Bibles in ancient languages
Old translations
Modern translations

Biblia Hebraica Stuttgartensia Deutéronome 30:4

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְהָיָה֩ כִֽי־יָבֹ֨אוּ עָלֶ֜יךָ כָּל־הַדְּבָרִ֣ים הָאֵ֗לֶּה הַבְּרָכָה֙ וְהַקְּלָלָ֔ה אֲשֶׁ֥ר נָתַ֖תִּי לְפָנֶ֑יךָ וַהֲשֵׁבֹתָ֙ אֶל־לְבָבֶ֔ךָ בְּכָל־הַגֹּויִ֔ם אֲשֶׁ֧ר הִדִּיחֲךָ֛ יְהוָ֥ה אֱלֹהֶ֖יךָ שָֽׁמָּה׃

wĕháyáh֩ kiֽy־yábò֨ʼẇ ʻále֜yká ká̇l־hadĕ̇bári֣ym háʼé֗lėh habĕ̇rákáh֙ wĕhaqĕ̇lálá֔h ʼàşě֥r náţa֖ţi̇y lĕpáne֑yká wahàşé̌bòţá֙ ʼel־lĕbábe֔ká bĕ̇kál־hagò̇wyi֔m ʼàşě֧r hidi̇yẖàká֛ yĕhwá֥h ʼèlòhe֖yká şáֽ̌má̇h׃

2
וְשַׁבְתָּ֞ עַד־יְהוָ֤ה אֱלֹהֶ֨יךָ֙ וְשָׁמַעְתָּ֣ בְקֹלֹ֔ו כְּכֹ֛ל אֲשֶׁר־אָנֹכִ֥י מְצַוְּךָ֖ הַיֹּ֑ום אַתָּ֣ה וּבָנֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃

wĕşǎbĕţá̇֞ ʻad־yĕhwá֤h ʼèlòhe֨yká֙ wĕşá̌maʻĕţá֣̇ bĕqòlò֔w kĕ̇kò֛l ʼàşěr־ʼánòki֥y mĕẕawĕ̇ká֖ hayò֑̇wm ʼaţá֣̇h ẇbáne֔yká bĕ̇kál־lĕbábĕká֖ ẇbĕkál־napĕşěֽká׃

3
וְשָׁ֨ב יְהוָ֧ה אֱלֹהֶ֛יךָ אֶת־שְׁבוּתְךָ֖ וְרִחֲמֶ֑ךָ וְשָׁ֗ב וְקִבֶּצְךָ֙ מִכָּל־הָ֣עַמִּ֔ים אֲשֶׁ֧ר הֱפִֽיצְךָ֛ יְהוָ֥ה אֱלֹהֶ֖יךָ שָֽׁמָּה׃

wĕşá̌֨b yĕhwá֧h ʼèlòhe֛yká ʼeţ־şĕ̌bẇţĕká֖ wĕriẖàme֑ká wĕşá̌֗b wĕqibėẕĕká֙ miká̇l־há֣ʻami̇֔ym ʼàşě֧r hèpiֽyẕĕká֛ yĕhwá֥h ʼèlòhe֖yká şáֽ̌má̇h׃

4
אִם־יִהְיֶ֥ה נִֽדַּחֲךָ֖ בִּקְצֵ֣ה הַשָּׁמָ֑יִם מִשָּׁ֗ם יְקַבֶּצְךָ֙ יְהוָ֣ה אֱלֹהֶ֔יךָ וּמִשָּׁ֖ם יִקָּחֶֽךָ׃

ʼim־yihĕye֥h niֽdȧẖàká֖ bi̇qĕẕé֣h haşá̇̌má֑yim mişá̇̌֗m yĕqabėẕĕká֙ yĕhwá֣h ʼèlòhe֔yká ẇmişá֖̇̌m yiqá̇ẖeֽká׃

5
וֶהֱבִֽיאֲךָ֞ יְהוָ֣ה אֱלֹהֶ֗יךָ אֶל־הָאָ֛רֶץ אֲשֶׁר־יָרְשׁ֥וּ אֲבֹתֶ֖יךָ וִֽירִשְׁתָּ֑הּ וְהֵיטִֽבְךָ֥ וְהִרְבְּךָ֖ מֵאֲבֹתֶֽיךָ׃

wehèbiֽyʼàká֞ yĕhwá֣h ʼèlòhe֗yká ʼel־háʼá֛reẕ ʼàşěr־yárĕş֥̌ẇ ʼàbòţe֖yká wiֽyrişĕ̌ţá֑̇ḣ wĕhéytiֽbĕká֥ wĕhirĕbĕ̇ká֖ méʼàbòţeֽyká׃

