Bibles in ancient languages
Old translations
Modern translations

Biblia Hebraica Stuttgartiensia Ezekiel 37

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
הָיְתָ֣ה עָלַי֮ יַד־יְהוָה֒ וַיֹּוצִאֵ֤נִי בְר֨וּחַ֙ יְהוָ֔ה וַיְנִיחֵ֖נִי בְּתֹ֣וךְ הַבִּקְעָ֑ה וְהִ֖יא מְלֵאָ֥ה עֲצָמֹֽות׃

háyĕţá֣h ʻálay֮ yad־yĕhwáh֒ wayò̇wẕiʼé֤niy bĕr֨ẇẖa֙ yĕhwá֔h wayĕniyẖé֖niy bĕ̇ţò֣wkĕ habi̇qĕʻá֑h wĕhi֖yʼ mĕléʼá֥h ʻàẕámòֽwţ׃

2
וְהֶעֱבִירַ֥נִי עֲלֵיהֶ֖ם סָבִ֣יב׀ סָבִ֑יב וְהִנֵּ֨ה רַבֹּ֤ות מְאֹד֙ עַל־פְּנֵ֣י הַבִּקְעָ֔ה וְהִנֵּ֖ה יְבֵשֹׁ֥ות מְאֹֽד׃

wĕheʻèbiyra֥niy ʻàléyhe֖m sábi֣yb׀ sábi֑yb wĕhiné̇֨h rabò֤̇wţ mĕʼòd֙ ʻal־pĕ̇né֣y habi̇qĕʻá֔h wĕhiné֖̇h yĕbéşò֥̌wţ mĕʼòֽd׃

3
וַיֹּ֣אמֶר אֵלַ֔י בֶּן־אָדָ֕ם הֲתִחְיֶ֖ינָה הָעֲצָמֹ֣ות הָאֵ֑לֶּה וָאֹמַ֕ר אֲדֹנָ֥י יְהוִ֖ה אַתָּ֥ה יָדָֽעְתָּ׃

wayò֣̇ʼmer ʼéla֔y bėn־ʼádá֕m hàţiẖĕye֖ynáh háʻàẕámò֣wţ háʼé֑lėh wáʼòma֕r ʼàdòná֥y yĕhwi֖h ʼaţá֥̇h yádáֽʻĕţá̇׃

4
וַיֹּ֣אמֶר אֵלַ֔י הִנָּבֵ֖א עַל־הָעֲצָמֹ֣ות הָאֵ֑לֶּה וְאָמַרְתָּ֣ אֲלֵיהֶ֔ם הָעֲצָמֹות֙ הַיְבֵשֹׁ֔ות שִׁמְע֖וּ דְּבַר־יְהוָֽה׃

wayò֣̇ʼmer ʼéla֔y hiná̇bé֖ʼ ʻal־háʻàẕámò֣wţ háʼé֑lėh wĕʼámarĕţá֣̇ ʼàléyhe֔m háʻàẕámòwţ֙ hayĕbéşò̌֔wţ şǐmĕʻ֖ẇ dĕ̇bar־yĕhwáֽh׃

5
כֹּ֤ה אָמַר֙ אֲדֹנָ֣י יְהוִ֔ה לָעֲצָמֹ֖ות הָאֵ֑לֶּה הִנֵּ֨ה אֲנִ֜י מֵבִ֥יא בָכֶ֛ם ר֖וּחַ וִחְיִיתֶֽם׃

kò֤̇h ʼámar֙ ʼàdòná֣y yĕhwi֔h láʻàẕámò֖wţ háʼé֑lėh hiné̇֨h ʼàni֜y mébi֥yʼ báke֛m r֖ẇẖa wiẖĕyiyţeֽm׃

6
וְנָתַתִּי֩ עֲלֵיכֶ֨ם גִּדִ֜ים וְֽהַעֲלֵתִ֧י עֲלֵיכֶ֣ם בָּשָׂ֗ר וְקָרַמְתִּ֤י עֲלֵיכֶם֙ עֹ֔ור וְנָתַתִּ֥י בָכֶ֛ם ר֖וּחַ וִחְיִיתֶ֑ם וִידַעְתֶּ֖ם כִּֽי־אֲנִ֥י יְהוָֽה׃

wĕnáţaţi̇y֩ ʻàléyke֨m gi̇di֜ym wĕֽhaʻàléţi֧y ʻàléyke֣m bá̇şá̂֗r wĕqáramĕţi֤̇y ʻàléykem֙ ʻò֔wr wĕnáţaţi֥̇y báke֛m r֖ẇẖa wiẖĕyiyţe֑m wiydaʻĕţė֖m kiֽ̇y־ʼàni֥y yĕhwáֽh׃

