Bibles in ancient languages
Old translations
Modern translations

Biblia Hebraica Stuttgartensia Exode 29:18

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְזֶ֨ה הַדָּבָ֜ר אֲשֶֽׁר־תַּעֲשֶׂ֥ה לָהֶ֛ם לְקַדֵּ֥שׁ אֹתָ֖ם לְכַהֵ֣ן לִ֑י לְ֠קַח פַּ֣ר אֶחָ֧ד בֶּן־בָּקָ֛ר וְאֵילִ֥ם שְׁנַ֖יִם תְּמִימִֽם׃

wĕze֨h hadá̇bá֜r ʼàşěֽr־ţȧʻàşê֥h láhe֛m lĕqadé֥̇ş̌ ʼòţá֖m lĕkahé֣n li֑y lĕ֠qaẖ pȧ֣r ʼeẖá֧d bėn־bá̇qá֛r wĕʼéyli֥m şĕ̌na֖yim ţĕ̇miymiֽm׃

2
וְלֶ֣חֶם מַצֹּ֗ות וְחַלֹּ֤ת מַצֹּת֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצֹּ֖ות מְשֻׁחִ֣ים בַּשָּׁ֑מֶן סֹ֥לֶת חִטִּ֖ים תַּעֲשֶׂ֥ה אֹתָֽם׃

wĕle֣ẖem maẕò̇֗wţ wĕẖalò֤̇ţ maẕò̇ţ֙ bĕ̇lẇlò֣ţ bȧşė̌֔men ẇrĕqiyqé֥y maẕò֖̇wţ mĕşǔẖi֣ym bȧşá֑̇̌men sò֥leţ ẖiti֖̇ym ţȧʻàşê֥h ʼòţáֽm׃

3
וְנָתַתָּ֤ אֹותָם֙ עַל־סַ֣ל אֶחָ֔ד וְהִקְרַבְתָּ֥ אֹתָ֖ם בַּסָּ֑ל וְאֶ֨ת־הַפָּ֔ר וְאֵ֖ת שְׁנֵ֥י הָאֵילִֽם׃

wĕnáţaţá֤̇ ʼòwţám֙ ʻal־sa֣l ʼeẖá֔d wĕhiqĕrabĕţá֥̇ ʼòţá֖m bȧsá֑̇l wĕʼe֨ţ־hapá̇֔r wĕʼé֖ţ şĕ̌né֥y háʼéyliֽm׃

4
וְאֶת־אַהֲרֹ֤ן וְאֶת־בָּנָיו֙ תַּקְרִ֔יב אֶל־פֶּ֖תַח אֹ֣הֶל מֹועֵ֑ד וְרָחַצְתָּ֥ אֹתָ֖ם בַּמָּֽיִם׃

wĕʼeţ־ʼahàrò֤n wĕʼeţ־bá̇náyw֙ ţȧqĕri֔yb ʼel־pė֖ţaẖ ʼò֣hel mòwʻé֑d wĕráẖaẕĕţá֥̇ ʼòţá֖m bȧmáֽ̇yim׃

5
וְלָקַחְתָּ֣ אֶת־הַבְּגָדִ֗ים וְהִלְבַּשְׁתָּ֤ אֶֽת־אַהֲרֹן֙ אֶת־הַכֻּתֹּ֔נֶת וְאֵת֙ מְעִ֣יל הָאֵפֹ֔ד וְאֶת־הָאֵפֹ֖ד וְאֶת־הַחֹ֑שֶׁן וְאָפַדְתָּ֣ לֹ֔ו בְּחֵ֖שֶׁב הָאֵפֹֽד׃

wĕláqaẖĕţá֣̇ ʼeţ־habĕ̇gádi֗ym wĕhilĕbȧşĕ̌ţá֤̇ ʼeֽţ־ʼahàròn֙ ʼeţ־haku̇ţò̇֔neţ wĕʼéţ֙ mĕʻi֣yl háʼépò֔d wĕʼeţ־háʼépò֖d wĕʼeţ־haẖò֑şěn wĕʼápadĕţá֣̇ lò֔w bĕ̇ẖé֖şěb háʼépòֽd׃

6
וְשַׂמְתָּ֥ הַמִּצְנֶ֖פֶת עַל־רֹאשֹׁ֑ו וְנָתַתָּ֛ אֶת־נֵ֥זֶר הַקֹּ֖דֶשׁ עַל־הַמִּצְנָֽפֶת׃

wĕşâmĕţá֥̇ hami̇ẕĕne֖peţ ʻal־ròʼşò֑̌w wĕnáţaţá֛̇ ʼeţ־né֥zer haqò֖̇deş̌ ʻal־hami̇ẕĕnáֽpeţ׃

