Bibles in ancient languages
Old translations
Modern translations

Biblia Hebraica Stuttgartiensia Deuteronomy 28

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְהָיָ֗ה אִם־שָׁמֹ֤ועַ תִּשְׁמַע֙ בְּקֹול֙ יְהוָ֣ה אֱלֹהֶ֔יךָ לִשְׁמֹ֤ר לַעֲשֹׂות֙ אֶת־כָּל־מִצְוֹתָ֔יו אֲשֶׁ֛ר אָנֹכִ֥י מְצַוְּךָ֖ הַיֹּ֑ום וּנְתָ֨נְךָ֜ יְהוָ֤ה אֱלֹהֶ֨יךָ֙ עֶלְיֹ֔ון עַ֖ל כָּל־גֹּויֵ֥י הָאָֽרֶץ׃

wĕháyá֗h ʼim־şá̌mò֤wʻa ţi̇şĕ̌maʻ֙ bĕ̇qòwl֙ yĕhwá֣h ʼèlòhe֔yká lişĕ̌mò֤r laʻàşò̂wţ֙ ʼeţ־ká̇l־miẕĕwòţá֔yw ʼàşě֛r ʼánòki֥y mĕẕawĕ̇ká֖ hayò֑̇wm ẇnĕţá֨nĕká֜ yĕhwá֤h ʼèlòhe֨yká֙ ʻelĕyò֔wn ʻa֖l ká̇l־gò̇wyé֥y háʼáֽreẕ׃

2
וּבָ֧אוּ עָלֶ֛יךָ כָּל־הַבְּרָכֹ֥ות הָאֵ֖לֶּה וְהִשִּׂיגֻ֑ךָ כִּ֣י תִשְׁמַ֔ע בְּקֹ֖ול יְהוָ֥ה אֱלֹהֶֽיךָ׃

ẇbá֧ʼẇ ʻále֛yká ká̇l־habĕ̇rákò֥wţ háʼé֖lėh wĕhişi̇̂ygu֑ká ki֣̇y ţişĕ̌ma֔ʻ bĕ̇qò֖wl yĕhwá֥h ʼèlòheֽyká׃

3
בָּר֥וּךְ אַתָּ֖ה בָּעִ֑יר וּבָר֥וּךְ אַתָּ֖ה בַּשָּׂדֶֽה׃

bá̇r֥ẇkĕ ʼaţá֖̇h bá̇ʻi֑yr ẇbár֥ẇkĕ ʼaţá֖̇h bȧşá̇̂deֽh׃

4
בָּר֧וּךְ פְּרִֽי־בִטְנְךָ֛ וּפְרִ֥י אַדְמָתְךָ֖ וּפְרִ֣י בְהֶמְתֶּ֑ךָ שְׁגַ֥ר אֲלָפֶ֖יךָ וְעַשְׁתְּרֹ֥ות צֹאנֶֽךָ׃

bá̇r֧ẇkĕ pĕ̇riֽy־bitĕnĕká֛ ẇpĕri֥y ʼadĕmáţĕká֖ ẇpĕri֣y bĕhemĕţė֑ká şĕ̌ga֥r ʼàlápe֖yká wĕʻaşĕ̌ţĕ̇rò֥wţ ẕòʼneֽká׃

5
בָּר֥וּךְ טַנְאֲךָ֖ וּמִשְׁאַרְתֶּֽךָ׃

bá̇r֥ẇkĕ tanĕʼàká֖ ẇmişĕ̌ʼarĕţėֽká׃

6
בָּר֥וּךְ אַתָּ֖ה בְּבֹאֶ֑ךָ וּבָר֥וּךְ אַתָּ֖ה בְּצֵאתֶֽךָ׃

bá̇r֥ẇkĕ ʼaţá֖̇h bĕ̇bòʼe֑ká ẇbár֥ẇkĕ ʼaţá֖̇h bĕ̇ẕéʼţeֽká׃

7
יִתֵּ֨ן יְהוָ֤ה אֶת־אֹיְבֶ֨יךָ֙ הַקָּמִ֣ים עָלֶ֔יךָ נִגָּפִ֖ים לְפָנֶ֑יךָ בְּדֶ֤רֶךְ אֶחָד֙ יֵצְא֣וּ אֵלֶ֔יךָ וּבְשִׁבְעָ֥ה דְרָכִ֖ים יָנ֥וּסוּ לְפָנֶֽיךָ׃

yiţé̇֨n yĕhwá֤h ʼeţ־ʼòyĕbe֨yká֙ haqá̇mi֣ym ʻále֔yká nigá̇pi֖ym lĕpáne֑yká bĕ̇de֤rekĕ ʼeẖád֙ yéẕĕʼ֣ẇ ʼéle֔yká ẇbĕşǐbĕʻá֥h dĕráki֖ym yán֥ẇsẇ lĕpáneֽyká׃

8
יְצַ֨ו יְהוָ֤ה אִתְּךָ֙ אֶת־הַבְּרָכָ֔ה בַּאֲסָמֶ֕יךָ וּבְכֹ֖ל מִשְׁלַ֣ח יָדֶ֑ךָ וּבֵ֣רַכְךָ֔ בָּאָ֕רֶץ אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃

yĕẕa֨w yĕhwá֤h ʼiţĕ̇ká֙ ʼeţ־habĕ̇ráká֔h bȧʼàsáme֕yká ẇbĕkò֖l mişĕ̌la֣ẖ yáde֑ká ẇbé֣rakĕká֔ bá̇ʼá֕reẕ ʼàşěr־yĕhwá֥h ʼèlòhe֖yká nòţé֥n láֽkĕ׃

9
יְקִֽימְךָ֙ יְהוָ֥ה לֹו֙ לְעַ֣ם קָדֹ֔ושׁ כַּאֲשֶׁ֖ר נִֽשְׁבַּֽע־לָ֑ךְ כִּ֣י תִשְׁמֹ֗ר אֶת־מִצְוֹת֙ יְהוָ֣ה אֱלֹהֶ֔יךָ וְהָלַכְתָּ֖ בִּדְרָכָֽיו׃

yĕqiֽymĕká֙ yĕhwá֥h lòw֙ lĕʻa֣m qádò֔wş̌ kȧʼàşě֖r niֽşĕ̌bȧֽʻ־lá֑kĕ ki֣̇y ţişĕ̌mò֗r ʼeţ־miẕĕwòţ֙ yĕhwá֣h ʼèlòhe֔yká wĕhálakĕţá֖̇ bi̇dĕrákáֽyw׃

10
וְרָאוּ֙ כָּל־עַמֵּ֣י הָאָ֔רֶץ כִּ֛י שֵׁ֥ם יְהוָ֖ה נִקְרָ֣א עָלֶ֑יךָ וְיָֽרְא֖וּ מִמֶּֽךָּ׃

wĕráʼẇ֙ ká̇l־ʻamé֣̇y háʼá֔reẕ ki֛̇y şé֥̌m yĕhwá֖h niqĕrá֣ʼ ʻále֑yká wĕyáֽrĕʼ֖ẇ mimėֽká̇׃

