Bibles in ancient languages
Old translations
Modern translations

Biblia Hebraica Stuttgartensia Deutéronome 1:37

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
אֵ֣לֶּה הַדְּבָרִ֗ים אֲשֶׁ֨ר דִּבֶּ֤ר מֹשֶׁה֙ אֶל־כָּל־יִשְׂרָאֵ֔ל בְּעֵ֖בֶר הַיַּרְדֵּ֑ן בַּמִּדְבָּ֡ר בָּֽעֲרָבָה֩ מֹ֨ול ס֜וּף בֵּֽין־פָּארָ֧ן וּבֵֽין־תֹּ֛פֶל וְלָבָ֥ן וַחֲצֵרֹ֖ת וְדִ֥י זָהָֽב׃

ʼé֣lėh hadĕ̇bári֗ym ʼàşě֨r di̇bė֤r mòşěh֙ ʼel־ká̇l־yişĕ̂ráʼé֔l bĕ̇ʻé֖ber hayȧrĕdé֑̇n bȧmi̇dĕbá̇֡r báֽ̇ʻàrábáh֩ mò֨wl s֜ẇp béֽ̇yn־pá̇ʼrá֧n ẇbéֽyn־ţò֛̇pel wĕlábá֥n waẖàẕérò֖ţ wĕdi֥y záháֽb׃

2
אַחַ֨ד עָשָׂ֥ר יֹום֙ מֵֽחֹרֵ֔ב דֶּ֖רֶךְ הַר־שֵׂעִ֑יר עַ֖ד קָדֵ֥שׁ בַּרְנֵֽעַ׃

ʼaẖa֨d ʻáşá֥̂r yòwm֙ méֽẖòré֔b dė֖rekĕ har־şé̂ʻi֑yr ʻa֖d qádé֥ş̌ bȧrĕnéֽʻa׃

3
וַיְהִי֙ בְּאַרְבָּעִ֣ים שָׁנָ֔ה בְּעַשְׁתֵּֽי־עָשָׂ֥ר חֹ֖דֶשׁ בְּאֶחָ֣ד לַחֹ֑דֶשׁ דִּבֶּ֤ר מֹשֶׁה֙ אֶל־בְּנֵ֣י יִשְׂרָאֵ֔ל כְּ֠כֹל אֲשֶׁ֨ר צִוָּ֧ה יְהוָ֛ה אֹתֹ֖ו אֲלֵהֶֽם׃

wayĕhiy֙ bĕ̇ʼarĕbá̇ʻi֣ym şá̌ná֔h bĕ̇ʻaşĕ̌ţéֽ̇y־ʻáşá֥̂r ẖò֖deş̌ bĕ̇ʼeẖá֣d laẖò֑deş̌ di̇bė֤r mòşěh֙ ʼel־bĕ̇né֣y yişĕ̂ráʼé֔l kĕ̇֠kòl ʼàşě֨r ẕiwá֧̇h yĕhwá֛h ʼòţò֖w ʼàléheֽm׃

4
אַחֲרֵ֣י הַכֹּתֹ֗ו אֵ֚ת סִיחֹן֙ מֶ֣לֶךְ הָֽאֱמֹרִ֔י אֲשֶׁ֥ר יֹושֵׁ֖ב בְּחֶשְׁבֹּ֑ון וְאֵ֗ת עֹ֚וג מֶ֣לֶךְ הַבָּשָׁ֔ן אֲשֶׁר־יֹושֵׁ֥ב בְּעַשְׁתָּרֹ֖ת בְּאֶדְרֶֽעִי׃

ʼaẖàré֣y hakò̇ţò֗w ʼé֚ţ siyẖòn֙ me֣lekĕ háֽʼèmòri֔y ʼàşě֥r yòwşé֖̌b bĕ̇ẖeşĕ̌bò֑̇wn wĕʼé֗ţ ʻò֚wg me֣lekĕ habá̇şá̌֔n ʼàşěr־yòwşé֥̌b bĕ̇ʻaşĕ̌ţá̇rò֖ţ bĕ̇ʼedĕreֽʻiy׃

5
בְּעֵ֥בֶר הַיַּרְדֵּ֖ן בְּאֶ֣רֶץ מֹואָ֑ב הֹואִ֣יל מֹשֶׁ֔ה בֵּאֵ֛ר אֶת־הַתֹּורָ֥ה הַזֹּ֖את לֵאמֹֽר׃

bĕ̇ʻé֥ber hayȧrĕdé֖̇n bĕ̇ʼe֣reẕ mòwʼá֑b hòwʼi֣yl mòşě֔h bé̇ʼé֛r ʼeţ־haţò̇wrá֥h hazò֖̇ʼţ léʼmòֽr׃