7
וְלָֽקַחְתָּ֙ אֶת־שֶׁ֣מֶן הַמִּשְׁחָ֔ה וְיָצַקְתָּ֖ עַל־רֹאשֹׁ֑ו וּמָשַׁחְתָּ֖ אֹתֹֽו׃

wĕláֽqaẖĕţá̇֙ ʼeţ־şě֣men hami̇şĕ̌ẖá֔h wĕyáẕaqĕţá֖̇ ʻal־ròʼşò֑̌w ẇmáşǎẖĕţá֖̇ ʼòţòֽw׃

8
וְאֶת־בָּנָ֖יו תַּקְרִ֑יב וְהִלְבַּשְׁתָּ֖ם כֻּתֳּנֹֽת׃

wĕʼeţ־bá̇ná֖yw ţȧqĕri֑yb wĕhilĕbȧşĕ̌ţá֖̇m ku̇ţȯnòֽţ׃

9
וְחָגַרְתָּ֩ אֹתָ֨ם אַבְנֵ֜ט אַהֲרֹ֣ן וּבָנָ֗יו וְחָבַשְׁתָּ֤ לָהֶם֙ מִגְבָּעֹ֔ת וְהָיְתָ֥ה לָהֶ֛ם כְּהֻנָּ֖ה לְחֻקַּ֣ת עֹולָ֑ם וּמִלֵּאתָ֥ יַֽד־אַהֲרֹ֖ן וְיַד־בָּנָֽיו׃

wĕẖágarĕţá̇֩ ʼòţá֨m ʼabĕné֜t ʼahàrò֣n ẇbáná֗yw wĕẖábaşĕ̌ţá֤̇ láhem֙ migĕbá̇ʻò֔ţ wĕháyĕţá֥h láhe֛m kĕ̇huná֖̇h lĕẖuqȧ֣ţ ʻòwlá֑m ẇmilé̇ʼţá֥ yaֽd־ʼahàrò֖n wĕyad־bá̇náֽyw׃

10
וְהִקְרַבְתָּ֙ אֶת־הַפָּ֔ר לִפְנֵ֖י אֹ֣הֶל מֹועֵ֑ד וְסָמַ֨ךְ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הַפָּֽר׃

wĕhiqĕrabĕţá̇֙ ʼeţ־hapá̇֔r lipĕné֖y ʼò֣hel mòwʻé֑d wĕsáma֨kĕ ʼahàrò֧n ẇbáná֛yw ʼeţ־yĕdéyhe֖m ʻal־rò֥ʼş̌ hapáֽ̇r׃

11
וְשָׁחַטְתָּ֥ אֶת־הַפָּ֖ר לִפְנֵ֣י יְהוָ֑ה פֶּ֖תַח אֹ֥הֶל מֹועֵֽד׃

wĕşá̌ẖatĕţá֥̇ ʼeţ־hapá֖̇r lipĕné֣y yĕhwá֑h pė֖ţaẖ ʼò֥hel mòwʻéֽd׃

12
וְלָֽקַחְתָּ֙ מִדַּ֣ם הַפָּ֔ר וְנָתַתָּ֛ה עַל־קַרְנֹ֥ת הַמִּזְבֵּ֖חַ בְּאֶצְבָּעֶ֑ךָ וְאֶת־כָּל־הַדָּ֣ם תִּשְׁפֹּ֔ךְ אֶל־יְסֹ֖וד הַמִּזְבֵּֽחַ׃

wĕláֽqaẖĕţá̇֙ midȧ֣m hapá̇֔r wĕnáţaţá֛̇h ʻal־qarĕnò֥ţ hami̇zĕbé֖̇ẖa bĕ̇ʼeẕĕbá̇ʻe֑ká wĕʼeţ־ká̇l־hadá֣̇m ţi̇şĕ̌pò̇֔kĕ ʼel־yĕsò֖wd hami̇zĕbéֽ̇ẖa׃

