Bibles in ancient languages
Old translations
Modern translations

Biblia Hebraica Stuttgartensia Genèse 15:20

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
אַחַ֣ר׀ הַדְּבָרִ֣ים הָאֵ֗לֶּה הָיָ֤ה דְבַר־יְהוָה֙ אֶל־אַבְרָ֔ם בַּֽמַּחֲזֶ֖ה לֵאמֹ֑ר אַל־תִּירָ֣א אַבְרָ֗ם אָנֹכִי֙ מָגֵ֣ן לָ֔ךְ שְׂכָרְךָ֖ הַרְבֵּ֥ה מְאֹֽד׃

ʼaẖa֣r׀ hadĕ̇bári֣ym háʼé֗lėh háyá֤h dĕbar־yĕhwáh֙ ʼel־ʼabĕrá֔m bȧֽmȧẖàze֖h léʼmò֑r ʼal־ţi̇yrá֣ʼ ʼabĕrá֗m ʼánòkiy֙ mágé֣n lá֔kĕ şĕ̂kárĕká֖ harĕbé֥̇h mĕʼòֽd׃

2
וַיֹּ֣אמֶר אַבְרָ֗ם אֲדֹנָ֤י יֱהוִה֙ מַה־תִּתֶּן־לִ֔י וְאָנֹכִ֖י הֹולֵ֣ךְ עֲרִירִ֑י וּבֶן־מֶ֣שֶׁק בֵּיתִ֔י ה֖וּא דַּמֶּ֥שֶׂק אֱלִיעֶֽזֶר׃

wayò֣̇ʼmer ʼabĕrá֗m ʼàdòná֤y yèhwih֙ mah־ţi̇ţėn־li֔y wĕʼánòki֖y hòwlé֣kĕ ʻàriyri֑y ẇben־me֣şěq bé̇yţi֔y h֖ẇʼ dȧmė֥şêq ʼèliyʻeֽzer׃

3
וַיֹּ֣אמֶר אַבְרָ֔ם הֵ֣ן לִ֔י לֹ֥א נָתַ֖תָּה זָ֑רַע וְהִנֵּ֥ה בֶן־בֵּיתִ֖י יֹורֵ֥שׁ אֹתִֽי׃

wayò֣̇ʼmer ʼabĕrá֔m hé֣n li֔y lò֥ʼ náţa֖ţá̇h zá֑raʻ wĕhiné֥̇h ben־bé̇yţi֖y yòwré֥ş̌ ʼòţiֽy׃

4
וְהִנֵּ֨ה דְבַר־יְהוָ֤ה אֵלָיו֙ לֵאמֹ֔ר לֹ֥א יִֽירָשְׁךָ֖ זֶ֑ה כִּי־אִם֙ אֲשֶׁ֣ר יֵצֵ֣א מִמֵּעֶ֔יךָ ה֖וּא יִֽירָשֶֽׁךָ׃

wĕhiné̇֨h dĕbar־yĕhwá֤h ʼéláyw֙ léʼmò֔r lò֥ʼ yiֽyráşĕ̌ká֖ ze֑h ki̇y־ʼim֙ ʼàşě֣r yéẕé֣ʼ mimé̇ʻe֔yká h֖ẇʼ yiֽyráşěֽká׃

5
וַיֹּוצֵ֨א אֹתֹ֜ו הַח֗וּצָה וַיֹּ֨אמֶר֙ הַבֶּט־נָ֣א הַשָּׁמַ֗יְמָה וּסְפֹר֙ הַכֹּ֣וכָבִ֔ים אִם־תּוּכַ֖ל לִסְפֹּ֣ר אֹתָ֑ם וַיֹּ֣אמֶר לֹ֔ו כֹּ֥ה יִהְיֶ֖ה זַרְעֶֽךָ׃

wayò̇wẕé֨ʼ ʼòţò֜w haẖ֗ẇẕáh wayò̇֨ʼmer֙ habėt־ná֣ʼ haşá̇̌ma֗yĕmáh ẇsĕpòr֙ hakò֣̇wkábi֔ym ʼim־ţ̇ẇka֖l lisĕpò֣̇r ʼòţá֑m wayò֣̇ʼmer lò֔w kò֥̇h yihĕye֖h zarĕʻeֽká׃

