Bibles in ancient languages
Old translations
Modern translations

Biblia Hebraica Stuttgartensia Daniel 7:22

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בִּשְׁנַ֣ת חֲדָ֗ה לְבֵלְאשַׁצַּר֙ מֶ֣לֶךְ בָּבֶ֔ל דָּנִיֵּאל֙ חֵ֣לֶם חֲזָ֔ה וְחֶזְוֵ֥י רֵאשֵׁ֖הּ עַֽל־מִשְׁכְּבֵ֑הּ בֵּאדַ֨יִן֙ חֶלְמָ֣א כְתַ֔ב רֵ֥אשׁ מִלִּ֖ין אֲמַֽר׃

bi̇şĕ̌na֣ţ ẖàdá֗h lĕbélĕʼşǎẕȧr֙ me֣lekĕ bá̇be֔l dá̇niyé̇ʼl֙ ẖé֣lem ẖàzá֔h wĕẖezĕwé֥y réʼşé֖̌ḣ ʻaֽl־mişĕ̌kĕ̇bé֑ḣ bé̇ʼda֨yin֙ ẖelĕmá֣ʼ kĕţa֔b ré֥ʼş̌ mili֖̇yn ʼàmaֽr׃

2
עָנֵ֤ה דָנִיֵּאל֙ וְאָמַ֔ר חָזֵ֥ה הֲוֵ֛ית בְּחֶזְוִ֖י עִם־לֵֽילְיָ֑א וַאֲר֗וּ אַרְבַּע֙ רוּחֵ֣י שְׁמַיָּ֔א מְגִיחָ֖ן לְיַמָּ֥א רַבָּֽא׃

ʻáné֤h dániyé̇ʼl֙ wĕʼáma֔r ẖázé֥h hàwé֛yţ bĕ̇ẖezĕwi֖y ʻim־léֽylĕyá֑ʼ waʼàr֗ẇ ʼarĕbȧʻ֙ rẇẖé֣y şĕ̌mayá̇֔ʼ mĕgiyẖá֖n lĕyamá֥̇ʼ rabáֽ̇ʼ׃

3
וְאַרְבַּ֤ע חֵיוָן֙ רַבְרְבָ֔ן סָלְקָ֖ן מִן־יַמָּ֑א שָׁנְיָ֖ן דָּ֥א מִן־דָּֽא׃

wĕʼarĕbȧ֤ʻ ẖéywán֙ rabĕrĕbá֔n sálĕqá֖n min־yamá֑̇ʼ şá̌nĕyá֖n dá֥̇ʼ min־dáֽ̇ʼ׃

4
קַדְמָיְתָ֣א כְאַרְיֵ֔ה וְגַפִּ֥ין דִּֽי־נְשַׁ֖ר לַ֑הּ חָזֵ֣ה הֲוֵ֡ית עַד֩ דִּי־מְּרִ֨יטוּ גַפַּ֜יהּ וּנְטִ֣ילַת מִן־אַרְעָ֗א וְעַל־רַגְלַ֨יִן֙ כֶּאֱנָ֣שׁ הֳקִימַ֔ת וּלְבַ֥ב אֱנָ֖שׁ יְהִ֥יב לַֽהּ׃

qadĕmáyĕţá֣ʼ kĕʼarĕyé֔h wĕgapi֥̇yn diֽ̇y־nĕşǎ֖r la֑ḣ ẖázé֣h hàwé֡yţ ʻad֩ di̇y־mĕ̇ri֨ytẇ gapȧ֜yḣ ẇnĕti֣ylaţ min־ʼarĕʻá֗ʼ wĕʻal־ragĕla֨yin֙ kėʼèná֣ş̌ hoqiyma֔ţ ẇlĕba֥b ʼèná֖ş̌ yĕhi֥yb laֽḣ׃

