Bibles in ancient languages
Old translations
Modern translations

Biblia Hebraica Stuttgartensia Ézéchiel 31:11

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֗י בְּאַחַ֤ת עֶשְׂרֵה֙ שָׁנָ֔ה בַּשְּׁלִישִׁ֖י בְּאֶחָ֣ד לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃

wayĕhi֗y bĕ̇ʼaẖa֤ţ ʻeşĕ̂réh֙ şá̌ná֔h bȧşĕ̇̌liyşǐ֖y bĕ̇ʼeẖá֣d laẖò֑deş̌ háyá֥h dĕbar־yĕhwá֖h ʼéla֥y léʼmòֽr׃

2
בֶּן־אָדָ֕ם אֱמֹ֛ר אֶל־פַּרְעֹ֥ה מֶֽלֶךְ־מִצְרַ֖יִם וְאֶל־הֲמֹונֹ֑ו אֶל־מִ֖י דָּמִ֥יתָ בְגָדְלֶֽךָ׃

bėn־ʼádá֕m ʼèmò֛r ʼel־pȧrĕʻò֥h meֽlekĕ־miẕĕra֖yim wĕʼel־hàmòwnò֑w ʼel־mi֖y dá̇mi֥yţá bĕgádĕleֽká׃

3
הִנֵּ֨ה אַשּׁ֜וּר אֶ֣רֶז בַּלְּבָנֹ֗ון יְפֵ֥ה עָנָ֛ף וְחֹ֥רֶשׁ מֵצַ֖ל וּגְבַ֣הּ קֹומָ֑ה וּבֵ֣ין עֲבֹתִ֔ים הָיְתָ֖ה צַמַּרְתֹּֽו׃

hiné̇֨h ʼaş̇̌֜ẇr ʼe֣rez bȧlĕ̇bánò֗wn yĕpé֥h ʻáná֛p wĕẖò֥reş̌ méẕa֖l ẇgĕba֣ḣ qòwmá֑h ẇbé֣yn ʻàbòţi֔ym háyĕţá֖h ẕamȧrĕţòֽ̇w׃

4
מַ֣יִם גִּדְּל֔וּהוּ תְּהֹ֖ום רֹֽמְמָ֑תְהוּ אֶת־נַהֲרֹתֶ֗יהָ הֹלֵךְ֙ סְבִיבֹ֣ות מַטָּעָ֔הּ וְאֶת־תְּעָלֹתֶ֣יהָ שִׁלְחָ֔ה אֶ֖ל כָּל־עֲצֵ֥י הַשָּׂדֶֽה׃

ma֣yim gi̇dĕ̇l֔ẇhẇ ţĕ̇hò֖wm ròֽmĕmá֑ţĕhẇ ʼeţ־nahàròţe֗yhá hòlékĕ֙ sĕbiybò֣wţ matá̇ʻá֔ḣ wĕʼeţ־ţĕ̇ʻálòţe֣yhá şǐlĕẖá֔h ʼe֖l ká̇l־ʻàẕé֥y haşá̇̂deֽh׃

5
עַל־כֵּן֙ גָּבְהָ֣א קֹמָתֹ֔ו מִכֹּ֖ל עֲצֵ֣י הַשָּׂדֶ֑ה וַתִּרְבֶּ֨ינָה סַֽרְעַפֹּתָ֜יו וַתֶּאֱרַ֧כְנָה פֹארֹתֹו מִמַּ֥יִם רַבִּ֖ים בְּשַׁלְּחֹֽו׃

ʻal־ké̇n֙ gá̇bĕhá֣ʼ qòmáţò֔w mikò֖̇l ʻàẕé֣y haşá̇̂de֑h waţi̇rĕbė֨ynáh saֽrĕʻapò̇ţá֜yw waţėʼèra֧kĕnáh pòʼròţòw mimȧ֥yim rabi֖̇ym bĕ̇şǎlĕ̇ẖòֽw׃

