Bibles in ancient languages
Old translations
Modern translations

Biblia Hebraica Stuttgartensia Exode 8:9

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּ֣אמֶר יְהוָה֮ אֶל־מֹשֶׁה֒ אֱמֹ֣ר אֶֽל־אַהֲרֹ֗ן נְטֵ֤ה אֶת־יָדְךָ֙ בְּמַטֶּ֔ךָ עַל־הַ֨נְּהָרֹ֔ת עַל־הַיְאֹרִ֖ים וְעַל־הָאֲגַמִּ֑ים וְהַ֥עַל אֶת־הַֽצְפַרְדְּעִ֖ים עַל־אֶ֥רֶץ מִצְרָֽיִם׃

wayò֣̇ʼmer yĕhwáh֮ ʼel־mòşěh֒ ʼèmò֣r ʼeֽl־ʼahàrò֗n nĕté֤h ʼeţ־yádĕká֙ bĕ̇matė֔ká ʻal־ha֨nĕ̇hárò֔ţ ʻal־hayĕʼòri֖ym wĕʻal־háʼàgami֑̇ym wĕha֥ʻal ʼeţ־haֽẕĕparĕdĕ̇ʻi֖ym ʻal־ʼe֥reẕ miẕĕráֽyim׃

2
וַיֵּ֤ט אַהֲרֹן֙ אֶת־יָדֹ֔ו עַ֖ל מֵימֵ֣י מִצְרָ֑יִם וַתַּ֨עַל֙ הַצְּפַרְדֵּ֔עַ וַתְּכַ֖ס אֶת־אֶ֥רֶץ מִצְרָֽיִם׃

wayé֤̇t ʼahàròn֙ ʼeţ־yádò֔w ʻa֖l méymé֣y miẕĕrá֑yim waţȧ֨ʻal֙ haẕĕ̇parĕdé̇֔ʻa waţĕ̇ka֖s ʼeţ־ʼe֥reẕ miẕĕráֽyim׃

3
וַיַּֽעֲשׂוּ־כֵ֥ן הַֽחֲרְטֻמִּ֖ים בְּלָטֵיהֶ֑ם וַיַּעֲל֥וּ אֶת־הַֽצְפַרְדְּעִ֖ים עַל־אֶ֥רֶץ מִצְרָֽיִם׃

wayȧֽʻàş̂ẇ־ké֥n haֽẖàrĕtumi֖̇ym bĕ̇látéyhe֑m wayȧʻàl֥ẇ ʼeţ־haֽẕĕparĕdĕ̇ʻi֖ym ʻal־ʼe֥reẕ miẕĕráֽyim׃

4
וַיִּקְרָ֨א פַרְעֹ֜ה לְמֹשֶׁ֣ה וּֽלְאַהֲרֹ֗ן וַיֹּ֨אמֶר֙ הַעְתִּ֣ירוּ אֶל־יְהוָ֔ה וְיָסֵר֙ הַֽצְפַרְדְּעִ֔ים מִמֶּ֖נִּי וּמֵֽעַמִּ֑י וַאֲשַׁלְּחָה֙ אֶת־הָעָ֔ם וְיִזְבְּח֖וּ לַיהוָֽה׃

wayi̇qĕrá֨ʼ parĕʻò֜h lĕmòşě֣h ẇֽlĕʼahàrò֗n wayò̇֨ʼmer֙ haʻĕţi֣̇yrẇ ʼel־yĕhwá֔h wĕyásér֙ haֽẕĕparĕdĕ̇ʻi֔ym mimė֖ni̇y ẇméֽʻami֑̇y waʼàşǎlĕ̇ẖáh֙ ʼeţ־háʻá֔m wĕyizĕbĕ̇ẖ֖ẇ layhwáֽh׃

