Bibles in ancient languages
Old translations
Modern translations

Biblia Hebraica Stuttgartensia Ézéchiel 33:3

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
בֶּן־אָדָ֗ם דַּבֵּ֤ר אֶל־בְּנֵֽי־עַמְּךָ֙ וְאָמַרְתָּ֣ אֲלֵיהֶ֔ם אֶ֕רֶץ כִּֽי־אָבִ֥יא עָלֶ֖יהָ חָ֑רֶב וְלָקְח֨וּ עַם־הָאָ֜רֶץ אִ֤ישׁ אֶחָד֙ מִקְצֵיהֶ֔ם וְנָתְנ֥וּ אֹתֹ֛ו לָהֶ֖ם לְצֹפֶֽה׃

bėn־ʼádá֗m dȧbé֤̇r ʼel־bĕ̇néֽy־ʻamĕ̇ká֙ wĕʼámarĕţá֣̇ ʼàléyhe֔m ʼe֕reẕ kiֽ̇y־ʼábi֥yʼ ʻále֖yhá ẖá֑reb wĕláqĕẖ֨ẇ ʻam־háʼá֜reẕ ʼi֤yş̌ ʼeẖád֙ miqĕẕéyhe֔m wĕnáţĕn֥ẇ ʼòţò֛w láhe֖m lĕẕòpeֽh׃

3
וְרָאָ֥ה אֶת־הַחֶ֖רֶב בָּאָ֣ה עַל־הָאָ֑רֶץ וְתָקַ֥ע בַּשֹּׁופָ֖ר וְהִזְהִ֥יר אֶת־הָעָֽם׃

wĕráʼá֥h ʼeţ־haẖe֖reb bá̇ʼá֣h ʻal־háʼá֑reẕ wĕţáqa֥ʻ bȧşò̇̌wpá֖r wĕhizĕhi֥yr ʼeţ־háʻáֽm׃

4
וְשָׁמַ֨ע הַשֹּׁמֵ֜עַ אֶת־קֹ֤ול הַשֹּׁופָר֙ וְלֹ֣א נִזְהָ֔ר וַתָּ֥בֹוא חֶ֖רֶב וַתִּקָּחֵ֑הוּ דָּמֹ֥ו בְרֹאשֹׁ֖ו יִֽהְיֶֽה׃

wĕşá̌ma֨ʻ haşò̇̌mé֜ʻa ʼeţ־qò֤wl haşò̇̌wpár֙ wĕlò֣ʼ nizĕhá֔r waţá֥̇bòwʼ ẖe֖reb waţi̇qá̇ẖé֑hẇ dá̇mò֥w bĕròʼşò֖̌w yiֽhĕyeֽh׃

5
אֵת֩ קֹ֨ול הַשֹּׁופָ֤ר שָׁמַע֙ וְלֹ֣א נִזְהָ֔ר דָּמֹ֖ו בֹּ֣ו יִֽהְיֶ֑ה וְה֥וּא נִזְהָ֖ר נַפְשֹׁ֥ו מִלֵּֽט׃

ʼéţ֩ qò֨wl haşò̇̌wpá֤r şá̌maʻ֙ wĕlò֣ʼ nizĕhá֔r dá̇mò֖w bò֣̇w yiֽhĕye֑h wĕh֥ẇʼ nizĕhá֖r napĕşò֥̌w miléֽ̇t׃

6
וְ֠הַצֹּפֶה כִּֽי־יִרְאֶ֨ה אֶת־הַחֶ֜רֶב בָּאָ֗ה וְלֹֽא־תָקַ֤ע בַּשֹּׁופָר֙ וְהָעָ֣ם לֹֽא־נִזְהָ֔ר וַתָּבֹ֣וא חֶ֔רֶב וַתִּקַּ֥ח מֵהֶ֖ם נָ֑פֶשׁ ה֚וּא בַּעֲוֹנֹ֣ו נִלְקָ֔ח וְדָמֹ֖ו מִיַּֽד־הַצֹּפֶ֥ה אֶדְרֹֽשׁ׃ ס

wĕ֠haẕò̇peh kiֽ̇y־yirĕʼe֨h ʼeţ־haẖe֜reb bá̇ʼá֗h wĕlòֽʼ־ţáqa֤ʻ bȧşò̇̌wpár֙ wĕháʻá֣m lòֽʼ־nizĕhá֔r waţá̇bò֣wʼ ẖe֔reb waţi̇qȧ֥ẖ méhe֖m ná֑peş̌ h֚ẇʼ bȧʻàwònò֣w nilĕqá֔ẖ wĕdámò֖w miyȧֽd־haẕò̇pe֥h ʼedĕròֽş̌׃ s

