Bibles in ancient languages
Old translations
Modern translations

Biblia Hebraica Stuttgartiensia Genesis 21

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַֽיהוָ֛ה פָּקַ֥ד אֶת־שָׂרָ֖ה כַּאֲשֶׁ֣ר אָמָ֑ר וַיַּ֧עַשׂ יְהוָ֛ה לְשָׂרָ֖ה כַּאֲשֶׁ֥ר דִּבֵּֽר׃

waֽyhwá֛h pá̇qa֥d ʼeţ־şá̂rá֖h kȧʼàşě֣r ʼámá֑r wayȧ֧ʻaş̂ yĕhwá֛h lĕşá̂rá֖h kȧʼàşě֥r di̇béֽ̇r׃

2
וַתַּהַר֩ וַתֵּ֨לֶד שָׂרָ֧ה לְאַבְרָהָ֛ם בֵּ֖ן לִזְקֻנָ֑יו לַמֹּועֵ֕ד אֲשֶׁר־דִּבֶּ֥ר אֹתֹ֖ו אֱלֹהִֽים׃

waţȧhar֩ waţé̇֨led şá̂rá֧h lĕʼabĕráhá֛m bé֖̇n lizĕquná֑yw lamò̇wʻé֕d ʼàşěr־di̇bė֥r ʼòţò֖w ʼèlòhiֽym׃

3
וַיִּקְרָ֨א אַבְרָהָ֜ם אֶֽת־שֶׁם־בְּנֹ֧ו הַנֹּֽולַד־לֹ֛ו אֲשֶׁר־יָלְדָה־לֹּ֥ו שָׂרָ֖ה יִצְחָֽק׃

wayi̇qĕrá֨ʼ ʼabĕráhá֜m ʼeֽţ־şěm־bĕ̇nò֧w hanòֽ̇wlad־lò֛w ʼàşěr־yálĕdáh־lò֥̇w şá̂rá֖h yiẕĕẖáֽq׃

4
וַיָּ֤מָל אַבְרָהָם֙ אֶת־יִצְחָ֣ק בְּנֹ֔ו בֶּן־שְׁמֹנַ֖ת יָמִ֑ים כַּאֲשֶׁ֛ר צִוָּ֥ה אֹתֹ֖ו אֱלֹהִֽים׃

wayá֤̇mál ʼabĕráhám֙ ʼeţ־yiẕĕẖá֣q bĕ̇nò֔w bėn־şĕ̌mòna֖ţ yámi֑ym kȧʼàşě֛r ẕiwá֥̇h ʼòţò֖w ʼèlòhiֽym׃

5
וְאַבְרָהָ֖ם בֶּן־מְאַ֣ת שָׁנָ֑ה בְּהִוָּ֣לֶד לֹ֔ו אֵ֖ת יִצְחָ֥ק בְּנֹֽו׃

wĕʼabĕráhá֖m bėn־mĕʼa֣ţ şá̌ná֑h bĕ̇hiwá֣̇led lò֔w ʼé֖ţ yiẕĕẖá֥q bĕ̇nòֽw׃

6
וַתֹּ֣אמֶר שָׂרָ֔ה צְחֹ֕ק עָ֥שָׂה לִ֖י אֱלֹהִ֑ים כָּל־הַשֹּׁמֵ֖עַ יִֽצְחַק־לִֽי׃

waţò֣̇ʼmer şá̂rá֔h ẕĕẖò֕q ʻá֥şá̂h li֖y ʼèlòhi֑ym ká̇l־haşò̇̌mé֖ʻa yiֽẕĕẖaq־liֽy׃

7
וַתֹּ֗אמֶר מִ֤י מִלֵּל֙ לְאַבְרָהָ֔ם הֵינִ֥יקָה בָנִ֖ים שָׂרָ֑ה כִּֽי־יָלַ֥דְתִּי בֵ֖ן לִזְקֻנָֽיו׃

waţò̇֗ʼmer mi֤y milé̇l֙ lĕʼabĕráhá֔m héyni֥yqáh báni֖ym şá̂rá֑h kiֽ̇y־yála֥dĕţi̇y bé֖n lizĕqunáֽyw׃