7
וְנִבֵּ֖אתִי כַּאֲשֶׁ֣ר צֻוֵּ֑יתִי וַֽיְהִי־ קֹ֤ול כְּהִנָּֽבְאִי֙ וְהִנֵּה־רַ֔עַשׁ וַתִּקְרְב֣וּ עֲצָמֹ֔ות עֶ֖צֶם אֶל־עַצְמֹֽו׃

wĕnibé֖̇ʼţiy kȧʼàşě֣r ẕuwé֑̇yţiy waֽyĕhiy־ qò֤wl kĕ̇hináֽ̇bĕʼiy֙ wĕhiné̇h־ra֔ʻaş̌ waţi̇qĕrĕb֣ẇ ʻàẕámò֔wţ ʻe֖ẕem ʼel־ʻaẕĕmòֽw׃

8
וְרָאִ֜יתִי וְהִנֵּֽה־עֲלֵיהֶ֤ם גִּדִים֙ וּבָשָׂ֣ר עָלָ֔ה וַיִּקְרַ֧ם עֲלֵיהֶ֛ם עֹ֖ור מִלְמָ֑עְלָה וְר֖וּחַ אֵ֥ין בָּהֶֽם׃

wĕráʼi֜yţiy wĕhinéֽ̇h־ʻàléyhe֤m gi̇diym֙ ẇbáşá֣̂r ʻálá֔h wayi̇qĕra֧m ʻàléyhe֛m ʻò֖wr milĕmá֑ʻĕláh wĕr֖ẇẖa ʼé֥yn bá̇heֽm׃

9
וַיֹּ֣אמֶר אֵלַ֔י הִנָּבֵ֖א אֶל־הָר֑וּחַ הִנָּבֵ֣א בֶן־אָ֠דָם וְאָמַרְתָּ֙ אֶל־הָר֜וּחַ כֹּֽה־אָמַ֣ר׀ אֲדֹנָ֣י יְהוִ֗ה מֵאַרְבַּ֤ע רוּחֹות֙ בֹּ֣אִי הָר֔וּחַ וּפְחִ֛י בַּהֲרוּגִ֥ים הָאֵ֖לֶּה וְיִֽחְיֽוּ׃

wayò֣̇ʼmer ʼéla֔y hiná̇bé֖ʼ ʼel־hár֑ẇẖa hiná̇bé֣ʼ ben־ʼá֠dám wĕʼámarĕţá̇֙ ʼel־hár֜ẇẖa kòֽ̇h־ʼáma֣r׀ ʼàdòná֣y yĕhwi֗h méʼarĕbȧ֤ʻ rẇẖòwţ֙ bò֣̇ʼiy hár֔ẇẖa ẇpĕẖi֛y bȧhàrẇgi֥ym háʼé֖lėh wĕyiֽẖĕyֽẇ׃

10
וְהִנַּבֵּ֖אתִי כַּאֲשֶׁ֣ר צִוָּ֑נִי וַתָּבֹוא֩ בָהֶ֨ם הָר֜וּחַ וַיִּֽחְי֗וּ וַיַּֽעַמְדוּ֙ עַל־רַגְלֵיהֶ֔ם חַ֖יִל גָּדֹ֥ול מְאֹד־מְאֹֽד׃ ס

wĕhinȧbé֖̇ʼţiy kȧʼàşě֣r ẕiwá֑̇niy waţá̇bòwʼ֩ báhe֨m hár֜ẇẖa wayiֽ̇ẖĕy֗ẇ wayȧֽʻamĕdẇ֙ ʻal־ragĕléyhe֔m ẖa֖yil gá̇dò֥wl mĕʼòd־mĕʼòֽd׃ s