6
בִּסְעַפֹּתָ֤יו קִֽנְנוּ֙ כָּל־עֹ֣וף הַשָּׁמַ֔יִם וְתַ֤חַת פֹּֽארֹתָיו֙ יָֽלְד֔וּ כֹּ֖ל חַיַּ֣ת הַשָּׂדֶ֑ה וּבְצִלֹּו֙ יֵֽשְׁב֔וּ כֹּ֖ל גֹּויִ֥ם רַבִּֽים׃

bi̇sĕʻapò̇ţá֤yw qiֽnĕnẇ֙ ká̇l־ʻò֣wp haşá̇̌ma֔yim wĕţa֤ẖaţ pòֽ̇ʼròţáyw֙ yáֽlĕd֔ẇ kò֖̇l ẖayȧ֣ţ haşá̇̂de֑h ẇbĕẕilò̇w֙ yéֽşĕ̌b֔ẇ kò֖̇l gò̇wyi֥m rabiֽ̇ym׃

7
וַיְּיִ֣ף בְּגָדְלֹ֔ו בְּאֹ֖רֶךְ דָּֽלִיֹּותָ֑יו כִּֽי־הָיָ֥ה שָׁרְשֹׁ֖ו אֶל־מַ֥יִם רַבִּֽים׃

wayĕ̇yi֣p bĕ̇gádĕlò֔w bĕ̇ʼò֖rekĕ dáֽ̇liyò̇wţá֑yw kiֽ̇y־háyá֥h şá̌rĕşò֖̌w ʼel־ma֥yim rabiֽ̇ym׃

8
אֲרָזִ֣ים לֹֽא־עֲמָמֻהוּ֮ בְּגַן־אֱלֹהִים֒ בְּרֹושִׁ֗ים לֹ֤א דָמוּ֙ אֶל־סְעַפֹּתָ֔יו וְעַרְמֹנִ֥ים לֹֽא־הָי֖וּ כְּפֹֽארֹתָ֑יו כָּל־עֵץ֙ בְּגַן־אֱלֹהִ֔ים לֹא־דָמָ֥ה אֵלָ֖יו בְּיָפְיֹֽו׃

ʼàrázi֣ym lòֽʼ־ʻàmámuhẇ֮ bĕ̇gan־ʼèlòhiym֒ bĕ̇ròwşǐ֗ym lò֤ʼ dámẇ֙ ʼel־sĕʻapò̇ţá֔yw wĕʻarĕmòni֥ym lòֽʼ־háy֖ẇ kĕ̇pòֽʼròţá֑yw ká̇l־ʻéẕ֙ bĕ̇gan־ʼèlòhi֔ym lòʼ־dámá֥h ʼélá֖yw bĕ̇yápĕyòֽw׃

9
יָפֶ֣ה עֲשִׂיתִ֔יו בְּרֹ֖ב דָּֽלִיֹּותָ֑יו וַיְקַנְאֻ֨הוּ֙ כָּל־עֲצֵי־עֵ֔דֶן אֲשֶׁ֖ר בְּגַ֥ן הָאֱלֹהִֽים׃ ס

yápe֣h ʻàşîyţi֔yw bĕ̇rò֖b dáֽ̇liyò̇wţá֑yw wayĕqanĕʼu֨hẇ֙ ká̇l־ʻàẕéy־ʻé֔den ʼàşě֖r bĕ̇ga֥n háʼèlòhiֽym׃ s

10
לָכֵ֗ן כֹּ֤ה אָמַר֙ אֲדֹנָ֣י יְהוִ֔ה יַ֕עַן אֲשֶׁ֥ר גָּבַ֖הְתָּ בְּקֹומָ֑ה וַיִּתֵּ֤ן צַמַּרְתֹּו֙ אֶל־בֵּ֣ין עֲבֹותִ֔ים וְרָ֥ם לְבָבֹ֖ו בְּגָבְהֹֽו׃

láké֗n kò֤̇h ʼámar֙ ʼàdòná֣y yĕhwi֔h ya֕ʻan ʼàşě֥r gá̇ba֖hĕţá̇ bĕ̇qòwmá֑h wayi̇ţé֤̇n ẕamȧrĕţò̇w֙ ʼel־bé֣̇yn ʻàbòwţi֔ym wĕrá֥m lĕbábò֖w bĕ̇gábĕhòֽw׃

11
וְאֶ֨תְּנֵ֔הוּ בְּיַ֖ד אֵ֣יל גֹּויִ֑ם עָשֹׂ֤ו יַֽעֲשֶׂה֙ לֹ֔ו כְּרִשְׁעֹ֖ו גֵּרַשְׁתִּֽהוּ׃

wĕʼe֨ţĕ̇né֔hẇ bĕ̇ya֖d ʼé֣yl gò̇wyi֑m ʻáşò֤̂w yaֽʻàşêh֙ lò֔w kĕ̇rişĕ̌ʻò֖w gé̇raşĕ̌ţiֽ̇hẇ׃

