Bibles in ancient languages
Old translations
Modern translations

Biblia Hebraica Stuttgartensia Ézéchiel 21:2

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
בֶּן־אָדָ֗ם שִׂ֤ים פָּנֶ֨יךָ֙ דֶּ֣רֶךְ תֵּימָ֔נָה וְהַטֵּ֖ף אֶל־דָּרֹ֑ום וְהִנָּבֵ֛א אֶל־יַ֥עַר הַשָּׂדֶ֖ה נֶֽגֶב׃

bėn־ʼádá֗m şî֤ym pá̇ne֨yká֙ dė֣rekĕ ţé̇ymá֔náh wĕhaté֖̇p ʼel־dá̇rò֑wm wĕhiná̇bé֛ʼ ʼel־ya֥ʻar haşá̇̂de֖h neֽgeb׃

3
וְאָֽמַרְתָּ֙ לְיַ֣עַר הַנֶּ֔גֶב שְׁמַ֖ע דְּבַר־יְהוָ֑ה כֹּֽה־אָמַ֣ר אֲדֹנָ֣י יְהוִ֡ה הִנְנִ֣י מַֽצִּית־בְּךָ֣׀ אֵ֡שׁ וְאָכְלָ֣ה בְךָ֣ כָל־עֵֽץ־לַח֩ וְכָל־עֵ֨ץ יָבֵ֤שׁ לֹֽא־תִכְבֶּה֙ לַהֶ֣בֶת שַׁלְהֶ֔בֶת וְנִצְרְבוּ־בָ֥הּ כָּל־פָּנִ֖ים מִנֶּ֥גֶב צָפֹֽונָה׃

wĕʼáֽmarĕţá̇֙ lĕya֣ʻar hanė֔geb şĕ̌ma֖ʻ dĕ̇bar־yĕhwá֑h kòֽ̇h־ʼáma֣r ʼàdòná֣y yĕhwi֡h hinĕni֣y maֽẕi̇yţ־bĕ̇ká֣׀ ʼé֡ş̌ wĕʼákĕlá֣h bĕká֣ kál־ʻéֽẕ־laẖ֩ wĕkál־ʻé֨ẕ yábé֤ş̌ lòֽʼ־ţikĕbėh֙ lahe֣beţ şǎlĕhe֔beţ wĕniẕĕrĕbẇ־bá֥ḣ ká̇l־pá̇ni֖ym minė֥geb ẕápòֽwnáh׃

4
וְרָאוּ֙ כָּל־בָּשָׂ֔ר כִּ֛י אֲנִ֥י יְהוָ֖ה בִּֽעַרְתִּ֑יהָ לֹ֖א תִּכְבֶּֽה׃

wĕráʼẇ֙ ká̇l־bá̇şá̂֔r ki֛̇y ʼàni֥y yĕhwá֖h biֽ̇ʻarĕţi֑̇yhá lò֖ʼ ţi̇kĕbėֽh׃

5
וָאֹמַ֕ר אֲהָ֖הּ אֲדֹנָ֣י יְהוִ֑ה הֵ֚מָּה אֹמְרִ֣ים לִ֔י הֲלֹ֛א מְמַשֵּׁ֥ל מְשָׁלִ֖ים הֽוּא׃ פ

wáʼòma֕r ʼàhá֖ḣ ʼàdòná֣y yĕhwi֑h hé֚má̇h ʼòmĕri֣ym li֔y hàlò֛ʼ mĕmaşé֥̇̌l mĕşá̌li֖ym hֽẇʼ׃ p

6
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

7
בֶּן־אָדָ֗ם שִׂ֤ים פָּנֶ֨יךָ֙ אֶל־יְר֣וּשָׁלִַ֔ם וְהַטֵּ֖ף אֶל־מִקְדָּשִׁ֑ים וְהִנָּבֵ֖א אֶל־אַדְמַ֥ת יִשְׂרָאֵֽל׃

bėn־ʼádá֗m şî֤ym pá̇ne֨yká֙ ʼel־yĕr֣ẇşá̌lia֔m wĕhaté֖̇p ʼel־miqĕdá̇şǐ֑ym wĕhiná̇bé֖ʼ ʼel־ʼadĕma֥ţ yişĕ̂ráʼéֽl׃

