Bibles in ancient languages
Old translations
Modern translations

Biblia Hebraica Stuttgartensia Exode 13:8

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
קַדֶּשׁ־לִ֨י כָל־בְּכֹ֜ור פֶּ֤טֶר כָּל־רֶ֨חֶם֙ בִּבְנֵ֣י יִשְׂרָאֵ֔ל בָּאָדָ֖ם וּבַבְּהֵמָ֑ה לִ֖י הֽוּא׃

qadėş̌־li֨y kál־bĕ̇kò֜wr pė֤ter ká̇l־re֨ẖem֙ bi̇bĕné֣y yişĕ̂ráʼé֔l bá̇ʼádá֖m ẇbabĕ̇hémá֑h li֖y hֽẇʼ׃

3
וַיֹּ֨אמֶר מֹשֶׁ֜ה אֶל־הָעָ֗ם זָכֹ֞ור אֶת־הַיֹּ֤ום הַזֶּה֙ אֲשֶׁ֨ר יְצָאתֶ֤ם מִמִּצְרַ֨יִם֙ מִבֵּ֣ית עֲבָדִ֔ים כִּ֚י בְּחֹ֣זֶק יָ֔ד הֹוצִ֧יא יְהֹוָ֛ה אֶתְכֶ֖ם מִזֶּ֑ה וְלֹ֥א יֵאָכֵ֖ל חָמֵֽץ׃

wayò̇֨ʼmer mòşě֜h ʼel־háʻá֗m zákò֞wr ʼeţ־hayò֤̇wm hazėh֙ ʼàşě֨r yĕẕáʼţe֤m mimi̇ẕĕra֨yim֙ mibé֣̇yţ ʻàbádi֔ym ki֚̇y bĕ̇ẖò֣zeq yá֔d hòwẕi֧yʼ yĕhòwá֛h ʼeţĕke֖m mizė֑h wĕlò֥ʼ yéʼáké֖l ẖáméֽẕ׃

4
הַיֹּ֖ום אַתֶּ֣ם יֹצְאִ֑ים בְּחֹ֖דֶשׁ הָאָבִֽיב׃

hayò֖̇wm ʼaţė֣m yòẕĕʼi֑ym bĕ̇ẖò֖deş̌ háʼábiֽyb׃

5
וְהָיָ֣ה כִֽי־יְבִֽיאֲךָ֣ יְהוָ֡ה אֶל־אֶ֣רֶץ הַֽ֠כְּנַעֲנִי וְהַחִתִּ֨י וְהָאֱמֹרִ֜י וְהַחִוִּ֣י וְהַיְבוּסִ֗י אֲשֶׁ֨ר נִשְׁבַּ֤ע לַאֲבֹתֶ֨יךָ֙ לָ֣תֶת לָ֔ךְ אֶ֛רֶץ זָבַ֥ת חָלָ֖ב וּדְבָ֑שׁ וְעָבַדְתָּ֛ אֶת־הָעֲבֹדָ֥ה הַזֹּ֖את בַּחֹ֥דֶשׁ הַזֶּֽה׃

wĕháyá֣h kiֽy־yĕbiֽyʼàká֣ yĕhwá֡h ʼel־ʼe֣reẕ haֽ֠kĕ̇naʻàniy wĕhaẖiţi̇֨y wĕháʼèmòri֜y wĕhaẖiwi֣̇y wĕhayĕbẇsi֗y ʼàşě֨r nişĕ̌bȧ֤ʻ laʼàbòţe֨yká֙ lá֣ţeţ lá֔kĕ ʼe֛reẕ zába֥ţ ẖálá֖b ẇdĕbá֑ş̌ wĕʻábadĕţá֛̇ ʼeţ־háʻàbòdá֥h hazò֖̇ʼţ bȧẖò֥deş̌ hazėֽh׃

6
שִׁבְעַ֥ת יָמִ֖ים תֹּאכַ֣ל מַצֹּ֑ת וּבַיֹּום֙ הַשְּׁבִיעִ֔י חַ֖ג לַיהוָֽה׃

şǐbĕʻa֥ţ yámi֖ym ţò̇ʼka֣l maẕò֑̇ţ ẇbayò̇wm֙ haşĕ̇̌biyʻi֔y ẖa֖g layhwáֽh׃

7
מַצֹּות֙ יֵֽאָכֵ֔ל אֵ֖ת שִׁבְעַ֣ת הַיָּמִ֑ים וְלֹֽא־יֵרָאֶ֨ה לְךָ֜ חָמֵ֗ץ וְלֹֽא־יֵרָאֶ֥ה לְךָ֛ שְׂאֹ֖ר בְּכָל־גְּבֻלֶֽךָ׃

maẕò̇wţ֙ yéֽʼáké֔l ʼé֖ţ şǐbĕʻa֣ţ hayá̇mi֑ym wĕlòֽʼ־yéráʼe֨h lĕká֜ ẖámé֗ẕ wĕlòֽʼ־yéráʼe֥h lĕká֛ şĕ̂ʼò֖r bĕ̇kál־gĕ̇buleֽká׃

