Bibles in ancient languages
Old translations
Modern translations

Biblia Hebraica Stuttgartensia Ézéchiel 27:10

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
וְאַתָּ֣ה בֶן־אָדָ֔ם שָׂ֥א עַל־צֹ֖ר קִינָֽה׃

wĕʼaţá֣̇h ben־ʼádá֔m şá֥̂ʼ ʻal־ẕò֖r qiynáֽh׃

3
וְאָמַרְתָּ֣ לְצֹ֗ור הַיֹּשְׁבֹתֵי עַל־מְבֹואֹ֣ת יָ֔ם רֹכֶ֨לֶת֙ הָֽעַמִּ֔ים אֶל־אִיִּ֖ים רַבִּ֑ים כֹּ֤ה אָמַר֙ אֲדֹנָ֣י יְהוִ֔ה צֹ֕ור אַ֣תְּ אָמַ֔רְתְּ אֲנִ֖י כְּלִ֥ילַת יֹֽפִי׃

wĕʼámarĕţá֣̇ lĕẕò֗wr hayò̇şĕ̌bòţéy ʻal־mĕbòwʼò֣ţ yá֔m ròke֨leţ֙ háֽʻami̇֔ym ʼel־ʼiyi֖̇ym rabi֑̇ym kò֤̇h ʼámar֙ ʼàdòná֣y yĕhwi֔h ẕò֕wr ʼa֣ţĕ̇ ʼáma֔rĕţĕ̇ ʼàni֖y kĕ̇li֥ylaţ yòֽpiy׃

4
בְּלֵ֥ב יַמִּ֖ים גְּבוּלָ֑יִךְ בֹּנַ֕יִךְ כָּלְל֖וּ יָפְיֵֽךְ׃

bĕ̇lé֥b yami֖̇ym gĕ̇bẇlá֑yikĕ bò̇na֕yikĕ ká̇lĕl֖ẇ yápĕyéֽkĕ׃

5
בְּרֹושִׁ֤ים מִשְּׂנִיר֙ בָּ֣נוּ לָ֔ךְ אֵ֖ת כָּל־לֻֽחֹתָ֑יִם אֶ֤רֶז מִלְּבָנֹון֙ לָקָ֔חוּ לַעֲשֹׂ֥ות תֹּ֖רֶן עָלָֽיִךְ׃

bĕ̇ròwşǐ֤ym mişĕ̇̂niyr֙ bá֣̇nẇ lá֔kĕ ʼé֖ţ ká̇l־luֽẖòţá֑yim ʼe֤rez milĕ̇bánòwn֙ láqá֔ẖẇ laʻàşò֥̂wţ ţò֖̇ren ʻáláֽyikĕ׃

6
אַלֹּונִים֙ מִבָּ֔שָׁן עָשׂ֖וּ מִשֹּׁוטָ֑יִךְ קַרְשֵׁ֤ךְ עָֽשׂוּ־שֵׁן֙ בַּת־אֲשֻׁרִ֔ים מֵאִיֵּ֖י כִּתִּיִּם

ʼalò̇wniym֙ mibá̇֔şá̌n ʻáş֖̂ẇ mişò̇̌wtá֑yikĕ qarĕşé֤̌kĕ ʻáֽş̂ẇ־şé̌n֙ bȧţ־ʼàşǔri֔ym méʼiyé֖̇y ki̇ţi̇yi̇m

7
שֵׁשׁ־בְּרִקְמָ֤ה מִמִּצְרַ֨יִם֙ הָיָ֣ה מִפְרָשֵׂ֔ךְ לִהְיֹ֥ות לָ֖ךְ לְנֵ֑ס תְּכֵ֧לֶת וְאַרְגָּמָ֛ן מֵאִיֵּ֥י אֱלִישָׁ֖ה הָיָ֥ה מְכַסֵּֽךְ׃

şé̌ş̌־bĕ̇riqĕmá֤h mimi̇ẕĕra֨yim֙ háyá֣h mipĕráşé̂֔kĕ lihĕyò֥wţ lá֖kĕ lĕné֑s ţĕ̇ké֧leţ wĕʼarĕgá̇má֛n méʼiyé֥̇y ʼèliyşá֖̌h háyá֥h mĕkaséֽ̇kĕ׃