8
וַיִּגְדַּ֥ל הַיֶּ֖לֶד וַיִּגָּמַ֑ל וַיַּ֤עַשׂ אַבְרָהָם֙ מִשְׁתֶּ֣ה גָדֹ֔ול בְּיֹ֖ום הִגָּמֵ֥ל אֶת־יִצְחָֽק׃

wayi̇gĕdȧ֥l hayė֖led wayi̇gá̇ma֑l wayȧ֤ʻaş̂ ʼabĕráhám֙ mişĕ̌ţė֣h gádò֔wl bĕ̇yò֖wm higá̇mé֥l ʼeţ־yiẕĕẖáֽq׃

9
וַתֵּ֨רֶא שָׂרָ֜ה אֶֽת־בֶּן־הָגָ֧ר הַמִּצְרִ֛ית אֲשֶׁר־יָלְדָ֥ה לְאַבְרָהָ֖ם מְצַחֵֽק׃

waţé̇֨reʼ şá̂rá֜h ʼeֽţ־bėn־hágá֧r hami̇ẕĕri֛yţ ʼàşěr־yálĕdá֥h lĕʼabĕráhá֖m mĕẕaẖéֽq׃

10
וַתֹּ֨אמֶר֙ לְאַבְרָהָ֔ם גָּרֵ֛שׁ הָאָמָ֥ה הַזֹּ֖את וְאֶת־בְּנָ֑הּ כִּ֣י לֹ֤א יִירַשׁ֙ בֶּן־הָאָמָ֣ה הַזֹּ֔את עִם־בְּנִ֖י עִם־יִצְחָֽק׃

waţò̇֨ʼmer֙ lĕʼabĕráhá֔m gá̇ré֛ş̌ háʼámá֥h hazò֖̇ʼţ wĕʼeţ־bĕ̇ná֑ḣ ki֣̇y lò֤ʼ yiyraş̌֙ bėn־háʼámá֣h hazò̇֔ʼţ ʻim־bĕ̇ni֖y ʻim־yiẕĕẖáֽq׃

11
וַיֵּ֧רַע הַדָּבָ֛ר מְאֹ֖ד בְּעֵינֵ֣י אַבְרָהָ֑ם עַ֖ל אֹודֹ֥ת בְּנֹֽו׃

wayé֧̇raʻ hadá̇bá֛r mĕʼò֖d bĕ̇ʻéyné֣y ʼabĕráhá֑m ʻa֖l ʼòwdò֥ţ bĕ̇nòֽw׃

12
וַיֹּ֨אמֶר אֱלֹהִ֜ים אֶל־אַבְרָהָ֗ם אַל־יֵרַ֤ע בְּעֵינֶ֨יךָ֙ עַל־הַנַּ֣עַר וְעַל־אֲמָתֶ֔ךָ כֹּל֩ אֲשֶׁ֨ר תֹּאמַ֥ר אֵלֶ֛יךָ שָׂרָ֖ה שְׁמַ֣ע בְּקֹלָ֑הּ כִּ֣י בְיִצְחָ֔ק יִקָּרֵ֥א לְךָ֖ זָֽרַע׃

wayò̇֨ʼmer ʼèlòhi֜ym ʼel־ʼabĕráhá֗m ʼal־yéra֤ʻ bĕ̇ʻéyne֨yká֙ ʻal־hanȧ֣ʻar wĕʻal־ʼàmáţe֔ká kò̇l֩ ʼàşě֨r ţò̇ʼma֥r ʼéle֛yká şá̂rá֖h şĕ̌ma֣ʻ bĕ̇qòlá֑ḣ ki֣̇y bĕyiẕĕẖá֔q yiqá̇ré֥ʼ lĕká֖ záֽraʻ׃

