Bibles in ancient languages
Old translations
Modern translations

Biblia Hebraica Stuttgartensia Exode 10:9

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּ֤אמֶר יְהוָה֙ אֶל־מֹשֶׁ֔ה בֹּ֖א אֶל־פַּרְעֹ֑ה כִּֽי־אֲנִ֞י הִכְבַּ֤דְתִּי אֶת־לִבֹּו֙ וְאֶת־לֵ֣ב עֲבָדָ֔יו לְמַ֗עַן שִׁתִ֛י אֹתֹתַ֥י אֵ֖לֶּה בְּקִרְבֹּו׃

wayò֤̇ʼmer yĕhwáh֙ ʼel־mòşě֔h bò֖̇ʼ ʼel־pȧrĕʻò֑h kiֽ̇y־ʼàni֞y hikĕbȧ֤dĕţi̇y ʼeţ־libò̇w֙ wĕʼeţ־lé֣b ʻàbádá֔yw lĕma֗ʻan şǐţi֛y ʼòţòţa֥y ʼé֖lėh bĕ̇qirĕbò̇w׃

2
וּלְמַ֡עַן תְּסַפֵּר֩ בְּאָזְנֵ֨י בִנְךָ֜ וּבֶן־בִּנְךָ֗ אֵ֣ת אֲשֶׁ֤ר הִתְעַלַּ֨לְתִּי֙ בְּמִצְרַ֔יִם וְאֶת־אֹתֹתַ֖י אֲשֶׁר־שַׂ֣מְתִּי בָ֑ם וִֽידַעְתֶּ֖ם כִּי־אֲנִ֥י יְהוָֽה׃

ẇlĕma֡ʻan ţĕ̇sapé̇r֩ bĕ̇ʼázĕné֨y binĕká֜ ẇben־bi̇nĕká֗ ʼé֣ţ ʼàşě֤r hiţĕʻalȧ֨lĕţi̇y֙ bĕ̇miẕĕra֔yim wĕʼeţ־ʼòţòţa֖y ʼàşěr־şâ֣mĕţi̇y bá֑m wiֽydaʻĕţė֖m ki̇y־ʼàni֥y yĕhwáֽh׃

3
וַיָּבֹ֨א מֹשֶׁ֣ה וְאַהֲרֹן֮ אֶל־פַּרְעֹה֒ וַיֹּאמְר֣וּ אֵלָ֗יו כֹּֽה־אָמַ֤ר יְהוָה֙ אֱלֹהֵ֣י הָֽעִבְרִ֔ים עַד־מָתַ֣י מֵאַ֔נְתָּ לֵעָנֹ֖ת מִפָּנָ֑י שַׁלַּ֥ח עַמִּ֖י וְיַֽעַבְדֻֽנִי׃

wayá̇bò֨ʼ mòşě֣h wĕʼahàròn֮ ʼel־pȧrĕʻòh֒ wayò̇ʼmĕr֣ẇ ʼélá֗yw kòֽ̇h־ʼáma֤r yĕhwáh֙ ʼèlòhé֣y háֽʻibĕri֔ym ʻad־máţa֣y méʼa֔nĕţá̇ léʻánò֖ţ mipá̇ná֑y şǎlȧ֥ẖ ʻami֖̇y wĕyaֽʻabĕduֽniy׃

4
כִּ֛י אִם־מָאֵ֥ן אַתָּ֖ה לְשַׁלֵּ֣חַ אֶת־עַמִּ֑י הִנְנִ֨י מֵבִ֥יא מָחָ֛ר אַרְבֶּ֖ה בִּגְבֻלֶֽךָ׃

ki֛̇y ʼim־máʼé֥n ʼaţá֖̇h lĕşǎlé֣̇ẖa ʼeţ־ʻami֑̇y hinĕni֨y mébi֥yʼ máẖá֛r ʼarĕbė֖h bi̇gĕbuleֽká׃

