Bibles in ancient languages
Old translations
Modern translations

Biblia Hebraica Stuttgartensia Exode 25:27

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

wayĕdabé֥̇r yĕhwá֖h ʼel־mòşě֥h lé̇ʼmòֽr׃

2
דַּבֵּר֙ אֶל־בְּנֵ֣י יִשְׂרָאֵ֔ל וְיִקְחוּ־לִ֖י תְּרוּמָ֑ה מֵאֵ֤ת כָּל־אִישׁ֙ אֲשֶׁ֣ר יִדְּבֶ֣נּוּ לִבֹּ֔ו תִּקְח֖וּ אֶת־תְּרוּמָתִֽי׃

dȧbé̇r֙ ʼel־bĕ̇né֣y yişĕ̂ráʼé֔l wĕyiqĕẖẇ־li֖y ţĕ̇rẇmá֑h méʼé֤ţ ká̇l־ʼiyş̌֙ ʼàşě֣r yidĕ̇be֣ṅẇ libò̇֔w ţi̇qĕẖ֖ẇ ʼeţ־ţĕ̇rẇmáţiֽy׃

3
וְזֹאת֙ הַתְּרוּמָ֔ה אֲשֶׁ֥ר תִּקְח֖וּ מֵאִתָּ֑ם זָהָ֥ב וָכֶ֖סֶף וּנְחֹֽשֶׁת׃

wĕzòʼţ֙ haţĕ̇rẇmá֔h ʼàşě֥r ţi̇qĕẖ֖ẇ méʼiţá֑̇m záhá֥b wáke֖sep ẇnĕẖòֽşěţ׃

4
וּתְכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֥שׁ וְעִזִּֽים׃

ẇţĕké֧leţ wĕʼarĕgá̇má֛n wĕţòwla֥ʻaţ şá̌ni֖y wĕşé֥̌ş̌ wĕʻiziֽ̇ym׃

5
וְעֹרֹ֨ת אֵילִ֧ם מְאָדָּמִ֛ים וְעֹרֹ֥ת תְּחָשִׁ֖ים וַעֲצֵ֥י שִׁטִּֽים׃

wĕʻòrò֨ţ ʼéyli֧m mĕʼádá̇mi֛ym wĕʻòrò֥ţ ţĕ̇ẖáşǐ֖ym waʻàẕé֥y şǐtiֽ̇ym׃

6
שֶׁ֖מֶן לַמָּאֹ֑ר בְּשָׂמִים֙ לְשֶׁ֣מֶן הַמִּשְׁחָ֔ה וְלִקְטֹ֖רֶת הַסַּמִּֽים׃

şě֖men lamá̇ʼò֑r bĕ̇şá̂miym֙ lĕşě֣men hami̇şĕ̌ẖá֔h wĕliqĕtò֖reţ hasȧmiֽ̇ym׃

7
אַבְנֵי־שֹׁ֕הַם וְאַבְנֵ֖י מִלֻּאִ֑ים לָאֵפֹ֖ד וְלַחֹֽשֶׁן׃

ʼabĕnéy־şò̌֕ham wĕʼabĕné֖y milu̇ʼi֑ym láʼépò֖d wĕlaẖòֽşěn׃

8
וְעָ֥שׂוּ לִ֖י מִקְדָּ֑שׁ וְשָׁכַנְתִּ֖י בְּתֹוכָֽם׃

wĕʻá֥ş̂ẇ li֖y miqĕdá֑̇ş̌ wĕşá̌kanĕţi֖̇y bĕ̇ţòwkáֽm׃

9
כְּכֹ֗ל אֲשֶׁ֤ר אֲנִי֙ מַרְאֶ֣ה אֹותְךָ֔ אֵ֚ת תַּבְנִ֣ית הַמִּשְׁכָּ֔ן וְאֵ֖ת תַּבְנִ֣ית כָּל־כֵּלָ֑יו וְכֵ֖ן תַּעֲשֽׂוּ׃ ס

kĕ̇kò֗l ʼàşě֤r ʼàniy֙ marĕʼe֣h ʼòwţĕká֔ ʼé֚ţ ţȧbĕni֣yţ hami̇şĕ̌ká̇֔n wĕʼé֖ţ ţȧbĕni֣yţ ká̇l־ké̇lá֑yw wĕké֖n ţȧʻàşֽ̂ẇ׃ s