8
יֹשְׁבֵ֤י צִידֹון֙ וְאַרְוַ֔ד הָי֥וּ שָׁטִ֖ים לָ֑ךְ חֲכָמַ֤יִךְ צֹור֙ הָ֣יוּ בָ֔ךְ הֵ֖מָּה חֹבְלָֽיִךְ׃

yòşĕ̌bé֤y ẕiydòwn֙ wĕʼarĕwa֔d háy֥ẇ şá̌ti֖ym lá֑kĕ ẖàkáma֤yikĕ ẕòwr֙ há֣yẇ bá֔kĕ hé֖má̇h ẖòbĕláֽyikĕ׃

9
זִקְנֵ֨י גְבַ֤ל וַחֲכָמֶ֨יהָ֙ הָ֣יוּ בָ֔ךְ מַחֲזִיקֵ֖י בִּדְקֵ֑ךְ כָּל־אֳנִיֹּ֨ות הַיָּ֤ם וּמַלָּֽחֵיהֶם֙ הָ֣יוּ בָ֔ךְ לַעֲרֹ֖ב מַעֲרָבֵֽךְ׃

ziqĕné֨y gĕba֤l waẖàkáme֨yhá֙ há֣yẇ bá֔kĕ maẖàziyqé֖y bi̇dĕqé֑kĕ ká̇l־ʼoniyò̇֨wţ hayá֤̇m ẇmaláֽ̇ẖéyhem֙ há֣yẇ bá֔kĕ laʻàrò֖b maʻàrábéֽkĕ׃

10
פָּרַ֨ס וְל֤וּד וּפוּט֙ הָי֣וּ בְחֵילֵ֔ךְ אַנְשֵׁ֖י מִלְחַמְתֵּ֑ךְ מָגֵ֤ן וְכֹובַע֙ תִּלּוּ־בָ֔ךְ הֵ֖מָּה נָתְנ֥וּ הֲדָרֵֽךְ׃

pá̇ra֨s wĕl֤ẇd ẇpẇt֙ háy֣ẇ bĕẖéylé֔kĕ ʼanĕşé֖̌y milĕẖamĕţé֑̇kĕ mágé֤n wĕkòwbaʻ֙ ţi̇l̇ẇ־bá֔kĕ hé֖má̇h náţĕn֥ẇ hàdáréֽkĕ׃

11
בְּנֵ֧י אַרְוַ֣ד וְחֵילֵ֗ךְ עַל־חֹומֹותַ֨יִךְ֙ סָבִ֔יב וְגַ֨מָּדִ֔ים בְּמִגְדְּלֹותַ֖יִךְ הָי֑וּ שִׁלְטֵיהֶ֞ם תִּלּ֤וּ עַל־חֹומֹותַ֨יִךְ֙ סָבִ֔יב הֵ֖מָּה כָּלְל֥וּ יָפְיֵֽךְ׃

bĕ̇né֧y ʼarĕwa֣d wĕẖéylé֗kĕ ʻal־ẖòwmòwţa֨yikĕ֙ sábi֔yb wĕga֨má̇di֔ym bĕ̇migĕdĕ̇lòwţa֖yikĕ háy֑ẇ şǐlĕtéyhe֞m ţi̇l֤̇ẇ ʻal־ẖòwmòwţa֨yikĕ֙ sábi֔yb hé֖má̇h ká̇lĕl֥ẇ yápĕyéֽkĕ׃

12
תַּרְשִׁ֥ישׁ סֹחַרְתֵּ֖ךְ מֵרֹ֣ב כָּל־הֹ֑ון בְּכֶ֤סֶף בַּרְזֶל֙ בְּדִ֣יל וְעֹופֶ֔רֶת נָתְנ֖וּ עִזְבֹונָֽיִךְ׃

ţȧrĕşǐ֥yş̌ sòẖarĕţé֖̇kĕ mérò֣b ká̇l־hò֑wn bĕ̇ke֤sep bȧrĕzel֙ bĕ̇di֣yl wĕʻòwpe֔reţ náţĕn֖ẇ ʻizĕbòwnáֽyikĕ׃

