Bibles in ancient languages
Old translations
Modern translations

Biblia Hebraica Stuttgartensia Exode 1:16

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְאֵ֗לֶּה שְׁמֹות֙ בְּנֵ֣י יִשְׂרָאֵ֔ל הַבָּאִ֖ים מִצְרָ֑יְמָה אֵ֣ת יַעֲקֹ֔ב אִ֥ישׁ וּבֵיתֹ֖ו בָּֽאוּ׃

wĕʼé֗lėh şĕ̌mòwţ֙ bĕ̇né֣y yişĕ̂ráʼé֔l habá̇ʼi֖ym miẕĕrá֑yĕmáh ʼé֣ţ yaʻàqò֔b ʼi֥yş̌ ẇbéyţò֖w báֽ̇ʼẇ׃

2
רְאוּבֵ֣ן שִׁמְעֹ֔ון לֵוִ֖י וִיהוּדָֽה׃

rĕʼẇbé֣n şǐmĕʻò֔wn léwi֖y wiyhẇdáֽh׃

3
יִשָּׂשכָ֥ר זְבוּלֻ֖ן וּבְנְיָמִֽן׃

yişá̇̂şká֥r zĕbẇlu֖n ẇbĕnĕyámiֽn׃

4
דָּ֥ן וְנַפְתָּלִ֖י גָּ֥ד וְאָשֵֽׁר׃

dá֥̇n wĕnapĕţá̇li֖y gá֥̇d wĕʼáşéֽ̌r׃

5
וַֽיְהִ֗י כָּל־נֶ֛פֶשׁ יֹצְאֵ֥י יֶֽרֶךְ־יַעֲקֹ֖ב שִׁבְעִ֣ים נָ֑פֶשׁ וְיֹוסֵ֖ף הָיָ֥ה בְמִצְרָֽיִם׃

waֽyĕhi֗y ká̇l־ne֛peş̌ yòẕĕʼé֥y yeֽrekĕ־yaʻàqò֖b şǐbĕʻi֣ym ná֑peş̌ wĕyòwsé֖p háyá֥h bĕmiẕĕráֽyim׃

6
וַיָּ֤מָת יֹוסֵף֙ וְכָל־אֶחָ֔יו וְכֹ֖ל הַדֹּ֥ור הַהֽוּא׃

wayá֤̇máţ yòwsép֙ wĕkál־ʼeẖá֔yw wĕkò֖l hadò֥̇wr hahֽẇʼ׃

7
וּבְנֵ֣י יִשְׂרָאֵ֗ל פָּר֧וּ וַֽיִּשְׁרְצ֛וּ וַיִּרְבּ֥וּ וַיַּֽעַצְמ֖וּ בִּמְאֹ֣ד מְאֹ֑ד וַתִּמָּלֵ֥א הָאָ֖רֶץ אֹתָֽם׃ פ

ẇbĕné֣y yişĕ̂ráʼé֗l pá̇r֧ẇ waֽyi̇şĕ̌rĕẕ֛ẇ wayi̇rĕḃ֥ẇ wayȧֽʻaẕĕm֖ẇ bi̇mĕʼò֣d mĕʼò֑d waţi̇má̇lé֥ʼ háʼá֖reẕ ʼòţáֽm׃ p

8
וַיָּ֥קָם מֶֽלֶךְ־חָדָ֖שׁ עַל־מִצְרָ֑יִם אֲשֶׁ֥ר לֹֽא־יָדַ֖ע אֶת־יֹוסֵֽף׃

wayá֥̇qám meֽlekĕ־ẖádá֖ş̌ ʻal־miẕĕrá֑yim ʼàşě֥r lòֽʼ־yáda֖ʻ ʼeţ־yòwséֽp׃

9
וַיֹּ֖אמֶר אֶל־עַמֹּ֑ו הִנֵּ֗ה עַ֚ם בְּנֵ֣י יִשְׂרָאֵ֔ל רַ֥ב וְעָצ֖וּם מִמֶּֽנּוּ׃

wayò֖̇ʼmer ʼel־ʻamò֑̇w hiné̇֗h ʻa֚m bĕ̇né֣y yişĕ̂ráʼé֔l ra֥b wĕʻáẕ֖ẇm mimėֽṅẇ׃

10
הָ֥בָה נִֽתְחַכְּמָ֖ה לֹ֑ו פֶּן־יִרְבֶּ֗ה וְהָיָ֞ה כִּֽי־תִקְרֶ֤אנָה מִלְחָמָה֙ וְנֹוסַ֤ף גַּם־הוּא֙ עַל־שֹׂ֣נְאֵ֔ינוּ וְנִלְחַם־בָּ֖נוּ וְעָלָ֥ה מִן־הָאָֽרֶץ׃

há֥báh niֽţĕẖakĕ̇má֖h lò֑w pėn־yirĕbė֗h wĕháyá֞h kiֽ̇y־ţiqĕre֤ʼnáh milĕẖámáh֙ wĕnòwsa֤p gȧm־hẇʼ֙ ʻal־şò֣̂nĕʼé֔ynẇ wĕnilĕẖam־bá֖̇nẇ wĕʻálá֥h min־háʼáֽreẕ׃