11
וְהֹותִרְךָ֤ יְהוָה֙ לְטֹובָ֔ה בִּפְרִ֧י בִטְנְךָ֛ וּבִפְרִ֥י בְהַמְתְּךָ֖ וּבִפְרִ֣י אַדְמָתֶ֑ךָ עַ֚ל הָאֲדָמָ֔ה אֲשֶׁ֨ר נִשְׁבַּ֧ע יְהוָ֛ה לַאֲבֹתֶ֖יךָ לָ֥תֶת לָֽךְ׃

wĕhòwţirĕká֤ yĕhwáh֙ lĕtòwbá֔h bi̇pĕri֧y bitĕnĕká֛ ẇbipĕri֥y bĕhamĕţĕ̇ká֖ ẇbipĕri֣y ʼadĕmáţe֑ká ʻa֚l háʼàdámá֔h ʼàşě֨r nişĕ̌bȧ֧ʻ yĕhwá֛h laʼàbòţe֖yká lá֥ţeţ láֽkĕ׃

12
יִפְתַּ֣ח יְהוָ֣ה׀ לְ֠ךָ אֶת־אֹוצָרֹ֨ו הַטֹּ֜וב אֶת־הַשָּׁמַ֗יִם לָתֵ֤ת מְטַֽר־אַרְצְךָ֙ בְּעִתֹּ֔ו וּלְבָרֵ֕ךְ אֵ֖ת כָּל־מַעֲשֵׂ֣ה יָדֶ֑ךָ וְהִלְוִ֨יתָ֙ גֹּויִ֣ם רַבִּ֔ים וְאַתָּ֖ה לֹ֥א תִלְוֶֽה׃

yipĕţȧ֣ẖ yĕhwá֣h׀ lĕ֠ká ʼeţ־ʼòwẕárò֨w hatò̇֜wb ʼeţ־haşá̇̌ma֗yim láţé֤ţ mĕtaֽr־ʼarĕẕĕká֙ bĕ̇ʻiţò̇֔w ẇlĕbáré֕kĕ ʼé֖ţ ká̇l־maʻàşé֣̂h yáde֑ká wĕhilĕwi֨yţá֙ gò̇wyi֣m rabi̇֔ym wĕʼaţá֖̇h lò֥ʼ ţilĕweֽh׃

13
וּנְתָֽנְךָ֙ יְהוָ֤ה לְרֹאשׁ֙ וְלֹ֣א לְזָנָ֔ב וְהָיִ֨יתָ֙ רַ֣ק לְמַ֔עְלָה וְלֹ֥א תִהְיֶ֖ה לְמָ֑טָּה כִּֽי־תִשְׁמַ֞ע אֶל־מִצְוֹ֣ת׀ יְהוָ֣ה אֱלֹהֶ֗יךָ אֲשֶׁ֨ר אָנֹכִ֧י מְצַוְּךָ֛ הַיֹּ֖ום לִשְׁמֹ֥ר וְלַעֲשֹֽׂות׃

ẇnĕţáֽnĕká֙ yĕhwá֤h lĕròʼş̌֙ wĕlò֣ʼ lĕzáná֔b wĕháyi֨yţá֙ ra֣q lĕma֔ʻĕláh wĕlò֥ʼ ţihĕye֖h lĕmá֑tá̇h kiֽ̇y־ţişĕ̌ma֞ʻ ʼel־miẕĕwò֣ţ׀ yĕhwá֣h ʼèlòhe֗yká ʼàşě֨r ʼánòki֧y mĕẕawĕ̇ká֛ hayò֖̇wm lişĕ̌mò֥r wĕlaʻàşòֽ̂wţ׃

14
וְלֹ֣א תָס֗וּר מִכָּל־הַדְּבָרִים֙ אֲשֶׁ֨ר אָנֹכִ֜י מְצַוֶּ֥ה אֶתְכֶ֛ם הַיֹּ֖ום יָמִ֣ין וּשְׂמֹ֑אול לָלֶ֗כֶת אַחֲרֵ֛י אֱלֹהִ֥ים אֲחֵרִ֖ים לְעָבְדָֽם׃ ס

wĕlò֣ʼ ţás֗ẇr miká̇l־hadĕ̇báriym֙ ʼàşě֨r ʼánòki֜y mĕẕawė֥h ʼeţĕke֛m hayò֖̇wm yámi֣yn ẇşĕ̂mò֑ʼwl lále֗keţ ʼaẖàré֛y ʼèlòhi֥ym ʼàẖéri֖ym lĕʻábĕdáֽm׃ s

15
וְהָיָ֗ה אִם־לֹ֤א תִשְׁמַע֙ בְּקֹול֙ יְהוָ֣ה אֱלֹהֶ֔יךָ לִשְׁמֹ֤ר לַעֲשֹׂות֙ אֶת־כָּל־מִצְוֹתָ֣יו וְחֻקֹּתָ֔יו אֲשֶׁ֛ר אָנֹכִ֥י מְצַוְּךָ֖ הַיֹּ֑ום וּבָ֧אוּ עָלֶ֛יךָ כָּל־הַקְּלָלֹ֥ות הָאֵ֖לֶּה וְהִשִּׂיגֽוּךָ׃

wĕháyá֗h ʼim־lò֤ʼ ţişĕ̌maʻ֙ bĕ̇qòwl֙ yĕhwá֣h ʼèlòhe֔yká lişĕ̌mò֤r laʻàşò̂wţ֙ ʼeţ־ká̇l־miẕĕwòţá֣yw wĕẖuqò̇ţá֔yw ʼàşě֛r ʼánòki֥y mĕẕawĕ̇ká֖ hayò֑̇wm ẇbá֧ʼẇ ʻále֛yká ká̇l־haqĕ̇lálò֥wţ háʼé֖lėh wĕhişi̇̂ygֽẇká׃

16
אָר֥וּר אַתָּ֖ה בָּעִ֑יר וְאָר֥וּר אַתָּ֖ה בַּשָּׂדֶֽה׃

ʼár֥ẇr ʼaţá֖̇h bá̇ʻi֑yr wĕʼár֥ẇr ʼaţá֖̇h bȧşá̇̂deֽh׃

17
אָר֥וּר טַנְאֲךָ֖ וּמִשְׁאַרְתֶּֽךָ׃

ʼár֥ẇr tanĕʼàká֖ ẇmişĕ̌ʼarĕţėֽká׃

18
אָר֥וּר פְּרִֽי־בִטְנְךָ֖ וּפְרִ֣י אַדְמָתֶ֑ךָ שְׁגַ֥ר אֲלָפֶ֖יךָ וְעַשְׁתְּרֹ֥ות צֹאנֶֽךָ׃

ʼár֥ẇr pĕ̇riֽy־bitĕnĕká֖ ẇpĕri֣y ʼadĕmáţe֑ká şĕ̌ga֥r ʼàlápe֖yká wĕʻaşĕ̌ţĕ̇rò֥wţ ẕòʼneֽká׃