8
וְאָמַרְתָּ֞ לְאַדְמַ֣ת יִשְׂרָאֵ֗ל כֹּ֚ה אָמַ֣ר יְהוָ֔ה הִנְנִ֣י אֵלַ֔יִךְ וְהֹוצֵאתִ֥י חַרְבִּ֖י מִתַּעְרָ֑הּ וְהִכְרַתִּ֥י מִמֵּ֖ךְ צַדִּ֥יק וְרָשָֽׁע׃

wĕʼámarĕţá̇֞ lĕʼadĕma֣ţ yişĕ̂ráʼé֗l kò֚̇h ʼáma֣r yĕhwá֔h hinĕni֣y ʼéla֔yikĕ wĕhòwẕéʼţi֥y ẖarĕbi֖̇y miţȧʻĕrá֑ḣ wĕhikĕraţi֥̇y mimé֖̇kĕ ẕadi֥̇yq wĕráşáֽ̌ʻ׃

9
יַ֛עַן אֲשֶׁר־הִכְרַ֥תִּי מִמֵּ֖ךְ צַדִּ֣יק וְרָשָׁ֑ע לָ֠כֵן תֵּצֵ֨א חַרְבִּ֧י מִתַּעְרָ֛הּ אֶל־כָּל־בָּשָׂ֖ר מִנֶּ֥גֶב צָפֹֽון׃

ya֛ʻan ʼàşěr־hikĕra֥ţi̇y mimé֖̇kĕ ẕadi֣̇yq wĕráşá֑̌ʻ lá֠kén ţé̇ẕé֨ʼ ẖarĕbi֧̇y miţȧʻĕrá֛ḣ ʼel־ká̇l־bá̇şá֖̂r minė֥geb ẕápòֽwn׃

10
וְיָֽדְעוּ֙ כָּל־בָּשָׂ֔ר כִּ֚י אֲנִ֣י יְהוָ֔ה הֹוצֵ֥אתִי חַרְבִּ֖י מִתַּעְרָ֑הּ לֹ֥א תָשׁ֖וּב עֹֽוד׃ ס

wĕyáֽdĕʻẇ֙ ká̇l־bá̇şá̂֔r ki֚̇y ʼàni֣y yĕhwá֔h hòwẕé֥ʼţiy ẖarĕbi֖̇y miţȧʻĕrá֑ḣ lò֥ʼ ţáş֖̌ẇb ʻòֽwd׃ s

11
וְאַתָּ֥ה בֶן־אָדָ֖ם הֵֽאָנַ֑ח בְּשִׁבְרֹ֤ון מָתְנַ֨יִם֙ וּבִמְרִיר֔וּת תֵּֽאָנַ֖ח לְעֵינֵיהֶֽם׃

wĕʼaţá֥̇h ben־ʼádá֖m héֽʼána֑ẖ bĕ̇şǐbĕrò֤wn máţĕna֨yim֙ ẇbimĕriyr֔ẇţ ţéֽ̇ʼána֖ẖ lĕʻéynéyheֽm׃

12
וְהָיָה֙ כִּֽי־יֹאמְר֣וּ אֵלֶ֔יךָ עַל־מָ֖ה אַתָּ֣ה נֶאֱנָ֑ח וְאָמַרְתָּ֡ אֶל־שְׁמוּעָ֣ה כִֽי־בָאָ֡ה וְנָמֵ֣ס כָּל־לֵב֩ וְרָפ֨וּ כָל־יָדַ֜יִם וְכִהֲתָ֣ה כָל־ר֗וּחַ וְכָל־בִּרְכַּ֨יִם֙ תֵּלַ֣כְנָה מַּ֔יִם הִנֵּ֤ה בָאָה֙ וְנִֽהְיָ֔תָה נְאֻ֖ם אֲדֹנָ֥י יְהוִֽה׃ פ