10
וְעָשׂ֥וּ אֲרֹ֖ון עֲצֵ֣י שִׁטִּ֑ים אַמָּתַ֨יִם וָחֵ֜צִי אָרְכֹּ֗ו וְאַמָּ֤ה וָחֵ֨צִי֙ רָחְבֹּ֔ו וְאַמָּ֥ה וָחֵ֖צִי קֹמָתֹֽו׃

wĕʻáş֥̂ẇ ʼàrò֖wn ʻàẕé֣y şǐti֑̇ym ʼamá̇ţa֨yim wáẖé֜ẕiy ʼárĕkò̇֗w wĕʼamá֤̇h wáẖé֨ẕiy֙ ráẖĕbò̇֔w wĕʼamá֥̇h wáẖé֖ẕiy qòmáţòֽw׃

11
וְצִפִּיתָ֤ אֹתֹו֙ זָהָ֣ב טָהֹ֔ור מִבַּ֥יִת וּמִח֖וּץ תְּצַפֶּ֑נּוּ וְעָשִׂ֧יתָ עָלָ֛יו זֵ֥ר זָהָ֖ב סָבִֽיב׃

wĕẕipi̇yţá֤ ʼòţòw֙ záhá֣b táhò֔wr mibȧ֥yiţ ẇmiẖ֖ẇẕ ţĕ̇ẕapė֑ṅẇ wĕʻáşî֧yţá ʻálá֛yw zé֥r záhá֖b sábiֽyb׃

12
וְיָצַ֣קְתָּ לֹּ֗ו אַרְבַּע֙ טַבְּעֹ֣ת זָהָ֔ב וְנָ֣תַתָּ֔ה עַ֖ל אַרְבַּ֣ע פַּעֲמֹתָ֑יו וּשְׁתֵּ֣י טַבָּעֹ֗ת עַל־צַלְעֹו֙ הָֽאֶחָ֔ת וּשְׁתֵּי֙ טַבָּעֹ֔ת עַל־צַלְעֹ֖ו הַשֵּׁנִֽית׃

wĕyáẕa֣qĕţá̇ lò̇֗w ʼarĕbȧʻ֙ tabĕ̇ʻò֣ţ záhá֔b wĕná֣ţaţá̇֔h ʻa֖l ʼarĕbȧ֣ʻ pȧʻàmòţá֑yw ẇşĕ̌ţé֣̇y tabá̇ʻò֗ţ ʻal־ẕalĕʻòw֙ háֽʼeẖá֔ţ ẇşĕ̌ţé̇y֙ tabá̇ʻò֔ţ ʻal־ẕalĕʻò֖w haşé̇̌niֽyţ׃

13
וְעָשִׂ֥יתָ בַדֵּ֖י עֲצֵ֣י שִׁטִּ֑ים וְצִפִּיתָ֥ אֹתָ֖ם זָהָֽב׃

wĕʻáşî֥yţá badé֖̇y ʻàẕé֣y şǐti֑̇ym wĕẕipi̇yţá֥ ʼòţá֖m záháֽb׃

14
וְהֵבֵאתָ֤ אֶת־הַבַּדִּים֙ בַּטַּבָּעֹ֔ת עַ֖ל צַלְעֹ֣ת הָאָרֹ֑ן לָשֵׂ֥את אֶת־הָאָרֹ֖ן בָּהֶֽם׃

wĕhébéʼţá֤ ʼeţ־habȧdi̇ym֙ bȧtȧbá̇ʻò֔ţ ʻa֖l ẕalĕʻò֣ţ háʼárò֑n láşé֥̂ʼţ ʼeţ־háʼárò֖n bá̇heֽm׃

15
בְּטַבְּעֹת֙ הָאָרֹ֔ן יִהְי֖וּ הַבַּדִּ֑ים לֹ֥א יָסֻ֖רוּ מִמֶּֽנּוּ׃

bĕ̇tabĕ̇ʻòţ֙ háʼárò֔n yihĕy֖ẇ habȧdi֑̇ym lò֥ʼ yásu֖rẇ mimėֽṅẇ׃

16
וְנָתַתָּ֖ אֶל־הָאָרֹ֑ן אֵ֚ת הָעֵדֻ֔ת אֲשֶׁ֥ר אֶתֵּ֖ן אֵלֶֽיךָ׃

wĕnáţaţá֖̇ ʼel־háʼárò֑n ʼé֚ţ háʻédu֔ţ ʼàşě֥r ʼeţé֖̇n ʼéleֽyká׃

17
וְעָשִׂ֥יתָ כַפֹּ֖רֶת זָהָ֣ב טָהֹ֑ור אַמָּתַ֤יִם וָחֵ֨צִי֙ אָרְכָּ֔הּ וְאַמָּ֥ה וָחֵ֖צִי רָחְבָּֽהּ׃

