇ná֔h haẕĕla֖ẖ bĕ̇malĕk֣ẇţ dá̇rĕyá֑weş̌ ẇbĕmalĕk֖ẇţ kò֥̇wreş̌ pá̇rĕsáyáʼ