Bibles in ancient languages
Old translations
Modern translations

Biblia Hebraica Stuttgartensia Ézéchiel 44:21

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיָּ֣שֶׁב אֹתִ֗י דֶּ֣רֶךְ שַׁ֤עַר הַמִּקְדָּשׁ֙ הַֽחִיצֹ֔ון הַפֹּנֶ֖ה קָדִ֑ים וְה֖וּא סָגֽוּר׃

wayá֣̇şěb ʼòţi֗y dė֣rekĕ şǎ֤ʻar hami̇qĕdá̇ş̌֙ haֽẖiyẕò֔wn hapò̇ne֖h qádi֑ym wĕh֖ẇʼ ságֽẇr׃

2
וַיֹּ֨אמֶר אֵלַ֜י יְהוָ֗ה הַשַּׁ֣עַר הַזֶּה֩ סָג֨וּר יִהְיֶ֜ה לֹ֣א יִפָּתֵ֗חַ וְאִישׁ֙ לֹא־יָ֣בֹא בֹ֔ו כִּ֛י יְהוָ֥ה אֱלֹהֵֽי־יִשְׂרָאֵ֖ל בָּ֣א בֹ֑ו וְהָיָ֖ה סָגֽוּר׃

wayò̇֨ʼmer ʼéla֜y yĕhwá֗h haşȧ֣̌ʻar hazėh֩ ság֨ẇr yihĕye֜h lò֣ʼ yipá̇ţé֗ẖa wĕʼiyş̌֙ lòʼ־yá֣bòʼ bò֔w ki֛̇y yĕhwá֥h ʼèlòhéֽy־yişĕ̂ráʼé֖l bá֣̇ʼ bò֑w wĕháyá֖h ságֽẇr׃

3
אֶֽת־הַנָּשִׂ֗יא נָ֥שִׂיא ה֛וּא יֵֽשֶׁב־בֹּ֥ו לֶאֱכֹול לֶ֖חֶם לִפְנֵ֣י יְהוָ֑ה מִדֶּ֨רֶךְ אֻלָ֤ם הַשַּׁ֨עַר֙ יָבֹ֔וא וּמִדַּרְכֹּ֖ו יֵצֵֽא׃

ʼeֽţ־haná̇şî֗yʼ ná֥şîyʼ h֛ẇʼ yéֽşěb־bò֥̇w leʼèkòwl le֖ẖem lipĕné֣y yĕhwá֑h midė֨rekĕ ʼulá֤m haşȧ̌֨ʻar֙ yábò֔wʼ ẇmidȧrĕkò֖̇w yéẕéֽʼ׃

4
וַיְבִיאֵ֜נִי דֶּֽרֶךְ־שַׁ֣עַר הַצָּפֹון֮ אֶל־פְּנֵ֣י הַבַּיִת֒ וָאֵ֕רֶא וְהִנֵּ֛ה מָלֵ֥א כְבֹוד־יְהוָ֖ה אֶת־בֵּ֣ית יְהוָ֑ה וָאֶפֹּ֖ל אֶל־פָּנָֽי׃

wayĕbiyʼé֜niy dėֽrekĕ־şǎ֣ʻar haẕá̇pòwn֮ ʼel־pĕ̇né֣y habȧyiţ֒ wáʼé֕reʼ wĕhiné֛̇h málé֥ʼ kĕbòwd־yĕhwá֖h ʼeţ־bé֣̇yţ yĕhwá֑h wáʼepò֖̇l ʼel־pá̇náֽy׃

5
וַיֹּ֨אמֶר אֵלַ֜י יְהֹוָ֗ה בֶּן־אָדָ֡ם שִׂ֣ים לִבְּךָ֩ וּרְאֵ֨ה בְעֵינֶ֜יךָ וּבְאָזְנֶ֣יךָ שְּׁמָ֗ע אֵ֣ת כָּל־אֲשֶׁ֤ר אֲנִי֙ מְדַבֵּ֣ר אֹתָ֔ךְ לְכָל־חֻקֹּ֥ות בֵּית־יְהוָ֖ה וּלְכָל־תֹּורֹתֹו וְשַׂמְתָּ֤ לִבְּךָ֙ לִמְבֹ֣וא הַבַּ֔יִת בְּכֹ֖ל מֹוצָאֵ֥י הַמִּקְדָּֽשׁ׃