11
וַיָּשִׂ֤ימוּ עָלָיו֙ שָׂרֵ֣י מִסִּ֔ים לְמַ֥עַן עַנֹּתֹ֖ו בְּסִבְלֹתָ֑ם וַיִּ֜בֶן עָרֵ֤י מִסְכְּנֹות֙ לְפַרְעֹ֔ה אֶת־פִּתֹ֖ם וְאֶת־רַעַמְסֵֽס׃

wayá̇şî֤ymẇ ʻáláyw֙ şá̂ré֣y misi̇֔ym lĕma֥ʻan ʻanò̇ţò֖w bĕ̇sibĕlòţá֑m wayi̇֜ben ʻáré֤y misĕkĕ̇nòwţ֙ lĕparĕʻò֔h ʼeţ־pi̇ţò֖m wĕʼeţ־raʻamĕséֽs׃

12
וְכַאֲשֶׁר֙ יְעַנּ֣וּ אֹתֹ֔ו כֵּ֥ן יִרְבֶּ֖ה וְכֵ֣ן יִפְרֹ֑ץ וַיָּקֻ֕צוּ מִפְּנֵ֖י בְּנֵ֥י יִשְׂרָאֵֽל׃

wĕkaʼàşěr֙ yĕʻaṅ֣ẇ ʼòţò֔w ké֥̇n yirĕbė֖h wĕké֣n yipĕrò֑ẕ wayá̇qu֕ẕẇ mipĕ̇né֖y bĕ̇né֥y yişĕ̂ráʼéֽl׃

13
וַיַּעֲבִ֧דוּ מִצְרַ֛יִם אֶת־בְּנֵ֥י יִשְׂרָאֵ֖ל בְּפָֽרֶךְ׃

wayȧʻàbi֧dẇ miẕĕra֛yim ʼeţ־bĕ̇né֥y yişĕ̂ráʼé֖l bĕ̇páֽrekĕ׃

14
וַיְמָרְר֨וּ אֶת־חַיֵּיהֶ֜ם בַּעֲבֹדָ֣ה קָשָׁ֗ה בְּחֹ֨מֶר֙ וּבִלְבֵנִ֔ים וּבְכָל־עֲבֹדָ֖ה בַּשָּׂדֶ֑ה אֵ֚ת כָּל־עֲבֹ֣דָתָ֔ם אֲשֶׁר־עָבְד֥וּ בָהֶ֖ם בְּפָֽרֶךְ׃

wayĕmárĕr֨ẇ ʼeţ־ẖayé̇yhe֜m bȧʻàbòdá֣h qáşá̌֗h bĕ̇ẖò֨mer֙ ẇbilĕbéni֔ym ẇbĕkál־ʻàbòdá֖h bȧşá̇̂de֑h ʼé֚ţ ká̇l־ʻàbò֣dáţá֔m ʼàşěr־ʻábĕd֥ẇ báhe֖m bĕ̇páֽrekĕ׃

15
וַיֹּ֨אמֶר֙ מֶ֣לֶךְ מִצְרַ֔יִם לַֽמְיַלְּדֹ֖ת הָֽעִבְרִיֹּ֑ת אֲשֶׁ֨ר שֵׁ֤ם הָֽאַחַת֙ שִׁפְרָ֔ה וְשֵׁ֥ם הַשֵּׁנִ֖ית פּוּעָֽה׃

wayò̇֨ʼmer֙ me֣lekĕ miẕĕra֔yim laֽmĕyalĕ̇dò֖ţ háֽʻibĕriyò֑̇ţ ʼàşě֨r şé֤̌m háֽʼaẖaţ֙ şǐpĕrá֔h wĕşé֥̌m haşé̇̌ni֖yţ ṗẇʻáֽh׃

16
וַיֹּ֗אמֶר בְּיַלֶּדְכֶן֙ אֶת־הָֽעִבְרִיֹּ֔ות וּרְאִיתֶ֖ן עַל־הָאָבְנָ֑יִם אִם־בֵּ֥ן הוּא֙ וַהֲמִתֶּ֣ן אֹתֹ֔ו וְאִם־בַּ֥ת הִ֖יא וָחָֽיָה׃

wayò̇֗ʼmer bĕ̇yalėdĕken֙ ʼeţ־háֽʻibĕriyò̇֔wţ ẇrĕʼiyţe֖n ʻal־háʼábĕná֑yim ʼim־bé֥̇n hẇʼ֙ wahàmiţė֣n ʼòţò֔w wĕʼim־bȧ֥ţ hi֖yʼ wáẖáֽyáh׃