5
וַאֲר֣וּ חֵיוָה֩ אָחֳרִ֨י תִנְיָנָ֜ה דָּמְיָ֣ה לְדֹ֗ב וְלִשְׂטַר־חַד֙ הֳקִמַ֔ת וּתְלָ֥ת עִלְעִ֛ין בְּפֻמַּ֖הּ בֵּ֣ין שִׁנַּיַּהּ וְכֵן֙ אָמְרִ֣ין לַ֔הּ ק֥וּמִֽי אֲכֻ֖לִי בְּשַׂ֥ר שַׂגִּֽיא׃

waʼàr֣ẇ ẖéywáh֩ ʼáẖori֨y ţinĕyáná֜h dá̇mĕyá֣h lĕdò֗b wĕlişĕ̂tar־ẖad֙ hoqima֔ţ ẇţĕlá֥ţ ʻilĕʻi֛yn bĕ̇pumȧ֖ḣ bé֣̇yn şǐnȧyȧḣ wĕkén֙ ʼámĕri֣yn la֔ḣ q֥ẇmiֽy ʼàku֖liy bĕ̇şâ֥r şâgiֽ̇yʼ׃

6
בָּאתַ֨ר דְּנָ֜ה חָזֵ֣ה הֲוֵ֗ית וַאֲר֤וּ אָֽחֳרִי֙ כִּנְמַ֔ר וְלַ֨הּ גַּפִּ֥ין אַרְבַּ֛ע דִּי־עֹ֖וף עַל־גַּבַּיַּהּ וְאַרְבְּעָ֤ה רֵאשִׁין֙ לְחֵ֣יוְתָ֔א וְשָׁלְטָ֖ן יְהִ֥יב לַֽהּ׃

bá̇ʼţa֨r dĕ̇ná֜h ẖázé֣h hàwé֗yţ waʼàr֤ẇ ʼáֽẖoriy֙ ki̇nĕma֔r wĕla֨ḣ gȧpi֥̇yn ʼarĕbȧ֛ʻ di̇y־ʻò֖wp ʻal־gȧbȧyȧḣ wĕʼarĕbĕ̇ʻá֤h réʼşǐyn֙ lĕẖé֣ywĕţá֔ʼ wĕşá̌lĕtá֖n yĕhi֥yb laֽḣ׃

7
בָּאתַ֣ר דְּנָה֩ חָזֵ֨ה הֲוֵ֜ית בְּחֶזְוֵ֣י לֵֽילְיָ֗א וַאֲר֣וּ חֵיוָ֣ה רְבִיעָיָה דְּחִילָה֩ וְאֵֽימְתָנִ֨י וְתַקִּיפָ֜א יַתִּ֗ירָא וְשִׁנַּ֨יִן דִּֽי־פַרְזֶ֥ל לַהּ֙ רַבְרְבָ֔ן אָֽכְלָ֣ה וּמַדֱּקָ֔ה וּשְׁאָרָ֖א בְּרַגְלַיַּהּ רָפְסָ֑ה וְהִ֣יא מְשַׁנְּיָ֗ה מִן־כָּל־חֵֽיוָתָא֙ דִּ֣י קָֽדָמַ֔יהּ וְקַרְנַ֥יִן עֲשַׂ֖ר לַֽהּ׃

bá̇ʼţa֣r dĕ̇náh֩ ẖázé֨h hàwé֜yţ bĕ̇ẖezĕwé֣y léֽylĕyá֗ʼ waʼàr֣ẇ ẖéywá֣h rĕbiyʻáyáh dĕ̇ẖiyláh֩ wĕʼéֽymĕţáni֨y wĕţaqi̇ypá֜ʼ yaţi̇֗yráʼ wĕşǐnȧ֨yin diֽ̇y־parĕze֥l laḣ֙ rabĕrĕbá֔n ʼáֽkĕlá֣h ẇmadè̇qá֔h ẇşĕ̌ʼárá֖ʼ bĕ̇ragĕlayȧḣ rápĕsá֑h wĕhi֣yʼ mĕşǎnĕ̇yá֗h min־ká̇l־ẖéֽywáţáʼ֙ di֣̇y qáֽdáma֔yḣ wĕqarĕna֥yin ʻàşâ֖r laֽḣ׃

