Bibles in ancient languages
Old translations
Modern translations

Biblia Hebraica Stuttgartensia Ézéchiel 38:18

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
בֶּן־אָדָ֗ם שִׂ֤ים פָּנֶ֨יךָ֙ אֶל־גֹּוג֙ אֶ֣רֶץ הַמָּגֹ֔וג נְשִׂ֕יא רֹ֖אשׁ מֶ֣שֶׁךְ וְתֻבָ֑ל וְהִנָּבֵ֖א עָלָֽיו׃

bėn־ʼádá֗m şî֤ym pá̇ne֨yká֙ ʼel־gò̇wg֙ ʼe֣reẕ hamá̇gò֔wg nĕşî֕yʼ rò֖ʼş̌ me֣şěkĕ wĕţubá֑l wĕhiná̇bé֖ʼ ʻáláֽyw׃

3
וְאָ֣מַרְתָּ֔ כֹּ֥ה אָמַ֖ר אֲדֹנָ֣י יְהוִ֑ה הִנְנִ֤י אֵלֶ֨יךָ֙ גֹּ֔וג נְשִׂ֕יא רֹ֖אשׁ מֶ֥שֶׁךְ וְתֻבָֽל׃

wĕʼá֣marĕţá̇֔ kò֥̇h ʼáma֖r ʼàdòná֣y yĕhwi֑h hinĕni֤y ʼéle֨yká֙ gò̇֔wg nĕşî֕yʼ rò֖ʼş̌ me֥şěkĕ wĕţubáֽl׃

4
וְשֹׁ֣ובַבְתִּ֔יךָ וְנָתַתִּ֥י חַחִ֖ים בִּלְחָיֶ֑יךָ וְהֹוצֵאתִי֩ אֹותְךָ֙ וְאֶת־כָּל־חֵילֶ֜ךָ סוּסִ֣ים וּפָרָשִׁ֗ים לְבֻשֵׁ֤י מִכְלֹול֙ כֻּלָּ֔ם קָהָ֥ל רָב֙ צִנָּ֣ה וּמָגֵ֔ן תֹּפְשֵׂ֥י חֲרָבֹ֖ות כֻּלָּֽם׃

wĕşò֣̌wbabĕţi̇֔yká wĕnáţaţi֥̇y ẖaẖi֖ym bi̇lĕẖáye֑yká wĕhòwẕéʼţiy֩ ʼòwţĕká֙ wĕʼeţ־ká̇l־ẖéyle֜ká sẇsi֣ym ẇpáráşǐ֗ym lĕbuşé֤̌y mikĕlòwl֙ ku̇lá̇֔m qáhá֥l ráb֙ ẕiná֣̇h ẇmágé֔n ţò̇pĕşé֥̂y ẖàrábò֖wţ ku̇láֽ̇m׃

5
פָּרַ֛ס כּ֥וּשׁ וּפ֖וּט אִתָּ֑ם כֻּלָּ֖ם מָגֵ֥ן וְכֹובָֽע׃

pá̇ra֛s k֥̇ẇş̌ ẇp֖ẇt ʼiţá֑̇m ku̇lá֖̇m mágé֥n wĕkòwbáֽʻ׃

6
גֹּ֚מֶר וְכָל־אֲגַפֶּ֔יהָ בֵּ֚ית תֹּֽוגַרְמָ֔ה יַרְכְּתֵ֥י צָפֹ֖ון וְאֶת־כָּל־אֲגַפָּ֑יו עַמִּ֥ים רַבִּ֖ים אִתָּֽךְ׃

gò֚̇mer wĕkál־ʼàgapė֔yhá bé֚̇yţ ţòֽ̇wgarĕmá֔h yarĕkĕ̇ţé֥y ẕápò֖wn wĕʼeţ־ká̇l־ʼàgapá֑̇yw ʻami֥̇ym rabi֖̇ym ʼiţáֽ̇kĕ׃

7
הִכֹּן֙ וְהָכֵ֣ן לְךָ֔ אַתָּ֕ה וְכָל־קְהָלֶ֖ךָ הַנִּקְהָלִ֣ים עָלֶ֑יךָ וְהָיִ֥יתָ לָהֶ֖ם לְמִשְׁמָֽר׃

hikò̇n֙ wĕháké֣n lĕká֔ ʼaţá̇֕h wĕkál־qĕhále֖ká hani̇qĕháli֣ym ʻále֑yká wĕháyi֥yţá láhe֖m lĕmişĕ̌máֽr׃

