Bibles in ancient languages
Old translations
Modern translations

Biblia Hebraica Stuttgartensia Ézéchiel 3:18

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּ֣אמֶר אֵלַ֔י בֶּן־אָדָ֕ם אֵ֥ת אֲשֶׁר־תִּמְצָ֖א אֱכֹ֑ול אֱכֹול֙ אֶת־הַמְּגִלָּ֣ה הַזֹּ֔את וְלֵ֥ךְ דַּבֵּ֖ר אֶל־בֵּ֥ית יִשְׂרָאֵֽל׃

wayò֣̇ʼmer ʼéla֔y bėn־ʼádá֕m ʼé֥ţ ʼàşěr־ţi̇mĕẕá֖ʼ ʼèkò֑wl ʼèkòwl֙ ʼeţ־hamĕ̇gilá֣̇h hazò̇֔ʼţ wĕlé֥kĕ dȧbé֖̇r ʼel־bé֥̇yţ yişĕ̂ráʼéֽl׃

2
וָאֶפְתַּ֖ח אֶת־פִּ֑י וַיַּ֣אֲכִלֵ֔נִי אֵ֖ת הַמְּגִלָּ֥ה הַזֹּֽאת׃

wáʼepĕţȧ֖ẖ ʼeţ־pi֑̇y wayȧ֣ʼàkilé֔niy ʼé֖ţ hamĕ̇gilá֥̇h hazòֽ̇ʼţ׃

3
וַיֹּ֣אמֶר אֵלַ֗י בֶּן־אָדָם֙ בִּטְנְךָ֤ תַֽאֲכֵל֙ וּמֵעֶ֣יךָ תְמַלֵּ֔א אֵ֚ת הַמְּגִלָּ֣ה הַזֹּ֔את אֲשֶׁ֥ר אֲנִ֖י נֹתֵ֣ן אֵלֶ֑יךָ וָאֹ֣כְלָ֔ה וַתְּהִ֥י בְּפִ֖י כִּדְבַ֥שׁ לְמָתֹֽוק׃ פ

wayò֣̇ʼmer ʼéla֗y bėn־ʼádám֙ bi̇tĕnĕká֤ ţaֽʼàkél֙ ẇméʻe֣yká ţĕmalé̇֔ʼ ʼé֚ţ hamĕ̇gilá֣̇h hazò̇֔ʼţ ʼàşě֥r ʼàni֖y nòţé֣n ʼéle֑yká wáʼò֣kĕlá֔h waţĕ̇hi֥y bĕ̇pi֖y ki̇dĕba֥ş̌ lĕmáţòֽwq׃ p

4
וַיֹּ֖אמֶר אֵלָ֑י בֶּן־אָדָ֗ם לֶךְ־בֹּא֙ אֶל־בֵּ֣ית יִשְׂרָאֵ֔ל וְדִבַּרְתָּ֥ בִדְבָרַ֖י אֲלֵיהֶֽם׃

wayò֖̇ʼmer ʼélá֑y bėn־ʼádá֗m lekĕ־bò̇ʼ֙ ʼel־bé֣̇yţ yişĕ̂ráʼé֔l wĕdibȧrĕţá֥̇ bidĕbára֖y ʼàléyheֽm׃

5
כִּ֡י לֹא֩ אֶל־עַ֨ם עִמְקֵ֥י שָׂפָ֛ה וְכִבְדֵ֥י לָשֹׁ֖ון אַתָּ֣ה שָׁל֑וּחַ אֶל־בֵּ֖ית יִשְׂרָאֵֽל׃

ki̇֡y lòʼ֩ ʼel־ʻa֨m ʻimĕqé֥y şá̂pá֛h wĕkibĕdé֥y láşò֖̌wn ʼaţá֣̇h şá̌l֑ẇẖa ʼel־bé֖̇yţ yişĕ̂ráʼéֽl׃

6
לֹ֣א׀ אֶל־עַמִּ֣ים רַבִּ֗ים עִמְקֵ֤י שָׂפָה֙ וְכִבְדֵ֣י לָשֹׁ֔ון אֲשֶׁ֥ר לֹֽא־תִשְׁמַ֖ע דִּבְרֵיהֶ֑ם אִם־לֹ֤א אֲלֵיהֶם֙ שְׁלַחְתִּ֔יךָ הֵ֖מָּה יִשְׁמְע֥וּ אֵלֶֽיךָ׃

lò֣ʼ׀ ʼel־ʻami֣̇ym rabi̇֗ym ʻimĕqé֤y şá̂páh֙ wĕkibĕdé֣y láşò̌֔wn ʼàşě֥r lòֽʼ־ţişĕ̌ma֖ʻ di̇bĕréyhe֑m ʼim־lò֤ʼ ʼàléyhem֙ şĕ̌laẖĕţi̇֔yká hé֖má̇h yişĕ̌mĕʻ֥ẇ ʼéleֽyká׃