12
וַיִּכְרְתֻ֧הוּ זָרִ֛ים עָרִיצֵ֥י גֹויִ֖ם וַֽיִּטְּשֻׁ֑הוּ אֶל־הֶ֠הָרִים וּבְכָל־גֵּ֨אָיֹ֜ות נָפְל֣וּ דָלִיֹּותָ֗יו וַתִּשָּׁבַ֤רְנָה פֹֽארֹתָיו֙ בְּכֹל֙ אֲפִיקֵ֣י הָאָ֔רֶץ וַיֵּרְד֧וּ מִצִּלֹּ֛ו כָּל־עַמֵּ֥י הָאָ֖רֶץ וַֽיִּטְּשֻֽׁהוּ׃

wayi̇kĕrĕţu֧hẇ zári֛ym ʻáriyẕé֥y gòwyi֖m waֽyi̇tĕ̇şǔ֑hẇ ʼel־he֠háriym ẇbĕkál־gé̇֨ʼáyò֜wţ nápĕl֣ẇ dáliyò̇wţá֗yw waţi̇şá̇̌ba֤rĕnáh pòֽʼròţáyw֙ bĕ̇kòl֙ ʼàpiyqé֣y háʼá֔reẕ wayé̇rĕd֧ẇ miẕi̇lò֛̇w ká̇l־ʻamé֥̇y háʼá֖reẕ waֽyi̇tĕ̇şǔֽhẇ׃

13
עַל־מַפַּלְתֹּ֥ו יִשְׁכְּנ֖וּ כָּל־עֹ֣וף הַשָּׁמָ֑יִם וְאֶל־פֹּארֹתָ֣יו הָי֔וּ כֹּ֖ל חַיַּ֥ת הַשָּׂדֶֽה׃

ʻal־mapȧlĕţò֥̇w yişĕ̌kĕ̇n֖ẇ ká̇l־ʻò֣wp haşá̇̌má֑yim wĕʼel־pò̇ʼròţá֣yw háy֔ẇ kò֖̇l ẖayȧ֥ţ haşá̇̂deֽh׃

14
לְמַ֡עַן אֲשֶׁר֩ לֹא־יִגְבְּה֨וּ בְקֹומָתָ֜ם כָּל־עֲצֵי־מַ֗יִם וְלֹֽא־יִתְּנ֤וּ אֶת־צַמַּרְתָּם֙ אֶל־בֵּ֣ין עֲבֹתִ֔ים וְלֹֽא־יַעַמְד֧וּ אֵלֵיהֶ֛ם בְּגָבְהָ֖ם כָּל־שֹׁ֣תֵי מָ֑יִם כִּֽי־כֻלָּם֩ נִתְּנ֨וּ לַמָּ֜וֶת אֶל־אֶ֣רֶץ תַּחְתִּ֗ית בְּתֹ֛וךְ בְּנֵ֥י אָדָ֖ם אֶל־יֹ֥ורְדֵי בֹֽור׃ ס

lĕma֡ʻan ʼàşěr֩ lòʼ־yigĕbĕ̇h֨ẇ bĕqòwmáţá֜m ká̇l־ʻàẕéy־ma֗yim wĕlòֽʼ־yiţĕ̇n֤ẇ ʼeţ־ẕamȧrĕţá̇m֙ ʼel־bé֣̇yn ʻàbòţi֔ym wĕlòֽʼ־yaʻamĕd֧ẇ ʼéléyhe֛m bĕ̇gábĕhá֖m ká̇l־şò֣̌ţéy má֑yim kiֽ̇y־kulá̇m֩ niţĕ̇n֨ẇ lamá̇֜weţ ʼel־ʼe֣reẕ ţȧẖĕţi̇֗yţ bĕ̇ţò֛wkĕ bĕ̇né֥y ʼádá֖m ʼel־yò֥wrĕdéy bòֽwr׃ s

