Bibles in ancient languages
Old translations
Modern translations

Biblia Hebraica Stuttgartensia Genèse 47:11

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיָּבֹ֣א יֹוסֵף֮ וַיַּגֵּ֣ד לְפַרְעֹה֒ וַיֹּ֗אמֶר אָבִ֨י וְאַחַ֜י וְצֹאנָ֤ם וּבְקָרָם֙ וְכָל־אֲשֶׁ֣ר לָהֶ֔ם בָּ֖אוּ מֵאֶ֣רֶץ כְּנָ֑עַן וְהִנָּ֖ם בְּאֶ֥רֶץ גֹּֽשֶׁן׃

wayá̇bò֣ʼ yòwsép֮ wayȧgé֣̇d lĕparĕʻòh֒ wayò̇֗ʼmer ʼábi֨y wĕʼaẖa֜y wĕẕòʼná֤m ẇbĕqárám֙ wĕkál־ʼàşě֣r láhe֔m bá֖̇ʼẇ méʼe֣reẕ kĕ̇ná֑ʻan wĕhiná֖̇m bĕ̇ʼe֥reẕ gòֽ̇şěn׃

2
וּמִקְצֵ֣ה אֶחָ֔יו לָקַ֖ח חֲמִשָּׁ֣ה אֲנָשִׁ֑ים וַיַּצִּגֵ֖ם לִפְנֵ֥י פַרְעֹֽה׃

ẇmiqĕẕé֣h ʼeẖá֔yw láqa֖ẖ ẖàmişá֣̇̌h ʼànáşǐ֑ym wayȧẕi̇gé֖m lipĕné֥y parĕʻòֽh׃

3
וַיֹּ֧אמֶר פַּרְעֹ֛ה אֶל־אֶחָ֖יו מַה־מַּעֲשֵׂיכֶ֑ם וַיֹּאמְר֣וּ אֶל־פַּרְעֹ֗ה רֹעֵ֥ה צֹאן֙ עֲבָדֶ֔יךָ גַּם־אֲנַ֖חְנוּ גַּם־אֲבֹותֵֽינוּ׃

wayò֧̇ʼmer pȧrĕʻò֛h ʼel־ʼeẖá֖yw mah־mȧʻàşé̂yke֑m wayò̇ʼmĕr֣ẇ ʼel־pȧrĕʻò֗h ròʻé֥h ẕòʼn֙ ʻàbáde֔yká gȧm־ʼàna֖ẖĕnẇ gȧm־ʼàbòwţéֽynẇ׃

4
וַיֹּאמְר֣וּ אֶל־פַּרְעֹ֗ה לָג֣וּר בָּאָרֶץ֮ בָּאנוּ֒ כִּי־אֵ֣ין מִרְעֶ֗ה לַצֹּאן֙ אֲשֶׁ֣ר לַעֲבָדֶ֔יךָ כִּֽי־כָבֵ֥ד הָרָעָ֖ב בְּאֶ֣רֶץ כְּנָ֑עַן וְעַתָּ֛ה יֵֽשְׁבוּ־נָ֥א עֲבָדֶ֖יךָ בְּאֶ֥רֶץ גֹּֽשֶׁן׃

wayò̇ʼmĕr֣ẇ ʼel־pȧrĕʻò֗h lág֣ẇr bá̇ʼáreẕ֮ bá̇ʼnẇ֒ ki̇y־ʼé֣yn mirĕʻe֗h laẕò̇ʼn֙ ʼàşě֣r laʻàbáde֔yká kiֽ̇y־kábé֥d háráʻá֖b bĕ̇ʼe֣reẕ kĕ̇ná֑ʻan wĕʻaţá֛̇h yéֽşĕ̌bẇ־ná֥ʼ ʻàbáde֖yká bĕ̇ʼe֥reẕ gòֽ̇şěn׃

