Bibles in ancient languages
Old translations
Modern translations

Biblia Hebraica Stuttgartiensia Genesis 41

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֕י מִקֵּ֖ץ שְׁנָתַ֣יִם יָמִ֑ים וּפַרְעֹ֣ה חֹלֵ֔ם וְהִנֵּ֖ה עֹמֵ֥ד עַל־הַיְאֹֽר׃

wayĕhi֕y miqé֖̇ẕ şĕ̌náţa֣yim yámi֑ym ẇparĕʻò֣h ẖòlé֔m wĕhiné֖̇h ʻòmé֥d ʻal־hayĕʼòֽr׃

2
וְהִנֵּ֣ה מִן־הַיְאֹ֗ר עֹלֹת֙ שֶׁ֣בַע פָּרֹ֔ות יְפֹ֥ות מַרְאֶ֖ה וּבְרִיאֹ֣ת בָּשָׂ֑ר וַתִּרְעֶ֖ינָה בָּאָֽחוּ׃

wĕhiné֣̇h min־hayĕʼò֗r ʻòlòţ֙ şě֣baʻ pá̇rò֔wţ yĕpò֥wţ marĕʼe֖h ẇbĕriyʼò֣ţ bá̇şá֑̂r waţi̇rĕʻe֖ynáh bá̇ʼáֽẖẇ׃

3
וְהִנֵּ֞ה שֶׁ֧בַע פָּרֹ֣ות אֲחֵרֹ֗ות עֹלֹ֤ות אַחֲרֵיהֶן֙ מִן־הַיְאֹ֔ר רָעֹ֥ות מַרְאֶ֖ה וְדַקֹּ֣ות בָּשָׂ֑ר וַֽתַּעֲמֹ֛דְנָה אֵ֥צֶל הַפָּרֹ֖ות עַל־שְׂפַ֥ת הַיְאֹֽר׃

wĕhiné̇֞h şě֧baʻ pá̇rò֣wţ ʼàẖérò֗wţ ʻòlò֤wţ ʼaẖàréyhen֙ min־hayĕʼò֔r ráʻò֥wţ marĕʼe֖h wĕdaqò֣̇wţ bá̇şá֑̂r waֽţȧʻàmò֛dĕnáh ʼé֥ẕel hapá̇rò֖wţ ʻal־şĕ̂pa֥ţ hayĕʼòֽr׃

4
וַתֹּאכַ֣לְנָה הַפָּרֹ֗ות רָעֹ֤ות הַמַּרְאֶה֙ וְדַקֹּ֣ת הַבָּשָׂ֔ר אֵ֚ת שֶׁ֣בַע הַפָּרֹ֔ות יְפֹ֥ת הַמַּרְאֶ֖ה וְהַבְּרִיאֹ֑ת וַיִּיקַ֖ץ פַּרְעֹֽה׃

waţò̇ʼka֣lĕnáh hapá̇rò֗wţ ráʻò֤wţ hamȧrĕʼeh֙ wĕdaqò֣̇ţ habá̇şá̂֔r ʼé֚ţ şě֣baʻ hapá̇rò֔wţ yĕpò֥ţ hamȧrĕʼe֖h wĕhabĕ̇riyʼò֑ţ wayi̇yqa֖ẕ pȧrĕʻòֽh׃

5
וַיִּישָׁ֕ן וַֽיַּחֲלֹ֖ם שֵׁנִ֑ית וְהִנֵּ֣ה׀ שֶׁ֣בַע שִׁבֳּלִ֗ים עֹלֹ֛ות בְּקָנֶ֥ה אֶחָ֖ד בְּרִיאֹ֥ות וְטֹבֹֽות׃

wayi̇yşá̌֕n waֽyȧẖàlò֖m şé̌ni֑yţ wĕhiné֣̇h׀ şě֣baʻ şǐbȯli֗ym ʻòlò֛wţ bĕ̇qáne֥h ʼeẖá֖d bĕ̇riyʼò֥wţ wĕtòbòֽwţ׃

6
וְהִנֵּה֙ שֶׁ֣בַע שִׁבֳּלִ֔ים דַּקֹּ֖ות וּשְׁדוּפֹ֣ת קָדִ֑ים צֹמְחֹ֖ות אַחֲרֵיהֶֽן׃

wĕhiné̇h֙ şě֣baʻ şǐbȯli֔ym dȧqò֖̇wţ ẇşĕ̌dẇpò֣ţ qádi֑ym ẕòmĕẖò֖wţ ʼaẖàréyheֽn׃

7
וַתִּבְלַ֨עְנָה֙ הַשִּׁבֳּלִ֣ים הַדַּקֹּ֔ות אֵ֚ת שֶׁ֣בַע הַֽשִּׁבֳּלִ֔ים הַבְּרִיאֹ֖ות וְהַמְּלֵאֹ֑ות וַיִּיקַ֥ץ פַּרְעֹ֖ה וְהִנֵּ֥ה חֲלֹֽום׃

waţi̇bĕla֨ʻĕnáh֙ haşi̇̌bȯli֣ym hadȧqò̇֔wţ ʼé֚ţ şě֣baʻ haֽşi̇̌bȯli֔ym habĕ̇riyʼò֖wţ wĕhamĕ̇léʼò֑wţ wayi̇yqa֥ẕ pȧrĕʻò֖h wĕhiné֥̇h ẖàlòֽwm׃