6
יְהוָ֧ה אֱלֹהֵ֛ינוּ דִּבֶּ֥ר אֵלֵ֖ינוּ בְּחֹרֵ֣ב לֵאמֹ֑ר רַב־לָכֶ֥ם שֶׁ֖בֶת בָּהָ֥ר הַזֶּֽה׃

yĕhwá֧h ʼèlòhé֛ynẇ di̇bė֥r ʼélé֖ynẇ bĕ̇ẖòré֣b léʼmò֑r rab־láke֥m şě֖beţ bá̇há֥r hazėֽh׃

7
פְּנ֣וּ׀ וּסְע֣וּ לָכֶ֗ם וּבֹ֨אוּ הַ֥ר הָֽאֱמֹרִי֮ וְאֶל־כָּל־שְׁכֵנָיו֒ בָּעֲרָבָ֥ה בָהָ֛ר וּבַשְּׁפֵלָ֥ה וּבַנֶּ֖גֶב וּבְחֹ֣וף הַיָּ֑ם אֶ֤רֶץ הַֽכְּנַעֲנִי֙ וְהַלְּבָנֹ֔ון עַד־הַנָּהָ֥ר הַגָּדֹ֖ל נְהַר־פְּרָֽת׃

pĕ̇n֣ẇ׀ ẇsĕʻ֣ẇ láke֗m ẇbò֨ʼẇ ha֥r háֽʼèmòriy֮ wĕʼel־ká̇l־şĕ̌kénáyw֒ bá̇ʻàrábá֥h báhá֛r ẇbaşĕ̇̌pélá֥h ẇbanė֖geb ẇbĕẖò֣wp hayá֑̇m ʼe֤reẕ haֽkĕ̇naʻàniy֙ wĕhalĕ̇bánò֔wn ʻad־haná̇há֥r hagá̇dò֖l nĕhar־pĕ̇ráֽţ׃

8
רְאֵ֛ה נָתַ֥תִּי לִפְנֵיכֶ֖ם אֶת־הָאָ֑רֶץ בֹּ֚אוּ וּרְשׁ֣וּ אֶת־הָאָ֔רֶץ אֲשֶׁ֣ר נִשְׁבַּ֣ע יְ֠הוָה לַאֲבֹ֨תֵיכֶ֜ם לְאַבְרָהָ֨ם לְיִצְחָ֤ק וּֽלְיַעֲקֹב֙ לָתֵ֣ת לָהֶ֔ם וּלְזַרְעָ֖ם אַחֲרֵיהֶֽם׃

rĕʼé֛h náţa֥ţi̇y lipĕnéyke֖m ʼeţ־háʼá֑reẕ bò֚̇ʼẇ ẇrĕş֣̌ẇ ʼeţ־háʼá֔reẕ ʼàşě֣r nişĕ̌bȧ֣ʻ yĕ֠hwáh laʼàbò֨ţéyke֜m lĕʼabĕráhá֨m lĕyiẕĕẖá֤q ẇֽlĕyaʻàqòb֙ láţé֣ţ láhe֔m ẇlĕzarĕʻá֖m ʼaẖàréyheֽm׃

9
וָאֹמַ֣ר אֲלֵכֶ֔ם בָּעֵ֥ת הַהִ֖וא לֵאמֹ֑ר לֹא־אוּכַ֥ל לְבַדִּ֖י שְׂאֵ֥ת אֶתְכֶֽם׃

wáʼòma֣r ʼàléke֔m bá̇ʻé֥ţ hahi֖wʼ léʼmò֑r lòʼ־ʼẇka֥l lĕbadi֖̇y şĕ̂ʼé֥ţ ʼeţĕkeֽm׃

10
יְהוָ֥ה אֱלֹהֵיכֶ֖ם הִרְבָּ֣ה אֶתְכֶ֑ם וְהִנְּכֶ֣ם הַיֹּ֔ום כְּכֹוכְבֵ֥י הַשָּׁמַ֖יִם לָרֹֽב׃

yĕhwá֥h ʼèlòhéyke֖m hirĕbá֣̇h ʼeţĕke֑m wĕhinĕ̇ke֣m hayò̇֔wm kĕ̇kòwkĕbé֥y haşá̇̌ma֖yim láròֽb׃

11
יְהוָ֞ה אֱלֹהֵ֣י אֲבֹֽותֵכֶ֗ם יֹסֵ֧ף עֲלֵיכֶ֛ם כָּכֶ֖ם אֶ֣לֶף פְּעָמִ֑ים וִיבָרֵ֣ךְ אֶתְכֶ֔ם כַּאֲשֶׁ֖ר דִּבֶּ֥ר לָכֶֽם׃

yĕhwá֞h ʼèlòhé֣y ʼàbòֽwţéke֗m yòsé֧p ʻàléyke֛m ká̇ke֖m ʼe֣lep pĕ̇ʻámi֑ym wiybáré֣kĕ ʼeţĕke֔m kȧʼàşě֖r di̇bė֥r lákeֽm׃