wĕʻáşî֥yţá kapò֖̇reţ záhá֣b táhò֑wr ʼamá̇ţa֤yim wáẖé֨ẕiy֙ ʼárĕká̇֔ḣ wĕʼamá֥̇h wáẖé֖ẕiy ráẖĕbáֽ̇ḣ׃

18
וְעָשִׂ֛יתָ שְׁנַ֥יִם כְּרֻבִ֖ים זָהָ֑ב מִקְשָׁה֙ תַּעֲשֶׂ֣ה אֹתָ֔ם מִשְּׁנֵ֖י קְצֹ֥ות הַכַּפֹּֽרֶת׃

wĕʻáşî֛yţá şĕ̌na֥yim kĕ̇rubi֖ym záhá֑b miqĕşá̌h֙ ţȧʻàşê֣h ʼòţá֔m mişĕ̇̌né֖y qĕẕò֥wţ hakȧpòֽ̇reţ׃

19
וַ֠עֲשֵׂה כְּר֨וּב אֶחָ֤ד מִקָּצָה֙ מִזֶּ֔ה וּכְרוּב־אֶחָ֥ד מִקָּצָ֖ה מִזֶּ֑ה מִן־הַכַּפֹּ֛רֶת תַּעֲשׂ֥וּ אֶת־הַכְּרֻבִ֖ים עַל־שְׁנֵ֥י קְצֹותָֽיו׃

wa֠ʻàşé̂h kĕ̇r֨ẇb ʼeẖá֤d miqá̇ẕáh֙ mizė֔h ẇkĕrẇb־ʼeẖá֥d miqá̇ẕá֖h mizė֑h min־hakȧpò֛̇reţ ţȧʻàş֥̂ẇ ʼeţ־hakĕ̇rubi֖ym ʻal־şĕ̌né֥y qĕẕòwţáֽyw׃

20
וְהָי֣וּ הַכְּרֻבִים֩ פֹּרְשֵׂ֨י כְנָפַ֜יִם לְמַ֗עְלָה סֹכְכִ֤ים בְּכַנְפֵיהֶם֙ עַל־הַכַּפֹּ֔רֶת וּפְנֵיהֶ֖ם אִ֣ישׁ אֶל־אָחִ֑יו אֶל־הַכַּפֹּ֔רֶת יִהְי֖וּ פְּנֵ֥י הַכְּרֻבִֽים׃

wĕháy֣ẇ hakĕ̇rubiym֩ pò̇rĕşé̂֨y kĕnápa֜yim lĕma֗ʻĕláh sòkĕki֤ym bĕ̇kanĕpéyhem֙ ʻal־hakȧpò̇֔reţ ẇpĕnéyhe֖m ʼi֣yş̌ ʼel־ʼáẖi֑yw ʼel־hakȧpò̇֔reţ yihĕy֖ẇ pĕ̇né֥y hakĕ̇rubiֽym׃

21
וְנָתַתָּ֧ אֶת־הַכַּפֹּ֛רֶת עַל־הָאָרֹ֖ן מִלְמָ֑עְלָה וְאֶל־הָ֣אָרֹ֔ן תִּתֵּן֙ אֶת־הָ֣עֵדֻ֔ת אֲשֶׁ֥ר אֶתֵּ֖ן אֵלֶֽיךָ׃

wĕnáţaţá֧̇ ʼeţ־hakȧpò֛̇reţ ʻal־háʼárò֖n milĕmá֑ʻĕláh wĕʼel־há֣ʼárò֔n ţi̇ţé̇n֙ ʼeţ־há֣ʻédu֔ţ ʼàşě֥r ʼeţé֖̇n ʼéleֽyká׃