wĕháyáh֙ kiֽ̇y־yòʼmĕr֣ẇ ʼéle֔yká ʻal־má֖h ʼaţá֣̇h neʼèná֑ẖ wĕʼámarĕţá̇֡ ʼel־şĕ̌mẇʻá֣h kiֽy־báʼá֡h wĕnámé֣s ká̇l־léb֩ wĕráp֨ẇ kál־yáda֜yim wĕkihàţá֣h kál־r֗ẇẖa wĕkál־bi̇rĕkȧ֨yim֙ ţé̇la֣kĕnáh mȧ֔yim hiné֤̇h báʼáh֙ wĕniֽhĕyá֔ţáh nĕʼu֖m ʼàdòná֥y yĕhwiֽh׃ p

13
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

14
בֶּן־אָדָ֕ם הִנָּבֵא֙ וְאָ֣מַרְתָּ֔ כֹּ֖ה אָמַ֣ר אֲדֹנָ֑י אֱמֹ֕ר חֶ֥רֶב חֶ֛רֶב הוּחַ֖דָּה וְגַם־מְרוּטָֽה׃

bėn־ʼádá֕m hiná̇béʼ֙ wĕʼá֣marĕţá̇֔ kò֖̇h ʼáma֣r ʼàdòná֑y ʼèmò֕r ẖe֥reb ẖe֛reb hẇẖa֖dá̇h wĕgam־mĕrẇtáֽh׃

15
לְמַ֨עַן טְבֹ֤חַ טֶ֨בַח֙ הוּחַ֔דָּה לְמַעַן־הֱיֵה־לָ֥הּ בָּ֖רָק מֹרָ֑טָּה אֹ֣ו נָשִׂ֔ישׂ שֵׁ֥בֶט בְּנִ֖י מֹאֶ֥סֶת כָּל־עֵֽץ׃

lĕma֨ʻan tĕbò֤ẖa te֨baẖ֙ hẇẖa֔dá̇h lĕmaʻan־hèyéh־lá֥ḣ bá֖̇ráq mòrá֑tá̇h ʼò֣w náşî֔yş̂ şé֥̌bet bĕ̇ni֖y mòʼe֥seţ ká̇l־ʻéֽẕ׃

16
וַיִּתֵּ֥ן אֹתָ֛הּ לְמָרְטָ֖ה לִתְפֹּ֣שׂ בַּכָּ֑ף הִֽיא־הוּחַ֤דָּה חֶ֨רֶב֙ וְהִ֣יא מֹרָ֔טָּה לָתֵ֥ת אֹותָ֖הּ בְּיַד־הֹורֵֽג׃

wayi̇ţé֥̇n ʼòţá֛ḣ lĕmárĕtá֖h liţĕpò֣̇ş̂ bȧká֑̇p hiֽyʼ־hẇẖa֤dá̇h ẖe֨reb֙ wĕhi֣yʼ mòrá֔tá̇h láţé֥ţ ʼòwţá֖ḣ bĕ̇yad־hòwréֽg׃

17
זְעַ֤ק וְהֵילֵל֙ בֶּן־אָדָ֔ם כִּי־הִיא֙ הָיתָ֣ה בְעַמִּ֔י הִ֖יא בְּכָל־נְשִׂיאֵ֣י יִשְׂרָאֵ֑ל מְגוּרֵ֤י אֶל־חֶ֨רֶב֙ הָי֣וּ אֶת־עַמִּ֔י לָכֵ֖ן סְפֹ֥ק אֶל־יָרֵֽךְ׃

zĕʻa֤q wĕhéylél֙ bėn־ʼádá֔m ki̇y־hiyʼ֙ háyţá֣h bĕʻami̇֔y hi֖yʼ bĕ̇kál־nĕşîyʼé֣y yişĕ̂ráʼé֑l mĕgẇré֤y ʼel־ẖe֨reb֙ háy֣ẇ ʼeţ־ʻami̇֔y láké֖n sĕpò֥q ʼel־yáréֽkĕ׃

