Bibles in ancient languages
Old translations
Modern translations

Biblia Hebraica Stuttgartensia Genèse 22:19

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֗י אַחַר֙ הַדְּבָרִ֣ים הָאֵ֔לֶּה וְהָ֣אֱלֹהִ֔ים נִסָּ֖ה אֶת־אַבְרָהָ֑ם וַיֹּ֣אמֶר אֵלָ֔יו אַבְרָהָ֖ם וַיֹּ֥אמֶר הִנֵּֽנִי׃

wayĕhi֗y ʼaẖar֙ hadĕ̇bári֣ym háʼé֔lėh wĕhá֣ʼèlòhi֔ym nisá֖̇h ʼeţ־ʼabĕráhá֑m wayò֣̇ʼmer ʼélá֔yw ʼabĕráhá֖m wayò֥̇ʼmer hinéֽ̇niy׃

2
וַיֹּ֡אמֶר קַח־נָ֠א אֶת־בִּנְךָ֙ אֶת־יְחִֽידְךָ֤ אֲשֶׁר־אָהַ֨בְתָּ֙ אֶת־יִצְחָ֔ק וְלֶךְ־לְךָ֔ אֶל־אֶ֖רֶץ הַמֹּרִיָּ֑ה וְהַעֲלֵ֤הוּ שָׁם֙ לְעֹלָ֔ה עַ֚ל אַחַ֣ד הֶֽהָרִ֔ים אֲשֶׁ֖ר אֹמַ֥ר אֵלֶֽיךָ׃

wayò̇֡ʼmer qaẖ־ná֠ʼ ʼeţ־bi̇nĕká֙ ʼeţ־yĕẖiֽydĕká֤ ʼàşěr־ʼáha֨bĕţá̇֙ ʼeţ־yiẕĕẖá֔q wĕlekĕ־lĕká֔ ʼel־ʼe֖reẕ hamò̇riyá֑̇h wĕhaʻàlé֤hẇ şá̌m֙ lĕʻòlá֔h ʻa֚l ʼaẖa֣d heֽhári֔ym ʼàşě֖r ʼòma֥r ʼéleֽyká׃

3
וַיַּשְׁכֵּ֨ם אַבְרָהָ֜ם בַּבֹּ֗קֶר וַֽיַּחֲבֹשׁ֙ אֶת־חֲמֹרֹ֔ו וַיִּקַּ֞ח אֶת־שְׁנֵ֤י נְעָרָיו֙ אִתֹּ֔ו וְאֵ֖ת יִצְחָ֣ק בְּנֹ֑ו וַיְבַקַּע֙ עֲצֵ֣י עֹלָ֔ה וַיָּ֣קָם וַיֵּ֔לֶךְ אֶל־הַמָּקֹ֖ום אֲשֶׁר־אָֽמַר־לֹ֥ו הָאֱלֹהִֽים׃

wayȧşĕ̌ké̇֨m ʼabĕráhá֜m bȧbò̇֗qer waֽyȧẖàbòş̌֙ ʼeţ־ẖàmòrò֔w wayi̇qȧ֞ẖ ʼeţ־şĕ̌né֤y nĕʻáráyw֙ ʼiţò̇֔w wĕʼé֖ţ yiẕĕẖá֣q bĕ̇nò֑w wayĕbaqȧʻ֙ ʻàẕé֣y ʻòlá֔h wayá֣̇qám wayé̇֔lekĕ ʼel־hamá̇qò֖wm ʼàşěr־ʼáֽmar־lò֥w háʼèlòhiֽym׃

4
בַּיֹּ֣ום הַשְּׁלִישִׁ֗י וַיִּשָּׂ֨א אַבְרָהָ֧ם אֶת־עֵינָ֛יו וַיַּ֥רְא אֶת־הַמָּקֹ֖ום מֵרָחֹֽק׃

bȧyò֣̇wm haşĕ̇̌liyşǐ֗y wayi̇şá̇̂֨ʼ ʼabĕráhá֧m ʼeţ־ʻéyná֛yw wayȧ֥rĕʼ ʼeţ־hamá̇qò֖wm méráẖòֽq׃