8
מִשְׂתַּכַּ֨ל הֲוֵ֜ית בְּקַרְנַיָּ֗א וַ֠אֲלוּ קֶ֣רֶן אָחֳרִ֤י זְעֵירָה֙ סִלְקָ֣ת בֵּינֵיהֹון וּתְלָ֗ת מִן־קַרְנַיָּא֙ קַדְמָ֣יָתָ֔א אֶתְעֲקַרוּ מִן־קֳדָמַיַּהּ וַאֲל֨וּ עַיְנִ֜ין כְּעַיְנֵ֤י אֲנָשָׁא֙ בְּקַרְנָא־דָ֔א וּפֻ֖ם מְמַלִּ֥ל רַבְרְבָֽן׃

mişĕ̂ţȧkȧ֨l hàwé֜yţ bĕ̇qarĕnayá̇֗ʼ wa֠ʼàlẇ qe֣ren ʼáẖori֤y zĕʻéyráh֙ silĕqá֣ţ bé̇ynéyhòwn ẇţĕlá֗ţ min־qarĕnayá̇ʼ֙ qadĕmá֣yáţá֔ʼ ʼeţĕʻàqarẇ min־qodámayȧḣ waʼàl֨ẇ ʻayĕni֜yn kĕ̇ʻayĕné֤y ʼànáşá̌ʼ֙ bĕ̇qarĕnáʼ־dá֔ʼ ẇpu֖m mĕmali֥̇l rabĕrĕbáֽn׃

9
חָזֵ֣ה הֲוֵ֗ית עַ֣ד דִּ֤י כָרְסָוָן֙ רְמִ֔יו וְעַתִּ֥יק יֹומִ֖ין יְתִ֑ב לְבוּשֵׁ֣הּ׀ כִּתְלַ֣ג חִוָּ֗ר וּשְׂעַ֤ר רֵאשֵׁהּ֙ כַּעֲמַ֣ר נְקֵ֔א כָּרְסְיֵהּ֙ שְׁבִיבִ֣ין דִּי־נ֔וּר גַּלְגִּלֹּ֖והִי נ֥וּר דָּלִֽק׃

ẖázé֣h hàwé֗yţ ʻa֣d di֤̇y kárĕsáwán֙ rĕmi֔yw wĕʻaţi֥̇yq yòwmi֖yn yĕţi֑b lĕbẇşé֣̌ḣ׀ ki̇ţĕla֣g ẖiwá̇֗r ẇşĕ̂ʻa֤r réʼşé̌ḣ֙ kȧʻàma֣r nĕqé֔ʼ ká̇rĕsĕyéḣ֙ şĕ̌biybi֣yn di̇y־n֔ẇr gȧlĕgi̇lò֖̇whiy n֥ẇr dá̇liֽq׃

10
נְהַ֣ר דִּי־נ֗וּר נָגֵ֤ד וְנָפֵק֙ מִן־קֳדָמֹ֔והִי אֶ֤לֶף אַלְפַיִם יְשַׁמְּשׁוּנֵּ֔הּ וְרִבֹּ֥ו רַבְּוָן קָֽדָמֹ֣והִי יְקוּמ֑וּן דִּינָ֥א יְתִ֖ב וְסִפְרִ֥ין פְּתִֽיחוּ׃

nĕha֣r di̇y־n֗ẇr nágé֤d wĕnápéq֙ min־qodámò֔whiy ʼe֤lep ʼalĕpayim yĕşǎmĕ̇ş̌ẇné̇֔ḣ wĕribò֥̇w rabĕ̇wán qáֽdámò֣whiy yĕqẇm֑ẇn di̇yná֥ʼ yĕţi֖b wĕsipĕri֥yn pĕ̇ţiֽyẖẇ׃

11
חָזֵ֣ה הֲוֵ֔ית בֵּאדַ֗יִן מִן־קָל֙ מִלַּיָּ֣א רַבְרְבָתָ֔א דִּ֥י קַרְנָ֖א מְמַלֱּלָ֑ה חָזֵ֣ה הֲוֵ֡ית עַד֩ דִּ֨י קְטִילַ֤ת חֵֽיוְתָא֙ וְהוּבַ֣ד גִּשְׁמַ֔הּ וִיהִיבַ֖ת לִיקֵדַ֥ת אֶשָּֽׁא׃

