Bibles in ancient languages
Old translations
Modern translations

Biblia Hebraica Stuttgartensia Genèse 45:1

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְלֹֽא־יָכֹ֨ל יֹוסֵ֜ף לְהִתְאַפֵּ֗ק לְכֹ֤ל הַנִּצָּבִים֙ עָלָ֔יו וַיִּקְרָ֕א הֹוצִ֥יאוּ כָל־אִ֖ישׁ מֵעָלָ֑י וְלֹא־עָ֤מַד אִישׁ֙ אִתֹּ֔ו בְּהִתְוַדַּ֥ע יֹוסֵ֖ף אֶל־אֶחָֽיו׃

wĕlòֽʼ־yákò֨l yòwsé֜p lĕhiţĕʼapé̇֗q lĕkò֤l hani̇ẕá̇biym֙ ʻálá֔yw wayi̇qĕrá֕ʼ hòwẕi֥yʼẇ kál־ʼi֖yş̌ méʻálá֑y wĕlòʼ־ʻá֤mad ʼiyş̌֙ ʼiţò̇֔w bĕ̇hiţĕwadȧ֥ʻ yòwsé֖p ʼel־ʼeẖáֽyw׃

2
וַיִּתֵּ֥ן אֶת־קֹלֹ֖ו בִּבְכִ֑י וַיִּשְׁמְע֣וּ מִצְרַ֔יִם וַיִּשְׁמַ֖ע בֵּ֥ית פַּרְעֹֽה׃

wayi̇ţé֥̇n ʼeţ־qòlò֖w bi̇bĕki֑y wayi̇şĕ̌mĕʻ֣ẇ miẕĕra֔yim wayi̇şĕ̌ma֖ʻ bé֥̇yţ pȧrĕʻòֽh׃

3
וַיֹּ֨אמֶר יֹוסֵ֤ף אֶל־אֶחָיו֙ אֲנִ֣י יֹוסֵ֔ף הַעֹ֥וד אָבִ֖י חָ֑י וְלֹֽא־יָכְל֤וּ אֶחָיו֙ לַעֲנֹ֣ות אֹתֹ֔ו כִּ֥י נִבְהֲל֖וּ מִפָּנָֽיו׃

wayò̇֨ʼmer yòwsé֤p ʼel־ʼeẖáyw֙ ʼàni֣y yòwsé֔p haʻò֥wd ʼábi֖y ẖá֑y wĕlòֽʼ־yákĕl֤ẇ ʼeẖáyw֙ laʻànò֣wţ ʼòţò֔w ki֥̇y nibĕhàl֖ẇ mipá̇náֽyw׃

4
וַיֹּ֨אמֶר יֹוסֵ֧ף אֶל־אֶחָ֛יו גְּשׁוּ־נָ֥א אֵלַ֖י וַיִּגָּ֑שׁוּ וַיֹּ֗אמֶר אֲנִי֙ יֹוסֵ֣ף אֲחִיכֶ֔ם אֲשֶׁר־מְכַרְתֶּ֥ם אֹתִ֖י מִצְרָֽיְמָה׃

wayò̇֨ʼmer yòwsé֧p ʼel־ʼeẖá֛yw gĕ̇ş̌ẇ־ná֥ʼ ʼéla֖y wayi̇gá֑̇ş̌ẇ wayò̇֗ʼmer ʼàniy֙ yòwsé֣p ʼàẖiyke֔m ʼàşěr־mĕkarĕţė֥m ʼòţi֖y miẕĕráֽyĕmáh׃

5
וְעַתָּ֣ה׀ אַל־תֵּעָ֣צְב֗וּ וְאַל־יִ֨חַר֙ בְּעֵ֣ינֵיכֶ֔ם כִּֽי־מְכַרְתֶּ֥ם אֹתִ֖י הֵ֑נָּה כִּ֣י לְמִֽחְיָ֔ה שְׁלָחַ֥נִי אֱלֹהִ֖ים לִפְנֵיכֶֽם׃

wĕʻaţá֣̇h׀ ʼal־ţé̇ʻá֣ẕĕb֗ẇ wĕʼal־yi֨ẖar֙ bĕ̇ʻé֣ynéyke֔m kiֽ̇y־mĕkarĕţė֥m ʼòţi֖y hé֑ná̇h ki֣̇y lĕmiֽẖĕyá֔h şĕ̌láẖa֥niy ʼèlòhi֖ym lipĕnéykeֽm׃