19
אָר֥וּר אַתָּ֖ה בְּבֹאֶ֑ךָ וְאָר֥וּר אַתָּ֖ה בְּצֵאתֶֽךָ׃

ʼár֥ẇr ʼaţá֖̇h bĕ̇bòʼe֑ká wĕʼár֥ẇr ʼaţá֖̇h bĕ̇ẕéʼţeֽká׃

20
יְשַׁלַּ֣ח יְהוָ֣ה׀ בְּ֠ךָ אֶת־הַמְּאֵרָ֤ה אֶת־הַמְּהוּמָה֙ וְאֶת־הַמִּגְעֶ֔רֶת בְּכָל־מִשְׁלַ֥ח יָדְךָ֖ אֲשֶׁ֣ר תַּעֲשֶׂ֑ה עַ֣ד הִשָּֽׁמֶדְךָ֤ וְעַד־אֲבָדְךָ֙ מַהֵ֔ר מִפְּנֵ֛י רֹ֥עַ מַֽעֲלָלֶ֖יךָ אֲשֶׁ֥ר עֲזַבְתָּֽנִי׃

yĕşǎlȧ֣ẖ yĕhwá֣h׀ bĕ̇֠ká ʼeţ־hamĕ̇ʼérá֤h ʼeţ־hamĕ̇hẇmáh֙ wĕʼeţ־hami̇gĕʻe֔reţ bĕ̇kál־mişĕ̌la֥ẖ yádĕká֖ ʼàşě֣r ţȧʻàşê֑h ʻa֣d hişáֽ̇̌medĕká֤ wĕʻad־ʼàbádĕká֙ mahé֔r mipĕ̇né֛y rò֥ʻa maֽʻàlále֖yká ʼàşě֥r ʻàzabĕţáֽ̇niy׃

21
יַדְבֵּ֧ק יְהוָ֛ה בְּךָ֖ אֶת־הַדָּ֑בֶר עַ֚ד כַּלֹּתֹ֣ו אֹֽתְךָ֔ מֵעַל֙ הָֽאֲדָמָ֔ה אֲשֶׁר־אַתָּ֥ה בָא־שָׁ֖מָּה לְרִשְׁתָּֽהּ׃

yadĕbé֧̇q yĕhwá֛h bĕ̇ká֖ ʼeţ־hadá֑̇ber ʻa֚d kȧlò̇ţò֣w ʼòֽţĕká֔ méʻal֙ háֽʼàdámá֔h ʼàşěr־ʼaţá֥̇h báʼ־şá֖̌má̇h lĕrişĕ̌ţáֽ̇ḣ׃

22
יַכְּכָ֣ה יְ֠הוָה בַּשַּׁחֶ֨פֶת וּבַקַּדַּ֜חַת וּבַדַּלֶּ֗קֶת וּבַֽחַרְחֻר֙ וּבַחֶ֔רֶב וּבַשִּׁדָּפֹ֖ון וּבַיֵּרָקֹ֑ון וּרְדָפ֖וּךָ עַ֥ד אָבְדֶֽךָ׃

yakĕ̇ká֣h yĕ֠hwáh bȧşȧ̌ẖe֨peţ ẇbaqȧdȧ֜ẖaţ ẇbadȧlė֗qeţ ẇbaֽẖarĕẖur֙ ẇbaẖe֔reb ẇbaşi̇̌dá̇pò֖wn ẇbayé̇ráqò֑wn ẇrĕdáp֖ẇká ʻa֥d ʼábĕdeֽká׃

23
וְהָי֥וּ שָׁמֶ֛יךָ אֲשֶׁ֥ר עַל־רֹאשְׁךָ֖ נְחֹ֑שֶׁת וְהָאָ֥רֶץ אֲשֶׁר־תַּחְתֶּ֖יךָ בַּרְזֶֽל׃

wĕháy֥ẇ şá̌me֛yká ʼàşě֥r ʻal־ròʼşĕ̌ká֖ nĕẖò֑şěţ wĕháʼá֥reẕ ʼàşěr־ţȧẖĕţė֖yká bȧrĕzeֽl׃

24
יִתֵּ֧ן יְהוָ֛ה אֶת־מְטַ֥ר אַרְצְךָ֖ אָבָ֣ק וְעָפָ֑ר מִן־הַשָּׁמַ֨יִם֙ יֵרֵ֣ד עָלֶ֔יךָ עַ֖ד הִשָּׁמְדָֽךְ׃

yiţé֧̇n yĕhwá֛h ʼeţ־mĕta֥r ʼarĕẕĕká֖ ʼábá֣q wĕʻápá֑r min־haşá̇̌ma֨yim֙ yéré֣d ʻále֔yká ʻa֖d hişá̇̌mĕdáֽkĕ׃

25
יִתֶּנְךָ֨ יְהוָ֥ה׀ נִגָּף֮ לִפְנֵ֣י אֹיְבֶיךָ֒ בְּדֶ֤רֶךְ אֶחָד֙ תֵּצֵ֣א אֵלָ֔יו וּבְשִׁבְעָ֥ה דְרָכִ֖ים תָּנ֣וּס לְפָנָ֑יו וְהָיִ֣יתָ לְזַעֲוָ֔ה לְכֹ֖ל מַמְלְכֹ֥ות הָאָֽרֶץ׃

yiţėnĕká֨ yĕhwá֥h׀ nigá̇p֮ lipĕné֣y ʼòyĕbeyká֒ bĕ̇de֤rekĕ ʼeẖád֙ ţé̇ẕé֣ʼ ʼélá֔yw ẇbĕşǐbĕʻá֥h dĕráki֖ym ţá̇n֣ẇs lĕpáná֑yw wĕháyi֣yţá lĕzaʻàwá֔h lĕkò֖l mamĕlĕkò֥wţ háʼáֽreẕ׃

26
וְהָיְתָ֤ה נִבְלָֽתְךָ֙ לְמַאֲכָ֔ל לְכָל־עֹ֥וף הַשָּׁמַ֖יִם וּלְבֶהֱמַ֣ת הָאָ֑רֶץ וְאֵ֖ין מַחֲרִֽיד׃

wĕháyĕţá֤h nibĕláֽţĕká֙ lĕmaʼàká֔l lĕkál־ʻò֥wp haşá̇̌ma֖yim ẇlĕbehèma֣ţ háʼá֑reẕ wĕʼé֖yn maẖàriֽyd׃

27
יַכְּכָ֨ה יְהוָ֜ה בִּשְׁחִ֤ין מִצְרַ֨יִם֙ וּבָעֳפָלִים וּבַגָּרָ֖ב וּבֶחָ֑רֶס אֲשֶׁ֥ר לֹא־תוּכַ֖ל לְהֵרָפֵֽא׃

yakĕ̇ká֨h yĕhwá֜h bi̇şĕ̌ẖi֤yn miẕĕra֨yim֙ ẇbáʻopáliym ẇbagá̇rá֖b ẇbeẖá֑res ʼàşě֥r lòʼ־ţẇka֖l lĕhérápéֽʼ׃