8
וְהִגַּדְתָּ֣ לְבִנְךָ֔ בַּיֹּ֥ום הַה֖וּא לֵאמֹ֑ר בַּעֲב֣וּר זֶ֗ה עָשָׂ֤ה יְהוָה֙ לִ֔י בְּצֵאתִ֖י מִמִּצְרָֽיִם׃

wĕhigȧdĕţá֣̇ lĕbinĕká֔ bȧyò֥̇wm hah֖ẇʼ léʼmò֑r bȧʻàb֣ẇr ze֗h ʻáşá֤̂h yĕhwáh֙ li֔y bĕ̇ẕéʼţi֖y mimi̇ẕĕráֽyim׃

9
וְהָיָה֩ לְךָ֨ לְאֹ֜ות עַל־יָדְךָ֗ וּלְזִכָּרֹון֙ בֵּ֣ין עֵינֶ֔יךָ לְמַ֗עַן תִּהְיֶ֛ה תֹּורַ֥ת יְהוָ֖ה בְּפִ֑יךָ כִּ֚י בְּיָ֣ד חֲזָקָ֔ה הֹוצִֽאֲךָ֥ יְהֹוָ֖ה מִמִּצְרָֽיִם׃

wĕháyáh֩ lĕká֨ lĕʼò֜wţ ʻal־yádĕká֗ ẇlĕziká̇ròwn֙ bé֣̇yn ʻéyne֔yká lĕma֗ʻan ţi̇hĕye֛h ţò̇wra֥ţ yĕhwá֖h bĕ̇pi֑yká ki֚̇y bĕ̇yá֣d ẖàzáqá֔h hòwẕiֽʼàká֥ yĕhòwá֖h mimi̇ẕĕráֽyim׃

10
וְשָׁמַרְתָּ֛ אֶת־הַחֻקָּ֥ה הַזֹּ֖את לְמֹועֲדָ֑הּ מִיָּמִ֖ים יָמִֽימָה׃ ס

wĕşá̌marĕţá֛̇ ʼeţ־haẖuqá֥̇h hazò֖̇ʼţ lĕmòwʻàdá֑ḣ miyá̇mi֖ym yámiֽymáh׃ s

11
וְהָיָ֞ה כִּֽי־יְבִֽאֲךָ֤ יְהוָה֙ אֶל־אֶ֣רֶץ הַֽכְּנַעֲנִ֔י כַּאֲשֶׁ֛ר נִשְׁבַּ֥ע לְךָ֖ וְלַֽאֲבֹתֶ֑יךָ וּנְתָנָ֖הּ לָֽךְ׃

wĕháyá֞h kiֽ̇y־yĕbiֽʼàká֤ yĕhwáh֙ ʼel־ʼe֣reẕ haֽkĕ̇naʻàni֔y kȧʼàşě֛r nişĕ̌bȧ֥ʻ lĕká֖ wĕlaֽʼàbòţe֑yká ẇnĕţáná֖ḣ láֽkĕ׃

12
וְהַעֲבַרְתָּ֥ כָל־פֶּֽטֶר־רֶ֖חֶם לַֽיהֹוָ֑ה וְכָל־פֶּ֣טֶר׀ שֶׁ֣גֶר בְּהֵמָ֗ה אֲשֶׁ֨ר יִהְיֶ֥ה לְךָ֛ הַזְּכָרִ֖ים לַיהוָֽה׃

wĕhaʻàbarĕţá֥̇ kál־pėֽter־re֖ẖem laֽyhòwá֑h wĕkál־pė֣ter׀ şě֣ger bĕ̇hémá֗h ʼàşě֨r yihĕye֥h lĕká֛ hazĕ̇kári֖ym layhwáֽh׃