13
וְגַ֥ם אֶת־בֶּן־הָאָמָ֖ה לְגֹ֣וי אֲשִׂימֶ֑נּוּ כִּ֥י זַרְעֲךָ֖ הֽוּא׃

wĕga֥m ʼeţ־bėn־háʼámá֖h lĕgò֣wy ʼàşîyme֑ṅẇ ki֥̇y zarĕʻàká֖ hֽẇʼ׃

14
וַיַּשְׁכֵּ֣ם אַבְרָהָ֣ם׀ בַּבֹּ֡קֶר וַיִּֽקַּֽח־לֶחֶם֩ וְחֵ֨מַת מַ֜יִם וַיִּתֵּ֣ן אֶל־הָ֠גָר שָׂ֧ם עַל־שִׁכְמָ֛הּ וְאֶת־הַיֶּ֖לֶד וַֽיְשַׁלְּחֶ֑הָ וַתֵּ֣לֶךְ וַתֵּ֔תַע בְּמִדְבַּ֖ר בְּאֵ֥ר שָֽׁבַע׃

wayȧşĕ̌ké֣̇m ʼabĕráhá֣m׀ bȧbò̇֡qer wayiֽ̇qȧֽẖ־leẖem֩ wĕẖé֨maţ ma֜yim wayi̇ţé֣̇n ʼel־há֠gár şá֧̂m ʻal־şǐkĕmá֛ḣ wĕʼeţ־hayė֖led waֽyĕşǎlĕ̇ẖe֑há waţé֣̇lekĕ waţé̇֔ţaʻ bĕ̇midĕbȧ֖r bĕ̇ʼé֥r şáֽ̌baʻ׃

15
וַיִּכְל֥וּ הַמַּ֖יִם מִן־הַחֵ֑מֶת וַתַּשְׁלֵ֣ךְ אֶת־הַיֶּ֔לֶד תַּ֖חַת אַחַ֥ד הַשִּׂיחִֽם׃

wayi̇kĕl֥ẇ hamȧ֖yim min־haẖé֑meţ waţȧşĕ̌lé֣kĕ ʼeţ־hayė֔led ţȧ֖ẖaţ ʼaẖa֥d haşi̇̂yẖiֽm׃

16
וַתֵּלֶךְ֩ וַתֵּ֨שֶׁב לָ֜הּ מִנֶּ֗גֶד הַרְחֵק֙ כִּמְטַחֲוֵ֣י קֶ֔שֶׁת כִּ֣י אָֽמְרָ֔ה אַל־אֶרְאֶ֖ה בְּמֹ֣ות הַיָּ֑לֶד וַתֵּ֣שֶׁב מִנֶּ֔גֶד וַתִּשָּׂ֥א אֶת־קֹלָ֖הּ וַתֵּֽבְךְּ׃

waţé̇lekĕ֩ waţé̇֨şěb lá֜ḣ minė֗ged harĕẖéq֙ ki̇mĕtaẖàwé֣y qe֔şěţ ki֣̇y ʼáֽmĕrá֔h ʼal־ʼerĕʼe֖h bĕ̇mò֣wţ hayá֑̇led waţé֣̇şěb minė֔ged waţi̇şá֥̇̂ʼ ʼeţ־qòlá֖ḣ waţéֽ̇bĕkĕ̇׃

17
וַיִּשְׁמַ֣ע אֱלֹהִים֮ אֶת־קֹ֣ול הַנַּעַר֒ וַיִּקְרָא֩ מַלְאַ֨ךְ אֱלֹהִ֤ים׀ אֶל־הָגָר֙ מִן־הַשָּׁמַ֔יִם וַיֹּ֥אמֶר לָ֖הּ מַה־לָּ֣ךְ הָגָ֑ר אַל־תִּ֣ירְאִ֔י כִּֽי־שָׁמַ֧ע אֱלֹהִ֛ים אֶל־קֹ֥ול הַנַּ֖עַר בַּאֲשֶׁ֥ר הוּא־שָֽׁם׃

wayi̇şĕ̌ma֣ʻ ʼèlòhiym֮ ʼeţ־qò֣wl hanȧʻar֒ wayi̇qĕráʼ֩ malĕʼa֨kĕ ʼèlòhi֤ym׀ ʼel־hágár֙ min־haşá̇̌ma֔yim wayò֥̇ʼmer lá֖ḣ mah־lá֣̇kĕ hágá֑r ʼal־ţi֣̇yrĕʼi֔y kiֽ̇y־şá̌ma֧ʻ ʼèlòhi֛ym ʼel־qò֥wl hanȧ֖ʻar bȧʼàşě֥r hẇʼ־şáֽ̌m׃