11
וַיֹּאמֶר֮ אֵלַי֒ בֶּן־אָדָ֕ם הָעֲצָמֹ֣ות הָאֵ֔לֶּה כָּל־בֵּ֥ית יִשְׂרָאֵ֖ל הֵ֑מָּה הִנֵּ֣ה אֹמְרִ֗ים יָבְשׁ֧וּ עַצְמֹותֵ֛ינוּ וְאָבְדָ֥ה תִקְוָתֵ֖נוּ נִגְזַ֥רְנוּ לָֽנוּ׃

wayò̇ʼmer֮ ʼélay֒ bėn־ʼádá֕m háʻàẕámò֣wţ háʼé֔lėh ká̇l־bé֥̇yţ yişĕ̂ráʼé֖l hé֑má̇h hiné֣̇h ʼòmĕri֗ym yábĕş֧̌ẇ ʻaẕĕmòwţé֛ynẇ wĕʼábĕdá֥h ţiqĕwáţé֖nẇ nigĕza֥rĕnẇ láֽnẇ׃

12
לָכֵן֩ הִנָּבֵ֨א וְאָמַרְתָּ֜ אֲלֵיהֶ֗ם כֹּֽה־אָמַר֮ אֲדֹנָ֣י יְהוִה֒ הִנֵּה֩ אֲנִ֨י פֹתֵ֜חַ אֶת־קִבְרֹֽותֵיכֶ֗ם וְהַעֲלֵיתִ֥י אֶתְכֶ֛ם מִקִּבְרֹותֵיכֶ֖ם עַמִּ֑י וְהֵבֵאתִ֥י אֶתְכֶ֖ם אֶל־אַדְמַ֥ת יִשְׂרָאֵֽל׃ ס

lákén֩ hiná̇bé֨ʼ wĕʼámarĕţá̇֜ ʼàléyhe֗m kòֽ̇h־ʼámar֮ ʼàdòná֣y yĕhwih֒ hiné̇h֩ ʼàni֨y pòţé֜ẖa ʼeţ־qibĕròֽwţéyke֗m wĕhaʻàléyţi֥y ʼeţĕke֛m miqi̇bĕròwţéyke֖m ʻami֑̇y wĕhébéʼţi֥y ʼeţĕke֖m ʼel־ʼadĕma֥ţ yişĕ̂ráʼéֽl׃ s

13
וִֽידַעְתֶּ֖ם כִּֽי־אֲנִ֣י יְהוָ֑ה בְּפִתְחִ֣י אֶת־קִבְרֹֽותֵיכֶ֗ם וּבְהַעֲלֹותִ֥י אֶתְכֶ֛ם מִקִּבְרֹותֵיכֶ֖ם עַמִּֽי׃

wiֽydaʻĕţė֖m kiֽ̇y־ʼàni֣y yĕhwá֑h bĕ̇piţĕẖi֣y ʼeţ־qibĕròֽwţéyke֗m ẇbĕhaʻàlòwţi֥y ʼeţĕke֛m miqi̇bĕròwţéyke֖m ʻamiֽ̇y׃

14
וְנָתַתִּ֨י רוּחִ֤י בָכֶם֙ וִחְיִיתֶ֔ם וְהִנַּחְתִּ֥י אֶתְכֶ֖ם עַל־אַדְמַתְכֶ֑ם וִידַעְתֶּ֞ם כִּי־אֲנִ֧י יְהוָ֛ה דִּבַּ֥רְתִּי וְעָשִׂ֖יתִי נְאֻם־יְהוָֽה׃ פ

wĕnáţaţi̇֨y rẇẖi֤y bákem֙ wiẖĕyiyţe֔m wĕhinȧẖĕţi֥̇y ʼeţĕke֖m ʻal־ʼadĕmaţĕke֑m wiydaʻĕţė֞m ki̇y־ʼàni֧y yĕhwá֛h di̇bȧ֥rĕţi̇y wĕʻáşî֖yţiy nĕʼum־yĕhwáֽh׃ p

