Bibles in ancient languages
Old translations
Modern translations

Biblia Hebraica Stuttgartiensia Ezekiel 41

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְבִיאֵ֖נִי אֶל־הַהֵיכָ֑ל וַיָּ֣מָד אֶת־הָאֵילִ֗ים שֵׁשׁ־אַמֹּ֨ות רֹ֧חַב־מִפֹּ֛ו וְשֵׁשׁ־אַמֹּֽות־רֹ֥חַב מִפֹּ֖ו רֹ֥חַב הָאֹֽהֶל׃

wayĕbiyʼé֖niy ʼel־hahéyká֑l wayá֣̇mád ʼeţ־háʼéyli֗ym şé̌ş̌־ʼamò̇֨wţ rò֧ẖab־mipò֛̇w wĕşé̌ş̌־ʼamòֽ̇wţ־rò֥ẖab mipò֖̇w rò֥ẖab háʼòֽhel׃

2
וְרֹ֣חַב הַפֶּתַח֮ עֶ֣שֶׂר אַמֹּות֒ וְכִתְפֹ֣ות הַפֶּ֔תַח חָמֵ֤שׁ אַמֹּות֙ מִפֹּ֔ו וְחָמֵ֥שׁ אַמֹּ֖ות מִפֹּ֑ו וַיָּ֤מָד אָרְכֹּו֙ אַרְבָּעִ֣ים אַמָּ֔ה וְרֹ֖חַב עֶשְׂרִ֥ים אַמָּֽה׃

wĕrò֣ẖab hapėţaẖ֮ ʻe֣şêr ʼamò̇wţ֒ wĕkiţĕpò֣wţ hapė֔ţaẖ ẖámé֤ş̌ ʼamò̇wţ֙ mipò̇֔w wĕẖámé֥ş̌ ʼamò֖̇wţ mipò֑̇w wayá֤̇mád ʼárĕkò̇w֙ ʼarĕbá̇ʻi֣ym ʼamá̇֔h wĕrò֖ẖab ʻeşĕ̂ri֥ym ʼamáֽ̇h׃

3
וּבָ֣א לִפְנִ֔ימָה וַיָּ֥מָד אֵֽיל־הַפֶּ֖תַח שְׁתַּ֣יִם אַמֹּ֑ות וְהַפֶּ֨תַח֙ שֵׁ֣שׁ אַמֹּ֔ות וְרֹ֥חַב הַפֶּ֖תַח שֶׁ֥בַע אַמֹּֽות׃

ẇbá֣ʼ lipĕni֔ymáh wayá֥̇mád ʼéֽyl־hapė֖ţaẖ şĕ̌ţȧ֣yim ʼamò֑̇wţ wĕhapė֨ţaẖ֙ şé֣̌ş̌ ʼamò̇֔wţ wĕrò֥ẖab hapė֖ţaẖ şě֥baʻ ʼamòֽ̇wţ׃

4
וַיָּ֨מָד אֶת־אָרְכֹּ֜ו עֶשְׂרִ֣ים אַמָּ֗ה וְרֹ֛חַב עֶשְׂרִ֥ים אַמָּ֖ה אֶל־פְּנֵ֣י הַֽהֵיכָ֑ל וַיֹּ֣אמֶר אֵלַ֔י זֶ֖ה קֹ֥דֶשׁ הַקֳּדָשִֽׁים׃

wayá̇֨mád ʼeţ־ʼárĕkò̇֜w ʻeşĕ̂ri֣ym ʼamá̇֗h wĕrò֛ẖab ʻeşĕ̂ri֥ym ʼamá֖̇h ʼel־pĕ̇né֣y haֽhéyká֑l wayò֣̇ʼmer ʼéla֔y ze֖h qò֥deş̌ haqȯdáşǐֽym׃

5
וַיָּ֥מָד קִֽיר־הַבַּ֖יִת שֵׁ֣שׁ אַמֹּ֑ות וְרֹ֣חַב הַצֵּלָע֩ אַרְבַּ֨ע אַמֹּ֜ות סָבִ֧יב׀ סָבִ֛יב לַבַּ֖יִת סָבִֽיב׃

wayá֥̇mád qiֽyr־habȧ֖yiţ şé֣̌ş̌ ʼamò֑̇wţ wĕrò֣ẖab haẕé̇láʻ֩ ʼarĕbȧ֨ʻ ʼamò̇֜wţ sábi֧yb׀ sábi֛yb labȧ֖yiţ sábiֽyb׃