18
ק֚וּמִי שְׂאִ֣י אֶת־הַנַּ֔עַר וְהַחֲזִ֥יקִי אֶת־יָדֵ֖ךְ בֹּ֑ו כִּֽי־לְגֹ֥וי גָּדֹ֖ול אֲשִׂימֶֽנּוּ׃

q֚ẇmiy şĕ̂ʼi֣y ʼeţ־hanȧ֔ʻar wĕhaẖàzi֥yqiy ʼeţ־yádé֖kĕ bò֑̇w kiֽ̇y־lĕgò֥wy gá̇dò֖wl ʼàşîymeֽṅẇ׃

19
וַיִּפְקַ֤ח אֱלֹהִים֙ אֶת־עֵינֶ֔יהָ וַתֵּ֖רֶא בְּאֵ֣ר מָ֑יִם וַתֵּ֜לֶךְ וַתְּמַלֵּ֤א אֶת־הַחֵ֨מֶת֙ מַ֔יִם וַתַּ֖שְׁקְ אֶת־הַנָּֽעַר׃

wayi̇pĕqa֤ẖ ʼèlòhiym֙ ʼeţ־ʻéyne֔yhá waţé֖̇reʼ bĕ̇ʼé֣r má֑yim waţé̇֜lekĕ waţĕ̇malé֤̇ʼ ʼeţ־haẖé֨meţ֙ ma֔yim waţȧ֖şĕ̌qĕ ʼeţ־hanáֽ̇ʻar׃

20
וַיְהִ֧י אֱלֹהִ֛ים אֶת־הַנַּ֖עַר וַיִּגְדָּ֑ל וַיֵּ֨שֶׁב֙ בַּמִּדְבָּ֔ר וַיְהִ֖י רֹבֶ֥ה קַשָּֽׁת׃

wayĕhi֧y ʼèlòhi֛ym ʼeţ־hanȧ֖ʻar wayi̇gĕdá֑̇l wayé̇֨şěb֙ bȧmi̇dĕbá̇֔r wayĕhi֖y ròbe֥h qaşáֽ̇̌ţ׃

21
וַיֵּ֖שֶׁב בְּמִדְבַּ֣ר פָּארָ֑ן וַתִּֽקַּֽח־לֹ֥ו אִמֹּ֛ו אִשָּׁ֖ה מֵאֶ֥רֶץ מִצְרָֽיִם׃ פ

wayé֖̇şěb bĕ̇midĕbȧ֣r pá̇ʼrá֑n waţiֽ̇qȧֽẖ־lò֥w ʼimò֛̇w ʼişá֖̇̌h méʼe֥reẕ miẕĕráֽyim׃ p

22
וַֽיְהִי֙ בָּעֵ֣ת הַהִ֔וא וַיֹּ֣אמֶר אֲבִימֶ֗לֶךְ וּפִיכֹל֙ שַׂר־צְבָאֹ֔ו אֶל־אַבְרָהָ֖ם לֵאמֹ֑ר אֱלֹהִ֣ים עִמְּךָ֔ בְּכֹ֥ל אֲשֶׁר־אַתָּ֖ה עֹשֶֽׂה׃

waֽyĕhiy֙ bá̇ʻé֣ţ hahi֔wʼ wayò֣̇ʼmer ʼàbiyme֗lekĕ ẇpiykòl֙ şâr־ẕĕbáʼò֔w ʼel־ʼabĕráhá֖m léʼmò֑r ʼèlòhi֣ym ʻimĕ̇ká֔ bĕ̇kò֥l ʼàşěr־ʼaţá֖̇h ʻòşêֽh׃