6
וְהֶאֱמִ֖ן בַּֽיהוָ֑ה וַיַּחְשְׁבֶ֥הָ לֹּ֖ו צְדָקָֽה׃

wĕheʼèmi֖n bȧֽyhwá֑h wayȧẖĕşĕ̌be֥há lò֖̇w ẕĕdáqáֽh׃

7
וַיֹּ֖אמֶר אֵלָ֑יו אֲנִ֣י יְהוָ֗ה אֲשֶׁ֤ר הֹוצֵאתִ֨יךָ֙ מֵא֣וּר כַּשְׂדִּ֔ים לָ֧תֶת לְךָ֛ אֶת־הָאָ֥רֶץ הַזֹּ֖את לְרִשְׁתָּֽהּ׃

wayò֖̇ʼmer ʼélá֑yw ʼàni֣y yĕhwá֗h ʼàşě֤r hòwẕéʼţi֨yká֙ méʼ֣ẇr kȧşĕ̂di̇֔ym lá֧ţeţ lĕká֛ ʼeţ־háʼá֥reẕ hazò֖̇ʼţ lĕrişĕ̌ţáֽ̇ḣ׃

8
וַיֹּאמַ֑ר אֲדֹנָ֣י יֱהוִ֔ה בַּמָּ֥ה אֵדַ֖ע כִּ֥י אִֽירָשֶֽׁנָּה׃

wayò̇ʼma֑r ʼàdòná֣y yèhwi֔h bȧmá֥̇h ʼéda֖ʻ ki֥̇y ʼiֽyráşěֽná̇h׃

9
וַיֹּ֣אמֶר אֵלָ֗יו קְחָ֥ה לִי֙ עֶגְלָ֣ה מְשֻׁלֶּ֔שֶׁת וְעֵ֥ז מְשֻׁלֶּ֖שֶׁת וְאַ֣יִל מְשֻׁלָּ֑שׁ וְתֹ֖ר וְגֹוזָֽל׃

wayò֣̇ʼmer ʼélá֗yw qĕẖá֥h liy֙ ʻegĕlá֣h mĕşǔlė֔şěţ wĕʻé֥z mĕşǔlė֖şěţ wĕʼa֣yil mĕşǔlá֑̇ş̌ wĕţò֖r wĕgòwzáֽl׃

10
וַיִּֽקַּֽח־לֹ֣ו אֶת־כָּל־אֵ֗לֶּה וַיְבַתֵּ֤ר אֹתָם֙ בַּתָּ֔וֶךְ וַיִּתֵּ֥ן אִישׁ־בִּתְרֹ֖ו לִקְרַ֣את רֵעֵ֑הוּ וְאֶת־הַצִפֹּ֖ר לֹ֥א בָתָֽר׃

wayiֽ̇qȧֽẖ־lò֣w ʼeţ־ká̇l־ʼé֗lėh wayĕbaţé֤̇r ʼòţám֙ bȧţá̇֔wekĕ wayi̇ţé֥̇n ʼiyş̌־bi̇ţĕrò֖w liqĕra֣ʼţ réʻé֑hẇ wĕʼeţ־haẕipò֖̇r lò֥ʼ báţáֽr׃

11
וַיֵּ֥רֶד הָעַ֖יִט עַל־הַפְּגָרִ֑ים וַיַּשֵּׁ֥ב אֹתָ֖ם אַבְרָֽם׃

wayé֥̇red háʻa֖yit ʻal־hapĕ̇gári֑ym wayȧşé֥̇̌b ʼòţá֖m ʼabĕráֽm׃

12
וַיְהִ֤י הַשֶּׁ֨מֶשׁ֙ לָבֹ֔וא וְתַרְדֵּמָ֖ה נָפְלָ֣ה עַל־אַבְרָ֑ם וְהִנֵּ֥ה אֵימָ֛ה חֲשֵׁכָ֥ה גְדֹלָ֖ה נֹפֶ֥לֶת עָלָֽיו׃

wayĕhi֤y haşė̌֨meş̌֙ lábò֔wʼ wĕţarĕdé̇má֖h nápĕlá֣h ʻal־ʼabĕrá֑m wĕhiné֥̇h ʼéymá֛h ẖàşé̌ká֥h gĕdòlá֖h nòpe֥leţ ʻáláֽyw׃

13
וַיֹּ֣אמֶר לְאַבְרָ֗ם יָדֹ֨עַ תֵּדַ֜ע כִּי־גֵ֣ר׀ יִהְיֶ֣ה זַרְעֲךָ֗ בְּאֶ֨רֶץ֙ לֹ֣א לָהֶ֔ם וַעֲבָד֖וּם וְעִנּ֣וּ אֹתָ֑ם אַרְבַּ֥ע מֵאֹ֖ות שָׁנָֽה׃

wayò֣̇ʼmer lĕʼabĕrá֗m yádò֨ʻa ţé̇da֜ʻ ki̇y־gé֣r׀ yihĕye֣h zarĕʻàká֗ bĕ̇ʼe֨reẕ֙ lò֣ʼ láhe֔m waʻàbád֖ẇm wĕʻiṅ֣ẇ ʼòţá֑m ʼarĕbȧ֥ʻ méʼò֖wţ şá̌náֽh׃