12
אֵיכָ֥ה אֶשָּׂ֖א לְבַדִּ֑י טָרְחֲכֶ֥ם וּמַֽשַּׂאֲכֶ֖ם וְרִֽיבְכֶֽם׃

ʼéyká֥h ʼeşá֖̇̂ʼ lĕbadi֑̇y tárĕẖàke֥m ẇmaֽşȧ̂ʼàke֖m wĕriֽybĕkeֽm׃

13
הָב֣וּ לָ֠כֶם אֲנָשִׁ֨ים חֲכָמִ֧ים וּנְבֹנִ֛ים וִידֻעִ֖ים לְשִׁבְטֵיכֶ֑ם וַאֲשִׂימֵ֖ם בְּרָאשֵׁיכֶֽם׃

háb֣ẇ lá֠kem ʼànáşǐ֨ym ẖàkámi֧ym ẇnĕbòni֛ym wiyduʻi֖ym lĕşǐbĕtéyke֑m waʼàşîymé֖m bĕ̇ráʼşé̌ykeֽm׃

14
וַֽתַּעֲנ֖וּ אֹתִ֑י וַתֹּ֣אמְר֔וּ טֹֽוב־הַדָּבָ֥ר אֲשֶׁר־דִּבַּ֖רְתָּ לַעֲשֹֽׂות׃

waֽţȧʻàn֖ẇ ʼòţi֑y waţò֣̇ʼmĕr֔ẇ tòֽwb־hadá̇bá֥r ʼàşěr־di̇bȧ֖rĕţá̇ laʻàşòֽ̂wţ׃

15
וָאֶקַּ֞ח אֶת־רָאשֵׁ֣י שִׁבְטֵיכֶ֗ם אֲנָשִׁ֤ים חֲכָמִים֙ וִֽידֻעִ֔ים וָאֶתֵּ֥ן אֹתָ֛ם רָאשִׁ֖ים עֲלֵיכֶ֑ם שָׂרֵ֨י אֲלָפִ֜ים וְשָׂרֵ֣י מֵאֹ֗ות וְשָׂרֵ֤י חֲמִשִּׁים֙ וְשָׂרֵ֣י עֲשָׂרֹ֔ת וְשֹׁטְרִ֖ים לְשִׁבְטֵיכֶֽם׃

wáʼeqȧ֞ẖ ʼeţ־ráʼşé֣̌y şǐbĕtéyke֗m ʼànáşǐ֤ym ẖàkámiym֙ wiֽyduʻi֔ym wáʼeţé֥̇n ʼòţá֛m ráʼşǐ֖ym ʻàléyke֑m şá̂ré֨y ʼàlápi֜ym wĕşá̂ré֣y méʼò֗wţ wĕşá̂ré֤y ẖàmişi̇̌ym֙ wĕşá̂ré֣y ʻàşá̂rò֔ţ wĕşò̌tĕri֖ym lĕşǐbĕtéykeֽm׃

16
וָאֲצַוֶּה֙ אֶת־שֹׁ֣פְטֵיכֶ֔ם בָּעֵ֥ת הַהִ֖וא לֵאמֹ֑ר שָׁמֹ֤עַ בֵּין־אֲחֵיכֶם֙ וּשְׁפַטְתֶּ֣ם צֶ֔דֶק בֵּֽין־אִ֥ישׁ וּבֵין־אָחִ֖יו וּבֵ֥ין גֵּרֹֽו׃

wáʼàẕawėh֙ ʼeţ־şò֣̌pĕtéyke֔m bá̇ʻé֥ţ hahi֖wʼ léʼmò֑r şá̌mò֤ʻa bé̇yn־ʼàẖéykem֙ ẇşĕ̌patĕţė֣m ẕe֔deq béֽ̇yn־ʼi֥yş̌ ẇbéyn־ʼáẖi֖yw ẇbé֥yn gé̇ròֽw׃

17
לֹֽא־תַכִּ֨ירוּ פָנִ֜ים בַּמִּשְׁפָּ֗ט כַּקָּטֹ֤ן כַּגָּדֹל֙ תִּשְׁמָע֔וּן לֹ֤א תָג֨וּרוּ֙ מִפְּנֵי־אִ֔ישׁ כִּ֥י הַמִּשְׁפָּ֖ט לֵאלֹהִ֣ים ה֑וּא וְהַדָּבָר֙ אֲשֶׁ֣ר יִקְשֶׁ֣ה מִכֶּ֔ם תַּקְרִב֥וּן אֵלַ֖י וּשְׁמַעְתִּֽיו׃

lòֽʼ־ţaki̇֨yrẇ páni֜ym bȧmi̇şĕ̌pá̇֗t kȧqá̇tò֤n kȧgá̇dòl֙ ţi̇şĕ̌máʻ֔ẇn lò֤ʼ ţág֨ẇrẇ֙ mipĕ̇néy־ʼi֔yş̌ ki֥̇y hami̇şĕ̌pá֖̇t léʼlòhi֣ym h֑ẇʼ wĕhadá̇bár֙ ʼàşě֣r yiqĕşě֣h mikė֔m ţȧqĕrib֥ẇn ʼéla֖y ẇşĕ̌maʻĕţiֽ̇yw׃