5
וַיֹּ֣אמֶר מֹשֶׁ֣ה לְפַרְעֹה֮ הִתְפָּאֵ֣ר עָלַי֒ לְמָתַ֣י׀ אַעְתִּ֣יר לְךָ֗ וְלַעֲבָדֶ֨יךָ֙ וּֽלְעַמְּךָ֔ לְהַכְרִית֙ הַֽצֲפַרְדְּעִ֔ים מִמְּךָ֖ וּמִבָּתֶּ֑יךָ רַ֥ק בַּיְאֹ֖ר תִּשָּׁאַֽרְנָה׃

wayò֣̇ʼmer mòşě֣h lĕparĕʻòh֮ hiţĕpá̇ʼé֣r ʻálay֒ lĕmáţa֣y׀ ʼaʻĕţi֣̇yr lĕká֗ wĕlaʻàbáde֨yká֙ ẇֽlĕʻamĕ̇ká֔ lĕhakĕriyţ֙ haֽẕàparĕdĕ̇ʻi֔ym mimĕ̇ká֖ ẇmibá̇ţė֑yká ra֥q bȧyĕʼò֖r ţi̇şá̇̌ʼaֽrĕnáh׃

6
וַיֹּ֖אמֶר לְמָחָ֑ר וַיֹּ֨אמֶר֙ כִּדְבָ֣רְךָ֔ לְמַ֣עַן תֵּדַ֔ע כִּי־אֵ֖ין כַּיהוָ֥ה אֱלֹהֵֽינוּ׃

wayò֖̇ʼmer lĕmáẖá֑r wayò̇֨ʼmer֙ ki̇dĕbá֣rĕká֔ lĕma֣ʻan ţé̇da֔ʻ ki̇y־ʼé֖yn kȧyhwá֥h ʼèlòhéֽynẇ׃

7
וְסָר֣וּ הַֽצְפַרְדְּעִ֗ים מִמְּךָ֙ וּמִבָּ֣תֶּ֔יךָ וּמֵעֲבָדֶ֖יךָ וּמֵעַמֶּ֑ךָ רַ֥ק בַּיְאֹ֖ר תִּשָּׁאַֽרְנָה׃

wĕsár֣ẇ haֽẕĕparĕdĕ̇ʻi֗ym mimĕ̇ká֙ ẇmibá֣̇ţė֔yká ẇméʻàbáde֖yká ẇméʻamė֑ká ra֥q bȧyĕʼò֖r ţi̇şá̇̌ʼaֽrĕnáh׃

8
וַיֵּצֵ֥א מֹשֶׁ֛ה וְאַהֲרֹ֖ן מֵעִ֣ם פַּרְעֹ֑ה וַיִּצְעַ֤ק מֹשֶׁה֙ אֶל־יְהוָ֔ה עַל־דְּבַ֥ר הַֽצְפַרְדְּעִ֖ים אֲשֶׁר־שָׂ֥ם לְפַרְעֹֽה׃

wayé̇ẕé֥ʼ mòşě֛h wĕʼahàrò֖n méʻi֣m pȧrĕʻò֑h wayi̇ẕĕʻa֤q mòşěh֙ ʼel־yĕhwá֔h ʻal־dĕ̇ba֥r haֽẕĕparĕdĕ̇ʻi֖ym ʼàşěr־şá֥̂m lĕparĕʻòֽh׃

9
וַיַּ֥עַשׂ יְהוָ֖ה כִּדְבַ֣ר מֹשֶׁ֑ה וַיָּמֻ֨תוּ֙ הַֽצְפַרְדְּעִ֔ים מִן־הַבָּתִּ֥ים מִן־הַחֲצֵרֹ֖ת וּמִן־הַשָּׂדֹֽת׃

wayȧ֥ʻaş̂ yĕhwá֖h ki̇dĕba֣r mòşě֑h wayá̇mu֨ţẇ֙ haֽẕĕparĕdĕ̇ʻi֔ym min־habá̇ţi֥̇ym min־haẖàẕérò֖ţ ẇmin־haşá̇̂dòֽţ׃