13
וְלָֽקַחְתָּ֗ אֶֽת־כָּל־הַחֵלֶב֮ הַֽמְכַסֶּ֣ה אֶת־הַקֶּרֶב֒ וְאֵ֗ת הַיֹּתֶ֨רֶת֙ עַל־הַכָּבֵ֔ד וְאֵת֙ שְׁתֵּ֣י הַכְּלָיֹ֔ת וְאֶת־הַחֵ֖לֶב אֲשֶׁ֣ר עֲלֵיהֶ֑ן וְהִקְטַרְתָּ֖ הַמִּזְבֵּֽחָה׃

wĕláֽqaẖĕţá̇֗ ʼeֽţ־ká̇l־haẖéleb֮ haֽmĕkasė֣h ʼeţ־haqėreb֒ wĕʼé֗ţ hayò̇ţe֨reţ֙ ʻal־haká̇bé֔d wĕʼéţ֙ şĕ̌ţé֣̇y hakĕ̇láyò֔ţ wĕʼeţ־haẖé֖leb ʼàşě֣r ʻàléyhe֑n wĕhiqĕtarĕţá֖̇ hami̇zĕbéֽ̇ẖáh׃

14
וְאֶת־בְּשַׂ֤ר הַפָּר֙ וְאֶת־עֹרֹ֣ו וְאֶת־פִּרְשֹׁ֔ו תִּשְׂרֹ֣ף בָּאֵ֔שׁ מִח֖וּץ לַֽמַּחֲנֶ֑ה חַטָּ֖את הֽוּא׃

wĕʼeţ־bĕ̇şâ֤r hapá̇r֙ wĕʼeţ־ʻòrò֣w wĕʼeţ־pi̇rĕşò̌֔w ţi̇şĕ̂rò֣p bá̇ʼé֔ş̌ miẖ֖ẇẕ laֽmȧẖàne֑h ẖatá֖̇ʼţ hֽẇʼ׃

15
וְאֶת־הָאַ֥יִל הָאֶחָ֖ד תִּקָּ֑ח וְסָ֨מְכ֜וּ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

wĕʼeţ־háʼa֥yil háʼeẖá֖d ţi̇qá֑̇ẖ wĕsá֨mĕk֜ẇ ʼahàrò֧n ẇbáná֛yw ʼeţ־yĕdéyhe֖m ʻal־rò֥ʼş̌ háʼáֽyil׃

16
וְשָׁחַטְתָּ֖ אֶת־הָאָ֑יִל וְלָֽקַחְתָּ֙ אֶת־דָּמֹ֔ו וְזָרַקְתָּ֥ עַל־הַמִּזְבֵּ֖חַ סָבִֽיב׃

wĕşá̌ẖatĕţá֖̇ ʼeţ־háʼá֑yil wĕláֽqaẖĕţá̇֙ ʼeţ־dá̇mò֔w wĕzáraqĕţá֥̇ ʻal־hami̇zĕbé֖̇ẖa sábiֽyb׃

17
וְאֶ֨ת־הָאַ֔יִל תְּנַתֵּ֖חַ לִנְתָחָ֑יו וְרָחַצְתָּ֤ קִרְבֹּו֙ וּכְרָעָ֔יו וְנָתַתָּ֥ עַל־נְתָחָ֖יו וְעַל־רֹאשֹֽׁו׃

wĕʼe֨ţ־háʼa֔yil ţĕ̇naţé֖̇ẖa linĕţáẖá֑yw wĕráẖaẕĕţá֤̇ qirĕbò̇w֙ ẇkĕráʻá֔yw wĕnáţaţá֥̇ ʻal־nĕţáẖá֖yw wĕʻal־ròʼşòֽ̌w׃

18
וְהִקְטַרְתָּ֤ אֶת־כָּל־הָאַ֨יִל֙ הַמִּזְבֵּ֔חָה עֹלָ֥ה ה֖וּא לַֽיהוָ֑ה רֵ֣יחַ נִיחֹ֔וחַ אִשֶּׁ֥ה לַיהוָ֖ה הֽוּא׃

wĕhiqĕtarĕţá֤̇ ʼeţ־ká̇l־háʼa֨yil֙ hami̇zĕbé̇֔ẖáh ʻòlá֥h h֖ẇʼ laֽyhwá֑h ré֣yẖa niyẖò֔wẖa ʼişė֥̌h layhwá֖h hֽẇʼ׃

19
וְלָ֣קַחְתָּ֔ אֵ֖ת הָאַ֣יִל הַשֵּׁנִ֑י וְסָמַ֨ךְ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

wĕlá֣qaẖĕţá̇֔ ʼé֖ţ háʼa֣yil haşé̇̌ni֑y wĕsáma֨kĕ ʼahàrò֧n ẇbáná֛yw ʼeţ־yĕdéyhe֖m ʻal־rò֥ʼş̌ háʼáֽyil׃