15
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

16
וְאַתָּ֣ה בֶן־אָדָ֗ם קַח־לְךָ֙ עֵ֣ץ אֶחָ֔ד וּכְתֹ֤ב עָלָיו֙ לִֽיהוּדָ֔ה וְלִבְנֵ֥י יִשְׂרָאֵ֖ל חֲבֵרֹו וּלְקַח֙ עֵ֣ץ אֶחָ֔ד וּכְתֹ֣וב עָלָ֗יו לְיֹוסֵף֙ עֵ֣ץ אֶפְרַ֔יִם וְכָל־בֵּ֥ית יִשְׂרָאֵ֖ל חֲבֵרֹו

wĕʼaţá֣̇h ben־ʼádá֗m qaẖ־lĕká֙ ʻé֣ẕ ʼeẖá֔d ẇkĕţò֤b ʻáláyw֙ liֽyhẇdá֔h wĕlibĕné֥y yişĕ̂ráʼé֖l ẖàbéròw ẇlĕqaẖ֙ ʻé֣ẕ ʼeẖá֔d ẇkĕţò֣wb ʻálá֗yw lĕyòwsép֙ ʻé֣ẕ ʼepĕra֔yim wĕkál־bé֥̇yţ yişĕ̂ráʼé֖l ẖàbéròw

17
וְקָרַ֨ב אֹתָ֜ם אֶחָ֧ד אֶל־אֶחָ֛ד לְךָ֖ לְעֵ֣ץ אֶחָ֑ד וְהָי֥וּ לַאֲחָדִ֖ים בְּיָדֶֽךָ׃

wĕqára֨b ʼòţá֜m ʼeẖá֧d ʼel־ʼeẖá֛d lĕká֖ lĕʻé֣ẕ ʼeẖá֑d wĕháy֥ẇ laʼàẖádi֖ym bĕ̇yádeֽká׃

18
וְכַֽאֲשֶׁר֙ יֹאמְר֣וּ אֵלֶ֔יךָ בְּנֵ֥י עַמְּךָ֖ לֵאמֹ֑ר הֲלֹֽוא־תַגִּ֥יד לָ֖נוּ מָה־אֵ֥לֶּה לָּֽךְ׃

wĕkaֽʼàşěr֙ yòʼmĕr֣ẇ ʼéle֔yká bĕ̇né֥y ʻamĕ̇ká֖ léʼmò֑r hàlòֽwʼ־ţagi֥̇yd lá֖nẇ máh־ʼé֥lėh láֽ̇kĕ׃

19
דַּבֵּ֣ר אֲלֵהֶ֗ם כֹּֽה־אָמַר֮ אֲדֹנָ֣י יְהוִה֒ הִנֵּה֩ אֲנִ֨י לֹקֵ֜חַ אֶת־עֵ֤ץ יֹוסֵף֙ אֲשֶׁ֣ר בְּיַד־אֶפְרַ֔יִם וְשִׁבְטֵ֥י יִשְׂרָאֵ֖ל חֶבְרֹו וְנָתַתִּי֩ אֹותָ֨ם עָלָ֜יו אֶת־עֵ֣ץ יְהוּדָ֗ה וַֽעֲשִׂיתִם֙ לְעֵ֣ץ אֶחָ֔ד וְהָי֥וּ אֶחָ֖ד בְּיָדִֽי׃

dȧbé֣̇r ʼàléhe֗m kòֽ̇h־ʼámar֮ ʼàdòná֣y yĕhwih֒ hiné̇h֩ ʼàni֨y lòqé֜ẖa ʼeţ־ʻé֤ẕ yòwsép֙ ʼàşě֣r bĕ̇yad־ʼepĕra֔yim wĕşǐbĕté֥y yişĕ̂ráʼé֖l ẖebĕròw wĕnáţaţi̇y֩ ʼòwţá֨m ʻálá֜yw ʼeţ־ʻé֣ẕ yĕhẇdá֗h waֽʻàşîyţim֙ lĕʻé֣ẕ ʼeẖá֔d wĕháy֥ẇ ʼeẖá֖d bĕ̇yádiֽy׃