13
יָוָ֤ן תֻּבַל֙ וָמֶ֔שֶׁךְ הֵ֖מָּה רֹֽכְלָ֑יִךְ בְּנֶ֤פֶשׁ אָדָם֙ וּכְלֵ֣י נְחֹ֔שֶׁת נָתְנ֖וּ מַעֲרָבֵֽךְ׃

yáwá֤n ţu̇bal֙ wáme֔şěkĕ hé֖má̇h ròֽkĕlá֑yikĕ bĕ̇ne֤peş̌ ʼádám֙ ẇkĕlé֣y nĕẖò֔şěţ náţĕn֖ẇ maʻàrábéֽkĕ׃

14
מִבֵּ֖ית תֹּוגַרְמָ֑ה סוּסִ֤ים וּפָֽרָשִׁים֙ וּפְרָדִ֔ים נָתְנ֖וּ עִזְבֹונָֽיִךְ׃

mibé֖̇yţ ţò̇wgarĕmá֑h sẇsi֤ym ẇpáֽráşǐym֙ ẇpĕrádi֔ym náţĕn֖ẇ ʻizĕbòwnáֽyikĕ׃

15
בְּנֵ֤י דְדָן֙ רֹֽכְלַ֔יִךְ אִיִּ֥ים רַבִּ֖ים סְחֹרַ֣ת יָדֵ֑ךְ קַרְנֹ֥ות שֵׁן֙ וְהֹובְנִים הֵשִׁ֖יבוּ אֶשְׁכָּרֵֽךְ׃

bĕ̇né֤y dĕdán֙ ròֽkĕla֔yikĕ ʼiyi֥̇ym rabi֖̇ym sĕẖòra֣ţ yádé֑kĕ qarĕnò֥wţ şé̌n֙ wĕhòwbĕniym héşǐ֖ybẇ ʼeşĕ̌ká̇réֽkĕ׃

16
אֲרָ֥ם סֹחַרְתֵּ֖ךְ מֵרֹ֣ב מַעֲשָׂ֑יִךְ בְּ֠נֹפֶךְ אַרְגָּמָ֨ן וְרִקְמָ֤ה וּבוּץ֙ וְרָאמֹ֣ת וְכַדְכֹּ֔ד נָתְנ֖וּ בְּעִזְבֹונָֽיִךְ׃

ʼàrá֥m sòẖarĕţé֖̇kĕ mérò֣b maʻàşá֑̂yikĕ bĕ̇֠nòpekĕ ʼarĕgá̇má֨n wĕriqĕmá֤h ẇbẇẕ֙ wĕráʼmò֣ţ wĕkadĕkò̇֔d náţĕn֖ẇ bĕ̇ʻizĕbòwnáֽyikĕ׃

17
יְהוּדָה֙ וְאֶ֣רֶץ יִשְׂרָאֵ֔ל הֵ֖מָּה רֹכְלָ֑יִךְ בְּחִטֵּ֣י מִ֠נִּית וּפַנַּ֨ג וּדְבַ֤שׁ וָשֶׁ֨מֶן֙ וָצֹ֔רִי נָתְנ֖וּ מַעֲרָבֵֽךְ׃

yĕhẇdáh֙ wĕʼe֣reẕ yişĕ̂ráʼé֔l hé֖má̇h ròkĕlá֑yikĕ bĕ̇ẖité֣̇y mi֠ni̇yţ ẇpanȧ֨g ẇdĕba֤ş̌ wáşě֨men֙ wáẕò֔riy náţĕn֖ẇ maʻàrábéֽkĕ׃

18
דַּמֶּ֧שֶׂק סֹחַרְתֵּ֛ךְ בְּרֹ֥ב מַעֲשַׂ֖יִךְ מֵרֹ֣ב כָּל־הֹ֑ון בְּיֵ֥ין חֶלְבֹּ֖ון וְצֶ֥מֶר צָֽחַר׃

dȧmė֧şêq sòẖarĕţé֛̇kĕ bĕ̇rò֥b maʻàşâ֖yikĕ mérò֣b ká̇l־hò֑wn bĕ̇yé֥yn ẖelĕbò֖̇wn wĕẕe֥mer ẕáֽẖar׃