20
וְשָׁחַטְתָּ֣ אֶת־הָאַ֗יִל וְלָקַחְתָּ֤ מִדָּמֹו֙ וְנָֽתַתָּ֡ה עַל־תְּנוּךְ֩ אֹ֨זֶן אַהֲרֹ֜ן וְעַל־תְּנ֨וּךְ אֹ֤זֶן בָּנָיו֙ הַיְמָנִ֔ית וְעַל־בֹּ֤הֶן יָדָם֙ הַיְמָנִ֔ית וְעַל־בֹּ֥הֶן רַגְלָ֖ם הַיְמָנִ֑ית וְזָרַקְתָּ֧ אֶת־הַדָּ֛ם עַל־הַמִּזְבֵּ֖חַ סָבִֽיב׃

wĕşá̌ẖatĕţá֣̇ ʼeţ־háʼa֗yil wĕláqaẖĕţá֤̇ midá̇mòw֙ wĕnáֽţaţá̇֡h ʻal־ţĕ̇nẇkĕ֩ ʼò֨zen ʼahàrò֜n wĕʻal־ţĕ̇n֨ẇkĕ ʼò֤zen bá̇náyw֙ hayĕmáni֔yţ wĕʻal־bò֤̇hen yádám֙ hayĕmáni֔yţ wĕʻal־bò֥̇hen ragĕlá֖m hayĕmáni֑yţ wĕzáraqĕţá֧̇ ʼeţ־hadá֛̇m ʻal־hami̇zĕbé֖̇ẖa sábiֽyb׃

21
וְלָקַחְתָּ֞ מִן־הַדָּ֨ם אֲשֶׁ֥ר עַֽל־הַמִּזְבֵּחַ֮ וּמִשֶּׁ֣מֶן הַמִּשְׁחָה֒ וְהִזֵּיתָ֤ עַֽל־אַהֲרֹן֙ וְעַל־בְּגָדָ֔יו וְעַל־בָּנָ֛יו וְעַל־בִּגְדֵ֥י בָנָ֖יו אִתֹּ֑ו וְקָדַ֥שׁ הוּא֙ וּבְגָדָ֔יו וּבָנָ֛יו וּבִגְדֵ֥י בָנָ֖יו אִתֹּֽו׃

wĕláqaẖĕţá̇֞ min־hadá̇֨m ʼàşě֥r ʻaֽl־hami̇zĕbé̇ẖa֮ ẇmişė֣̌men hami̇şĕ̌ẖáh֒ wĕhizé̇yţá֤ ʻaֽl־ʼahàròn֙ wĕʻal־bĕ̇gádá֔yw wĕʻal־bá̇ná֛yw wĕʻal־bi̇gĕdé֥y báná֖yw ʼiţò֑̇w wĕqáda֥ş̌ hẇʼ֙ ẇbĕgádá֔yw ẇbáná֛yw ẇbigĕdé֥y báná֖yw ʼiţòֽ̇w׃

22
וְלָקַחְתָּ֣ מִן־הָ֠אַיִל הַחֵ֨לֶב וְהָֽאַלְיָ֜ה וְאֶת־הַחֵ֣לֶב׀ הַֽמְכַסֶּ֣ה אֶת־הַקֶּ֗רֶב וְאֵ֨ת יֹתֶ֤רֶת הַכָּבֵד֙ וְאֵ֣ת׀ שְׁתֵּ֣י הַכְּלָיֹ֗ת וְאֶת־הַחֵ֨לֶב֙ אֲשֶׁ֣ר עֲלֵהֶ֔ן וְאֵ֖ת שֹׁ֣וק הַיָּמִ֑ין כִּ֛י אֵ֥יל מִלֻּאִ֖ים הֽוּא׃

wĕláqaẖĕţá֣̇ min־há֠ʼayil haẖé֨leb wĕháֽʼalĕyá֜h wĕʼeţ־haẖé֣leb׀ haֽmĕkasė֣h ʼeţ־haqė֗reb wĕʼé֨ţ yòţe֤reţ haká̇béd֙ wĕʼé֣ţ׀ şĕ̌ţé֣̇y hakĕ̇láyò֗ţ wĕʼeţ־haẖé֨leb֙ ʼàşě֣r ʻàléhe֔n wĕʼé֖ţ şò֣̌wq hayá̇mi֑yn ki֛̇y ʼé֥yl milu̇ʼi֖ym hֽẇʼ׃

