Bibles in ancient languages
Old translations
Modern translations

Biblia Hebraica Stuttgartensia Genèse 13:17

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיַּעַל֩ אַבְרָ֨ם מִמִּצְרַ֜יִם ה֠וּא וְאִשְׁתֹּ֧ו וְכָל־אֲשֶׁר־לֹ֛ו וְלֹ֥וט עִמֹּ֖ו הַנֶּֽגְבָּה׃

wayȧʻal֩ ʼabĕrá֨m mimi̇ẕĕra֜yim h֠ẇʼ wĕʼişĕ̌ţò֧̇w wĕkál־ʼàşěr־lò֛w wĕlò֥wt ʻimò֖̇w hanėֽgĕbá̇h׃
2
וְאַבְרָ֖ם כָּבֵ֣ד מְאֹ֑ד בַּמִּקְנֶ֕ה בַּכֶּ֖סֶף וּבַזָּהָֽב׃

wĕʼabĕrá֖m ká̇bé֣d mĕʼò֑d bȧmi̇qĕne֕h bȧkė֖sep ẇbazá̇háֽb׃
3
וַיֵּ֨לֶךְ֙ לְמַסָּעָ֔יו מִנֶּ֖גֶב וְעַד־בֵּֽית־אֵ֑ל עַד־הַמָּקֹ֗ום אֲשֶׁר־הָ֨יָה שָׁ֤ם אָהֳלֹה בַּתְּחִלָּ֔ה בֵּ֥ין בֵּֽית־אֵ֖ל וּבֵ֥ין הָעָֽי׃

wayé̇֨lekĕ֙ lĕmasá̇ʻá֔yw minė֖geb wĕʻad־béֽ̇yţ־ʼé֑l ʻad־hamá̇qò֗wm ʼàşěr־há֨yáh şá֤̌m ʼáholòh bȧţĕ̇ẖilá̇֔h bé֥̇yn béֽ̇yţ־ʼé֖l ẇbé֥yn háʻáֽy׃
4
אֶל־מְקֹום֙ הַמִּזְבֵּ֔חַ אֲשֶׁר־עָ֥שָׂה שָׁ֖ם בָּרִאשֹׁנָ֑ה וַיִּקְרָ֥א שָׁ֛ם אַבְרָ֖ם בְּשֵׁ֥ם יְהוָֽה׃

ʼel־mĕqòwm֙ hami̇zĕbé̇֔ẖa ʼàşěr־ʻá֥şá̂h şá֖̌m bá̇riʼşò̌ná֑h wayi̇qĕrá֥ʼ şá֛̌m ʼabĕrá֖m bĕ̇şé֥̌m yĕhwáֽh׃
5
וְגַם־לְלֹ֔וט הַהֹלֵ֖ךְ אֶת־אַבְרָ֑ם הָיָ֥ה צֹאן־וּבָקָ֖ר וְאֹהָלִֽים׃

wĕgam־lĕlò֔wt hahòlé֖kĕ ʼeţ־ʼabĕrá֑m háyá֥h ẕòʼn־ẇbáqá֖r wĕʼòháliֽym׃
6
וְלֹא־נָשָׂ֥א אֹתָ֛ם הָאָ֖רֶץ לָשֶׁ֣בֶת יַחְדָּ֑ו כִּֽי־הָיָ֤ה רְכוּשָׁם֙ רָ֔ב וְלֹ֥א יָֽכְל֖וּ לָשֶׁ֥בֶת יַחְדָּֽו׃

wĕlòʼ־náşá֥̂ʼ ʼòţá֛m háʼá֖reẕ láşě֣beţ yaẖĕdá֑̇w kiֽ̇y־háyá֤h rĕkẇşá̌m֙ rá֔b wĕlò֥ʼ yáֽkĕl֖ẇ láşě֥beţ yaẖĕdáֽ̇w׃
7
וַֽיְהִי־רִ֗יב בֵּ֚ין רֹעֵ֣י מִקְנֵֽה־אַבְרָ֔ם וּבֵ֖ין רֹעֵ֣י מִקְנֵה־לֹ֑וט וְהַֽכְּנַעֲנִי֙ וְהַפְּרִזִּ֔י אָ֖ז יֹשֵׁ֥ב בָּאָֽרֶץ׃

