Bibles in ancient languages
Old translations
Modern translations

Biblia Hebraica Stuttgartensia Genèse 37:8

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֵּ֣שֶׁב יַעֲקֹ֔ב בְּאֶ֖רֶץ מְגוּרֵ֣י אָבִ֑יו בְּאֶ֖רֶץ כְּנָֽעַן׃

wayé֣̇şěb yaʻàqò֔b bĕ̇ʼe֖reẕ mĕgẇré֣y ʼábi֑yw bĕ̇ʼe֖reẕ kĕ̇náֽʻan׃

2
אֵ֣לֶּה׀ תֹּלְדֹ֣ות יַעֲקֹ֗ב יֹוסֵ֞ף בֶּן־שְׁבַֽע־עֶשְׂרֵ֤ה שָׁנָה֙ הָיָ֨ה רֹעֶ֤ה אֶת־אֶחָיו֙ בַּצֹּ֔אן וְה֣וּא נַ֗עַר אֶת־בְּנֵ֥י בִלְהָ֛ה וְאֶת־בְּנֵ֥י זִלְפָּ֖ה נְשֵׁ֣י אָבִ֑יו וַיָּבֵ֥א יֹוסֵ֛ף אֶת־דִּבָּתָ֥ם רָעָ֖ה אֶל־אֲבִיהֶֽם׃

ʼé֣lėh׀ ţò̇lĕdò֣wţ yaʻàqò֗b yòwsé֞p bėn־şĕ̌baֽʻ־ʻeşĕ̂ré֤h şá̌náh֙ háyá֨h ròʻe֤h ʼeţ־ʼeẖáyw֙ bȧẕò̇֔ʼn wĕh֣ẇʼ na֗ʻar ʼeţ־bĕ̇né֥y bilĕhá֛h wĕʼeţ־bĕ̇né֥y zilĕpá֖̇h nĕşé֣̌y ʼábi֑yw wayá̇bé֥ʼ yòwsé֛p ʼeţ־di̇bá̇ţá֥m ráʻá֖h ʼel־ʼàbiyheֽm׃

3
וְיִשְׂרָאֵ֗ל אָהַ֤ב אֶת־יֹוסֵף֙ מִכָּל־בָּנָ֔יו כִּֽי־בֶן־זְקֻנִ֥ים ה֖וּא לֹ֑ו וְעָ֥שָׂה לֹ֖ו כְּתֹ֥נֶת פַּסִּֽים׃

wĕyişĕ̂ráʼé֗l ʼáha֤b ʼeţ־yòwsép֙ miká̇l־bá̇ná֔yw kiֽ̇y־ben־zĕquni֥ym h֖ẇʼ lò֑w wĕʻá֥şá̂h lò֖w kĕ̇ţò֥neţ pȧsiֽ̇ym׃

4
וַיִּרְא֣וּ אֶחָ֗יו כִּֽי־אֹתֹ֞ו אָהַ֤ב אֲבִיהֶם֙ מִכָּל־אֶחָ֔יו וַֽיִּשְׂנְא֖וּ אֹתֹ֑ו וְלֹ֥א יָכְל֖וּ דַּבְּרֹ֥ו לְשָׁלֹֽם׃

wayi̇rĕʼ֣ẇ ʼeẖá֗yw kiֽ̇y־ʼòţò֞w ʼáha֤b ʼàbiyhem֙ miká̇l־ʼeẖá֔yw waֽyi̇şĕ̂nĕʼ֖ẇ ʼòţò֑w wĕlò֥ʼ yákĕl֖ẇ dȧbĕ̇rò֥w lĕşá̌lòֽm׃