8
וַיְהִ֤י בַבֹּ֨קֶר֙ וַתִּפָּ֣עֶם רוּחֹ֔ו וַיִּשְׁלַ֗ח וַיִּקְרָ֛א אֶת־כָּל־חַרְטֻמֵּ֥י מִצְרַ֖יִם וְאֶת־כָּל־חֲכָמֶ֑יהָ וַיְסַפֵּ֨ר פַּרְעֹ֤ה לָהֶם֙ אֶת־חֲלֹמֹ֔ו וְאֵין־פֹּותֵ֥ר אֹותָ֖ם לְפַרְעֹֽה׃

wayĕhi֤y babò̇֨qer֙ waţi̇pá֣̇ʻem rẇẖò֔w wayi̇şĕ̌la֗ẖ wayi̇qĕrá֛ʼ ʼeţ־ká̇l־ẖarĕtumé֥̇y miẕĕra֖yim wĕʼeţ־ká̇l־ẖàkáme֑yhá wayĕsapé̇֨r pȧrĕʻò֤h láhem֙ ʼeţ־ẖàlòmò֔w wĕʼéyn־pò̇wţé֥r ʼòwţá֖m lĕparĕʻòֽh׃

9
וַיְדַבֵּר֙ שַׂ֣ר הַמַּשְׁקִ֔ים אֶת־פַּרְעֹ֖ה לֵאמֹ֑ר אֶת־חֲטָאַ֕י אֲנִ֖י מַזְכִּ֥יר הַיֹּֽום׃

wayĕdabé̇r֙ şâ֣r hamȧşĕ̌qi֔ym ʼeţ־pȧrĕʻò֖h léʼmò֑r ʼeţ־ẖàtáʼa֕y ʼàni֖y mazĕki֥̇yr hayòֽ̇wm׃

10
פַּרְעֹ֖ה קָצַ֣ף עַל־עֲבָדָ֑יו וַיִּתֵּ֨ן אֹתִ֜י בְּמִשְׁמַ֗ר בֵּ֚ית שַׂ֣ר הַטַּבָּחִ֔ים אֹתִ֕י וְאֵ֖ת שַׂ֥ר הָאֹפִֽים׃

pȧrĕʻò֖h qáẕa֣p ʻal־ʻàbádá֑yw wayi̇ţé̇֨n ʼòţi֜y bĕ̇mişĕ̌ma֗r bé֚̇yţ şâ֣r hatȧbá̇ẖi֔ym ʼòţi֕y wĕʼé֖ţ şâ֥r háʼòpiֽym׃

11
וַנַּֽחַלְמָ֥ה חֲלֹ֛ום בְּלַ֥יְלָה אֶחָ֖ד אֲנִ֣י וָה֑וּא אִ֛ישׁ כְּפִתְרֹ֥ון חֲלֹמֹ֖ו חָלָֽמְנוּ׃

wanȧֽẖalĕmá֥h ẖàlò֛wm bĕ̇la֥yĕláh ʼeẖá֖d ʼàni֣y wáh֑ẇʼ ʼi֛yş̌ kĕ̇piţĕrò֥wn ẖàlòmò֖w ẖáláֽmĕnẇ׃

12
וְשָׁ֨ם אִתָּ֜נוּ נַ֣עַר עִבְרִ֗י עֶ֚בֶד לְשַׂ֣ר הַטַּבָּחִ֔ים וַנְּ֨סַפֶּר־לֹ֔ו וַיִּפְתָּר־לָ֖נוּ אֶת־חֲלֹמֹתֵ֑ינוּ אִ֥ישׁ כַּחֲלֹמֹ֖ו פָּתָֽר׃

wĕşá̌֨m ʼiţá̇֜nẇ na֣ʻar ʻibĕri֗y ʻe֚bed lĕşâ֣r hatȧbá̇ẖi֔ym wanĕ̇֨sapėr־lò֔w wayi̇pĕţá̇r־lá֖nẇ ʼeţ־ẖàlòmòţé֑ynẇ ʼi֥yş̌ kȧẖàlòmò֖w pá̇ţáֽr׃

13
וַיְהִ֛י כַּאֲשֶׁ֥ר פָּֽתַר־לָ֖נוּ כֵּ֣ן הָיָ֑ה אֹתִ֛י הֵשִׁ֥יב עַל־כַּנִּ֖י וְאֹתֹ֥ו תָלָֽה׃

wayĕhi֛y kȧʼàşě֥r páֽ̇ţar־lá֖nẇ ké֣̇n háyá֑h ʼòţi֛y héşǐ֥yb ʻal־kȧni֖̇y wĕʼòţò֥w ţáláֽh׃

14
וַיִּשְׁלַ֤ח פַּרְעֹה֙ וַיִּקְרָ֣א אֶת־יֹוסֵ֔ף וַיְרִיצֻ֖הוּ מִן־הַבֹּ֑ור וַיְגַלַּח֙ וַיְחַלֵּ֣ף שִׂמְלֹתָ֔יו וַיָּבֹ֖א אֶל־פַּרְעֹֽה׃

wayi̇şĕ̌la֤ẖ pȧrĕʻòh֙ wayi̇qĕrá֣ʼ ʼeţ־yòwsé֔p wayĕriyẕu֖hẇ min־habò֑̇wr wayĕgalȧẖ֙ wayĕẖalé֣̇p şîmĕlòţá֔yw wayá̇bò֖ʼ ʼel־pȧrĕʻòֽh׃