8
מִיָּמִ֣ים רַבִּים֮ תִּפָּקֵד֒ בְּאַחֲרִ֨ית הַשָּׁנִ֜ים תָּבֹ֣וא׀ אֶל־אֶ֣רֶץ׀ מְשֹׁובֶ֣בֶת מֵחֶ֗רֶב מְקֻבֶּ֨צֶת֙ מֵעַמִּ֣ים רַבִּ֔ים עַ֚ל הָרֵ֣י יִשְׂרָאֵ֔ל אֲשֶׁר־הָי֥וּ לְחָרְבָּ֖ה תָּמִ֑יד וְהִיא֙ מֵעַמִּ֣ים הוּצָ֔אָה וְיָשְׁב֥וּ לָבֶ֖טַח כֻּלָּֽם׃

miyá̇mi֣ym rabi̇ym֮ ţi̇pá̇qéd֒ bĕ̇ʼaẖàri֨yţ haşá̇̌ni֜ym ţá̇bò֣wʼ׀ ʼel־ʼe֣reẕ׀ mĕşò̌wbe֣beţ méẖe֗reb mĕqubė֨ẕeţ֙ méʻami֣̇ym rabi̇֔ym ʻa֚l háré֣y yişĕ̂ráʼé֔l ʼàşěr־háy֥ẇ lĕẖárĕbá֖̇h ţá̇mi֑yd wĕhiyʼ֙ méʻami֣̇ym hẇẕá֔ʼáh wĕyáşĕ̌b֥ẇ lábe֖taẖ ku̇láֽ̇m׃

9
וְעָלִ֨יתָ֙ כַּשֹּׁאָ֣ה תָבֹ֔וא כֶּעָנָ֛ן לְכַסֹּ֥ות הָאָ֖רֶץ תִּֽהְיֶ֑ה אַתָּה֙ וְכָל־אֲגַפֶּ֔יךָ וְעַמִּ֥ים רַבִּ֖ים אֹותָֽךְ׃ ס

wĕʻáli֨yţá֙ kȧşò̇̌ʼá֣h ţábò֔wʼ kėʻáná֛n lĕkasò֥̇wţ háʼá֖reẕ ţiֽ̇hĕye֑h ʼaţá̇h֙ wĕkál־ʼàgapė֔yká wĕʻami֥̇ym rabi֖̇ym ʼòwţáֽkĕ׃ s

10
כֹּ֥ה אָמַ֖ר אֲדֹנָ֣י יְהוִ֑ה וְהָיָ֣ה׀ בַּיֹּ֣ום הַה֗וּא יַעֲל֤וּ דְבָרִים֙ עַל־לְבָבֶ֔ךָ וְחָשַׁבְתָּ֖ מַחֲשֶׁ֥בֶת רָעָֽה׃

kò֥̇h ʼáma֖r ʼàdòná֣y yĕhwi֑h wĕháyá֣h׀ bȧyò֣̇wm hah֗ẇʼ yaʻàl֤ẇ dĕbáriym֙ ʻal־lĕbábe֔ká wĕẖáşǎbĕţá֖̇ maẖàşě֥beţ ráʻáֽh׃

11
וְאָמַרְתָּ֗ אֶֽעֱלֶה֙ עַל־אֶ֣רֶץ פְּרָזֹ֔ות אָבֹוא֙ הַשֹּׁ֣קְטִ֔ים יֹשְׁבֵ֖י לָבֶ֑טַח כֻּלָּ֗ם יֹֽשְׁבִים֙ בְּאֵ֣ין חֹומָ֔ה וּבְרִ֥יחַ וּדְלָתַ֖יִם אֵ֥ין לָהֶֽם׃

wĕʼámarĕţá̇֗ ʼeֽʻèleh֙ ʻal־ʼe֣reẕ pĕ̇rázò֔wţ ʼábòwʼ֙ haşò֣̇̌qĕti֔ym yòşĕ̌bé֖y lábe֑taẖ ku̇lá̇֗m yòֽşĕ̌biym֙ bĕ̇ʼé֣yn ẖòwmá֔h ẇbĕri֥yẖa ẇdĕláţa֖yim ʼé֥yn láheֽm׃