18
כִּ֣י בֹ֔חַן וּמָ֕ה אִם־גַּם־שֵׁ֥בֶט מֹאֶ֖סֶת לֹ֣א יִֽהְיֶ֑ה נְאֻ֖ם אֲדֹנָ֥י יְהוִֽה׃ פ

ki֣̇y bò֔ẖan ẇmá֕h ʼim־gȧm־şé֥̌bet mòʼe֖seţ lò֣ʼ yiֽhĕye֑h nĕʼu֖m ʼàdòná֥y yĕhwiֽh׃ p

19
וְאַתָּ֣ה בֶן־אָדָ֔ם הִנָּבֵ֕א וְהַ֖ךְ כַּ֣ף אֶל־כָּ֑ף וְתִכָּפֵ֞ל חֶ֤רֶב שְׁלִישִׁ֨תָה֙ חֶ֣רֶב חֲלָלִ֔ים הִ֗יא חֶ֚רֶב חָלָ֣ל הַגָּדֹ֔ול הַחֹדֶ֖רֶת לָהֶֽם׃

wĕʼaţá֣̇h ben־ʼádá֔m hiná̇bé֕ʼ wĕha֖kĕ kȧ֣p ʼel־ká֑̇p wĕţiká̇pé֞l ẖe֤reb şĕ̌liyşǐ֨ţáh֙ ẖe֣reb ẖàláli֔ym hi֗yʼ ẖe֚reb ẖálá֣l hagá̇dò֔wl haẖòde֖reţ láheֽm׃

20
לְמַ֣עַן׀ לָמ֣וּג לֵ֗ב וְהַרְבֵּה֙ הַמִּכְשֹׁלִ֔ים עַ֚ל כָּל־שַׁ֣עֲרֵיהֶ֔ם נָתַ֖תִּי אִבְחַת־חָ֑רֶב אָ֛ח עֲשׂוּיָ֥ה לְבָרָ֖ק מְעֻטָּ֥ה לְטָֽבַח׃

lĕma֣ʻan׀ lám֣ẇg lé֗b wĕharĕbé̇h֙ hami̇kĕşò̌li֔ym ʻa֚l ká̇l־şǎ֣ʻàréyhe֔m náţa֖ţi̇y ʼibĕẖaţ־ẖá֑reb ʼá֛ẖ ʻàş̂ẇyá֥h lĕbárá֖q mĕʻutá֥̇h lĕtáֽbaẖ׃

21
הִתְאַחֲדִ֥י הֵימִ֖נִי הָשִׂ֣ימִי הַשְׂמִ֑ילִי אָ֖נָה פָּנַ֥יִךְ מֻעָדֹֽות׃

hiţĕʼaẖàdi֥y héymi֖niy háşî֣ymiy haşĕ̂mi֑yliy ʼá֖náh pá̇na֥yikĕ muʻádòֽwţ׃

22
וְגַם־אֲנִ֗י אַכֶּ֤ה כַפִּי֙ אֶל־כַּפִּ֔י וַהֲנִחֹתִ֖י חֲמָתִ֑י אֲנִ֥י יְהוָ֖ה דִּבַּֽרְתִּי׃ פ

wĕgam־ʼàni֗y ʼakė֤h kapi̇y֙ ʼel־kȧpi̇֔y wahàniẖòţi֖y ẖàmáţi֑y ʼàni֥y yĕhwá֖h di̇bȧֽrĕţi̇y׃ p