7
וּבֵ֣ית יִשְׂרָאֵ֗ל לֹ֤א יֹאבוּ֙ לִשְׁמֹ֣עַ אֵלֶ֔יךָ כִּֽי־אֵינָ֥ם אֹבִ֖ים לִשְׁמֹ֣עַ אֵלָ֑י כִּ֚י כָּל־בֵּ֣ית יִשְׂרָאֵ֔ל חִזְקֵי־מֵ֥צַח וּקְשֵׁי־לֵ֖ב הֵֽמָּה׃

ẇbé֣yţ yişĕ̂ráʼé֗l lò֤ʼ yòʼbẇ֙ lişĕ̌mò֣ʻa ʼéle֔yká kiֽ̇y־ʼéyná֥m ʼòbi֖ym lişĕ̌mò֣ʻa ʼélá֑y ki֚̇y ká̇l־bé֣̇yţ yişĕ̂ráʼé֔l ẖizĕqéy־mé֥ẕaẖ ẇqĕşé̌y־lé֖b héֽmá̇h׃

8
הִנֵּ֨ה נָתַ֧תִּי אֶת־פָּנֶ֛יךָ חֲזָקִ֖ים לְעֻמַּ֣ת פְּנֵיהֶ֑ם וְאֶֽת־מִצְחֲךָ֥ חָזָ֖ק לְעֻמַּ֥ת מִצְחָֽם׃

hiné̇֨h náţa֧ţi̇y ʼeţ־pá̇ne֛yká ẖàzáqi֖ym lĕʻumȧ֣ţ pĕ̇néyhe֑m wĕʼeֽţ־miẕĕẖàká֥ ẖázá֖q lĕʻumȧ֥ţ miẕĕẖáֽm׃

9
כְּשָׁמִ֛יר חָזָ֥ק מִצֹּ֖ר נָתַ֣תִּי מִצְחֶ֑ךָ לֹֽא־תִירָ֤א אֹותָם֙ וְלֹא־תֵחַ֣ת מִפְּנֵיהֶ֔ם כִּ֛י בֵּֽית־מְרִ֖י הֵֽמָּה׃ פ

kĕ̇şá̌mi֛yr ẖázá֥q miẕò֖̇r náţa֣ţi̇y miẕĕẖe֑ká lòֽʼ־ţiyrá֤ʼ ʼòwţám֙ wĕlòʼ־ţéẖa֣ţ mipĕ̇néyhe֔m ki֛̇y béֽ̇yţ־mĕri֖y héֽmá̇h׃ p

10
וַיֹּ֖אמֶר אֵלָ֑י בֶּן־אָדָ֕ם אֶת־כָּל־דְּבָרַי֙ אֲשֶׁ֣ר אֲדַבֵּ֣ר אֵלֶ֔יךָ קַ֥ח בִּֽלְבָבְךָ֖ וּבְאָזְנֶ֥יךָ שְׁמָֽע׃

wayò֖̇ʼmer ʼélá֑y bėn־ʼádá֕m ʼeţ־ká̇l־dĕ̇báray֙ ʼàşě֣r ʼàdabé֣̇r ʼéle֔yká qa֥ẖ biֽ̇lĕbábĕká֖ ẇbĕʼázĕne֥yká şĕ̌máֽʻ׃

11
וְלֵ֨ךְ בֹּ֤א אֶל־הַגֹּולָה֙ אֶל־בְּנֵ֣י עַמֶּ֔ךָ וְדִבַּרְתָּ֤ אֲלֵיהֶם֙ וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהֹוִ֑ה אִֽם־יִשְׁמְע֖וּ וְאִם־יֶחְדָּֽלוּ׃

wĕlé֨kĕ bò֤̇ʼ ʼel־hagò̇wláh֙ ʼel־bĕ̇né֣y ʻamė֔ká wĕdibȧrĕţá֤̇ ʼàléyhem֙ wĕʼámarĕţá֣̇ ʼàléyhe֔m kò֥̇h ʼáma֖r ʼàdòná֣y yĕhòwi֑h ʼiֽm־yişĕ̌mĕʻ֖ẇ wĕʼim־yeẖĕdáֽ̇lẇ׃