15
וַיֹּ֤אמֶר פַּרְעֹה֙ אֶל־יֹוסֵ֔ף חֲלֹ֣ום חָלַ֔מְתִּי וּפֹתֵ֖ר אֵ֣ין אֹתֹ֑ו וַאֲנִ֗י שָׁמַ֤עְתִּי עָלֶ֨יךָ֙ לֵאמֹ֔ר תִּשְׁמַ֥ע חֲלֹ֖ום לִפְתֹּ֥ר אֹתֹֽו׃

wayò֤̇ʼmer pȧrĕʻòh֙ ʼel־yòwsé֔p ẖàlò֣wm ẖála֔mĕţi̇y ẇpòţé֖r ʼé֣yn ʼòţò֑w waʼàni֗y şá̌ma֤ʻĕţi̇y ʻále֨yká֙ léʼmò֔r ţi̇şĕ̌ma֥ʻ ẖàlò֖wm lipĕţò֥̇r ʼòţòֽw׃

16
וַיַּ֨עַן יֹוסֵ֧ף אֶת־פַּרְעֹ֛ה לֵאמֹ֖ר בִּלְעָדָ֑י אֱלֹהִ֕ים יַעֲנֶ֖ה אֶת־שְׁלֹ֥ום פַּרְעֹֽה׃

wayȧ֨ʻan yòwsé֧p ʼeţ־pȧrĕʻò֛h léʼmò֖r bi̇lĕʻádá֑y ʼèlòhi֕ym yaʻàne֖h ʼeţ־şĕ̌lò֥wm pȧrĕʻòֽh׃

17
וַיְדַבֵּ֥ר פַּרְעֹ֖ה אֶל־יֹוסֵ֑ף בַּחֲלֹמִ֕י הִנְנִ֥י עֹמֵ֖ד עַל־שְׂפַ֥ת הַיְאֹֽר׃

wayĕdabé֥̇r pȧrĕʻò֖h ʼel־yòwsé֑p bȧẖàlòmi֕y hinĕni֥y ʻòmé֖d ʻal־şĕ̂pa֥ţ hayĕʼòֽr׃

18
וְהִנֵּ֣ה מִן־הַיְאֹ֗ר עֹלֹת֙ שֶׁ֣בַע פָּרֹ֔ות בְּרִיאֹ֥ות בָּשָׂ֖ר וִיפֹ֣ת תֹּ֑אַר וַתִּרְעֶ֖ינָה בָּאָֽחוּ׃

wĕhiné֣̇h min־hayĕʼò֗r ʻòlòţ֙ şě֣baʻ pá̇rò֔wţ bĕ̇riyʼò֥wţ bá̇şá֖̂r wiypò֣ţ ţò֑̇ʼar waţi̇rĕʻe֖ynáh bá̇ʼáֽẖẇ׃

19
וְהִנֵּ֞ה שֶֽׁבַע־פָּרֹ֤ות אֲחֵרֹות֙ עֹלֹ֣ות אַחֲרֵיהֶ֔ן דַּלֹּ֨ות וְרָעֹ֥ות תֹּ֛אַר מְאֹ֖ד וְרַקֹּ֣ות בָּשָׂ֑ר לֹֽא־רָאִ֧יתִי כָהֵ֛נָּה בְּכָל־אֶ֥רֶץ מִצְרַ֖יִם לָרֹֽעַ׃

wĕhiné̇֞h şěֽbaʻ־pá̇rò֤wţ ʼàẖéròwţ֙ ʻòlò֣wţ ʼaẖàréyhe֔n dȧlò̇֨wţ wĕráʻò֥wţ ţò֛̇ʼar mĕʼò֖d wĕraqò֣̇wţ bá̇şá֑̂r lòֽʼ־ráʼi֧yţiy káhé֛ná̇h bĕ̇kál־ʼe֥reẕ miẕĕra֖yim láròֽʻa׃

20
וַתֹּאכַ֨לְנָה֙ הַפָּרֹ֔ות הָרַקֹּ֖ות וְהָרָעֹ֑ות אֵ֣ת שֶׁ֧בַע הַפָּרֹ֛ות הָרִאשֹׁנֹ֖ות הַבְּרִיאֹֽת׃

waţò̇ʼka֨lĕnáh֙ hapá̇rò֔wţ háraqò֖̇wţ wĕháráʻò֑wţ ʼé֣ţ şě֧baʻ hapá̇rò֛wţ háriʼşò̌nò֖wţ habĕ̇riyʼòֽţ׃

21
וַתָּבֹ֣אנָה אֶל־קִרְבֶּ֗נָה וְלֹ֤א נֹודַע֙ כִּי־בָ֣אוּ אֶל־קִרְבֶּ֔נָה וּמַרְאֵיהֶ֣ן רַ֔ע כַּאֲשֶׁ֖ר בַּתְּחִלָּ֑ה וָאִיקָֽץ׃

waţá̇bò֣ʼnáh ʼel־qirĕbė֗náh wĕlò֤ʼ nòwdaʻ֙ ki̇y־bá֣ʼẇ ʼel־qirĕbė֔náh ẇmarĕʼéyhe֣n ra֔ʻ kȧʼàşě֖r bȧţĕ̇ẖilá֑̇h wáʼiyqáֽẕ׃

