Bibles in ancient languages
Old translations
Modern translations

Biblia Hebraica Stuttgartensia Exode 34:30

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּ֤אמֶר יְהוָה֙ אֶל־מֹשֶׁ֔ה פְּסָל־לְךָ֛ שְׁנֵֽי־לֻחֹ֥ת אֲבָנִ֖ים כָּרִאשֹׁנִ֑ים וְכָתַבְתִּי֙ עַל־הַלֻּחֹ֔ת אֶת־הַדְּבָרִ֔ים אֲשֶׁ֥ר הָי֛וּ עַל־הַלֻּחֹ֥ת הָרִאשֹׁנִ֖ים אֲשֶׁ֥ר שִׁבַּֽרְתָּ׃

wayò֤̇ʼmer yĕhwáh֙ ʼel־mòşě֔h pĕ̇sál־lĕká֛ şĕ̌néֽy־luẖò֥ţ ʼàbáni֖ym ká̇riʼşò̌ni֑ym wĕkáţabĕţi̇y֙ ʻal־halu̇ẖò֔ţ ʼeţ־hadĕ̇bári֔ym ʼàşě֥r háy֛ẇ ʻal־halu̇ẖò֥ţ háriʼşò̌ni֖ym ʼàşě֥r şǐbȧֽrĕţá̇׃

2
וֶהְיֵ֥ה נָכֹ֖ון לַבֹּ֑קֶר וְעָלִ֤יתָ בַבֹּ֨קֶר֙ אֶל־הַ֣ר סִינַ֔י וְנִצַּבְתָּ֥ לִ֛י שָׁ֖ם עַל־רֹ֥אשׁ הָהָֽר׃

wehĕyé֥h nákò֖wn labò֑̇qer wĕʻáli֤yţá babò̇֨qer֙ ʼel־ha֣r siyna֔y wĕniẕȧbĕţá֥̇ li֛y şá֖̌m ʻal־rò֥ʼş̌ háháֽr׃

3
וְאִישׁ֙ לֹֽא־יַעֲלֶ֣ה עִמָּ֔ךְ וְגַם־אִ֥ישׁ אַל־יֵרָ֖א בְּכָל־הָהָ֑ר גַּם־הַצֹּ֤אן וְהַבָּקָר֙ אַל־יִרְע֔וּ אֶל־מ֖וּל הָהָ֥ר הַהֽוּא׃

wĕʼiyş̌֙ lòֽʼ־yaʻàle֣h ʻimá̇֔kĕ wĕgam־ʼi֥yş̌ ʼal־yérá֖ʼ bĕ̇kál־háhá֑r gȧm־haẕò֤̇ʼn wĕhabá̇qár֙ ʼal־yirĕʻ֔ẇ ʼel־m֖ẇl háhá֥r hahֽẇʼ׃

4
וַיִּפְסֹ֡ל שְׁנֵֽי־לֻחֹ֨ת אֲבָנִ֜ים כָּרִאשֹׁנִ֗ים וַיַּשְׁכֵּ֨ם מֹשֶׁ֤ה בַבֹּ֨קֶר֙ וַיַּ֨עַל֙ אֶל־הַ֣ר סִינַ֔י כַּאֲשֶׁ֛ר צִוָּ֥ה יְהוָ֖ה אֹתֹ֑ו וַיִּקַּ֣ח בְּיָדֹ֔ו שְׁנֵ֖י לֻחֹ֥ת אֲבָנִֽים׃

wayi̇pĕsò֡l şĕ̌néֽy־luẖò֨ţ ʼàbáni֜ym ká̇riʼşò̌ni֗ym wayȧşĕ̌ké̇֨m mòşě֤h babò̇֨qer֙ wayȧ֨ʻal֙ ʼel־ha֣r siyna֔y kȧʼàşě֛r ẕiwá֥̇h yĕhwá֖h ʼòţò֑w wayi̇qȧ֣ẖ bĕ̇yádò֔w şĕ̌né֖y luẖò֥ţ ʼàbániֽym׃