ẖázé֣h hàwé֔yţ bé̇ʼda֗yin min־qál֙ milȧyá֣̇ʼ rabĕrĕbáţá֔ʼ di֥̇y qarĕná֖ʼ mĕmalè̇lá֑h ẖázé֣h hàwé֡yţ ʻad֩ di̇֨y qĕtiyla֤ţ ẖéֽywĕţáʼ֙ wĕhẇba֣d gi̇şĕ̌ma֔ḣ wiyhiyba֖ţ liyqéda֥ţ ʼeşáֽ̇̌ʼ׃

12
וּשְׁאָר֙ חֵֽיוָתָ֔א הֶעְדִּ֖יו שָׁלְטָנְהֹ֑ון וְאַרְכָ֧ה בְחַיִּ֛ין יְהִ֥יבַת לְהֹ֖ון עַד־זְמַ֥ן וְעִדָּֽן׃

ẇşĕ̌ʼár֙ ẖéֽywáţá֔ʼ heʻĕdi֖̇yw şá̌lĕtánĕhò֑wn wĕʼarĕká֧h bĕẖayi֛̇yn yĕhi֥ybaţ lĕhò֖wn ʻad־zĕma֥n wĕʻidáֽ̇n׃

13
חָזֵ֤ה הֲוֵית֙ בְּחֶזְוֵ֣י לֵֽילְיָ֔א וַאֲרוּ֙ עִם־עֲנָנֵ֣י שְׁמַיָּ֔א כְּבַ֥ר אֱנָ֖שׁ אָתֵ֣ה הֲוָ֑ה וְעַד־עַתִּ֤יק יֹֽומַיָּא֙ מְטָ֔ה וּקְדָמֹ֖והִי הַקְרְבֽוּהִי׃

ẖázé֤h hàwéyţ֙ bĕ̇ẖezĕwé֣y léֽylĕyá֔ʼ waʼàrẇ֙ ʻim־ʻànáné֣y şĕ̌mayá̇֔ʼ kĕ̇ba֥r ʼèná֖ş̌ ʼáţé֣h hàwá֑h wĕʻad־ʻaţi֤̇yq yòֽwmayá̇ʼ֙ mĕtá֔h ẇqĕdámò֖whiy haqĕrĕbֽẇhiy׃

14
וְלֵ֨הּ יְהִ֤יב שָׁלְטָן֙ וִיקָ֣ר וּמַלְכ֔וּ וְכֹ֣ל עַֽמְמַיָּ֗א אֻמַיָּ֛א וְלִשָּׁנַיָּ֖א לֵ֣הּ יִפְלְח֑וּן שָׁלְטָנֵ֞הּ שָׁלְטָ֤ן עָלַם֙ דִּֽי־לָ֣א יֶעְדֵּ֔ה וּמַלְכוּתֵ֖הּ דִּי־לָ֥א תִתְחַבַּֽל׃ פ

wĕlé֨ḣ yĕhi֤yb şá̌lĕtán֙ wiyqá֣r ẇmalĕk֔ẇ wĕkò֣l ʻaֽmĕmayá̇֗ʼ ʼumayá֛̇ʼ wĕlişá̇̌nayá֖̇ʼ lé֣ḣ yipĕlĕẖ֑ẇn şá̌lĕtáné֞ḣ şá̌lĕtá֤n ʻálam֙ diֽ̇y־lá֣ʼ yeʻĕdé̇֔h ẇmalĕkẇţé֖ḣ di̇y־lá֥ʼ ţiţĕẖabȧֽl׃ p

15
אֶתְכְּרִיַּ֥ת רוּחִ֛י אֲנָ֥ה דָנִיֵּ֖אל בְּגֹ֣וא נִדְנֶ֑ה וְחֶזְוֵ֥י רֵאשִׁ֖י יְבַהֲלֻנַּֽנִי׃

ʼeţĕkĕ̇riyȧ֥ţ rẇẖi֛y ʼàná֥h dániyé֖̇ʼl bĕ̇gò֣wʼ nidĕne֑h wĕẖezĕwé֥y réʼşǐ֖y yĕbahàlunȧֽniy׃