23
וְעַתָּ֗ה הִשָּׁ֨בְעָה לִּ֤י בֵֽאלֹהִים֙ הֵ֔נָּה אִם־תִּשְׁקֹ֣ר לִ֔י וּלְנִינִ֖י וּלְנֶכְדִּ֑י כַּחֶ֜סֶד אֲשֶׁר־עָשִׂ֤יתִי עִמְּךָ֙ תַּעֲשֶׂ֣ה עִמָּדִ֔י וְעִם־הָאָ֖רֶץ אֲשֶׁר־גַּ֥רְתָּה בָּֽהּ׃

wĕʻaţá̇֗h hişá̇̌֨bĕʻáh li֤̇y béֽʼlòhiym֙ hé֔ná̇h ʼim־ţi̇şĕ̌qò֣r li֔y ẇlĕniyni֖y ẇlĕnekĕdi֑̇y kȧẖe֜sed ʼàşěr־ʻáşî֤yţiy ʻimĕ̇ká֙ ţȧʻàşê֣h ʻimá̇di֔y wĕʻim־háʼá֖reẕ ʼàşěr־gȧ֥rĕţá̇h báֽ̇ḣ׃

24
וַיֹּ֨אמֶר֙ אַבְרָהָ֔ם אָנֹכִ֖י אִשָּׁבֵֽעַ׃

wayò̇֨ʼmer֙ ʼabĕráhá֔m ʼánòki֖y ʼişá̇̌béֽʻa׃

25
וְהֹוכִ֥חַ אַבְרָהָ֖ם אֶת־אֲבִימֶ֑לֶךְ עַל־אֹדֹות֙ בְּאֵ֣ר הַמַּ֔יִם אֲשֶׁ֥ר גָּזְל֖וּ עַבְדֵ֥י אֲבִימֶֽלֶךְ׃

wĕhòwki֥ẖa ʼabĕráhá֖m ʼeţ־ʼàbiyme֑lekĕ ʻal־ʼòdòwţ֙ bĕ̇ʼé֣r hamȧ֔yim ʼàşě֥r gá̇zĕl֖ẇ ʻabĕdé֥y ʼàbiymeֽlekĕ׃

26
וַיֹּ֣אמֶר אֲבִימֶ֔לֶךְ לֹ֣א יָדַ֔עְתִּי מִ֥י עָשָׂ֖ה אֶת־הַדָּבָ֣ר הַזֶּ֑ה וְגַם־אַתָּ֞ה לֹא־הִגַּ֣דְתָּ לִּ֗י וְגַ֧ם אָנֹכִ֛י לֹ֥א שָׁמַ֖עְתִּי בִּלְתִּ֥י הַיֹּֽום׃

wayò֣̇ʼmer ʼàbiyme֔lekĕ lò֣ʼ yáda֔ʻĕţi̇y mi֥y ʻáşá֖̂h ʼeţ־hadá̇bá֣r hazė֑h wĕgam־ʼaţá̇֞h lòʼ־higȧ֣dĕţá̇ li̇֗y wĕga֧m ʼánòki֛y lò֥ʼ şá̌ma֖ʻĕţi̇y bi̇lĕţi֥̇y hayòֽ̇wm׃

27
וַיִּקַּ֤ח אַבְרָהָם֙ צֹ֣אן וּבָקָ֔ר וַיִּתֵּ֖ן לַאֲבִימֶ֑לֶךְ וַיִּכְרְת֥וּ שְׁנֵיהֶ֖ם בְּרִֽית׃

wayi̇qȧ֤ẖ ʼabĕráhám֙ ẕò֣ʼn ẇbáqá֔r wayi̇ţé֖̇n laʼàbiyme֑lekĕ wayi̇kĕrĕţ֥ẇ şĕ̌néyhe֖m bĕ̇riֽyţ׃