5
וַיֵּ֤רֶד יְהוָה֙ בֶּֽעָנָ֔ן וַיִּתְיַצֵּ֥ב עִמֹּ֖ו שָׁ֑ם וַיִּקְרָ֥א בְשֵׁ֖ם יְהוָֽה׃

wayé֤̇red yĕhwáh֙ bėֽʻáná֔n wayi̇ţĕyaẕé֥̇b ʻimò֖̇w şá֑̌m wayi̇qĕrá֥ʼ bĕşé֖̌m yĕhwáֽh׃

6
וַיַּעֲבֹ֨ר יְהוָ֥ה׀ עַל־פָּנָיו֮ וַיִּקְרָא֒ יְהוָ֣ה׀ יְהוָ֔ה אֵ֥ל רַח֖וּם וְחַנּ֑וּן אֶ֥רֶךְ אַפַּ֖יִם וְרַב־חֶ֥סֶד וֶאֱמֶֽת׃

wayȧʻàbò֨r yĕhwá֥h׀ ʻal־pá̇náyw֮ wayi̇qĕráʼ֒ yĕhwá֣h׀ yĕhwá֔h ʼé֥l raẖ֖ẇm wĕẖaṅ֑ẇn ʼe֥rekĕ ʼapȧ֖yim wĕrab־ẖe֥sed weʼèmeֽţ׃

7
נֹצֵ֥ר חֶ֨סֶד֙ לָאֲלָפִ֔ים נֹשֵׂ֥א עָוֹ֛ן וָפֶ֖שַׁע וְחַטָּאָ֑ה וְנַקֵּה֙ לֹ֣א יְנַקֶּ֔ה פֹּקֵ֣ד׀ עֲוֹ֣ן אָבֹ֗ות עַל־בָּנִים֙ וְעַל־בְּנֵ֣י בָנִ֔ים עַל־שִׁלֵּשִׁ֖ים וְעַל־רִבֵּעִֽים׃

nòẕé֥r ẖe֨sed֙ láʼàlápi֔ym nòşé֥̂ʼ ʻáwò֛n wápe֖şǎʻ wĕẖatá̇ʼá֑h wĕnaqé̇h֙ lò֣ʼ yĕnaqė֔h pò̇qé֣d׀ ʻàwò֣n ʼábò֗wţ ʻal־bá̇niym֙ wĕʻal־bĕ̇né֣y báni֔ym ʻal־şǐlé̇şǐ֖ym wĕʻal־ribé̇ʻiֽym׃

8
וַיְמַהֵ֖ר מֹשֶׁ֑ה וַיִּקֹּ֥ד אַ֖רְצָה וַיִּשְׁתָּֽחוּ׃

wayĕmahé֖r mòşě֑h wayi̇qò֥̇d ʼa֖rĕẕáh wayi̇şĕ̌ţáֽ̇ẖẇ׃

9
וַיֹּ֡אמֶר אִם־נָא֩ מָצָ֨אתִי חֵ֤ן בְּעֵינֶ֨יךָ֙ אֲדֹנָ֔י יֵֽלֶךְ־נָ֥א אֲדֹנָ֖י בְּקִרְבֵּ֑נוּ כִּ֤י עַם־קְשֵׁה־עֹ֨רֶף֙ ה֔וּא וְסָלַחְתָּ֛ לַעֲוֹנֵ֥נוּ וּלְחַטָּאתֵ֖נוּ וּנְחַלְתָּֽנוּ׃

wayò̇֡ʼmer ʼim־náʼ֩ máẕá֨ʼţiy ẖé֤n bĕ̇ʻéyne֨yká֙ ʼàdòná֔y yéֽlekĕ־ná֥ʼ ʼàdòná֖y bĕ̇qirĕbé֑̇nẇ ki֤̇y ʻam־qĕşé̌h־ʻò֨rep֙ h֔ẇʼ wĕsálaẖĕţá֛̇ laʻàwòné֥nẇ ẇlĕẖatá̇ʼţé֖nẇ ẇnĕẖalĕţáֽ̇nẇ׃