13
וְכָל־פֶּ֤טֶר חֲמֹר֙ תִּפְדֶּ֣ה בְשֶׂ֔ה וְאִם־לֹ֥א תִפְדֶּ֖ה וַעֲרַפְתֹּ֑ו וְכֹ֨ל בְּכֹ֥ור אָדָ֛ם בְּבָנֶ֖יךָ תִּפְדֶּֽה׃

wĕkál־pė֤ter ẖàmòr֙ ţi̇pĕdė֣h bĕşê֔h wĕʼim־lò֥ʼ ţipĕdė֖h waʻàrapĕţò֑̇w wĕkò֨l bĕ̇kò֥wr ʼádá֛m bĕ̇báne֖yká ţi̇pĕdėֽh׃

14
וְהָיָ֞ה כִּֽי־יִשְׁאָלְךָ֥ בִנְךָ֛ מָחָ֖ר לֵאמֹ֣ר מַה־זֹּ֑את וְאָמַרְתָּ֣ אֵלָ֔יו בְּחֹ֣זֶק יָ֗ד הֹוצִיאָ֧נוּ יְהוָ֛ה מִמִּצְרַ֖יִם מִבֵּ֥ית עֲבָדִֽים׃

wĕháyá֞h kiֽ̇y־yişĕ̌ʼálĕká֥ binĕká֛ máẖá֖r léʼmò֣r mah־zò֑̇ʼţ wĕʼámarĕţá֣̇ ʼélá֔yw bĕ̇ẖò֣zeq yá֗d hòwẕiyʼá֧nẇ yĕhwá֛h mimi̇ẕĕra֖yim mibé֥̇yţ ʻàbádiֽym׃

15
וַיְהִ֗י כִּֽי־הִקְשָׁ֣ה פַרְעֹה֮ לְשַׁלְּחֵנוּ֒ וַיַּהֲרֹ֨ג יְהֹוָ֤ה כָּל־בְּכֹור֙ בְּאֶ֣רֶץ מִצְרַ֔יִם מִבְּכֹ֥ר אָדָ֖ם וְעַד־בְּכֹ֣ור בְּהֵמָ֑ה עַל־כֵּן֩ אֲנִ֨י זֹבֵ֜חַ לַֽיהוָ֗ה כָּל־פֶּ֤טֶר רֶ֨חֶם֙ הַזְּכָרִ֔ים וְכָל־בְּכֹ֥ור בָּנַ֖י אֶפְדֶּֽה׃

wayĕhi֗y kiֽ̇y־hiqĕşá֣̌h parĕʻòh֮ lĕşǎlĕ̇ẖénẇ֒ wayȧhàrò֨g yĕhòwá֤h ká̇l־bĕ̇kòwr֙ bĕ̇ʼe֣reẕ miẕĕra֔yim mibĕ̇kò֥r ʼádá֖m wĕʻad־bĕ̇kò֣wr bĕ̇hémá֑h ʻal־ké̇n֩ ʼàni֨y zòbé֜ẖa laֽyhwá֗h ká̇l־pė֤ter re֨ẖem֙ hazĕ̇kári֔ym wĕkál־bĕ̇kò֥wr bá̇na֖y ʼepĕdėֽh׃

16
וְהָיָ֤ה לְאֹות֙ עַל־יָ֣דְכָ֔ה וּלְטֹוטָפֹ֖ת בֵּ֣ין עֵינֶ֑יךָ כִּ֚י בְּחֹ֣זֶק יָ֔ד הֹוצִיאָ֥נוּ יְהוָ֖ה מִמִּצְרָֽיִם׃ ס

wĕháyá֤h lĕʼòwţ֙ ʻal־yá֣dĕká֔h ẇlĕtòwtápò֖ţ bé֣̇yn ʻéyne֑yká ki֚̇y bĕ̇ẖò֣zeq yá֔d hòwẕiyʼá֥nẇ yĕhwá֖h mimi̇ẕĕráֽyim׃ s

17
וַיְהִ֗י בְּשַׁלַּ֣ח פַּרְעֹה֮ אֶת־הָעָם֒ וְלֹא־נָחָ֣ם אֱלֹהִ֗ים דֶּ֚רֶךְ אֶ֣רֶץ פְּלִשְׁתִּ֔ים כִּ֥י קָרֹ֖וב ה֑וּא כִּ֣י׀ אָמַ֣ר אֱלֹהִ֗ים פֶּֽן־יִנָּחֵ֥ם הָעָ֛ם בִּרְאֹתָ֥ם מִלְחָמָ֖ה וְשָׁ֥בוּ מִצְרָֽיְמָה׃

wayĕhi֗y bĕ̇şǎlȧ֣ẖ pȧrĕʻòh֮ ʼeţ־háʻám֒ wĕlòʼ־náẖá֣m ʼèlòhi֗ym dė֚rekĕ ʼe֣reẕ pĕ̇lişĕ̌ţi̇֔ym ki֥̇y qárò֖wb h֑ẇʼ ki֣̇y׀ ʼáma֣r ʼèlòhi֗ym pėֽn־yiná̇ẖé֥m háʻá֛m bi̇rĕʼòţá֥m milĕẖámá֖h wĕşá֥̌bẇ miẕĕráֽyĕmáh׃