19
וְדָ֤ן וְיָוָן֙ מְאוּזָּ֔ל בְּעִזְבֹונַ֖יִךְ נָתָ֑נּוּ בַּרְזֶ֤ל עָשֹׁות֙ קִדָּ֣ה וְקָנֶ֔ה בְּמַעֲרָבֵ֖ךְ הָיָֽה׃

wĕdá֤n wĕyáwán֙ mĕʼẇzá̇֔l bĕ̇ʻizĕbòwna֖yikĕ náţá֑ṅẇ bȧrĕze֤l ʻáşò̌wţ֙ qidá֣̇h wĕqáne֔h bĕ̇maʻàrábé֖kĕ háyáֽh׃

20
דְּדָן֙ רֹֽכַלְתֵּ֔ךְ בְבִגְדֵי־חֹ֖פֶשׁ לְרִכְבָּֽה׃

dĕ̇dán֙ ròֽkalĕţé̇֔kĕ bĕbigĕdéy־ẖò֖peş̌ lĕrikĕbáֽ̇h׃

21
עֲרַב֙ וְכָל־נְשִׂיאֵ֣י קֵדָ֔ר הֵ֖מָּה סֹחֲרֵ֣י יָדֵ֑ךְ בְּכָרִ֤ים וְאֵילִים֙ וְעַתּוּדִ֔ים בָּ֖ם סֹחֲרָֽיִךְ׃

ʻàrab֙ wĕkál־nĕşîyʼé֣y qédá֔r hé֖má̇h sòẖàré֣y yádé֑kĕ bĕ̇kári֤ym wĕʼéyliym֙ wĕʻaţ̇ẇdi֔ym bá֖̇m sòẖàráֽyikĕ׃

22
רֹכְלֵ֤י שְׁבָא֙ וְרַעְמָ֔ה הֵ֖מָּה רֹכְלָ֑יִךְ בְּרֹ֨אשׁ כָּל־בֹּ֜שֶׂם וּבְכָל־אֶ֤בֶן יְקָרָה֙ וְזָהָ֔ב נָתְנ֖וּ עִזְבֹונָֽיִךְ׃

ròkĕlé֤y şĕ̌báʼ֙ wĕraʻĕmá֔h hé֖má̇h ròkĕlá֑yikĕ bĕ̇rò֨ʼş̌ ká̇l־bò̇֜şêm ẇbĕkál־ʼe֤ben yĕqáráh֙ wĕzáhá֔b náţĕn֖ẇ ʻizĕbòwnáֽyikĕ׃

23
חָרָ֤ן וְכַנֵּה֙ וָעֶ֔דֶן רֹכְלֵ֖י שְׁבָ֑א אַשּׁ֖וּר כִּלְמַ֥ד רֹכַלְתֵּֽךְ׃

ẖárá֤n wĕkané̇h֙ wáʻe֔den ròkĕlé֖y şĕ̌bá֑ʼ ʼaş֖̇̌ẇr ki̇lĕma֥d ròkalĕţéֽ̇kĕ׃

24
הֵ֤מָּה רֹכְלַ֨יִךְ֙ בְמַכְלֻלִ֔ים בִּגְלֹומֵי֙ תְּכֵ֣לֶת וְרִקְמָ֔ה וּבְגִנְזֵ֖י בְּרֹמִ֑ים בַּחֲבָלִ֧ים חֲבֻשִׁ֛ים וַאֲרֻזִ֖ים בְּמַרְכֻלְתֵּֽךְ׃

hé֤má̇h ròkĕla֨yikĕ֙ bĕmakĕluli֔ym bi̇gĕlòwméy֙ ţĕ̇ké֣leţ wĕriqĕmá֔h ẇbĕginĕzé֖y bĕ̇ròmi֑ym bȧẖàbáli֧ym ẖàbuşǐ֛ym waʼàruzi֖ym bĕ̇marĕkulĕţéֽ̇kĕ׃

25
אֳנִיֹּ֣ות תַּרְשִׁ֔ישׁ שָׁרֹותַ֖יִךְ מַעֲרָבֵ֑ךְ וַתִּמָּלְאִ֧י וַֽתִּכְבְּדִ֛י מְאֹ֖ד בְּלֵ֥ב יַמִּֽים׃