23
וְכִכַּ֨ר לֶ֜חֶם אַחַ֗ת וַֽחַלַּ֨ת לֶ֥חֶם שֶׁ֛מֶן אַחַ֖ת וְרָקִ֣יק אֶחָ֑ד מִסַּל֙ הַמַּצֹּ֔ות אֲשֶׁ֖ר לִפְנֵ֥י יְהוָֽה׃

wĕkikȧ֨r le֜ẖem ʼaẖa֗ţ waֽẖalȧ֨ţ le֥ẖem şě֛men ʼaẖa֖ţ wĕráqi֣yq ʼeẖá֑d misȧl֙ hamȧẕò̇֔wţ ʼàşě֖r lipĕné֥y yĕhwáֽh׃

24
וְשַׂמְתָּ֣ הַכֹּ֔ל עַ֚ל כַּפֵּ֣י אַהֲרֹ֔ן וְעַ֖ל כַּפֵּ֣י בָנָ֑יו וְהֵנַפְתָּ֥ אֹתָ֛ם תְּנוּפָ֖ה לִפְנֵ֥י יְהוָֽה׃

wĕşâmĕţá֣̇ hakò̇֔l ʻa֚l kȧpé֣̇y ʼahàrò֔n wĕʻa֖l kȧpé֣̇y báná֑yw wĕhénapĕţá֥̇ ʼòţá֛m ţĕ̇nẇpá֖h lipĕné֥y yĕhwáֽh׃

25
וְלָקַחְתָּ֤ אֹתָם֙ מִיָּדָ֔ם וְהִקְטַרְתָּ֥ הַמִּזְבֵּ֖חָה עַל־הָעֹלָ֑ה לְרֵ֤יחַ נִיחֹ֨וחַ֙ לִפְנֵ֣י יְהוָ֔ה אִשֶּׁ֥ה ה֖וּא לַיהוָֽה׃

wĕláqaẖĕţá֤̇ ʼòţám֙ miyá̇dá֔m wĕhiqĕtarĕţá֥̇ hami̇zĕbé֖̇ẖáh ʻal־háʻòlá֑h lĕré֤yẖa niyẖò֨wẖa֙ lipĕné֣y yĕhwá֔h ʼişė֥̌h h֖ẇʼ layhwáֽh׃

26
וְלָקַחְתָּ֣ אֶת־הֶֽחָזֶ֗ה מֵאֵ֤יל הַמִּלֻּאִים֙ אֲשֶׁ֣ר לְאַהֲרֹ֔ן וְהֵנַפְתָּ֥ אֹתֹ֛ו תְּנוּפָ֖ה לִפְנֵ֣י יְהוָ֑ה וְהָיָ֥ה לְךָ֖ לְמָנָֽה׃

wĕláqaẖĕţá֣̇ ʼeţ־heֽẖáze֗h méʼé֤yl hami̇lu̇ʼiym֙ ʼàşě֣r lĕʼahàrò֔n wĕhénapĕţá֥̇ ʼòţò֛w ţĕ̇nẇpá֖h lipĕné֣y yĕhwá֑h wĕháyá֥h lĕká֖ lĕmánáֽh׃

27
וְקִדַּשְׁתָּ֞ אֵ֣ת׀ חֲזֵ֣ה הַתְּנוּפָ֗ה וְאֵת֙ שֹׁ֣וק הַתְּרוּמָ֔ה אֲשֶׁ֥ר הוּנַ֖ף וַאֲשֶׁ֣ר הוּרָ֑ם מֵאֵיל֙ הַמִּלֻּאִ֔ים מֵאֲשֶׁ֥ר לְאַהֲרֹ֖ן וּמֵאֲשֶׁ֥ר לְבָנָֽיו׃

wĕqidȧşĕ̌ţá̇֞ ʼé֣ţ׀ ẖàzé֣h haţĕ̇nẇpá֗h wĕʼéţ֙ şò֣̌wq haţĕ̇rẇmá֔h ʼàşě֥r hẇna֖p waʼàşě֣r hẇrá֑m méʼéyl֙ hami̇lu̇ʼi֔ym méʼàşě֥r lĕʼahàrò֖n ẇméʼàşě֥r lĕbánáֽyw׃

28
וְהָיָה֩ לְאַהֲרֹ֨ן וּלְבָנָ֜יו לְחָק־עֹולָ֗ם מֵאֵת֙ בְּנֵ֣י יִשְׂרָאֵ֔ל כִּ֥י תְרוּמָ֖ה ה֑וּא וּתְרוּמָ֞ה יִהְיֶ֨ה מֵאֵ֤ת בְּנֵֽי־יִשְׂרָאֵל֙ מִזִּבְחֵ֣י שַׁלְמֵיהֶ֔ם תְּרוּמָתָ֖ם לַיהוָֽה׃

wĕháyáh֩ lĕʼahàrò֨n ẇlĕbáná֜yw lĕẖáq־ʻòwlá֗m méʼéţ֙ bĕ̇né֣y yişĕ̂ráʼé֔l ki֥̇y ţĕrẇmá֖h h֑ẇʼ ẇţĕrẇmá֞h yihĕye֨h méʼé֤ţ bĕ̇néֽy־yişĕ̂ráʼél֙ mizi̇bĕẖé֣y şǎlĕméyhe֔m ţĕ̇rẇmáţá֖m layhwáֽh׃