10
וַיֹּ֗אמֶר הִנֵּ֣ה אָנֹכִי֮ כֹּרֵ֣ת בְּרִית֒ נֶ֤גֶד כָּֽל־עַמְּךָ֙ אֶעֱשֶׂ֣ה נִפְלָאֹ֔ת אֲשֶׁ֛ר לֹֽא־נִבְרְא֥וּ בְכָל־הָאָ֖רֶץ וּבְכָל־הַגֹּויִ֑ם וְרָאָ֣ה כָל־הָ֠עָם אֲשֶׁר־אַתָּ֨ה בְקִרְבֹּ֜ו אֶת־מַעֲשֵׂ֤ה יְהוָה֙ כִּֽי־נֹורָ֣א ה֔וּא אֲשֶׁ֥ר אֲנִ֖י עֹשֶׂ֥ה עִמָּֽךְ׃

wayò̇֗ʼmer hiné֣̇h ʼánòkiy֮ kò̇ré֣ţ bĕ̇riyţ֒ ne֤ged káֽ̇l־ʻamĕ̇ká֙ ʼeʻèşê֣h nipĕláʼò֔ţ ʼàşě֛r lòֽʼ־nibĕrĕʼ֥ẇ bĕkál־háʼá֖reẕ ẇbĕkál־hagò̇wyi֑m wĕráʼá֣h kál־há֠ʻám ʼàşěr־ʼaţá̇֨h bĕqirĕbò̇֜w ʼeţ־maʻàşé֤̂h yĕhwáh֙ kiֽ̇y־nòwrá֣ʼ h֔ẇʼ ʼàşě֥r ʼàni֖y ʻòşê֥h ʻimáֽ̇kĕ׃

11
שְׁמָ֨ר־לְךָ֔ אֵ֛ת אֲשֶׁ֥ר אָנֹכִ֖י מְצַוְּךָ֣ הַיֹּ֑ום הִנְנִ֧י גֹרֵ֣שׁ מִפָּנֶ֗יךָ אֶת־הָאֱמֹרִי֙ וְהַֽכְּנַעֲנִ֔י וְהַחִתִּי֙ וְהַפְּרִזִּ֔י וְהַחִוִּ֖י וְהַיְבוּסִֽי׃

şĕ̌má֨r־lĕká֔ ʼé֛ţ ʼàşě֥r ʼánòki֖y mĕẕawĕ̇ká֣ hayò֑̇wm hinĕni֧y gòré֣ş̌ mipá̇ne֗yká ʼeţ־háʼèmòriy֙ wĕhaֽkĕ̇naʻàni֔y wĕhaẖiţi̇y֙ wĕhapĕ̇rizi̇֔y wĕhaẖiwi֖̇y wĕhayĕbẇsiֽy׃

12
הִשָּׁ֣מֶר לְךָ֗ פֶּן־תִּכְרֹ֤ת בְּרִית֙ לְיֹושֵׁ֣ב הָאָ֔רֶץ אֲשֶׁ֥ר אַתָּ֖ה בָּ֣א עָלֶ֑יהָ פֶּן־יִהְיֶ֥ה לְמֹוקֵ֖שׁ בְּקִרְבֶּֽךָ׃

hişá֣̇̌mer lĕká֗ pėn־ţi̇kĕrò֤ţ bĕ̇riyţ֙ lĕyòwşé֣̌b háʼá֔reẕ ʼàşě֥r ʼaţá֖̇h bá֣̇ʼ ʻále֑yhá pėn־yihĕye֥h lĕmòwqé֖ş̌ bĕ̇qirĕbėֽká׃

13
כִּ֤י אֶת־מִזְבְּחֹתָם֙ תִּתֹּצ֔וּן וְאֶת־מַצֵּבֹתָ֖ם תְּשַׁבֵּר֑וּן וְאֶת־אֲשֵׁרָ֖יו תִּכְרֹתֽוּן׃

ki֤̇y ʼeţ־mizĕbĕ̇ẖòţám֙ ţi̇ţò̇ẕ֔ẇn wĕʼeţ־maẕé̇bòţá֖m ţĕ̇şǎbé̇r֑ẇn wĕʼeţ־ʼàşé̌rá֖yw ţi̇kĕròţֽẇn׃

14
כִּ֛י לֹ֥א תִֽשְׁתַּחֲוֶ֖ה לְאֵ֣ל אַחֵ֑ר כִּ֤י יְהוָה֙ קַנָּ֣א שְׁמֹ֔ו אֵ֥ל קַנָּ֖א הֽוּא׃

ki֛̇y lò֥ʼ ţiֽşĕ̌ţȧẖàwe֖h lĕʼé֣l ʼaẖé֑r ki֤̇y yĕhwáh֙ qaná֣̇ʼ şĕ̌mò֔w ʼé֥l qaná֖̇ʼ hֽẇʼ׃