6
כִּי־זֶ֛ה שְׁנָתַ֥יִם הָרָעָ֖ב בְּקֶ֣רֶב הָאָ֑רֶץ וְעֹוד֙ חָמֵ֣שׁ שָׁנִ֔ים אֲשֶׁ֥ר אֵין־חָרִ֖ישׁ וְקָצִּֽיר׃

ki̇y־ze֛h şĕ̌náţa֥yim háráʻá֖b bĕ̇qe֣reb háʼá֑reẕ wĕʻòwd֙ ẖámé֣ş̌ şá̌ni֔ym ʼàşě֥r ʼéyn־ẖári֖yş̌ wĕqáẕiֽ̇yr׃

7
וַיִּשְׁלָחֵ֤נִי אֱלֹהִים֙ לִפְנֵיכֶ֔ם לָשׂ֥וּם לָכֶ֛ם שְׁאֵרִ֖ית בָּאָ֑רֶץ וּלְהַחֲיֹ֣ות לָכֶ֔ם לִפְלֵיטָ֖ה גְּדֹלָֽה׃

wayi̇şĕ̌láẖé֤niy ʼèlòhiym֙ lipĕnéyke֔m láş֥̂ẇm láke֛m şĕ̌ʼéri֖yţ bá̇ʼá֑reẕ ẇlĕhaẖàyò֣wţ láke֔m lipĕléytá֖h gĕ̇dòláֽh׃

8
וְעַתָּ֗ה לֹֽא־אַתֶּ֞ם שְׁלַחְתֶּ֤ם אֹתִי֙ הֵ֔נָּה כִּ֖י הָאֱלֹהִ֑ים וַיְשִׂימֵ֨נִֽי לְאָ֜ב לְפַרְעֹ֗ה וּלְאָדֹון֙ לְכָל־בֵּיתֹ֔ו וּמֹשֵׁ֖ל בְּכָל־אֶ֥רֶץ מִצְרָֽיִם׃

wĕʻaţá̇֗h lòֽʼ־ʼaţė֞m şĕ̌laẖĕţė֤m ʼòţiy֙ hé֔ná̇h ki֖̇y háʼèlòhi֑ym wayĕşîymé֨niֽy lĕʼá֜b lĕparĕʻò֗h ẇlĕʼádòwn֙ lĕkál־bé̇yţò֔w ẇmòşé֖̌l bĕ̇kál־ʼe֥reẕ miẕĕráֽyim׃

9
מַהֲרוּ֮ וַעֲל֣וּ אֶל־אָבִי֒ וַאֲמַרְתֶּ֣ם אֵלָ֗יו כֹּ֤ה אָמַר֙ בִּנְךָ֣ יֹוסֵ֔ף שָׂמַ֧נִי אֱלֹהִ֛ים לְאָדֹ֖ון לְכָל־מִצְרָ֑יִם רְדָ֥ה אֵלַ֖י אַֽל־תַּעֲמֹֽד׃

mahàrẇ֮ waʻàl֣ẇ ʼel־ʼábiy֒ waʼàmarĕţė֣m ʼélá֗yw kò֤̇h ʼámar֙ bi̇nĕká֣ yòwsé֔p şá̂ma֧niy ʼèlòhi֛ym lĕʼádò֖wn lĕkál־miẕĕrá֑yim rĕdá֥h ʼéla֖y ʼaֽl־ţȧʻàmòֽd׃

10
וְיָשַׁבְתָּ֣ בְאֶֽרֶץ־גֹּ֗שֶׁן וְהָיִ֤יתָ קָרֹוב֙ אֵלַ֔י אַתָּ֕ה וּבָנֶ֖יךָ וּבְנֵ֣י בָנֶ֑יךָ וְצֹאנְךָ֥ וּבְקָרְךָ֖ וְכָל־אֲשֶׁר־לָֽךְ׃

wĕyáşǎbĕţá֣̇ bĕʼeֽreẕ־gò̇֗şěn wĕháyi֤yţá qáròwb֙ ʼéla֔y ʼaţá̇֕h ẇbáne֖yká ẇbĕné֣y báne֑yká wĕẕòʼnĕká֥ ẇbĕqárĕká֖ wĕkál־ʼàşěr־láֽkĕ׃

