Bibles in ancient languages
Old translations
Modern translations

Biblia Hebraica Stuttgartensia Genèse 35:4

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּ֤אמֶר אֱלֹהִים֙ אֶֽל־יַעֲקֹ֔ב ק֛וּם עֲלֵ֥ה בֵֽית־אֵ֖ל וְשֶׁב־שָׁ֑ם וַעֲשֵׂה־שָׁ֣ם מִזְבֵּ֔חַ לָאֵל֙ הַנִּרְאֶ֣ה אֵלֶ֔יךָ בְּבָרְחֲךָ֔ מִפְּנֵ֖י עֵשָׂ֥ו אָחִֽיךָ׃

wayò֤̇ʼmer ʼèlòhiym֙ ʼeֽl־yaʻàqò֔b q֛ẇm ʻàlé֥h béֽyţ־ʼé֖l wĕşěb־şá֑̌m waʻàşé̂h־şá֣̌m mizĕbé̇֔ẖa láʼél֙ hani̇rĕʼe֣h ʼéle֔yká bĕ̇bárĕẖàká֔ mipĕ̇né֖y ʻéşá֥̂w ʼáẖiֽyká׃

2
וַיֹּ֤אמֶר יַעֲקֹב֙ אֶל־בֵּיתֹ֔ו וְאֶ֖ל כָּל־אֲשֶׁ֣ר עִמֹּ֑ו הָסִ֜רוּ אֶת־אֱלֹהֵ֤י הַנֵּכָר֙ אֲשֶׁ֣ר בְּתֹכְכֶ֔ם וְהִֽטַּהֲר֔וּ וְהַחֲלִ֖יפוּ שִׂמְלֹתֵיכֶֽם׃

wayò֤̇ʼmer yaʻàqòb֙ ʼel־bé̇yţò֔w wĕʼe֖l ká̇l־ʼàşě֣r ʻimò֑̇w hási֜rẇ ʼeţ־ʼèlòhé֤y hané̇kár֙ ʼàşě֣r bĕ̇ţòkĕke֔m wĕhiֽtȧhàr֔ẇ wĕhaẖàli֖ypẇ şîmĕlòţéykeֽm׃

3
וְנָק֥וּמָה וְנַעֲלֶ֖ה בֵּֽית־אֵ֑ל וְאֶֽעֱשֶׂה־שָּׁ֣ם מִזְבֵּ֗חַ לָאֵ֞ל הָעֹנֶ֤ה אֹתִי֙ בְּיֹ֣ום צָֽרָתִ֔י וַיְהִי֙ עִמָּדִ֔י בַּדֶּ֖רֶךְ אֲשֶׁ֥ר הָלָֽכְתִּי׃

wĕnáq֥ẇmáh wĕnaʻàle֖h béֽ̇yţ־ʼé֑l wĕʼeֽʻèşêh־şá֣̇̌m mizĕbé̇֗ẖa láʼé֞l háʻòne֤h ʼòţiy֙ bĕ̇yò֣wm ẕáֽráţi֔y wayĕhiy֙ ʻimá̇di֔y bȧdė֖rekĕ ʼàşě֥r háláֽkĕţi̇y׃

4
וַיִּתְּנ֣וּ אֶֽל־יַעֲקֹ֗ב אֵ֣ת כָּל־אֱלֹהֵ֤י הַנֵּכָר֙ אֲשֶׁ֣ר בְּיָדָ֔ם וְאֶת־הַנְּזָמִ֖ים אֲשֶׁ֣ר בְּאָזְנֵיהֶ֑ם וַיִּטְמֹ֤ן אֹתָם֙ יַעֲקֹ֔ב תַּ֥חַת הָאֵלָ֖ה אֲשֶׁ֥ר עִם־שְׁכֶֽם׃

wayi̇ţĕ̇n֣ẇ ʼeֽl־yaʻàqò֗b ʼé֣ţ ká̇l־ʼèlòhé֤y hané̇kár֙ ʼàşě֣r bĕ̇yádá֔m wĕʼeţ־hanĕ̇zámi֖ym ʼàşě֣r bĕ̇ʼázĕnéyhe֑m wayi̇tĕmò֤n ʼòţám֙ yaʻàqò֔b ţȧ֥ẖaţ háʼélá֖h ʼàşě֥r ʻim־şĕ̌keֽm׃