15
פֶּן־תִּכְרֹ֥ת בְּרִ֖ית לְיֹושֵׁ֣ב הָאָ֑רֶץ וְזָנ֣וּ׀ אַחֲרֵ֣י אֱלֹֽהֵיהֶ֗ם וְזָבְחוּ֙ לֵאלֹ֣הֵיהֶ֔ם וְקָרָ֣א לְךָ֔ וְאָכַלְתָּ֖ מִזִּבְחֹֽו׃

pėn־ţi̇kĕrò֥ţ bĕ̇ri֖yţ lĕyòwşé֣̌b háʼá֑reẕ wĕzán֣ẇ׀ ʼaẖàré֣y ʼèlòֽhéyhe֗m wĕzábĕẖẇ֙ léʼlò֣héyhe֔m wĕqárá֣ʼ lĕká֔ wĕʼákalĕţá֖̇ mizi̇bĕẖòֽw׃

16
וְלָקַחְתָּ֥ מִבְּנֹתָ֖יו לְבָנֶ֑יךָ וְזָנ֣וּ בְנֹתָ֗יו אַחֲרֵי֙ אֱלֹ֣הֵיהֶ֔ן וְהִזְנוּ֙ אֶת־בָּנֶ֔יךָ אַחֲרֵ֖י אֱלֹהֵיהֶֽן׃

wĕláqaẖĕţá֥̇ mibĕ̇nòţá֖yw lĕbáne֑yká wĕzán֣ẇ bĕnòţá֗yw ʼaẖàréy֙ ʼèlò֣héyhe֔n wĕhizĕnẇ֙ ʼeţ־bá̇ne֔yká ʼaẖàré֖y ʼèlòhéyheֽn׃

17
אֱלֹהֵ֥י מַסֵּכָ֖ה לֹ֥א תַעֲשֶׂה־לָּֽךְ׃

ʼèlòhé֥y masé̇ká֖h lò֥ʼ ţaʻàşêh־láֽ̇kĕ׃

18
אֶת־חַ֣ג הַמַּצֹּות֮ תִּשְׁמֹר֒ שִׁבְעַ֨ת יָמִ֜ים תֹּאכַ֤ל מַצֹּות֙ אֲשֶׁ֣ר צִוִּיתִ֔ךָ לְמֹועֵ֖ד חֹ֣דֶשׁ הָאָבִ֑יב כִּ֚י בְּחֹ֣דֶשׁ הָֽאָבִ֔יב יָצָ֖אתָ מִמִּצְרָֽיִם׃

ʼeţ־ẖa֣g hamȧẕò̇wţ֮ ţi̇şĕ̌mòr֒ şǐbĕʻa֨ţ yámi֜ym ţò̇ʼka֤l maẕò̇wţ֙ ʼàşě֣r ẕiwi̇yţi֔ká lĕmòwʻé֖d ẖò֣deş̌ háʼábi֑yb ki֚̇y bĕ̇ẖò֣deş̌ háֽʼábi֔yb yáẕá֖ʼţá mimi̇ẕĕráֽyim׃

19
כָּל־פֶּ֥טֶר רֶ֖חֶם לִ֑י וְכָֽל־מִקְנְךָ֙ תִּזָּכָ֔ר פֶּ֖טֶר שֹׁ֥ור וָשֶֽׂה׃

ká̇l־pė֥ter re֖ẖem li֑y wĕkáֽl־miqĕnĕká֙ ţi̇zá̇ká֔r pė֖ter şò֥̌wr wáşêֽh׃

20
וּפֶ֤טֶר חֲמֹור֙ תִּפְדֶּ֣ה בְשֶׂ֔ה וְאִם־לֹ֥א תִפְדֶּ֖ה וַעֲרַפְתֹּ֑ו כֹּ֣ל בְּכֹ֤ור בָּנֶ֨יךָ֙ תִּפְדֶּ֔ה וְלֹֽא־יֵרָא֥וּ פָנַ֖י רֵיקָֽם׃