10
וַיִּצְבְּר֥וּ אֹתָ֖ם חֳמָרִ֣ם חֳמָרִ֑ם וַתִּבְאַ֖שׁ הָאָֽרֶץ׃

wayi̇ẕĕbĕ̇r֥ẇ ʼòţá֖m ẖomári֣m ẖomári֑m waţi̇bĕʼa֖ş̌ háʼáֽreẕ׃

11
וַיַּ֣רְא פַּרְעֹ֗ה כִּ֤י הָֽיְתָה֙ הָֽרְוָחָ֔ה וְהַכְבֵּד֙ אֶת־לִבֹּ֔ו וְלֹ֥א שָׁמַ֖ע אֲלֵהֶ֑ם כַּאֲשֶׁ֖ר דִּבֶּ֥ר יְהוָֽה׃ ס

wayȧ֣rĕʼ pȧrĕʻò֗h ki֤̇y háֽyĕţáh֙ háֽrĕwáẖá֔h wĕhakĕbé̇d֙ ʼeţ־libò̇֔w wĕlò֥ʼ şá̌ma֖ʻ ʼàléhe֑m kȧʼàşě֖r di̇bė֥r yĕhwáֽh׃ s

12
וַיֹּ֣אמֶר יְהוָה֮ אֶל־מֹשֶׁה֒ אֱמֹר֙ אֶֽל־אַהֲרֹ֔ן נְטֵ֣ה אֶֽת־מַטְּךָ֔ וְהַ֖ךְ אֶת־עֲפַ֣ר הָאָ֑רֶץ וְהָיָ֥ה לְכִנִּ֖ם בְּכָל־אֶ֥רֶץ מִצְרָֽיִם׃

wayò֣̇ʼmer yĕhwáh֮ ʼel־mòşěh֒ ʼèmòr֙ ʼeֽl־ʼahàrò֔n nĕté֣h ʼeֽţ־matĕ̇ká֔ wĕha֖kĕ ʼeţ־ʻàpa֣r háʼá֑reẕ wĕháyá֥h lĕkini֖̇m bĕ̇kál־ʼe֥reẕ miẕĕráֽyim׃

13
וַיַּֽעֲשׂוּ־כֵ֗ן וַיֵּט֩ אַהֲרֹ֨ן אֶת־יָדֹ֤ו בְמַטֵּ֨הוּ֙ וַיַּךְ֙ אֶת־עֲפַ֣ר הָאָ֔רֶץ וַתְּהִי֙ הַכִּנָּ֔ם בָּאָדָ֖ם וּבַבְּהֵמָ֑ה כָּל־עֲפַ֥ר הָאָ֛רֶץ הָיָ֥ה כִנִּ֖ים בְּכָל־אֶ֥רֶץ מִצְרָֽיִם׃

wayȧֽʻàş̂ẇ־ké֗n wayé̇t֩ ʼahàrò֨n ʼeţ־yádò֤w bĕmaté̇֨hẇ֙ wayȧkĕ֙ ʼeţ־ʻàpa֣r háʼá֔reẕ waţĕ̇hiy֙ haki̇ná̇֔m bá̇ʼádá֖m ẇbabĕ̇hémá֑h ká̇l־ʻàpa֥r háʼá֛reẕ háyá֥h kini֖̇ym bĕ̇kál־ʼe֥reẕ miẕĕráֽyim׃

14
וַיַּעֲשׂוּ־כֵ֨ן הַחַרְטֻמִּ֧ים בְּלָטֵיהֶ֛ם לְהֹוצִ֥יא אֶת־הַכִּנִּ֖ים וְלֹ֣א יָכֹ֑לוּ וַתְּהִי֙ הַכִּנָּ֔ם בָּאָדָ֖ם וּבַבְּהֵמָֽה׃

wayȧʻàş̂ẇ־ké֨n haẖarĕtumi֧̇ym bĕ̇látéyhe֛m lĕhòwẕi֥yʼ ʼeţ־haki̇ni֖̇ym wĕlò֣ʼ yákò֑lẇ waţĕ̇hiy֙ haki̇ná̇֔m bá̇ʼádá֖m ẇbabĕ̇hémáֽh׃