5
וַיַּחֲלֹ֤ם יֹוסֵף֙ חֲלֹ֔ום וַיַּגֵּ֖ד לְאֶחָ֑יו וַיֹּוסִ֥פוּ עֹ֖וד שְׂנֹ֥א אֹתֹֽו׃

wayȧẖàlò֤m yòwsép֙ ẖàlò֔wm wayȧgé֖̇d lĕʼeẖá֑yw wayò̇wsi֥pẇ ʻò֖wd şĕ̂nò֥ʼ ʼòţòֽw׃

6
וַיֹּ֖אמֶר אֲלֵיהֶ֑ם שִׁמְעוּ־נָ֕א הַחֲלֹ֥ום הַזֶּ֖ה אֲשֶׁ֥ר חָלָֽמְתִּי׃

wayò֖̇ʼmer ʼàléyhe֑m şǐmĕʻẇ־ná֕ʼ haẖàlò֥wm hazė֖h ʼàşě֥r ẖáláֽmĕţi̇y׃

7
וְ֠הִנֵּה אֲנַ֜חְנוּ מְאַלְּמִ֤ים אֲלֻמִּים֙ בְּתֹ֣וךְ הַשָּׂדֶ֔ה וְהִנֵּ֛ה קָ֥מָה אֲלֻמָּתִ֖י וְגַם־נִצָּ֑בָה וְהִנֵּ֤ה תְסֻבֶּ֨ינָה֙ אֲלֻמֹּ֣תֵיכֶ֔ם וַתִּֽשְׁתַּחֲוֶ֖יןָ לַאֲלֻמָּתִֽי׃

wĕ֠hiné̇h ʼàna֜ẖĕnẇ mĕʼalĕ̇mi֤ym ʼàlumi̇ym֙ bĕ̇ţò֣wkĕ haşá̇̂de֔h wĕhiné֛̇h qá֥máh ʼàlumá̇ţi֖y wĕgam־niẕá֑̇báh wĕhiné֤̇h ţĕsubė֨ynáh֙ ʼàlumò֣̇ţéyke֔m waţiֽ̇şĕ̌ţȧẖàwe֖yná laʼàlumá̇ţiֽy׃

8
וַיֹּ֤אמְרוּ לֹו֙ אֶחָ֔יו הֲמָלֹ֤ךְ תִּמְלֹךְ֙ עָלֵ֔ינוּ אִם־מָשֹׁ֥ול תִּמְשֹׁ֖ל בָּ֑נוּ וַיֹּוסִ֤פוּ עֹוד֙ שְׂנֹ֣א אֹתֹ֔ו עַל־חֲלֹמֹתָ֖יו וְעַל־דְּבָרָֽיו׃

wayò֤̇ʼmĕrẇ lòw֙ ʼeẖá֔yw hàmálò֤kĕ ţi̇mĕlòkĕ֙ ʻálé֔ynẇ ʼim־máşò֥̌wl ţi̇mĕşò֖̌l bá֑̇nẇ wayò̇wsi֤pẇ ʻòwd֙ şĕ̂nò֣ʼ ʼòţò֔w ʻal־ẖàlòmòţá֖yw wĕʻal־dĕ̇báráֽyw׃

9
וַיַּחֲלֹ֥ם עֹוד֙ חֲלֹ֣ום אַחֵ֔ר וַיְסַפֵּ֥ר אֹתֹ֖ו לְאֶחָ֑יו וַיֹּ֗אמֶר הִנֵּ֨ה חָלַ֤מְתִּֽי חֲלֹום֙ עֹ֔וד וְהִנֵּ֧ה הַשֶּׁ֣מֶשׁ וְהַיָּרֵ֗חַ וְאַחַ֤ד עָשָׂר֙ כֹּֽוכָבִ֔ים מִֽשְׁתַּחֲוִ֖ים לִֽי׃

wayȧẖàlò֥m ʻòwd֙ ẖàlò֣wm ʼaẖé֔r wayĕsapé֥̇r ʼòţò֖w lĕʼeẖá֑yw wayò̇֗ʼmer hiné̇֨h ẖála֤mĕţiֽ̇y ẖàlòwm֙ ʻò֔wd wĕhiné֧̇h haşė֣̌meş̌ wĕhayá̇ré֗ẖa wĕʼaẖa֤d ʻáşá̂r֙ kòֽ̇wkábi֔ym miֽşĕ̌ţȧẖàwi֖ym liֽy׃