5
וְכִסָּה֙ אֶת־עֵ֣ין הָאָ֔רֶץ וְלֹ֥א יוּכַ֖ל לִרְאֹ֣ת אֶת־הָאָ֑רֶץ וְאָכַ֣ל׀ אֶת־יֶ֣תֶר הַפְּלֵטָ֗ה הַנִּשְׁאֶ֤רֶת לָכֶם֙ מִן־הַבָּרָ֔ד וְאָכַל֙ אֶת־כָּל־הָעֵ֔ץ הַצֹּמֵ֥חַ לָכֶ֖ם מִן־הַשָּׂדֶֽה׃

wĕkisá̇h֙ ʼeţ־ʻé֣yn háʼá֔reẕ wĕlò֥ʼ yẇka֖l lirĕʼò֣ţ ʼeţ־háʼá֑reẕ wĕʼáka֣l׀ ʼeţ־ye֣ţer hapĕ̇létá֗h hani̇şĕ̌ʼe֤reţ lákem֙ min־habá̇rá֔d wĕʼákal֙ ʼeţ־ká̇l־háʻé֔ẕ haẕò̇mé֥ẖa láke֖m min־haşá̇̂deֽh׃

6
וּמָלְא֨וּ בָתֶּ֜יךָ וּבָתֵּ֣י כָל־עֲבָדֶיךָ֮ וּבָתֵּ֣י כָל־מִצְרַיִם֒ אֲשֶׁ֨ר לֹֽא־רָא֤וּ אֲבֹתֶ֨יךָ֙ וַאֲבֹו֣ת אֲבֹתֶ֔יךָ מִיֹּ֗ום הֱיֹותָם֙ עַל־הָ֣אֲדָמָ֔ה עַ֖ד הַיֹּ֣ום הַזֶּ֑ה וַיִּ֥פֶן וַיֵּצֵ֖א מֵעִ֥ם פַּרְעֹֽה׃

ẇmálĕʼ֨ẇ báţė֜yká ẇbáţé֣̇y kál־ʻàbádeyká֮ ẇbáţé֣̇y kál־miẕĕrayim֒ ʼàşě֨r lòֽʼ־ráʼ֤ẇ ʼàbòţe֨yká֙ waʼàbòw֣ţ ʼàbòţe֔yká miyò̇֗wm hèyòwţám֙ ʻal־há֣ʼàdámá֔h ʻa֖d hayò֣̇wm hazė֑h wayi֥̇pen wayé̇ẕé֖ʼ méʻi֥m pȧrĕʻòֽh׃

7
וַיֹּאמְרוּ֩ עַבְדֵ֨י פַרְעֹ֜ה אֵלָ֗יו עַד־מָתַי֙ יִהְיֶ֨ה זֶ֥ה לָ֨נוּ֙ לְמֹוקֵ֔שׁ שַׁלַּח֙ אֶת־הָ֣אֲנָשִׁ֔ים וְיַֽעַבְד֖וּ אֶת־יְהוָ֣ה אֱלֹהֵיהֶ֑ם הֲטֶ֣רֶם תֵּדַ֔ע כִּ֥י אָבְדָ֖ה מִצְרָֽיִם׃

wayò̇ʼmĕrẇ֩ ʻabĕdé֨y parĕʻò֜h ʼélá֗yw ʻad־máţay֙ yihĕye֨h ze֥h lá֨nẇ֙ lĕmòwqé֔ş̌ şǎlȧẖ֙ ʼeţ־há֣ʼànáşǐ֔ym wĕyaֽʻabĕd֖ẇ ʼeţ־yĕhwá֣h ʼèlòhéyhe֑m hàte֣rem ţé̇da֔ʻ ki֥̇y ʼábĕdá֖h miẕĕráֽyim׃

8
וַיּוּשַׁ֞ב אֶת־מֹשֶׁ֤ה וְאֶֽת־אַהֲרֹן֙ אֶל־פַּרְעֹ֔ה וַיֹּ֣אמֶר אֲלֵהֶ֔ם לְכ֥וּ עִבְד֖וּ אֶת־יְהוָ֣ה אֱלֹהֵיכֶ֑ם מִ֥י וָמִ֖י הַהֹלְכִֽים׃

waẏẇşǎ֞b ʼeţ־mòşě֤h wĕʼeֽţ־ʼahàròn֙ ʼel־pȧrĕʻò֔h wayò֣̇ʼmer ʼàléhe֔m lĕk֥ẇ ʻibĕd֖ẇ ʼeţ־yĕhwá֣h ʼèlòhéyke֑m mi֥y wámi֖y hahòlĕkiֽym׃