11
וְכִלְכַּלְתִּ֤י אֹֽתְךָ֙ שָׁ֔ם כִּי־עֹ֛וד חָמֵ֥שׁ שָׁנִ֖ים רָעָ֑ב פֶּן־תִּוָּרֵ֛שׁ אַתָּ֥ה וּבֵֽיתְךָ֖ וְכָל־אֲשֶׁר־לָֽךְ׃

wĕkilĕkȧlĕţi֤̇y ʼòֽţĕká֙ şá̌֔m ki̇y־ʻò֛wd ẖámé֥ş̌ şá̌ni֖ym ráʻá֑b pėn־ţi̇wá̇ré֛ş̌ ʼaţá֥̇h ẇbéֽyţĕká֖ wĕkál־ʼàşěr־láֽkĕ׃

12
וְהִנֵּ֤ה עֵֽינֵיכֶם֙ רֹאֹ֔ות וְעֵינֵ֖י אָחִ֣י בִנְיָמִ֑ין כִּי־פִ֖י הַֽמְדַבֵּ֥ר אֲלֵיכֶֽם׃

wĕhiné֤̇h ʻéֽynéykem֙ ròʼò֔wţ wĕʻéyné֖y ʼáẖi֣y binĕyámi֑yn ki̇y־pi֖y haֽmĕdabé֥̇r ʼàléykeֽm׃

13
וְהִגַּדְתֶּ֣ם לְאָבִ֗י אֶת־כָּל־כְּבֹודִי֙ בְּמִצְרַ֔יִם וְאֵ֖ת כָּל־אֲשֶׁ֣ר רְאִיתֶ֑ם וּמִֽהַרְתֶּ֛ם וְהֹורַדְתֶּ֥ם אֶת־אָבִ֖י הֵֽנָּה׃

wĕhigȧdĕţė֣m lĕʼábi֗y ʼeţ־ká̇l־kĕ̇bòwdiy֙ bĕ̇miẕĕra֔yim wĕʼé֖ţ ká̇l־ʼàşě֣r rĕʼiyţe֑m ẇmiֽharĕţė֛m wĕhòwradĕţė֥m ʼeţ־ʼábi֖y héֽná̇h׃

14
וַיִּפֹּ֛ל עַל־צַוְּארֵ֥י בִנְיָמִֽן־אָחִ֖יו וַיֵּ֑בְךְּ וּבִנְיָמִ֔ן בָּכָ֖ה עַל־צַוָּארָֽיו׃

wayi̇pò֛̇l ʻal־ẕawĕ̇ʼré֥y binĕyámiֽn־ʼáẖi֖yw wayé֑̇bĕkĕ̇ ẇbinĕyámi֔n bá̇ká֖h ʻal־ẕawá̇ʼráֽyw׃

15
וַיְנַשֵּׁ֥ק לְכָל־אֶחָ֖יו וַיֵּ֣בְךְּ עֲלֵיהֶ֑ם וְאַ֣חֲרֵי כֵ֔ן דִּבְּר֥וּ אֶחָ֖יו אִתֹּֽו׃

wayĕnaşé֥̇̌q lĕkál־ʼeẖá֖yw wayé֣̇bĕkĕ̇ ʻàléyhe֑m wĕʼa֣ẖàréy ké֔n di̇bĕ̇r֥ẇ ʼeẖá֖yw ʼiţòֽ̇w׃

16
וְהַקֹּ֣ל נִשְׁמַ֗ע בֵּ֤ית פַּרְעֹה֙ לֵאמֹ֔ר בָּ֖אוּ אֲחֵ֣י יֹוסֵ֑ף וַיִּיטַב֙ בְּעֵינֵ֣י פַרְעֹ֔ה וּבְעֵינֵ֖י עֲבָדָֽיו׃

wĕhaqò֣̇l nişĕ̌ma֗ʻ bé֤̇yţ pȧrĕʻòh֙ léʼmò֔r bá֖̇ʼẇ ʼàẖé֣y yòwsé֑p wayi̇ytab֙ bĕ̇ʻéyné֣y parĕʻò֔h ẇbĕʻéyné֖y ʻàbádáֽyw׃

17
וַיֹּ֤אמֶר פַּרְעֹה֙ אֶל־יֹוסֵ֔ף אֱמֹ֥ר אֶל־אַחֶ֖יךָ זֹ֣את עֲשׂ֑וּ טַֽעֲנוּ֙ אֶת־בְּעִ֣ירְכֶ֔ם וּלְכוּ־בֹ֖אוּ אַ֥רְצָה כְּנָֽעַן׃

wayò֤̇ʼmer pȧrĕʻòh֙ ʼel־yòwsé֔p ʼèmò֥r ʼel־ʼaẖe֖yká zò֣ʼţ ʻàş֑̂ẇ taֽʻànẇ֙ ʼeţ־bĕ̇ʻi֣yrĕke֔m ẇlĕkẇ־bò֖ʼẇ ʼa֥rĕẕáh kĕ̇náֽʻan׃