15
וַיֹּאמְר֤וּ הַֽחַרְטֻמִּים֙ אֶל־פַּרְעֹ֔ה אֶצְבַּ֥ע אֱלֹהִ֖ים הִ֑וא וַיֶּחֱזַ֤ק לֵב־פַּרְעֹה֙ וְלֹֽא־שָׁמַ֣ע אֲלֵהֶ֔ם כַּאֲשֶׁ֖ר דִּבֶּ֥ר יְהוָֽה׃ ס

wayò̇ʼmĕr֤ẇ haֽẖarĕtumi̇ym֙ ʼel־pȧrĕʻò֔h ʼeẕĕbȧ֥ʻ ʼèlòhi֖ym hi֑wʼ wayėẖèza֤q léb־pȧrĕʻòh֙ wĕlòֽʼ־şá̌ma֣ʻ ʼàléhe֔m kȧʼàşě֖r di̇bė֥r yĕhwáֽh׃ s

16
וַיֹּ֨אמֶר יְהוָ֜ה אֶל־מֹשֶׁ֗ה הַשְׁכֵּ֤ם בַּבֹּ֨קֶר֙ וְהִתְיַצֵּב֙ לִפְנֵ֣י פַרְעֹ֔ה הִנֵּ֖ה יֹוצֵ֣א הַמָּ֑יְמָה וְאָמַרְתָּ֣ אֵלָ֗יו כֹּ֚ה אָמַ֣ר יְהוָ֔ה שַׁלַּ֥ח עַמִּ֖י וְיַֽעַבְדֻֽנִי׃

wayò̇֨ʼmer yĕhwá֜h ʼel־mòşě֗h haşĕ̌ké֤̇m bȧbò̇֨qer֙ wĕhiţĕyaẕé̇b֙ lipĕné֣y parĕʻò֔h hiné֖̇h yòwẕé֣ʼ hamá֑̇yĕmáh wĕʼámarĕţá֣̇ ʼélá֗yw kò֚̇h ʼáma֣r yĕhwá֔h şǎlȧ֥ẖ ʻami֖̇y wĕyaֽʻabĕduֽniy׃

17
כִּ֣י אִם־אֵינְךָ֮ מְשַׁלֵּ֣חַ אֶת־עַמִּי֒ הִנְנִי֩ מַשְׁלִ֨יחַ בְּךָ֜ וּבַעֲבָדֶ֧יךָ וּֽבְעַמְּךָ֛ וּבְבָתֶּ֖יךָ אֶת־הֶעָרֹ֑ב וּמָ֨לְא֜וּ בָּתֵּ֤י מִצְרַ֨יִם֙ אֶת־הֶ֣עָרֹ֔ב וְגַ֥ם הָאֲדָמָ֖ה אֲשֶׁר־הֵ֥ם עָלֶֽיהָ׃

ki֣̇y ʼim־ʼéynĕká֮ mĕşǎlé֣̇ẖa ʼeţ־ʻami̇y֒ hinĕniy֩ maşĕ̌li֨yẖa bĕ̇ká֜ ẇbaʻàbáde֧yká ẇֽbĕʻamĕ̇ká֛ ẇbĕbáţė֖yká ʼeţ־heʻárò֑b ẇmá֨lĕʼ֜ẇ bá̇ţé֤̇y miẕĕra֨yim֙ ʼeţ־he֣ʻárò֔b wĕga֥m háʼàdámá֖h ʼàşěr־hé֥m ʻáleֽyhá׃

18
וְהִפְלֵיתִי֩ בַיֹּ֨ום הַה֜וּא אֶת־אֶ֣רֶץ גֹּ֗שֶׁן אֲשֶׁ֤ר עַמִּי֙ עֹמֵ֣ד עָלֶ֔יהָ לְבִלְתִּ֥י הֱיֹֽות־שָׁ֖ם עָרֹ֑ב לְמַ֣עַן תֵּדַ֔ע כִּ֛י אֲנִ֥י יְהוָ֖ה בְּקֶ֥רֶב הָאָֽרֶץ׃

wĕhipĕléyţiy֩ bayò̇֨wm hah֜ẇʼ ʼeţ־ʼe֣reẕ gò̇֗şěn ʼàşě֤r ʻami̇y֙ ʻòmé֣d ʻále֔yhá lĕbilĕţi֥̇y hèyòֽwţ־şá֖̌m ʻárò֑b lĕma֣ʻan ţé̇da֔ʻ ki֛̇y ʼàni֥y yĕhwá֖h bĕ̇qe֥reb háʼáֽreẕ׃