18
וָאֲצַוֶּ֥ה אֶתְכֶ֖ם בָּעֵ֣ת הַהִ֑וא אֵ֥ת כָּל־הַדְּבָרִ֖ים אֲשֶׁ֥ר תַּעֲשֽׂוּן׃

wáʼàẕawė֥h ʼeţĕke֖m bá̇ʻé֣ţ hahi֑wʼ ʼé֥ţ ká̇l־hadĕ̇bári֖ym ʼàşě֥r ţȧʻàşֽ̂ẇn׃

19
וַנִּסַּ֣ע מֵחֹרֵ֗ב וַנֵּ֡לֶךְ אֵ֣ת כָּל־הַמִּדְבָּ֣ר הַגָּדֹול֩ וְהַנֹּורָ֨א הַה֜וּא אֲשֶׁ֣ר רְאִיתֶ֗ם דֶּ֚רֶךְ הַ֣ר הָֽאֱמֹרִ֔י כַּאֲשֶׁ֥ר צִוָּ֛ה יְהוָ֥ה אֱלֹהֵ֖ינוּ אֹתָ֑נוּ וַנָּבֹ֕א עַ֖ד קָדֵ֥שׁ בַּרְנֵֽעַ׃

wani̇sȧ֣ʻ méẖòré֗b wané̇֡lekĕ ʼé֣ţ ká̇l־hami̇dĕbá֣̇r hagá̇dòwl֩ wĕhanò̇wrá֨ʼ hah֜ẇʼ ʼàşě֣r rĕʼiyţe֗m dė֚rekĕ ha֣r háֽʼèmòri֔y kȧʼàşě֥r ẕiwá֛̇h yĕhwá֥h ʼèlòhé֖ynẇ ʼòţá֑nẇ waná̇bò֕ʼ ʻa֖d qádé֥ş̌ bȧrĕnéֽʻa׃

20
וָאֹמַ֖ר אֲלֵכֶ֑ם בָּאתֶם֙ עַד־הַ֣ר הָאֱמֹרִ֔י אֲשֶׁר־יְהוָ֥ה אֱלֹהֵ֖ינוּ נֹתֵ֥ן לָֽנוּ׃

wáʼòma֖r ʼàléke֑m bá̇ʼţem֙ ʻad־ha֣r háʼèmòri֔y ʼàşěr־yĕhwá֥h ʼèlòhé֖ynẇ nòţé֥n láֽnẇ׃

21
רְ֠אֵה נָתַ֨ן יְהוָ֧ה אֱלֹהֶ֛יךָ לְפָנֶ֖יךָ אֶת־הָאָ֑רֶץ עֲלֵ֣ה רֵ֗שׁ כַּאֲשֶׁר֩ דִּבֶּ֨ר יְהוָ֜ה אֱלֹהֵ֤י אֲבֹתֶ֨יךָ֙ לָ֔ךְ אַל־תִּירָ֖א וְאַל־תֵּחָֽת׃

rĕ֠ʼéh náţa֨n yĕhwá֧h ʼèlòhe֛yká lĕpáne֖yká ʼeţ־háʼá֑reẕ ʻàlé֣h ré֗ş̌ kȧʼàşěr֩ di̇bė֨r yĕhwá֜h ʼèlòhé֤y ʼàbòţe֨yká֙ lá֔kĕ ʼal־ţi̇yrá֖ʼ wĕʼal־ţé̇ẖáֽţ׃

22
וַתִּקְרְב֣וּן אֵלַי֮ כֻּלְּכֶם֒ וַתֹּאמְר֗וּ נִשְׁלְחָ֤ה אֲנָשִׁים֙ לְפָנֵ֔ינוּ וְיַחְפְּרוּ־לָ֖נוּ אֶת־הָאָ֑רֶץ וְיָשִׁ֤בוּ אֹתָ֨נוּ֙ דָּבָ֔ר אֶת־הַדֶּ֨רֶךְ֙ אֲשֶׁ֣ר נַעֲלֶה־בָּ֔הּ וְאֵת֙ הֶֽעָרִ֔ים אֲשֶׁ֥ר נָבֹ֖א אֲלֵיהֶֽן׃

waţi̇qĕrĕb֣ẇn ʼélay֮ ku̇lĕ̇kem֒ waţò̇ʼmĕr֗ẇ nişĕ̌lĕẖá֤h ʼànáşǐym֙ lĕpáné֔ynẇ wĕyaẖĕpĕ̇rẇ־lá֖nẇ ʼeţ־háʼá֑reẕ wĕyáşǐ֤bẇ ʼòţá֨nẇ֙ dá̇bá֔r ʼeţ־hadė֨rekĕ֙ ʼàşě֣r naʻàleh־bá̇֔ḣ wĕʼéţ֙ heֽʻári֔ym ʼàşě֥r nábò֖ʼ ʼàléyheֽn׃