12
לִשְׁלֹ֥ל שָׁלָ֖ל וְלָבֹ֣ז בַּ֑ז לְהָשִׁ֨יב יָדְךָ֜ עַל־חֳרָבֹ֣ות נֹושָׁבֹ֗ת וְאֶל־עַם֙ מְאֻסָּ֣ף מִגֹּויִ֔ם עֹשֶׂה֙ מִקְנֶ֣ה וְקִנְיָ֔ן יֹשְׁבֵ֖י עַל־טַבּ֥וּר הָאָֽרֶץ׃

lişĕ̌lò֥l şá̌lá֖l wĕlábò֣z bȧ֑z lĕháşǐ֨yb yádĕká֜ ʻal־ẖorábò֣wţ nòwşá̌bò֗ţ wĕʼel־ʻam֙ mĕʼusá֣̇p migò̇wyi֔m ʻòşêh֙ miqĕne֣h wĕqinĕyá֔n yòşĕ̌bé֖y ʻal־taḃ֥ẇr háʼáֽreẕ׃

13
שְׁבָ֡א וּ֠דְדָן וְסֹחֲרֵ֨י תַרְשִׁ֤ישׁ וְכָל־כְּפִרֶ֨יהָ֙ יֹאמְר֣וּ לְךָ֔ הֲלִשְׁלֹ֤ל שָׁלָל֙ אַתָּ֣ה בָ֔א הֲלָבֹ֥ז בַּ֖ז הִקְהַ֣לְתָּ קְהָלֶ֑ךָ לָשֵׂ֣את׀ כֶּ֣סֶף וְזָהָ֗ב לָקַ֨חַת֙ מִקְנֶ֣ה וְקִנְיָ֔ן לִשְׁלֹ֖ל שָׁלָ֥ל גָּדֹֽול׃ ס

şĕ̌bá֡ʼ ẇ֠dĕdán wĕsòẖàré֨y ţarĕşǐ֤yş̌ wĕkál־kĕ̇pire֨yhá֙ yòʼmĕr֣ẇ lĕká֔ hàlişĕ̌lò֤l şá̌lál֙ ʼaţá֣̇h bá֔ʼ hàlábò֥z bȧ֖z hiqĕha֣lĕţá̇ qĕhále֑ká láşé֣̂ʼţ׀ kė֣sep wĕzáhá֗b láqa֨ẖaţ֙ miqĕne֣h wĕqinĕyá֔n lişĕ̌lò֖l şá̌lá֥l gá̇dòֽwl׃ s

14
לָכֵן֙ הִנָּבֵ֣א בֶן־אָדָ֔ם וְאָמַרְתָּ֣ לְגֹ֔וג כֹּ֥ה אָמַ֖ר אֲדֹנָ֣י יְהוִ֑ה הֲלֹ֣וא׀ בַּיֹּ֣ום הַה֗וּא בְּשֶׁ֨בֶת עַמִּ֧י יִשְׂרָאֵ֛ל לָבֶ֖טַח תֵּדָֽע׃

lákén֙ hiná̇bé֣ʼ ben־ʼádá֔m wĕʼámarĕţá֣̇ lĕgò֔wg kò֥̇h ʼáma֖r ʼàdòná֣y yĕhwi֑h hàlò֣wʼ׀ bȧyò֣̇wm hah֗ẇʼ bĕ̇şě֨beţ ʻami֧̇y yişĕ̂ráʼé֛l lábe֖taẖ ţé̇dáֽʻ׃

15
וּבָ֤אתָ מִמְּקֹֽומְךָ֙ מִיַּרְכְּתֵ֣י צָפֹ֔ון אַתָּ֕ה וְעַמִּ֥ים רַבִּ֖ים אִתָּ֑ךְ רֹכְבֵ֤י סוּסִים֙ כֻּלָּ֔ם קָהָ֥ל גָּדֹ֖ול וְחַ֥יִל רָֽב׃