10
וַיְסַפֵּ֣ר אֶל־אָבִיו֮ וְאֶל־אֶחָיו֒ וַיִּגְעַר־בֹּ֣ו אָבִ֔יו וַיֹּ֣אמֶר לֹ֔ו מָ֛ה הַחֲלֹ֥ום הַזֶּ֖ה אֲשֶׁ֣ר חָלָ֑מְתָּ הֲבֹ֣וא נָבֹ֗וא אֲנִי֙ וְאִמְּךָ֣ וְאַחֶ֔יךָ לְהִשְׁתַּחֲוֹ֥ת לְךָ֖ אָֽרְצָה׃

wayĕsapé֣̇r ʼel־ʼábiyw֮ wĕʼel־ʼeẖáyw֒ wayi̇gĕʻar־bò֣̇w ʼábi֔yw wayò֣̇ʼmer lò֔w má֛h haẖàlò֥wm hazė֖h ʼàşě֣r ẖálá֑mĕţá̇ hàbò֣wʼ nábò֗wʼ ʼàniy֙ wĕʼimĕ̇ká֣ wĕʼaẖe֔yká lĕhişĕ̌ţȧẖàwò֥ţ lĕká֖ ʼáֽrĕẕáh׃

11
וַיְקַנְאוּ־בֹ֖ו אֶחָ֑יו וְאָבִ֖יו שָׁמַ֥ר אֶת־הַדָּבָֽר׃

wayĕqanĕʼẇ־bò֖w ʼeẖá֑yw wĕʼábi֖yw şá̌ma֥r ʼeţ־hadá̇báֽr׃

12
וַיֵּלְכ֖וּ אֶחָ֑יו לִרְעֹ֛ות אֶׄתׄ־צֹ֥אן אֲבִיהֶ֖ם בִּשְׁכֶֽם׃

wayé̇lĕk֖ẇ ʼeẖá֑yw lirĕʻò֛wţ ʼeׄţׄ־ẕò֥ʼn ʼàbiyhe֖m bi̇şĕ̌keֽm׃

13
וַיֹּ֨אמֶר יִשְׂרָאֵ֜ל אֶל־יֹוסֵ֗ף הֲלֹ֤וא אַחֶ֨יךָ֙ רֹעִ֣ים בִּשְׁכֶ֔ם לְכָ֖ה וְאֶשְׁלָחֲךָ֣ אֲלֵיהֶ֑ם וַיֹּ֥אמֶר לֹ֖ו הִנֵּֽנִי׃

wayò̇֨ʼmer yişĕ̂ráʼé֜l ʼel־yòwsé֗p hàlò֤wʼ ʼaẖe֨yká֙ ròʻi֣ym bi̇şĕ̌ke֔m lĕká֖h wĕʼeşĕ̌láẖàká֣ ʼàléyhe֑m wayò֥̇ʼmer lò֖w hinéֽ̇niy׃

14
וַיֹּ֣אמֶר לֹ֗ו לֶךְ־נָ֨א רְאֵ֜ה אֶת־שְׁלֹ֤ום אַחֶ֨יךָ֙ וְאֶת־שְׁלֹ֣ום הַצֹּ֔אן וַהֲשִׁבֵ֖נִי דָּבָ֑ר וַיִּשְׁלָחֵ֨הוּ֙ מֵעֵ֣מֶק חֶבְרֹ֔ון וַיָּבֹ֖א שְׁכֶֽמָה׃

wayò֣̇ʼmer lò֗w lekĕ־ná֨ʼ rĕʼé֜h ʼeţ־şĕ̌lò֤wm ʼaẖe֨yká֙ wĕʼeţ־şĕ̌lò֣wm haẕò̇֔ʼn wahàşǐbé֖niy dá̇bá֑r wayi̇şĕ̌láẖé֨hẇ֙ méʻé֣meq ẖebĕrò֔wn wayá̇bò֖ʼ şĕ̌keֽmáh׃

15
וַיִּמְצָאֵ֣הוּ אִ֔ישׁ וְהִנֵּ֥ה תֹעֶ֖ה בַּשָּׂדֶ֑ה וַיִּשְׁאָלֵ֧הוּ הָאִ֛ישׁ לֵאמֹ֖ר מַה־תְּבַקֵּֽשׁ׃

wayi̇mĕẕáʼé֣hẇ ʼi֔yş̌ wĕhiné֥̇h ţòʻe֖h bȧşá̇̂de֑h wayi̇şĕ̌ʼálé֧hẇ háʼi֛yş̌ léʼmò֖r mah־ţĕ̇baqéֽ̇ş̌׃

