Bibles in ancient languages
Old translations
Modern translations

Biblia Hebraica Stuttgartensia Deutéronome 10:13

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בָּעֵ֨ת הַהִ֜וא אָמַ֧ר יְהוָ֣ה אֵלַ֗י פְּסָל־לְךָ֞ שְׁנֵֽי־לוּחֹ֤ת אֲבָנִים֙ כָּרִ֣אשֹׁנִ֔ים וַעֲלֵ֥ה אֵלַ֖י הָהָ֑רָה וְעָשִׂ֥יתָ לְּךָ֖ אֲרֹ֥ון עֵֽץ׃

bá̇ʻé֨ţ hahi֜wʼ ʼáma֧r yĕhwá֣h ʼéla֗y pĕ̇sál־lĕká֞ şĕ̌néֽy־lẇẖò֤ţ ʼàbániym֙ ká̇ri֣ʼşò̌ni֔ym waʻàlé֥h ʼéla֖y háhá֑ráh wĕʻáşî֥yţá lĕ̇ká֖ ʼàrò֥wn ʻéֽẕ׃

2
וְאֶכְתֹּב֙ עַל־הַלֻּחֹ֔ת אֶת־הַדְּבָרִ֔ים אֲשֶׁ֥ר הָי֛וּ עַל־הַלֻּחֹ֥ת הָרִאשֹׁנִ֖ים אֲשֶׁ֣ר שִׁבַּ֑רְתָּ וְשַׂמְתָּ֖ם בָּאָרֹֽון׃

wĕʼekĕţò̇b֙ ʻal־halu̇ẖò֔ţ ʼeţ־hadĕ̇bári֔ym ʼàşě֥r háy֛ẇ ʻal־halu̇ẖò֥ţ háriʼşò̌ni֖ym ʼàşě֣r şǐbȧ֑rĕţá̇ wĕşâmĕţá֖̇m bá̇ʼáròֽwn׃

3
וָאַ֤עַשׂ אֲרֹון֙ עֲצֵ֣י שִׁטִּ֔ים וָאֶפְסֹ֛ל שְׁנֵי־לֻחֹ֥ת אֲבָנִ֖ים כָּרִאשֹׁנִ֑ים וָאַ֣עַל הָהָ֔רָה וּשְׁנֵ֥י הַלֻּחֹ֖ת בְּיָדִֽי׃

wáʼa֤ʻaş̂ ʼàròwn֙ ʻàẕé֣y şǐti̇֔ym wáʼepĕsò֛l şĕ̌néy־luẖò֥ţ ʼàbáni֖ym ká̇riʼşò̌ni֑ym wáʼa֣ʻal háhá֔ráh ẇşĕ̌né֥y halu̇ẖò֖ţ bĕ̇yádiֽy׃

4
וַיִּכְתֹּ֨ב עַֽל־הַלֻּחֹ֜ת כַּמִּכְתָּ֣ב הָרִאשֹׁ֗ון אֵ֚ת עֲשֶׂ֣רֶת הַדְּבָרִ֔ים אֲשֶׁ֣ר דִּבֶּר֩ יְהוָ֨ה אֲלֵיכֶ֥ם בָּהָ֛ר מִתֹּ֥וךְ הָאֵ֖שׁ בְּיֹ֣ום הַקָּהָ֑ל וַיִּתְּנֵ֥ם יְהוָ֖ה אֵלָֽי׃

wayi̇kĕţò̇֨b ʻaֽl־halu̇ẖò֜ţ kȧmi̇kĕţá֣̇b háriʼşò̌֗wn ʼé֚ţ ʻàşê֣reţ hadĕ̇bári֔ym ʼàşě֣r di̇bėr֩ yĕhwá֨h ʼàléyke֥m bá̇há֛r miţò֥̇wkĕ háʼé֖ş̌ bĕ̇yò֣wm haqá̇há֑l wayi̇ţĕ̇né֥m yĕhwá֖h ʼéláֽy׃

5
וָאֵ֗פֶן וָֽאֵרֵד֙ מִן־הָהָ֔ר וָֽאָשִׂם֙ אֶת־הַלֻּחֹ֔ת בָּאָרֹ֖ון אֲשֶׁ֣ר עָשִׂ֑יתִי וַיִּ֣הְיוּ שָׁ֔ם כַּאֲשֶׁ֥ר צִוַּ֖נִי יְהוָֽה׃

wáʼé֗pen wáֽʼéréd֙ min־háhá֔r wáֽʼáşîm֙ ʼeţ־halu̇ẖò֔ţ bá̇ʼárò֖wn ʼàşě֣r ʻáşî֑yţiy wayi֣̇hĕyẇ şá̌֔m kȧʼàşě֥r ẕiwȧ֖niy yĕhwáֽh׃