wayò̇֨ʼmer ʼéla֜y yĕhòwá֗h bėn־ʼádá֡m şî֣ym libĕ̇ká֩ ẇrĕʼé֨h bĕʻéyne֜yká ẇbĕʼázĕne֣yká şĕ̇̌má֗ʻ ʼé֣ţ ká̇l־ʼàşě֤r ʼàniy֙ mĕdabé֣̇r ʼòţá֔kĕ lĕkál־ẖuqò֥̇wţ bé̇yţ־yĕhwá֖h ẇlĕkál־ţò̇wròţòw wĕşâmĕţá֤̇ libĕ̇ká֙ limĕbò֣wʼ habȧ֔yiţ bĕ̇kò֖l mòwẕáʼé֥y hami̇qĕdáֽ̇ş̌׃

6
וְאָמַרְתָּ֤ אֶל־מֶ֨רִי֙ אֶל־בֵּ֣ית יִשְׂרָאֵ֔ל כֹּ֥ה אָמַ֖ר אֲדֹנָ֣י יְהוִ֑ה רַב־לָכֶ֛ם מִֽכָּל־תֹּועֲבֹֽותֵיכֶ֖ם בֵּ֥ית יִשְׂרָאֵֽל׃

wĕʼámarĕţá֤̇ ʼel־me֨riy֙ ʼel־bé֣̇yţ yişĕ̂ráʼé֔l kò֥̇h ʼáma֖r ʼàdòná֣y yĕhwi֑h rab־láke֛m miֽká̇l־ţò̇wʻàbòֽwţéyke֖m bé֥̇yţ yişĕ̂ráʼéֽl׃

7
בַּהֲבִיאֲכֶ֣ם בְּנֵֽי־נֵכָ֗ר עַרְלֵי־לֵב֙ וְעַרְלֵ֣י בָשָׂ֔ר לִהְיֹ֥ות בְּמִקְדָּשִׁ֖י לְחַלְּלֹ֣ו אֶת־בֵּיתִ֑י בְּהַקְרִֽיבְכֶ֤ם אֶת־לַחְמִי֙ חֵ֣לֶב וָדָ֔ם וַיָּפֵ֨רוּ֙ אֶת־בְּרִיתִ֔י אֶ֖ל כָּל־תֹּועֲבֹותֵיכֶֽם׃

bȧhàbiyʼàke֣m bĕ̇néֽy־néká֗r ʻarĕléy־léb֙ wĕʻarĕlé֣y báşá̂֔r lihĕyò֥wţ bĕ̇miqĕdá̇şǐ֖y lĕẖalĕ̇lò֣w ʼeţ־bé̇yţi֑y bĕ̇haqĕriֽybĕke֤m ʼeţ־laẖĕmiy֙ ẖé֣leb wádá֔m wayá̇pé֨rẇ֙ ʼeţ־bĕ̇riyţi֔y ʼe֖l ká̇l־ţò̇wʻàbòwţéykeֽm׃

8
וְלֹ֥א שְׁמַרְתֶּ֖ם מִשְׁמֶ֣רֶת קָדָשָׁ֑י וַתְּשִׂימ֗וּן לְשֹׁמְרֵ֧י מִשְׁמַרְתִּ֛י בְּמִקְדָּשִׁ֖י לָכֶֽם׃

wĕlò֥ʼ şĕ̌marĕţė֖m mişĕ̌me֣reţ qádáşá֑̌y waţĕ̇şîym֗ẇn lĕşò̌mĕré֧y mişĕ̌marĕţi֛̇y bĕ̇miqĕdá̇şǐ֖y lákeֽm׃