ẇpe֤ter ẖàmòwr֙ ţi̇pĕdė֣h bĕşê֔h wĕʼim־lò֥ʼ ţipĕdė֖h waʻàrapĕţò֑̇w kò֣̇l bĕ̇kò֤wr bá̇ne֨yká֙ ţi̇pĕdė֔h wĕlòֽʼ־yéráʼ֥ẇ pána֖y réyqáֽm׃

21
שֵׁ֤שֶׁת יָמִים֙ תַּעֲבֹ֔ד וּבַיֹּ֥ום הַשְּׁבִיעִ֖י תִּשְׁבֹּ֑ת בֶּחָרִ֥ישׁ וּבַקָּצִ֖יר תִּשְׁבֹּֽת׃

şé֤̌şěţ yámiym֙ ţȧʻàbò֔d ẇbayò֥̇wm haşĕ̇̌biyʻi֖y ţi̇şĕ̌bò֑̇ţ bėẖári֥yş̌ ẇbaqá̇ẕi֖yr ţi̇şĕ̌bòֽ̇ţ׃

22
וְחַ֤ג שָׁבֻעֹת֙ תַּעֲשֶׂ֣ה לְךָ֔ בִּכּוּרֵ֖י קְצִ֣יר חִטִּ֑ים וְחַג֙ הָֽאָסִ֔יף תְּקוּפַ֖ת הַשָּׁנָֽה׃

wĕẖa֤g şá̌buʻòţ֙ ţȧʻàşê֣h lĕká֔ bi̇k̇ẇré֖y qĕẕi֣yr ẖiti֑̇ym wĕẖag֙ háֽʼási֔yp ţĕ̇qẇpa֖ţ haşá̇̌náֽh׃

23
שָׁלֹ֥שׁ פְּעָמִ֖ים בַּשָּׁנָ֑ה יֵרָאֶה֙ כָּל־זְכ֣וּרְךָ֔ אֶת־פְּנֵ֛י הָֽאָדֹ֥ן׀ יְהוָ֖ה אֱלֹהֵ֥י יִשְׂרָאֵֽל׃

şá̌lò֥ş̌ pĕ̇ʻámi֖ym bȧşá̇̌ná֑h yéráʼeh֙ ká̇l־zĕk֣ẇrĕká֔ ʼeţ־pĕ̇né֛y háֽʼádò֥n׀ yĕhwá֖h ʼèlòhé֥y yişĕ̂ráʼéֽl׃

24
כִּֽי־אֹורִ֤ישׁ גֹּויִם֙ מִפָּנֶ֔יךָ וְהִרְחַבְתִּ֖י אֶת־גְּבוּלֶ֑ךָ וְלֹא־יַחְמֹ֥ד אִישׁ֙ אֶֽת־אַרְצְךָ֔ בַּעֲלֹֽתְךָ֗ לֵרָאֹות֙ אֶת־פְּנֵי֙ יְהוָ֣ה אֱלֹהֶ֔יךָ שָׁלֹ֥שׁ פְּעָמִ֖ים בַּשָּׁנָֽה׃

kiֽ̇y־ʼòwri֤yş̌ gò̇wyim֙ mipá̇ne֔yká wĕhirĕẖabĕţi֖̇y ʼeţ־gĕ̇bẇle֑ká wĕlòʼ־yaẖĕmò֥d ʼiyş̌֙ ʼeֽţ־ʼarĕẕĕká֔ bȧʻàlòֽţĕká֗ léráʼòwţ֙ ʼeţ־pĕ̇néy֙ yĕhwá֣h ʼèlòhe֔yká şá̌lò֥ş̌ pĕ̇ʻámi֖ym bȧşá̇̌náֽh׃

25
לֹֽא־תִשְׁחַ֥ט עַל־חָמֵ֖ץ דַּם־זִבְחִ֑י וְלֹא־יָלִ֣ין לַבֹּ֔קֶר זֶ֖בַח חַ֥ג הַפָּֽסַח׃

lòֽʼ־ţişĕ̌ẖa֥t ʻal־ẖámé֖ẕ dȧm־zibĕẖi֑y wĕlòʼ־yáli֣yn labò̇֔qer ze֖baẖ ẖa֥g hapáֽ̇saẖ׃