22
וְנֹועַדְתִּ֣י לְךָ֮ שָׁם֒ וְדִבַּרְתִּ֨י אִתְּךָ֜ מֵעַ֣ל הַכַּפֹּ֗רֶת מִבֵּין֙ שְׁנֵ֣י הַכְּרֻבִ֔ים אֲשֶׁ֖ר עַל־אֲרֹ֣ן הָעֵדֻ֑ת אֵ֣ת כָּל־אֲשֶׁ֧ר אֲצַוֶּ֛ה אֹותְךָ֖ אֶל־בְּנֵ֥י יִשְׂרָאֵֽל׃ פ

wĕnòwʻadĕţi֣̇y lĕká֮ şá̌m֒ wĕdibȧrĕţi̇֨y ʼiţĕ̇ká֜ méʻa֣l hakȧpò̇֗reţ mibé̇yn֙ şĕ̌né֣y hakĕ̇rubi֔ym ʼàşě֖r ʻal־ʼàrò֣n háʻédu֑ţ ʼé֣ţ ká̇l־ʼàşě֧r ʼàẕawė֛h ʼòwţĕká֖ ʼel־bĕ̇né֥y yişĕ̂ráʼéֽl׃ p

23
וְעָשִׂ֥יתָ שֻׁלְחָ֖ן עֲצֵ֣י שִׁטִּ֑ים אַמָּתַ֤יִם אָרְכֹּו֙ וְאַמָּ֣ה רָחְבֹּ֔ו וְאַמָּ֥ה וָחֵ֖צִי קֹמָתֹֽו׃

wĕʻáşî֥yţá şǔlĕẖá֖n ʻàẕé֣y şǐti֑̇ym ʼamá̇ţa֤yim ʼárĕkò̇w֙ wĕʼamá֣̇h ráẖĕbò̇֔w wĕʼamá֥̇h wáẖé֖ẕiy qòmáţòֽw׃

24
וְצִפִּיתָ֥ אֹתֹ֖ו זָהָ֣ב טָהֹ֑ור וְעָשִׂ֥יתָ לֹּ֛ו זֵ֥ר זָהָ֖ב סָבִֽיב׃

wĕẕipi̇yţá֥ ʼòţò֖w záhá֣b táhò֑wr wĕʻáşî֥yţá lò֛̇w zé֥r záhá֖b sábiֽyb׃

25
וְעָשִׂ֨יתָ לֹּ֥ו מִסְגֶּ֛רֶת טֹ֖פַח סָבִ֑יב וְעָשִׂ֧יתָ זֵר־זָהָ֛ב לְמִסְגַּרְתֹּ֖ו סָבִֽיב׃

wĕʻáşî֨yţá lò֥̇w misĕgė֛reţ tò֖paẖ sábi֑yb wĕʻáşî֧yţá zér־záhá֛b lĕmisĕgȧrĕţò֖̇w sábiֽyb׃

26
וְעָשִׂ֣יתָ לֹּ֔ו אַרְבַּ֖ע טַבְּעֹ֣ת זָהָ֑ב וְנָתַתָּ֙ אֶת־הַטַּבָּעֹ֔ת עַ֚ל אַרְבַּ֣ע הַפֵּאֹ֔ת אֲשֶׁ֖ר לְאַרְבַּ֥ע רַגְלָֽיו׃

wĕʻáşî֣yţá lò̇֔w ʼarĕbȧ֖ʻ tabĕ̇ʻò֣ţ záhá֑b wĕnáţaţá̇֙ ʼeţ־hatȧbá̇ʻò֔ţ ʻa֚l ʼarĕbȧ֣ʻ hapé̇ʼò֔ţ ʼàşě֖r lĕʼarĕbȧ֥ʻ ragĕláֽyw׃

27
לְעֻמַּת֙ הַמִּסְגֶּ֔רֶת תִּהְיֶ֖יןָ הַטַּבָּעֹ֑ת לְבָתִּ֣ים לְבַדִּ֔ים לָשֵׂ֖את אֶת־הַשֻּׁלְחָֽן׃

lĕʻumȧţ֙ hami̇sĕgė֔reţ ţi̇hĕye֖yná hatȧbá̇ʻò֑ţ lĕbáţi֣̇ym lĕbadi̇֔ym láşé֖̂ʼţ ʼeţ־haşu̇̌lĕẖáֽn׃