28
יַכְּכָ֣ה יְהוָ֔ה בְּשִׁגָּעֹ֖ון וּבְעִוָּרֹ֑ון וּבְתִמְהֹ֖ון לֵבָֽב׃

yakĕ̇ká֣h yĕhwá֔h bĕ̇şǐgá̇ʻò֖wn ẇbĕʻiwá̇rò֑wn ẇbĕţimĕhò֖wn lébáֽb׃

29
וְהָיִ֜יתָ מְמַשֵּׁ֣שׁ בַּֽצָּהֳרַ֗יִם כַּאֲשֶׁ֨ר יְמַשֵּׁ֤שׁ הָעִוֵּר֙ בָּאֲפֵלָ֔ה וְלֹ֥א תַצְלִ֖יחַ אֶת־דְּרָכֶ֑יךָ וְהָיִ֜יתָ אַ֣ךְ עָשׁ֧וּק וְגָז֛וּל כָּל־הַיָּמִ֖ים וְאֵ֥ין מֹושִֽׁיעַ׃

wĕháyi֜yţá mĕmaşé֣̇̌ş̌ bȧֽẕá̇hora֗yim kȧʼàşě֨r yĕmaşé֤̇̌ş̌ háʻiwé̇r֙ bá̇ʼàpélá֔h wĕlò֥ʼ ţaẕĕli֖yẖa ʼeţ־dĕ̇ráke֑yká wĕháyi֜yţá ʼa֣kĕ ʻáş֧̌ẇq wĕgáz֛ẇl ká̇l־hayá̇mi֖ym wĕʼé֥yn mòwşǐֽyʻa׃

30
אִשָּׁ֣ה תְאָרֵ֗שׂ וְאִ֤ישׁ אַחֵר֙ יִשְׁגָּלֶנָּה בַּ֥יִת תִּבְנֶ֖ה וְלֹא־תֵשֵׁ֣ב בֹּ֑ו כֶּ֥רֶם תִּטַּ֖ע וְלֹ֥א תְחַלְּלֶֽנּוּ׃

ʼişá֣̇̌h ţĕʼáré֗ş̂ wĕʼi֤yş̌ ʼaẖér֙ yişĕ̌gá̇lená̇h bȧ֥yiţ ţi̇bĕne֖h wĕlòʼ־ţéşé֣̌b bò֑̇w kė֥rem ţi̇tȧ֖ʻ wĕlò֥ʼ ţĕẖalĕ̇leֽṅẇ׃

31
שֹׁורְךָ֞ טָב֣וּחַ לְעֵינֶ֗יךָ וְלֹ֣א תֹאכַל֮ מִמֶּנּוּ֒ חֲמֹֽרְךָ֙ גָּז֣וּל מִלְּפָנֶ֔יךָ וְלֹ֥א יָשׁ֖וּב לָ֑ךְ צֹֽאנְךָ֙ נְתֻנֹ֣ות לְאֹיְבֶ֔יךָ וְאֵ֥ין לְךָ֖ מֹושִֽׁיעַ׃

şò̌wrĕká֞ táb֣ẇẖa lĕʻéyne֗yká wĕlò֣ʼ ţòʼkal֮ mimėṅẇ֒ ẖàmòֽrĕká֙ gá̇z֣ẇl milĕ̇páne֔yká wĕlò֥ʼ yáş֖̌ẇb lá֑kĕ ẕòֽʼnĕká֙ nĕţunò֣wţ lĕʼòyĕbe֔yká wĕʼé֥yn lĕká֖ mòwşǐֽyʻa׃

32
בָּנֶ֨יךָ וּבְנֹתֶ֜יךָ נְתֻנִ֨ים לְעַ֤ם אַחֵר֙ וְעֵינֶ֣יךָ רֹאֹ֔ות וְכָלֹ֥ות אֲלֵיהֶ֖ם כָּל־הַיֹּ֑ום וְאֵ֥ין לְאֵ֖ל יָדֶֽךָ׃

bá̇ne֨yká ẇbĕnòţe֜yká nĕţuni֨ym lĕʻa֤m ʼaẖér֙ wĕʻéyne֣yká ròʼò֔wţ wĕkálò֥wţ ʼàléyhe֖m ká̇l־hayò֑̇wm wĕʼé֥yn lĕʼé֖l yádeֽká׃

33
פְּרִ֤י אַדְמָֽתְךָ֙ וְכָל־יְגִ֣יעֲךָ֔ יֹאכַ֥ל עַ֖ם אֲשֶׁ֣ר לֹא־יָדָ֑עְתָּ וְהָיִ֗יתָ רַ֛ק עָשׁ֥וּק וְרָצ֖וּץ כָּל־הַיָּמִֽים׃

pĕ̇ri֤y ʼadĕmáֽţĕká֙ wĕkál־yĕgi֣yʻàká֔ yòʼka֥l ʻa֖m ʼàşě֣r lòʼ־yádá֑ʻĕţá̇ wĕháyi֗yţá ra֛q ʻáş֥̌ẇq wĕráẕ֖ẇẕ ká̇l־hayá̇miֽym׃

34
וְהָיִ֖יתָ מְשֻׁגָּ֑ע מִמַּרְאֵ֥ה עֵינֶ֖יךָ אֲשֶׁ֥ר תִּרְאֶֽה׃

wĕháyi֖yţá mĕşǔgá֑̇ʻ mimȧrĕʼé֥h ʻéyne֖yká ʼàşě֥r ţi̇rĕʼeֽh׃

35
יַכְּכָ֨ה יְהוָ֜ה בִּשְׁחִ֣ין רָ֗ע עַל־הַבִּרְכַּ֨יִם֙ וְעַל־הַשֹּׁקַ֔יִם אֲשֶׁ֥ר לֹא־תוּכַ֖ל לְהֵרָפֵ֑א מִכַּ֥ף רַגְלְךָ֖ וְעַ֥ד קָדְקֳדֶֽךָ׃

yakĕ̇ká֨h yĕhwá֜h bi̇şĕ̌ẖi֣yn rá֗ʻ ʻal־habi̇rĕkȧ֨yim֙ wĕʻal־haşò̇̌qa֔yim ʼàşě֥r lòʼ־ţẇka֖l lĕhérápé֑ʼ mikȧ֥p ragĕlĕká֖ wĕʻa֥d qádĕqodeֽká׃

36
יֹולֵ֨ךְ יְהוָ֜ה אֹֽתְךָ֗ וְאֶֽת־מַלְכְּךָ֙ אֲשֶׁ֣ר תָּקִ֣ים עָלֶ֔יךָ אֶל־גֹּ֕וי אֲשֶׁ֥ר לֹא־יָדַ֖עְתָּ אַתָּ֣ה וַאֲבֹתֶ֑יךָ וְעָבַ֥דְתָּ שָּׁ֛ם אֱלֹהִ֥ים אֲחֵרִ֖ים עֵ֥ץ וָאָֽבֶן׃

yòwlé֨kĕ yĕhwá֜h ʼòֽţĕká֗ wĕʼeֽţ־malĕkĕ̇ká֙ ʼàşě֣r ţá̇qi֣ym ʻále֔yká ʼel־gò̇֕wy ʼàşě֥r lòʼ־yáda֖ʻĕţá̇ ʼaţá֣̇h waʼàbòţe֑yká wĕʻába֥dĕţá̇ şá֛̇̌m ʼèlòhi֥ym ʼàẖéri֖ym ʻé֥ẕ wáʼáֽben׃