19
וְשַׂמְתִּ֣י פְדֻ֔ת בֵּ֥ין עַמִּ֖י וּבֵ֣ין עַמֶּ֑ךָ לְמָחָ֥ר יִהְיֶ֖ה הָאֹ֥ת הַזֶּֽה׃

wĕşâmĕţi֣̇y pĕdu֔ţ bé֥̇yn ʻami֖̇y ẇbé֣yn ʻamė֑ká lĕmáẖá֥r yihĕye֖h háʼò֥ţ hazėֽh׃

20
וַיַּ֤עַשׂ יְהוָה֙ כֵּ֔ן וַיָּבֹא֙ עָרֹ֣ב כָּבֵ֔ד בֵּ֥יתָה פַרְעֹ֖ה וּבֵ֣ית עֲבָדָ֑יו וּבְכָל־אֶ֧רֶץ מִצְרַ֛יִם תִּשָּׁחֵ֥ת הָאָ֖רֶץ מִפְּנֵ֥י הֶעָרֹֽב׃

wayȧ֤ʻaş̂ yĕhwáh֙ ké̇֔n wayá̇bòʼ֙ ʻárò֣b ká̇bé֔d bé֥̇yţáh parĕʻò֖h ẇbé֣yţ ʻàbádá֑yw ẇbĕkál־ʼe֧reẕ miẕĕra֛yim ţi̇şá̇̌ẖé֥ţ háʼá֖reẕ mipĕ̇né֥y heʻáròֽb׃

21
וַיִּקְרָ֣א פַרְעֹ֔ה אֶל־מֹשֶׁ֖ה וּֽלְאַהֲרֹ֑ן וַיֹּ֗אמֶר לְכ֛וּ זִבְח֥וּ לֵֽאלֹהֵיכֶ֖ם בָּאָֽרֶץ׃

wayi̇qĕrá֣ʼ parĕʻò֔h ʼel־mòşě֖h ẇֽlĕʼahàrò֑n wayò̇֗ʼmer lĕk֛ẇ zibĕẖ֥ẇ léֽʼlòhéyke֖m bá̇ʼáֽreẕ׃

22
וַיֹּ֣אמֶר מֹשֶׁ֗ה לֹ֤א נָכֹון֙ לַעֲשֹׂ֣ות כֵּ֔ן כִּ֚י תֹּועֲבַ֣ת מִצְרַ֔יִם נִזְבַּ֖ח לַיהוָ֣ה אֱלֹהֵ֑ינוּ הֵ֣ן נִזְבַּ֞ח אֶת־תֹּועֲבַ֥ת מִצְרַ֛יִם לְעֵינֵיהֶ֖ם וְלֹ֥א יִסְקְלֻֽנוּ׃

wayò֣̇ʼmer mòşě֗h lò֤ʼ nákòwn֙ laʻàşò֣̂wţ ké̇֔n ki֚̇y ţò̇wʻàba֣ţ miẕĕra֔yim nizĕbȧ֖ẖ layhwá֣h ʼèlòhé֑ynẇ hé֣n nizĕbȧ֞ẖ ʼeţ־ţò̇wʻàba֥ţ miẕĕra֛yim lĕʻéynéyhe֖m wĕlò֥ʼ yisĕqĕluֽnẇ׃

23
דֶּ֚רֶךְ שְׁלֹ֣שֶׁת יָמִ֔ים נֵלֵ֖ךְ בַּמִּדְבָּ֑ר וְזָבַ֨חְנוּ֙ לַֽיהוָ֣ה אֱלֹהֵ֔ינוּ כַּאֲשֶׁ֖ר יֹאמַ֥ר אֵלֵֽינוּ׃

dė֚rekĕ şĕ̌lò֣şěţ yámi֔ym nélé֖kĕ bȧmi̇dĕbá֑̇r wĕzába֨ẖĕnẇ֙ laֽyhwá֣h ʼèlòhé֔ynẇ kȧʼàşě֖r yòʼma֥r ʼéléֽynẇ׃