5
וַיִּסָּ֑עוּ וַיְהִ֣י׀ חִתַּ֣ת אֱלֹהִ֗ים עַל־הֶֽעָרִים֙ אֲשֶׁר֙ סְבִיבֹ֣תֵיהֶ֔ם וְלֹ֣א רָֽדְפ֔וּ אַחֲרֵ֖י בְּנֵ֥י יַעֲקֹֽב׃

wayi̇sá֑̇ʻẇ wayĕhi֣y׀ ẖiţȧ֣ţ ʼèlòhi֗ym ʻal־heֽʻáriym֙ ʼàşěr֙ sĕbiybò֣ţéyhe֔m wĕlò֣ʼ ráֽdĕp֔ẇ ʼaẖàré֖y bĕ̇né֥y yaʻàqòֽb׃

6
וַיָּבֹ֨א יַעֲקֹ֜ב ל֗וּזָה אֲשֶׁר֙ בְּאֶ֣רֶץ כְּנַ֔עַן הִ֖וא בֵּֽית־אֵ֑ל ה֖וּא וְכָל־הָעָ֥ם אֲשֶׁר־עִמֹּֽו׃

wayá̇bò֨ʼ yaʻàqò֜b l֗ẇzáh ʼàşěr֙ bĕ̇ʼe֣reẕ kĕ̇na֔ʻan hi֖wʼ béֽ̇yţ־ʼé֑l h֖ẇʼ wĕkál־háʻá֥m ʼàşěr־ʻimòֽ̇w׃

7
וַיִּ֤בֶן שָׁם֙ מִזְבֵּ֔חַ וַיִּקְרָא֙ לַמָּקֹ֔ום אֵ֖ל בֵּֽית־אֵ֑ל כִּ֣י שָׁ֗ם נִגְל֤וּ אֵלָיו֙ הָֽאֱלֹהִ֔ים בְּבָרְחֹ֖ו מִפְּנֵ֥י אָחִֽיו׃

wayi֤̇ben şá̌m֙ mizĕbé̇֔ẖa wayi̇qĕráʼ֙ lamá̇qò֔wm ʼé֖l béֽ̇yţ־ʼé֑l ki֣̇y şá̌֗m nigĕl֤ẇ ʼéláyw֙ háֽʼèlòhi֔ym bĕ̇bárĕẖò֖w mipĕ̇né֥y ʼáẖiֽyw׃

8
וַתָּ֤מָת דְּבֹרָה֙ מֵינֶ֣קֶת רִבְקָ֔ה וַתִּקָּבֵ֛ר מִתַּ֥חַת לְבֵֽית־אֵ֖ל תַּ֣חַת הָֽאַלֹּ֑ון וַיִּקְרָ֥א שְׁמֹ֖ו אַלֹּ֥ון בָּכֽוּת׃ פ

waţá֤̇máţ dĕ̇bòráh֙ méyne֣qeţ ribĕqá֔h waţi̇qá̇bé֛r miţȧ֥ẖaţ lĕbéֽyţ־ʼé֖l ţȧ֣ẖaţ háֽʼalò֑̇wn wayi̇qĕrá֥ʼ şĕ̌mò֖w ʼalò֥̇wn bá̇kֽẇţ׃ p

9
וַיֵּרָ֨א אֱלֹהִ֤ים אֶֽל־יַעֲקֹב֙ עֹ֔וד בְּבֹאֹ֖ו מִפַּדַּ֣ן אֲרָ֑ם וַיְבָ֖רֶךְ אֹתֹֽו׃

wayé̇rá֨ʼ ʼèlòhi֤ym ʼeֽl־yaʻàqòb֙ ʻò֔wd bĕ̇bòʼò֖w mipȧdȧ֣n ʼàrá֑m wayĕbá֖rekĕ ʼòţòֽw׃

10
וַיֹּֽאמֶר־לֹ֥ו אֱלֹהִ֖ים שִׁמְךָ֣ יַעֲקֹ֑ב לֹֽא־יִקָּרֵא֩ שִׁמְךָ֨ עֹ֜וד יַעֲקֹ֗ב כִּ֤י אִם־יִשְׂרָאֵל֙ יִהְיֶ֣ה שְׁמֶ֔ךָ וַיִּקְרָ֥א אֶת־שְׁמֹ֖ו יִשְׂרָאֵֽל׃

wayòֽ̇ʼmer־lò֥w ʼèlòhi֖ym şǐmĕká֣ yaʻàqò֑b lòֽʼ־yiqá̇réʼ֩ şǐmĕká֨ ʻò֜wd yaʻàqò֗b ki֤̇y ʼim־yişĕ̂ráʼél֙ yihĕye֣h şĕ̌me֔ká wayi̇qĕrá֥ʼ ʼeţ־şĕ̌mò֖w yişĕ̂ráʼéֽl׃