waֽyĕhiy־ri֗yb bé֚̇yn ròʻé֣y miqĕnéֽh־ʼabĕrá֔m ẇbé֖yn ròʻé֣y miqĕnéh־lò֑wt wĕhaֽkĕ̇naʻàniy֙ wĕhapĕ̇rizi̇֔y ʼá֖z yòşé֥̌b bá̇ʼáֽreẕ׃
8
וַיֹּ֨אמֶר אַבְרָ֜ם אֶל־לֹ֗וט אַל־נָ֨א תְהִ֤י מְרִיבָה֙ בֵּינִ֣י וּבֵינֶ֔יךָ וּבֵ֥ין רֹעַ֖י וּבֵ֣ין רֹעֶ֑יךָ כִּֽי־אֲנָשִׁ֥ים אַחִ֖ים אֲנָֽחְנוּ׃

wayò̇֨ʼmer ʼabĕrá֜m ʼel־lò֗wt ʼal־ná֨ʼ ţĕhi֤y mĕriybáh֙ bé̇yni֣y ẇbéyne֔yká ẇbé֥yn ròʻa֖y ẇbé֣yn ròʻe֑yká kiֽ̇y־ʼànáşǐ֥ym ʼaẖi֖ym ʼànáֽẖĕnẇ׃
9
הֲלֹ֤א כָל־הָאָ֨רֶץ֙ לְפָנֶ֔יךָ הִפָּ֥רֶד נָ֖א מֵעָלָ֑י אִם־הַשְּׂמֹ֣אל וְאֵימִ֔נָה וְאִם־הַיָּמִ֖ין וְאַשְׂמְאִֽילָה׃

hàlò֤ʼ kál־háʼá֨reẕ֙ lĕpáne֔yká hipá֥̇red ná֖ʼ méʻálá֑y ʼim־haşĕ̇̂mò֣ʼl wĕʼéymi֔náh wĕʼim־hayá̇mi֖yn wĕʼaşĕ̂mĕʼiֽyláh׃
10
וַיִּשָּׂא־לֹ֣וט אֶת־עֵינָ֗יו וַיַּרְא֙ אֶת־כָּל־כִּכַּ֣ר הַיַּרְדֵּ֔ן כִּ֥י כֻלָּ֖הּ מַשְׁקֶ֑ה לִפְנֵ֣י׀ שַׁחֵ֣ת יְהוָ֗ה אֶת־סְדֹם֙ וְאֶת־עֲמֹרָ֔ה כְּגַן־יְהוָה֙ כְּאֶ֣רֶץ מִצְרַ֔יִם בֹּאֲכָ֖ה צֹֽעַר׃

wayi̇şá̇̂ʼ־lò֣wt ʼeţ־ʻéyná֗yw wayȧrĕʼ֙ ʼeţ־ká̇l־ki̇kȧ֣r hayȧrĕdé̇֔n ki֥̇y kulá֖̇ḣ maşĕ̌qe֑h lipĕné֣y׀ şǎẖé֣ţ yĕhwá֗h ʼeţ־sĕdòm֙ wĕʼeţ־ʻàmòrá֔h kĕ̇gan־yĕhwáh֙ kĕ̇ʼe֣reẕ miẕĕra֔yim bò̇ʼàká֖h ẕòֽʻar׃
11
וַיִּבְחַר־לֹ֣ו לֹ֗וט אֵ֚ת כָּל־כִּכַּ֣ר הַיַּרְדֵּ֔ן וַיִּסַּ֥ע לֹ֖וט מִקֶּ֑דֶם וַיִּפָּ֣רְד֔וּ אִ֖ישׁ מֵעַ֥ל אָחִֽיו׃

wayi̇bĕẖar־lò֣w lò֗wt ʼé֚ţ ká̇l־ki̇kȧ֣r hayȧrĕdé̇֔n wayi̇sȧ֥ʻ lò֖wt miqė֑dem wayi̇pá֣̇rĕd֔ẇ ʼi֖yş̌ méʻa֥l ʼáẖiֽyw׃
12
אַבְרָ֖ם יָשַׁ֣ב בְּאֶֽרֶץ־כְּנָ֑עַן וְלֹ֗וט יָשַׁב֙ בְּעָרֵ֣י הַכִּכָּ֔ר וַיֶּאֱהַ֖ל עַד־סְדֹֽם׃