20
וְהָי֨וּ הָעֵצִ֜ים אֲֽשֶׁר־תִּכְתֹּ֧ב עֲלֵיהֶ֛ם בְּיָדְךָ֖ לְעֵינֵיהֶֽם׃

wĕháy֨ẇ háʻéẕi֜ym ʼàֽşěr־ţi̇kĕţò֧̇b ʻàléyhe֛m bĕ̇yádĕká֖ lĕʻéynéyheֽm׃

21
וְדַבֵּ֣ר אֲלֵיהֶ֗ם כֹּֽה־אָמַר֮ אֲדֹנָ֣י יְהוִה֒ הִנֵּ֨ה אֲנִ֤י לֹקֵ֨חַ֙ אֶת־בְּנֵ֣י יִשְׂרָאֵ֔ל מִבֵּ֥ין הַגֹּויִ֖ם אֲשֶׁ֣ר הָֽלְכוּ־שָׁ֑ם וְקִבַּצְתִּ֤י אֹתָם֙ מִסָּבִ֔יב וְהֵבֵאתִ֥י אֹותָ֖ם אֶל־אַדְמָתָֽם׃

wĕdabé֣̇r ʼàléyhe֗m kòֽ̇h־ʼámar֮ ʼàdòná֣y yĕhwih֒ hiné̇֨h ʼàni֤y lòqé֨ẖa֙ ʼeţ־bĕ̇né֣y yişĕ̂ráʼé֔l mibé֥̇yn hagò̇wyi֖m ʼàşě֣r háֽlĕkẇ־şá֑̌m wĕqibȧẕĕţi֤̇y ʼòţám֙ misá̇bi֔yb wĕhébéʼţi֥y ʼòwţá֖m ʼel־ʼadĕmáţáֽm׃

22
וְעָשִׂ֣יתִי אֹ֠תָם לְגֹ֨וי אֶחָ֤ד בָּאָ֨רֶץ֙ בְּהָרֵ֣י יִשְׂרָאֵ֔ל וּמֶ֧לֶךְ אֶחָ֛ד יִֽהְיֶ֥ה לְכֻלָּ֖ם לְמֶ֑לֶךְ וְלֹ֤א יִהְיֶה עֹוד֙ לִשְׁנֵ֣י גֹויִ֔ם וְלֹ֨א יֵחָ֥צוּ עֹ֛וד לִשְׁתֵּ֥י מַמְלָכֹ֖ות עֹֽוד׃

wĕʻáşî֣yţiy ʼò֠ţám lĕgò֨wy ʼeẖá֤d bá̇ʼá֨reẕ֙ bĕ̇háré֣y yişĕ̂ráʼé֔l ẇme֧lekĕ ʼeẖá֛d yiֽhĕye֥h lĕkulá֖̇m lĕme֑lekĕ wĕlò֤ʼ yihĕyeh ʻòwd֙ lişĕ̌né֣y gòwyi֔m wĕlò֨ʼ yéẖá֥ẕẇ ʻò֛wd lişĕ̌ţé֥̇y mamĕlákò֖wţ ʻòֽwd׃

23
וְלֹ֧א יִֽטַמְּא֣וּ עֹ֗וד בְּגִלּֽוּלֵיהֶם֙ וּבְשִׁקּ֣וּצֵיהֶ֔ם וּבְכֹ֖ל פִּשְׁעֵיהֶ֑ם וְהֹושַׁעְתִּ֣י אֹתָ֗ם מִכֹּ֤ל מֹושְׁבֹֽתֵיהֶם֙ אֲשֶׁ֣ר חָטְא֣וּ בָהֶ֔ם וְטִהַרְתִּ֤י אֹותָם֙ וְהָיוּ־לִ֣י לְעָ֔ם וַאֲנִ֕י אֶהְיֶ֥ה לָהֶ֖ם לֵאלֹהִֽים׃

wĕlò֧ʼ yiֽtamĕ̇ʼ֣ẇ ʻò֗wd bĕ̇gilֽ̇ẇléyhem֙ ẇbĕşǐq֣̇ẇẕéyhe֔m ẇbĕkò֖l pi̇şĕ̌ʻéyhe֑m wĕhòwşǎʻĕţi֣̇y ʼòţá֗m mikò֤̇l mòwşĕ̌bòֽţéyhem֙ ʼàşě֣r ẖátĕʼ֣ẇ báhe֔m wĕtiharĕţi֤̇y ʼòwţám֙ wĕháyẇ־li֣y lĕʻá֔m waʼàni֕y ʼehĕye֥h láhe֖m léʼlòhiֽym׃