23
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

24
וְאַתָּ֨ה בֶן־אָדָ֜ם שִׂים־לְךָ֣׀ שְׁנַ֣יִם דְּרָכִ֗ים לָבֹוא֙ חֶ֣רֶב מֶֽלֶךְ־בָּבֶ֔ל מֵאֶ֥רֶץ אֶחָ֖ד יֵצְא֣וּ שְׁנֵיהֶ֑ם וְיָ֣ד בָּרֵ֔א בְּרֹ֥אשׁ דֶּֽרֶךְ־עִ֖יר בָּרֵֽא׃

wĕʼaţá̇֨h ben־ʼádá֜m şîym־lĕká֣׀ şĕ̌na֣yim dĕ̇ráki֗ym lábòwʼ֙ ẖe֣reb meֽlekĕ־bá̇be֔l méʼe֥reẕ ʼeẖá֖d yéẕĕʼ֣ẇ şĕ̌néyhe֑m wĕyá֣d bá̇ré֔ʼ bĕ̇rò֥ʼş̌ dėֽrekĕ־ʻi֖yr bá̇réֽʼ׃

25
דֶּ֣רֶךְ תָּשִׂ֔ים לָבֹ֣וא חֶ֔רֶב אֵ֖ת רַבַּ֣ת בְּנֵֽי־עַמֹּ֑ון וְאֶת־יְהוּדָ֥ה בִירוּשָׁלִַ֖ם בְּצוּרָֽה׃

dė֣rekĕ ţá̇şî֔ym lábò֣wʼ ẖe֔reb ʼé֖ţ rabȧ֣ţ bĕ̇néֽy־ʻamò֑̇wn wĕʼeţ־yĕhẇdá֥h biyrẇşá̌lia֖m bĕ̇ẕẇráֽh׃

26
כִּֽי־עָמַ֨ד מֶלֶךְ־בָּבֶ֜ל אֶל־אֵ֣ם הַדֶּ֗רֶךְ בְּרֹ֛אשׁ שְׁנֵ֥י הַדְּרָכִ֖ים לִקְסָם־קָ֑סֶם קִלְקַ֤ל בַּֽחִצִּים֙ שָׁאַ֣ל בַּתְּרָפִ֔ים רָאָ֖ה בַּכָּבֵֽד׃

kiֽ̇y־ʻáma֨d melekĕ־bá̇be֜l ʼel־ʼé֣m hadė֗rekĕ bĕ̇rò֛ʼş̌ şĕ̌né֥y hadĕ̇ráki֖ym liqĕsám־qá֑sem qilĕqa֤l bȧֽẖiẕi̇ym֙ şá̌ʼa֣l bȧţĕ̇rápi֔ym ráʼá֖h bȧká̇béֽd׃

27
בִּֽימִינֹ֞ו הָיָ֣ה׀ הַקֶּ֣סֶם יְרוּשָׁלִַ֗ם לָשׂ֤וּם כָּרִים֙ לִפְתֹּ֤חַ פֶּה֙ בְּרֶ֔צַח לְהָרִ֥ים קֹ֖ול בִּתְרוּעָ֑ה לָשׂ֤וּם כָּרִים֙ עַל־שְׁעָרִ֔ים לִשְׁפֹּ֥ךְ סֹלְלָ֖ה לִבְנֹ֥ות דָּיֵֽק׃

biֽ̇ymiynò֞w háyá֣h׀ haqė֣sem yĕrẇşá̌lia֗m láş֤̂ẇm ká̇riym֙ lipĕţò֤̇ẖa pėh֙ bĕ̇re֔ẕaẖ lĕhári֥ym qò֖wl bi̇ţĕrẇʻá֑h láş֤̂ẇm ká̇riym֙ ʻal־şĕ̌ʻári֔ym lişĕ̌pò֥̇kĕ sòlĕlá֖h libĕnò֥wţ dá̇yéֽq׃

28
וְהָיָ֨ה לָהֶ֤ם כִּקְסֹום שָׁוְא֙ בְּעֵ֣ינֵיהֶ֔ם שְׁבֻעֵ֥י שְׁבֻעֹ֖ות לָהֶ֑ם וְהֽוּא־מַזְכִּ֥יר עָוֹ֖ן לְהִתָּפֵֽשׂ׃ פ

wĕháyá֨h láhe֤m ki̇qĕsòwm şá̌wĕʼ֙ bĕ̇ʻé֣ynéyhe֔m şĕ̌buʻé֥y şĕ̌buʻò֖wţ láhe֑m wĕhֽẇʼ־mazĕki֥̇yr ʻáwò֖n lĕhiţá̇péֽş̂׃ p