6
וּמָ֨ל יְהוָ֧ה אֱלֹהֶ֛יךָ אֶת־לְבָבְךָ֖ וְאֶת־לְבַ֣ב זַרְעֶ֑ךָ לְאַהֲבָ֞ה אֶת־יְהוָ֧ה אֱלֹהֶ֛יךָ בְּכָל־לְבָבְךָ֥ וּבְכָל־נַפְשְׁךָ֖ לְמַ֥עַן חַיֶּֽיךָ׃

ẇmá֨l yĕhwá֧h ʼèlòhe֛yká ʼeţ־lĕbábĕká֖ wĕʼeţ־lĕba֣b zarĕʻe֑ká lĕʼahàbá֞h ʼeţ־yĕhwá֧h ʼèlòhe֛yká bĕ̇kál־lĕbábĕká֥ ẇbĕkál־napĕşĕ̌ká֖ lĕma֥ʻan ẖayėֽyká׃

7
וְנָתַן֙ יְהוָ֣ה אֱלֹהֶ֔יךָ אֵ֥ת כָּל־הָאָלֹ֖ות הָאֵ֑לֶּה עַל־אֹיְבֶ֥יךָ וְעַל־שֹׂנְאֶ֖יךָ אֲשֶׁ֥ר רְדָפֽוּךָ׃

wĕnáţan֙ yĕhwá֣h ʼèlòhe֔yká ʼé֥ţ ká̇l־háʼálò֖wţ háʼé֑lėh ʻal־ʼòyĕbe֥yká wĕʻal־şò̂nĕʼe֖yká ʼàşě֥r rĕdápֽẇká׃

8
וְאַתָּ֣ה תָשׁ֔וּב וְשָׁמַעְתָּ֖ בְּקֹ֣ול יְהוָ֑ה וְעָשִׂ֨יתָ֙ אֶת־כָּל־מִצְוֹתָ֔יו אֲשֶׁ֛ר אָנֹכִ֥י מְצַוְּךָ֖ הַיֹּֽום׃

wĕʼaţá֣̇h ţáş̌֔ẇb wĕşá̌maʻĕţá֖̇ bĕ̇qò֣wl yĕhwá֑h wĕʻáşî֨yţá֙ ʼeţ־ká̇l־miẕĕwòţá֔yw ʼàşě֛r ʼánòki֥y mĕẕawĕ̇ká֖ hayòֽ̇wm׃

9
וְהֹותִֽירְךָ֩ יְהוָ֨ה אֱלֹהֶ֜יךָ בְּכֹ֣ל׀ מַעֲשֵׂ֣ה יָדֶ֗ךָ בִּפְרִ֨י בִטְנְךָ֜ וּבִפְרִ֧י בְהֶמְתְּךָ֛ וּבִפְרִ֥י אַדְמָתְךָ֖ לְטֹובָ֑ה כִּ֣י׀ יָשׁ֣וּב יְהוָ֗ה לָשׂ֤וּשׂ עָלֶ֨יךָ֙ לְטֹ֔וב כַּאֲשֶׁר־שָׂ֖שׂ עַל־אֲבֹתֶֽיךָ׃

wĕhòwţiֽyrĕká֩ yĕhwá֨h ʼèlòhe֜yká bĕ̇kò֣l׀ maʻàşé֣̂h yáde֗ká bi̇pĕri֨y bitĕnĕká֜ ẇbipĕri֧y bĕhemĕţĕ̇ká֛ ẇbipĕri֥y ʼadĕmáţĕká֖ lĕtòwbá֑h ki֣̇y׀ yáş֣̌ẇb yĕhwá֗h láş֤̂ẇş̂ ʻále֨yká֙ lĕtò֔wb kȧʼàşěr־şá֖̂ş̂ ʻal־ʼàbòţeֽyká׃

10
כִּ֣י תִשְׁמַ֗ע בְּקֹול֙ יְהוָ֣ה אֱלֹהֶ֔יךָ לִשְׁמֹ֤ר מִצְוֹתָיו֙ וְחֻקֹּתָ֔יו הַכְּתוּבָ֕ה בְּסֵ֥פֶר הַתֹּורָ֖ה הַזֶּ֑ה כִּ֤י תָשׁוּב֙ אֶל־יְהוָ֣ה אֱלֹהֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃ פ

ki֣̇y ţişĕ̌ma֗ʻ bĕ̇qòwl֙ yĕhwá֣h ʼèlòhe֔yká lişĕ̌mò֤r miẕĕwòţáyw֙ wĕẖuqò̇ţá֔yw hakĕ̇ţẇbá֕h bĕ̇sé֥per haţò̇wrá֖h hazė֑h ki֤̇y ţáş̌ẇb֙ ʼel־yĕhwá֣h ʼèlòhe֔yká bĕ̇kál־lĕbábĕká֖ ẇbĕkál־napĕşěֽká׃ p