37
וְהָיִ֣יתָ לְשַׁמָּ֔ה לְמָשָׁ֖ל וְלִשְׁנִינָ֑ה בְּכֹל֙ הָֽעַמִּ֔ים אֲשֶׁר־יְנַהֶגְךָ֥ יְהוָ֖ה שָֽׁמָּה׃

wĕháyi֣yţá lĕşǎmá̇֔h lĕmáşá֖̌l wĕlişĕ̌niyná֑h bĕ̇kòl֙ háֽʻami̇֔ym ʼàşěr־yĕnahegĕká֥ yĕhwá֖h şáֽ̌má̇h׃

38
זֶ֥רַע רַ֖ב תֹּוצִ֣יא הַשָּׂדֶ֑ה וּמְעַ֣ט תֶּאֱסֹ֔ף כִּ֥י יַחְסְלֶ֖נּוּ הָאַרְבֶּֽה׃

ze֥raʻ ra֖b ţò̇wẕi֣yʼ haşá̇̂de֑h ẇmĕʻa֣t ţėʼèsò֔p ki֥̇y yaẖĕsĕle֖ṅẇ háʼarĕbėֽh׃

39
כְּרָמִ֥ים תִּטַּ֖ע וְעָבָ֑דְתָּ וְיַ֤יִן לֹֽא־תִשְׁתֶּה֙ וְלֹ֣א תֶאֱגֹ֔ר כִּ֥י תֹאכְלֶ֖נּוּ הַתֹּלָֽעַת׃

kĕ̇rámi֥ym ţi̇tȧ֖ʻ wĕʻábá֑dĕţá̇ wĕya֤yin lòֽʼ־ţişĕ̌ţėh֙ wĕlò֣ʼ ţeʼègò֔r ki֥̇y ţòʼkĕle֖ṅẇ haţò̇láֽʻaţ׃

40
זֵיתִ֛ים יִהְי֥וּ לְךָ֖ בְּכָל־גְּבוּלֶ֑ךָ וְשֶׁ֨מֶן֙ לֹ֣א תָס֔וּךְ כִּ֥י יִשַּׁ֖ל זֵיתֶֽךָ׃

zéyţi֛ym yihĕy֥ẇ lĕká֖ bĕ̇kál־gĕ̇bẇle֑ká wĕşě֨men֙ lò֣ʼ ţás֔ẇkĕ ki֥̇y yişȧ֖̌l zéyţeֽká׃

41
בָּנִ֥ים וּבָנֹ֖ות תֹּולִ֑יד וְלֹא־יִהְי֣וּ לָ֔ךְ כִּ֥י יֵלְכ֖וּ בַּשֶּֽׁבִי׃

bá̇ni֥ym ẇbánò֖wţ ţò̇wli֑yd wĕlòʼ־yihĕy֣ẇ lá֔kĕ ki֥̇y yélĕk֖ẇ bȧşėֽ̌biy׃

42
כָּל־עֵצְךָ֖ וּפְרִ֣י אַדְמָתֶ֑ךָ יְיָרֵ֖שׁ הַצְּלָצַֽל׃

ká̇l־ʻéẕĕká֖ ẇpĕri֣y ʼadĕmáţe֑ká yĕyáré֖ş̌ haẕĕ̇láẕaֽl׃

43
הַגֵּר֙ אֲשֶׁ֣ר בְּקִרְבְּךָ֔ יַעֲלֶ֥ה עָלֶ֖יךָ מַ֣עְלָה מָּ֑עְלָה וְאַתָּ֥ה תֵרֵ֖ד מַ֥טָּה מָּֽטָּה׃

hagé̇r֙ ʼàşě֣r bĕ̇qirĕbĕ̇ká֔ yaʻàle֥h ʻále֖yká ma֣ʻĕláh má֑̇ʻĕláh wĕʼaţá֥̇h ţéré֖d ma֥tá̇h máֽ̇tá̇h׃

44
ה֣וּא יַלְוְךָ֔ וְאַתָּ֖ה לֹ֣א תַלְוֶ֑נּוּ ה֚וּא יִהְיֶ֣ה לְרֹ֔אשׁ וְאַתָּ֖ה תִּֽהְיֶ֥ה לְזָנָֽב׃

h֣ẇʼ yalĕwĕká֔ wĕʼaţá֖̇h lò֣ʼ ţalĕwe֑ṅẇ h֚ẇʼ yihĕye֣h lĕrò֔ʼş̌ wĕʼaţá֖̇h ţiֽ̇hĕye֥h lĕzánáֽb׃

45
וּבָ֨אוּ עָלֶ֜יךָ כָּל־הַקְּלָלֹ֣ות הָאֵ֗לֶּה וּרְדָפ֨וּךָ֙ וְהִשִּׂיג֔וּךָ עַ֖ד הִשָּֽׁמְדָ֑ךְ כִּי־לֹ֣א שָׁמַ֗עְתָּ בְּקֹול֙ יְהוָ֣ה אֱלֹהֶ֔יךָ לִשְׁמֹ֛ר מִצְוֹתָ֥יו וְחֻקֹּתָ֖יו אֲשֶׁ֥ר צִוָּֽךְ׃

ẇbá֨ʼẇ ʻále֜yká ká̇l־haqĕ̇lálò֣wţ háʼé֗lėh ẇrĕdáp֨ẇká֙ wĕhişi̇̂yg֔ẇká ʻa֖d hişáֽ̇̌mĕdá֑kĕ ki̇y־lò֣ʼ şá̌ma֗ʻĕţá̇ bĕ̇qòwl֙ yĕhwá֣h ʼèlòhe֔yká lişĕ̌mò֛r miẕĕwòţá֥yw wĕẖuqò̇ţá֖yw ʼàşě֥r ẕiwáֽ̇kĕ׃

46
וְהָי֣וּ בְךָ֔ לְאֹ֖ות וּלְמֹופֵ֑ת וּֽבְזַרְעֲךָ֖ עַד־עֹולָֽם׃

wĕháy֣ẇ bĕká֔ lĕʼò֖wţ ẇlĕmòwpé֑ţ ẇֽbĕzarĕʻàká֖ ʻad־ʻòwláֽm׃

47
תַּ֗חַת אֲשֶׁ֤ר לֹא־עָבַ֨דְתָּ֙ אֶת־יְהוָ֣ה אֱלֹהֶ֔יךָ בְּשִׂמְחָ֖ה וּבְט֣וּב לֵבָ֑ב מֵרֹ֖ב כֹּֽל׃

ţȧ֗ẖaţ ʼàşě֤r lòʼ־ʻába֨dĕţá̇֙ ʼeţ־yĕhwá֣h ʼèlòhe֔yká bĕ̇şîmĕẖá֖h ẇbĕt֣ẇb lébá֑b mérò֖b kòֽ̇l׃

48
וְעָבַדְתָּ֣ אֶת־אֹיְבֶ֗יךָ אֲשֶׁ֨ר יְשַׁלְּחֶ֤נּוּ יְהוָה֙ בָּ֔ךְ בְּרָעָ֧ב וּבְצָמָ֛א וּבְעֵירֹ֖ם וּבְחֹ֣סֶר כֹּ֑ל וְנָתַ֞ן עֹ֤ל בַּרְזֶל֙ עַל־צַוָּארֶ֔ךָ עַ֥ד הִשְׁמִידֹ֖ו אֹתָֽךְ׃

wĕʻábadĕţá֣̇ ʼeţ־ʼòyĕbe֗yká ʼàşě֨r yĕşǎlĕ̇ẖe֤ṅẇ yĕhwáh֙ bá̇֔kĕ bĕ̇ráʻá֧b ẇbĕẕámá֛ʼ ẇbĕʻéyrò֖m ẇbĕẖò֣ser kò֑̇l wĕnáţa֞n ʻò֤l bȧrĕzel֙ ʻal־ẕawá̇ʼre֔ká ʻa֥d hişĕ̌miydò֖w ʼòţáֽkĕ׃