18
וּקְח֧וּ אֶת־אֲבִיכֶ֛ם וְאֶת־בָּתֵּיכֶ֖ם וּבֹ֣אוּ אֵלָ֑י וְאֶתְּנָ֣ה לָכֶ֗ם אֶת־טוּב֙ אֶ֣רֶץ מִצְרַ֔יִם וְאִכְל֖וּ אֶת־חֵ֥לֶב הָאָֽרֶץ׃

ẇqĕẖ֧ẇ ʼeţ־ʼàbiyke֛m wĕʼeţ־bá̇ţé̇yke֖m ẇbò֣ʼẇ ʼélá֑y wĕʼeţĕ̇ná֣h láke֗m ʼeţ־tẇb֙ ʼe֣reẕ miẕĕra֔yim wĕʼikĕl֖ẇ ʼeţ־ẖé֥leb háʼáֽreẕ׃

19
וְאַתָּ֥ה צֻוֵּ֖יתָה זֹ֣את עֲשׂ֑וּ קְחוּ־לָכֶם֩ מֵאֶ֨רֶץ מִצְרַ֜יִם עֲגָלֹ֗ות לְטַפְּכֶם֙ וְלִנְשֵׁיכֶ֔ם וּנְשָׂאתֶ֥ם אֶת־אֲבִיכֶ֖ם וּבָאתֶֽם׃

wĕʼaţá֥̇h ẕuwé֖̇yţáh zò֣ʼţ ʻàş֑̂ẇ qĕẖẇ־lákem֩ méʼe֨reẕ miẕĕra֜yim ʻàgálò֗wţ lĕtapĕ̇kem֙ wĕlinĕşé̌yke֔m ẇnĕşá̂ʼţe֥m ʼeţ־ʼàbiyke֖m ẇbáʼţeֽm׃

20
וְעֵ֣ינְכֶ֔ם אַל־תָּחֹ֖ס עַל־כְּלֵיכֶ֑ם כִּי־ט֛וּב כָּל־אֶ֥רֶץ מִצְרַ֖יִם לָכֶ֥ם הֽוּא׃

wĕʻé֣ynĕke֔m ʼal־ţá̇ẖò֖s ʻal־kĕ̇léyke֑m ki̇y־t֛ẇb ká̇l־ʼe֥reẕ miẕĕra֖yim láke֥m hֽẇʼ׃

21
וַיַּֽעֲשׂוּ־כֵן֙ בְּנֵ֣י יִשְׂרָאֵ֔ל וַיִּתֵּ֨ן לָהֶ֥ם יֹוסֵ֛ף עֲגָלֹ֖ות עַל־פִּ֣י פַרְעֹ֑ה וַיִּתֵּ֥ן לָהֶ֛ם צֵדָ֖ה לַדָּֽרֶךְ׃

wayȧֽʻàş̂ẇ־kén֙ bĕ̇né֣y yişĕ̂ráʼé֔l wayi̇ţé̇֨n láhe֥m yòwsé֛p ʻàgálò֖wţ ʻal־pi֣̇y parĕʻò֑h wayi̇ţé֥̇n láhe֛m ẕédá֖h ladáֽ̇rekĕ׃

22
לְכֻלָּ֥ם נָתַ֛ן לָאִ֖ישׁ חֲלִפֹ֣ות שְׂמָלֹ֑ת וּלְבִנְיָמִ֤ן נָתַן֙ שְׁלֹ֣שׁ מֵאֹ֣ות כֶּ֔סֶף וְחָמֵ֖שׁ חֲלִפֹ֥ת שְׂמָלֹֽת׃

lĕkulá֥̇m náţa֛n láʼi֖yş̌ ẖàlipò֣wţ şĕ̂málò֑ţ ẇlĕbinĕyámi֤n náţan֙ şĕ̌lò֣ş̌ méʼò֣wţ kė֔sep wĕẖámé֖ş̌ ẖàlipò֥ţ şĕ̂málòֽţ׃

23
וּלְאָבִ֞יו שָׁלַ֤ח כְּזֹאת֙ עֲשָׂרָ֣ה חֲמֹרִ֔ים נֹשְׂאִ֖ים מִטּ֣וּב מִצְרָ֑יִם וְעֶ֣שֶׂר אֲתֹנֹ֡ת נֹֽ֠שְׂאֹת בָּ֣ר וָלֶ֧חֶם וּמָזֹ֛ון לְאָבִ֖יו לַדָּֽרֶךְ׃