6
וּבְנֵ֣י יִשְׂרָאֵ֗ל נָֽסְע֛וּ מִבְּאֵרֹ֥ת בְּנֵי־יַעֲקָ֖ן מֹוסֵרָ֑ה שָׁ֣ם מֵ֤ת אַהֲרֹן֙ וַיִּקָּבֵ֣ר שָׁ֔ם וַיְכַהֵ֛ן אֶלְעָזָ֥ר בְּנֹ֖ו תַּחְתָּֽיו׃

ẇbĕné֣y yişĕ̂ráʼé֗l náֽsĕʻ֛ẇ mibĕ̇ʼérò֥ţ bĕ̇néy־yaʻàqá֖n mòwsérá֑h şá֣̌m mé֤ţ ʼahàròn֙ wayi̇qá̇bé֣r şá̌֔m wayĕkahé֛n ʼelĕʻázá֥r bĕ̇nò֖w ţȧẖĕţáֽ̇yw׃

7
מִשָּׁ֥ם נָסְע֖וּ הַגֻּדְגֹּ֑דָה וּמִן־הַגֻּדְגֹּ֣דָה יָטְבָ֔תָה אֶ֖רֶץ נַֽחֲלֵי מָֽיִם׃

mişá֥̇̌m násĕʻ֖ẇ hagu̇dĕgò֑̇dáh ẇmin־hagu̇dĕgò֣̇dáh yátĕbá֔ţáh ʼe֖reẕ naֽẖàléy máֽyim׃

8
בָּעֵ֣ת הַהִ֗וא הִבְדִּ֤יל יְהוָה֙ אֶת־שֵׁ֣בֶט הַלֵּוִ֔י לָשֵׂ֖את אֶת־אֲרֹ֣ון בְּרִית־יְהוָ֑ה לַעֲמֹד֩ לִפְנֵ֨י יְהוָ֤ה לְשָֽׁרְתֹו֙ וּלְבָרֵ֣ךְ בִּשְׁמֹ֔ו עַ֖ד הַיֹּ֥ום הַזֶּֽה׃

bá̇ʻé֣ţ hahi֗wʼ hibĕdi֤̇yl yĕhwáh֙ ʼeţ־şé֣̌bet halé̇wi֔y láşé֖̂ʼţ ʼeţ־ʼàrò֣wn bĕ̇riyţ־yĕhwá֑h laʻàmòd֩ lipĕné֨y yĕhwá֤h lĕşáֽ̌rĕţòw֙ ẇlĕbáré֣kĕ bi̇şĕ̌mò֔w ʻa֖d hayò֥̇wm hazėֽh׃

9
עַל־כֵּ֞ן לֹֽא־הָיָ֧ה לְלֵוִ֛י חֵ֥לֶק וְנַחֲלָ֖ה עִם־אֶחָ֑יו יְהוָה֙ ה֣וּא נַחֲלָתֹ֔ו כַּאֲשֶׁ֥ר דִּבֶּ֛ר יְהוָ֥ה אֱלֹהֶ֖יךָ לֹֽו׃

ʻal־ké̇֞n lòֽʼ־háyá֧h lĕléwi֛y ẖé֥leq wĕnaẖàlá֖h ʻim־ʼeẖá֑yw yĕhwáh֙ h֣ẇʼ naẖàláţò֔w kȧʼàşě֥r di̇bė֛r yĕhwá֥h ʼèlòhe֖yká lòֽw׃

10
וְאָנֹכִ֞י עָמַ֣דְתִּי בָהָ֗ר כַּיָּמִים֙ הָרִ֣אשֹׁנִ֔ים אַרְבָּעִ֣ים יֹ֔ום וְאַרְבָּעִ֖ים לָ֑יְלָה וַיִּשְׁמַ֨ע יְהוָ֜ה אֵלַ֔י גַּ֚ם בַּפַּ֣עַם הַהִ֔וא לֹא־אָבָ֥ה יְהוָ֖ה הַשְׁחִיתֶֽךָ׃

wĕʼánòki֞y ʻáma֣dĕţi̇y báhá֗r kȧyá̇miym֙ hári֣ʼşò̌ni֔ym ʼarĕbá̇ʻi֣ym yò֔wm wĕʼarĕbá̇ʻi֖ym lá֑yĕláh wayi̇şĕ̌ma֨ʻ yĕhwá֜h ʼéla֔y gȧ֚m bȧpȧ֣ʻam hahi֔wʼ lòʼ־ʼábá֥h yĕhwá֖h haşĕ̌ẖiyţeֽká׃

