Bibles in ancient languages
Old translations
Modern translations

Biblia Hebraica Stuttgartensia Deutéronome 24:20

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
כִּֽי־יִקַּ֥ח אִ֛ישׁ אִשָּׁ֖ה וּבְעָלָ֑הּ וְהָיָ֞ה אִם־לֹ֧א תִמְצָא־חֵ֣ן בְּעֵינָ֗יו כִּי־מָ֤צָא בָהּ֙ עֶרְוַ֣ת דָּבָ֔ר וְכָ֨תַב לָ֜הּ סֵ֤פֶר כְּרִיתֻת֙ וְנָתַ֣ן בְּיָדָ֔הּ וְשִׁלְּחָ֖הּ מִבֵּיתֹֽו׃

kiֽ̇y־yiqȧ֥ẖ ʼi֛yş̌ ʼişá֖̇̌h ẇbĕʻálá֑ḣ wĕháyá֞h ʼim־lò֧ʼ ţimĕẕáʼ־ẖé֣n bĕ̇ʻéyná֗yw ki̇y־má֤ẕáʼ báḣ֙ ʻerĕwa֣ţ dá̇bá֔r wĕká֨ţab lá֜ḣ sé֤per kĕ̇riyţuţ֙ wĕnáţa֣n bĕ̇yádá֔ḣ wĕşǐlĕ̇ẖá֖ḣ mibé̇yţòֽw׃

2
וְיָצְאָ֖ה מִבֵּיתֹ֑ו וְהָלְכָ֖ה וְהָיְתָ֥ה לְאִישׁ־אַחֵֽר׃

wĕyáẕĕʼá֖h mibé̇yţò֑w wĕhálĕká֖h wĕháyĕţá֥h lĕʼiyş̌־ʼaẖéֽr׃

3
וּשְׂנֵאָהּ֮ הָאִ֣ישׁ הָאַחֲרֹון֒ וְכָ֨תַב לָ֜הּ סֵ֤פֶר כְּרִיתֻת֙ וְנָתַ֣ן בְּיָדָ֔הּ וְשִׁלְּחָ֖הּ מִבֵּיתֹ֑ו אֹ֣ו כִ֤י יָמוּת֙ הָאִ֣ישׁ הָאַחֲרֹ֔ון אֲשֶׁר־לְקָחָ֥הּ לֹ֖ו לְאִשָּֽׁה׃

ẇşĕ̂néʼáḣ֮ háʼi֣yş̌ háʼaẖàròwn֒ wĕká֨ţab lá֜ḣ sé֤per kĕ̇riyţuţ֙ wĕnáţa֣n bĕ̇yádá֔ḣ wĕşǐlĕ̇ẖá֖ḣ mibé̇yţò֑w ʼò֣w ki֤y yámẇţ֙ háʼi֣yş̌ háʼaẖàrò֔wn ʼàşěr־lĕqáẖá֥ḣ lò֖w lĕʼişáֽ̇̌h׃

4
לֹא־יוּכַ֣ל בַּעְלָ֣הּ הָרִאשֹׁ֣ון אֲשֶֽׁר־שִׁ֠לְּחָהּ לָשׁ֨וּב לְקַחְתָּ֜הּ לִהְיֹ֧ות לֹ֣ו לְאִשָּׁ֗ה אַחֲרֵי֙ אֲשֶׁ֣ר הֻטַּמָּ֔אָה כִּֽי־תֹועֵבָ֥ה הִ֖וא לִפְנֵ֣י יְהוָ֑ה וְלֹ֤א תַחֲטִיא֙ אֶת־הָאָ֔רֶץ אֲשֶׁר֙ יְהוָ֣ה אֱלֹהֶ֔יךָ נֹתֵ֥ן לְךָ֖ נַחֲלָֽה׃ ס

lòʼ־yẇka֣l bȧʻĕlá֣ḣ háriʼşò֣̌wn ʼàşěֽr־şǐ֠lĕ̇ẖáḣ láş̌֨ẇb lĕqaẖĕţá̇֜ḣ lihĕyò֧wţ lò֣w lĕʼişá̇̌֗h ʼaẖàréy֙ ʼàşě֣r hutȧmá̇֔ʼáh kiֽ̇y־ţòwʻébá֥h hi֖wʼ lipĕné֣y yĕhwá֑h wĕlò֤ʼ ţaẖàtiyʼ֙ ʼeţ־háʼá֔reẕ ʼàşěr֙ yĕhwá֣h ʼèlòhe֔yká nòţé֥n lĕká֖ naẖàláֽh׃ s