28
וְעָשִׂ֤יתָ אֶת־הַבַּדִּים֙ עֲצֵ֣י שִׁטִּ֔ים וְצִפִּיתָ֥ אֹתָ֖ם זָהָ֑ב וְנִשָּׂא־בָ֖ם אֶת־הַשֻּׁלְחָֽן׃

wĕʻáşî֤yţá ʼeţ־habȧdi̇ym֙ ʻàẕé֣y şǐti̇֔ym wĕẕipi̇yţá֥ ʼòţá֖m záhá֑b wĕnişá̇̂ʼ־bá֖m ʼeţ־haşu̇̌lĕẖáֽn׃

29
וְעָשִׂ֨יתָ קְּעָרֹתָ֜יו וְכַפֹּתָ֗יו וּקְשֹׂותָיו֙ וּמְנַקִּיֹּתָ֔יו אֲשֶׁ֥ר יֻסַּ֖ךְ בָּהֵ֑ן זָהָ֥ב טָהֹ֖ור תַּעֲשֶׂ֥ה אֹתָֽם׃

wĕʻáşî֨yţá qĕ̇ʻáròţá֜yw wĕkapò̇ţá֗yw ẇqĕşò̂wţáyw֙ ẇmĕnaqi̇yò̇ţá֔yw ʼàşě֥r yusȧ֖kĕ bá̇hé֑n záhá֥b táhò֖wr ţȧʻàşê֥h ʼòţáֽm׃

30
וְנָתַתָּ֧ עַֽל־הַשֻּׁלְחָ֛ן לֶ֥חֶם פָּנִ֖ים לְפָנַ֥י תָּמִֽיד׃ פ

wĕnáţaţá֧̇ ʻaֽl־haşu̇̌lĕẖá֛n le֥ẖem pá̇ni֖ym lĕpána֥y ţá̇miֽyd׃ p

31
וְעָשִׂ֥יתָ מְנֹרַ֖ת זָהָ֣ב טָהֹ֑ור מִקְשָׁ֞ה תֵּעָשֶׂ֤ה הַמְּנֹורָה֙ יְרֵכָ֣הּ וְקָנָ֔הּ גְּבִיעֶ֛יהָ כַּפְתֹּרֶ֥יהָ וּפְרָחֶ֖יהָ מִמֶּ֥נָּה יִהְיֽוּ׃

wĕʻáşî֥yţá mĕnòra֖ţ záhá֣b táhò֑wr miqĕşá̌֞h ţé̇ʻáşê֤h hamĕ̇nòwráh֙ yĕréká֣ḣ wĕqáná֔ḣ gĕ̇biyʻe֛yhá kȧpĕţò̇re֥yhá ẇpĕráẖe֖yhá mimė֥ná̇h yihĕyֽẇ׃

32
וְשִׁשָּׁ֣ה קָנִ֔ים יֹצְאִ֖ים מִצִּדֶּ֑יהָ שְׁלֹשָׁ֣ה׀ קְנֵ֣י מְנֹרָ֗ה מִצִּדָּהּ֙ הָאֶחָ֔ד וּשְׁלֹשָׁה֙ קְנֵ֣י מְנֹרָ֔ה מִצִּדָּ֖הּ הַשֵּׁנִֽי׃

wĕşǐşá֣̇̌h qáni֔ym yòẕĕʼi֖ym miẕi̇dė֑yhá şĕ̌lòşá֣̌h׀ qĕné֣y mĕnòrá֗h miẕi̇dá̇ḣ֙ háʼeẖá֔d ẇşĕ̌lòşá̌h֙ qĕné֣y mĕnòrá֔h miẕi̇dá֖̇ḣ haşé̇̌niֽy׃

33
שְׁלֹשָׁ֣ה גְ֠בִעִים מְֽשֻׁקָּדִ֞ים בַּקָּנֶ֣ה הָאֶחָד֮ כַּפְתֹּ֣ר וָפֶרַח֒ וּשְׁלֹשָׁ֣ה גְבִעִ֗ים מְשֻׁקָּדִ֛ים בַּקָּנֶ֥ה הָאֶחָ֖ד כַּפְתֹּ֣ר וָפָ֑רַח כֵּ֚ן לְשֵׁ֣שֶׁת הַקָּנִ֔ים הַיֹּצְאִ֖ים מִן־הַמְּנֹרָֽה׃