5
וַיֹּ֨אמֶר אַבְרָהָ֜ם אֶל־נְעָרָ֗יו שְׁבוּ־לָכֶ֥ם פֹּה֙ עִֽם־הַחֲמֹ֔ור וַאֲנִ֣י וְהַנַּ֔עַר נֵלְכָ֖ה עַד־כֹּ֑ה וְנִֽשְׁתַּחֲוֶ֖ה וְנָשׁ֥וּבָה אֲלֵיכֶֽם׃

wayò̇֨ʼmer ʼabĕráhá֜m ʼel־nĕʻárá֗yw şĕ̌bẇ־láke֥m pò̇h֙ ʻiֽm־haẖàmò֔wr waʼàni֣y wĕhanȧ֔ʻar nélĕká֖h ʻad־kò֑̇h wĕniֽşĕ̌ţȧẖàwe֖h wĕnáş֥̌ẇbáh ʼàléykeֽm׃

6
וַיִּקַּ֨ח אַבְרָהָ֜ם אֶת־עֲצֵ֣י הָעֹלָ֗ה וַיָּ֨שֶׂם֙ עַל־יִצְחָ֣ק בְּנֹ֔ו וַיִּקַּ֣ח בְּיָדֹ֔ו אֶת־הָאֵ֖שׁ וְאֶת־הַֽמַּאֲכֶ֑לֶת וַיֵּלְכ֥וּ שְׁנֵיהֶ֖ם יַחְדָּֽו׃

wayi̇qȧ֨ẖ ʼabĕráhá֜m ʼeţ־ʻàẕé֣y háʻòlá֗h wayá̇֨şêm֙ ʻal־yiẕĕẖá֣q bĕ̇nò֔w wayi̇qȧ֣ẖ bĕ̇yádò֔w ʼeţ־háʼé֖ş̌ wĕʼeţ־haֽmȧʼàke֑leţ wayé̇lĕk֥ẇ şĕ̌néyhe֖m yaẖĕdáֽ̇w׃

7
וַיֹּ֨אמֶר יִצְחָ֜ק אֶל־אַבְרָהָ֤ם אָבִיו֙ וַיֹּ֣אמֶר אָבִ֔י וַיֹּ֖אמֶר הִנֶּ֣נִּֽי בְנִ֑י וַיֹּ֗אמֶר הִנֵּ֤ה הָאֵשׁ֙ וְהָ֣עֵצִ֔ים וְאַיֵּ֥ה הַשֶּׂ֖ה לְעֹלָֽה׃

wayò̇֨ʼmer yiẕĕẖá֜q ʼel־ʼabĕráhá֤m ʼábiyw֙ wayò֣̇ʼmer ʼábi֔y wayò֖̇ʼmer hinė֣niֽ̇y bĕni֑y wayò̇֗ʼmer hiné֤̇h háʼéş̌֙ wĕhá֣ʻéẕi֔ym wĕʼayé֥̇h haşė֖̂h lĕʻòláֽh׃

8
וַיֹּ֨אמֶר֙ אַבְרָהָ֔ם אֱלֹהִ֞ים יִרְאֶה־לֹּ֥ו הַשֶּׂ֛ה לְעֹלָ֖ה בְּנִ֑י וַיֵּלְכ֥וּ שְׁנֵיהֶ֖ם יַחְדָּֽו׃

wayò̇֨ʼmer֙ ʼabĕráhá֔m ʼèlòhi֞ym yirĕʼeh־lò֥̇w haşė֛̂h lĕʻòlá֖h bĕ̇ni֑y wayé̇lĕk֥ẇ şĕ̌néyhe֖m yaẖĕdáֽ̇w׃