6
וְהַצְּלָעֹות֩ צֵלָ֨ע אֶל־צֵלָ֜ע שָׁלֹ֧ושׁ וּשְׁלֹשִׁ֣ים פְּעָמִ֗ים וּ֠בָאֹות בַּקִּ֨יר אֲשֶׁר־לַבַּ֧יִת לַצְּלָעֹ֛ות סָבִ֥יב׀ סָבִ֖יב לִהְיֹ֣ות אֲחוּזִ֑ים וְלֹֽא־יִהְי֥וּ אֲחוּזִ֖ים בְּקִ֥יר הַבָּֽיִת׃

wĕhaẕĕ̇láʻòwţ֩ ẕélá֨ʻ ʼel־ẕélá֜ʻ şá̌lò֧wş̌ ẇşĕ̌lòşǐ֣ym pĕ̇ʻámi֗ym ẇ֠báʼòwţ bȧqi̇֨yr ʼàşěr־labȧ֧yiţ laẕĕ̇láʻò֛wţ sábi֥yb׀ sábi֖yb lihĕyò֣wţ ʼàẖẇzi֑ym wĕlòֽʼ־yihĕy֥ẇ ʼàẖẇzi֖ym bĕ̇qi֥yr habáֽ̇yiţ׃

7
וְֽרָחֲבָ֡ה וְֽנָסְבָה֩ לְמַ֨עְלָה לְמַ֜עְלָה לַצְּלָעֹ֗ות כִּ֣י מֽוּסַב־הַ֠בַּיִת לְמַ֨עְלָה לְמַ֜עְלָה סָבִ֤יב׀ סָבִיב֙ לַבַּ֔יִת עַל־כֵּ֥ן רֹֽחַב־לַבַּ֖יִת לְמָ֑עְלָה וְכֵ֧ן הַתַּחְתֹּונָ֛ה יַעֲלֶ֥ה עַל־הָעֶלְיֹונָ֖ה לַתִּיכֹונָֽה׃

wĕֽráẖàbá֡h wĕֽnásĕbáh֩ lĕma֨ʻĕláh lĕma֜ʻĕláh laẕĕ̇láʻò֗wţ ki֣̇y mֽẇsab־ha֠bȧyiţ lĕma֨ʻĕláh lĕma֜ʻĕláh sábi֤yb׀ sábiyb֙ labȧ֔yiţ ʻal־ké֥̇n ròֽẖab־labȧ֖yiţ lĕmá֑ʻĕláh wĕké֧n haţȧẖĕţò̇wná֛h yaʻàle֥h ʻal־háʻelĕyòwná֖h laţi̇ykòwnáֽh׃

8
וְרָאִ֧יתִי לַבַּ֛יִת גֹּ֖בַהּ סָבִ֣יב׀ סָבִ֑יב מִיסָדֹות הַצְּלָעֹות֙ מְלֹ֣ו הַקָּנֶ֔ה שֵׁ֥שׁ אַמֹּ֖ות אַצִּֽילָה׃

wĕráʼi֧yţiy labȧ֛yiţ gò֖̇baḣ sábi֣yb׀ sábi֑yb miysádòwţ haẕĕ̇láʻòwţ֙ mĕlò֣w haqá̇ne֔h şé֥̌ş̌ ʼamò֖̇wţ ʼaẕiֽ̇yláh׃

9
רֹ֣חַב הַקִּ֧יר אֲֽשֶׁר־לַצֵּלָ֛ע אֶל־הַח֖וּץ חָמֵ֣שׁ אַמֹּ֑ות וַאֲשֶׁ֣ר מֻנָּ֔ח בֵּ֥ית צְלָעֹ֖ות אֲשֶׁ֥ר לַבָּֽיִת׃

rò֣ẖab haqi֧̇yr ʼàֽşěr־laẕé̇lá֛ʻ ʼel־haẖ֖ẇẕ ẖámé֣ş̌ ʼamò֑̇wţ waʼàşě֣r muná̇֔ẖ bé֥̇yţ ẕĕláʻò֖wţ ʼàşě֥r labáֽ̇yiţ׃

10
וּבֵ֨ין הַלְּשָׁכֹ֜ות רֹ֣חַב עֶשְׂרִ֥ים אַמָּ֛ה סָבִ֥יב לַבַּ֖יִת סָבִ֥יב׀ סָבִֽיב׃