şĕ̌lòşá֣̌h gĕ֠biʻiym mĕֽşǔqá̇di֞ym bȧqá̇ne֣h háʼeẖád֮ kȧpĕţò֣̇r wáperaẖ֒ ẇşĕ̌lòşá֣̌h gĕbiʻi֗ym mĕşǔqá̇di֛ym bȧqá̇ne֥h háʼeẖá֖d kȧpĕţò֣̇r wápá֑raẖ ké֚̇n lĕşé֣̌şěţ haqá̇ni֔ym hayò̇ẕĕʼi֖ym min־hamĕ̇nòráֽh׃

34
וּבַמְּנֹרָ֖ה אַרְבָּעָ֣ה גְבִעִ֑ים מְשֻׁקָּדִ֔ים כַּפְתֹּרֶ֖יהָ וּפְרָחֶֽיהָ׃

ẇbamĕ̇nòrá֖h ʼarĕbá̇ʻá֣h gĕbiʻi֑ym mĕşǔqá̇di֔ym kȧpĕţò̇re֖yhá ẇpĕráẖeֽyhá׃

35
וְכַפְתֹּ֡ר תַּחַת֩ שְׁנֵ֨י הַקָּנִ֜ים מִמֶּ֗נָּה וְכַפְתֹּר֙ תַּ֣חַת שְׁנֵ֤י הַקָּנִים֙ מִמֶּ֔נָּה וְכַפְתֹּ֕ר תַּחַת־שְׁנֵ֥י הַקָּנִ֖ים מִמֶּ֑נָּה לְשֵׁ֨שֶׁת֙ הַקָּנִ֔ים הַיֹּצְאִ֖ים מִן־הַמְּנֹרָֽה׃

wĕkapĕţò̇֡r ţȧẖaţ֩ şĕ̌né֨y haqá̇ni֜ym mimė֗ná̇h wĕkapĕţò̇r֙ ţȧ֣ẖaţ şĕ̌né֤y haqá̇niym֙ mimė֔ná̇h wĕkapĕţò̇֕r ţȧẖaţ־şĕ̌né֥y haqá̇ni֖ym mimė֑ná̇h lĕşé̌֨şěţ֙ haqá̇ni֔ym hayò̇ẕĕʼi֖ym min־hamĕ̇nòráֽh׃

36
כַּפְתֹּרֵיהֶ֥ם וּקְנֹתָ֖ם מִמֶּ֣נָּה יִהְי֑וּ כֻּלָּ֛הּ מִקְשָׁ֥ה אַחַ֖ת זָהָ֥ב טָהֹֽור׃

kȧpĕţò̇réyhe֥m ẇqĕnòţá֖m mimė֣ná̇h yihĕy֑ẇ ku̇lá֛̇ḣ miqĕşá֥̌h ʼaẖa֖ţ záhá֥b táhòֽwr׃

37
וְעָשִׂ֥יתָ אֶת־נֵרֹתֶ֖יהָ שִׁבְעָ֑ה וְהֶֽעֱלָה֙ אֶת־נֵ֣רֹתֶ֔יהָ וְהֵאִ֖יר עַל־עֵ֥בֶר פָּנֶֽיהָ׃

wĕʻáşî֥yţá ʼeţ־néròţe֖yhá şǐbĕʻá֑h wĕheֽʻèláh֙ ʼeţ־né֣ròţe֔yhá wĕhéʼi֖yr ʻal־ʻé֥ber pá̇neֽyhá׃

38
וּמַלְקָחֶ֥יהָ וּמַחְתֹּתֶ֖יהָ זָהָ֥ב טָהֹֽור׃

ẇmalĕqáẖe֥yhá ẇmaẖĕţò̇ţe֖yhá záhá֥b táhòֽwr׃

39
כִּכָּ֛ר זָהָ֥ב טָהֹ֖ור יַעֲשֶׂ֣ה אֹתָ֑הּ אֵ֥ת כָּל־הַכֵּלִ֖ים הָאֵֽלֶּה׃

ki̇ká֛̇r záhá֥b táhò֖wr yaʻàşê֣h ʼòţá֑ḣ ʼé֥ţ ká̇l־haké̇li֖ym háʼéֽlėh׃

40
וּרְאֵ֖ה וַעֲשֵׂ֑ה בְּתַ֨בְנִיתָ֔ם אֲשֶׁר־אַתָּ֥ה מָרְאֶ֖ה בָּהָֽר׃ ס

ẇrĕʼé֖h waʻàşé֑̂h bĕ̇ţa֨bĕniyţá֔m ʼàşěr־ʼaţá֥̇h márĕʼe֖h bá̇háֽr׃ s