29
לָכֵ֗ן כֹּֽה־אָמַר֮ אֲדֹנָ֣י יְהוִה֒ יַ֗עַן הַזְכַּרְכֶם֙ עֲוֹ֣נְכֶ֔ם בְּהִגָּלֹ֣ות פִּשְׁעֵיכֶ֗ם לְהֵֽרָאֹות֙ חַטֹּ֣אותֵיכֶ֔ם בְּכֹ֖ל עֲלִילֹֽותֵיכֶ֑ם יַ֚עַן הִזָּ֣כֶרְכֶ֔ם בַּכַּ֖ף תִּתָּפֵֽשׂוּ׃ פ

láké֗n kòֽ̇h־ʼámar֮ ʼàdòná֣y yĕhwih֒ ya֗ʻan hazĕkȧrĕkem֙ ʻàwò֣nĕke֔m bĕ̇higá̇lò֣wţ pi̇şĕ̌ʻéyke֗m lĕhéֽráʼòwţ֙ ẖatò֣̇ʼwţéyke֔m bĕ̇kò֖l ʻàliylòֽwţéyke֑m ya֚ʻan hizá֣̇kerĕke֔m bȧkȧ֖p ţi̇ţá̇péֽş̂ẇ׃ p

30
וְאַתָּה֙ חָלָ֣ל רָשָׁ֔ע נְשִׂ֖יא יִשְׂרָאֵ֑ל אֲשֶׁר־בָּ֣א יֹומֹ֔ו בְּעֵ֖ת עֲוֹ֥ן קֵֽץ׃ ס

wĕʼaţá̇h֙ ẖálá֣l ráşá̌֔ʻ nĕşî֖yʼ yişĕ̂ráʼé֑l ʼàşěr־bá֣̇ʼ yòwmò֔w bĕ̇ʻé֖ţ ʻàwò֥n qéֽẕ׃ s

31
כֹּ֤ה אָמַר֙ אֲדֹנָ֣י יְהוִ֔ה הָסִיר֙ הַמִּצְנֶ֔פֶת וְהָרִ֖ים הָֽעֲטָרָ֑ה זֹ֣את לֹא־זֹ֔את הַשָּׁפָ֣לָה הַגְבֵּ֔הַ וְהַגָּבֹ֖הַ הַשְׁפִּֽיל׃

kò֤̇h ʼámar֙ ʼàdòná֣y yĕhwi֔h hásiyr֙ hami̇ẕĕne֔peţ wĕhári֖ym háֽʻàtárá֑h zò֣ʼţ lòʼ־zò֔ʼţ haşá̇̌pá֣láh hagĕbé̇֔ha wĕhagá̇bò֖ha haşĕ̌piֽ̇yl׃

32
עַוָּ֥ה עַוָּ֖ה עַוָּ֣ה אֲשִׂימֶ֑נָּה גַּם־זֹאת֙ לֹ֣א הָיָ֔ה עַד־בֹּ֛א אֲשֶׁר־לֹ֥ו הַמִּשְׁפָּ֖ט וּנְתַתִּֽיו׃ פ

ʻawá֥̇h ʻawá֖̇h ʻawá֣̇h ʼàşîyme֑ná̇h gȧm־zòʼţ֙ lò֣ʼ háyá֔h ʻad־bò֛̇ʼ ʼàşěr־lò֥w hami̇şĕ̌pá֖̇t ẇnĕţaţiֽ̇yw׃ p