11
וַיֹּ֤אמֶר יְהוָה֙ אֵלַ֔י ק֛וּם לֵ֥ךְ לְמַסַּ֖ע לִפְנֵ֣י הָעָ֑ם וְיָבֹ֨אוּ֙ וְיִֽרְשׁ֣וּ אֶת־הָאָ֔רֶץ אֲשֶׁר־נִשְׁבַּ֥עְתִּי לַאֲבֹתָ֖ם לָתֵ֥ת לָהֶֽם׃ פ

wayò֤̇ʼmer yĕhwáh֙ ʼéla֔y q֛ẇm lé֥kĕ lĕmasȧ֖ʻ lipĕné֣y háʻá֑m wĕyábò֨ʼẇ֙ wĕyiֽrĕş֣̌ẇ ʼeţ־háʼá֔reẕ ʼàşěr־nişĕ̌bȧ֥ʻĕţi̇y laʼàbòţá֖m láţé֥ţ láheֽm׃ p

12
וְעַתָּה֙ יִשְׂרָאֵ֔ל מָ֚ה יְהוָ֣ה אֱלֹהֶ֔יךָ שֹׁאֵ֖ל מֵעִמָּ֑ךְ כִּ֣י אִם־לְ֠יִרְאָה אֶת־יְהוָ֨ה אֱלֹהֶ֜יךָ לָלֶ֤כֶת בְּכָל־דְּרָכָיו֙ וּלְאַהֲבָ֣ה אֹתֹ֔ו וְלַֽעֲבֹד֙ אֶת־יְהוָ֣ה אֱלֹהֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃

wĕʻaţá̇h֙ yişĕ̂ráʼé֔l má֚h yĕhwá֣h ʼèlòhe֔yká şò̌ʼé֖l méʻimá֑̇kĕ ki֣̇y ʼim־lĕ֠yirĕʼáh ʼeţ־yĕhwá֨h ʼèlòhe֜yká lále֤keţ bĕ̇kál־dĕ̇rákáyw֙ ẇlĕʼahàbá֣h ʼòţò֔w wĕlaֽʻàbòd֙ ʼeţ־yĕhwá֣h ʼèlòhe֔yká bĕ̇kál־lĕbábĕká֖ ẇbĕkál־napĕşěֽká׃

13
לִשְׁמֹ֞ר אֶת־מִצְוֹ֤ת יְהוָה֙ וְאֶת־חֻקֹּתָ֔יו אֲשֶׁ֛ר אָנֹכִ֥י מְצַוְּךָ֖ הַיֹּ֑ום לְטֹ֖וב לָֽךְ׃

lişĕ̌mò֞r ʼeţ־miẕĕwò֤ţ yĕhwáh֙ wĕʼeţ־ẖuqò̇ţá֔yw ʼàşě֛r ʼánòki֥y mĕẕawĕ̇ká֖ hayò֑̇wm lĕtò֖wb láֽkĕ׃

14
הֵ֚ן לַיהוָ֣ה אֱלֹהֶ֔יךָ הַשָּׁמַ֖יִם וּשְׁמֵ֣י הַשָּׁמָ֑יִם הָאָ֖רֶץ וְכָל־אֲשֶׁר־בָּֽהּ׃

hé֚n layhwá֣h ʼèlòhe֔yká haşá̇̌ma֖yim ẇşĕ̌mé֣y haşá̇̌má֑yim háʼá֖reẕ wĕkál־ʼàşěr־báֽ̇ḣ׃

15
רַ֧ק בַּאֲבֹתֶ֛יךָ חָשַׁ֥ק יְהוָ֖ה לְאַהֲבָ֣ה אֹותָ֑ם וַיִּבְחַ֞ר בְּזַרְעָ֣ם אַחֲרֵיהֶ֗ם בָּכֶ֛ם מִכָּל־הָעַמִּ֖ים כַּיֹּ֥ום הַזֶּֽה׃

ra֧q bȧʼàbòţe֛yká ẖáşǎ֥q yĕhwá֖h lĕʼahàbá֣h ʼòwţá֑m wayi̇bĕẖa֞r bĕ̇zarĕʻá֣m ʼaẖàréyhe֗m bá̇ke֛m miká̇l־háʻami֖̇ym kȧyò֥̇wm hazėֽh׃