7
וְאַתָּ֣ה בֶן־אָדָ֔ם צֹפֶ֥ה נְתַתִּ֖יךָ לְבֵ֣ית יִשְׂרָאֵ֑ל וְשָׁמַעְתָּ֤ מִפִּי֙ דָּבָ֔ר וְהִזְהַרְתָּ֥ אֹתָ֖ם מִמֶּֽנִּי׃

wĕʼaţá֣̇h ben־ʼádá֔m ẕòpe֥h nĕţaţi֖̇yká lĕbé֣yţ yişĕ̂ráʼé֑l wĕşá̌maʻĕţá֤̇ mipi̇y֙ dá̇bá֔r wĕhizĕharĕţá֥̇ ʼòţá֖m mimėֽni̇y׃

8
בְּאָמְרִ֣י לָרָשָׁ֗ע רָשָׁע֙ מֹ֣ות תָּמ֔וּת וְלֹ֣א דִבַּ֔רְתָּ לְהַזְהִ֥יר רָשָׁ֖ע מִדַּרְכֹּ֑ו ה֤וּא רָשָׁע֙ בַעֲוֹנֹ֣ו יָמ֔וּת וְדָמֹ֖ו מִיָּדְךָ֥ אֲבַקֵּֽשׁ׃

bĕ̇ʼámĕri֣y láráşá̌֗ʻ ráşá̌ʻ֙ mò֣wţ ţá̇m֔ẇţ wĕlò֣ʼ dibȧ֔rĕţá̇ lĕhazĕhi֥yr ráşá֖̌ʻ midȧrĕkò֑̇w h֤ẇʼ ráşá̌ʻ֙ baʻàwònò֣w yám֔ẇţ wĕdámò֖w miyá̇dĕká֥ ʼàbaqéֽ̇ş̌׃

9
וְ֠אַתָּה כִּֽי־הִזְהַ֨רְתָּ רָשָׁ֤ע מִדַּרְכֹּו֙ לָשׁ֣וּב מִמֶּ֔נָּה וְלֹא־שָׁ֖ב מִדַּרְכֹּ֑ו ה֚וּא בַּעֲוֹנֹ֣ו יָמ֔וּת וְאַתָּ֖ה נַפְשְׁךָ֥ הִצַּֽלְתָּ׃ ס

wĕ֠ʼaţá̇h kiֽ̇y־hizĕha֨rĕţá̇ ráşá֤̌ʻ midȧrĕkò̇w֙ láş֣̌ẇb mimė֔ná̇h wĕlòʼ־şá֖̌b midȧrĕkò֑̇w h֚ẇʼ bȧʻàwònò֣w yám֔ẇţ wĕʼaţá֖̇h napĕşĕ̌ká֥ hiẕȧֽlĕţá̇׃ s

10
וְאַתָּ֣ה בֶן־אָדָ֗ם אֱמֹר֙ אֶל־בֵּ֣ית יִשְׂרָאֵ֔ל כֵּ֤ן אֲמַרְתֶּם֙ לֵאמֹ֔ר כִּֽי־פְשָׁעֵ֥ינוּ וְחַטֹּאתֵ֖ינוּ עָלֵ֑ינוּ וּבָ֛ם אֲנַ֥חְנוּ נְמַקִּ֖ים וְאֵ֥יךְ נִֽחְיֶֽה׃

wĕʼaţá֣̇h ben־ʼádá֗m ʼèmòr֙ ʼel־bé֣̇yţ yişĕ̂ráʼé֔l ké֤̇n ʼàmarĕţėm֙ léʼmò֔r kiֽ̇y־pĕşá̌ʻé֥ynẇ wĕẖatò̇ʼţé֖ynẇ ʻálé֑ynẇ ẇbá֛m ʼàna֥ẖĕnẇ nĕmaqi֖̇ym wĕʼé֥ykĕ niֽẖĕyeֽh׃