9
כֹּה־אָמַר֮ אֲדֹנָ֣י יְהוִה֒ כָּל־בֶּן־נֵכָ֗ר עֶ֤רֶל לֵב֙ וְעֶ֣רֶל בָּשָׂ֔ר לֹ֥א יָבֹ֖וא אֶל־מִקְדָּשִׁ֑י לְכָל־בֶּן־נֵכָ֔ר אֲשֶׁ֕ר בְּתֹ֖וךְ בְּנֵ֥י יִשְׂרָאֵֽל׃

kò̇h־ʼámar֮ ʼàdòná֣y yĕhwih֒ ká̇l־bėn־néká֗r ʻe֤rel léb֙ wĕʻe֣rel bá̇şá̂֔r lò֥ʼ yábò֖wʼ ʼel־miqĕdá̇şǐ֑y lĕkál־bėn־néká֔r ʼàşě֕r bĕ̇ţò֖wkĕ bĕ̇né֥y yişĕ̂ráʼéֽl׃

10
כִּ֣י אִם־הַלְוִיִּ֗ם אֲשֶׁ֤ר רָֽחֲקוּ֙ מֵֽעָלַ֔י בִּתְעֹ֤ות יִשְׂרָאֵל֙ אֲשֶׁ֣ר תָּע֣וּ מֵֽעָלַ֔י אַחֲרֵ֖י גִּלּֽוּלֵיהֶ֑ם וְנָשְׂא֖וּ עֲוֹנָֽם׃

ki֣̇y ʼim־halĕwiyi̇֗m ʼàşě֤r ráֽẖàqẇ֙ méֽʻála֔y bi̇ţĕʻò֤wţ yişĕ̂ráʼél֙ ʼàşě֣r ţá̇ʻ֣ẇ méֽʻála֔y ʼaẖàré֖y gi̇lֽ̇ẇléyhe֑m wĕnáşĕ̂ʼ֖ẇ ʻàwònáֽm׃

11
וְהָי֤וּ בְמִקְדָּשִׁי֙ מְשָׁ֣רְתִ֔ים פְּקֻדֹּות֙ אֶל־שַׁעֲרֵ֣י הַבַּ֔יִת וּֽמְשָׁרְתִ֖ים אֶת־הַבָּ֑יִת הֵ֠מָּה יִשְׁחֲט֨וּ אֶת־הָעֹלָ֤ה וְאֶת־הַזֶּ֨בַח֙ לָעָ֔ם וְהֵ֛מָּה יַעַמְד֥וּ לִפְנֵיהֶ֖ם לְשָֽׁרְתָֽם׃

wĕháy֤ẇ bĕmiqĕdá̇şǐy֙ mĕşá֣̌rĕţi֔ym pĕ̇qudò̇wţ֙ ʼel־şǎʻàré֣y habȧ֔yiţ ẇֽmĕşá̌rĕţi֖ym ʼeţ־habá֑̇yiţ hé֠má̇h yişĕ̌ẖàt֨ẇ ʼeţ־háʻòlá֤h wĕʼeţ־hazė֨baẖ֙ láʻá֔m wĕhé֛má̇h yaʻamĕd֥ẇ lipĕnéyhe֖m lĕşáֽ̌rĕţáֽm׃

12
יַ֗עַן אֲשֶׁ֨ר יְשָׁרְת֤וּ אֹותָם֙ לִפְנֵ֣י גִלּֽוּלֵיהֶ֔ם וְהָי֥וּ לְבֵֽית־יִשְׂרָאֵ֖ל לְמִכְשֹׁ֣ול עָוֹ֑ן עַל־כֵּן֩ נָשָׂ֨אתִי יָדִ֜י עֲלֵיהֶ֗ם נְאֻם֙ אֲדֹנָ֣י יְהוִ֔ה וְנָשְׂא֖וּ עֲוֹנָֽם׃

ya֗ʻan ʼàşě֨r yĕşá̌rĕţ֤ẇ ʼòwţám֙ lipĕné֣y gilֽ̇ẇléyhe֔m wĕháy֥ẇ lĕbéֽyţ־yişĕ̂ráʼé֖l lĕmikĕşò֣̌wl ʻáwò֑n ʻal־ké̇n֩ náşá̂֨ʼţiy yádi֜y ʻàléyhe֗m nĕʼum֙ ʼàdòná֣y yĕhwi֔h wĕnáşĕ̂ʼ֖ẇ ʻàwònáֽm׃