16
קִרְבֵ֗ת עַל־חַד֙ מִן־קָ֣אֲמַיָּ֔א וְיַצִּיבָ֥א אֶבְעֵֽא־מִנֵּ֖הּ עַֽל־כָּל־דְּנָ֑ה וַאֲמַר־לִ֕י וּפְשַׁ֥ר מִלַּיָּ֖א יְהֹודְעִנַּֽנִי׃

qirĕbé֗ţ ʻal־ẖad֙ min־qá֣ʼàmayá̇֔ʼ wĕyaẕi̇ybá֥ʼ ʼebĕʻéֽʼ־miné֖̇ḣ ʻaֽl־ká̇l־dĕ̇ná֑h waʼàmar־li֕y ẇpĕşǎ֥r milȧyá֖̇ʼ yĕhòwdĕʻinȧֽniy׃

17
אִלֵּין֙ חֵיוָתָ֣א רַבְרְבָתָ֔א דִּ֥י אִנִּ֖ין אַרְבַּ֑ע אַרְבְּעָ֥ה מַלְכִ֖ין יְקוּמ֥וּן מִן־אַרְעָֽא׃

ʼilé̇yn֙ ẖéywáţá֣ʼ rabĕrĕbáţá֔ʼ di֥̇y ʼini֖̇yn ʼarĕbȧ֑ʻ ʼarĕbĕ̇ʻá֥h malĕki֖yn yĕqẇm֥ẇn min־ʼarĕʻáֽʼ׃

18
וִֽיקַבְּלוּן֙ מַלְכוּתָ֔א קַדִּישֵׁ֖י עֶלְיֹונִ֑ין וְיַחְסְנ֤וּן מַלְכוּתָא֙ עַֽד־עָ֣לְמָ֔א וְעַ֖ד עָלַ֥ם עָלְמַיָּֽא׃

wiֽyqabĕ̇lẇn֙ malĕkẇţá֔ʼ qadi̇yşé֖̌y ʻelĕyòwni֑yn wĕyaẖĕsĕn֤ẇn malĕkẇţáʼ֙ ʻaֽd־ʻá֣lĕmá֔ʼ wĕʻa֖d ʻála֥m ʻálĕmayáֽ̇ʼ׃

19
אֱדַ֗יִן צְבִית֙ לְיַצָּבָ֔א עַל־חֵֽיוְתָא֙ רְבִיעָ֣יְתָ֔א דִּֽי־הֲוָ֥ת שָֽׁנְיָ֖ה מִן־כָּלְּהֹון דְּחִילָ֣ה יַתִּ֗ירָה שִׁנַּיַּהּ דִּֽי־פַרְזֶל֙ וְטִפְרַ֣יהּ דִּֽי־נְחָ֔שׁ אָֽכְלָ֣ה מַדֲּקָ֔ה וּשְׁאָרָ֖א בְּרַגְלַ֥יהּ רָֽפְסָֽה׃

ʼèda֗yin ẕĕbiyţ֙ lĕyaẕá̇bá֔ʼ ʻal־ẖéֽywĕţáʼ֙ rĕbiyʻá֣yĕţá֔ʼ diֽ̇y־hàwá֥ţ şáֽ̌nĕyá֖h min־ká̇lĕ̇hòwn dĕ̇ẖiylá֣h yaţi̇֗yráh şǐnȧyȧḣ diֽ̇y־parĕzel֙ wĕtipĕra֣yḣ diֽ̇y־nĕẖá֔ş̌ ʼáֽkĕlá֣h madà̇qá֔h ẇşĕ̌ʼárá֖ʼ bĕ̇ragĕla֥yḣ ráֽpĕsáֽh׃