11
אֱמֹ֨ר אֲלֵיהֶ֜ם חַי־אָ֣נִי׀ נְאֻ֣ם׀ אֲדֹנָ֣י יְהוִ֗ה אִם־אֶחְפֹּץ֙ בְּמֹ֣ות הָרָשָׁ֔ע כִּ֣י אִם־בְּשׁ֥וּב רָשָׁ֛ע מִדַּרְכֹּ֖ו וְחָיָ֑ה שׁ֣וּבוּ שׁ֜וּבוּ מִדַּרְכֵיכֶ֧ם הָרָעִ֛ים וְלָ֥מָּה תָמ֖וּתוּ בֵּ֥ית יִשְׂרָאֵֽל׃ פ

ʼèmò֨r ʼàléyhe֜m ẖay־ʼá֣niy׀ nĕʼu֣m׀ ʼàdòná֣y yĕhwi֗h ʼim־ʼeẖĕpò̇ẕ֙ bĕ̇mò֣wţ háráşá̌֔ʻ ki֣̇y ʼim־bĕ̇ş֥̌ẇb ráşá֛̌ʻ midȧrĕkò֖̇w wĕẖáyá֑h ş֣̌ẇbẇ ş̌֜ẇbẇ midȧrĕkéyke֧m háráʻi֛ym wĕlá֥má̇h ţám֖ẇţẇ bé֥̇yţ yişĕ̂ráʼéֽl׃ p

12
וְאַתָּ֣ה בֶן־אָדָ֗ם אֱמֹ֤ר אֶל־בְּנֵֽי־עַמְּךָ֙ צִדְקַ֣ת הַצַּדִּ֗יק לֹ֤א תַצִּילֶ֨נּוּ֙ בְּיֹ֣ום פִּשְׁעֹ֔ו וְרִשְׁעַ֤ת הָֽרָשָׁע֙ לֹֽא־יִכָּ֣שֶׁל בָּ֔הּ בְּיֹ֖ום שׁוּבֹ֣ו מֵֽרִשְׁעֹ֑ו וְצַדִּ֗יק לֹ֥א יוּכַ֛ל לִֽחְיֹ֥ות בָּ֖הּ בְּיֹ֥ום חֲטֹאתֹֽו׃

wĕʼaţá֣̇h ben־ʼádá֗m ʼèmò֤r ʼel־bĕ̇néֽy־ʻamĕ̇ká֙ ẕidĕqa֣ţ haẕȧdi̇֗yq lò֤ʼ ţaẕi̇yle֨ṅẇ֙ bĕ̇yò֣wm pi̇şĕ̌ʻò֔w wĕrişĕ̌ʻa֤ţ háֽráşá̌ʻ֙ lòֽʼ־yiká֣̇şěl bá̇֔ḣ bĕ̇yò֖wm ş̌ẇbò֣w méֽrişĕ̌ʻò֑w wĕẕadi̇֗yq lò֥ʼ yẇka֛l liֽẖĕyò֥wţ bá֖̇ḣ bĕ̇yò֥wm ẖàtòʼţòֽw׃

13
בְּאָמְרִ֤י לַצַּדִּיק֙ חָיֹ֣ה יִֽחְיֶ֔ה וְהֽוּא־בָטַ֥ח עַל־צִדְקָתֹ֖ו וְעָ֣שָׂה עָ֑וֶל כָּל־צִדְקָתֹו לֹ֣א תִזָּכַ֔רְנָה וּבְעַוְלֹ֥ו אֲשֶׁר־עָשָׂ֖ה בֹּ֥ו יָמֽוּת׃

bĕ̇ʼámĕri֤y laẕȧdi̇yq֙ ẖáyò֣h yiֽẖĕye֔h wĕhֽẇʼ־báta֥ẖ ʻal־ẕidĕqáţò֖w wĕʻá֣şá̂h ʻá֑wel ká̇l־ẕidĕqáţòw lò֣ʼ ţizá̇ka֔rĕnáh ẇbĕʻawĕlò֥w ʼàşěr־ʻáşá֖̂h bò֥̇w yámֽẇţ׃