14
וְגַ֧ם אֶת־הַגֹּ֛וי אֲשֶׁ֥ר יַעֲבֹ֖דוּ דָּ֣ן אָנֹ֑כִי וְאַחֲרֵי־כֵ֥ן יֵצְא֖וּ בִּרְכֻ֥שׁ גָּדֹֽול׃

wĕga֧m ʼeţ־hagò֛̇wy ʼàşě֥r yaʻàbò֖dẇ dá֣̇n ʼánò֑kiy wĕʼaẖàréy־ké֥n yéẕĕʼ֖ẇ bi̇rĕku֥ş̌ gá̇dòֽwl׃

15
וְאַתָּ֛ה תָּבֹ֥וא אֶל־אֲבֹתֶ֖יךָ בְּשָׁלֹ֑ום תִּקָּבֵ֖ר בְּשֵׂיבָ֥ה טֹובָֽה׃

wĕʼaţá֛̇h ţá̇bò֥wʼ ʼel־ʼàbòţe֖yká bĕ̇şá̌lò֑wm ţi̇qá̇bé֖r bĕ̇şé̂ybá֥h tòwbáֽh׃

16
וְדֹ֥ור רְבִיעִ֖י יָשׁ֣וּבוּ הֵ֑נָּה כִּ֧י לֹא־שָׁלֵ֛ם עֲוֹ֥ן הָאֱמֹרִ֖י עַד־הֵֽנָּה׃

wĕdò֥wr rĕbiyʻi֖y yáş֣̌ẇbẇ hé֑ná̇h ki֧̇y lòʼ־şá̌lé֛m ʻàwò֥n háʼèmòri֖y ʻad־héֽná̇h׃

17
וַיְהִ֤י הַשֶּׁ֨מֶשׁ֙ בָּ֔אָה וַעֲלָטָ֖ה הָיָ֑ה וְהִנֵּ֨ה תַנּ֤וּר עָשָׁן֙ וְלַפִּ֣יד אֵ֔שׁ אֲשֶׁ֣ר עָבַ֔ר בֵּ֖ין הַגְּזָרִ֥ים הָאֵֽלֶּה׃

wayĕhi֤y haşė̌֨meş̌֙ bá̇֔ʼáh waʻàlátá֖h háyá֑h wĕhiné̇֨h ţaṅ֤ẇr ʻáşá̌n֙ wĕlapi֣̇yd ʼé֔ş̌ ʼàşě֣r ʻába֔r bé֖̇yn hagĕ̇zári֥ym háʼéֽlėh׃

18
בַּיֹּ֣ום הַה֗וּא כָּרַ֧ת יְהוָ֛ה אֶת־אַבְרָ֖ם בְּרִ֣ית לֵאמֹ֑ר לְזַרְעֲךָ֗ נָתַ֨תִּי֙ אֶת־הָאָ֣רֶץ הַזֹּ֔את מִנְּהַ֣ר מִצְרַ֔יִם עַד־הַנָּהָ֥ר הַגָּדֹ֖ל נְהַר־פְּרָֽת׃

bȧyò֣̇wm hah֗ẇʼ ká̇ra֧ţ yĕhwá֛h ʼeţ־ʼabĕrá֖m bĕ̇ri֣yţ léʼmò֑r lĕzarĕʻàká֗ náţa֨ţi̇y֙ ʼeţ־háʼá֣reẕ hazò̇֔ʼţ minĕ̇ha֣r miẕĕra֔yim ʻad־haná̇há֥r hagá̇dò֖l nĕhar־pĕ̇ráֽţ׃

19
אֶת־הַקֵּינִי֙ וְאֶת־הַקְּנִזִּ֔י וְאֵ֖ת הַקַּדְמֹנִֽי׃

ʼeţ־haqé̇yniy֙ wĕʼeţ־haqĕ̇nizi̇֔y wĕʼé֖ţ haqȧdĕmòniֽy׃

20
וְאֶת־הַחִתִּ֥י וְאֶת־הַפְּרִזִּ֖י וְאֶת־הָרְפָאִֽים׃

wĕʼeţ־haẖiţi֥̇y wĕʼeţ־hapĕ̇rizi֖̇y wĕʼeţ־hárĕpáʼiֽym׃

21
וְאֶת־הָֽאֱמֹרִי֙ וְאֶת־הַֽכְּנַעֲנִ֔י וְאֶת־הַגִּרְגָּשִׁ֖י וְאֶת־הַיְבוּסִֽי׃ ס

wĕʼeţ־háֽʼèmòriy֙ wĕʼeţ־haֽkĕ̇naʻàni֔y wĕʼeţ־hagi̇rĕgá̇şǐ֖y wĕʼeţ־hayĕbẇsiֽy׃ s