22
וָאֵ֖רֶא בַּחֲלֹמִ֑י וְהִנֵּ֣ה׀ שֶׁ֣בַע שִׁבֳּלִ֗ים עֹלֹ֛ת בְּקָנֶ֥ה אֶחָ֖ד מְלֵאֹ֥ת וְטֹבֹֽות׃

wáʼé֖reʼ bȧẖàlòmi֑y wĕhiné֣̇h׀ şě֣baʻ şǐbȯli֗ym ʻòlò֛ţ bĕ̇qáne֥h ʼeẖá֖d mĕléʼò֥ţ wĕtòbòֽwţ׃

23
וְהִנֵּה֙ שֶׁ֣בַע שִׁבֳּלִ֔ים צְנֻמֹ֥ות דַּקֹּ֖ות שְׁדֻפֹ֣ות קָדִ֑ים צֹמְחֹ֖ות אַחֲרֵיהֶֽם׃

wĕhiné̇h֙ şě֣baʻ şǐbȯli֔ym ẕĕnumò֥wţ dȧqò֖̇wţ şĕ̌dupò֣wţ qádi֑ym ẕòmĕẖò֖wţ ʼaẖàréyheֽm׃

24
וַתִּבְלַ֨עְןָ֙ הָשִׁבֳּלִ֣ים הַדַּקֹּ֔ת אֵ֛ת שֶׁ֥בַע הַֽשִׁבֳּלִ֖ים הַטֹּבֹ֑ות וָֽאֹמַר֙ אֶל־הַֽחַרְטֻמִּ֔ים וְאֵ֥ין מַגִּ֖יד לִֽי׃

waţi̇bĕla֨ʻĕná֙ háşǐbȯli֣ym hadȧqò̇֔ţ ʼé֛ţ şě֥baʻ haֽşǐbȯli֖ym hatò̇bò֑wţ wáֽʼòmar֙ ʼel־haֽẖarĕtumi̇֔ym wĕʼé֥yn magi֖̇yd liֽy׃

25
וַיֹּ֤אמֶר יֹוסֵף֙ אֶל־פַּרְעֹ֔ה חֲלֹ֥ום פַּרְעֹ֖ה אֶחָ֣ד ה֑וּא אֵ֣ת אֲשֶׁ֧ר הָאֱלֹהִ֛ים עֹשֶׂ֖ה הִגִּ֥יד לְפַרְעֹֽה׃

wayò֤̇ʼmer yòwsép֙ ʼel־pȧrĕʻò֔h ẖàlò֥wm pȧrĕʻò֖h ʼeẖá֣d h֑ẇʼ ʼé֣ţ ʼàşě֧r háʼèlòhi֛ym ʻòşê֖h higi֥̇yd lĕparĕʻòֽh׃

26
שֶׁ֧בַע פָּרֹ֣ת הַטֹּבֹ֗ת שֶׁ֤בַע שָׁנִים֙ הֵ֔נָּה וְשֶׁ֤בַע הַֽשִּׁבֳּלִים֙ הַטֹּבֹ֔ת שֶׁ֥בַע שָׁנִ֖ים הֵ֑נָּה חֲלֹ֖ום אֶחָ֥ד הֽוּא׃

şě֧baʻ pá̇rò֣ţ hatò̇bò֗ţ şě֤baʻ şá̌niym֙ hé֔ná̇h wĕşě֤baʻ haֽşi̇̌bȯliym֙ hatò̇bò֔ţ şě֥baʻ şá̌ni֖ym hé֑ná̇h ẖàlò֖wm ʼeẖá֥d hֽẇʼ׃

27
וְשֶׁ֣בַע הַ֠פָּרֹות הָֽרַקֹּ֨ות וְהָרָעֹ֜ת הָעֹלֹ֣ת אַחֲרֵיהֶ֗ן שֶׁ֤בַע שָׁנִים֙ הֵ֔נָּה וְשֶׁ֤בַע הַֽשִׁבֳּלִים֙ הָרֵקֹ֔ות שְׁדֻפֹ֖ות הַקָּדִ֑ים יִהְי֕וּ שֶׁ֖בַע שְׁנֵ֥י רָעָֽב׃

wĕşě֣baʻ ha֠pá̇ròwţ háֽraqò̇֨wţ wĕháráʻò֜ţ háʻòlò֣ţ ʼaẖàréyhe֗n şě֤baʻ şá̌niym֙ hé֔ná̇h wĕşě֤baʻ haֽşǐbȯliym֙ háréqò֔wţ şĕ̌dupò֖wţ haqá̇di֑ym yihĕy֕ẇ şě֖baʻ şĕ̌né֥y ráʻáֽb׃

28
ה֣וּא הַדָּבָ֔ר אֲשֶׁ֥ר דִּבַּ֖רְתִּי אֶל־פַּרְעֹ֑ה אֲשֶׁ֧ר הָאֱלֹהִ֛ים עֹשֶׂ֖ה הֶרְאָ֥ה אֶת־פַּרְעֹֽה׃

h֣ẇʼ hadá̇bá֔r ʼàşě֥r di̇bȧ֖rĕţi̇y ʼel־pȧrĕʻò֑h ʼàşě֧r háʼèlòhi֛ym ʻòşê֖h herĕʼá֥h ʼeţ־pȧrĕʻòֽh׃