14
וּבְאָמְרִ֥י לָֽרָשָׁ֖ע מֹ֣ות תָּמ֑וּת וְשָׁב֙ מֵֽחַטָּאתֹ֔ו וְעָשָׂ֥ה מִשְׁפָּ֖ט וּצְדָקָֽה׃

ẇbĕʼámĕri֥y láֽráşá֖̌ʻ mò֣wţ ţá̇m֑ẇţ wĕşá̌b֙ méֽẖatá̇ʼţò֔w wĕʻáşá֥̂h mişĕ̌pá֖̇t ẇẕĕdáqáֽh׃

15
חֲבֹ֨ל יָשִׁ֤יב רָשָׁע֙ גְּזֵלָ֣ה יְשַׁלֵּ֔ם בְּחֻקֹּ֤ות הַֽחַיִּים֙ הָלַ֔ךְ לְבִלְתִּ֖י עֲשֹׂ֣ות עָ֑וֶל חָיֹ֥ו יִֽחְיֶ֖ה לֹ֥א יָמֽוּת׃

ẖàbò֨l yáşǐ֤yb ráşá̌ʻ֙ gĕ̇zélá֣h yĕşǎlé̇֔m bĕ̇ẖuqò֤̇wţ haֽẖayi̇ym֙ hála֔kĕ lĕbilĕţi֖̇y ʻàşò֣̂wţ ʻá֑wel ẖáyò֥w yiֽẖĕye֖h lò֥ʼ yámֽẇţ׃

16
כָּל־חַטָּאתֹו אֲשֶׁ֣ר חָטָ֔א לֹ֥א תִזָּכַ֖רְנָה לֹ֑ו מִשְׁפָּ֧ט וּצְדָקָ֛ה עָשָׂ֖ה חָיֹ֥ו יִֽחְיֶֽה׃

ká̇l־ẖatá̇ʼţòw ʼàşě֣r ẖátá֔ʼ lò֥ʼ ţizá̇ka֖rĕnáh lò֑w mişĕ̌pá֧̇t ẇẕĕdáqá֛h ʻáşá֖̂h ẖáyò֥w yiֽẖĕyeֽh׃

17
וְאָמְרוּ֙ בְּנֵ֣י עַמְּךָ֔ לֹ֥א יִתָּכֵ֖ן דֶּ֣רֶךְ אֲדֹנָ֑י וְהֵ֖מָּה דַּרְכָּ֥ם לֹֽא־יִתָּכֵֽן׃

wĕʼámĕrẇ֙ bĕ̇né֣y ʻamĕ̇ká֔ lò֥ʼ yiţá̇ké֖n dė֣rekĕ ʼàdòná֑y wĕhé֖má̇h dȧrĕká֥̇m lòֽʼ־yiţá̇kéֽn׃

18
בְּשׁוּב־צַדִּ֥יק מִצִּדְקָתֹ֖ו וְעָ֣שָׂה עָ֑וֶל וּמֵ֖ת בָּהֶֽם׃

bĕ̇ş̌ẇb־ẕadi֥̇yq miẕi̇dĕqáţò֖w wĕʻá֣şá̂h ʻá֑wel ẇmé֖ţ bá̇heֽm׃

19
וּבְשׁ֤וּב רָשָׁע֙ מֵֽרִשְׁעָתֹ֔ו וְעָשָׂ֥ה מִשְׁפָּ֖ט וּצְדָקָ֑ה עֲלֵיהֶ֖ם ה֥וּא יִֽחְיֶֽה׃

ẇbĕş֤̌ẇb ráşá̌ʻ֙ méֽrişĕ̌ʻáţò֔w wĕʻáşá֥̂h mişĕ̌pá֖̇t ẇẕĕdáqá֑h ʻàléyhe֖m h֥ẇʼ yiֽẖĕyeֽh׃