12
וַתִּשָּׂאֵ֣נִי ר֔וּחַ וָאֶשְׁמַ֣ע אַחֲרַ֔י קֹ֖ול רַ֣עַשׁ גָּדֹ֑ול בָּר֥וּךְ כְּבֹוד־יְהוָ֖ה מִמְּקֹומֹֽו׃

waţi̇şá̇̂ʼé֣niy r֔ẇẖa wáʼeşĕ̌ma֣ʻ ʼaẖàra֔y qò֖wl ra֣ʻaş̌ gá̇dò֑wl bá̇r֥ẇkĕ kĕ̇bòwd־yĕhwá֖h mimĕ̇qòwmòֽw׃

13
וְקֹ֣ול׀ כַּנְפֵ֣י הַחַיֹּ֗ות מַשִּׁיקֹות֙ אִשָּׁ֣ה אֶל־אֲחֹותָ֔הּ וְקֹ֥ול הָאֹופַנִּ֖ים לְעֻמָּתָ֑ם וְקֹ֖ול רַ֥עַשׁ גָּדֹֽול׃

wĕqò֣wl׀ kȧnĕpé֣y haẖayò̇֗wţ maşi̇̌yqòwţ֙ ʼişá֣̇̌h ʼel־ʼàẖòwţá֔ḣ wĕqò֥wl háʼòwpani֖̇ym lĕʻumá̇ţá֑m wĕqò֖wl ra֥ʻaş̌ gá̇dòֽwl׃

14
וְר֥וּחַ נְשָׂאַ֖תְנִי וַתִּקָּחֵ֑נִי וָאֵלֵ֥ךְ מַר֙ בַּחֲמַ֣ת רוּחִ֔י וְיַד־יְהוָ֥ה עָלַ֖י חָזָֽקָה׃

wĕr֥ẇẖa nĕşá̂ʼa֖ţĕniy waţi̇qá̇ẖé֑niy wáʼélé֥kĕ mar֙ bȧẖàma֣ţ rẇẖi֔y wĕyad־yĕhwá֥h ʻála֖y ẖázáֽqáh׃

15
וָאָבֹ֨וא אֶל־הַגֹּולָ֜ה תֵּ֣ל ֠אָבִיב הַיֹּשְׁבִ֤ים אֶֽל־נְהַר־כְּבָר֙ וָאֲשֶׁר הֵ֖מָּה יֹושְׁבִ֣ים שָׁ֑ם וָאֵשֵׁ֥ב שָׁ֛ם שִׁבְעַ֥ת יָמִ֖ים מַשְׁמִ֥ים בְּתֹוכָֽם׃

wáʼábò֨wʼ ʼel־hagò̇wlá֜h ţé֣̇l ֠ʼábiyb hayò̇şĕ̌bi֤ym ʼeֽl־nĕhar־kĕ̇bár֙ wáʼàşěr hé֖má̇h yòwşĕ̌bi֣ym şá֑̌m wáʼéşé֥̌b şá֛̌m şǐbĕʻa֥ţ yámi֖ym maşĕ̌mi֥ym bĕ̇ţòwkáֽm׃

16
וַיְהִ֕י מִקְצֵ֖ה שִׁבְעַ֣ת יָמִ֑ים פוַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֕y miqĕẕé֖h şǐbĕʻa֣ţ yámi֑ym pwayĕhi֥y dĕbar־yĕhwá֖h ʼéla֥y léʼmòֽr׃

17
בֶּן־אָדָ֕ם צֹפֶ֥ה נְתַתִּ֖יךָ לְבֵ֣ית יִשְׂרָאֵ֑ל וְשָׁמַעְתָּ֤ מִפִּי֙ דָּבָ֔ר וְהִזְהַרְתָּ֥ אֹותָ֖ם מִמֶּֽנִּי׃

bėn־ʼádá֕m ẕòpe֥h nĕţaţi֖̇yká lĕbé֣yţ yişĕ̂ráʼé֑l wĕşá̌maʻĕţá֤̇ mipi̇y֙ dá̇bá֔r wĕhizĕharĕţá֥̇ ʼòwţá֖m mimėֽni̇y׃