29
הִנֵּ֛ה שֶׁ֥בַע שָׁנִ֖ים בָּאֹ֑ות שָׂבָ֥ע גָּדֹ֖ול בְּכָל־אֶ֥רֶץ מִצְרָֽיִם׃

hiné֛̇h şě֥baʻ şá̌ni֖ym bá̇ʼò֑wţ şá̂bá֥ʻ gá̇dò֖wl bĕ̇kál־ʼe֥reẕ miẕĕráֽyim׃

30
וְ֠קָמוּ שֶׁ֨בַע שְׁנֵ֤י רָעָב֙ אַחֲרֵיהֶ֔ן וְנִשְׁכַּ֥ח כָּל־הַשָּׂבָ֖ע בְּאֶ֣רֶץ מִצְרָ֑יִם וְכִלָּ֥ה הָרָעָ֖ב אֶת־הָאָֽרֶץ׃

wĕ֠qámẇ şě֨baʻ şĕ̌né֤y ráʻáb֙ ʼaẖàréyhe֔n wĕnişĕ̌kȧ֥ẖ ká̇l־haşá̇̂bá֖ʻ bĕ̇ʼe֣reẕ miẕĕrá֑yim wĕkilá֥̇h háráʻá֖b ʼeţ־háʼáֽreẕ׃

31
וְלֹֽא־יִוָּדַ֤ע הַשָּׂבָע֙ בָּאָ֔רֶץ מִפְּנֵ֛י הָרָעָ֥ב הַה֖וּא אַחֲרֵי־כֵ֑ן כִּֽי־כָבֵ֥ד ה֖וּא מְאֹֽד׃

wĕlòֽʼ־yiwá̇da֤ʻ haşá̇̂báʻ֙ bá̇ʼá֔reẕ mipĕ̇né֛y háráʻá֥b hah֖ẇʼ ʼaẖàréy־ké֑n kiֽ̇y־kábé֥d h֖ẇʼ mĕʼòֽd׃

32
וְעַ֨ל הִשָּׁנֹ֧ות הַחֲלֹ֛ום אֶל־פַּרְעֹ֖ה פַּעֲמָ֑יִם כִּֽי־נָכֹ֤ון הַדָּבָר֙ מֵעִ֣ם הָאֱלֹהִ֔ים וּמְמַהֵ֥ר הָאֱלֹהִ֖ים לַעֲשֹׂתֹֽו׃

wĕʻa֨l hişá̇̌nò֧wţ haẖàlò֛wm ʼel־pȧrĕʻò֖h pȧʻàmá֑yim kiֽ̇y־nákò֤wn hadá̇bár֙ méʻi֣m háʼèlòhi֔ym ẇmĕmahé֥r háʼèlòhi֖ym laʻàşò̂ţòֽw׃

33
וְעַתָּה֙ יֵרֶ֣א פַרְעֹ֔ה אִ֖ישׁ נָבֹ֣ון וְחָכָ֑ם וִישִׁיתֵ֖הוּ עַל־אֶ֥רֶץ מִצְרָֽיִם׃

wĕʻaţá̇h֙ yére֣ʼ parĕʻò֔h ʼi֖yş̌ nábò֣wn wĕẖáká֑m wiyşǐyţé֖hẇ ʻal־ʼe֥reẕ miẕĕráֽyim׃

34
יַעֲשֶׂ֣ה פַרְעֹ֔ה וְיַפְקֵ֥ד פְּקִדִ֖ים עַל־הָאָ֑רֶץ וְחִמֵּשׁ֙ אֶת־אֶ֣רֶץ מִצְרַ֔יִם בְּשֶׁ֖בַע שְׁנֵ֥י הַשָּׂבָֽע׃

yaʻàşê֣h parĕʻò֔h wĕyapĕqé֥d pĕ̇qidi֖ym ʻal־háʼá֑reẕ wĕẖimé̇ş̌֙ ʼeţ־ʼe֣reẕ miẕĕra֔yim bĕ̇şě֖baʻ şĕ̌né֥y haşá̇̂báֽʻ׃

35
וְיִקְבְּצ֗וּ אֶת־כָּל־אֹ֨כֶל֙ הַשָּׁנִ֣ים הַטֹּבֹ֔ת הַבָּאֹ֖ת הָאֵ֑לֶּה וְיִצְבְּרוּ־בָ֞ר תַּ֧חַת יַד־פַּרְעֹ֛ה אֹ֥כֶל בֶּעָרִ֖ים וְשָׁמָֽרוּ׃

wĕyiqĕbĕ̇ẕ֗ẇ ʼeţ־ká̇l־ʼò֨kel֙ haşá̇̌ni֣ym hatò̇bò֔ţ habá̇ʼò֖ţ háʼé֑lėh wĕyiẕĕbĕ̇rẇ־bá֞r ţȧ֧ẖaţ yad־pȧrĕʻò֛h ʼò֥kel bėʻári֖ym wĕşá̌máֽrẇ׃

36
וְהָיָ֨ה הָאֹ֤כֶל לְפִקָּדֹון֙ לָאָ֔רֶץ לְשֶׁ֨בַע֙ שְׁנֵ֣י הָרָעָ֔ב אֲשֶׁ֥ר תִּהְיֶ֖יןָ בְּאֶ֣רֶץ מִצְרָ֑יִם וְלֹֽא־תִכָּרֵ֥ת הָאָ֖רֶץ בָּרָעָֽב׃

wĕháyá֨h háʼò֤kel lĕpiqá̇dòwn֙ láʼá֔reẕ lĕşě֨baʻ֙ şĕ̌né֣y háráʻá֔b ʼàşě֥r ţi̇hĕye֖yná bĕ̇ʼe֣reẕ miẕĕrá֑yim wĕlòֽʼ־ţiká̇ré֥ţ háʼá֖reẕ bá̇ráʻáֽb׃