28
וַיַּצֵּ֣ב אַבְרָהָ֗ם אֶת־שֶׁ֛בַע כִּבְשֹׂ֥ת הַצֹּ֖אן לְבַדְּהֶֽן׃

wayȧẕé֣̇b ʼabĕráhá֗m ʼeţ־şě֛baʻ ki̇bĕşò֥̂ţ haẕò֖̇ʼn lĕbadĕ̇heֽn׃

29
וַיֹּ֥אמֶר אֲבִימֶ֖לֶךְ אֶל־אַבְרָהָ֑ם מָ֣ה הֵ֗נָּה שֶׁ֤בַע כְּבָשֹׂת֙ הָאֵ֔לֶּה אֲשֶׁ֥ר הִצַּ֖בְתָּ לְבַדָּֽנָה׃

wayò֥̇ʼmer ʼàbiyme֖lekĕ ʼel־ʼabĕráhá֑m má֣h hé֗ná̇h şě֤baʻ kĕ̇báşò̂ţ֙ háʼé֔lėh ʼàşě֥r hiẕȧ֖bĕţá̇ lĕbadáֽ̇náh׃

30
וַיֹּ֕אמֶר כִּ֚י אֶת־שֶׁ֣בַע כְּבָשֹׂ֔ת תִּקַּ֖ח מִיָּדִ֑י בַּעֲבוּר֙ תִּֽהְיֶה־לִּ֣י לְעֵדָ֔ה כִּ֥י חָפַ֖רְתִּי אֶת־הַבְּאֵ֥ר הַזֹּֽאת׃

wayò̇֕ʼmer ki֚̇y ʼeţ־şě֣baʻ kĕ̇báşò̂֔ţ ţi̇qȧ֖ẖ miyá̇di֑y bȧʻàbẇr֙ ţiֽ̇hĕyeh־li֣̇y lĕʻédá֔h ki֥̇y ẖápa֖rĕţi̇y ʼeţ־habĕ̇ʼé֥r hazòֽ̇ʼţ׃

31
עַל־כֵּ֗ן קָרָ֛א לַמָּקֹ֥ום הַה֖וּא בְּאֵ֣ר שָׁ֑בַע כִּ֛י שָׁ֥ם נִשְׁבְּע֖וּ שְׁנֵיהֶֽם׃

ʻal־ké̇֗n qárá֛ʼ lamá̇qò֥wm hah֖ẇʼ bĕ̇ʼé֣r şá֑̌baʻ ki֛̇y şá֥̌m nişĕ̌bĕ̇ʻ֖ẇ şĕ̌néyheֽm׃

32
וַיִּכְרְת֥וּ בְרִ֖ית בִּבְאֵ֣ר שָׁ֑בַע אֲבִימֶ֗לֶךְ וַיָּ֣קָם וּפִיכֹל֙ שַׂר־צְבָאֹ֔ו וַיָּשֻׁ֖בוּ אֶל־אֶ֥רֶץ פְּלִשְׁתִּֽים׃

wayi̇kĕrĕţ֥ẇ bĕri֖yţ bi̇bĕʼé֣r şá֑̌baʻ ʼàbiyme֗lekĕ wayá֣̇qám ẇpiykòl֙ şâr־ẕĕbáʼò֔w wayá̇şǔ֖bẇ ʼel־ʼe֥reẕ pĕ̇lişĕ̌ţiֽ̇ym׃

33
וַיִּטַּ֥ע אֶ֖שֶׁל בִּבְאֵ֣ר שָׁ֑בַע וַיִּ֨קְרָא־שָׁ֔ם בְּשֵׁ֥ם יְהוָ֖ה אֵ֥ל עֹולָֽם׃

wayi̇tȧ֥ʻ ʼe֖şěl bi̇bĕʼé֣r şá֑̌baʻ wayi̇֨qĕráʼ־şá̌֔m bĕ̇şé֥̌m yĕhwá֖h ʼé֥l ʻòwláֽm׃

34
וַיָּ֧גָר אַבְרָהָ֛ם בְּאֶ֥רֶץ פְּלִשְׁתִּ֖ים יָמִ֥ים רַבִּֽים׃ פ

wayá֧̇gár ʼabĕráhá֛m bĕ̇ʼe֥reẕ pĕ̇lişĕ̌ţi֖̇ym yámi֥ym rabiֽ̇ym׃ p