ẇlĕʼábi֞yw şá̌la֤ẖ kĕ̇zòʼţ֙ ʻàşá̂rá֣h ẖàmòri֔ym nòşĕ̂ʼi֖ym miṫ֣ẇb miẕĕrá֑yim wĕʻe֣şêr ʼàţònò֡ţ nòֽ֠şĕ̂ʼòţ bá֣̇r wále֧ẖem ẇmázò֛wn lĕʼábi֖yw ladáֽ̇rekĕ׃

24
וַיְשַׁלַּ֥ח אֶת־אֶחָ֖יו וַיֵּלֵ֑כוּ וַיֹּ֣אמֶר אֲלֵהֶ֔ם אַֽל־תִּרְגְּז֖וּ בַּדָּֽרֶךְ׃

wayĕşǎlȧ֥ẖ ʼeţ־ʼeẖá֖yw wayé̇lé֑kẇ wayò֣̇ʼmer ʼàléhe֔m ʼaֽl־ţi̇rĕgĕ̇z֖ẇ bȧdáֽ̇rekĕ׃

25
וַֽיַּעֲל֖וּ מִמִּצְרָ֑יִם וַיָּבֹ֨אוּ֙ אֶ֣רֶץ כְּנַ֔עַן אֶֽל־יַעֲקֹ֖ב אֲבִיהֶֽם׃

waֽyȧʻàl֖ẇ mimi̇ẕĕrá֑yim wayá̇bò֨ʼẇ֙ ʼe֣reẕ kĕ̇na֔ʻan ʼeֽl־yaʻàqò֖b ʼàbiyheֽm׃

26
וַיַּגִּ֨דוּ לֹ֜ו לֵאמֹ֗ר עֹ֚וד יֹוסֵ֣ף חַ֔י וְכִֽי־ה֥וּא מֹשֵׁ֖ל בְּכָל־אֶ֣רֶץ מִצְרָ֑יִם וַיָּ֣פָג לִבֹּ֔ו כִּ֥י לֹא־הֶאֱמִ֖ין לָהֶֽם׃

wayȧgi̇֨dẇ lò֜w léʼmò֗r ʻò֚wd yòwsé֣p ẖa֔y wĕkiֽy־h֥ẇʼ mòşé֖̌l bĕ̇kál־ʼe֣reẕ miẕĕrá֑yim wayá֣̇pág libò̇֔w ki֥̇y lòʼ־heʼèmi֖yn láheֽm׃

27
וַיְדַבְּר֣וּ אֵלָ֗יו אֵ֣ת כָּל־דִּבְרֵ֤י יֹוסֵף֙ אֲשֶׁ֣ר דִּבֶּ֣ר אֲלֵהֶ֔ם וַיַּרְא֙ אֶת־הָ֣עֲגָלֹ֔ות אֲשֶׁר־שָׁלַ֥ח יֹוסֵ֖ף לָשֵׂ֣את אֹתֹ֑ו וַתְּחִ֕י ר֖וּחַ יַעֲקֹ֥ב אֲבִיהֶֽם׃

wayĕdabĕ̇r֣ẇ ʼélá֗yw ʼé֣ţ ká̇l־di̇bĕré֤y yòwsép֙ ʼàşě֣r di̇bė֣r ʼàléhe֔m wayȧrĕʼ֙ ʼeţ־há֣ʻàgálò֔wţ ʼàşěr־şá̌la֥ẖ yòwsé֖p láşé֣̂ʼţ ʼòţò֑w waţĕ̇ẖi֕y r֖ẇẖa yaʻàqò֥b ʼàbiyheֽm׃

28
וַיֹּ֨אמֶר֙ יִשְׂרָאֵ֔ל רַ֛ב עֹוד־יֹוסֵ֥ף בְּנִ֖י חָ֑י אֵֽלְכָ֥ה וְאֶרְאֶ֖נּוּ בְּטֶ֥רֶם אָמֽוּת׃

wayò̇֨ʼmer֙ yişĕ̂ráʼé֔l ra֛b ʻòwd־yòwsé֥p bĕ̇ni֖y ẖá֑y ʼéֽlĕká֥h wĕʼerĕʼe֖ṅẇ bĕ̇te֥rem ʼámֽẇţ׃