29
וּבִגְדֵ֤י הַקֹּ֨דֶשׁ֙ אֲשֶׁ֣ר לְאַהֲרֹ֔ן יִהְי֥וּ לְבָנָ֖יו אַחֲרָ֑יו לְמָשְׁחָ֣ה בָהֶ֔ם וּלְמַלֵּא־בָ֖ם אֶת־יָדָֽם׃

ẇbigĕdé֤y haqò̇֨deş̌֙ ʼàşě֣r lĕʼahàrò֔n yihĕy֥ẇ lĕbáná֖yw ʼaẖàrá֑yw lĕmáşĕ̌ẖá֣h báhe֔m ẇlĕmalé̇ʼ־bá֖m ʼeţ־yádáֽm׃

30
שִׁבְעַ֣ת יָמִ֗ים יִלְבָּשָׁ֧ם הַכֹּהֵ֛ן תַּחְתָּ֖יו מִבָּנָ֑יו אֲשֶׁ֥ר יָבֹ֛א אֶל־אֹ֥הֶל מֹועֵ֖ד לְשָׁרֵ֥ת בַּקֹּֽדֶשׁ׃

şǐbĕʻa֣ţ yámi֗ym yilĕbá̇şá֧̌m hakò̇hé֛n ţȧẖĕţá֖̇yw mibá̇ná֑yw ʼàşě֥r yábò֛ʼ ʼel־ʼò֥hel mòwʻé֖d lĕşá̌ré֥ţ bȧqòֽ̇deş̌׃

31
וְאֵ֛ת אֵ֥יל הַמִּלֻּאִ֖ים תִּקָּ֑ח וּבִשַּׁלְתָּ֥ אֶת־בְּשָׂרֹ֖ו בְּמָקֹ֥ם קָדֹֽשׁ׃

wĕʼé֛ţ ʼé֥yl hami̇lu̇ʼi֖ym ţi̇qá֑̇ẖ ẇbişȧ̌lĕţá֥̇ ʼeţ־bĕ̇şá̂rò֖w bĕ̇máqò֥m qádòֽş̌׃

32
וְאָכַ֨ל אַהֲרֹ֤ן וּבָנָיו֙ אֶת־בְּשַׂ֣ר הָאַ֔יִל וְאֶת־הַלֶּ֖חֶם אֲשֶׁ֣ר בַּסָּ֑ל פֶּ֖תַח אֹ֥הֶל מֹועֵֽד׃

wĕʼáka֨l ʼahàrò֤n ẇbánáyw֙ ʼeţ־bĕ̇şâ֣r háʼa֔yil wĕʼeţ־halė֖ẖem ʼàşě֣r bȧsá֑̇l pė֖ţaẖ ʼò֥hel mòwʻéֽd׃

33
וְאָכְל֤וּ אֹתָם֙ אֲשֶׁ֣ר כֻּפַּ֣ר בָּהֶ֔ם לְמַלֵּ֥א אֶת־יָדָ֖ם לְקַדֵּ֣שׁ אֹתָ֑ם וְזָ֥ר לֹא־יֹאכַ֖ל כִּי־קֹ֥דֶשׁ הֵֽם׃

wĕʼákĕl֤ẇ ʼòţám֙ ʼàşě֣r ku̇pȧ֣r bá̇he֔m lĕmalé֥̇ʼ ʼeţ־yádá֖m lĕqadé֣̇ş̌ ʼòţá֑m wĕzá֥r lòʼ־yòʼka֖l ki̇y־qò֥deş̌ héֽm׃

34
וְֽאִם־יִוָּתֵ֞ר מִבְּשַׂ֧ר הַמִּלֻּאִ֛ים וּמִן־הַלֶּ֖חֶם עַד־הַבֹּ֑קֶר וְשָׂרַפְתָּ֤ אֶת־הַנֹּותָר֙ בָּאֵ֔שׁ לֹ֥א יֵאָכֵ֖ל כִּי־קֹ֥דֶשׁ הֽוּא׃

wĕֽʼim־yiwá̇ţé֞r mibĕ̇şâ֧r hami̇lu̇ʼi֛ym ẇmin־halė֖ẖem ʻad־habò֑̇qer wĕşá̂rapĕţá֤̇ ʼeţ־hanò̇wţár֙ bá̇ʼé֔ş̌ lò֥ʼ yéʼáké֖l ki̇y־qò֥deş̌ hֽẇʼ׃