11
וַיֹּאמֶר֩ לֹ֨ו אֱלֹהִ֜ים אֲנִ֨י אֵ֤ל שַׁדַּי֙ פְּרֵ֣ה וּרְבֵ֔ה גֹּ֛וי וּקְהַ֥ל גֹּויִ֖ם יִהְיֶ֣ה מִמֶּ֑ךָּ וּמְלָכִ֖ים מֵחֲלָצֶ֥יךָ יֵצֵֽאוּ׃

wayò̇ʼmer֩ lò֨w ʼèlòhi֜ym ʼàni֨y ʼé֤l şǎdȧy֙ pĕ̇ré֣h ẇrĕbé֔h gò֛̇wy ẇqĕha֥l gò̇wyi֖m yihĕye֣h mimė֑ká̇ ẇmĕláki֖ym méẖàláẕe֥yká yéẕéֽʼẇ׃

12
וְאֶת־הָאָ֗רֶץ אֲשֶׁ֥ר נָתַ֛תִּי לְאַבְרָהָ֥ם וּלְיִצְחָ֖ק לְךָ֣ אֶתְּנֶ֑נָּה וּֽלְזַרְעֲךָ֥ אַחֲרֶ֖יךָ אֶתֵּ֥ן אֶת־הָאָֽרֶץ׃

wĕʼeţ־háʼá֗reẕ ʼàşě֥r náţa֛ţi̇y lĕʼabĕráhá֥m ẇlĕyiẕĕẖá֖q lĕká֣ ʼeţĕ̇ne֑ná̇h ẇֽlĕzarĕʻàká֥ ʼaẖàre֖yká ʼeţé֥̇n ʼeţ־háʼáֽreẕ׃

13
וַיַּ֥עַל מֵעָלָ֖יו אֱלֹהִ֑ים בַּמָּקֹ֖ום אֲשֶׁר־דִּבֶּ֥ר אִתֹּֽו׃

wayȧ֥ʻal méʻálá֖yw ʼèlòhi֑ym bȧmá̇qò֖wm ʼàşěr־di̇bė֥r ʼiţòֽ̇w׃

14
וַיַּצֵּ֨ב יַעֲקֹ֜ב מַצֵּבָ֗ה בַּמָּקֹ֛ום אֲשֶׁר־דִּבֶּ֥ר אִתֹּ֖ו מַצֶּ֣בֶת אָ֑בֶן וַיַּסֵּ֤ךְ עָלֶ֨יהָ֙ נֶ֔סֶךְ וַיִּצֹ֥ק עָלֶ֖יהָ שָֽׁמֶן׃

wayȧẕé̇֨b yaʻàqò֜b maẕé̇bá֗h bȧmá̇qò֛wm ʼàşěr־di̇bė֥r ʼiţò֖̇w maẕė֣beţ ʼá֑ben wayȧsé֤̇kĕ ʻále֨yhá֙ ne֔sekĕ wayi̇ẕò֥q ʻále֖yhá şáֽ̌men׃

15
וַיִּקְרָ֨א יַעֲקֹ֜ב אֶת־שֵׁ֣ם הַמָּקֹ֗ום אֲשֶׁר֩ דִּבֶּ֨ר אִתֹּ֥ו שָׁ֛ם אֱלֹהִ֖ים בֵּֽית־אֵֽל׃

wayi̇qĕrá֨ʼ yaʻàqò֜b ʼeţ־şé֣̌m hamá̇qò֗wm ʼàşěr֩ di̇bė֨r ʼiţò֥̇w şá֛̌m ʼèlòhi֖ym béֽ̇yţ־ʼéֽl׃