ẇbé֨yn halĕ̇şá̌kò֜wţ rò֣ẖab ʻeşĕ̂ri֥ym ʼamá֛̇h sábi֥yb labȧ֖yiţ sábi֥yb׀ sábiֽyb׃

11
וּפֶ֤תַח הַצֵּלָע֙ לַמֻּנָּ֔ח פֶּ֤תַח אֶחָד֙ דֶּ֣רֶךְ הַצָּפֹ֔ון וּפֶ֥תַח אֶחָ֖ד לַדָּרֹ֑ום וְרֹ֨חַב֙ מְקֹ֣ום הַמֻּנָּ֔ח חָמֵ֥שׁ אַמֹּ֖ות סָבִ֥יב׀ סָבִֽיב׃

ẇpe֤ţaẖ haẕé̇láʻ֙ lamu̇ná̇֔ẖ pė֤ţaẖ ʼeẖád֙ dė֣rekĕ haẕá̇pò֔wn ẇpe֥ţaẖ ʼeẖá֖d ladá̇rò֑wm wĕrò֨ẖab֙ mĕqò֣wm hamu̇ná̇֔ẖ ẖámé֥ş̌ ʼamò֖̇wţ sábi֥yb׀ sábiֽyb׃

12
וְהַבִּנְיָ֡ן אֲשֶׁר֩ אֶל־פְּנֵ֨י הַגִּזְרָ֜ה פְּאַ֣ת דֶּֽרֶךְ־הַיָּ֗ם רֹ֚חַב שִׁבְעִ֣ים אַמָּ֔ה וְקִ֧יר הַבִּנְיָ֛ן חָֽמֵשׁ־אַמֹּ֥ות רֹ֖חַב סָבִ֣יב׀ סָבִ֑יב וְאָרְכֹּ֖ו תִּשְׁעִ֥ים אַמָּֽה׃

wĕhabi̇nĕyá֡n ʼàşěr֩ ʼel־pĕ̇né֨y hagi̇zĕrá֜h pĕ̇ʼa֣ţ dėֽrekĕ־hayá̇֗m rò֚ẖab şǐbĕʻi֣ym ʼamá̇֔h wĕqi֧yr habi̇nĕyá֛n ẖáֽméş̌־ʼamò֥̇wţ rò֖ẖab sábi֣yb׀ sábi֑yb wĕʼárĕkò֖̇w ţi̇şĕ̌ʻi֥ym ʼamáֽ̇h׃

13
וּמָדַ֣ד אֶת־הַבַּ֔יִת אֹ֖רֶךְ מֵאָ֣ה אַמָּ֑ה וְהַגִּזְרָ֤ה וְהַבִּנְיָה֙ וְקִ֣ירֹותֶ֔יהָ אֹ֖רֶךְ מֵאָ֥ה אַמָּֽה׃

ẇmáda֣d ʼeţ־habȧ֔yiţ ʼò֖rekĕ méʼá֣h ʼamá֑̇h wĕhagi̇zĕrá֤h wĕhabi̇nĕyáh֙ wĕqi֣yròwţe֔yhá ʼò֖rekĕ méʼá֥h ʼamáֽ̇h׃

14
וְרֹחַב֩ פְּנֵ֨י הַבַּ֧יִת וְהַגִּזְרָ֛ה לַקָּדִ֖ים מֵאָ֥ה אַמָּֽה׃

wĕròẖab֩ pĕ̇né֨y habȧ֧yiţ wĕhagi̇zĕrá֛h laqá̇di֖ym méʼá֥h ʼamáֽ̇h׃

15
וּמָדַ֣ד אֹֽרֶךְ־הַ֠בִּנְיָן אֶל־פְּנֵ֨י הַגִּזְרָ֜ה אֲשֶׁ֨ר עַל־אַחֲרֶ֧יהָ וְאַתּוּקֵיהָא מִפֹּ֥ו וּמִפֹּ֖ו מֵאָ֣ה אַמָּ֑ה וְהַֽהֵיכָל֙ הַפְּנִימִ֔י וְאֻֽלַמֵּ֖י הֶחָצֵֽר׃