5
כִּֽי־יִקַּ֥ח אִישׁ֙ אִשָּׁ֣ה חֲדָשָׁ֔ה לֹ֤א יֵצֵא֙ בַּצָּבָ֔א וְלֹא־יַעֲבֹ֥ר עָלָ֖יו לְכָל־דָּבָ֑ר נָקִ֞י יִהְיֶ֤ה לְבֵיתֹו֙ שָׁנָ֣ה אֶחָ֔ת וְשִׂמַּ֖ח אֶת־אִשְׁתֹּ֥ו אֲשֶׁר־לָקָֽח׃ ס

kiֽ̇y־yiqȧ֥ẖ ʼiyş̌֙ ʼişá֣̇̌h ẖàdáşá̌֔h lò֤ʼ yéẕéʼ֙ bȧẕá̇bá֔ʼ wĕlòʼ־yaʻàbò֥r ʻálá֖yw lĕkál־dá̇bá֑r náqi֞y yihĕye֤h lĕbéyţòw֙ şá̌ná֣h ʼeẖá֔ţ wĕşîmȧ֖ẖ ʼeţ־ʼişĕ̌ţò֥̇w ʼàşěr־láqáֽẖ׃ s

6
לֹא־יַחֲבֹ֥ל רֵחַ֖יִם וָרָ֑כֶב כִּי־נֶ֖פֶשׁ ה֥וּא חֹבֵֽל׃ ס

lòʼ־yaẖàbò֥l réẖa֖yim wárá֑keb ki̇y־ne֖peş̌ h֥ẇʼ ẖòbéֽl׃ s

7
כִּי־יִמָּצֵ֣א אִ֗ישׁ גֹּנֵ֨ב נֶ֤פֶשׁ מֵאֶחָיו֙ מִבְּנֵ֣י יִשְׂרָאֵ֔ל וְהִתְעַמֶּר־בֹּ֖ו וּמְכָרֹ֑ו וּמֵת֙ הַגַּנָּ֣ב הַה֔וּא וּבִֽעַרְתָּ֥ הָרָ֖ע מִקִּרְבֶּֽךָ׃

ki̇y־yimá̇ẕé֣ʼ ʼi֗yş̌ gò̇né֨b ne֤peş̌ méʼeẖáyw֙ mibĕ̇né֣y yişĕ̂ráʼé֔l wĕhiţĕʻamėr־bò֖̇w ẇmĕkárò֑w ẇméţ֙ hagȧná֣̇b hah֔ẇʼ ẇbiֽʻarĕţá֥̇ hárá֖ʻ miqi̇rĕbėֽká׃

8
הִשָּׁ֧מֶר בְּנֶֽגַע־הַצָּרַ֛עַת לִשְׁמֹ֥ר מְאֹ֖ד וְלַעֲשֹׂ֑ות כְּכֹל֩ אֲשֶׁר־יֹור֨וּ אֶתְכֶ֜ם הַכֹּהֲנִ֧ים הַלְוִיִּ֛ם כַּאֲשֶׁ֥ר צִוִּיתִ֖ם תִּשְׁמְר֥וּ לַעֲשֹֽׂות׃ ס

hişá֧̇̌mer bĕ̇neֽgaʻ־haẕá̇ra֛ʻaţ lişĕ̌mò֥r mĕʼò֖d wĕlaʻàşò֑̂wţ kĕ̇kòl֩ ʼàşěr־yòwr֨ẇ ʼeţĕke֜m hakò̇hàni֧ym halĕwiyi֛̇m kȧʼàşě֥r ẕiwi̇yţi֖m ţi̇şĕ̌mĕr֥ẇ laʻàşòֽ̂wţ׃ s

9
זָכֹ֕ור אֵ֧ת אֲשֶׁר־עָשָׂ֛ה יְהוָ֥ה אֱלֹהֶ֖יךָ לְמִרְיָ֑ם בַּדֶּ֖רֶךְ בְּצֵאתְכֶ֥ם מִמִּצְרָֽיִם׃ ס

zákò֕wr ʼé֧ţ ʼàşěr־ʻáşá֛̂h yĕhwá֥h ʼèlòhe֖yká lĕmirĕyá֑m bȧdė֖rekĕ bĕ̇ẕéʼţĕke֥m mimi̇ẕĕráֽyim׃ s

10
כִּֽי־תַשֶּׁ֥ה בְרֵֽעֲךָ מַשַּׁ֣את מְא֑וּמָה לֹא־תָבֹ֥א אֶל־בֵּיתֹ֖ו לַעֲבֹ֥ט עֲבֹטֹֽו׃

kiֽ̇y־ţaşė֥̌h bĕréֽʻàká maşȧ֣̌ʼţ mĕʼ֑ẇmáh lòʼ־ţábò֥ʼ ʼel־bé̇yţò֖w laʻàbò֥t ʻàbòtòֽw׃