13
וְלֹֽא־יִגְּשׁ֤וּ אֵלַי֙ לְכַהֵ֣ן לִ֔י וְלָגֶ֨שֶׁת֙ עַל־כָּל־קָ֣דָשַׁ֔י אֶל־קָדְשֵׁ֖י הַקְּדָשִׁ֑ים וְנָֽשְׂאוּ֙ כְּלִמָּתָ֔ם וְתֹועֲבֹותָ֖ם אֲשֶׁ֥ר עָשֽׂוּ׃

wĕlòֽʼ־yigĕ̇ş֤̌ẇ ʼélay֙ lĕkahé֣n li֔y wĕláge֨şěţ֙ ʻal־ká̇l־qá֣dáşǎ֔y ʼel־qádĕşé֖̌y haqĕ̇dáşǐ֑ym wĕnáֽşĕ̂ʼẇ֙ kĕ̇limá̇ţá֔m wĕţòwʻàbòwţá֖m ʼàşě֥r ʻáşֽ̂ẇ׃

14
וְנָתַתִּ֣י אֹותָ֔ם שֹׁמְרֵ֖י מִשְׁמֶ֣רֶת הַבָּ֑יִת לְכֹל֙ עֲבֹ֣דָתֹ֔ו וּלְכֹ֛ל אֲשֶׁ֥ר יֵעָשֶׂ֖ה בֹּֽו׃ פ

wĕnáţaţi֣̇y ʼòwţá֔m şò̌mĕré֖y mişĕ̌me֣reţ habá֑̇yiţ lĕkòl֙ ʻàbò֣dáţò֔w ẇlĕkò֛l ʼàşě֥r yéʻáşê֖h bòֽ̇w׃ p

15
וְהַכֹּהֲנִ֨ים הַלְוִיִּ֜ם בְּנֵ֣י צָדֹ֗וק אֲשֶׁ֨ר שָׁמְר֜וּ אֶת־מִשְׁמֶ֤רֶת מִקְדָּשִׁי֙ בִּתְעֹ֤ות בְּנֵֽי־יִשְׂרָאֵל֙ מֵֽעָלַ֔י הֵ֛מָּה יִקְרְב֥וּ אֵלַ֖י לְשָֽׁרְתֵ֑נִי וְעָמְד֣וּ לְפָנַ֗י לְהַקְרִ֥יב לִי֙ חֵ֣לֶב וָדָ֔ם נְאֻ֖ם אֲדֹנָ֥י יְהוִֽה׃

wĕhakò̇hàni֨ym halĕwiyi̇֜m bĕ̇né֣y ẕádò֗wq ʼàşě֨r şá̌mĕr֜ẇ ʼeţ־mişĕ̌me֤reţ miqĕdá̇şǐy֙ bi̇ţĕʻò֤wţ bĕ̇néֽy־yişĕ̂ráʼél֙ méֽʻála֔y hé֛má̇h yiqĕrĕb֥ẇ ʼéla֖y lĕşáֽ̌rĕţé֑niy wĕʻámĕd֣ẇ lĕpána֗y lĕhaqĕri֥yb liy֙ ẖé֣leb wádá֔m nĕʼu֖m ʼàdòná֥y yĕhwiֽh׃

16
הֵ֜מָּה יָבֹ֣אוּ אֶל־מִקְדָּשִׁ֗י וְהֵ֛מָּה יִקְרְב֥וּ אֶל־שֻׁלְחָנִ֖י לְשָׁרְתֵ֑נִי וְשָׁמְר֖וּ אֶת־מִשְׁמַרְתִּֽי׃

hé֜má̇h yábò֣ʼẇ ʼel־miqĕdá̇şǐ֗y wĕhé֛má̇h yiqĕrĕb֥ẇ ʼel־şǔlĕẖáni֖y lĕşá̌rĕţé֑niy wĕşá̌mĕr֖ẇ ʼeţ־mişĕ̌marĕţiֽ̇y׃