ʼoniyò֣̇wţ ţȧrĕşǐ֔yş̌ şá̌ròwţa֖yikĕ maʻàrábé֑kĕ waţi̇má̇lĕʼi֧y waֽţi̇kĕbĕ̇di֛y mĕʼò֖d bĕ̇lé֥b yamiֽ̇ym׃

26
בְּמַ֤יִם רַבִּים֙ הֱבִיא֔וּךְ הַשָּׁטִ֖ים אֹתָ֑ךְ ר֚וּחַ הַקָּדִ֔ים שְׁבָרֵ֖ךְ בְּלֵ֥ב יַמִּֽים׃

bĕ̇ma֤yim rabi̇ym֙ hèbiyʼ֔ẇkĕ haşá̇̌ti֖ym ʼòţá֑kĕ r֚ẇẖa haqá̇di֔ym şĕ̌báré֖kĕ bĕ̇lé֥b yamiֽ̇ym׃

27
הֹונֵךְ֙ וְעִזְבֹונַ֔יִךְ מַעֲרָבֵ֕ךְ מַלָּחַ֖יִךְ וְחֹבְלָ֑יִךְ מַחֲזִיקֵ֣י בִדְקֵ֣ך וְֽעֹרְבֵ֣י מַ֠עֲרָבֵךְ וְכָל־אַנְשֵׁ֨י מִלְחַמְתֵּ֜ךְ אֲשֶׁר־בָּ֗ךְ וּבְכָל־קְהָלֵךְ֙ אֲשֶׁ֣ר בְּתֹוכֵ֔ךְ יִפְּלוּ֙ בְּלֵ֣ב יַמִּ֔ים בְּיֹ֖ום מַפַּלְתֵּֽךְ׃

hòwnékĕ֙ wĕʻizĕbòwna֔yikĕ maʻàrábé֕kĕ malá̇ẖa֖yikĕ wĕẖòbĕlá֑yikĕ maẖàziyqé֣y bidĕqé֣k wĕֽʻòrĕbé֣y ma֠ʻàrábékĕ wĕkál־ʼanĕşé̌֨y milĕẖamĕţé̇֜kĕ ʼàşěr־bá̇֗kĕ ẇbĕkál־qĕhálékĕ֙ ʼàşě֣r bĕ̇ţòwké֔kĕ yipĕ̇lẇ֙ bĕ̇lé֣b yami̇֔ym bĕ̇yò֖wm mapȧlĕţéֽ̇kĕ׃

28
לְקֹ֖ול זַעֲקַ֣ת חֹבְלָ֑יִךְ יִרְעֲשׁ֖וּ מִגְרֹשֹֽׁות׃

lĕqò֖wl zaʻàqa֣ţ ẖòbĕlá֑yikĕ yirĕʻàş֖̌ẇ migĕròşòֽ̌wţ׃

29
וְֽיָרְד֞וּ מֵאָנִיֹּֽותֵיהֶ֗ם כֹּ֚ל תֹּפְשֵׂ֣י מָשֹׁ֔וט מַלָּחִ֕ים כֹּ֖ל חֹבְלֵ֣י הַיָּ֑ם אֶל־הָאָ֖רֶץ יַעֲמֹֽדוּ׃

wĕֽyárĕd֞ẇ méʼániyòֽ̇wţéyhe֗m kò֚̇l ţò̇pĕşé֣̂y máşò̌֔wt malá̇ẖi֕ym kò֖̇l ẖòbĕlé֣y hayá֑̇m ʼel־háʼá֖reẕ yaʻàmòֽdẇ׃

30
וְהִשְׁמִ֤יעוּ עָלַ֨יִךְ֙ בְּקֹולָ֔ם וְיִזְעֲק֖וּ מָרָ֑ה וְיַעֲל֤וּ עָֽפָר֙ עַל־רָ֣אשֵׁיהֶ֔ם בָּאֵ֖פֶר יִתְפַּלָּֽשׁוּ׃

wĕhişĕ̌mi֤yʻẇ ʻála֨yikĕ֙ bĕ̇qòwlá֔m wĕyizĕʻàq֖ẇ márá֑h wĕyaʻàl֤ẇ ʻáֽpár֙ ʻal־rá֣ʼşé̌yhe֔m bá̇ʼé֖per yiţĕpȧláֽ̇ş̌ẇ׃