49
יִשָּׂ֣א יְהוָה֩ עָלֶ֨יךָ גֹּ֤וי מֵרָחֹוק֙ מִקְצֵ֣ה הָאָ֔רֶץ כַּאֲשֶׁ֥ר יִדְאֶ֖ה הַנָּ֑שֶׁר גֹּ֕וי אֲשֶׁ֥ר לֹא־תִשְׁמַ֖ע לְשֹׁנֹֽו׃

yişá֣̇̂ʼ yĕhwáh֩ ʻále֨yká gò֤̇wy méráẖòwq֙ miqĕẕé֣h háʼá֔reẕ kȧʼàşě֥r yidĕʼe֖h haná֑̇şěr gò̇֕wy ʼàşě֥r lòʼ־ţişĕ̌ma֖ʻ lĕşò̌nòֽw׃

50
גֹּ֖וי עַ֣ז פָּנִ֑ים אֲשֶׁ֨ר לֹא־יִשָּׂ֤א פָנִים֙ לְזָקֵ֔ן וְנַ֖עַר לֹ֥א יָחֹֽן׃

gò֖̇wy ʻa֣z pá̇ni֑ym ʼàşě֨r lòʼ־yişá֤̇̂ʼ pániym֙ lĕzáqé֔n wĕna֖ʻar lò֥ʼ yáẖòֽn׃

51
וְ֠אָכַל פְּרִ֨י בְהֶמְתְּךָ֥ וּפְרִֽי־אַדְמָתְךָ֮ עַ֣ד הִשָּֽׁמְדָךְ֒ אֲשֶׁ֨ר לֹֽא־יַשְׁאִ֜יר לְךָ֗ דָּגָן֙ תִּירֹ֣ושׁ וְיִצְהָ֔ר שְׁגַ֥ר אֲלָפֶ֖יךָ וְעַשְׁתְּרֹ֣ת צֹאנֶ֑ךָ עַ֥ד הַאֲבִידֹ֖ו אֹתָֽךְ׃

wĕ֠ʼákal pĕ̇ri֨y bĕhemĕţĕ̇ká֥ ẇpĕriֽy־ʼadĕmáţĕká֮ ʻa֣d hişáֽ̇̌mĕdákĕ֒ ʼàşě֨r lòֽʼ־yaşĕ̌ʼi֜yr lĕká֗ dá̇gán֙ ţi̇yrò֣wş̌ wĕyiẕĕhá֔r şĕ̌ga֥r ʼàlápe֖yká wĕʻaşĕ̌ţĕ̇rò֣ţ ẕòʼne֑ká ʻa֥d haʼàbiydò֖w ʼòţáֽkĕ׃

52
וְהֵצַ֨ר לְךָ֜ בְּכָל־שְׁעָרֶ֗יךָ עַ֣ד רֶ֤דֶת חֹמֹתֶ֨יךָ֙ הַגְּבֹהֹ֣ות וְהַבְּצֻרֹ֔ות אֲשֶׁ֥ר אַתָּ֛ה בֹּטֵ֥חַ בָּהֵ֖ן בְּכָל־אַרְצֶ֑ךָ וְהֵצַ֤ר לְךָ֙ בְּכָל־שְׁעָרֶ֔יךָ בְּכָ֨ל־אַרְצְךָ֔ אֲשֶׁ֥ר נָתַ֛ן יְהוָ֥ה אֱלֹהֶ֖יךָ לָֽךְ׃

wĕhéẕa֨r lĕká֜ bĕ̇kál־şĕ̌ʻáre֗yká ʻa֣d re֤deţ ẖòmòţe֨yká֙ hagĕ̇bòhò֣wţ wĕhabĕ̇ẕurò֔wţ ʼàşě֥r ʼaţá֛̇h bò̇té֥ẖa bá̇hé֖n bĕ̇kál־ʼarĕẕe֑ká wĕhéẕa֤r lĕká֙ bĕ̇kál־şĕ̌ʻáre֔yká bĕ̇ká֨l־ʼarĕẕĕká֔ ʼàşě֥r náţa֛n yĕhwá֥h ʼèlòhe֖yká láֽkĕ׃

53
וְאָכַלְתָּ֣ פְרִֽי־בִטְנְךָ֗ בְּשַׂ֤ר בָּנֶ֨יךָ֙ וּבְנֹתֶ֔יךָ אֲשֶׁ֥ר נָֽתַן־לְךָ֖ יְהוָ֣ה אֱלֹהֶ֑יךָ בְּמָצֹור֙ וּבְמָצֹ֔וק אֲשֶׁר־יָצִ֥יק לְךָ֖ אֹיְבֶֽךָ׃

wĕʼákalĕţá֣̇ pĕriֽy־bitĕnĕká֗ bĕ̇şâ֤r bá̇ne֨yká֙ ẇbĕnòţe֔yká ʼàşě֥r náֽţan־lĕká֖ yĕhwá֣h ʼèlòhe֑yká bĕ̇máẕòwr֙ ẇbĕmáẕò֔wq ʼàşěr־yáẕi֥yq lĕká֖ ʼòyĕbeֽká׃

54
הָאִישׁ֙ הָרַ֣ךְ בְּךָ֔ וְהֶעָנֹ֖ג מְאֹ֑ד תֵּרַ֨ע עֵינֹ֤ו בְאָחִיו֙ וּבְאֵ֣שֶׁת חֵיקֹ֔ו וּבְיֶ֥תֶר בָּנָ֖יו אֲשֶׁ֥ר יֹותִֽיר׃

háʼiyş̌֙ hára֣kĕ bĕ̇ká֔ wĕheʻánò֖g mĕʼò֑d ţé̇ra֨ʻ ʻéynò֤w bĕʼáẖiyw֙ ẇbĕʼé֣şěţ ẖéyqò֔w ẇbĕye֥ţer bá̇ná֖yw ʼàşě֥r yòwţiֽyr׃

55
מִתֵּ֣ת׀ לְאַחַ֣ד מֵהֶ֗ם מִבְּשַׂ֤ר בָּנָיו֙ אֲשֶׁ֣ר יֹאכֵ֔ל מִבְּלִ֥י הִשְׁאִֽיר־לֹ֖ו כֹּ֑ל בְּמָצֹור֙ וּבְמָצֹ֔וק אֲשֶׁ֨ר יָצִ֥יק לְךָ֛ אֹיִבְךָ֖ בְּכָל־שְׁעָרֶֽיךָ׃

miţé֣̇ţ׀ lĕʼaẖa֣d méhe֗m mibĕ̇şâ֤r bá̇náyw֙ ʼàşě֣r yòʼké֔l mibĕ̇li֥y hişĕ̌ʼiֽyr־lò֖w kò֑̇l bĕ̇máẕòwr֙ ẇbĕmáẕò֔wq ʼàşě֨r yáẕi֥yq lĕká֛ ʼòyibĕká֖ bĕ̇kál־şĕ̌ʻáreֽyká׃