16
וַיִּסְעוּ֙ מִבֵּ֣ית אֵ֔ל וַֽיְהִי־עֹ֥וד כִּבְרַת־הָאָ֖רֶץ לָבֹ֣וא אֶפְרָ֑תָה וַתֵּ֥לֶד רָחֵ֖ל וַתְּקַ֥שׁ בְּלִדְתָּֽהּ׃

wayi̇sĕʻẇ֙ mibé֣̇yţ ʼé֔l waֽyĕhiy־ʻò֥wd ki̇bĕraţ־háʼá֖reẕ lábò֣wʼ ʼepĕrá֑ţáh waţé֥̇led ráẖé֖l waţĕ̇qa֥ş̌ bĕ̇lidĕţáֽ̇ḣ׃

17
וַיְהִ֥י בְהַקְשֹׁתָ֖הּ בְּלִדְתָּ֑הּ וַתֹּ֨אמֶר לָ֤הּ הַמְיַלֶּ֨דֶת֙ אַל־תִּ֣ירְאִ֔י כִּֽי־גַם־זֶ֥ה לָ֖ךְ בֵּֽן׃

wayĕhi֥y bĕhaqĕşò̌ţá֖ḣ bĕ̇lidĕţá֑̇ḣ waţò̇֨ʼmer lá֤ḣ hamĕyalė֨deţ֙ ʼal־ţi֣̇yrĕʼi֔y kiֽ̇y־gam־ze֥h lá֖kĕ béֽ̇n׃

18
וַיְהִ֞י בְּצֵ֤את נַפְשָׁהּ֙ כִּ֣י מֵ֔תָה וַתִּקְרָ֥א שְׁמֹ֖ו בֶּן־אֹונִ֑י וְאָבִ֖יו קָֽרָא־לֹ֥ו בִנְיָמִֽין׃

wayĕhi֞y bĕ̇ẕé֤ʼţ napĕşá̌ḣ֙ ki֣̇y mé֔ţáh waţi̇qĕrá֥ʼ şĕ̌mò֖w bėn־ʼòwni֑y wĕʼábi֖yw qáֽráʼ־lò֥w binĕyámiֽyn׃

19
וַתָּ֖מָת רָחֵ֑ל וַתִּקָּבֵר֙ בְּדֶ֣רֶךְ אֶפְרָ֔תָה הִ֖וא בֵּ֥ית לָֽחֶם׃

waţá֖̇máţ ráẖé֑l waţi̇qá̇bér֙ bĕ̇de֣rekĕ ʼepĕrá֔ţáh hi֖wʼ bé֥̇yţ láֽẖem׃

20
וַיַּצֵּ֧ב יַעֲקֹ֛ב מַצֵּבָ֖ה עַל־קְבֻרָתָ֑הּ הִ֛וא מַצֶּ֥בֶת קְבֻרַֽת־רָחֵ֖ל עַד־הַיֹּֽום׃

wayȧẕé֧̇b yaʻàqò֛b maẕé̇bá֖h ʻal־qĕburáţá֑ḣ hi֛wʼ maẕė֥beţ qĕburaֽţ־ráẖé֖l ʻad־hayòֽ̇wm׃

21
וַיִּסַּע, יִשְׂרָאֵל וַיֵּט אָהֳלֹה, מֵהָלְאָה לְמִגְדַּל-עֵדֶר.

wayi̇sȧʻ, yişĕ̂ráʼél wayé̇t ʼáholòh, méhálĕʼáh lĕmigĕdȧl-ʻéder.

22
וַיְהִ֗י בִּשְׁכֹּ֤ן יִשְׂרָאֵל֙ בָּאָ֣רֶץ הַהִ֔וא וַיֵּ֣לֶךְ רְאוּבֵ֔ן וַיִּשְׁכַּ֕ב֙ אֶת־בִּלְהָ֖ה֙ פִּילֶ֣גֶשׁ אָבִ֑֔יו וַיִּשְׁמַ֖ע יִשְׂרָאֵֽ֑ל פ וַיִּֽהְי֥וּ בְנֵֽי־יַעֲקֹ֖ב שְׁנֵ֥ים עָשָֽׂר׃

wayĕhi֗y bi̇şĕ̌kò֤̇n yişĕ̂ráʼél֙ bá̇ʼá֣reẕ hahi֔wʼ wayé֣̇lekĕ rĕʼẇbé֔n wayi̇şĕ̌kȧ֕b֙ ʼeţ־bi̇lĕhá֖h֙ pi̇yle֣geş̌ ʼábi֑֔yw wayi̇şĕ̌ma֖ʻ yişĕ̂ráʼéֽ֑l p wayiֽ̇hĕy֥ẇ bĕnéֽy־yaʻàqò֖b şĕ̌né֥ym ʻáşáֽ̂r׃