15
כֹּֽה־אָמַ֞ר אֲדֹנָ֣י יְהוִ֗ה בְּיֹ֨ום רִדְתֹּ֤ו שְׁאֹ֨ולָה֙ הֶאֱבַ֜לְתִּי כִּסֵּ֤תִי עָלָיו֙ אֶת־תְּהֹ֔ום וָֽאֶמְנַע֙ נַהֲרֹותֶ֔יהָ וַיִּכָּלְא֖וּ מַ֣יִם רַבִּ֑ים וָאַקְדִּ֤ר עָלָיו֙ לְבָנֹ֔ון וְכָל־עֲצֵ֥י הַשָּׂדֶ֖ה עָלָ֥יו עֻלְפֶּֽה׃

kòֽ̇h־ʼáma֞r ʼàdòná֣y yĕhwi֗h bĕ̇yò֨wm ridĕţò֤̇w şĕ̌ʼò֨wláh֙ heʼèba֜lĕţi̇y ki̇sé֤̇ţiy ʻáláyw֙ ʼeţ־ţĕ̇hò֔wm wáֽʼemĕnaʻ֙ nahàròwţe֔yhá wayi̇ká̇lĕʼ֖ẇ ma֣yim rabi֑̇ym wáʼaqĕdi֤̇r ʻáláyw֙ lĕbánò֔wn wĕkál־ʻàẕé֥y haşá̇̂de֖h ʻálá֥yw ʻulĕpėֽh׃

16
מִקֹּ֤ול מַפַּלְתֹּו֙ הִרְעַ֣שְׁתִּי גֹויִ֔ם בְּהֹורִדִ֥י אֹתֹ֛ו שְׁאֹ֖ולָה אֶת־יֹ֣ורְדֵי בֹ֑ור וַיִּנָּ֨חֲמ֜וּ בְּאֶ֤רֶץ תַּחְתִּית֙ כָּל־עֲצֵי־עֵ֔דֶן מִבְחַ֥ר וְטֹוב־לְבָנֹ֖ון כָּל־שֹׁ֥תֵי מָֽיִם׃

miqò֤̇wl mapȧlĕţò̇w֙ hirĕʻa֣şĕ̌ţi̇y gòwyi֔m bĕ̇hòwridi֥y ʼòţò֛w şĕ̌ʼò֖wláh ʼeţ־yò֣wrĕdéy bò֑wr wayi̇ná̇֨ẖàm֜ẇ bĕ̇ʼe֤reẕ ţȧẖĕţi̇yţ֙ ká̇l־ʻàẕéy־ʻé֔den mibĕẖa֥r wĕtòwb־lĕbánò֖wn ká̇l־şò֥̌ţéy máֽyim׃

17
גַּם־הֵ֗ם אִתֹּ֛ו יָרְד֥וּ שְׁאֹ֖ולָה אֶל־חַלְלֵי־חָ֑רֶב וּזְרֹעֹ֛ו יָשְׁב֥וּ בְצִלֹּ֖ו בְּתֹ֥וךְ גֹּויִֽם׃

gȧm־hé֗m ʼiţò֛̇w yárĕd֥ẇ şĕ̌ʼò֖wláh ʼel־ẖalĕléy־ẖá֑reb ẇzĕròʻò֛w yáşĕ̌b֥ẇ bĕẕilò֖̇w bĕ̇ţò֥wkĕ gò̇wyiֽm׃

18
אֶל־מִ֨י דָמִ֥יתָ כָּ֛כָה בְּכָבֹ֥וד וּבְגֹ֖דֶל בַּעֲצֵי־עֵ֑דֶן וְהוּרַדְתָּ֙ אֶת־עֲצֵי־עֵ֜דֶן אֶל־אֶ֣רֶץ תַּחְתִּ֗ית בְּתֹ֨וךְ עֲרֵלִ֤ים תִּשְׁכַּב֙ אֶת־חַלְלֵי־חֶ֔רֶב ה֤וּא פַרְעֹה֙ וְכָל־המונה נְאֻ֖ם אֲדֹנָ֥י יְהוִֽה׃ ס

ʼel־mi֨y dámi֥yţá ká֛̇káh bĕ̇kábò֥wd ẇbĕgò֖del bȧʻàẕéy־ʻé֑den wĕhẇradĕţá̇֙ ʼeţ־ʻàẕéy־ʻé֜den ʼel־ʼe֣reẕ ţȧẖĕţi̇֗yţ bĕ̇ţò֨wkĕ ʻàréli֤ym ţi̇şĕ̌kȧb֙ ʼeţ־ẖalĕléy־ẖe֔reb h֤ẇʼ parĕʻòh֙ wĕkál־hmwnh nĕʼu֖m ʼàdòná֥y yĕhwiֽh׃ s