56
הָרַכָּ֨ה בְךָ֜ וְהָעֲנֻגָּ֗ה אֲשֶׁ֨ר לֹא־נִסְּתָ֤ה כַף־רַגְלָהּ֙ הַצֵּ֣ג עַל־הָאָ֔רֶץ מֵהִתְעַנֵּ֖ג וּמֵרֹ֑ךְ תֵּרַ֤ע עֵינָהּ֙ בְּאִ֣ישׁ חֵיקָ֔הּ וּבִבְנָ֖הּ וּבְבִתָּֽהּ׃

háraká̇֨h bĕká֜ wĕháʻànugá̇֗h ʼàşě֨r lòʼ־nisĕ̇ţá֤h kap־ragĕláḣ֙ haẕé֣̇g ʻal־háʼá֔reẕ méhiţĕʻané֖̇g ẇmérò֑kĕ ţé̇ra֤ʻ ʻéynáḣ֙ bĕ̇ʼi֣yş̌ ẖéyqá֔ḣ ẇbibĕná֖ḣ ẇbĕbiţáֽ̇ḣ׃

57
וּֽבְשִׁלְיָתָ֞הּ הַיֹּוצֵ֣ת׀ מִבֵּ֣ין רַגְלֶ֗יהָ וּבְבָנֶ֨יהָ֙ אֲשֶׁ֣ר תֵּלֵ֔ד כִּֽי־תֹאכְלֵ֥ם בְּחֹֽסֶר־כֹּ֖ל בַּסָּ֑תֶר בְּמָצֹור֙ וּבְמָצֹ֔וק אֲשֶׁ֨ר יָצִ֥יק לְךָ֛ אֹיִבְךָ֖ בִּשְׁעָרֶֽיךָ׃

ẇֽbĕşǐlĕyáţá֞ḣ hayò̇wẕé֣ţ׀ mibé֣̇yn ragĕle֗yhá ẇbĕbáne֨yhá֙ ʼàşě֣r ţé̇lé֔d kiֽ̇y־ţòʼkĕlé֥m bĕ̇ẖòֽser־kò֖̇l bȧsá֑̇ţer bĕ̇máẕòwr֙ ẇbĕmáẕò֔wq ʼàşě֨r yáẕi֥yq lĕká֛ ʼòyibĕká֖ bi̇şĕ̌ʻáreֽyká׃

58
אִם־לֹ֨א תִשְׁמֹ֜ר לַעֲשֹׂ֗ות אֶת־כָּל־דִּבְרֵי֙ הַתֹּורָ֣ה הַזֹּ֔את הַכְּתוּבִ֖ים בַּסֵּ֣פֶר הַזֶּ֑ה לְ֠יִרְאָה אֶת־הַשֵּׁ֞ם הַנִּכְבָּ֤ד וְהַנֹּורָא֙ הַזֶּ֔ה אֵ֖ת יְהוָ֥ה אֱלֹהֶֽיךָ׃

ʼim־lò֨ʼ ţişĕ̌mò֜r laʻàşò̂֗wţ ʼeţ־ká̇l־di̇bĕréy֙ haţò̇wrá֣h hazò̇֔ʼţ hakĕ̇ţẇbi֖ym bȧsé֣̇per hazė֑h lĕ֠yirĕʼáh ʼeţ־haşé̇̌֞m hani̇kĕbá֤̇d wĕhanò̇wráʼ֙ hazė֔h ʼé֖ţ yĕhwá֥h ʼèlòheֽyká׃

59
וְהִפְלָ֤א יְהוָה֙ אֶת־מַכֹּ֣תְךָ֔ וְאֵ֖ת מַכֹּ֣ות זַרְעֶ֑ךָ מַכֹּ֤ות גְּדֹלֹות֙ וְנֶ֣אֱמָנֹ֔ות וָחֳלָיִ֥ם רָעִ֖ים וְנֶאֱמָנִֽים׃

wĕhipĕlá֤ʼ yĕhwáh֙ ʼeţ־makò֣̇ţĕká֔ wĕʼé֖ţ makò֣̇wţ zarĕʻe֑ká makò֤̇wţ gĕ̇dòlòwţ֙ wĕne֣ʼèmánò֔wţ wáẖoláyi֥m ráʻi֖ym wĕneʼèmániֽym׃

60
וְהֵשִׁ֣יב בְּךָ֗ אֵ֚ת כָּל־מַדְוֵ֣ה מִצְרַ֔יִם אֲשֶׁ֥ר יָגֹ֖רְתָּ מִפְּנֵיהֶ֑ם וְדָבְק֖וּ בָּֽךְ׃

wĕhéşǐ֣yb bĕ̇ká֗ ʼé֚ţ ká̇l־madĕwé֣h miẕĕra֔yim ʼàşě֥r yágò֖rĕţá̇ mipĕ̇néyhe֑m wĕdábĕq֖ẇ báֽ̇kĕ׃

61
גַּ֤ם כָּל־חֳלִי֙ וְכָל־מַכָּ֔ה אֲשֶׁר֙ לֹ֣א כָת֔וּב בְּסֵ֖פֶר הַתֹּורָ֣ה הַזֹּ֑את יַעְלֵ֤ם יְהוָה֙ עָלֶ֔יךָ עַ֖ד הִשָּׁמְדָֽךְ׃

gȧ֤m ká̇l־ẖoliy֙ wĕkál־maká̇֔h ʼàşěr֙ lò֣ʼ káţ֔ẇb bĕ̇sé֖per haţò̇wrá֣h hazò֑̇ʼţ yaʻĕlé֤m yĕhwáh֙ ʻále֔yká ʻa֖d hişá̇̌mĕdáֽkĕ׃

62
וְנִשְׁאַרְתֶּם֙ בִּמְתֵ֣י מְעָ֔ט תַּ֚חַת אֲשֶׁ֣ר הֱיִיתֶ֔ם כְּכֹוכְבֵ֥י הַשָּׁמַ֖יִם לָרֹ֑ב כִּי־לֹ֣א שָׁמַ֔עְתָּ בְּקֹ֖ול יְהוָ֥ה אֱלֹהֶֽיךָ׃

wĕnişĕ̌ʼarĕţėm֙ bi̇mĕţé֣y mĕʻá֔t ţȧ֚ẖaţ ʼàşě֣r hèyiyţe֔m kĕ̇kòwkĕbé֥y haşá̇̌ma֖yim lárò֑b ki̇y־lò֣ʼ şá̌ma֔ʻĕţá̇ bĕ̇qò֖wl yĕhwá֥h ʼèlòheֽyká׃