37
וַיִּיטַ֥ב הַדָּבָ֖ר בְּעֵינֵ֣י פַרְעֹ֑ה וּבְעֵינֵ֖י כָּל־עֲבָדָֽיו׃

wayi̇yta֥b hadá̇bá֖r bĕ̇ʻéyné֣y parĕʻò֑h ẇbĕʻéyné֖y ká̇l־ʻàbádáֽyw׃

38
וַיֹּ֥אמֶר פַּרְעֹ֖ה אֶל־עֲבָדָ֑יו הֲנִמְצָ֣א כָזֶ֔ה אִ֕ישׁ אֲשֶׁ֛ר ר֥וּחַ אֱלֹהִ֖ים בֹּֽו׃

wayò֥̇ʼmer pȧrĕʻò֖h ʼel־ʻàbádá֑yw hànimĕẕá֣ʼ káze֔h ʼi֕yş̌ ʼàşě֛r r֥ẇẖa ʼèlòhi֖ym bòֽ̇w׃

39
וַיֹּ֤אמֶר פַּרְעֹה֙ אֶל־יֹוסֵ֔ף אַחֲרֵ֨י הֹודִ֧יעַ אֱלֹהִ֛ים אֹותְךָ֖ אֶת־כָּל־זֹ֑את אֵין־נָבֹ֥ון וְחָכָ֖ם כָּמֹֽוךָ׃

wayò֤̇ʼmer pȧrĕʻòh֙ ʼel־yòwsé֔p ʼaẖàré֨y hòwdi֧yʻa ʼèlòhi֛ym ʼòwţĕká֖ ʼeţ־ká̇l־zò֑ʼţ ʼéyn־nábò֥wn wĕẖáká֖m ká̇mòֽwká׃

40
אַתָּה֙ תִּהְיֶ֣ה עַל־בֵּיתִ֔י וְעַל־פִּ֖יךָ יִשַּׁ֣ק כָּל־עַמִּ֑י רַ֥ק הַכִּסֵּ֖א אֶגְדַּ֥ל מִמֶּֽךָּ׃

ʼaţá̇h֙ ţi̇hĕye֣h ʻal־bé̇yţi֔y wĕʻal־pi֖̇yká yişȧ֣̌q ká̇l־ʻami֑̇y ra֥q haki̇sé֖̇ʼ ʼegĕdȧ֥l mimėֽká̇׃

41
וַיֹּ֥אמֶר פַּרְעֹ֖ה אֶל־יֹוסֵ֑ף רְאֵה֙ נָתַ֣תִּי אֹֽתְךָ֔ עַ֖ל כָּל־אֶ֥רֶץ מִצְרָֽיִם׃

wayò֥̇ʼmer pȧrĕʻò֖h ʼel־yòwsé֑p rĕʼéh֙ náţa֣ţi̇y ʼòֽţĕká֔ ʻa֖l ká̇l־ʼe֥reẕ miẕĕráֽyim׃

42
וַיָּ֨סַר פַּרְעֹ֤ה אֶת־טַבַּעְתֹּו֙ מֵעַ֣ל יָדֹ֔ו וַיִּתֵּ֥ן אֹתָ֖הּ עַל־יַ֣ד יֹוסֵ֑ף וַיַּלְבֵּ֤שׁ אֹתֹו֙ בִּגְדֵי־שֵׁ֔שׁ וַיָּ֛שֶׂם רְבִ֥ד הַזָּהָ֖ב עַל־צַוָּארֹֽו׃

wayá̇֨sar pȧrĕʻò֤h ʼeţ־tabȧʻĕţò̇w֙ méʻa֣l yádò֔w wayi̇ţé֥̇n ʼòţá֖ḣ ʻal־ya֣d yòwsé֑p wayȧlĕbé֤̇ş̌ ʼòţòw֙ bi̇gĕdéy־şé̌֔ş̌ wayá֛̇şêm rĕbi֥d hazá̇há֖b ʻal־ẕawá̇ʼròֽw׃

43
וַיַּרְכֵּ֣ב אֹתֹ֗ו בְּמִרְכֶּ֤בֶת הַמִּשְׁנֶה֙ אֲשֶׁר־לֹ֔ו וַיִּקְרְא֥וּ לְפָנָ֖יו אַבְרֵ֑ךְ וְנָתֹ֣ון אֹתֹ֔ו עַ֖ל כָּל־אֶ֥רֶץ מִצְרָֽיִם׃

wayȧrĕké֣̇b ʼòţò֗w bĕ̇mirĕkė֤beţ hami̇şĕ̌neh֙ ʼàşěr־lò֔w wayi̇qĕrĕʼ֥ẇ lĕpáná֖yw ʼabĕré֑kĕ wĕnáţò֣wn ʼòţò֔w ʻa֖l ká̇l־ʼe֥reẕ miẕĕráֽyim׃

44
וַיֹּ֧אמֶר פַּרְעֹ֛ה אֶל־יֹוסֵ֖ף אֲנִ֣י פַרְעֹ֑ה וּבִלְעָדֶ֗יךָ לֹֽא־יָרִ֨ים אִ֧ישׁ אֶת־יָדֹ֛ו וְאֶת־רַגְלֹ֖ו בְּכָל־אֶ֥רֶץ מִצְרָֽיִם׃

wayò֧̇ʼmer pȧrĕʻò֛h ʼel־yòwsé֖p ʼàni֣y parĕʻò֑h ẇbilĕʻáde֗yká lòֽʼ־yári֨ym ʼi֧yş̌ ʼeţ־yádò֛w wĕʼeţ־ragĕlò֖w bĕ̇kál־ʼe֥reẕ miẕĕráֽyim׃