16
וַיֹּ֕אמֶר אֶת־אַחַ֖י אָנֹכִ֣י מְבַקֵּ֑שׁ הַגִּֽידָה־נָּ֣א לִ֔י אֵיפֹ֖ה הֵ֥ם רֹעִֽים׃

wayò̇֕ʼmer ʼeţ־ʼaẖa֖y ʼánòki֣y mĕbaqé֑̇ş̌ hagiֽ̇ydáh־ná֣̇ʼ li֔y ʼéypò֖h hé֥m ròʻiֽym׃

17
וַיֹּ֤אמֶר הָאִישׁ֙ נָסְע֣וּ מִזֶּ֔ה כִּ֤י שָׁמַ֨עְתִּי֙ אֹֽמְרִ֔ים נֵלְכָ֖ה דֹּתָ֑יְנָה וַיֵּ֤לֶךְ יֹוסֵף֙ אַחַ֣ר אֶחָ֔יו וַיִּמְצָאֵ֖ם בְּדֹתָֽן׃

wayò֤̇ʼmer háʼiyş̌֙ násĕʻ֣ẇ mizė֔h ki֤̇y şá̌ma֨ʻĕţi̇y֙ ʼòֽmĕri֔ym nélĕká֖h dò̇ţá֑yĕnáh wayé֤̇lekĕ yòwsép֙ ʼaẖa֣r ʼeẖá֔yw wayi̇mĕẕáʼé֖m bĕ̇dòţáֽn׃

18
וַיִּרְא֥וּ אֹתֹ֖ו מֵרָחֹ֑ק וּבְטֶ֨רֶם֙ יִקְרַ֣ב אֲלֵיהֶ֔ם וַיִּֽתְנַכְּל֥וּ אֹתֹ֖ו לַהֲמִיתֹֽו׃

wayi̇rĕʼ֥ẇ ʼòţò֖w méráẖò֑q ẇbĕte֨rem֙ yiqĕra֣b ʼàléyhe֔m wayiֽ̇ţĕnakĕ̇l֥ẇ ʼòţò֖w lahàmiyţòֽw׃

19
וַיֹּאמְר֖וּ אִ֣ישׁ אֶל־אָחִ֑יו הִנֵּ֗ה בַּ֛עַל הַחֲלֹמֹ֥ות הַלָּזֶ֖ה בָּֽא׃

wayò̇ʼmĕr֖ẇ ʼi֣yş̌ ʼel־ʼáẖi֑yw hiné̇֗h bȧ֛ʻal haẖàlòmò֥wţ halá̇ze֖h báֽ̇ʼ׃

20
וְעַתָּ֣ה׀ לְכ֣וּ וְנַֽהַרְגֵ֗הוּ וְנַשְׁלִכֵ֨הוּ֙ בְּאַחַ֣ד הַבֹּרֹ֔ות וְאָמַ֕רְנוּ חַיָּ֥ה רָעָ֖ה אֲכָלָ֑תְהוּ וְנִרְאֶ֕ה מַה־יִּהְי֖וּ חֲלֹמֹתָֽיו׃

wĕʻaţá֣̇h׀ lĕk֣ẇ wĕnaֽharĕgé֗hẇ wĕnaşĕ̌liké֨hẇ֙ bĕ̇ʼaẖa֣d habò̇rò֔wţ wĕʼáma֕rĕnẇ ẖayá֥̇h ráʻá֖h ʼàkálá֑ţĕhẇ wĕnirĕʼe֕h mah־yi̇hĕy֖ẇ ẖàlòmòţáֽyw׃