63
וְ֠הָיָה כַּאֲשֶׁר־שָׂ֨שׂ יְהוָ֜ה עֲלֵיכֶ֗ם לְהֵיטִ֣יב אֶתְכֶם֮ וּלְהַרְבֹּ֣ות אֶתְכֶם֒ כֵּ֣ן יָשִׂ֤ישׂ יְהוָה֙ עֲלֵיכֶ֔ם לְהַאֲבִ֥יד אֶתְכֶ֖ם וּלְהַשְׁמִ֣יד אֶתְכֶ֑ם וְנִסַּחְתֶּם֙ מֵעַ֣ל הָֽאֲדָמָ֔ה אֲשֶׁר־אַתָּ֥ה בָא־שָׁ֖מָּה לְרִשְׁתָּֽהּ׃

wĕ֠háyáh kȧʼàşěr־şá̂֨ş̂ yĕhwá֜h ʻàléyke֗m lĕhéyti֣yb ʼeţĕkem֮ ẇlĕharĕbò֣̇wţ ʼeţĕkem֒ ké֣̇n yáşî֤yş̂ yĕhwáh֙ ʻàléyke֔m lĕhaʼàbi֥yd ʼeţĕke֖m ẇlĕhaşĕ̌mi֣yd ʼeţĕke֑m wĕnisȧẖĕţėm֙ méʻa֣l háֽʼàdámá֔h ʼàşěr־ʼaţá֥̇h báʼ־şá֖̌má̇h lĕrişĕ̌ţáֽ̇ḣ׃

64
וֶהֱפִֽיצְךָ֤ יְהוָה֙ בְּכָל־הָ֣עַמִּ֔ים מִקְצֵ֥ה הָאָ֖רֶץ וְעַד־קְצֵ֣ה הָאָ֑רֶץ וְעָבַ֨דְתָּ שָּׁ֜ם אֱלֹהִ֣ים אֲחֵרִ֗ים אֲשֶׁ֧ר לֹא־יָדַ֛עְתָּ אַתָּ֥ה וַאֲבֹתֶ֖יךָ עֵ֥ץ וָאָֽבֶן׃

wehèpiֽyẕĕká֤ yĕhwáh֙ bĕ̇kál־há֣ʻami̇֔ym miqĕẕé֥h háʼá֖reẕ wĕʻad־qĕẕé֣h háʼá֑reẕ wĕʻába֨dĕţá̇ şá̇̌֜m ʼèlòhi֣ym ʼàẖéri֗ym ʼàşě֧r lòʼ־yáda֛ʻĕţá̇ ʼaţá֥̇h waʼàbòţe֖yká ʻé֥ẕ wáʼáֽben׃

65
וּבַגֹּויִ֤ם הָהֵם֙ לֹ֣א תַרְגִּ֔יעַ וְלֹא־יִהְיֶ֥ה מָנֹ֖וחַ לְכַף־רַגְלֶ֑ךָ וְנָתַן֩ יְהוָ֨ה לְךָ֥ שָׁם֙ לֵ֣ב רַגָּ֔ז וְכִלְיֹ֥ון עֵינַ֖יִם וְדַֽאֲבֹ֥ון נָֽפֶשׁ׃

ẇbagò̇wyi֤m háhém֙ lò֣ʼ ţarĕgi̇֔yʻa wĕlòʼ־yihĕye֥h mánò֖wẖa lĕkap־ragĕle֑ká wĕnáţan֩ yĕhwá֨h lĕká֥ şá̌m֙ lé֣b ragá̇֔z wĕkilĕyò֥wn ʻéyna֖yim wĕdaֽʼàbò֥wn náֽpeş̌׃

66
וְהָי֣וּ חַיֶּ֔יךָ תְּלֻאִ֥ים לְךָ֖ מִנֶּ֑גֶד וּפָֽחַדְתָּ֙ לַ֣יְלָה וְיֹומָ֔ם וְלֹ֥א תַאֲמִ֖ין בְּחַיֶּֽיךָ׃

wĕháy֣ẇ ẖayė֔yká ţĕ̇luʼi֥ym lĕká֖ minė֑ged ẇpáֽẖadĕţá̇֙ la֣yĕláh wĕyòwmá֔m wĕlò֥ʼ ţaʼàmi֖yn bĕ̇ẖayėֽyká׃

67
בַּבֹּ֤קֶר תֹּאמַר֙ מִֽי־יִתֵּ֣ן עֶ֔רֶב וּבָעֶ֥רֶב תֹּאמַ֖ר מִֽי־יִתֵּ֣ן בֹּ֑קֶר מִפַּ֤חַד לְבָֽבְךָ֙ אֲשֶׁ֣ר תִּפְחָ֔ד וּמִמַּרְאֵ֥ה עֵינֶ֖יךָ אֲשֶׁ֥ר תִּרְאֶֽה׃

bȧbò֤̇qer ţò̇ʼmar֙ miֽy־yiţé֣̇n ʻe֔reb ẇbáʻe֥reb ţò̇ʼma֖r miֽy־yiţé֣̇n bò֑̇qer mipȧ֤ẖad lĕbáֽbĕká֙ ʼàşě֣r ţi̇pĕẖá֔d ẇmimȧrĕʼé֥h ʻéyne֖yká ʼàşě֥r ţi̇rĕʼeֽh׃

68
וֶֽהֱשִֽׁיבְךָ֨ יְהוָ֥ה׀ מִצְרַיִם֮ בָּאֳנִיֹּות֒ בַּדֶּ֨רֶךְ֙ אֲשֶׁ֣ר אָמַ֣רְתִּֽי לְךָ֔ לֹא־תֹסִ֥יף עֹ֖וד לִרְאֹתָ֑הּ וְהִתְמַכַּרְתֶּ֨ם שָׁ֧ם לְאֹיְבֶ֛יךָ לַעֲבָדִ֥ים וְלִשְׁפָחֹ֖ות וְאֵ֥ין קֹנֶֽה׃ ס

weֽhèşǐֽybĕká֨ yĕhwá֥h׀ miẕĕrayim֮ bá̇ʼoniyò̇wţ֒ bȧdė֨rekĕ֙ ʼàşě֣r ʼáma֣rĕţiֽ̇y lĕká֔ lòʼ־ţòsi֥yp ʻò֖wd lirĕʼòţá֑ḣ wĕhiţĕmakȧrĕţė֨m şá֧̌m lĕʼòyĕbe֛yká laʻàbádi֥ym wĕlişĕ̌páẖò֖wţ wĕʼé֥yn qòneֽh׃ s

69
אֵלֶּה֩ דִבְרֵ֨י הַבְּרִ֜ית אֲֽשֶׁר־צִוָּ֧ה יְהוָ֣ה אֶת־מֹשֶׁ֗ה לִכְרֹ֛ת אֶת־בְּנֵ֥י יִשְׂרָאֵ֖ל בְּאֶ֣רֶץ מֹואָ֑ב מִלְּבַ֣ד הַבְּרִ֔ית אֲשֶׁר־כָּרַ֥ת אִתָּ֖ם בְּחֹרֵֽב׃ פ

ʼélėh֩ dibĕré֨y habĕ̇ri֜yţ ʼàֽşěr־ẕiwá֧̇h yĕhwá֣h ʼeţ־mòşě֗h likĕrò֛ţ ʼeţ־bĕ̇né֥y yişĕ̂ráʼé֖l bĕ̇ʼe֣reẕ mòwʼá֑b milĕ̇ba֣d habĕ̇ri֔yţ ʼàşěr־ká̇ra֥ţ ʼiţá֖̇m bĕ̇ẖòréֽb׃ p