23
וַיִּיטַ֥ב בְּעֵינַ֖י הַדָּבָ֑ר וָאֶקַּ֤ח מִכֶּם֙ שְׁנֵ֣ים עָשָׂ֣ר אֲנָשִׁ֔ים אִ֥ישׁ אֶחָ֖ד לַשָּֽׁבֶט׃

wayi̇yta֥b bĕ̇ʻéyna֖y hadá̇bá֑r wáʼeqȧ֤ẖ mikėm֙ şĕ̌né֣ym ʻáşá֣̂r ʼànáşǐ֔ym ʼi֥yş̌ ʼeẖá֖d laşáֽ̇̌bet׃

24
וַיִּפְנוּ֙ וַיַּעֲל֣וּ הָהָ֔רָה וַיָּבֹ֖אוּ עַד־נַ֣חַל אֶשְׁכֹּ֑ל וַֽיְרַגְּל֖וּ אֹתָֽהּ׃

wayi̇pĕnẇ֙ wayȧʻàl֣ẇ háhá֔ráh wayá̇bò֖ʼẇ ʻad־na֣ẖal ʼeşĕ̌kò֑̇l waֽyĕragĕ̇l֖ẇ ʼòţáֽḣ׃

25
וַיִּקְח֤וּ בְיָדָם֙ מִפְּרִ֣י הָאָ֔רֶץ וַיֹּורִ֖דוּ אֵלֵ֑ינוּ וַיָּשִׁ֨בוּ אֹתָ֤נוּ דָבָר֙ וַיֹּ֣אמְר֔וּ טֹובָ֣ה הָאָ֔רֶץ אֲשֶׁר־יְהוָ֥ה אֱלֹהֵ֖ינוּ נֹתֵ֥ן לָֽנוּ׃

wayi̇qĕẖ֤ẇ bĕyádám֙ mipĕ̇ri֣y háʼá֔reẕ wayò̇wri֖dẇ ʼélé֑ynẇ wayá̇şǐ֨bẇ ʼòţá֤nẇ dábár֙ wayò֣̇ʼmĕr֔ẇ tòwbá֣h háʼá֔reẕ ʼàşěr־yĕhwá֥h ʼèlòhé֖ynẇ nòţé֥n láֽnẇ׃

26
וְלֹ֥א אֲבִיתֶ֖ם לַעֲלֹ֑ת וַתַּמְר֕וּ אֶת־פִּ֥י יְהוָ֖ה אֱלֹהֵיכֶֽם׃

wĕlò֥ʼ ʼàbiyţe֖m laʻàlò֑ţ waţȧmĕr֕ẇ ʼeţ־pi֥̇y yĕhwá֖h ʼèlòhéykeֽm׃

27
וַתֵּרָגְנ֤וּ בְאָהֳלֵיכֶם֙ וַתֹּ֣אמְר֔וּ בְּשִׂנְאַ֤ת יְהוָה֙ אֹתָ֔נוּ הֹוצִיאָ֖נוּ מֵאֶ֣רֶץ מִצְרָ֑יִם לָתֵ֥ת אֹתָ֛נוּ בְּיַ֥ד הָאֱמֹרִ֖י לְהַשְׁמִידֵֽנוּ׃

waţé̇rágĕn֤ẇ bĕʼáholéykem֙ waţò֣̇ʼmĕr֔ẇ bĕ̇şînĕʼa֤ţ yĕhwáh֙ ʼòţá֔nẇ hòwẕiyʼá֖nẇ méʼe֣reẕ miẕĕrá֑yim láţé֥ţ ʼòţá֛nẇ bĕ̇ya֥d háʼèmòri֖y lĕhaşĕ̌miydéֽnẇ׃

28
אָנָ֣ה׀ אֲנַ֣חְנוּ עֹלִ֗ים אַחֵינוּ֩ הֵמַ֨סּוּ אֶת־לְבָבֵ֜נוּ לֵאמֹ֗ר עַ֣ם גָּדֹ֤ול וָרָם֙ מִמֶּ֔נּוּ עָרִ֛ים גְּדֹלֹ֥ת וּבְצוּרֹ֖ת בַּשָּׁמָ֑יִם וְגַם־בְּנֵ֥י עֲנָקִ֖ים רָאִ֥ינוּ שָֽׁם׃