21
וַיִּשְׁמַ֣ע רְאוּבֵ֔ן וַיַּצִּלֵ֖הוּ מִיָּדָ֑ם לֹ֥א נַכֶּ֖נּוּ נָֽפֶשׁ׃ וַיֹּ֕אמֶר

wayi̇şĕ̌ma֣ʻ rĕʼẇbé֔n wayȧẕi̇lé֖hẇ miyá̇dá֑m lò֥ʼ nakė֖ṅẇ náֽpeş̌׃ wayò̇֕ʼmer

22
וַיֹּ֨אמֶר אֲלֵהֶ֣ם׀ רְאוּבֵן֮ אַל־תִּשְׁפְּכוּ־דָם֒ הַשְׁלִ֣יכוּ אֹתֹ֗ו אֶל־הַבֹּ֤ור הַזֶּה֙ אֲשֶׁ֣ר בַּמִּדְבָּ֔ר וְיָ֖ד אַל־תִּשְׁלְחוּ־בֹ֑ו לְמַ֗עַן הַצִּ֤יל אֹתֹו֙ מִיָּדָ֔ם לַהֲשִׁיבֹ֖ו אֶל־אָבִֽיו׃

wayò̇֨ʼmer ʼàléhe֣m׀ rĕʼẇbén֮ ʼal־ţi̇şĕ̌pĕ̇kẇ־dám֒ haşĕ̌li֣ykẇ ʼòţò֗w ʼel־habò֤̇wr hazėh֙ ʼàşě֣r bȧmi̇dĕbá̇֔r wĕyá֖d ʼal־ţi̇şĕ̌lĕẖẇ־bò֑w lĕma֗ʻan haẕi֤̇yl ʼòţòw֙ miyá̇dá֔m lahàşǐybò֖w ʼel־ʼábiֽyw׃

23
וַֽיְהִ֕י כַּֽאֲשֶׁר־בָּ֥א יֹוסֵ֖ף אֶל־אֶחָ֑יו וַיַּפְשִׁ֤יטוּ אֶת־יֹוסֵף֙ אֶת־כֻּתָּנְתֹּ֔ו אֶת־כְּתֹ֥נֶת הַפַּסִּ֖ים אֲשֶׁ֥ר עָלָֽיו׃

waֽyĕhi֕y kȧֽʼàşěr־bá֥̇ʼ yòwsé֖p ʼel־ʼeẖá֑yw wayȧpĕşǐ֤ytẇ ʼeţ־yòwsép֙ ʼeţ־ku̇ţá̇nĕţò̇֔w ʼeţ־kĕ̇ţò֥neţ hapȧsi֖̇ym ʼàşě֥r ʻáláֽyw׃

24
וַיִּ֨קָּחֻ֔הוּ וַיַּשְׁלִ֥כוּ אֹתֹ֖ו הַבֹּ֑רָה וְהַבֹּ֣ור רֵ֔ק אֵ֥ין בֹּ֖ו מָֽיִם׃

wayi̇֨qá̇ẖu֔hẇ wayȧşĕ̌li֥kẇ ʼòţò֖w habò֑̇ráh wĕhabò֣̇wr ré֔q ʼé֥yn bò֖̇w máֽyim׃

25
וַיֵּשְׁבוּ֮ לֶֽאֱכָל־לֶחֶם֒ וַיִּשְׂא֤וּ עֵֽינֵיהֶם֙ וַיִּרְא֔וּ וְהִנֵּה֙ אֹרְחַ֣ת יִשְׁמְעֵאלִ֔ים בָּאָ֖ה מִגִּלְעָ֑ד וּגְמַלֵּיהֶ֣ם נֹֽשְׂאִ֗ים נְכֹאת֙ וּצְרִ֣י וָלֹ֔ט הֹולְכִ֖ים לְהֹורִ֥יד מִצְרָֽיְמָה׃

wayé̇şĕ̌bẇ֮ leֽʼèkál־leẖem֒ wayi̇şĕ̂ʼ֤ẇ ʻéֽynéyhem֙ wayi̇rĕʼ֔ẇ wĕhiné̇h֙ ʼòrĕẖa֣ţ yişĕ̌mĕʻéʼli֔ym bá̇ʼá֖h migi̇lĕʻá֑d ẇgĕmalé̇yhe֣m nòֽşĕ̂ʼi֗ym nĕkòʼţ֙ ẇẕĕri֣y wálò֔t hòwlĕki֖ym lĕhòwri֥yd miẕĕráֽyĕmáh׃