23
בְּנֵ֣י לֵאָ֔ה בְּכֹ֥ור יַעֲקֹ֖ב רְאוּבֵ֑ן וְשִׁמְעֹון֙ וְלֵוִ֣י וִֽיהוּדָ֔ה וְיִשָּׂשכָ֖ר וּזְבוּלֻֽן׃

bĕ̇né֣y léʼá֔h bĕ̇kò֥wr yaʻàqò֖b rĕʼẇbé֑n wĕşǐmĕʻòwn֙ wĕléwi֣y wiֽyhẇdá֔h wĕyişá̇̂şká֖r ẇzĕbẇluֽn׃

24
בְּנֵ֣י רָחֵ֔ל יֹוסֵ֖ף וּבִנְיָמִֽן׃

bĕ̇né֣y ráẖé֔l yòwsé֖p ẇbinĕyámiֽn׃

25
וּבְנֵ֤י בִלְהָה֙ שִׁפְחַ֣ת רָחֵ֔ל דָּ֖ן וְנַפְתָּלִֽי׃

ẇbĕné֤y bilĕháh֙ şǐpĕẖa֣ţ ráẖé֔l dá֖̇n wĕnapĕţá̇liֽy׃

26
וּבְנֵ֥י זִלְפָּ֛ה שִׁפְחַ֥ת לֵאָ֖ה גָּ֣ד וְאָשֵׁ֑ר אֵ֚לֶּה בְּנֵ֣י יַעֲקֹ֔ב אֲשֶׁ֥ר יֻלַּד־לֹ֖ו בְּפַדַּ֥ן אֲרָֽם׃

ẇbĕné֥y zilĕpá֛̇h şǐpĕẖa֥ţ léʼá֖h gá֣̇d wĕʼáşé֑̌r ʼé֚lėh bĕ̇né֣y yaʻàqò֔b ʼàşě֥r yulȧd־lò֖w bĕ̇padȧ֥n ʼàráֽm׃

27
וַיָּבֹ֤א יַעֲקֹב֙ אֶל־יִצְחָ֣ק אָבִ֔יו מַמְרֵ֖א קִרְיַ֣ת הָֽאַרְבַּ֑ע הִ֣וא חֶבְרֹ֔ון אֲשֶׁר־גָּֽר־שָׁ֥ם אַבְרָהָ֖ם וְיִצְחָֽק׃

wayá̇bò֤ʼ yaʻàqòb֙ ʼel־yiẕĕẖá֣q ʼábi֔yw mamĕré֖ʼ qirĕya֣ţ háֽʼarĕbȧ֑ʻ hi֣wʼ ẖebĕrò֔wn ʼàşěr־gáֽ̇r־şá֥̌m ʼabĕráhá֖m wĕyiẕĕẖáֽq׃

28
וַיִּֽהְי֖וּ יְמֵ֣י יִצְחָ֑ק מְאַ֥ת שָׁנָ֖ה וּשְׁמֹנִ֥ים שָׁנָֽה׃

wayiֽ̇hĕy֖ẇ yĕmé֣y yiẕĕẖá֑q mĕʼa֥ţ şá̌ná֖h ẇşĕ̌mòni֥ym şá̌náֽh׃

29
וַיִּגְוַ֨ע יִצְחָ֤ק וַיָּ֨מָת֙ וַיֵּאָ֣סֶף אֶל־עַמָּ֔יו זָקֵ֖ן וּשְׂבַ֣ע יָמִ֑ים וַיִּקְבְּר֣וּ אֹתֹ֔ו עֵשָׂ֥ו וְיַעֲקֹ֖ב בָּנָֽיו׃ פ

wayi̇gĕwa֨ʻ yiẕĕẖá֤q wayá̇֨máţ֙ wayé̇ʼá֣sep ʼel־ʻamá̇֔yw záqé֖n ẇşĕ̂ba֣ʻ yámi֑ym wayi̇qĕbĕ̇r֣ẇ ʼòţò֔w ʻéşá֥̂w wĕyaʻàqò֖b bá̇náֽyw׃ p