35
וְעָשִׂ֜יתָ לְאַהֲרֹ֤ן וּלְבָנָיו֙ כָּ֔כָה כְּכֹ֥ל אֲשֶׁר־צִוִּ֖יתִי אֹתָ֑כָה שִׁבְעַ֥ת יָמִ֖ים תְּמַלֵּ֥א יָדָֽם׃

wĕʻáşî֜yţá lĕʼahàrò֤n ẇlĕbánáyw֙ ká̇֔káh kĕ̇kò֥l ʼàşěr־ẕiwi֖̇yţiy ʼòţá֑káh şǐbĕʻa֥ţ yámi֖ym ţĕ̇malé֥̇ʼ yádáֽm׃

36
וּפַ֨ר חַטָּ֜את תַּעֲשֶׂ֤ה לַיֹּום֙ עַל־הַכִּפֻּרִ֔ים וְחִטֵּאתָ֙ עַל־הַמִּזְבֵּ֔חַ בְּכַפֶּרְךָ֖ עָלָ֑יו וּמָֽשַׁחְתָּ֥ אֹתֹ֖ו לְקַדְּשֹֽׁו׃

ẇpa֨r ẖatá̇֜ʼţ ţȧʻàşê֤h layò̇wm֙ ʻal־haki̇pu̇ri֔ym wĕẖité̇ʼţá֙ ʻal־hami̇zĕbé̇֔ẖa bĕ̇kapėrĕká֖ ʻálá֑yw ẇmáֽşǎẖĕţá֥̇ ʼòţò֖w lĕqadĕ̇şòֽ̌w׃

37
שִׁבְעַ֣ת יָמִ֗ים תְּכַפֵּר֙ עַל־הַמִּזְבֵּ֔חַ וְקִדַּשְׁתָּ֖ אֹתֹ֑ו וְהָיָ֤ה הַמִּזְבֵּ֨חַ֙ קֹ֣דֶשׁ קָֽדָשִׁ֔ים כָּל־הַנֹּגֵ֥עַ בַּמִּזְבֵּ֖חַ יִקְדָּֽשׁ׃ ס

şǐbĕʻa֣ţ yámi֗ym ţĕ̇kapé̇r֙ ʻal־hami̇zĕbé̇֔ẖa wĕqidȧşĕ̌ţá֖̇ ʼòţò֑w wĕháyá֤h hami̇zĕbé̇֨ẖa֙ qò֣deş̌ qáֽdáşǐ֔ym ká̇l־hanò̇gé֥ʻa bȧmi̇zĕbé֖̇ẖa yiqĕdáֽ̇ş̌׃ s

38
וְזֶ֕ה אֲשֶׁ֥ר תַּעֲשֶׂ֖ה עַל־הַמִּזְבֵּ֑חַ כְּבָשִׂ֧ים בְּנֵֽי־שָׁנָ֛ה שְׁנַ֥יִם לַיֹּ֖ום תָּמִֽיד׃

wĕze֕h ʼàşě֥r ţȧʻàşê֖h ʻal־hami̇zĕbé֑̇ẖa kĕ̇báşî֧ym bĕ̇néֽy־şá̌ná֛h şĕ̌na֥yim layò֖̇wm ţá̇miֽyd׃

39
אֶת־הַכֶּ֥בֶשׂ הָאֶחָ֖ד תַּעֲשֶׂ֣ה בַבֹּ֑קֶר וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖ה בֵּ֥ין הָעַרְבָּֽיִם׃

ʼeţ־hakė֥beş̂ háʼeẖá֖d ţȧʻàşê֣h babò֑̇qer wĕʼéţ֙ hakė֣beş̂ haşé̇̌ni֔y ţȧʻàşê֖h bé֥̇yn háʻarĕbáֽ̇yim׃