11
בַּח֖וּץ תַּעֲמֹ֑ד וְהָאִ֗ישׁ אֲשֶׁ֤ר אַתָּה֙ נֹשֶׁ֣ה בֹ֔ו יֹוצִ֥יא אֵלֶ֛יךָ אֶֽת־הַעֲבֹ֖וט הַחֽוּצָה׃

bȧẖ֖ẇẕ ţȧʻàmò֑d wĕháʼi֗yş̌ ʼàşě֤r ʼaţá̇h֙ nòşě֣h bò֔w yòwẕi֥yʼ ʼéle֛yká ʼeֽţ־haʻàbò֖wt haẖֽẇẕáh׃

12
וְאִם־אִ֥ישׁ עָנִ֖י ה֑וּא לֹ֥א תִשְׁכַּ֖ב בַּעֲבֹטֹֽו׃

wĕʼim־ʼi֥yş̌ ʻáni֖y h֑ẇʼ lò֥ʼ ţişĕ̌kȧ֖b bȧʻàbòtòֽw׃

13
הָשֵׁב֩ תָּשִׁ֨יב לֹ֤ו אֶֽת־הַעֲבֹוט֙ כְּבֹ֣א הַשֶּׁ֔מֶשׁ וְשָׁכַ֥ב בְּשַׂלְמָתֹ֖ו וּבֵֽרֲכֶ֑ךָּ וּלְךָ֙ תִּהְיֶ֣ה צְדָקָ֔ה לִפְנֵ֖י יְהוָ֥ה אֱלֹהֶֽיךָ׃ ס

háşé̌b֩ ţá̇şǐ֨yb lò֤w ʼeֽţ־haʻàbòwt֙ kĕ̇bò֣ʼ haşė̌֔meş̌ wĕşá̌ka֥b bĕ̇şâlĕmáţò֖w ẇbéֽràke֑ká̇ ẇlĕká֙ ţi̇hĕye֣h ẕĕdáqá֔h lipĕné֖y yĕhwá֥h ʼèlòheֽyká׃ s

14
לֹא־תַעֲשֹׁ֥ק שָׂכִ֖יר עָנִ֣י וְאֶבְיֹ֑ון מֵאַחֶ֕יךָ אֹ֧ו מִגֵּרְךָ֛ אֲשֶׁ֥ר בְּאַרְצְךָ֖ בִּשְׁעָרֶֽיךָ׃

lòʼ־ţaʻàşò֥̌q şá̂ki֖yr ʻáni֣y wĕʼebĕyò֑wn méʼaẖe֕yká ʼò֧w migé̇rĕká֛ ʼàşě֥r bĕ̇ʼarĕẕĕká֖ bi̇şĕ̌ʻáreֽyká׃

15
בְּיֹומֹו֩ תִתֵּ֨ן שְׂכָרֹ֜ו וְֽלֹא־תָבֹ֧וא עָלָ֣יו הַשֶּׁ֗מֶשׁ כִּ֤י עָנִי֙ ה֔וּא וְאֵלָ֕יו ה֥וּא נֹשֵׂ֖א אֶת־נַפְשֹׁ֑ו וְלֹֽא־יִקְרָ֤א עָלֶ֨יךָ֙ אֶל־יְהוָ֔ה וְהָיָ֥ה בְךָ֖ חֵֽטְא׃ ס

bĕ̇yòwmòw֩ ţiţé̇֨n şĕ̂kárò֜w wĕֽlòʼ־ţábò֧wʼ ʻálá֣yw haşė̌֗meş̌ ki֤̇y ʻániy֙ h֔ẇʼ wĕʼélá֕yw h֥ẇʼ nòşé֖̂ʼ ʼeţ־napĕşò֑̌w wĕlòֽʼ־yiqĕrá֤ʼ ʻále֨yká֙ ʼel־yĕhwá֔h wĕháyá֥h bĕká֖ ẖéֽtĕʼ׃ s

16
לֹֽא־יוּמְת֤וּ אָבֹות֙ עַל־בָּנִ֔ים וּבָנִ֖ים לֹא־יוּמְת֣וּ עַל־אָבֹ֑ות אִ֥ישׁ בְּחֶטְאֹ֖ו יוּמָֽתוּ׃ ס

lòֽʼ־yẇmĕţ֤ẇ ʼábòwţ֙ ʻal־bá̇ni֔ym ẇbáni֖ym lòʼ־yẇmĕţ֣ẇ ʻal־ʼábò֑wţ ʼi֥yş̌ bĕ̇ẖetĕʼò֖w yẇmáֽţẇ׃ s