ʼáná֣h׀ ʼàna֣ẖĕnẇ ʻòli֗ym ʼaẖéynẇ֩ héma֨ṡẇ ʼeţ־lĕbábé֜nẇ léʼmò֗r ʻa֣m gá̇dò֤wl wárám֙ mimė֔ṅẇ ʻári֛ym gĕ̇dòlò֥ţ ẇbĕẕẇrò֖ţ bȧşá̇̌má֑yim wĕgam־bĕ̇né֥y ʻànáqi֖ym ráʼi֥ynẇ şáֽ̌m׃

29
וָאֹמַ֖ר אֲלֵכֶ֑ם לֹא־תַֽעַרְצ֥וּן וְֽלֹא־תִֽירְא֖וּן מֵהֶֽם׃

wáʼòma֖r ʼàléke֑m lòʼ־ţaֽʻarĕẕ֥ẇn wĕֽlòʼ־ţiֽyrĕʼ֖ẇn méheֽm׃

30
יְהוָ֤ה אֱלֹֽהֵיכֶם֙ הַהֹלֵ֣ךְ לִפְנֵיכֶ֔ם ה֖וּא יִלָּחֵ֣ם לָכֶ֑ם כְּ֠כֹל אֲשֶׁ֨ר עָשָׂ֧ה אִתְּכֶ֛ם בְּמִצְרַ֖יִם לְעֵינֵיכֶֽם׃

yĕhwá֤h ʼèlòֽhéykem֙ hahòlé֣kĕ lipĕnéyke֔m h֖ẇʼ yilá̇ẖé֣m láke֑m kĕ̇֠kòl ʼàşě֨r ʻáşá֧̂h ʼiţĕ̇ke֛m bĕ̇miẕĕra֖yim lĕʻéynéykeֽm׃

31
וּבַמִּדְבָּר֙ אֲשֶׁ֣ר רָאִ֔יתָ אֲשֶׁ֤ר נְשָׂאֲךָ֙ יְהוָ֣ה אֱלֹהֶ֔יךָ כַּאֲשֶׁ֥ר יִשָּׂא־אִ֖ישׁ אֶת־בְּנֹ֑ו בְּכָל־הַדֶּ֨רֶךְ֙ אֲשֶׁ֣ר הֲלַכְתֶּ֔ם עַד־בֹּאֲכֶ֖ם עַד־הַמָּקֹ֥ום הַזֶּֽה׃

ẇbami̇dĕbá̇r֙ ʼàşě֣r ráʼi֔yţá ʼàşě֤r nĕşá̂ʼàká֙ yĕhwá֣h ʼèlòhe֔yká kȧʼàşě֥r yişá̇̂ʼ־ʼi֖yş̌ ʼeţ־bĕ̇nò֑w bĕ̇kál־hadė֨rekĕ֙ ʼàşě֣r hàlakĕţė֔m ʻad־bò̇ʼàke֖m ʻad־hamá̇qò֥wm hazėֽh׃

32
וּבַדָּבָ֖ר הַזֶּ֑ה אֵֽינְכֶם֙ מַאֲמִינִ֔ם בַּיהוָ֖ה אֱלֹהֵיכֶֽם׃

ẇbadá̇bá֖r hazė֑h ʼéֽynĕkem֙ maʼàmiyni֔m bȧyhwá֖h ʼèlòhéykeֽm׃

33
הַהֹלֵ֨ךְ לִפְנֵיכֶ֜ם בַּדֶּ֗רֶךְ לָת֥וּר לָכֶ֛ם מָקֹ֖ום לַֽחֲנֹֽתְכֶ֑ם בָּאֵ֣שׁ׀ לַ֗יְלָה לַרְאֹֽתְכֶם֙ בַּדֶּ֨רֶךְ֙ אֲשֶׁ֣ר תֵּֽלְכוּ־בָ֔הּ וּבֶעָנָ֖ן יֹומָֽם׃

hahòlé֨kĕ lipĕnéyke֜m bȧdė֗rekĕ láţ֥ẇr láke֛m máqò֖wm laֽẖànòֽţĕke֑m bá̇ʼé֣ş̌׀ la֗yĕláh larĕʼòֽţĕkem֙ bȧdė֨rekĕ֙ ʼàşě֣r ţéֽ̇lĕkẇ־bá֔ḣ ẇbeʻáná֖n yòwmáֽm׃

34
וַיִּשְׁמַ֥ע יְהוָ֖ה אֶת־קֹ֣ול דִּבְרֵיכֶ֑ם וַיִּקְצֹ֖ף וַיִּשָּׁבַ֥ע לֵאמֹֽר׃

wayi̇şĕ̌ma֥ʻ yĕhwá֖h ʼeţ־qò֣wl di̇bĕréyke֑m wayi̇qĕẕò֖p wayi̇şá̇̌ba֥ʻ léʼmòֽr׃

35
אִם־יִרְאֶ֥ה אִישׁ֙ בָּאֲנָשִׁ֣ים הָאֵ֔לֶּה הַדֹּ֥ור הָרָ֖ע הַזֶּ֑ה אֵ֚ת הָאָ֣רֶץ הַטֹּובָ֔ה אֲשֶׁ֣ר נִשְׁבַּ֔עְתִּי לָתֵ֖ת לַאֲבֹתֵיכֶֽם׃