11
כִּ֚י הַמִּצְוָ֣ה הַזֹּ֔את אֲשֶׁ֛ר אָנֹכִ֥י מְצַוְּךָ֖ הַיֹּ֑ום לֹֽא־נִפְלֵ֥את הִוא֙ מִמְּךָ֔ וְלֹ֥א רְחֹקָ֖ה הִֽוא׃

ki֚̇y hami̇ẕĕwá֣h hazò̇֔ʼţ ʼàşě֛r ʼánòki֥y mĕẕawĕ̇ká֖ hayò֑̇wm lòֽʼ־nipĕlé֥ʼţ hiwʼ֙ mimĕ̇ká֔ wĕlò֥ʼ rĕẖòqá֖h hiֽwʼ׃

12
לֹ֥א בַשָּׁמַ֖יִם הִ֑וא לֵאמֹ֗ר מִ֣י יַעֲלֶה־לָּ֤נוּ הַשָּׁמַ֨יְמָה֙ וְיִקָּחֶ֣הָ לָּ֔נוּ וְיַשְׁמִעֵ֥נוּ אֹתָ֖הּ וְנַעֲשֶֽׂנָּה׃

lò֥ʼ başá̇̌ma֖yim hi֑wʼ léʼmò֗r mi֣y yaʻàleh־lá֤̇nẇ haşá̇̌ma֨yĕmáh֙ wĕyiqá̇ẖe֣há lá̇֔nẇ wĕyaşĕ̌miʻé֥nẇ ʼòţá֖ḣ wĕnaʻàşêֽná̇h׃

13
וְלֹֽא־מֵעֵ֥בֶר לַיָּ֖ם הִ֑וא לֵאמֹ֗ר מִ֣י יַעֲבָר־לָ֜נוּ אֶל־עֵ֤בֶר הַיָּם֙ וְיִקָּחֶ֣הָ לָּ֔נוּ וְיַשְׁמִעֵ֥נוּ אֹתָ֖הּ וְנַעֲשֶֽׂנָּה׃

wĕlòֽʼ־méʻé֥ber layá֖̇m hi֑wʼ léʼmò֗r mi֣y yaʻàbár־lá֜nẇ ʼel־ʻé֤ber hayá̇m֙ wĕyiqá̇ẖe֣há lá̇֔nẇ wĕyaşĕ̌miʻé֥nẇ ʼòţá֖ḣ wĕnaʻàşêֽná̇h׃

14
כִּֽי־קָרֹ֥וב אֵלֶ֛יךָ הַדָּבָ֖ר מְאֹ֑ד בְּפִ֥יךָ וּבִֽלְבָבְךָ֖ לַעֲשֹׂתֹֽו׃ ס

kiֽ̇y־qárò֥wb ʼéle֛yká hadá̇bá֖r mĕʼò֑d bĕ̇pi֥yká ẇbiֽlĕbábĕká֖ laʻàşò̂ţòֽw׃ s

15
רְאֵ֨ה נָתַ֤תִּי לְפָנֶ֨יךָ֙ הַיֹּ֔ום אֶת־הַֽחַיִּ֖ים וְאֶת־הַטֹּ֑וב וְאֶת־הַמָּ֖וֶת וְאֶת־הָרָֽע׃

rĕʼé֨h náţa֤ţi̇y lĕpáne֨yká֙ hayò̇֔wm ʼeţ־haֽẖayi֖̇ym wĕʼeţ־hatò֑̇wb wĕʼeţ־hamá֖̇weţ wĕʼeţ־háráֽʻ׃

16
אֲשֶׁ֨ר אָנֹכִ֣י מְצַוְּךָ֮ הַיֹּום֒ לְאַהֲבָ֞ה אֶת־יְהוָ֤ה אֱלֹהֶ֨יךָ֙ לָלֶ֣כֶת בִּדְרָכָ֔יו וְלִשְׁמֹ֛ר מִצְוֹתָ֥יו וְחֻקֹּתָ֖יו וּמִשְׁפָּטָ֑יו וְחָיִ֣יתָ וְרָבִ֔יתָ וּבֵֽרַכְךָ֙ יְהוָ֣ה אֱלֹהֶ֔יךָ בָּאָ֕רֶץ אֲשֶׁר־אַתָּ֥ה בָא־שָׁ֖מָּה לְרִשְׁתָּֽהּ׃

ʼàşě֨r ʼánòki֣y mĕẕawĕ̇ká֮ hayò̇wm֒ lĕʼahàbá֞h ʼeţ־yĕhwá֤h ʼèlòhe֨yká֙ lále֣keţ bi̇dĕráká֔yw wĕlişĕ̌mò֛r miẕĕwòţá֥yw wĕẖuqò̇ţá֖yw ẇmişĕ̌pá̇tá֑yw wĕẖáyi֣yţá wĕrábi֔yţá ẇbéֽrakĕká֙ yĕhwá֣h ʼèlòhe֔yká bá̇ʼá֕reẕ ʼàşěr־ʼaţá֥̇h báʼ־şá֖̌má̇h lĕrişĕ̌ţáֽ̇ḣ׃