17
וְהָיָ֗ה בְּבֹואָם֙ אֶֽל־שַׁעֲרֵי֙ הֶחָצֵ֣ר הַפְּנִימִ֔ית בִּגְדֵ֥י פִשְׁתִּ֖ים יִלְבָּ֑שׁוּ וְלֹֽא־יַעֲלֶ֤ה עֲלֵיהֶם֙ צֶ֔מֶר בְּשָֽׁרְתָ֗ם בְּשַׁעֲרֵ֛י הֶחָצֵ֥ר הַפְּנִימִ֖ית וָבָֽיְתָה׃

wĕháyá֗h bĕ̇bòwʼám֙ ʼeֽl־şǎʻàréy֙ heẖáẕé֣r hapĕ̇niymi֔yţ bi̇gĕdé֥y pişĕ̌ţi֖̇ym yilĕbá֑̇ş̌ẇ wĕlòֽʼ־yaʻàle֤h ʻàléyhem֙ ẕe֔mer bĕ̇şáֽ̌rĕţá֗m bĕ̇şǎʻàré֛y heẖáẕé֥r hapĕ̇niymi֖yţ wábáֽyĕţáh׃

18
פַּאֲרֵ֤י פִשְׁתִּים֙ יִהְי֣וּ עַל־רֹאשָׁ֔ם וּמִכְנְסֵ֣י פִשְׁתִּ֔ים יִהְי֖וּ עַל־מָתְנֵיהֶ֑ם לֹ֥א יַחְגְּר֖וּ בַּיָּֽזַע׃

pȧʼàré֤y pişĕ̌ţi̇ym֙ yihĕy֣ẇ ʻal־ròʼşá̌֔m ẇmikĕnĕsé֣y pişĕ̌ţi̇֔ym yihĕy֖ẇ ʻal־máţĕnéyhe֑m lò֥ʼ yaẖĕgĕ̇r֖ẇ bȧyáֽ̇zaʻ׃

19
וּ֠בְצֵאתָם אֶל־הֶחָצֵ֨ר הַחִיצֹונָ֜ה אֶל־הֶחָצֵ֣ר הַחִיצֹונָה֮ אֶל־הָעָם֒ יִפְשְׁט֣וּ אֶת־בִּגְדֵיהֶ֗ם אֲשֶׁר־הֵ֨מָּה֙ מְשָׁרְתִ֣ם בָּ֔ם וְהִנִּ֥יחוּ אֹותָ֖ם בְּלִֽשְׁכֹ֣ת הַקֹּ֑דֶשׁ וְלָֽבְשׁוּ֙ בְּגָדִ֣ים אֲחֵרִ֔ים וְלֹֽא־יְקַדְּשׁ֥וּ אֶת־הָעָ֖ם בְּבִגְדֵיהֶֽם׃

ẇ֠bĕẕéʼţám ʼel־heẖáẕé֨r haẖiyẕòwná֜h ʼel־heẖáẕé֣r haẖiyẕòwnáh֮ ʼel־háʻám֒ yipĕşĕ̌t֣ẇ ʼeţ־bi̇gĕdéyhe֗m ʼàşěr־hé֨má̇h֙ mĕşá̌rĕţi֣m bá̇֔m wĕhini֥̇yẖẇ ʼòwţá֖m bĕ̇liֽşĕ̌kò֣ţ haqò֑̇deş̌ wĕláֽbĕş̌ẇ֙ bĕ̇gádi֣ym ʼàẖéri֔ym wĕlòֽʼ־yĕqadĕ̇ş֥̌ẇ ʼeţ־háʻá֖m bĕ̇bigĕdéyheֽm׃

20
וְרֹאשָׁם֙ לֹ֣א יְגַלֵּ֔חוּ וּפֶ֖רַע לֹ֣א יְשַׁלֵּ֑חוּ כָּסֹ֥ום יִכְסְמ֖וּ אֶת־רָאשֵׁיהֶֽם׃

wĕròʼşá̌m֙ lò֣ʼ yĕgalé̇֔ẖẇ ẇpe֖raʻ lò֣ʼ yĕşǎlé֑̇ẖẇ ká̇sò֥wm yikĕsĕm֖ẇ ʼeţ־ráʼşé̌yheֽm׃