ʼabĕrá֖m yáşǎ֣b bĕ̇ʼeֽreẕ־kĕ̇ná֑ʻan wĕlò֗wt yáşǎb֙ bĕ̇ʻáré֣y haki̇ká̇֔r wayėʼèha֖l ʻad־sĕdòֽm׃
13
וְאַנְשֵׁ֣י סְדֹ֔ם רָעִ֖ים וְחַטָּאִ֑ים לַיהוָ֖ה מְאֹֽד׃

wĕʼanĕşé֣̌y sĕdò֔m ráʻi֖ym wĕẖatá̇ʼi֑ym layhwá֖h mĕʼòֽd׃
14
וַֽיהוָ֞ה אָמַ֣ר אֶל־אַבְרָ֗ם אַחֲרֵי֙ הִפָּֽרֶד־לֹ֣וט מֵֽעִמֹּ֔ו שָׂ֣א נָ֤א עֵינֶ֨יךָ֙ וּרְאֵ֔ה מִן־הַמָּקֹ֖ום אֲשֶׁר־אַתָּ֣ה שָׁ֑ם צָפֹ֥נָה וָנֶ֖גְבָּה וָקֵ֥דְמָה וָיָֽמָּה׃

waֽyhwá֞h ʼáma֣r ʼel־ʼabĕrá֗m ʼaẖàréy֙ hipáֽ̇red־lò֣wt méֽʻimò̇֔w şá֣̂ʼ ná֤ʼ ʻéyne֨yká֙ ẇrĕʼé֔h min־hamá̇qò֖wm ʼàşěr־ʼaţá֣̇h şá֑̌m ẕápò֥náh wáne֖gĕbá̇h wáqé֥dĕmáh wáyáֽmá̇h׃
15
כִּ֧י אֶת־כָּל־הָאָ֛רֶץ אֲשֶׁר־אַתָּ֥ה רֹאֶ֖ה לְךָ֣ אֶתְּנֶ֑נָּה וּֽלְזַרְעֲךָ֖ עַד־עֹולָֽם׃

ki֧̇y ʼeţ־ká̇l־háʼá֛reẕ ʼàşěr־ʼaţá֥̇h ròʼe֖h lĕká֣ ʼeţĕ̇ne֑ná̇h ẇֽlĕzarĕʻàká֖ ʻad־ʻòwláֽm׃
16
וְשַׂמְתִּ֥י אֶֽת־זַרְעֲךָ֖ כַּעֲפַ֣ר הָאָ֑רֶץ אֲשֶׁ֣ר׀ אִם־יוּכַ֣ל אִ֗ישׁ לִמְנֹות֙ אֶת־עֲפַ֣ר הָאָ֔רֶץ גַּֽם־זַרְעֲךָ֖ יִמָּנֶֽה׃

wĕşâmĕţi֥̇y ʼeֽţ־zarĕʻàká֖ kȧʻàpa֣r háʼá֑reẕ ʼàşě֣r׀ ʼim־yẇka֣l ʼi֗yş̌ limĕnòwţ֙ ʼeţ־ʻàpa֣r háʼá֔reẕ gȧֽm־zarĕʻàká֖ yimá̇neֽh׃
17
ק֚וּם הִתְהַלֵּ֣ךְ בָּאָ֔רֶץ לְאָרְכָּ֖הּ וּלְרָחְבָּ֑הּ כִּ֥י לְךָ֖ אֶתְּנֶֽנָּה׃

q֚ẇm hiţĕhalé֣̇kĕ bá̇ʼá֔reẕ lĕʼárĕká֖̇ḣ ẇlĕráẖĕbá֑̇ḣ ki֥̇y lĕká֖ ʼeţĕ̇neֽná̇h׃
18
וַיֶּאֱהַ֣ל אַבְרָ֗ם וַיָּבֹ֛א וַיֵּ֛שֶׁב בְּאֵלֹנֵ֥י מַמְרֵ֖א אֲשֶׁ֣ר בְּחֶבְרֹ֑ון וַיִּֽבֶן־שָׁ֥ם מִזְבֵּ֖חַ לַֽיהוָֽה׃ פ

wayėʼèha֣l ʼabĕrá֗m wayá̇bò֛ʼ wayé֛̇şěb bĕ̇ʼélòné֥y mamĕré֖ʼ ʼàşě֣r bĕ̇ẖebĕrò֑wn wayiֽ̇ben־şá֥̌m mizĕbé֖̇ẖa laֽyhwáֽh׃ p