ẇbá֤ʼţá mimĕ̇qòֽwmĕká֙ miyȧrĕkĕ̇ţé֣y ẕápò֔wn ʼaţá̇֕h wĕʻami֥̇ym rabi֖̇ym ʼiţá֑̇kĕ ròkĕbé֤y sẇsiym֙ ku̇lá̇֔m qáhá֥l gá̇dò֖wl wĕẖa֥yil ráֽb׃

16
וְעָלִ֨יתָ֙ עַל־עַמִּ֣י יִשְׂרָאֵ֔ל כֶּֽעָנָ֖ן לְכַסֹּ֣ות הָאָ֑רֶץ בְּאַחֲרִ֨ית הַיָּמִ֜ים תִּֽהְיֶ֗ה וַהֲבִאֹותִ֨יךָ֙ עַל־אַרְצִ֔י לְמַעַן֩ דַּ֨עַת הַגֹּויִ֜ם אֹתִ֗י בְּהִקָּדְשִׁ֥י בְךָ֛ לְעֵינֵיהֶ֖ם גֹּֽוג׃ ס

wĕʻáli֨yţá֙ ʻal־ʻami֣̇y yişĕ̂ráʼé֔l kėֽʻáná֖n lĕkasò֣̇wţ háʼá֑reẕ bĕ̇ʼaẖàri֨yţ hayá̇mi֜ym ţiֽ̇hĕye֗h wahàbiʼòwţi֨yká֙ ʻal־ʼarĕẕi֔y lĕmaʻan֩ dȧ֨ʻaţ hagò̇wyi֜m ʼòţi֗y bĕ̇hiqá̇dĕşǐ֥y bĕká֛ lĕʻéynéyhe֖m gòֽ̇wg׃ s

17
כֹּֽה־אָמַ֞ר אֲדֹנָ֣י יְהוִ֗ה הַֽאַתָּה־ה֨וּא אֲשֶׁר־דִּבַּ֜רְתִּי בְּיָמִ֣ים קַדְמֹונִ֗ים בְּיַד֙ עֲבָדַי֙ נְבִיאֵ֣י יִשְׂרָאֵ֔ל הַֽנִּבְּאִ֛ים בַּיָּמִ֥ים הָהֵ֖ם שָׁנִ֑ים לְהָבִ֥יא אֹתְךָ֖ עֲלֵיהֶֽם׃ ס

kòֽ̇h־ʼáma֞r ʼàdòná֣y yĕhwi֗h haֽʼaţá̇h־h֨ẇʼ ʼàşěr־di̇bȧ֜rĕţi̇y bĕ̇yámi֣ym qadĕmòwni֗ym bĕ̇yad֙ ʻàbáday֙ nĕbiyʼé֣y yişĕ̂ráʼé֔l haֽni̇bĕ̇ʼi֛ym bȧyá̇mi֥ym háhé֖m şá̌ni֑ym lĕhábi֥yʼ ʼòţĕká֖ ʻàléyheֽm׃ s

18
וְהָיָ֣ה׀ בַּיֹּ֣ום הַה֗וּא בְּיֹ֨ום בֹּ֥וא גֹוג֙ עַל־אַדְמַ֣ת יִשְׂרָאֵ֔ל נְאֻ֖ם אֲדֹנָ֣י יְהוִ֑ה תַּעֲלֶ֥ה חֲמָתִ֖י בְּאַפִּֽי׃

wĕháyá֣h׀ bȧyò֣̇wm hah֗ẇʼ bĕ̇yò֨wm bò֥̇wʼ gòwg֙ ʻal־ʼadĕma֣ţ yişĕ̂ráʼé֔l nĕʼu֖m ʼàdòná֣y yĕhwi֑h ţȧʻàle֥h ẖàmáţi֖y bĕ̇ʼapiֽ̇y׃

19
וּבְקִנְאָתִ֥י בְאֵשׁ־עֶבְרָתִ֖י דִּבַּ֑רְתִּי אִם־לֹ֣א׀ בַּיֹּ֣ום הַה֗וּא יִֽהְיֶה֙ רַ֣עַשׁ גָּדֹ֔ול עַ֖ל אַדְמַ֥ת יִשְׂרָאֵֽל׃