40
וְעִשָּׂרֹ֨ן סֹ֜לֶת בָּל֨וּל בְּשֶׁ֤מֶן כָּתִית֙ רֶ֣בַע הַהִ֔ין וְנֵ֕סֶךְ רְבִעִ֥ית הַהִ֖ין יָ֑יִן לַכֶּ֖בֶשׂ הָאֶחָֽד׃

wĕʻişá̇̂rò֨n sò֜leţ bá̇l֨ẇl bĕ̇şě֤men ká̇ţiyţ֙ re֣baʻ hahi֔yn wĕné֕sekĕ rĕbiʻi֥yţ hahi֖yn yá֑yin lakė֖beş̂ háʼeẖáֽd׃

41
וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖ה בֵּ֣ין הָעַרְבָּ֑יִם כְּמִנְחַ֨ת הַבֹּ֤קֶר וּכְנִסְכָּהּ֙ תַּֽעֲשֶׂה־לָּ֔הּ לְרֵ֣יחַ נִיחֹ֔חַ אִשֶּׁ֖ה לַיהוָֽה׃

wĕʼéţ֙ hakė֣beş̂ haşé̇̌ni֔y ţȧʻàşê֖h bé֣̇yn háʻarĕbá֑̇yim kĕ̇minĕẖa֨ţ habò֤̇qer ẇkĕnisĕká̇ḣ֙ ţȧֽʻàşêh־lá̇֔ḣ lĕré֣yẖa niyẖò֔ẖa ʼişė֖̌h layhwáֽh׃

42
עֹלַ֤ת תָּמִיד֙ לְדֹרֹ֣תֵיכֶ֔ם פֶּ֥תַח אֹֽהֶל־מֹועֵ֖ד לִפְנֵ֣י יְהוָ֑ה אֲשֶׁ֨ר אִוָּעֵ֤ד לָכֶם֙ שָׁ֔מָּה לְדַבֵּ֥ר אֵלֶ֖יךָ שָֽׁם׃

ʻòla֤ţ ţá̇miyd֙ lĕdòrò֣ţéyke֔m pė֥ţaẖ ʼòֽhel־mòwʻé֖d lipĕné֣y yĕhwá֑h ʼàşě֨r ʼiwá̇ʻé֤d lákem֙ şá̌֔má̇h lĕdabé֥̇r ʼéle֖yká şáֽ̌m׃

43
וְנֹעַדְתִּ֥י שָׁ֖מָּה לִבְנֵ֣י יִשְׂרָאֵ֑ל וְנִקְדַּ֖שׁ בִּכְבֹדִֽי׃

wĕnòʻadĕţi֥̇y şá֖̌má̇h libĕné֣y yişĕ̂ráʼé֑l wĕniqĕdȧ֖ş̌ bi̇kĕbòdiֽy׃

44
וְקִדַּשְׁתִּ֛י אֶת־אֹ֥הֶל מֹועֵ֖ד וְאֶת־הַמִּזְבֵּ֑חַ וְאֶת־אַהֲרֹ֧ן וְאֶת־בָּנָ֛יו אֲקַדֵּ֖שׁ לְכַהֵ֥ן לִֽי׃

wĕqidȧşĕ̌ţi֛̇y ʼeţ־ʼò֥hel mòwʻé֖d wĕʼeţ־hami̇zĕbé֑̇ẖa wĕʼeţ־ʼahàrò֧n wĕʼeţ־bá̇ná֛yw ʼàqadé֖̇ş̌ lĕkahé֥n liֽy׃

45
וְשָׁ֣כַנְתִּ֔י בְּתֹ֖וךְ בְּנֵ֣י יִשְׂרָאֵ֑ל וְהָיִ֥יתִי לָהֶ֖ם לֵאלֹהִֽים׃

wĕşá֣̌kanĕţi̇֔y bĕ̇ţò֖wkĕ bĕ̇né֣y yişĕ̂ráʼé֑l wĕháyi֥yţiy láhe֖m léʼlòhiֽym׃

46
וְיָדְע֗וּ כִּ֣י אֲנִ֤י יְהוָה֙ אֱלֹ֣הֵיהֶ֔ם אֲשֶׁ֨ר הֹוצֵ֧אתִי אֹתָ֛ם מֵאֶ֥רֶץ מִצְרַ֖יִם לְשָׁכְנִ֣י בְתֹוכָ֑ם אֲנִ֖י יְהוָ֥ה אֱלֹהֵיהֶֽם׃ פ

wĕyádĕʻ֗ẇ ki֣̇y ʼàni֤y yĕhwáh֙ ʼèlò֣héyhe֔m ʼàşě֨r hòwẕé֧ʼţiy ʼòţá֛m méʼe֥reẕ miẕĕra֖yim lĕşá̌kĕni֣y bĕţòwká֑m ʼàni֖y yĕhwá֥h ʼèlòhéyheֽm׃ p