45
וַיִּקְרָ֨א פַרְעֹ֣ה שֵׁם־יֹוסֵף֮ צָֽפְנַ֣ת פַּעְנֵחַ֒ וַיִּתֶּן־לֹ֣ו אֶת־אָֽסְנַ֗ת בַּת־פֹּ֥וטִי פֶ֛רַע כֹּהֵ֥ן אֹ֖ן לְאִשָּׁ֑ה וַיֵּצֵ֥א יֹוסֵ֖ף עַל־אֶ֥רֶץ מִצְרָֽיִם׃

wayi̇qĕrá֨ʼ parĕʻò֣h şé̌m־yòwsép֮ ẕáֽpĕna֣ţ pȧʻĕnéẖa֒ wayi̇ţėn־lò֣w ʼeţ־ʼáֽsĕna֗ţ bȧţ־pò֥̇wtiy pe֛raʻ kò̇hé֥n ʼò֖n lĕʼişá֑̇̌h wayé̇ẕé֥ʼ yòwsé֖p ʻal־ʼe֥reẕ miẕĕráֽyim׃

46
וְיֹוסֵף֙ בֶּן־שְׁלֹשִׁ֣ים שָׁנָ֔ה בְּעָמְדֹ֕ו לִפְנֵ֖י פַּרְעֹ֣ה מֶֽלֶךְ־מִצְרָ֑יִם וַיֵּצֵ֤א יֹוסֵף֙ מִלִּפְנֵ֣י פַרְעֹ֔ה וַֽיַּעְבֹ֖ר בְּכָל־אֶ֥רֶץ מִצְרָֽיִם׃

wĕyòwsép֙ bėn־şĕ̌lòşǐ֣ym şá̌ná֔h bĕ̇ʻámĕdò֕w lipĕné֖y pȧrĕʻò֣h meֽlekĕ־miẕĕrá֑yim wayé̇ẕé֤ʼ yòwsép֙ mili̇pĕné֣y parĕʻò֔h waֽyȧʻĕbò֖r bĕ̇kál־ʼe֥reẕ miẕĕráֽyim׃

47
וַתַּ֣עַשׂ הָאָ֔רֶץ בְּשֶׁ֖בַע שְׁנֵ֣י הַשָּׂבָ֑ע לִקְמָצִֽים׃

waţȧ֣ʻaş̂ háʼá֔reẕ bĕ̇şě֖baʻ şĕ̌né֣y haşá̇̂bá֑ʻ liqĕmáẕiֽym׃

48
וַיִּקְבֹּ֞ץ אֶת־כָּל־אֹ֣כֶל׀ שֶׁ֣בַע שָׁנִ֗ים אֲשֶׁ֤ר הָיוּ֙ בְּאֶ֣רֶץ מִצְרַ֔יִם וַיִּתֶּן־אֹ֖כֶל בֶּעָרִ֑ים אֹ֧כֶל שְׂדֵה־הָעִ֛יר אֲשֶׁ֥ר סְבִיבֹתֶ֖יהָ נָתַ֥ן בְּתֹוכָֽהּ׃

wayi̇qĕbò̇֞ẕ ʼeţ־ká̇l־ʼò֣kel׀ şě֣baʻ şá̌ni֗ym ʼàşě֤r háyẇ֙ bĕ̇ʼe֣reẕ miẕĕra֔yim wayi̇ţėn־ʼò֖kel bėʻári֑ym ʼò֧kel şĕ̂déh־háʻi֛yr ʼàşě֥r sĕbiybòţe֖yhá náţa֥n bĕ̇ţòwkáֽḣ׃

49
וַיִּצְבֹּ֨ר יֹוסֵ֥ף בָּ֛ר כְּחֹ֥ול הַיָּ֖ם הַרְבֵּ֣ה מְאֹ֑ד עַ֛ד כִּי־חָדַ֥ל לִסְפֹּ֖ר כִּי־אֵ֥ין מִסְפָּֽר׃

wayi̇ẕĕbò̇֨r yòwsé֥p bá֛̇r kĕ̇ẖò֥wl hayá֖̇m harĕbé֣̇h mĕʼò֑d ʻa֛d ki̇y־ẖáda֥l lisĕpò֖̇r ki̇y־ʼé֥yn misĕpáֽ̇r׃

50
וּלְיֹוסֵ֤ף יֻלַּד֙ שְׁנֵ֣י בָנִ֔ים בְּטֶ֥רֶם תָּבֹ֖וא שְׁנַ֣ת הָרָעָ֑ב אֲשֶׁ֤ר יָֽלְדָה־לֹּו֙ אָֽסְנַ֔ת בַּת־פֹּ֥וטִי פֶ֖רַע כֹּהֵ֥ן אֹֽון׃

ẇlĕyòwsé֤p yulȧd֙ şĕ̌né֣y báni֔ym bĕ̇te֥rem ţá̇bò֖wʼ şĕ̌na֣ţ háráʻá֑b ʼàşě֤r yáֽlĕdáh־lò̇w֙ ʼáֽsĕna֔ţ bȧţ־pò֥̇wtiy pe֖raʻ kò̇hé֥n ʼòֽwn׃