9
וַיָּבֹ֗אוּ אֶֽל־הַמָּקֹום֮ אֲשֶׁ֣ר אָֽמַר־לֹ֣ו הָאֱלֹהִים֒ וַיִּ֨בֶן שָׁ֤ם אַבְרָהָם֙ אֶת־הַמִּזְבֵּ֔חַ וַֽיַּעֲרֹ֖ךְ אֶת־הָעֵצִ֑ים וַֽיַּעֲקֹד֙ אֶת־יִצְחָ֣ק בְּנֹ֔ו וַיָּ֤שֶׂם אֹתֹו֙ עַל־הַמִּזְבֵּ֔חַ מִמַּ֖עַל לָעֵצִֽים׃

wayá̇bò֗ʼẇ ʼeֽl־hamá̇qòwm֮ ʼàşě֣r ʼáֽmar־lò֣w háʼèlòhiym֒ wayi̇֨ben şá֤̌m ʼabĕráhám֙ ʼeţ־hami̇zĕbé̇֔ẖa waֽyȧʻàrò֖kĕ ʼeţ־háʻéẕi֑ym waֽyȧʻàqòd֙ ʼeţ־yiẕĕẖá֣q bĕ̇nò֔w wayá֤̇şêm ʼòţòw֙ ʻal־hami̇zĕbé̇֔ẖa mimȧ֖ʻal láʻéẕiֽym׃

10
וַיִּשְׁלַ֤ח אַבְרָהָם֙ אֶת־יָדֹ֔ו וַיִּקַּ֖ח אֶת־הַֽמַּאֲכֶ֑לֶת לִשְׁחֹ֖ט אֶת־בְּנֹֽו׃

wayi̇şĕ̌la֤ẖ ʼabĕráhám֙ ʼeţ־yádò֔w wayi̇qȧ֖ẖ ʼeţ־haֽmȧʼàke֑leţ lişĕ̌ẖò֖t ʼeţ־bĕ̇nòֽw׃

11
וַיִּקְרָ֨א אֵלָ֜יו מַלְאַ֤ךְ יְהוָה֙ מִן־הַשָּׁמַ֔יִם וַיֹּ֖אמֶר אַבְרָהָ֣ם׀ אַבְרָהָ֑ם וַיֹּ֖אמֶר הִנֵּֽנִי׃

wayi̇qĕrá֨ʼ ʼélá֜yw malĕʼa֤kĕ yĕhwáh֙ min־haşá̇̌ma֔yim wayò֖̇ʼmer ʼabĕráhá֣m׀ ʼabĕráhá֑m wayò֖̇ʼmer hinéֽ̇niy׃

12
וַיֹּ֗אמֶר אַל־תִּשְׁלַ֤ח יָֽדְךָ֙ אֶל־הַנַּ֔עַר וְאַל־תַּ֥עַשׂ לֹ֖ו מְא֑וּמָּה כִּ֣י׀ עַתָּ֣ה יָדַ֗עְתִּי כִּֽי־יְרֵ֤א אֱלֹהִים֙ אַ֔תָּה וְלֹ֥א חָשַׂ֛כְתָּ אֶת־בִּנְךָ֥ אֶת־יְחִידְךָ֖ מִמֶּֽנִּי׃

wayò̇֗ʼmer ʼal־ţi̇şĕ̌la֤ẖ yáֽdĕká֙ ʼel־hanȧ֔ʻar wĕʼal־ţȧ֥ʻaş̂ lò֖w mĕʼ֑ẇmá̇h ki֣̇y׀ ʻaţá֣̇h yáda֗ʻĕţi̇y kiֽ̇y־yĕré֤ʼ ʼèlòhiym֙ ʼa֔ţá̇h wĕlò֥ʼ ẖáşâ֛kĕţá̇ ʼeţ־bi̇nĕká֥ ʼeţ־yĕẖiydĕká֖ mimėֽni̇y׃

13
וַיִּשָּׂ֨א אַבְרָהָ֜ם אֶת־עֵינָ֗יו וַיַּרְא֙ וְהִנֵּה־אַ֔יִל אַחַ֕ר נֶאֱחַ֥ז בַּסְּבַ֖ךְ בְּקַרְנָ֑יו וַיֵּ֤לֶךְ אַבְרָהָם֙ וַיִּקַּ֣ח אֶת־הָאַ֔יִל וַיַּעֲלֵ֥הוּ לְעֹלָ֖ה תַּ֥חַת בְּנֹֽו׃

wayi̇şá̇̂֨ʼ ʼabĕráhá֜m ʼeţ־ʻéyná֗yw wayȧrĕʼ֙ wĕhiné̇h־ʼa֔yil ʼaẖa֕r neʼèẖa֥z bȧsĕ̇ba֖kĕ bĕ̇qarĕná֑yw wayé֤̇lekĕ ʼabĕráhám֙ wayi̇qȧ֣ẖ ʼeţ־háʼa֔yil wayȧʻàlé֥hẇ lĕʻòlá֖h ţȧ֥ẖaţ bĕ̇nòֽw׃