21
וְיַ֥יִן לֹֽא־יִשְׁתּ֖וּ כָּל־כֹּהֵ֑ן בְּבֹואָ֖ם אֶל־הֶחָצֵ֥ר הַפְּנִימִֽית׃

wĕya֥yin lòֽʼ־yişĕ̌ţ֖̇ẇ ká̇l־kò̇hé֑n bĕ̇bòwʼá֖m ʼel־heẖáẕé֥r hapĕ̇niymiֽyţ׃

22
וְאַלְמָנָה֙ וּגְרוּשָׁ֔ה לֹֽא־יִקְח֥וּ לָהֶ֖ם לְנָשִׁ֑ים כִּ֣י אִם־בְּתוּלֹ֗ת מִזֶּ֨רַע֙ בֵּ֣ית יִשְׂרָאֵ֔ל וְהָֽאַלְמָנָה֙ אֲשֶׁ֣ר תִּֽהְיֶ֣ה אַלְמָנָ֔ה מִכֹּהֵ֖ן יִקָּֽחוּ׃

wĕʼalĕmánáh֙ ẇgĕrẇşá̌֔h lòֽʼ־yiqĕẖ֥ẇ láhe֖m lĕnáşǐ֑ym ki֣̇y ʼim־bĕ̇ţẇlò֗ţ mizė֨raʻ֙ bé֣̇yţ yişĕ̂ráʼé֔l wĕháֽʼalĕmánáh֙ ʼàşě֣r ţiֽ̇hĕye֣h ʼalĕmáná֔h mikò̇hé֖n yiqáֽ̇ẖẇ׃

23
וְאֶת־עַמִּ֣י יֹור֔וּ בֵּ֥ין קֹ֖דֶשׁ לְחֹ֑ל וּבֵין־טָמֵ֥א לְטָהֹ֖ור יֹודִעֻֽם׃

wĕʼeţ־ʻami֣̇y yòwr֔ẇ bé֥̇yn qò֖deş̌ lĕẖò֑l ẇbéyn־támé֥ʼ lĕtáhò֖wr yòwdiʻuֽm׃

24
וְעַל־רִ֗יב הֵ֚מָּה יַעַמְד֣וּ לִשְׁפֹּט בְּמִשְׁפָּטַ֖י וּשָׁפְטֻהוּ וְאֶת־תֹּורֹתַ֤י וְאֶת־חֻקֹּתַי֙ בְּכָל־מֹועֲדַ֣י יִשְׁמֹ֔רוּ וְאֶת־שַׁבְּתֹותַ֖י יְקַדֵּֽשׁוּ׃

wĕʻal־ri֗yb hé֚má̇h yaʻamĕd֣ẇ lişĕ̌pò̇t bĕ̇mişĕ̌pá̇ta֖y ẇşá̌pĕtuhẇ wĕʼeţ־ţò̇wròţa֤y wĕʼeţ־ẖuqò̇ţay֙ bĕ̇kál־mòwʻàda֣y yişĕ̌mò֔rẇ wĕʼeţ־şǎbĕ̇ţòwţa֖y yĕqadéֽ̇ş̌ẇ׃

25
וְאֶל־מֵ֣ת אָדָ֔ם לֹ֥א יָבֹ֖וא לְטָמְאָ֑ה כִּ֣י אִם־לְאָ֡ב וּ֠לְאֵם וּלְבֵ֨ן וּלְבַ֜ת לְאָ֗ח וּלְאָחֹ֛ות אֲשֶֽׁר־לֹא־הָיְתָ֥ה לְאִ֖ישׁ יִטַּמָּֽאוּ׃

wĕʼel־mé֣ţ ʼádá֔m lò֥ʼ yábò֖wʼ lĕtámĕʼá֑h ki֣̇y ʼim־lĕʼá֡b ẇ֠lĕʼém ẇlĕbé֨n ẇlĕba֜ţ lĕʼá֗ẖ ẇlĕʼáẖò֛wţ ʼàşěֽr־lòʼ־háyĕţá֥h lĕʼi֖yş̌ yitȧmáֽ̇ʼẇ׃