ẇmáda֣d ʼòֽrekĕ־ha֠bi̇nĕyán ʼel־pĕ̇né֨y hagi̇zĕrá֜h ʼàşě֨r ʻal־ʼaẖàre֧yhá wĕʼaţ̇ẇqéyháʼ mipò֥̇w ẇmipò֖̇w méʼá֣h ʼamá֑̇h wĕhaֽhéykál֙ hapĕ̇niymi֔y wĕʼuֽlamé֖̇y heẖáẕéֽr׃

16
הַסִּפִּ֡ים וְהַחַלֹּונִ֣ים הָ֠אֲטֻמֹות וְהָאַתִּיקִ֤ים׀ סָבִיב֙ לִשְׁלָשְׁתָּ֔ם נֶ֧גֶד הַסַּ֛ף שְׂחִ֥יף עֵ֖ץ סָבִ֣יב׀ סָבִ֑יב וְהָאָ֨רֶץ֙ עַד־הַֽחַלֹּנֹ֔ות וְהַֽחַלֹּנֹ֖ות מְכֻסֹּֽות׃

hasi̇pi̇֡ym wĕhaẖalò̇wni֣ym há֠ʼàtumòwţ wĕháʼaţi̇yqi֤ym׀ sábiyb֙ lişĕ̌láşĕ̌ţá̇֔m ne֧ged hasȧ֛p şĕ̂ẖi֥yp ʻé֖ẕ sábi֣yb׀ sábi֑yb wĕháʼá֨reẕ֙ ʻad־haֽẖalò̇nò֔wţ wĕhaֽẖalò̇nò֖wţ mĕkusòֽ̇wţ׃

17
עַל־מֵעַ֣ל הַפֶּ֡תַח וְעַד־הַבַּיִת֩ הַפְּנִימִ֨י וְלַח֜וּץ וְאֶל־כָּל־הַקִּ֨יר סָבִ֧יב׀ סָבִ֛יב בַּפְּנִימִ֥י וּבַחִיצֹ֖ון מִדֹּֽות׃

ʻal־méʻa֣l hapė֡ţaẖ wĕʻad־habȧyiţ֩ hapĕ̇niymi֨y wĕlaẖ֜ẇẕ wĕʼel־ká̇l־haqi̇֨yr sábi֧yb׀ sábi֛yb bȧpĕ̇niymi֥y ẇbaẖiyẕò֖wn midòֽ̇wţ׃

18
וְעָשׂ֥וּי כְּרוּבִ֖ים וְתִֽמֹרִ֑ים וְתִֽמֹרָה֙ בֵּין־כְּר֣וּב לִכְר֔וּב וּשְׁנַ֥יִם פָּנִ֖ים לַכְּרֽוּב׃

wĕʻáş֥̂ẇy kĕ̇rẇbi֖ym wĕţiֽmòri֑ym wĕţiֽmòráh֙ bé̇yn־kĕ̇r֣ẇb likĕr֔ẇb ẇşĕ̌na֥yim pá̇ni֖ym lakĕ̇rֽẇb׃

19
וּפְנֵ֨י אָדָ֤ם אֶל־הַתִּֽמֹרָה֙ מִפֹּ֔ו וּפְנֵֽי־כְפִ֥יר אֶל־הַתִּֽמֹרָ֖ה מִפֹּ֑ו עָשׂ֥וּי אֶל־כָּל־הַבַּ֖יִת סָבִ֥יב׀ סָבִֽיב׃

ẇpĕné֨y ʼádá֤m ʼel־haţiֽ̇mòráh֙ mipò̇֔w ẇpĕnéֽy־kĕpi֥yr ʼel־haţiֽ̇mòrá֖h mipò֑̇w ʻáş֥̂ẇy ʼel־ká̇l־habȧ֖yiţ sábi֥yb׀ sábiֽyb׃

20
מֵהָאָ֨רֶץ֙ עַד־מֵעַ֣ל הַפֶּ֔תַח הַכְּרוּבִ֥ים וְהַתִּֽמֹרִ֖ים עֲשׂוּיִ֑ם וְקִ֖יר הַׄהֵׄיׄכָֽׄלׄ׃

méháʼá֨reẕ֙ ʻad־méʻa֣l hapė֔ţaẖ hakĕ̇rẇbi֥ym wĕhaţiֽ̇mòri֖ym ʻàş̂ẇyi֑m wĕqi֖yr haׄhéׄyׄkáֽׄlׄ׃