26
וַיֹּ֥אמֶר יְהוּדָ֖ה אֶל־אֶחָ֑יו מַה־בֶּ֗צַע כִּ֤י נַהֲרֹג֙ אֶת־אָחִ֔ינוּ וְכִסִּ֖ינוּ אֶת־דָּמֹֽו׃

wayò֥̇ʼmer yĕhẇdá֖h ʼel־ʼeẖá֑yw mah־bė֗ẕaʻ ki֤̇y nahàròg֙ ʼeţ־ʼáẖi֔ynẇ wĕkisi֖̇ynẇ ʼeţ־dá̇mòֽw׃

27
לְכ֞וּ וְנִמְכְּרֶ֣נּוּ לַיִּשְׁמְעֵאלִ֗ים וְיָדֵ֨נוּ֙ אַל־תְּהִי־בֹ֔ו כִּֽי־אָחִ֥ינוּ בְשָׂרֵ֖נוּ ה֑וּא וַֽיִּשְׁמְע֖וּ אֶחָֽיו׃

lĕk֞ẇ wĕnimĕkĕ̇re֣ṅẇ layi̇şĕ̌mĕʻéʼli֗ym wĕyádé֨nẇ֙ ʼal־ţĕ̇hiy־bò֔w kiֽ̇y־ʼáẖi֥ynẇ bĕşá̂ré֖nẇ h֑ẇʼ waֽyi̇şĕ̌mĕʻ֖ẇ ʼeẖáֽyw׃

28
וַיַּֽעַבְרוּ֩ אֲנָשִׁ֨ים מִדְיָנִ֜ים סֹֽחֲרִ֗ים וַֽיִּמְשְׁכוּ֙ וַיַּֽעֲל֤וּ אֶת־יֹוסֵף֙ מִן־הַבֹּ֔ור וַיִּמְכְּר֧וּ אֶת־יֹוסֵ֛ף לַיִּשְׁמְעֵאלִ֖ים בְּעֶשְׂרִ֣ים כָּ֑סֶף וַיָּבִ֥יאוּ אֶת־יֹוסֵ֖ף מִצְרָֽיְמָה׃

wayȧֽʻabĕrẇ֩ ʼànáşǐ֨ym midĕyáni֜ym sòֽẖàri֗ym waֽyi̇mĕşĕ̌kẇ֙ wayȧֽʻàl֤ẇ ʼeţ־yòwsép֙ min־habò̇֔wr wayi̇mĕkĕ̇r֧ẇ ʼeţ־yòwsé֛p layi̇şĕ̌mĕʻéʼli֖ym bĕ̇ʻeşĕ̂ri֣ym ká֑̇sep wayá̇bi֥yʼẇ ʼeţ־yòwsé֖p miẕĕráֽyĕmáh׃

29
וַיָּ֤שָׁב רְאוּבֵן֙ אֶל־הַבֹּ֔ור וְהִנֵּ֥ה אֵין־יֹוסֵ֖ף בַּבֹּ֑ור וַיִּקְרַ֖ע אֶת־בְּגָדָֽיו׃

wayá֤̇şá̌b rĕʼẇbén֙ ʼel־habò̇֔wr wĕhiné֥̇h ʼéyn־yòwsé֖p bȧbò֑̇wr wayi̇qĕra֖ʻ ʼeţ־bĕ̇gádáֽyw׃

30
וַיָּ֥שָׁב אֶל־אֶחָ֖יו וַיֹּאמַ֑ר הַיֶּ֣לֶד אֵינֶ֔נּוּ וַאֲנִ֖י אָ֥נָה אֲנִי־בָֽא׃

wayá֥̇şá̌b ʼel־ʼeẖá֖yw wayò̇ʼma֑r hayė֣led ʼéyne֔ṅẇ waʼàni֖y ʼá֥náh ʼàniy־báֽʼ׃

31
וַיִּקְח֖וּ אֶת־כְּתֹ֣נֶת יֹוסֵ֑ף וַֽיִּשְׁחֲטוּ֙ שְׂעִ֣יר עִזִּ֔ים וַיִּטְבְּל֥וּ אֶת־הַכֻּתֹּ֖נֶת בַּדָּֽם׃

wayi̇qĕẖ֖ẇ ʼeţ־kĕ̇ţò֣neţ yòwsé֑p waֽyi̇şĕ̌ẖàtẇ֙ şĕ̂ʻi֣yr ʻizi̇֔ym wayi̇tĕbĕ̇l֥ẇ ʼeţ־haku̇ţò֖̇neţ bȧdáֽ̇m׃