20
וַאֲמַרְתֶּ֕ם לֹ֥א יִתָּכֵ֖ן דֶּ֣רֶךְ אֲדֹנָ֑י אִ֧ישׁ כִּדְרָכָ֛יו אֶשְׁפֹּ֥וט אֶתְכֶ֖ם בֵּ֥ית יִשְׂרָאֵֽל׃ פ

waʼàmarĕţė֕m lò֥ʼ yiţá̇ké֖n dė֣rekĕ ʼàdòná֑y ʼi֧yş̌ ki̇dĕráká֛yw ʼeşĕ̌pò֥̇wt ʼeţĕke֖m bé֥̇yţ yişĕ̂ráʼéֽl׃ p

21
וַיְהִ֞י בִּשְׁתֵּ֧י עֶשְׂרֵ֣ה שָׁנָ֗ה בָּעֲשִׂרִ֛י בַּחֲמִשָּׁ֥ה לַחֹ֖דֶשׁ לְגָלוּתֵ֑נוּ בָּא־אֵלַ֨י הַפָּלִ֧יט מִירוּשָׁלִַ֛ם לֵאמֹ֖ר הֻכְּתָ֥ה הָעִֽיר׃

wayĕhi֞y bi̇şĕ̌ţé֧̇y ʻeşĕ̂ré֣h şá̌ná֗h bá̇ʻàşîri֛y bȧẖàmişá֥̇̌h laẖò֖deş̌ lĕgálẇţé֑nẇ bá̇ʼ־ʼéla֨y hapá̇li֧yt miyrẇşá̌lia֛m léʼmò֖r hukĕ̇ţá֥h háʻiֽyr׃

22
וְיַד־יְהוָה֩ הָיְתָ֨ה אֵלַ֜י בָּעֶ֗רֶב לִפְנֵי֙ בֹּ֣וא הַפָּלִ֔יט וַיִּפְתַּ֣ח אֶת־פִּ֔י עַד־בֹּ֥וא אֵלַ֖י בַּבֹּ֑קֶר וַיִּפָּ֣תַח פִּ֔י וְלֹ֥א נֶאֱלַ֖מְתִּי עֹֽוד׃ פ

wĕyad־yĕhwáh֩ háyĕţá֨h ʼéla֜y bá̇ʻe֗reb lipĕnéy֙ bò֣̇wʼ hapá̇li֔yt wayi̇pĕţȧ֣ẖ ʼeţ־pi̇֔y ʻad־bò֥̇wʼ ʼéla֖y bȧbò֑̇qer wayi̇pá֣̇ţaẖ pi̇֔y wĕlò֥ʼ neʼèla֖mĕţi̇y ʻòֽwd׃ p

23
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

24
בֶּן־אָדָ֗ם יֹ֠שְׁבֵי הֶחֳרָבֹ֨ות הָאֵ֜לֶּה עַל־אַדְמַ֤ת יִשְׂרָאֵל֙ אֹמְרִ֣ים לֵאמֹ֔ר אֶחָד֙ הָיָ֣ה אַבְרָהָ֔ם וַיִּירַ֖שׁ אֶת־הָאָ֑רֶץ וַאֲנַ֣חְנוּ רַבִּ֔ים לָ֛נוּ נִתְּנָ֥ה הָאָ֖רֶץ לְמֹורָשָֽׁה׃ ס

bėn־ʼádá֗m yò֠şĕ̌béy heẖorábò֨wţ háʼé֜lėh ʻal־ʼadĕma֤ţ yişĕ̂ráʼél֙ ʼòmĕri֣ym léʼmò֔r ʼeẖád֙ háyá֣h ʼabĕráhá֔m wayi̇yra֖ş̌ ʼeţ־háʼá֑reẕ waʼàna֣ẖĕnẇ rabi̇֔ym lá֛nẇ niţĕ̇ná֥h háʼá֖reẕ lĕmòwráşáֽ̌h׃ s

25
לָכֵן֩ אֱמֹ֨ר אֲלֵיהֶ֜ם כֹּֽה־אָמַ֣ר׀ אֲדֹנָ֣י יְהֹוִ֗ה עַל־הַדָּ֧ם׀ תֹּאכֵ֛לוּ וְעֵינֵכֶ֛ם תִּשְׂא֥וּ אֶל־גִּלּוּלֵיכֶ֖ם וְדָ֣ם תִּשְׁפֹּ֑כוּ וְהָאָ֖רֶץ תִּירָֽשׁוּ׃

lákén֩ ʼèmò֨r ʼàléyhe֜m kòֽ̇h־ʼáma֣r׀ ʼàdòná֣y yĕhòwi֗h ʻal־hadá֧̇m׀ ţò̇ʼké֛lẇ wĕʻéynéke֛m ţi̇şĕ̂ʼ֥ẇ ʼel־gi̇l̇ẇléyke֖m wĕdá֣m ţi̇şĕ̌pò֑̇kẇ wĕháʼá֖reẕ ţi̇yráֽş̌ẇ׃