9
וַיֹּ֣אמֶר מֹשֶׁ֔ה בִּנְעָרֵ֥ינוּ וּבִזְקֵנֵ֖ינוּ נֵלֵ֑ךְ בְּבָנֵ֨ינוּ וּבִבְנֹותֵ֜נוּ בְּצֹאנֵ֤נוּ וּבִבְקָרֵ֨נוּ֙ נֵלֵ֔ךְ כִּ֥י חַג־יְהוָ֖ה לָֽנוּ׃

wayò֣̇ʼmer mòşě֔h bi̇nĕʻáré֥ynẇ ẇbizĕqéné֖ynẇ nélé֑kĕ bĕ̇báné֨ynẇ ẇbibĕnòwţé֜nẇ bĕ̇ẕòʼné֤nẇ ẇbibĕqáré֨nẇ֙ nélé֔kĕ ki֥̇y ẖag־yĕhwá֖h láֽnẇ׃

10
וַיֹּ֣אמֶר אֲלֵהֶ֗ם יְהִ֨י כֵ֤ן יְהוָה֙ עִמָּכֶ֔ם כַּאֲשֶׁ֛ר אֲשַׁלַּ֥ח אֶתְכֶ֖ם וְאֶֽת־טַפְּכֶ֑ם רְא֕וּ כִּ֥י רָעָ֖ה נֶ֥גֶד פְּנֵיכֶֽם׃

wayò֣̇ʼmer ʼàléhe֗m yĕhi֨y ké֤n yĕhwáh֙ ʻimá̇ke֔m kȧʼàşě֛r ʼàşǎlȧ֥ẖ ʼeţĕke֖m wĕʼeֽţ־tapĕ̇ke֑m rĕʼ֕ẇ ki֥̇y ráʻá֖h ne֥ged pĕ̇néykeֽm׃

11
לֹ֣א כֵ֗ן לְכֽוּ־נָ֤א הַגְּבָרִים֙ וְעִבְד֣וּ אֶת־יְהוָ֔ה כִּ֥י אֹתָ֖הּ אַתֶּ֣ם מְבַקְשִׁ֑ים וַיְגָ֣רֶשׁ אֹתָ֔ם מֵאֵ֖ת פְּנֵ֥י פַרְעֹֽה׃ פ

lò֣ʼ ké֗n lĕkֽẇ־ná֤ʼ hagĕ̇báriym֙ wĕʻibĕd֣ẇ ʼeţ־yĕhwá֔h ki֥̇y ʼòţá֖ḣ ʼaţė֣m mĕbaqĕşǐ֑ym wayĕgá֣reş̌ ʼòţá֔m méʼé֖ţ pĕ̇né֥y parĕʻòֽh׃ p

12
וַיֹּ֨אמֶר יְהוָ֜ה אֶל־מֹשֶׁ֗ה נְטֵ֨ה יָדְךָ֜ עַל־אֶ֤רֶץ מִצְרַ֨יִם֙ בָּֽאַרְבֶּ֔ה וְיַ֖עַל עַל־אֶ֣רֶץ מִצְרָ֑יִם וְיֹאכַל֙ אֶת־כָּל־עֵ֣שֶׂב הָאָ֔רֶץ אֵ֛ת כָּל־אֲשֶׁ֥ר הִשְׁאִ֖יר הַבָּרָֽד׃

wayò̇֨ʼmer yĕhwá֜h ʼel־mòşě֗h nĕté֨h yádĕká֜ ʻal־ʼe֤reẕ miẕĕra֨yim֙ báֽ̇ʼarĕbė֔h wĕya֖ʻal ʻal־ʼe֣reẕ miẕĕrá֑yim wĕyòʼkal֙ ʼeţ־ká̇l־ʻé֣şêb háʼá֔reẕ ʼé֛ţ ká̇l־ʼàşě֥r hişĕ̌ʼi֖yr habá̇ráֽd׃

13
וַיֵּ֨ט מֹשֶׁ֣ה אֶת־מַטֵּהוּ֮ עַל־אֶ֣רֶץ מִצְרַיִם֒ וַֽיהוָ֗ה נִהַ֤ג ר֥וּחַ קָדִים֙ בָּאָ֔רֶץ כָּל־הַיֹּ֥ום הַה֖וּא וְכָל־הַלָּ֑יְלָה הַבֹּ֣קֶר הָיָ֔ה וְר֨וּחַ֙ הַקָּדִ֔ים נָשָׂ֖א אֶת־הָאַרְבֶּֽה׃

wayé̇֨t mòşě֣h ʼeţ־maté̇hẇ֮ ʻal־ʼe֣reẕ miẕĕrayim֒ waֽyhwá֗h niha֤g r֥ẇẖa qádiym֙ bá̇ʼá֔reẕ ká̇l־hayò֥̇wm hah֖ẇʼ wĕkál־halá֑̇yĕláh habò֣̇qer háyá֔h wĕr֨ẇẖa֙ haqá̇di֔ym náşá֖̂ʼ ʼeţ־háʼarĕbėֽh׃