18
בְּאָמְרִ֤י לָֽרָשָׁע֙ מֹ֣ות תָּמ֔וּת וְלֹ֣א הִזְהַרְתֹּ֗ו וְלֹ֥א דִבַּ֛רְתָּ לְהַזְהִ֥יר רָשָׁ֛ע מִדַּרְכֹּ֥ו הָרְשָׁעָ֖ה לְחַיֹּתֹ֑ו ה֤וּא רָשָׁע֙ בַּעֲוֹנֹ֣ו יָמ֔וּת וְדָמֹ֖ו מִיָּדְךָ֥ אֲבַקֵּֽשׁ׃

bĕ̇ʼámĕri֤y láֽráşá̌ʻ֙ mò֣wţ ţá̇m֔ẇţ wĕlò֣ʼ hizĕharĕţò̇֗w wĕlò֥ʼ dibȧ֛rĕţá̇ lĕhazĕhi֥yr ráşá֛̌ʻ midȧrĕkò֥̇w hárĕşá̌ʻá֖h lĕẖayò̇ţò֑w h֤ẇʼ ráşá̌ʻ֙ bȧʻàwònò֣w yám֔ẇţ wĕdámò֖w miyá̇dĕká֥ ʼàbaqéֽ̇ş̌׃

19
וְאַתָּה֙ כִּֽי־הִזְהַ֣רְתָּ רָשָׁ֔ע וְלֹא־שָׁב֙ מֵֽרִשְׁעֹ֔ו וּמִדַּרְכֹּ֖ו הָרְשָׁעָ֑ה ה֚וּא בַּעֲוֹנֹ֣ו יָמ֔וּת וְאַתָּ֖ה אֶֽת־נַפְשְׁךָ֥ הִצַּֽלְתָּ׃ ס

wĕʼaţá̇h֙ kiֽ̇y־hizĕha֣rĕţá̇ ráşá̌֔ʻ wĕlòʼ־şá̌b֙ méֽrişĕ̌ʻò֔w ẇmidȧrĕkò֖̇w hárĕşá̌ʻá֑h h֚ẇʼ bȧʻàwònò֣w yám֔ẇţ wĕʼaţá֖̇h ʼeֽţ־napĕşĕ̌ká֥ hiẕȧֽlĕţá̇׃ s

20
וּבְשׁ֨וּב צַדִּ֤יק מִצִּדְקֹו֙ וְעָ֣שָׂה עָ֔וֶל וְנָתַתִּ֥י מִכְשֹׁ֛ול לְפָנָ֖יו ה֣וּא יָמ֑וּת כִּ֣י לֹ֤א הִזְהַרְתֹּו֙ בְּחַטָּאתֹ֣ו יָמ֔וּת וְלֹ֣א תִזָּכַ֗רְןָ צדקתו אֲשֶׁ֣ר עָשָׂ֔ה וְדָמֹ֖ו מִיָּדְךָ֥ אֲבַקֵּֽשׁ׃

ẇbĕş̌֨ẇb ẕadi֤̇yq miẕi̇dĕqòw֙ wĕʻá֣şá̂h ʻá֔wel wĕnáţaţi֥̇y mikĕşò֛̌wl lĕpáná֖yw h֣ẇʼ yám֑ẇţ ki֣̇y lò֤ʼ hizĕharĕţò̇w֙ bĕ̇ẖatá̇ʼţò֣w yám֔ẇţ wĕlò֣ʼ ţizá̇ka֗rĕná ẕdqţw ʼàşě֣r ʻáşá̂֔h wĕdámò֖w miyá̇dĕká֥ ʼàbaqéֽ̇ş̌׃

21
וְאַתָּ֞ה כִּ֧י הִזְהַרְתֹּ֣ו צַדִּ֗יק לְבִלְתִּ֥י חֲטֹ֛א צַדִּ֖יק וְה֣וּא לֹא־חָטָ֑א חָיֹ֤ו יִֽחְיֶה֙ כִּ֣י נִזְהָ֔ר וְאַתָּ֖ה אֶֽת־נַפְשְׁךָ֥ הִצַּֽלְתָּ׃ ס

wĕʼaţá̇֞h ki֧̇y hizĕharĕţò֣̇w ẕadi̇֗yq lĕbilĕţi֥̇y ẖàtò֛ʼ ẕadi֖̇yq wĕh֣ẇʼ lòʼ־ẖátá֑ʼ ẖáyò֤w yiֽẖĕyeh֙ ki֣̇y nizĕhá֔r wĕʼaţá֖̇h ʼeֽţ־napĕşĕ̌ká֥ hiẕȧֽlĕţá̇׃ s