ʼim־yirĕʼe֥h ʼiyş̌֙ bá̇ʼànáşǐ֣ym háʼé֔lėh hadò֥̇wr hárá֖ʻ hazė֑h ʼé֚ţ háʼá֣reẕ hatò̇wbá֔h ʼàşě֣r nişĕ̌bȧ֔ʻĕţi̇y láţé֖ţ laʼàbòţéykeֽm׃

36
זֽוּלָתִ֞י כָּלֵ֤ב בֶּן־יְפֻנֶּה֙ ה֣וּא יִרְאֶ֔נָּה וְלֹֽו־אֶתֵּ֧ן אֶת־הָאָ֛רֶץ אֲשֶׁ֥ר דָּֽרַךְ־בָּ֖הּ וּלְבָנָ֑יו יַ֕עַן אֲשֶׁ֥ר מִלֵּ֖א אַחֲרֵ֥י יְהוָֽה׃

zֽẇláţi֞y ká̇lé֤b bėn־yĕpunėh֙ h֣ẇʼ yirĕʼe֔ná̇h wĕlòֽw־ʼeţé֧̇n ʼeţ־háʼá֛reẕ ʼàşě֥r dáֽ̇rakĕ־bá֖̇ḣ ẇlĕbáná֑yw ya֕ʻan ʼàşě֥r milé֖̇ʼ ʼaẖàré֥y yĕhwáֽh׃

37
גַּם־בִּי֙ הִתְאַנַּ֣ף יְהוָ֔ה בִּגְלַלְכֶ֖ם לֵאמֹ֑ר גַּם־אַתָּ֖ה לֹא־תָבֹ֥א שָֽׁם׃

gȧm־bi̇y֙ hiţĕʼanȧ֣p yĕhwá֔h bi̇gĕlalĕke֖m léʼmò֑r gȧm־ʼaţá֖̇h lòʼ־ţábò֥ʼ şáֽ̌m׃

38
יְהֹושֻׁ֤עַ בִּן־נוּן֙ הָעֹמֵ֣ד לְפָנֶ֔יךָ ה֖וּא יָ֣בֹא שָׁ֑מָּה אֹתֹ֣ו חַזֵּ֔ק כִּי־ה֖וּא יַנְחִלֶ֥נָּה אֶת־יִשְׂרָאֵֽל׃

yĕhòwşǔ֤ʻa bi̇n־nẇn֙ háʻòmé֣d lĕpáne֔yká h֖ẇʼ yá֣bòʼ şá֑̌má̇h ʼòţò֣w ẖazé̇֔q ki̇y־h֖ẇʼ yanĕẖile֥ná̇h ʼeţ־yişĕ̂ráʼéֽl׃

39
וְטַפְּכֶם֩ אֲשֶׁ֨ר אֲמַרְתֶּ֜ם לָבַ֣ז יִהְיֶ֗ה וּ֠בְנֵיכֶם אֲשֶׁ֨ר לֹא־יָדְע֤וּ הַיֹּום֙ טֹ֣וב וָרָ֔ע הֵ֖מָּה יָבֹ֣אוּ שָׁ֑מָּה וְלָהֶ֣ם אֶתְּנֶ֔נָּה וְהֵ֖ם יִירָשֽׁוּהָ׃

wĕtapĕ̇kem֩ ʼàşě֨r ʼàmarĕţė֜m lába֣z yihĕye֗h ẇ֠bĕnéykem ʼàşě֨r lòʼ־yádĕʻ֤ẇ hayò̇wm֙ tò֣wb wárá֔ʻ hé֖má̇h yábò֣ʼẇ şá֑̌má̇h wĕláhe֣m ʼeţĕ̇ne֔ná̇h wĕhé֖m yiyráşֽ̌ẇhá׃

40
וְאַתֶּ֖ם פְּנ֣וּ לָכֶ֑ם וּסְע֥וּ הַמִּדְבָּ֖רָה דֶּ֥רֶךְ יַם־סֽוּף׃

wĕʼaţė֖m pĕ̇n֣ẇ láke֑m ẇsĕʻ֥ẇ hami̇dĕbá֖̇ráh dė֥rekĕ yam־sֽẇp׃

41
וַֽתַּעֲנ֣וּ׀ וַתֹּאמְר֣וּ אֵלַ֗י חָטָאנוּ֮ לַֽיהוָה֒ אֲנַ֤חְנוּ נַעֲלֶה֙ וְנִלְחַ֔מְנוּ כְּכֹ֥ל אֲשֶׁר־צִוָּ֖נוּ יְהוָ֣ה אֱלֹהֵ֑ינוּ וַֽתַּחְגְּר֗וּ אִ֚ישׁ אֶת־כְּלֵ֣י מִלְחַמְתֹּ֔ו וַתָּהִ֖ינוּ לַעֲלֹ֥ת הָהָֽרָה׃