14
וַיַּ֣עַל הָֽאַרְבֶּ֗ה עַ֚ל כָּל־אֶ֣רֶץ מִצְרַ֔יִם וַיָּ֕נַח בְּכֹ֖ל גְּב֣וּל מִצְרָ֑יִם כָּבֵ֣ד מְאֹ֔ד לְ֠פָנָיו לֹא־הָ֨יָה כֵ֤ן אַרְבֶּה֙ כָּמֹ֔הוּ וְאַחֲרָ֖יו לֹ֥א יִֽהְיֶה־כֵּֽן׃

wayȧ֣ʻal háֽʼarĕbė֗h ʻa֚l ká̇l־ʼe֣reẕ miẕĕra֔yim wayá̇֕naẖ bĕ̇kò֖l gĕ̇b֣ẇl miẕĕrá֑yim ká̇bé֣d mĕʼò֔d lĕ֠pánáyw lòʼ־há֨yáh ké֤n ʼarĕbėh֙ ká̇mò֔hẇ wĕʼaẖàrá֖yw lò֥ʼ yiֽhĕyeh־kéֽ̇n׃

15
וַיְכַ֞ס אֶת־עֵ֣ין כָּל־הָאָרֶץ֮ וַתֶּחְשַׁ֣ךְ הָאָרֶץ֒ וַיֹּ֜אכַל אֶת־כָּל־עֵ֣שֶׂב הָאָ֗רֶץ וְאֵת֙ כָּל־פְּרִ֣י הָעֵ֔ץ אֲשֶׁ֥ר הֹותִ֖יר הַבָּרָ֑ד וְלֹא־נֹותַ֨ר כָּל־יֶ֧רֶק בָּעֵ֛ץ וּבְעֵ֥שֶׂב הַשָּׂדֶ֖ה בְּכָל־אֶ֥רֶץ מִצְרָֽיִם׃

wayĕka֞s ʼeţ־ʻé֣yn ká̇l־háʼáreẕ֮ waţėẖĕşǎ֣kĕ háʼáreẕ֒ wayò̇֜ʼkal ʼeţ־ká̇l־ʻé֣şêb háʼá֗reẕ wĕʼéţ֙ ká̇l־pĕ̇ri֣y háʻé֔ẕ ʼàşě֥r hòwţi֖yr habá̇rá֑d wĕlòʼ־nòwţa֨r ká̇l־ye֧req bá̇ʻé֛ẕ ẇbĕʻé֥şêb haşá̇̂de֖h bĕ̇kál־ʼe֥reẕ miẕĕráֽyim׃

16
וַיְמַהֵ֣ר פַּרְעֹ֔ה לִקְרֹ֖א לְמֹשֶׁ֣ה וּֽלְאַהֲרֹ֑ן וַיֹּ֗אמֶר חָטָ֛אתִי לַיהוָ֥ה אֱלֹֽהֵיכֶ֖ם וְלָכֶֽם׃

wayĕmahé֣r pȧrĕʻò֔h liqĕrò֖ʼ lĕmòşě֣h ẇֽlĕʼahàrò֑n wayò̇֗ʼmer ẖátá֛ʼţiy layhwá֥h ʼèlòֽhéyke֖m wĕlákeֽm׃

17
וְעַתָּ֗ה שָׂ֣א נָ֤א חַטָּאתִי֙ אַ֣ךְ הַפַּ֔עַם וְהַעְתִּ֖ירוּ לַיהוָ֣ה אֱלֹהֵיכֶ֑ם וְיָסֵר֙ מֵֽעָלַ֔י רַ֖ק אֶת־הַמָּ֥וֶת הַזֶּֽה׃

wĕʻaţá̇֗h şá֣̂ʼ ná֤ʼ ẖatá̇ʼţiy֙ ʼa֣kĕ hapȧ֔ʻam wĕhaʻĕţi֖̇yrẇ layhwá֣h ʼèlòhéyke֑m wĕyásér֙ méֽʻála֔y ra֖q ʼeţ־hamá֥̇weţ hazėֽh׃