26
עֲמַדְתֶּ֤ם עַֽל־חַרְבְּכֶם֙ עֲשִׂיתֶ֣ן תֹּועֵבָ֔ה וְאִ֛ישׁ אֶת־אֵ֥שֶׁת רֵעֵ֖הוּ טִמֵּאתֶ֑ם וְהָאָ֖רֶץ תִּירָֽשׁוּ׃ ס

ʻàmadĕţė֤m ʻaֽl־ẖarĕbĕ̇kem֙ ʻàşîyţe֣n ţò̇wʻébá֔h wĕʼi֛yş̌ ʼeţ־ʼé֥şěţ réʻé֖hẇ timé̇ʼţe֑m wĕháʼá֖reẕ ţi̇yráֽş̌ẇ׃ s

27
כֹּֽה־תֹאמַ֨ר אֲלֵהֶ֜ם כֹּה־אָמַ֨ר אֲדֹנָ֣י יְהוִה֮ חַי־אָנִי֒ אִם־לֹ֞א אֲשֶׁ֤ר בֶּֽחֳרָבֹות֙ בַּחֶ֣רֶב יִפֹּ֔לוּ וַֽאֲשֶׁר֙ עַל־פְּנֵ֣י הַשָּׂדֶ֔ה לַחַיָּ֥ה נְתַתִּ֖יו לְאָכְלֹ֑ו וַאֲשֶׁ֛ר בַּמְּצָדֹ֥ות וּבַמְּעָרֹ֖ות בַּדֶּ֥בֶר יָמֽוּתוּ׃

kòֽ̇h־ţòʼma֨r ʼàléhe֜m kò̇h־ʼáma֨r ʼàdòná֣y yĕhwih֮ ẖay־ʼániy֒ ʼim־lò֞ʼ ʼàşě֤r bėֽẖorábòwţ֙ bȧẖe֣reb yipò̇֔lẇ waֽʼàşěr֙ ʻal־pĕ̇né֣y haşá̇̂de֔h laẖayá֥̇h nĕţaţi֖̇yw lĕʼákĕlò֑w waʼàşě֛r bȧmĕ̇ẕádò֥wţ ẇbamĕ̇ʻárò֖wţ bȧdė֥ber yámֽẇţẇ׃

28
וְנָתַתִּ֤י אֶת־הָאָ֨רֶץ֙ שְׁמָמָ֣ה וּמְשַׁמָּ֔ה וְנִשְׁבַּ֖ת גְּאֹ֣ון עֻזָּ֑הּ וְשָֽׁמְמ֛וּ הָרֵ֥י יִשְׂרָאֵ֖ל מֵאֵ֥ין עֹובֵֽר׃

wĕnáţaţi֤̇y ʼeţ־háʼá֨reẕ֙ şĕ̌mámá֣h ẇmĕşǎmá̇֔h wĕnişĕ̌bȧ֖ţ gĕ̇ʼò֣wn ʻuzá֑̇ḣ wĕşáֽ̌mĕm֛ẇ háré֥y yişĕ̂ráʼé֖l méʼé֥yn ʻòwbéֽr׃

29
וְיָדְע֖וּ כִּֽי־אֲנִ֣י יְהוָ֑ה בְּתִתִּ֤י אֶת־הָאָ֨רֶץ֙ שְׁמָמָ֣ה וּמְשַׁמָּ֔ה עַ֥ל כָּל־תֹּועֲבֹתָ֖ם אֲשֶׁ֥ר עָשֽׂוּ׃ ס

wĕyádĕʻ֖ẇ kiֽ̇y־ʼàni֣y yĕhwá֑h bĕ̇ţiţi֤̇y ʼeţ־háʼá֨reẕ֙ şĕ̌mámá֣h ẇmĕşǎmá̇֔h ʻa֥l ká̇l־ţò̇wʻàbòţá֖m ʼàşě֥r ʻáşֽ̂ẇ׃ s