waֽţȧʻàn֣ẇ׀ waţò̇ʼmĕr֣ẇ ʼéla֗y ẖátáʼnẇ֮ laֽyhwáh֒ ʼàna֤ẖĕnẇ naʻàleh֙ wĕnilĕẖa֔mĕnẇ kĕ̇kò֥l ʼàşěr־ẕiwá֖̇nẇ yĕhwá֣h ʼèlòhé֑ynẇ waֽţȧẖĕgĕ̇r֗ẇ ʼi֚yş̌ ʼeţ־kĕ̇lé֣y milĕẖamĕţò̇֔w waţá̇hi֖ynẇ laʻàlò֥ţ háháֽráh׃

42
וַיֹּ֨אמֶר יְהוָ֜ה אֵלַ֗י אֱמֹ֤ר לָהֶם֙ לֹ֤א תַֽעֲלוּ֙ וְלֹא־תִלָּ֣חֲמ֔וּ כִּ֥י אֵינֶ֖נִּי בְּקִרְבְּכֶ֑ם וְלֹא֙ תִּנָּֽגְפ֔וּ לִפְנֵ֖י אֹיְבֵיכֶֽם׃

wayò̇֨ʼmer yĕhwá֜h ʼéla֗y ʼèmò֤r láhem֙ lò֤ʼ ţaֽʻàlẇ֙ wĕlòʼ־ţilá֣̇ẖàm֔ẇ ki֥̇y ʼéyne֖ni̇y bĕ̇qirĕbĕ̇ke֑m wĕlòʼ֙ ţi̇náֽ̇gĕp֔ẇ lipĕné֖y ʼòyĕbéykeֽm׃

43
וָאֲדַבֵּ֥ר אֲלֵיכֶ֖ם וְלֹ֣א שְׁמַעְתֶּ֑ם וַתַּמְרוּ֙ אֶת־פִּ֣י יְהוָ֔ה וַתָּזִ֖דוּ וַתַּעֲל֥וּ הָהָֽרָה׃

wáʼàdabé֥̇r ʼàléyke֖m wĕlò֣ʼ şĕ̌maʻĕţė֑m waţȧmĕrẇ֙ ʼeţ־pi֣̇y yĕhwá֔h waţá̇zi֖dẇ waţȧʻàl֥ẇ háháֽráh׃

44
וַיֵּצֵ֨א הָאֱמֹרִ֜י הַיֹּשֵׁ֨ב בָּהָ֤ר הַהוּא֙ לִקְרַאתְכֶ֔ם וַיִּרְדְּפ֣וּ אֶתְכֶ֔ם כַּאֲשֶׁ֥ר תַּעֲשֶׂ֖ינָה הַדְּבֹרִ֑ים וַֽיַּכְּת֥וּ אֶתְכֶ֛ם בְּשֵׂעִ֖יר עַד־חָרְמָֽה׃

wayé̇ẕé֨ʼ háʼèmòri֜y hayò̇şé̌֨b bá̇há֤r hahẇʼ֙ liqĕraʼţĕke֔m wayi̇rĕdĕ̇p֣ẇ ʼeţĕke֔m kȧʼàşě֥r ţȧʻàşê֖ynáh hadĕ̇bòri֑ym waֽyȧkĕ̇ţ֥ẇ ʼeţĕke֛m bĕ̇şé̂ʻi֖yr ʻad־ẖárĕmáֽh׃

45
וַתָּשֻׁ֥בוּ וַתִּבְכּ֖וּ לִפְנֵ֣י יְהוָ֑ה וְלֹֽא־שָׁמַ֤ע יְהוָה֙ בְּקֹ֣לְכֶ֔ם וְלֹ֥א הֶאֱזִ֖ין אֲלֵיכֶֽם׃

waţá̇şǔ֥bẇ waţi̇bĕk֖̇ẇ lipĕné֣y yĕhwá֑h wĕlòֽʼ־şá̌ma֤ʻ yĕhwáh֙ bĕ̇qò֣lĕke֔m wĕlò֥ʼ heʼèzi֖yn ʼàléykeֽm׃

46
וַתֵּשְׁב֥וּ בְקָדֵ֖שׁ יָמִ֣ים רַבִּ֑ים כַּיָּמִ֖ים אֲשֶׁ֥ר יְשַׁבְתֶּֽם׃

waţé̇şĕ̌b֥ẇ bĕqádé֖ş̌ yámi֣ym rabi֑̇ym kȧyá̇mi֖ym ʼàşě֥r yĕşǎbĕţėֽm׃