32
וַֽיְשַׁלְּח֞וּ אֶת־כְּתֹ֣נֶת הַפַּסִּ֗ים וַיָּבִ֨יאוּ֙ אֶל־אֲבִיהֶ֔ם וַיֹּאמְר֖וּ זֹ֣את מָצָ֑אנוּ הַכֶּר־נָ֗א הַכְּתֹ֧נֶת בִּנְךָ֛ הִ֖וא אִם־לֹֽא׃

waֽyĕşǎlĕ̇ẖ֞ẇ ʼeţ־kĕ̇ţò֣neţ hapȧsi̇֗ym wayá̇bi֨yʼẇ֙ ʼel־ʼàbiyhe֔m wayò̇ʼmĕr֖ẇ zò֣ʼţ máẕá֑ʼnẇ hakėr־ná֗ʼ hakĕ̇ţò֧neţ bi̇nĕká֛ hi֖wʼ ʼim־lòֽʼ׃

33
וַיַּכִּירָ֤הּ וַיֹּ֨אמֶר֙ כְּתֹ֣נֶת בְּנִ֔י חַיָּ֥ה רָעָ֖ה אֲכָלָ֑תְהוּ טָרֹ֥ף טֹרַ֖ף יֹוסֵֽף׃

wayȧki̇yrá֤ḣ wayò̇֨ʼmer֙ kĕ̇ţò֣neţ bĕ̇ni֔y ẖayá֥̇h ráʻá֖h ʼàkálá֑ţĕhẇ tárò֥p tòra֖p yòwséֽp׃

34
וַיִּקְרַ֤ע יַעֲקֹב֙ שִׂמְלֹתָ֔יו וַיָּ֥שֶׂם שַׂ֖ק בְּמָתְנָ֑יו וַיִּתְאַבֵּ֥ל עַל־בְּנֹ֖ו יָמִ֥ים רַבִּֽים׃

wayi̇qĕra֤ʻ yaʻàqòb֙ şîmĕlòţá֔yw wayá֥̇şêm şâ֖q bĕ̇máţĕná֑yw wayi̇ţĕʼabé֥̇l ʻal־bĕ̇nò֖w yámi֥ym rabiֽ̇ym׃

35
וַיָּקֻמוּ֩ כָל־בָּנָ֨יו וְכָל־בְּנֹתָ֜יו לְנַחֲמֹ֗ו וַיְמָאֵן֙ לְהִתְנַחֵ֔ם וַיֹּ֕אמֶר כִּֽי־אֵרֵ֧ד אֶל־בְּנִ֛י אָבֵ֖ל שְׁאֹ֑לָה וַיֵּ֥בְךְּ אֹתֹ֖ו אָבִֽיו׃

wayá̇qumẇ֩ kál־bá̇ná֨yw wĕkál־bĕ̇nòţá֜yw lĕnaẖàmò֗w wayĕmáʼén֙ lĕhiţĕnaẖé֔m wayò̇֕ʼmer kiֽ̇y־ʼéré֧d ʼel־bĕ̇ni֛y ʼábé֖l şĕ̌ʼò֑láh wayé֥̇bĕkĕ̇ ʼòţò֖w ʼábiֽyw׃

36
וְהַ֨מְּדָנִ֔ים מָכְר֥וּ אֹתֹ֖ו אֶל־מִצְרָ֑יִם לְפֹֽוטִיפַר֙ סְרִ֣יס פַּרְעֹ֔ה שַׂ֖ר הַטַּבָּחִֽים׃ פ

wĕha֨mĕ̇dáni֔ym mákĕr֥ẇ ʼòţò֖w ʼel־miẕĕrá֑yim lĕpòֽwtiypar֙ sĕri֣ys pȧrĕʻò֔h şâ֖r hatȧbá̇ẖiֽym׃ p