20
וְעַל־קַרְנַיָּ֤א עֲשַׂר֙ דִּ֣י בְרֵאשַׁ֔הּ וְאָחֳרִי֙ דִּ֣י סִלְקַ֔ת וּנְפַלוּ מִן־קֳדָמַיַּהּ תְּלָ֑ת וְקַרְנָ֨א דִכֵּ֜ן וְעַיְנִ֣ין לַ֗הּ וְפֻם֙ מְמַלִּ֣ל רַבְרְבָ֔ן וְחֶזְוַ֖הּ רַ֥ב מִן־חַבְרָתַֽהּ׃

wĕʻal־qarĕnayá֤̇ʼ ʻàşâr֙ di֣̇y bĕréʼşǎ֔ḣ wĕʼáẖoriy֙ di֣̇y silĕqa֔ţ ẇnĕpalẇ min־qodámayȧḣ ţĕ̇lá֑ţ wĕqarĕná֨ʼ diké̇֜n wĕʻayĕni֣yn la֗ḣ wĕpum֙ mĕmali֣̇l rabĕrĕbá֔n wĕẖezĕwa֖ḣ ra֥b min־ẖabĕráţaֽḣ׃

21
חָזֵ֣ה הֲוֵ֔ית וְקַרְנָ֣א דִכֵּ֔ן עָבְדָ֥ה קְרָ֖ב עִם־קַדִּישִׁ֑ין וְיָכְלָ֖ה לְהֹֽון׃

ẖázé֣h hàwé֔yţ wĕqarĕná֣ʼ diké̇֔n ʻábĕdá֥h qĕrá֖b ʻim־qadi̇yşǐ֑yn wĕyákĕlá֖h lĕhòֽwn׃

22
עַ֣ד דִּֽי־אֲתָ֗ה עַתִּיק֙ יֹֽומַיָּ֔א וְדִינָ֣א יְהִ֔ב לְקַדִּישֵׁ֖י עֶלְיֹונִ֑ין וְזִמְנָ֣א מְטָ֔ה וּמַלְכוּתָ֖א הֶחֱסִ֥נוּ קַדִּישִֽׁין׃

ʻa֣d diֽ̇y־ʼàţá֗h ʻaţi̇yq֙ yòֽwmayá̇֔ʼ wĕdiyná֣ʼ yĕhi֔b lĕqadi̇yşé֖̌y ʻelĕyòwni֑yn wĕzimĕná֣ʼ mĕtá֔h ẇmalĕkẇţá֖ʼ heẖèsi֥nẇ qadi̇yşǐֽyn׃

23
כֵּן֮ אֲמַר֒ חֵֽיוְתָא֙ רְבִיעָ֣יְתָ֔א מַלְכ֤וּ רְבִיעָיָא תֶּהֱוֵ֣א בְאַרְעָ֔א דִּ֥י תִשְׁנֵ֖א מִן־כָּל־מַלְכְוָתָ֑א וְתֵאכֻל֙ כָּל־אַרְעָ֔א וּתְדוּשִׁנַּ֖הּ וְתַדְּקִנַּֽהּ׃

ké̇n֮ ʼàmar֒ ẖéֽywĕţáʼ֙ rĕbiyʻá֣yĕţá֔ʼ malĕk֤ẇ rĕbiyʻáyáʼ ţėhèwé֣ʼ bĕʼarĕʻá֔ʼ di֥̇y ţişĕ̌né֖ʼ min־ká̇l־malĕkĕwáţá֑ʼ wĕţéʼkul֙ ká̇l־ʼarĕʻá֔ʼ ẇţĕdẇşǐnȧ֖ḣ wĕţadĕ̇qinȧֽḣ׃

24
וְקַרְנַיָּ֣א עֲשַׂ֔ר מִנַּהּ֙ מַלְכוּתָ֔ה עַשְׂרָ֥ה מַלְכִ֖ין יְקֻמ֑וּן וְאָחֳרָ֞ן יְק֣וּם אַחֲרֵיהֹ֗ון וְה֤וּא יִשְׁנֵא֙ מִן־קַדְמָיֵ֔א וּתְלָתָ֥ה מַלְכִ֖ין יְהַשְׁפִּֽל׃

wĕqarĕnayá֣̇ʼ ʻàşâ֔r minȧḣ֙ malĕkẇţá֔h ʻaşĕ̂rá֥h malĕki֖yn yĕqum֑ẇn wĕʼáẖorá֞n yĕq֣ẇm ʼaẖàréyhò֗wn wĕh֤ẇʼ yişĕ̌néʼ֙ min־qadĕmáyé֔ʼ ẇţĕláţá֥h malĕki֖yn yĕhaşĕ̌piֽ̇l׃