26
וְאַחֲרֵ֖י טָֽהֳרָתֹ֑ו שִׁבְעַ֥ת יָמִ֖ים יִסְפְּרוּ־לֹֽו׃

wĕʼaẖàré֖y táֽhoráţò֑w şǐbĕʻa֥ţ yámi֖ym yisĕpĕ̇rẇ־lòֽw׃

27
וּבְיֹום֩ בֹּאֹ֨ו אֶל־הַקֹּ֜דֶשׁ אֶל־הֶחָצֵ֤ר הַפְּנִימִית֙ לְשָׁרֵ֣ת בַּקֹּ֔דֶשׁ יַקְרִ֖יב חַטָּאתֹ֑ו נְאֻ֖ם אֲדֹנָ֥י יְהוִֽה׃

ẇbĕyòwm֩ bò̇ʼò֨w ʼel־haqò̇֜deş̌ ʼel־heẖáẕé֤r hapĕ̇niymiyţ֙ lĕşá̌ré֣ţ bȧqò̇֔deş̌ yaqĕri֖yb ẖatá̇ʼţò֑w nĕʼu֖m ʼàdòná֥y yĕhwiֽh׃

28
וְהָיְתָ֤ה לָהֶם֙ לְֽנַחֲלָ֔ה אֲנִ֖י נַֽחֲלָתָ֑ם וַאֲחֻזָּ֗ה לֹֽא־תִתְּנ֤וּ לָהֶם֙ בְּיִשְׂרָאֵ֔ל אֲנִ֖י אֲחֻזָּתָֽם׃

wĕháyĕţá֤h láhem֙ lĕֽnaẖàlá֔h ʼàni֖y naֽẖàláţá֑m waʼàẖuzá̇֗h lòֽʼ־ţiţĕ̇n֤ẇ láhem֙ bĕ̇yişĕ̂ráʼé֔l ʼàni֖y ʼàẖuzá̇ţáֽm׃

29
הַמִּנְחָה֙ וְהַחַטָּ֣את וְהָאָשָׁ֔ם הֵ֖מָּה יֹֽאכְל֑וּם וְכָל־חֵ֥רֶם בְּיִשְׂרָאֵ֖ל לָהֶ֥ם יִהְיֶֽה׃

hami̇nĕẖáh֙ wĕhaẖatá֣̇ʼţ wĕháʼáşá̌֔m hé֖má̇h yòֽʼkĕl֑ẇm wĕkál־ẖé֥rem bĕ̇yişĕ̂ráʼé֖l láhe֥m yihĕyeֽh׃

30
וְרֵאשִׁית֩ כָּל־בִּכּ֨וּרֵי כֹ֜ל וְכָל־תְּר֣וּמַת כֹּ֗ל מִכֹּל֙ תְּרוּמֹ֣ותֵיכֶ֔ם לַכֹּהֲנִ֖ים יִֽהְיֶ֑ה וְרֵאשִׁ֤ית עֲרִסֹֽותֵיכֶם֙ תִּתְּנ֣וּ לַכֹּהֵ֔ן לְהָנִ֥יחַ בְּרָכָ֖ה אֶל־בֵּיתֶֽךָ׃

wĕréʼşǐyţ֩ ká̇l־bi̇k̇֨ẇréy kò֜l wĕkál־ţĕ̇r֣ẇmaţ kò̇֗l mikò̇l֙ ţĕ̇rẇmò֣wţéyke֔m lakò̇hàni֖ym yiֽhĕye֑h wĕréʼşǐ֤yţ ʻàrisòֽwţéykem֙ ţi̇ţĕ̇n֣ẇ lakò̇hé֔n lĕháni֥yẖa bĕ̇ráká֖h ʼel־bé̇yţeֽká׃

31
כָּל־נְבֵלָה֙ וּטְרֵפָ֔ה מִן־הָעֹ֖וף וּמִן־הַבְּהֵמָ֑ה לֹ֥א יֹאכְל֖וּ הַכֹּהֲנִֽים׃ פ

ká̇l־nĕbéláh֙ ẇtĕrépá֔h min־háʻò֖wp ẇmin־habĕ̇hémá֑h lò֥ʼ yòʼkĕl֖ẇ hakò̇hàniֽym׃ p