16
וּמַלְתֶּ֕ם אֵ֖ת עָרְלַ֣ת לְבַבְכֶ֑ם וְעָ֨רְפְּכֶ֔ם לֹ֥א תַקְשׁ֖וּ עֹֽוד׃

ẇmalĕţė֕m ʼé֖ţ ʻárĕla֣ţ lĕbabĕke֑m wĕʻá֨rĕpĕ̇ke֔m lò֥ʼ ţaqĕş֖̌ẇ ʻòֽwd׃

17
כִּ֚י יְהוָ֣ה אֱלֹֽהֵיכֶ֔ם ה֚וּא אֱלֹהֵ֣י הָֽאֱלֹהִ֔ים וַאֲדֹנֵ֖י הָאֲדֹנִ֑ים הָאֵ֨ל הַגָּדֹ֤ל הַגִּבֹּר֙ וְהַנֹּורָ֔א אֲשֶׁר֙ לֹא־יִשָּׂ֣א פָנִ֔ים וְלֹ֥א יִקַּ֖ח שֹֽׁחַד׃

ki֚̇y yĕhwá֣h ʼèlòֽhéyke֔m h֚ẇʼ ʼèlòhé֣y háֽʼèlòhi֔ym waʼàdòné֖y háʼàdòni֑ym háʼé֨l hagá̇dò֤l hagi̇bò̇r֙ wĕhanò̇wrá֔ʼ ʼàşěr֙ lòʼ־yişá֣̇̂ʼ páni֔ym wĕlò֥ʼ yiqȧ֖ẖ şòֽ̌ẖad׃

18
עֹשֶׂ֛ה מִשְׁפַּ֥ט יָתֹ֖ום וְאַלְמָנָ֑ה וְאֹהֵ֣ב גֵּ֔ר לָ֥תֶת לֹ֖ו לֶ֥חֶם וְשִׂמְלָֽה׃

ʻòşê֛h mişĕ̌pȧ֥t yáţò֖wm wĕʼalĕmáná֑h wĕʼòhé֣b gé̇֔r lá֥ţeţ lò֖w le֥ẖem wĕşîmĕláֽh׃

19
וַאֲהַבְתֶּ֖ם אֶת־הַגֵּ֑ר כִּֽי־גֵרִ֥ים הֱיִיתֶ֖ם בְּאֶ֥רֶץ מִצְרָֽיִם׃

waʼàhabĕţė֖m ʼeţ־hagé֑̇r kiֽ̇y־géri֥ym hèyiyţe֖m bĕ̇ʼe֥reẕ miẕĕráֽyim׃

20
אֶת־יְהוָ֧ה אֱלֹהֶ֛יךָ תִּירָ֖א אֹתֹ֣ו תַעֲבֹ֑ד וּבֹ֣ו תִדְבָּ֔ק וּבִשְׁמֹ֖ו תִּשָּׁבֵֽעַ׃

ʼeţ־yĕhwá֧h ʼèlòhe֛yká ţi̇yrá֖ʼ ʼòţò֣w ţaʻàbò֑d ẇbò֣w ţidĕbá̇֔q ẇbişĕ̌mò֖w ţi̇şá̇̌béֽʻa׃

21
ה֥וּא תְהִלָּתְךָ֖ וְה֣וּא אֱלֹהֶ֑יךָ אֲשֶׁר־עָשָׂ֣ה אִתְּךָ֗ אֶת־הַגְּדֹלֹ֤ת וְאֶת־הַנֹּֽורָאֹת֙ הָאֵ֔לֶּה אֲשֶׁ֥ר רָא֖וּ עֵינֶֽיךָ׃

h֥ẇʼ ţĕhilá̇ţĕká֖ wĕh֣ẇʼ ʼèlòhe֑yká ʼàşěr־ʻáşá֣̂h ʼiţĕ̇ká֗ ʼeţ־hagĕ̇dòlò֤ţ wĕʼeţ־hanòֽ̇wráʼòţ֙ háʼé֔lėh ʼàşě֥r ráʼ֖ẇ ʻéyneֽyká׃

22
בְּשִׁבְעִ֣ים נֶ֔פֶשׁ יָרְד֥וּ אֲבֹתֶ֖יךָ מִצְרָ֑יְמָה וְעַתָּ֗ה שָֽׂמְךָ֙ יְהוָ֣ה אֱלֹהֶ֔יךָ כְּכֹוכְבֵ֥י הַשָּׁמַ֖יִם לָרֹֽב׃

bĕ̇şǐbĕʻi֣ym ne֔peş̌ yárĕd֥ẇ ʼàbòţe֖yká miẕĕrá֑yĕmáh wĕʻaţá̇֗h şáֽ̂mĕká֙ yĕhwá֣h ʼèlòhe֔yká kĕ̇kòwkĕbé֥y haşá̇̌ma֖yim láròֽb׃