18
וַיֵּצֵ֖א מֵעִ֣ם פַּרְעֹ֑ה וַיֶּעְתַּ֖ר אֶל־יְהוָֽה׃

wayé̇ẕé֖ʼ méʻi֣m pȧrĕʻò֑h wayėʻĕţȧ֖r ʼel־yĕhwáֽh׃

19
וַיַּהֲפֹ֨ךְ יְהוָ֤ה רֽוּחַ־יָם֙ חָזָ֣ק מְאֹ֔ד וַיִּשָּׂא֙ אֶת־הָ֣אַרְבֶּ֔ה וַיִּתְקָעֵ֖הוּ יָ֣מָּה סּ֑וּף לֹ֤א נִשְׁאַר֙ אַרְבֶּ֣ה אֶחָ֔ד בְּכֹ֖ל גְּב֥וּל מִצְרָֽיִם׃

wayȧhàpò֨kĕ yĕhwá֤h rֽẇẖa־yám֙ ẖázá֣q mĕʼò֔d wayi̇şá̇̂ʼ֙ ʼeţ־há֣ʼarĕbė֔h wayi̇ţĕqáʻé֖hẇ yá֣má̇h ṡ֑ẇp lò֤ʼ nişĕ̌ʼar֙ ʼarĕbė֣h ʼeẖá֔d bĕ̇kò֖l gĕ̇b֥ẇl miẕĕráֽyim׃

20
וַיְחַזֵּ֥ק יְהוָ֖ה אֶת־לֵ֣ב פַּרְעֹ֑ה וְלֹ֥א שִׁלַּ֖ח אֶת־בְּנֵ֥י יִשְׂרָאֵֽל׃ פ

wayĕẖazé֥̇q yĕhwá֖h ʼeţ־lé֣b pȧrĕʻò֑h wĕlò֥ʼ şǐlȧ֖ẖ ʼeţ־bĕ̇né֥y yişĕ̂ráʼéֽl׃ p

21
וַיֹּ֨אמֶר יְהוָ֜ה אֶל־מֹשֶׁ֗ה נְטֵ֤ה יָֽדְךָ֙ עַל־הַשָּׁמַ֔יִם וִ֥יהִי חֹ֖שֶׁךְ עַל־אֶ֣רֶץ מִצְרָ֑יִם וְיָמֵ֖שׁ חֹֽשֶׁךְ׃

wayò̇֨ʼmer yĕhwá֜h ʼel־mòşě֗h nĕté֤h yáֽdĕká֙ ʻal־haşá̇̌ma֔yim wi֥yhiy ẖò֖şěkĕ ʻal־ʼe֣reẕ miẕĕrá֑yim wĕyámé֖ş̌ ẖòֽşěkĕ׃

22
וַיֵּ֥ט מֹשֶׁ֛ה אֶת־יָדֹ֖ו עַל־הַשָּׁמָ֑יִם וַיְהִ֧י חֹֽשֶׁךְ־אֲפֵלָ֛ה בְּכָל־אֶ֥רֶץ מִצְרַ֖יִם שְׁלֹ֥שֶׁת יָמִֽים׃

wayé֥̇t mòşě֛h ʼeţ־yádò֖w ʻal־haşá̇̌má֑yim wayĕhi֧y ẖòֽşěkĕ־ʼàpélá֛h bĕ̇kál־ʼe֥reẕ miẕĕra֖yim şĕ̌lò֥şěţ yámiֽym׃

23
לֹֽא־רָא֞וּ אִ֣ישׁ אֶת־אָחִ֗יו וְלֹא־קָ֛מוּ אִ֥ישׁ מִתַּחְתָּ֖יו שְׁלֹ֣שֶׁת יָמִ֑ים וּֽלְכָל־בְּנֵ֧י יִשְׂרָאֵ֛ל הָ֥יָה אֹ֖ור בְּמֹושְׁבֹתָֽם׃

lòֽʼ־ráʼ֞ẇ ʼi֣yş̌ ʼeţ־ʼáẖi֗yw wĕlòʼ־qá֛mẇ ʼi֥yş̌ miţȧẖĕţá֖̇yw şĕ̌lò֣şěţ yámi֑ym ẇֽlĕkál־bĕ̇né֧y yişĕ̂ráʼé֛l há֥yáh ʼò֖wr bĕ̇mòwşĕ̌bòţáֽm׃