21
הַֽהֵיכָ֖ל מְזוּזַ֣ת רְבֻעָ֑ה וּפְנֵ֣י הַקֹּ֔דֶשׁ הַמַּרְאֶ֖ה כַּמַּרְאֶֽה׃

haֽhéyká֖l mĕzẇza֣ţ rĕbuʻá֑h ẇpĕné֣y haqò̇֔deş̌ hamȧrĕʼe֖h kȧmȧrĕʼeֽh׃

22
הַמִּזְבֵּ֡חַ עֵ֣ץ שָׁלֹושׁ֩ אַמֹּ֨ות גָּבֹ֜הַּ וְאָרְכֹּ֣ו שְׁתַּֽיִם־אַמֹּ֗ות וּמִקְצֹֽעֹותָיו֙ לֹ֔ו וְאָרְכֹּ֥ו וְקִֽירֹתָ֖יו עֵ֑ץ וַיְדַבֵּ֣ר אֵלַ֔י זֶ֚ה הַשֻּׁלְחָ֔ן אֲשֶׁ֖ר לִפְנֵ֥י יְהוָֽה׃

hami̇zĕbé̇֡ẖa ʻé֣ẕ şá̌lòwş̌֩ ʼamò̇֨wţ gá̇bò֜hȧ wĕʼárĕkò֣̇w şĕ̌ţȧֽyim־ʼamò̇֗wţ ẇmiqĕẕòֽʻòwţáyw֙ lò֔w wĕʼárĕkò֥̇w wĕqiֽyròţá֖yw ʻé֑ẕ wayĕdabé֣̇r ʼéla֔y ze֚h haşu̇̌lĕẖá֔n ʼàşě֖r lipĕné֥y yĕhwáֽh׃

23
וּשְׁתַּ֧יִם דְּלָתֹ֛ות לַֽהֵיכָ֖ל וְלַקֹּֽדֶשׁ׃

ẇşĕ̌ţȧ֧yim dĕ̇láţò֛wţ laֽhéyká֖l wĕlaqòֽ̇deş̌׃

24
וּשְׁתַּ֥יִם דְּלָתֹ֖ות לַדְּלָתֹ֑ות שְׁ֚תַּיִם מוּסַבֹּ֣ות דְּלָתֹ֔ות שְׁ֚תַּיִם לְדֶ֣לֶת אֶחָ֔ת וּשְׁתֵּ֥י דְלָתֹ֖ות לָאַחֶֽרֶת׃

ẇşĕ̌ţȧ֥yim dĕ̇láţò֖wţ ladĕ̇láţò֑wţ şĕ֚̌ţȧyim mẇsabò֣̇wţ dĕ̇láţò֔wţ şĕ֚̌ţȧyim lĕde֣leţ ʼeẖá֔ţ ẇşĕ̌ţé֥̇y dĕláţò֖wţ láʼaẖeֽreţ׃

25
וַעֲשׂוּיָ֨ה אֲלֵיהֶ֜ן אֶל־דַּלְתֹ֤ות הַֽהֵיכָל֙ כְּרוּבִ֣ים וְתִֽמֹרִ֔ים כַּאֲשֶׁ֥ר עֲשׂוּיִ֖ם לַקִּירֹ֑ות וְעָ֥ב עֵ֛ץ אֶל־פְּנֵ֥י הָאוּלָ֖ם מֵהַחֽוּץ׃

waʻàş̂ẇyá֨h ʼàléyhe֜n ʼel־dȧlĕţò֤wţ haֽhéykál֙ kĕ̇rẇbi֣ym wĕţiֽmòri֔ym kȧʼàşě֥r ʻàş̂ẇyi֖m laqi̇yrò֑wţ wĕʻá֥b ʻé֛ẕ ʼel־pĕ̇né֥y háʼẇlá֖m méhaẖֽẇẕ׃

26
וְחַלֹּונִ֨ים אֲטֻמֹ֤ות וְתִֽמֹרִים֙ מִפֹּ֣ו וּמִפֹּ֔ו אֶל־כִּתְפֹ֖ות הָֽאוּלָ֑ם וְצַלְעֹ֥ות הַבַּ֖יִת וְהָעֻבִּֽים׃

wĕẖalò̇wni֨ym ʼàtumò֤wţ wĕţiֽmòriym֙ mipò֣̇w ẇmipò̇֔w ʼel־ki̇ţĕpò֖wţ háֽʼẇlá֑m wĕẕalĕʻò֥wţ habȧ֖yiţ wĕháʻubiֽ̇ym׃