25
וּמִלִּ֗ין לְצַ֤ד עִלָּיָא יְמַלִּ֔ל וּלְקַדִּישֵׁ֥י עֶלְיֹונִ֖ין יְבַלֵּ֑א וְיִסְבַּ֗ר לְהַשְׁנָיָה֙ זִמְנִ֣ין וְדָ֔ת וְיִתְיַהֲב֣וּן בִּידֵ֔הּ עַד־עִדָּ֥ן וְעִדָּנִ֖ין וּפְלַ֥ג עִדָּֽן׃

ẇmili̇֗yn lĕẕa֤d ʻilá̇yáʼ yĕmali̇֔l ẇlĕqadi̇yşé֥̌y ʻelĕyòwni֖yn yĕbalé֑̇ʼ wĕyisĕbȧ֗r lĕhaşĕ̌náyáh֙ zimĕni֣yn wĕdá֔ţ wĕyiţĕyahàb֣ẇn bi̇ydé֔ḣ ʻad־ʻidá֥̇n wĕʻidá̇ni֖yn ẇpĕla֥g ʻidáֽ̇n׃

26
וְדִינָ֖א יִתִּ֑ב וְשָׁלְטָנֵ֣הּ יְהַעְדֹּ֔ון לְהַשְׁמָדָ֥ה וּלְהֹובָדָ֖ה עַד־סֹופָֽא׃

wĕdiyná֖ʼ yiţi֑̇b wĕşá̌lĕtáné֣ḣ yĕhaʻĕdò̇֔wn lĕhaşĕ̌mádá֥h ẇlĕhòwbádá֖h ʻad־sòwpáֽʼ׃

27
וּמַלְכוּתָ֨ה וְשָׁלְטָנָ֜א וּרְבוּתָ֗א דִּ֚י מַלְכְוָת֙ תְּחֹ֣ות כָּל־שְׁמַיָּ֔א יְהִיבַ֕ת לְעַ֖ם קַדִּישֵׁ֣י עֶלְיֹונִ֑ין מַלְכוּתֵהּ֙ מַלְכ֣וּת עָלַ֔ם וְכֹל֙ שָׁלְטָ֣נַיָּ֔א לֵ֥הּ יִפְלְח֖וּן וְיִֽשְׁתַּמְּעֽוּן׃

ẇmalĕkẇţá֨h wĕşá̌lĕtáná֜ʼ ẇrĕbẇţá֗ʼ di֚̇y malĕkĕwáţ֙ ţĕ̇ẖò֣wţ ká̇l־şĕ̌mayá̇֔ʼ yĕhiyba֕ţ lĕʻa֖m qadi̇yşé֣̌y ʻelĕyòwni֑yn malĕkẇţéḣ֙ malĕk֣ẇţ ʻála֔m wĕkòl֙ şá̌lĕtá֣nayá̇֔ʼ lé֥ḣ yipĕlĕẖ֖ẇn wĕyiֽşĕ̌ţȧmĕ̇ʻֽẇn׃

28
עַד־כָּ֖ה סֹופָ֣א דִֽי־מִלְּתָ֑א אֲנָ֨ה דָֽנִיֵּ֜אל שַׂגִּ֣יא׀ רַעְיֹונַ֣י יְבַהֲלֻנַּ֗נִי וְזִיוַי֙ יִשְׁתַּנֹּ֣ון עֲלַ֔י וּמִלְּתָ֖א בְּלִבִּ֥י נִטְרֵֽת׃ פ

ʻad־ká֖̇h sòwpá֣ʼ diֽy־milĕ̇ţá֑ʼ ʼàná֨h dáֽniyé̇֜ʼl şâgi֣̇yʼ׀ raʻĕyòwna֣y yĕbahàlunȧ֗niy wĕziyway֙ yişĕ̌ţȧnò֣̇wn ʻàla֔y ẇmilĕ̇ţá֖ʼ bĕ̇libi֥̇y nitĕréֽţ׃ p