ẇbĕqinĕʼáţi֥y bĕʼéş̌־ʻebĕráţi֖y di̇bȧ֑rĕţi̇y ʼim־lò֣ʼ׀ bȧyò֣̇wm hah֗ẇʼ yiֽhĕyeh֙ ra֣ʻaş̌ gá̇dò֔wl ʻa֖l ʼadĕma֥ţ yişĕ̂ráʼéֽl׃

20
וְרָעֲשׁ֣וּ מִפָּנַ֡י דְּגֵ֣י הַיָּם֩ וְעֹ֨וף הַשָּׁמַ֜יִם וְחַיַּ֣ת הַשָּׂדֶ֗ה וְכָל־הָרֶ֨מֶשׂ֙ הָרֹמֵ֣שׂ עַל־הָֽאֲדָמָ֔ה וְכֹל֙ הָֽאָדָ֔ם אֲשֶׁ֖ר עַל־פְּנֵ֣י הָאֲדָמָ֑ה וְנֶהֶרְס֣וּ הֶהָרִ֗ים וְנָֽפְלוּ֙ הַמַּדְרֵגֹ֔ות וְכָל־חֹומָ֖ה לָאָ֥רֶץ תִּפֹּֽול׃

wĕráʻàş֣̌ẇ mipá̇na֡y dĕ̇gé֣y hayá̇m֩ wĕʻò֨wp haşá̇̌ma֜yim wĕẖayȧ֣ţ haşá̇̂de֗h wĕkál־háre֨meş̂֙ háròmé֣ş̂ ʻal־háֽʼàdámá֔h wĕkòl֙ háֽʼádá֔m ʼàşě֖r ʻal־pĕ̇né֣y háʼàdámá֑h wĕneherĕs֣ẇ hehári֗ym wĕnáֽpĕlẇ֙ hamȧdĕrégò֔wţ wĕkál־ẖòwmá֖h láʼá֥reẕ ţi̇pòֽ̇wl׃

21
וְקָרָ֨אתִי עָלָ֤יו לְכָל־הָרַי֙ חֶ֔רֶב נְאֻ֖ם אֲדֹנָ֣י יְהוִ֑ה חֶ֥רֶב אִ֖ישׁ בְּאָחִ֥יו תִּֽהְיֶֽה׃

wĕqárá֨ʼţiy ʻálá֤yw lĕkál־háray֙ ẖe֔reb nĕʼu֖m ʼàdòná֣y yĕhwi֑h ẖe֥reb ʼi֖yş̌ bĕ̇ʼáẖi֥yw ţiֽ̇hĕyeֽh׃

22
וְנִשְׁפַּטְתִּ֥י אִתֹּ֖ו בְּדֶ֣בֶר וּבְדָ֑ם וְגֶ֣שֶׁם שֹׁוטֵף֩ וְאַבְנֵ֨י אֶלְגָּבִ֜ישׁ אֵ֣שׁ וְגָפְרִ֗ית אַמְטִ֤יר עָלָיו֙ וְעַל־אֲגַפָּ֔יו וְעַל־עַמִּ֥ים רַבִּ֖ים אֲשֶׁ֥ר אִתֹּֽו׃

wĕnişĕ̌pȧtĕţi֥̇y ʼiţò֖̇w bĕ̇de֣ber ẇbĕdá֑m wĕge֣şěm şò̌wtép֩ wĕʼabĕné֨y ʼelĕgá̇bi֜yş̌ ʼé֣ş̌ wĕgápĕri֗yţ ʼamĕti֤yr ʻáláyw֙ wĕʻal־ʼàgapá̇֔yw wĕʻal־ʻami֥̇ym rabi֖̇ym ʼàşě֥r ʼiţòֽ̇w׃

23
וְהִתְגַּדִּלְתִּי֙ וְהִתְקַדִּשְׁתִּ֔י וְנֹ֣ודַעְתִּ֔י לְעֵינֵ֖י גֹּויִ֣ם רַבִּ֑ים וְיָדְע֖וּ כִּֽי־אֲנִ֥י יְהוָֽה׃ ס

wĕhiţĕgȧdi̇lĕţi̇y֙ wĕhiţĕqadi̇şĕ̌ţi̇֔y wĕnò֣wdaʻĕţi̇֔y lĕʻéyné֖y gò̇wyi֣m rabi֑̇ym wĕyádĕʻ֖ẇ kiֽ̇y־ʼàni֥y yĕhwáֽh׃ s