22
וַתְּהִ֥י עָלַ֛י שָׁ֖ם יַד־יְהוָ֑ה וַיֹּ֣אמֶר אֵלַ֗י ק֥וּם צֵא֙ אֶל־הַבִּקְעָ֔ה וְשָׁ֖ם אֲדַבֵּ֥ר אֹותָֽךְ׃

waţĕ̇hi֥y ʻála֛y şá֖̌m yad־yĕhwá֑h wayò֣̇ʼmer ʼéla֗y q֥ẇm ẕéʼ֙ ʼel־habi̇qĕʻá֔h wĕşá֖̌m ʼàdabé֥̇r ʼòwţáֽkĕ׃

23
וָאָקוּם֮ וָאֵצֵ֣א אֶל־הַבִּקְעָה֒ וְהִנֵּה־שָׁ֤ם כְּבֹוד־יְהוָה֙ עֹמֵ֔ד כַּכָּבֹ֕וד אֲשֶׁ֥ר רָאִ֖יתִי עַל־נְהַר־כְּבָ֑ר וָאֶפֹּ֖ל עַל־פָּנָֽי׃

wáʼáqẇm֮ wáʼéẕé֣ʼ ʼel־habi̇qĕʻáh֒ wĕhiné̇h־şá֤̌m kĕ̇bòwd־yĕhwáh֙ ʻòmé֔d kȧká̇bò֕wd ʼàşě֥r ráʼi֖yţiy ʻal־nĕhar־kĕ̇bá֑r wáʼepò֖̇l ʻal־pá̇náֽy׃

24
וַתָּבֹא־בִ֣י ר֔וּחַ וַתַּעֲמִדֵ֖נִי עַל־רַגְלָ֑י וַיְדַבֵּ֤ר אֹתִי֙ וַיֹּ֣אמֶר אֵלַ֔י בֹּ֥א הִסָּגֵ֖ר בְּתֹ֥וךְ בֵּיתֶֽךָ׃

waţá̇bòʼ־bi֣y r֔ẇẖa waţȧʻàmidé֖niy ʻal־ragĕlá֑y wayĕdabé֤̇r ʼòţiy֙ wayò֣̇ʼmer ʼéla֔y bò֥̇ʼ hisá̇gé֖r bĕ̇ţò֥wkĕ bé̇yţeֽká׃

25
וְאַתָּ֣ה בֶן־אָדָ֗ם הִנֵּ֨ה נָתְנ֤וּ עָלֶ֨יךָ֙ עֲבֹותִ֔ים וַֽאֲסָר֖וּךָ בָּהֶ֑ם וְלֹ֥א תֵצֵ֖א בְּתֹוכָֽם׃

wĕʼaţá֣̇h ben־ʼádá֗m hiné̇֨h náţĕn֤ẇ ʻále֨yká֙ ʻàbòwţi֔ym waֽʼàsár֖ẇká bá̇he֑m wĕlò֥ʼ ţéẕé֖ʼ bĕ̇ţòwkáֽm׃

26
וּלְשֹֽׁונְךָ֙ אַדְבִּ֣יק אֶל־חִכֶּ֔ךָ וְנֶֽאֱלַ֔מְתָּ וְלֹא־תִֽהְיֶ֥ה לָהֶ֖ם לְאִ֣ישׁ מֹוכִ֑יחַ כִּ֛י בֵּ֥ית מְרִ֖י הֵֽמָּה׃

ẇlĕşòֽ̌wnĕká֙ ʼadĕbi֣̇yq ʼel־ẖikė֔ká wĕneֽʼèla֔mĕţá̇ wĕlòʼ־ţiֽhĕye֥h láhe֖m lĕʼi֣yş̌ mòwki֑yẖa ki֛̇y bé֥̇yţ mĕri֖y héֽmá̇h׃

27
וּֽבְדַבְּרִ֤י אֹֽותְךָ֙ אֶפְתַּ֣ח אֶת־פִּ֔יךָ וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהֹוִ֑ה הַשֹּׁמֵ֤עַ׀ יִשְׁמָע֙ וְהֶחָדֵ֣ל׀ יֶחְדָּ֔ל כִּ֛י בֵּ֥ית מְרִ֖י הֵֽמָּה׃ ס

ẇֽbĕdabĕ̇ri֤y ʼòֽwţĕká֙ ʼepĕţȧ֣ẖ ʼeţ־pi̇֔yká wĕʼámarĕţá֣̇ ʼàléyhe֔m kò֥̇h ʼáma֖r ʼàdòná֣y yĕhòwi֑h haşò̇̌mé֤ʻa׀ yişĕ̌máʻ֙ wĕheẖádé֣l׀ yeẖĕdá̇֔l ki֛̇y bé֥̇yţ mĕri֖y héֽmá̇h׃ s