17
לֹ֣א תַטֶּ֔ה מִשְׁפַּ֖ט גֵּ֣ר יָתֹ֑ום וְלֹ֣א תַחֲבֹ֔ל בֶּ֖גֶד אַלְמָנָֽה׃

lò֣ʼ ţatė֔h mişĕ̌pȧ֖t gé֣̇r yáţò֑wm wĕlò֣ʼ ţaẖàbò֔l bė֖ged ʼalĕmánáֽh׃

18
וְזָכַרְתָּ֗ כִּ֣י עֶ֤בֶד הָיִ֨יתָ֙ בְּמִצְרַ֔יִם וַֽיִּפְדְּךָ֛ יְהוָ֥ה אֱלֹהֶ֖יךָ מִשָּׁ֑ם עַל־כֵּ֞ן אָנֹכִ֤י מְצַוְּךָ֙ לַעֲשֹׂ֔ות אֶת־הַדָּבָ֖ר הַזֶּֽה׃ ס

wĕzákarĕţá̇֗ ki֣̇y ʻe֤bed háyi֨yţá֙ bĕ̇miẕĕra֔yim waֽyi̇pĕdĕ̇ká֛ yĕhwá֥h ʼèlòhe֖yká mişá֑̇̌m ʻal־ké̇֞n ʼánòki֤y mĕẕawĕ̇ká֙ laʻàşò̂֔wţ ʼeţ־hadá̇bá֖r hazėֽh׃ s

19
כִּ֣י תִקְצֹר֩ קְצִֽירְךָ֨ בְשָׂדֶ֜ךָ וְשָֽׁכַחְתָּ֧ עֹ֣מֶר בַּשָּׂדֶ֗ה לֹ֤א תָשׁוּב֙ לְקַחְתֹּ֔ו לַגֵּ֛ר לַיָּתֹ֥ום וְלָאַלְמָנָ֖ה יִהְיֶ֑ה לְמַ֤עַן יְבָרֶכְךָ֙ יְהוָ֣ה אֱלֹהֶ֔יךָ בְּכֹ֖ל מַעֲשֵׂ֥ה יָדֶֽיךָ׃

ki֣̇y ţiqĕẕòr֩ qĕẕiֽyrĕká֨ bĕşá̂de֜ká wĕşáֽ̌kaẖĕţá֧̇ ʻò֣mer bȧşá̇̂de֗h lò֤ʼ ţáş̌ẇb֙ lĕqaẖĕţò̇֔w lagé֛̇r layá̇ţò֥wm wĕláʼalĕmáná֖h yihĕye֑h lĕma֤ʻan yĕbárekĕká֙ yĕhwá֣h ʼèlòhe֔yká bĕ̇kò֖l maʻàşé֥̂h yádeֽyká׃

20
כִּ֤י תַחְבֹּט֙ זֵֽיתְךָ֔ לֹ֥א תְפָאֵ֖ר אַחֲרֶ֑יךָ לַגֵּ֛ר לַיָּתֹ֥ום וְלָאַלְמָנָ֖ה יִהְיֶֽה׃ ס

ki֤̇y ţaẖĕbò̇t֙ zéֽyţĕká֔ lò֥ʼ ţĕpáʼé֖r ʼaẖàre֑yká lagé֛̇r layá̇ţò֥wm wĕláʼalĕmáná֖h yihĕyeֽh׃ s

21
כִּ֤י תִבְצֹר֙ כַּרְמְךָ֔ לֹ֥א תְעֹולֵ֖ל אַחֲרֶ֑יךָ לַגֵּ֛ר לַיָּתֹ֥ום וְלָאַלְמָנָ֖ה יִהְיֶֽה׃

ki֤̇y ţibĕẕòr֙ kȧrĕmĕká֔ lò֥ʼ ţĕʻòwlé֖l ʼaẖàre֑yká lagé֛̇r layá̇ţò֥wm wĕláʼalĕmáná֖h yihĕyeֽh׃

22
וְזָ֣כַרְתָּ֔ כִּי־עֶ֥בֶד הָיִ֖יתָ בְּאֶ֣רֶץ מִצְרָ֑יִם עַל־כֵּ֞ן אָנֹכִ֤י מְצַוְּךָ֙ לַעֲשֹׂ֔ות אֶת־הַדָּבָ֖ר הַזֶּֽה׃ ס

wĕzá֣karĕţá̇֔ ki̇y־ʻe֥bed háyi֖yţá bĕ̇ʼe֣reẕ miẕĕrá֑yim ʻal־ké̇֞n ʼánòki֤y mĕẕawĕ̇ká֙ laʻàşò̂֔wţ ʼeţ־hadá̇bá֖r hazėֽh׃ s