17
וַתִּירֶ֤אןָ הַֽמְיַלְּדֹת֙ אֶת־הָ֣אֱלֹהִ֔ים וְלֹ֣א עָשׂ֔וּ כַּאֲשֶׁ֛ר דִּבֶּ֥ר אֲלֵיהֶ֖ן מֶ֣לֶךְ מִצְרָ֑יִם וַתְּחַיֶּ֖יןָ אֶת־הַיְלָדִֽים׃

waţi̇yre֤ʼná haֽmĕyalĕ̇dòţ֙ ʼeţ־há֣ʼèlòhi֔ym wĕlò֣ʼ ʻáş̂֔ẇ kȧʼàşě֛r di̇bė֥r ʼàléyhe֖n me֣lekĕ miẕĕrá֑yim waţĕ̇ẖayė֖yná ʼeţ־hayĕládiֽym׃

18
וַיִּקְרָ֤א מֶֽלֶךְ־מִצְרַ֨יִם֙ לַֽמְיַלְּדֹ֔ת וַיֹּ֣אמֶר לָהֶ֔ן מַדּ֥וּעַ עֲשִׂיתֶ֖ן הַדָּבָ֣ר הַזֶּ֑ה וַתְּחַיֶּ֖יןָ אֶת־הַיְלָדִֽים׃

wayi̇qĕrá֤ʼ meֽlekĕ־miẕĕra֨yim֙ laֽmĕyalĕ̇dò֔ţ wayò֣̇ʼmer láhe֔n maḋ֥ẇʻa ʻàşîyţe֖n hadá̇bá֣r hazė֑h waţĕ̇ẖayė֖yná ʼeţ־hayĕládiֽym׃

19
וַתֹּאמַ֤רְןָ הַֽמְיַלְּדֹת֙ אֶל־פַּרְעֹ֔ה כִּ֣י לֹ֧א כַנָּשִׁ֛ים הַמִּצְרִיֹּ֖ת הָֽעִבְרִיֹּ֑ת כִּֽי־חָיֹ֣ות הֵ֔נָּה בְּטֶ֨רֶם תָּבֹ֧וא אֲלֵהֶ֛ן הַמְיַלֶּ֖דֶת וְיָלָֽדוּ׃

waţò̇ʼma֤rĕná haֽmĕyalĕ̇dòţ֙ ʼel־pȧrĕʻò֔h ki֣̇y lò֧ʼ kaná̇şǐ֛ym hami̇ẕĕriyò֖̇ţ háֽʻibĕriyò֑̇ţ kiֽ̇y־ẖáyò֣wţ hé֔ná̇h bĕ̇te֨rem ţá̇bò֧wʼ ʼàléhe֛n hamĕyalė֖deţ wĕyáláֽdẇ׃

20
וַיֵּ֥יטֶב אֱלֹהִ֖ים לַֽמְיַלְּדֹ֑ת וַיִּ֧רֶב הָעָ֛ם וַיַּֽעַצְמ֖וּ מְאֹֽד׃

wayé֥̇yteb ʼèlòhi֖ym laֽmĕyalĕ̇dò֑ţ wayi֧̇reb háʻá֛m wayȧֽʻaẕĕm֖ẇ mĕʼòֽd׃

21
וַיְהִ֕י כִּֽי־יָֽרְא֥וּ הַֽמְיַלְּדֹ֖ת אֶת־הָאֱלֹהִ֑ים וַיַּ֥עַשׂ לָהֶ֖ם בָּתִּֽים׃

wayĕhi֕y kiֽ̇y־yáֽrĕʼ֥ẇ haֽmĕyalĕ̇dò֖ţ ʼeţ־háʼèlòhi֑ym wayȧ֥ʻaş̂ láhe֖m bá̇ţiֽ̇ym׃

22
וַיְצַ֣ו פַּרְעֹ֔ה לְכָל־עַמֹּ֖ו לֵאמֹ֑ר כָּל־הַבֵּ֣ן הַיִּלֹּ֗וד הַיְאֹ֨רָה֙ תַּשְׁלִיכֻ֔הוּ וְכָל־הַבַּ֖ת תְּחַיּֽוּן׃ ס

wayĕẕa֣w pȧrĕʻò֔h lĕkál־ʻamò֖̇w léʼmò֑r ká̇l־habé֣̇n hayi̇lò̇֗wd hayĕʼò֨ráh֙ ţȧşĕ̌liyku֔hẇ wĕkál־habȧ֖ţ ţĕ̇ẖaẏֽẇn׃ s