17
וְאִם־יִפְנֶ֥ה לְבָבְךָ֖ וְלֹ֣א תִשְׁמָ֑ע וְנִדַּחְתָּ֗ וְהִֽשְׁתַּחֲוִ֛יתָ לֵאלֹהִ֥ים אֲחֵרִ֖ים וַעֲבַדְתָּֽם׃

wĕʼim־yipĕne֥h lĕbábĕká֖ wĕlò֣ʼ ţişĕ̌má֑ʻ wĕnidȧẖĕţá̇֗ wĕhiֽşĕ̌ţȧẖàwi֛yţá léʼlòhi֥ym ʼàẖéri֖ym waʻàbadĕţáֽ̇m׃

18
הִגַּ֤דְתִּי לָכֶם֙ הַיֹּ֔ום כִּ֥י אָבֹ֖ד תֹּאבֵד֑וּן לֹא־תַאֲרִיכֻ֤ן יָמִים֙ עַל־הָ֣אֲדָמָ֔ה אֲשֶׁ֨ר אַתָּ֤ה עֹבֵר֙ אֶת־הַיַּרְדֵּ֔ן לָבֹ֥א שָׁ֖מָּה לְרִשְׁתָּֽהּ׃

higȧ֤dĕţi̇y lákem֙ hayò̇֔wm ki֥̇y ʼábò֖d ţò̇ʼbéd֑ẇn lòʼ־ţaʼàriyku֤n yámiym֙ ʻal־há֣ʼàdámá֔h ʼàşě֨r ʼaţá֤̇h ʻòbér֙ ʼeţ־hayȧrĕdé̇֔n lábò֥ʼ şá֖̌má̇h lĕrişĕ̌ţáֽ̇ḣ׃

19
הַעִידֹ֨תִי בָכֶ֣ם הַיֹּום֮ אֶת־הַשָּׁמַ֣יִם וְאֶת־הָאָרֶץ֒ הַחַיִּ֤ים וְהַמָּ֨וֶת֙ נָתַ֣תִּי לְפָנֶ֔יךָ הַבְּרָכָ֖ה וְהַקְּלָלָ֑ה וּבָֽחַרְתָּ֙ בַּֽחַיִּ֔ים לְמַ֥עַן תִּחְיֶ֖ה אַתָּ֥ה וְזַרְעֶֽךָ׃

haʻiydò֨ţiy báke֣m hayò̇wm֮ ʼeţ־haşá̇̌ma֣yim wĕʼeţ־háʼáreẕ֒ haẖayi֤̇ym wĕhamá̇֨weţ֙ náţa֣ţi̇y lĕpáne֔yká habĕ̇ráká֖h wĕhaqĕ̇lálá֑h ẇbáֽẖarĕţá̇֙ bȧֽẖayi̇֔ym lĕma֥ʻan ţi̇ẖĕye֖h ʼaţá֥̇h wĕzarĕʻeֽká׃

20
לְאַֽהֲבָה֙ אֶת־יְהוָ֣ה אֱלֹהֶ֔יךָ לִשְׁמֹ֥עַ בְּקֹלֹ֖ו וּלְדָבְקָה־בֹ֑ו כִּ֣י ה֤וּא חַיֶּ֨יךָ֙ וְאֹ֣רֶךְ יָמֶ֔יךָ לָשֶׁ֣בֶת עַל־הָאֲדָמָ֗ה אֲשֶׁר֩ נִשְׁבַּ֨ע יְהוָ֧ה לַאֲבֹתֶ֛יךָ לְאַבְרָהָ֛ם לְיִצְחָ֥ק וּֽלְיַעֲקֹ֖ב לָתֵ֥ת לָהֶֽם׃ פ

lĕʼaֽhàbáh֙ ʼeţ־yĕhwá֣h ʼèlòhe֔yká lişĕ̌mò֥ʻa bĕ̇qòlò֖w ẇlĕdábĕqáh־bò֑w ki֣̇y h֤ẇʼ ẖayė֨yká֙ wĕʼò֣rekĕ yáme֔yká láşě֣beţ ʻal־háʼàdámá֗h ʼàşěr֩ nişĕ̌bȧ֨ʻ yĕhwá֧h laʼàbòţe֛yká lĕʼabĕráhá֛m lĕyiẕĕẖá֥q ẇֽlĕyaʻàqò֖b láţé֥ţ láheֽm׃ p