30
וְאַתָּ֣ה בֶן־אָדָ֔ם בְּנֵ֣י עַמְּךָ֗ הַנִּדְבָּרִ֤ים בְּךָ֙ אֵ֣צֶל הַקִּירֹ֔ות וּבְפִתְחֵ֖י הַבָּתִּ֑ים וְדִבֶּר־חַ֣ד אֶת־אַחַ֗ד אִ֤ישׁ אֶת־אָחִיו֙ לֵאמֹ֔ר בֹּֽאוּ־נָ֣א וְשִׁמְע֔וּ מָ֣ה הַדָּבָ֔ר הַיֹּוצֵ֖א מֵאֵ֥ת יְהוָֽה׃

wĕʼaţá֣̇h ben־ʼádá֔m bĕ̇né֣y ʻamĕ̇ká֗ hani̇dĕbá̇ri֤ym bĕ̇ká֙ ʼé֣ẕel haqi̇yrò֔wţ ẇbĕpiţĕẖé֖y habá̇ţi֑̇ym wĕdibėr־ẖa֣d ʼeţ־ʼaẖa֗d ʼi֤yş̌ ʼeţ־ʼáẖiyw֙ léʼmò֔r bòֽ̇ʼẇ־ná֣ʼ wĕşǐmĕʻ֔ẇ má֣h hadá̇bá֔r hayò̇wẕé֖ʼ méʼé֥ţ yĕhwáֽh׃

31
וְיָבֹ֣ואוּ אֵ֠לֶיךָ כִּמְבֹוא־עָ֞ם וְיֵשְׁב֤וּ לְפָנֶ֨יךָ֙ עַמִּ֔י וְשָֽׁמְעוּ֙ אֶת־דְּבָרֶ֔יךָ וְאֹותָ֖ם לֹ֣א יַֽעֲשׂ֑וּ כִּֽי־עֲגָבִ֤ים בְּפִיהֶם֙ הֵ֣מָּה עֹשִׂ֔ים אַחֲרֵ֥י בִצְעָ֖ם לִבָּ֥ם הֹלֵֽךְ׃

wĕyábò֣wʼẇ ʼé֠leyká ki̇mĕbòwʼ־ʻá֞m wĕyéşĕ̌b֤ẇ lĕpáne֨yká֙ ʻami̇֔y wĕşáֽ̌mĕʻẇ֙ ʼeţ־dĕ̇báre֔yká wĕʼòwţá֖m lò֣ʼ yaֽʻàş֑̂ẇ kiֽ̇y־ʻàgábi֤ym bĕ̇piyhem֙ hé֣má̇h ʻòşî֔ym ʼaẖàré֥y biẕĕʻá֖m libá֥̇m hòléֽkĕ׃

32
וְהִנְּךָ֤ לָהֶם֙ כְּשִׁ֣יר עֲגָבִ֔ים יְפֵ֥ה קֹ֖ול וּמֵטִ֣ב נַגֵּ֑ן וְשָֽׁמְעוּ֙ אֶת־דְּבָרֶ֔יךָ וְעֹשִׂ֥ים אֵינָ֖ם אֹותָֽם׃

wĕhinĕ̇ká֤ láhem֙ kĕ̇şǐ֣yr ʻàgábi֔ym yĕpé֥h qò֖wl ẇméti֣b nagé֑̇n wĕşáֽ̌mĕʻẇ֙ ʼeţ־dĕ̇báre֔yká wĕʻòşî֥ym ʼéyná֖m ʼòwţáֽm׃

33
וּבְבֹאָ֑הּ הִנֵּ֣ה בָאָ֔ה וְיָ֣דְע֔וּ כִּ֥י נָבִ֖יא הָיָ֥ה בְתֹוכָֽם׃ ס

ẇbĕbòʼá֑ḣ hiné֣̇h báʼá֔h wĕyá֣dĕʻ֔ẇ ki֥̇y nábi֖yʼ háyá֥h bĕţòwkáֽm׃ s