26
רֵאשִׁ֗ית בִּכּוּרֵי֙ אַדְמָ֣תְךָ֔ תָּבִ֕יא בֵּ֖ית יְהוָ֣ה אֱלֹהֶ֑יךָ לֹא־תְבַשֵּׁ֥ל גְּדִ֖י בַּחֲלֵ֥ב אִמֹּֽו׃ פ

réʼşǐ֗yţ bi̇k̇ẇréy֙ ʼadĕmá֣ţĕká֔ ţá̇bi֕yʼ bé֖̇yţ yĕhwá֣h ʼèlòhe֑yká lòʼ־ţĕbaşé֥̇̌l gĕ̇di֖y bȧẖàlé֥b ʼimòֽ̇w׃ p

27
וַיֹּ֤אמֶר יְהוָה֙ אֶל־מֹשֶׁ֔ה כְּתָב־לְךָ֖ אֶת־הַדְּבָרִ֣ים הָאֵ֑לֶּה כִּ֞י עַל־פִּ֣י׀ הַדְּבָרִ֣ים הָאֵ֗לֶּה כָּרַ֧תִּי אִתְּךָ֛ בְּרִ֖ית וְאֶת־יִשְׂרָאֵֽל׃

wayò֤̇ʼmer yĕhwáh֙ ʼel־mòşě֔h kĕ̇ţáb־lĕká֖ ʼeţ־hadĕ̇bári֣ym háʼé֑lėh ki̇֞y ʻal־pi֣̇y׀ hadĕ̇bári֣ym háʼé֗lėh ká̇ra֧ţi̇y ʼiţĕ̇ká֛ bĕ̇ri֖yţ wĕʼeţ־yişĕ̂ráʼéֽl׃

28
וַֽיְהִי־שָׁ֣ם עִם־יְהוָ֗ה אַרְבָּעִ֥ים יֹום֙ וְאַרְבָּעִ֣ים לַ֔יְלָה לֶ֚חֶם לֹ֣א אָכַ֔ל וּמַ֖יִם לֹ֣א שָׁתָ֑ה וַיִּכְתֹּ֣ב עַל־הַלֻּחֹ֗ת אֵ֚ת דִּבְרֵ֣י הַבְּרִ֔ית עֲשֶׂ֖רֶת הַדְּבָרִֽים׃

waֽyĕhiy־şá֣̌m ʻim־yĕhwá֗h ʼarĕbá̇ʻi֥ym yòwm֙ wĕʼarĕbá̇ʻi֣ym la֔yĕláh le֚ẖem lò֣ʼ ʼáka֔l ẇma֖yim lò֣ʼ şá̌ţá֑h wayi̇kĕţò֣̇b ʻal־halu̇ẖò֗ţ ʼé֚ţ di̇bĕré֣y habĕ̇ri֔yţ ʻàşê֖reţ hadĕ̇báriֽym׃

29
וַיְהִ֗י בְּרֶ֤דֶת מֹשֶׁה֙ מֵהַ֣ר סִינַ֔י וּשְׁנֵ֨י לֻחֹ֤ת הָֽעֵדֻת֙ בְּיַד־מֹשֶׁ֔ה בְּרִדְתֹּ֖ו מִן־הָהָ֑ר וּמֹשֶׁ֣ה לֹֽא־יָדַ֗ע כִּ֥י קָרַ֛ן עֹ֥ור פָּנָ֖יו בְּדַבְּרֹ֥ו אִתֹּֽו׃

wayĕhi֗y bĕ̇re֤deţ mòşěh֙ méha֣r siyna֔y ẇşĕ̌né֨y luẖò֤ţ háֽʻéduţ֙ bĕ̇yad־mòşě֔h bĕ̇ridĕţò֖̇w min־háhá֑r ẇmòşě֣h lòֽʼ־yáda֗ʻ ki֥̇y qára֛n ʻò֥wr pá̇ná֖yw bĕ̇dabĕ̇rò֥w ʼiţòֽ̇w׃

30
וַיַּ֨רְא אַהֲרֹ֜ן וְכָל־בְּנֵ֤י יִשְׂרָאֵל֙ אֶת־מֹשֶׁ֔ה וְהִנֵּ֥ה קָרַ֖ן עֹ֣ור פָּנָ֑יו וַיִּֽירְא֖וּ מִגֶּ֥שֶׁת אֵלָֽיו׃

wayȧ֨rĕʼ ʼahàrò֜n wĕkál־bĕ̇né֤y yişĕ̂ráʼél֙ ʼeţ־mòşě֔h wĕhiné֥̇h qára֖n ʻò֣wr pá̇ná֑yw wayiֽ̇yrĕʼ֖ẇ migė֥şěţ ʼéláֽyw׃