24
וְעַבְדִּ֤י דָוִד֙ מֶ֣לֶךְ עֲלֵיהֶ֔ם וְרֹועֶ֥ה אֶחָ֖ד יִהְיֶ֣ה לְכֻלָּ֑ם וּבְמִשְׁפָּטַ֣י יֵלֵ֔כוּ וְחֻקֹּתַ֥י יִשְׁמְר֖וּ וְעָשׂ֥וּ אֹותָֽם׃

wĕʻabĕdi֤̇y dáwid֙ me֣lekĕ ʻàléyhe֔m wĕròwʻe֥h ʼeẖá֖d yihĕye֣h lĕkulá֑̇m ẇbĕmişĕ̌pá̇ta֣y yélé֔kẇ wĕẖuqò̇ţa֥y yişĕ̌mĕr֖ẇ wĕʻáş֥̂ẇ ʼòwţáֽm׃

25
וְיָשְׁב֣וּ עַל־הָאָ֗רֶץ אֲשֶׁ֤ר נָתַ֨תִּי֙ לְעַבְדִּ֣י לְיַֽעֲקֹ֔ב אֲשֶׁ֥ר יָֽשְׁבוּ־בָ֖הּ אֲבֹֽותֵיכֶ֑ם וְיָשְׁב֣וּ עָלֶ֡יהָ הֵ֠מָּה וּבְנֵיהֶ֞ם וּבְנֵ֤י בְנֵיהֶם֙ עַד־עֹולָ֔ם וְדָוִ֣ד עַבְדִּ֔י נָשִׂ֥יא לָהֶ֖ם לְעֹולָֽם׃

wĕyáşĕ̌b֣ẇ ʻal־háʼá֗reẕ ʼàşě֤r náţa֨ţi̇y֙ lĕʻabĕdi֣̇y lĕyaֽʻàqò֔b ʼàşě֥r yáֽşĕ̌bẇ־bá֖ḣ ʼàbòֽwţéyke֑m wĕyáşĕ̌b֣ẇ ʻále֡yhá hé֠má̇h ẇbĕnéyhe֞m ẇbĕné֤y bĕnéyhem֙ ʻad־ʻòwlá֔m wĕdáwi֣d ʻabĕdi̇֔y náşî֥yʼ láhe֖m lĕʻòwláֽm׃

26
וְכָרַתִּ֤י לָהֶם֙ בְּרִ֣ית שָׁלֹ֔ום בְּרִ֥ית עֹולָ֖ם יִהְיֶ֣ה אֹותָ֑ם וּנְתַתִּים֙ וְהִרְבֵּיתִ֣י אֹותָ֔ם וְנָתַתִּ֧י אֶת־מִקְדָּשִׁ֛י בְּתֹוכָ֖ם לְעֹולָֽם׃

wĕkáraţi֤̇y láhem֙ bĕ̇ri֣yţ şá̌lò֔wm bĕ̇ri֥yţ ʻòwlá֖m yihĕye֣h ʼòwţá֑m ẇnĕţaţi̇ym֙ wĕhirĕbé̇yţi֣y ʼòwţá֔m wĕnáţaţi֧̇y ʼeţ־miqĕdá̇şǐ֛y bĕ̇ţòwká֖m lĕʻòwláֽm׃

27
וְהָיָ֤ה מִשְׁכָּנִי֙ עֲלֵיהֶ֔ם וְהָיִ֥יתִי לָהֶ֖ם לֵֽאלֹהִ֑ים וְהֵ֖מָּה יִֽהְיוּ־לִ֥י לְעָֽם׃

wĕháyá֤h mişĕ̌ká̇niy֙ ʻàléyhe֔m wĕháyi֥yţiy láhe֖m léֽʼlòhi֑ym wĕhé֖má̇h yiֽhĕyẇ־li֥y lĕʻáֽm׃

28
וְיָֽדְעוּ֙ הַגֹּויִ֔ם כִּ֚י אֲנִ֣י יְהוָ֔ה מְקַדֵּ֖שׁ אֶת־יִשְׂרָאֵ֑ל בִּהְיֹ֧ות מִקְדָּשִׁ֛י בְּתֹוכָ֖ם לְעֹולָֽם׃ ס

wĕyáֽdĕʻẇ֙ hagò̇wyi֔m ki֚̇y ʼàni֣y yĕhwá֔h mĕqadé֖̇ş̌ ʼeţ־yişĕ̂ráʼé֑l bi̇hĕyò֧wţ miqĕdá̇şǐ֛y bĕ̇ţòwká֖m lĕʻòwláֽm׃ s