24
וַיֹּ֣אמֶר פַּרְעֹ֗ה אָנֹכִ֞י אֲשַׁלַּ֤ח אֶתְכֶם֙ וּזְבַחְתֶּ֞ם לַיהוָ֤ה אֱלֹֽהֵיכֶם֙ בַּמִּדְבָּ֔ר רַ֛ק הַרְחֵ֥ק לֹא־תַרְחִ֖יקוּ לָלֶ֑כֶת הַעְתִּ֖ירוּ בַּעֲדִֽי׃

wayò֣̇ʼmer pȧrĕʻò֗h ʼánòki֞y ʼàşǎlȧ֤ẖ ʼeţĕkem֙ ẇzĕbaẖĕţė֞m layhwá֤h ʼèlòֽhéykem֙ bȧmi̇dĕbá̇֔r ra֛q harĕẖé֥q lòʼ־ţarĕẖi֖yqẇ lále֑keţ haʻĕţi֖̇yrẇ bȧʻàdiֽy׃

25
וַיֹּ֣אמֶר מֹשֶׁ֗ה הִנֵּ֨ה אָנֹכִ֜י יֹוצֵ֤א מֵֽעִמָּךְ֙ וְהַעְתַּרְתִּ֣י אֶל־יְהוָ֔ה וְסָ֣ר הֶעָרֹ֗ב מִפַּרְעֹ֛ה מֵעֲבָדָ֥יו וּמֵעַמֹּ֖ו מָחָ֑ר רַ֗ק אַל־יֹסֵ֤ף פַּרְעֹה֙ הָתֵ֔ל לְבִלְתִּי֙ שַׁלַּ֣ח אֶת־הָעָ֔ם לִזְבֹּ֖חַ לַֽיהוָֽה׃

wayò֣̇ʼmer mòşě֗h hiné̇֨h ʼánòki֜y yòwẕé֤ʼ méֽʻimá̇kĕ֙ wĕhaʻĕţȧrĕţi֣̇y ʼel־yĕhwá֔h wĕsá֣r heʻárò֗b mipȧrĕʻò֛h méʻàbádá֥yw ẇméʻamò֖̇w máẖá֑r ra֗q ʼal־yòsé֤p pȧrĕʻòh֙ háţé֔l lĕbilĕţi̇y֙ şǎlȧ֣ẖ ʼeţ־háʻá֔m lizĕbò֖̇ẖa laֽyhwáֽh׃

26
וַיֵּצֵ֥א מֹשֶׁ֖ה מֵעִ֣ם פַּרְעֹ֑ה וַיֶּעְתַּ֖ר אֶל־יְהוָֽה׃

wayé̇ẕé֥ʼ mòşě֖h méʻi֣m pȧrĕʻò֑h wayėʻĕţȧ֖r ʼel־yĕhwáֽh׃

27
וַיַּ֤עַשׂ יְהוָה֙ כִּדְבַ֣ר מֹשֶׁ֔ה וַיָּ֨סַר֙ הֶעָרֹ֔ב מִפַּרְעֹ֖ה מֵעֲבָדָ֣יו וּמֵעַמֹּ֑ו לֹ֥א נִשְׁאַ֖ר אֶחָֽד׃

wayȧ֤ʻaş̂ yĕhwáh֙ ki̇dĕba֣r mòşě֔h wayá̇֨sar֙ heʻárò֔b mipȧrĕʻò֖h méʻàbádá֣yw ẇméʻamò֑̇w lò֥ʼ nişĕ̌ʼa֖r ʼeẖáֽd׃

28
וַיַּכְבֵּ֤ד פַּרְעֹה֙ אֶת־לִבֹּ֔ו גַּ֖ם בַּפַּ֣עַם הַזֹּ֑את וְלֹ֥א שִׁלַּ֖ח אֶת־הָעָֽם׃ פ

wayȧkĕbé֤̇d pȧrĕʻòh֙ ʼeţ־libò̇֔w gȧ֖m bȧpȧ֣ʻam hazò֑̇ʼţ wĕlò֥ʼ şǐlȧ֖ẖ ʼeţ־háʻáֽm׃ p