14
וַיִּקְרָ֧א אַבְרָהָ֛ם שֵֽׁם־הַמָּקֹ֥ום הַה֖וּא יְהוָ֣ה׀ יִרְאֶ֑ה אֲשֶׁר֙ יֵאָמֵ֣ר הַיֹּ֔ום בְּהַ֥ר יְהוָ֖ה יֵרָאֶֽה׃

wayi̇qĕrá֧ʼ ʼabĕráhá֛m şéֽ̌m־hamá̇qò֥wm hah֖ẇʼ yĕhwá֣h׀ yirĕʼe֑h ʼàşěr֙ yéʼámé֣r hayò̇֔wm bĕ̇ha֥r yĕhwá֖h yéráʼeֽh׃

15
וַיִּקְרָ֛א מַלְאַ֥ךְ יְהוָ֖ה אֶל־אַבְרָהָ֑ם שֵׁנִ֖ית מִן־הַשָּׁמָֽיִם׃

wayi̇qĕrá֛ʼ malĕʼa֥kĕ yĕhwá֖h ʼel־ʼabĕráhá֑m şé̌ni֖yţ min־haşá̇̌máֽyim׃

16
וַיֹּ֕אמֶר בִּ֥י נִשְׁבַּ֖עְתִּי נְאֻם־יְהוָ֑ה כִּ֗י יַ֚עַן אֲשֶׁ֤ר עָשִׂ֨יתָ֙ אֶת־הַדָּבָ֣ר הַזֶּ֔ה וְלֹ֥א חָשַׂ֖כְתָּ אֶת־בִּנְךָ֥ אֶת־יְחִידֶֽךָ׃

wayò̇֕ʼmer bi֥̇y nişĕ̌bȧ֖ʻĕţi̇y nĕʼum־yĕhwá֑h ki̇֗y ya֚ʻan ʼàşě֤r ʻáşî֨yţá֙ ʼeţ־hadá̇bá֣r hazė֔h wĕlò֥ʼ ẖáşâ֖kĕţá̇ ʼeţ־bi̇nĕká֥ ʼeţ־yĕẖiydeֽká׃

17
כִּֽי־בָרֵ֣ךְ אֲבָרֶכְךָ֗ וְהַרְבָּ֨ה אַרְבֶּ֤ה אֶֽת־זַרְעֲךָ֙ כְּכֹוכְבֵ֣י הַשָּׁמַ֔יִם וְכַחֹ֕ול אֲשֶׁ֖ר עַל־שְׂפַ֣ת הַיָּ֑ם וְיִרַ֣שׁ זַרְעֲךָ֔ אֵ֖ת שַׁ֥עַר אֹיְבָֽיו׃

kiֽ̇y־báré֣kĕ ʼàbárekĕká֗ wĕharĕbá̇֨h ʼarĕbė֤h ʼeֽţ־zarĕʻàká֙ kĕ̇kòwkĕbé֣y haşá̇̌ma֔yim wĕkaẖò֕wl ʼàşě֖r ʻal־şĕ̂pa֣ţ hayá֑̇m wĕyira֣ş̌ zarĕʻàká֔ ʼé֖ţ şǎ֥ʻar ʼòyĕbáֽyw׃

18
וְהִתְבָּרֲכ֣וּ בְזַרְעֲךָ֔ כֹּ֖ל גֹּויֵ֣י הָאָ֑רֶץ עֵ֕קֶב אֲשֶׁ֥ר שָׁמַ֖עְתָּ בְּקֹלִֽי׃

wĕhiţĕbá̇ràk֣ẇ bĕzarĕʻàká֔ kò֖̇l gò̇wyé֣y háʼá֑reẕ ʻé֕qeb ʼàşě֥r şá̌ma֖ʻĕţá̇ bĕ̇qòliֽy׃