51
וַיִּקְרָ֥א יֹוסֵ֛ף אֶת־שֵׁ֥ם הַבְּכֹ֖ור מְנַשֶּׁ֑ה כִּֽי־נַשַּׁ֤נִי אֱלֹהִים֙ אֶת־כָּל־עֲמָלִ֔י וְאֵ֖ת כָּל־בֵּ֥ית אָבִֽי׃

wayi̇qĕrá֥ʼ yòwsé֛p ʼeţ־şé֥̌m habĕ̇kò֖wr mĕnaşė֑̌h kiֽ̇y־naşȧ֤̌niy ʼèlòhiym֙ ʼeţ־ká̇l־ʻàmáli֔y wĕʼé֖ţ ká̇l־bé֥̇yţ ʼábiֽy׃

52
וְאֵ֛ת שֵׁ֥ם הַשֵּׁנִ֖י קָרָ֣א אֶפְרָ֑יִם כִּֽי־הִפְרַ֥נִי אֱלֹהִ֖ים בְּאֶ֥רֶץ עָנְיִֽי׃

wĕʼé֛ţ şé֥̌m haşé̇̌ni֖y qárá֣ʼ ʼepĕrá֑yim kiֽ̇y־hipĕra֥niy ʼèlòhi֖ym bĕ̇ʼe֥reẕ ʻánĕyiֽy׃

53
וַתִּכְלֶ֕ינָה שֶׁ֖בַע שְׁנֵ֣י הַשָּׂבָ֑ע אֲשֶׁ֥ר הָיָ֖ה בְּאֶ֥רֶץ מִצְרָֽיִם׃

waţi̇kĕle֕ynáh şě֖baʻ şĕ̌né֣y haşá̇̂bá֑ʻ ʼàşě֥r háyá֖h bĕ̇ʼe֥reẕ miẕĕráֽyim׃

54
וַתְּחִלֶּ֜ינָה שֶׁ֣בַע שְׁנֵ֤י הָרָעָב֙ לָבֹ֔וא כַּאֲשֶׁ֖ר אָמַ֣ר יֹוסֵ֑ף וַיְהִ֤י רָעָב֙ בְּכָל־הָ֣אֲרָצֹ֔ות וּבְכָל־אֶ֥רֶץ מִצְרַ֖יִם הָ֥יָה לָֽחֶם׃

waţĕ̇ẖilė֜ynáh şě֣baʻ şĕ̌né֤y háráʻáb֙ lábò֔wʼ kȧʼàşě֖r ʼáma֣r yòwsé֑p wayĕhi֤y ráʻáb֙ bĕ̇kál־há֣ʼàráẕò֔wţ ẇbĕkál־ʼe֥reẕ miẕĕra֖yim há֥yáh láֽẖem׃

55
וַתִּרְעַב֙ כָּל־אֶ֣רֶץ מִצְרַ֔יִם וַיִּצְעַ֥ק הָעָ֛ם אֶל־פַּרְעֹ֖ה לַלָּ֑חֶם וַיֹּ֨אמֶר פַּרְעֹ֤ה לְכָל־מִצְרַ֨יִם֙ לְכ֣וּ אֶל־יֹוסֵ֔ף אֲשֶׁר־יֹאמַ֥ר לָכֶ֖ם תַּעֲשֽׂוּ׃

waţi̇rĕʻab֙ ká̇l־ʼe֣reẕ miẕĕra֔yim wayi̇ẕĕʻa֥q háʻá֛m ʼel־pȧrĕʻò֖h lalá֑̇ẖem wayò̇֨ʼmer pȧrĕʻò֤h lĕkál־miẕĕra֨yim֙ lĕk֣ẇ ʼel־yòwsé֔p ʼàşěr־yòʼma֥r láke֖m ţȧʻàşֽ̂ẇ׃

56
וְהָרָעָ֣ב הָיָ֔ה עַ֖ל כָּל־פְּנֵ֣י הָאָ֑רֶץ וַיִּפְתַּ֨ח יֹוסֵ֜ף אֶֽת־כָּל־אֲשֶׁ֤ר בָּהֶם֙ וַיִּשְׁבֹּ֣ר לְמִצְרַ֔יִם וַיֶּחֱזַ֥ק הָֽרָעָ֖ב בְּאֶ֥רֶץ מִצְרָֽיִם׃

wĕháráʻá֣b háyá֔h ʻa֖l ká̇l־pĕ̇né֣y háʼá֑reẕ wayi̇pĕţȧ֨ẖ yòwsé֜p ʼeֽţ־ká̇l־ʼàşě֤r bá̇hem֙ wayi̇şĕ̌bò֣̇r lĕmiẕĕra֔yim wayėẖèza֥q háֽráʻá֖b bĕ̇ʼe֥reẕ miẕĕráֽyim׃

57
וְכָל־הָאָ֨רֶץ֙ בָּ֣אוּ מִצְרַ֔יְמָה לִשְׁבֹּ֖ר אֶל־יֹוסֵ֑ף כִּֽי־חָזַ֥ק הָרָעָ֖ב בְּכָל־הָאָֽרֶץ׃

wĕkál־háʼá֨reẕ֙ bá֣̇ʼẇ miẕĕra֔yĕmáh lişĕ̌bò֖̇r ʼel־yòwsé֑p kiֽ̇y־ẖáza֥q háráʻá֖b bĕ̇kál־háʼáֽreẕ׃