31
וַיִּקְרָ֤א אֲלֵהֶם֙ מֹשֶׁ֔ה וַיָּשֻׁ֧בוּ אֵלָ֛יו אַהֲרֹ֥ן וְכָל־הַנְּשִׂאִ֖ים בָּעֵדָ֑ה וַיְדַבֵּ֥ר מֹשֶׁ֖ה אֲלֵהֶֽם׃

wayi̇qĕrá֤ʼ ʼàléhem֙ mòşě֔h wayá̇şǔ֧bẇ ʼélá֛yw ʼahàrò֥n wĕkál־hanĕ̇şîʼi֖ym bá̇ʻédá֑h wayĕdabé֥̇r mòşě֖h ʼàléheֽm׃

32
וְאַחֲרֵי־כֵ֥ן נִגְּשׁ֖וּ כָּל־בְּנֵ֣י יִשְׂרָאֵ֑ל וַיְצַוֵּ֕ם אֵת֩ כָּל־אֲשֶׁ֨ר דִּבֶּ֧ר יְהוָ֛ה אִתֹּ֖ו בְּהַ֥ר סִינָֽי׃

wĕʼaẖàréy־ké֥n nigĕ̇ş֖̌ẇ ká̇l־bĕ̇né֣y yişĕ̂ráʼé֑l wayĕẕawé̇֕m ʼéţ֩ ká̇l־ʼàşě֨r di̇bė֧r yĕhwá֛h ʼiţò֖̇w bĕ̇ha֥r siynáֽy׃

33
וַיְכַ֣ל מֹשֶׁ֔ה מִדַּבֵּ֖ר אִתָּ֑ם וַיִּתֵּ֥ן עַל־פָּנָ֖יו מַסְוֶֽה׃

wayĕka֣l mòşě֔h midȧbé֖̇r ʼiţá֑̇m wayi̇ţé֥̇n ʻal־pá̇ná֖yw masĕweֽh׃

34
וּבְבֹ֨א מֹשֶׁ֜ה לִפְנֵ֤י יְהוָה֙ לְדַבֵּ֣ר אִתֹּ֔ו יָסִ֥יר אֶת־הַמַּסְוֶ֖ה עַד־צֵאתֹ֑ו וְיָצָ֗א וְדִבֶּר֙ אֶל־בְּנֵ֣י יִשְׂרָאֵ֔ל אֵ֖ת אֲשֶׁ֥ר יְצֻוֶּֽה׃

ẇbĕbò֨ʼ mòşě֜h lipĕné֤y yĕhwáh֙ lĕdabé֣̇r ʼiţò̇֔w yási֥yr ʼeţ־hamȧsĕwe֖h ʻad־ẕéʼţò֑w wĕyáẕá֗ʼ wĕdibėr֙ ʼel־bĕ̇né֣y yişĕ̂ráʼé֔l ʼé֖ţ ʼàşě֥r yĕẕuwėֽh׃

35
וְרָא֤וּ בְנֵֽי־יִשְׂרָאֵל֙ אֶת־פְּנֵ֣י מֹשֶׁ֔ה כִּ֣י קָרַ֔ן עֹ֖ור פְּנֵ֣י מֹשֶׁ֑ה וְהֵשִׁ֨יב מֹשֶׁ֤ה אֶת־הַמַּסְוֶה֙ עַל־פָּנָ֔יו עַד־בֹּאֹ֖ו לְדַבֵּ֥ר אִתֹּֽו׃ ס

wĕráʼ֤ẇ bĕnéֽy־yişĕ̂ráʼél֙ ʼeţ־pĕ̇né֣y mòşě֔h ki֣̇y qára֔n ʻò֖wr pĕ̇né֣y mòşě֑h wĕhéşǐ֨yb mòşě֤h ʼeţ־hamȧsĕweh֙ ʻal־pá̇ná֔yw ʻad־bò̇ʼò֖w lĕdabé֥̇r ʼiţòֽ̇w׃ s