18
וַיַּסֵּ֨ב אֱלֹהִ֧ים׀ אֶת־הָעָ֛ם דֶּ֥רֶךְ הַמִּדְבָּ֖ר יַם־ס֑וּף וַחֲמֻשִׁ֛ים עָל֥וּ בְנֵי־יִשְׂרָאֵ֖ל מֵאֶ֥רֶץ מִצְרָֽיִם׃

wayȧsé̇֨b ʼèlòhi֧ym׀ ʼeţ־háʻá֛m dė֥rekĕ hami̇dĕbá֖̇r yam־s֑ẇp waẖàmuşǐ֛ym ʻál֥ẇ bĕnéy־yişĕ̂ráʼé֖l méʼe֥reẕ miẕĕráֽyim׃

19
וַיִּקַּ֥ח מֹשֶׁ֛ה אֶת־עַצְמֹ֥ות יֹוסֵ֖ף עִמֹּ֑ו כִּי֩ הַשְׁבֵּ֨עַ הִשְׁבִּ֜יעַ אֶת־בְּנֵ֤י יִשְׂרָאֵל֙ לֵאמֹ֔ר פָּקֹ֨ד יִפְקֹ֤ד אֱלֹהִים֙ אֶתְכֶ֔ם וְהַעֲלִיתֶ֧ם אֶת־עַצְמֹתַ֛י מִזֶּ֖ה אִתְּכֶֽם׃

wayi̇qȧ֥ẖ mòşě֛h ʼeţ־ʻaẕĕmò֥wţ yòwsé֖p ʻimò֑̇w ki̇y֩ haşĕ̌bé̇֨ʻa hişĕ̌bi̇֜yʻa ʼeţ־bĕ̇né֤y yişĕ̂ráʼél֙ léʼmò֔r pá̇qò֨d yipĕqò֤d ʼèlòhiym֙ ʼeţĕke֔m wĕhaʻàliyţe֧m ʼeţ־ʻaẕĕmòţa֛y mizė֖h ʼiţĕ̇keֽm׃

20
וַיִּסְע֖וּ מִסֻּכֹּ֑ת וַיַּחֲנ֣וּ בְאֵתָ֔ם בִּקְצֵ֖ה הַמִּדְבָּֽר׃

wayi̇sĕʻ֖ẇ misu̇kò֑̇ţ wayȧẖàn֣ẇ bĕʼéţá֔m bi̇qĕẕé֖h hami̇dĕbáֽ̇r׃

21
וַֽיהוָ֡ה הֹלֵךְ֩ לִפְנֵיהֶ֨ם יֹומָ֜ם בְּעַמּ֤וּד עָנָן֙ לַנְחֹתָ֣ם הַדֶּ֔רֶךְ וְלַ֛יְלָה בְּעַמּ֥וּד אֵ֖שׁ לְהָאִ֣יר לָהֶ֑ם לָלֶ֖כֶת יֹומָ֥ם וָלָֽיְלָה׃

waֽyhwá֡h hòlékĕ֩ lipĕnéyhe֨m yòwmá֜m bĕ̇ʻaṁ֤ẇd ʻánán֙ lanĕẖòţá֣m hadė֔rekĕ wĕla֛yĕláh bĕ̇ʻaṁ֥ẇd ʼé֖ş̌ lĕháʼi֣yr láhe֑m lále֖keţ yòwmá֥m wáláֽyĕláh׃

22
לֹֽא־יָמִ֞ישׁ עַמּ֤וּד הֶֽעָנָן֙ יֹומָ֔ם וְעַמּ֥וּד הָאֵ֖שׁ לָ֑יְלָה לִפְנֵ֖י הָעָֽם׃ פ

lòֽʼ־yámi֞yş̌ ʻaṁ֤ẇd heֽʻánán֙ yòwmá֔m wĕʻaṁ֥ẇd háʼé֖ş̌ lá֑yĕláh lipĕné֖y háʻáֽm׃ p