19
וַיָּ֤שָׁב אַבְרָהָם֙ אֶל־נְעָרָ֔יו וַיָּקֻ֛מוּ וַיֵּלְכ֥וּ יַחְדָּ֖ו אֶל־בְּאֵ֣ר שָׁ֑בַע וַיֵּ֥שֶׁב אַבְרָהָ֖ם בִּבְאֵ֥ר שָֽׁבַע׃ פ

wayá֤̇şá̌b ʼabĕráhám֙ ʼel־nĕʻárá֔yw wayá̇qu֛mẇ wayé̇lĕk֥ẇ yaẖĕdá֖̇w ʼel־bĕ̇ʼé֣r şá֑̌baʻ wayé֥̇şěb ʼabĕráhá֖m bi̇bĕʼé֥r şáֽ̌baʻ׃ p

20
וַיְהִ֗י אַחֲרֵי֙ הַדְּבָרִ֣ים הָאֵ֔לֶּה וַיֻּגַּ֥ד לְאַבְרָהָ֖ם לֵאמֹ֑ר הִ֠נֵּה יָלְדָ֨ה מִלְכָּ֥ה גַם־הִ֛וא בָּנִ֖ים לְנָחֹ֥ור אָחִֽיךָ׃

wayĕhi֗y ʼaẖàréy֙ hadĕ̇bári֣ym háʼé֔lėh wayu̇gȧ֥d lĕʼabĕráhá֖m léʼmò֑r hi֠né̇h yálĕdá֨h milĕká֥̇h gam־hi֛wʼ bá̇ni֖ym lĕnáẖò֥wr ʼáẖiֽyká׃

21
אֶת־ע֥וּץ בְּכֹרֹ֖ו וְאֶת־בּ֣וּז אָחִ֑יו וְאֶת־קְמוּאֵ֖ל אֲבִ֥י אֲרָֽם׃

ʼeţ־ʻ֥ẇẕ bĕ̇kòrò֖w wĕʼeţ־ḃ֣ẇz ʼáẖi֑yw wĕʼeţ־qĕmẇʼé֖l ʼàbi֥y ʼàráֽm׃

22
וְאֶת־כֶּ֣שֶׂד וְאֶת־חֲזֹ֔ו וְאֶת־פִּלְדָּ֖שׁ וְאֶת־יִדְלָ֑ף וְאֵ֖ת בְּתוּאֵֽל׃

wĕʼeţ־kė֣şêd wĕʼeţ־ẖàzò֔w wĕʼeţ־pi̇lĕdá֖̇ş̌ wĕʼeţ־yidĕlá֑p wĕʼé֖ţ bĕ̇ţẇʼéֽl׃

23
וּבְתוּאֵ֖ל יָלַ֣ד אֶת־רִבְקָ֑ה שְׁמֹנָ֥ה אֵ֨לֶּה֙ יָלְדָ֣ה מִלְכָּ֔ה לְנָחֹ֖ור אֲחִ֥י אַבְרָהָֽם׃

ẇbĕţẇʼé֖l yála֣d ʼeţ־ribĕqá֑h şĕ̌mòná֥h ʼé֨lėh֙ yálĕdá֣h milĕká̇֔h lĕnáẖò֖wr ʼàẖi֥y ʼabĕráháֽm׃

24
וּפִֽילַגְשֹׁ֖ו וּשְׁמָ֣הּ רְאוּמָ֑ה וַתֵּ֤לֶד גַּם־הִוא֙ אֶת־טֶ֣בַח וְאֶת־גַּ֔חַם וְאֶת־תַּ֖חַשׁ וְאֶֽת־מַעֲכָֽה׃ ס

ẇpiֽylagĕşò֖̌w ẇşĕ̌má֣ḣ rĕʼẇmá֑h waţé֤̇led gȧm־hiwʼ֙ ʼeţ־te֣baẖ wĕʼeţ־gȧ֔ẖam wĕʼeţ־ţȧ֖ẖaş̌ wĕʼeֽţ־maʻàkáֽh׃ s