31
וְהִקְרִ֤יחוּ אֵלַ֨יִךְ֙ קָרְחָ֔ה וְחָגְר֖וּ שַׂקִּ֑ים וּבָכ֥וּ אֵלַ֛יִךְ בְּמַר־נֶ֖פֶשׁ מִסְפֵּ֥ד מָֽר׃

wĕhiqĕri֤yẖẇ ʼéla֨yikĕ֙ qárĕẖá֔h wĕẖágĕr֖ẇ şâqi֑̇ym ẇbák֥ẇ ʼéla֛yikĕ bĕ̇mar־ne֖peş̌ misĕpé֥̇d máֽr׃

32
וְנָשְׂא֨וּ אֵלַ֤יִךְ בְּנִיהֶם֙ קִינָ֔ה וְקֹונְנ֖וּ עָלָ֑יִךְ מִ֣י כְצֹ֔ור כְּדֻמָ֖ה בְּתֹ֥וךְ הַיָּֽם׃

wĕnáşĕ̂ʼ֨ẇ ʼéla֤yikĕ bĕ̇niyhem֙ qiyná֔h wĕqòwnĕn֖ẇ ʻálá֑yikĕ mi֣y kĕẕò֔wr kĕ̇dumá֖h bĕ̇ţò֥wkĕ hayáֽ̇m׃

33
בְּצֵ֤את עִזְבֹונַ֨יִךְ֙ מִיַּמִּ֔ים הִשְׂבַּ֖עַתְּ עַמִּ֣ים רַבִּ֑ים בְּרֹ֤ב הֹונַ֨יִךְ֙ וּמַ֣עֲרָבַ֔יִךְ הֶעֱשַׁ֖רְתְּ מַלְכֵי־אָֽרֶץ׃

bĕ̇ẕé֤ʼţ ʻizĕbòwna֨yikĕ֙ miyȧmi̇֔ym hişĕ̂bȧ֖ʻaţĕ̇ ʻami֣̇ym rabi֑̇ym bĕ̇rò֤b hòwna֨yikĕ֙ ẇma֣ʻàrába֔yikĕ heʻèşǎ֖rĕţĕ̇ malĕkéy־ʼáֽreẕ׃

34
עֵ֛ת נִשְׁבֶּ֥רֶת מִיַּמִּ֖ים בְּמַֽעֲמַקֵּי־מָ֑יִם מַעֲרָבֵ֥ךְ וְכָל־קְהָלֵ֖ךְ בְּתֹוכֵ֥ךְ נָפָֽלוּ׃

ʻé֛ţ nişĕ̌bė֥reţ miyȧmi֖̇ym bĕ̇maֽʻàmaqé̇y־má֑yim maʻàrábé֥kĕ wĕkál־qĕhálé֖kĕ bĕ̇ţòwké֥kĕ nápáֽlẇ׃

35
כֹּ֚ל יֹשְׁבֵ֣י הָאִיִּ֔ים שָׁמְמ֖וּ עָלָ֑יִךְ וּמַלְכֵיהֶם֙ שָׂ֣עֲרוּ שַׂ֔עַר רָעֲמ֖וּ פָּנִֽים׃

kò֚̇l yòşĕ̌bé֣y háʼiyi̇֔ym şá̌mĕm֖ẇ ʻálá֑yikĕ ẇmalĕkéyhem֙ şá֣̂ʻàrẇ şâ֔ʻar ráʻàm֖ẇ pá̇niֽym׃

36
סֹֽחֲרִים֙ בָּ֣עַמִּ֔ים שָׁרְק֖וּ עָלָ֑יִךְ בַּלָּהֹ֣ות הָיִ֔ית וְאֵינֵ֖ךְ עַד־עֹולָֽם׃ ס

sòֽẖàriym֙ bá֣̇ʻami̇֔ym şá̌rĕq֖ẇ ʻálá֑yikĕ bȧlá̇hò֣wţ háyi֔yţ wĕʼéyné֖kĕ ʻad־ʻòwláֽm׃ s