24
וַיִּקְרָ֨א פַרְעֹ֜ה אֶל־ מֹשֶׁ֗ה וַיֹּ֨אמֶר֙ לְכוּ֙ עִבְד֣וּ אֶת־יְהוָ֔ה רַ֛ק צֹאנְכֶ֥ם וּבְקַרְכֶ֖ם יֻצָּ֑ג גַּֽם־טַפְּכֶ֖ם יֵלֵ֥ךְ עִמָּכֶֽם׃

wayi̇qĕrá֨ʼ parĕʻò֜h ʼel־ mòşě֗h wayò̇֨ʼmer֙ lĕkẇ֙ ʻibĕd֣ẇ ʼeţ־yĕhwá֔h ra֛q ẕòʼnĕke֥m ẇbĕqarĕke֖m yuẕá֑̇g gȧֽm־tapĕ̇ke֖m yélé֥kĕ ʻimá̇keֽm׃

25
וַיֹּ֣אמֶר מֹשֶׁ֔ה גַּם־אַתָּ֛ה תִּתֵּ֥ן בְּיָדֵ֖נוּ זְבָחִ֣ים וְעֹלֹ֑ות וְעָשִׂ֖ינוּ לַיהוָ֥ה אֱלֹהֵֽינוּ׃

wayò֣̇ʼmer mòşě֔h gȧm־ʼaţá֛̇h ţi̇ţé֥̇n bĕ̇yádé֖nẇ zĕbáẖi֣ym wĕʻòlò֑wţ wĕʻáşî֖ynẇ layhwá֥h ʼèlòhéֽynẇ׃

26
וְגַם־מִקְנֵ֜נוּ יֵלֵ֣ךְ עִמָּ֗נוּ לֹ֤א תִשָּׁאֵר֙ פַּרְסָ֔ה כִּ֚י מִמֶּ֣נּוּ נִקַּ֔ח לַעֲבֹ֖ד אֶת־יְהוָ֣ה אֱלֹהֵ֑ינוּ וַאֲנַ֣חְנוּ לֹֽא־נֵדַ֗ע מַֽה־נַּעֲבֹד֙ אֶת־יְהוָ֔ה עַד־בֹּאֵ֖נוּ שָֽׁמָּה׃

wĕgam־miqĕné֜nẇ yélé֣kĕ ʻimá̇֗nẇ lò֤ʼ ţişá̇̌ʼér֙ pȧrĕsá֔h ki֚̇y mimė֣ṅẇ niqȧ֔ẖ laʻàbò֖d ʼeţ־yĕhwá֣h ʼèlòhé֑ynẇ waʼàna֣ẖĕnẇ lòֽʼ־néda֗ʻ maֽh־nȧʻàbòd֙ ʼeţ־yĕhwá֔h ʻad־bò̇ʼé֖nẇ şáֽ̌má̇h׃

27
וַיְחַזֵּ֥ק יְהוָ֖ה אֶת־לֵ֣ב פַּרְעֹ֑ה וְלֹ֥א אָבָ֖ה לְשַׁלְּחָֽם׃

wayĕẖazé֥̇q yĕhwá֖h ʼeţ־lé֣b pȧrĕʻò֑h wĕlò֥ʼ ʼábá֖h lĕşǎlĕ̇ẖáֽm׃

28
וַיֹּֽאמֶר־לֹ֥ו פַרְעֹ֖ה לֵ֣ךְ מֵעָלָ֑י הִשָּׁ֣מֶר לְךָ֗ אֶל־תֹּ֨סֶף֙ רְאֹ֣ות פָּנַ֔י כִּ֗י בְּיֹ֛ום רְאֹתְךָ֥ פָנַ֖י תָּמֽוּת׃

wayòֽ̇ʼmer־lò֥w parĕʻò֖h lé֣kĕ méʻálá֑y hişá֣̇̌mer lĕká֗ ʼel־ţò̇֨sep֙ rĕʼò֣wţ pá̇na֔y ki̇֗y bĕ̇yò֛wm rĕʼòţĕká֥ pána֖y ţá̇mֽẇţ׃

29
וַיֹּ֥אמֶר מֹשֶׁ֖ה כֵּ֣ן דִּבַּ֑רְתָּ לֹא־אֹסִ֥ף עֹ֖וד רְאֹ֥ות פָּנֶֽיךָ׃ פ

wayò֥̇ʼmer mòşě֖h ké֣̇n di̇bȧ֑rĕţá̇ lòʼ־ʼòsi֥p ʻò֖wd rĕʼò֥wţ pá̇neֽyká׃ p