33
וְאַתָּ֣ה בֶן־אָדָ֗ם הִנָּבֵ֤א וְאָֽמַרְתָּ֙ כֹּ֤ה אָמַר֙ אֲדֹנָ֣י יְהֹוִ֔ה אֶל־בְּנֵ֥י עַמֹּ֖ון וְאֶל־חֶרְפָּתָ֑ם וְאָמַרְתָּ֗ חֶ֣רֶב חֶ֤רֶב פְּתוּחָה֙ לְטֶ֣בַח מְרוּטָ֔ה לְהָכִ֖יל לְמַ֥עַן בָּרָֽק׃

wĕʼaţá֣̇h ben־ʼádá֗m hiná̇bé֤ʼ wĕʼáֽmarĕţá̇֙ kò֤̇h ʼámar֙ ʼàdòná֣y yĕhòwi֔h ʼel־bĕ̇né֥y ʻamò֖̇wn wĕʼel־ẖerĕpá̇ţá֑m wĕʼámarĕţá̇֗ ẖe֣reb ẖe֤reb pĕ̇ţẇẖáh֙ lĕte֣baẖ mĕrẇtá֔h lĕháki֖yl lĕma֥ʻan bá̇ráֽq׃

34
בַּחֲזֹ֥ות לָךְ֙ שָׁ֔וְא בִּקְסָם־לָ֖ךְ כָּזָ֑ב לָתֵ֣ת אֹותָ֗ךְ אֶֽל־צַוְּארֵי֙ חַֽלְלֵ֣י רְשָׁעִ֔ים אֲשֶׁר־בָּ֣א יֹומָ֔ם בְּעֵ֖ת עֲוֹ֥ן קֵֽץ׃

bȧẖàzò֥wţ lákĕ֙ şá̌֔wĕʼ bi̇qĕsám־lá֖kĕ ká̇zá֑b láţé֣ţ ʼòwţá֗kĕ ʼeֽl־ẕawĕ̇ʼréy֙ ẖaֽlĕlé֣y rĕşá̌ʻi֔ym ʼàşěr־bá֣̇ʼ yòwmá֔m bĕ̇ʻé֖ţ ʻàwò֥n qéֽẕ׃

35
הָשַׁ֖ב אֶל־תַּעְרָ֑הּ בִּמְקֹ֧ום אֲשֶׁר־נִבְרֵ֛את בְּאֶ֥רֶץ מְכֻרֹותַ֖יִךְ אֶשְׁפֹּ֥ט אֹתָֽךְ׃

háşǎ֖b ʼel־ţȧʻĕrá֑ḣ bi̇mĕqò֧wm ʼàşěr־nibĕré֛ʼţ bĕ̇ʼe֥reẕ mĕkuròwţa֖yikĕ ʼeşĕ̌pò֥̇t ʼòţáֽkĕ׃

36
וְשָׁפַכְתִּ֤י עָלַ֨יִךְ֙ זַעְמִ֔י בְּאֵ֥שׁ עֶבְרָתִ֖י אָפִ֣יחַ עָלָ֑יִךְ וּנְתַתִּ֗יךְ בְּיַד֙ אֲנָשִׁ֣ים בֹּֽעֲרִ֔ים חָרָשֵׁ֖י מַשְׁחִֽית׃

wĕşá̌pakĕţi֤̇y ʻála֨yikĕ֙ zaʻĕmi֔y bĕ̇ʼé֥ş̌ ʻebĕráţi֖y ʼápi֣yẖa ʻálá֑yikĕ ẇnĕţaţi̇֗ykĕ bĕ̇yad֙ ʼànáşǐ֣ym bòֽ̇ʻàri֔ym ẖáráşé֖̌y maşĕ̌ẖiֽyţ׃

37
לָאֵ֤שׁ תִּֽהְיֶה֙ לְאָכְלָ֔ה דָּמֵ֥ךְ יִהְיֶ֖ה בְּתֹ֣וךְ הָאָ֑רֶץ לֹ֣א תִזָּכֵ֔רִי כִּ֛י אֲנִ֥י יְהוָ֖ה דִּבַּֽרְתִּי׃ פ

láʼé֤ş̌ ţiֽ̇hĕyeh֙ lĕʼákĕlá֔h dá̇mé֥kĕ yihĕye֖h bĕ̇ţò֣wkĕ háʼá֑reẕ lò֣ʼ ţizá̇ké֔riy ki֛̇y ʼàni֥y yĕhwá֖h di̇bȧֽrĕţi̇y׃ p