5
וַיֹּ֣אמֶר פַּרְעֹ֔ה אֶל־יֹוסֵ֖ף לֵאמֹ֑ר אָבִ֥יךָ וְאַחֶ֖יךָ בָּ֥אוּ אֵלֶֽיךָ׃

wayò֣̇ʼmer pȧrĕʻò֔h ʼel־yòwsé֖p léʼmò֑r ʼábi֥yká wĕʼaẖe֖yká bá֥̇ʼẇ ʼéleֽyká׃

6
אֶ֤רֶץ מִצְרַ֨יִם֙ לְפָנֶ֣יךָ הִ֔וא בְּמֵיטַ֣ב הָאָ֔רֶץ הֹושֵׁ֥ב אֶת־אָבִ֖יךָ וְאֶת־אַחֶ֑יךָ יֵשְׁבוּ֙ בְּאֶ֣רֶץ גֹּ֔שֶׁן וְאִם־יָדַ֗עְתָּ וְיֶשׁ־בָּם֙ אַנְשֵׁי־חַ֔יִל וְשַׂמְתָּ֛ם שָׂרֵ֥י מִקְנֶ֖ה עַל־אֲשֶׁר־לִֽי׃

ʼe֤reẕ miẕĕra֨yim֙ lĕpáne֣yká hi֔wʼ bĕ̇méyta֣b háʼá֔reẕ hòwşé֥̌b ʼeţ־ʼábi֖yká wĕʼeţ־ʼaẖe֑yká yéşĕ̌bẇ֙ bĕ̇ʼe֣reẕ gò̇֔şěn wĕʼim־yáda֗ʻĕţá̇ wĕyeş̌־bá̇m֙ ʼanĕşé̌y־ẖa֔yil wĕşâmĕţá֛̇m şá̂ré֥y miqĕne֖h ʻal־ʼàşěr־liֽy׃

7
וַיָּבֵ֤א יֹוסֵף֙ אֶת־יַֽעֲקֹ֣ב אָבִ֔יו וַיַּֽעֲמִדֵ֖הוּ לִפְנֵ֣י פַרְעֹ֑ה וַיְבָ֥רֶךְ יַעֲקֹ֖ב אֶת־פַּרְעֹֽה׃

wayá̇bé֤ʼ yòwsép֙ ʼeţ־yaֽʻàqò֣b ʼábi֔yw wayȧֽʻàmidé֖hẇ lipĕné֣y parĕʻò֑h wayĕbá֥rekĕ yaʻàqò֖b ʼeţ־pȧrĕʻòֽh׃

8
וַיֹּ֥אמֶר פַּרְעֹ֖ה אֶֽל־יַעֲקֹ֑ב כַּמָּ֕ה יְמֵ֖י שְׁנֵ֥י חַיֶּֽיךָ׃

wayò֥̇ʼmer pȧrĕʻò֖h ʼeֽl־yaʻàqò֑b kȧmá̇֕h yĕmé֖y şĕ̌né֥y ẖayėֽyká׃

9
וַיֹּ֤אמֶר יַעֲקֹב֙ אֶל־פַּרְעֹ֔ה יְמֵי֙ שְׁנֵ֣י מְגוּרַ֔י שְׁלֹשִׁ֥ים וּמְאַ֖ת שָׁנָ֑ה מְעַ֣ט וְרָעִ֗ים הָיוּ֙ יְמֵי֙ שְׁנֵ֣י חַיַּ֔י וְלֹ֣א הִשִּׂ֗יגוּ אֶת־יְמֵי֙ שְׁנֵי֙ חַיֵּ֣י אֲבֹתַ֔י בִּימֵ֖י מְגוּרֵיהֶֽם׃

wayò֤̇ʼmer yaʻàqòb֙ ʼel־pȧrĕʻò֔h yĕméy֙ şĕ̌né֣y mĕgẇra֔y şĕ̌lòşǐ֥ym ẇmĕʼa֖ţ şá̌ná֑h mĕʻa֣t wĕráʻi֗ym háyẇ֙ yĕméy֙ şĕ̌né֣y ẖayȧ֔y wĕlò֣ʼ hişi̇̂֗ygẇ ʼeţ־yĕméy֙ şĕ̌néy֙ ẖayé֣̇y ʼàbòţa֔y bi̇ymé֖y mĕgẇréyheֽm׃

10
וַיְבָ֥רֶךְ יַעֲקֹ֖ב אֶת־פַּרְעֹ֑ה וַיֵּצֵ֖א מִלִּפְנֵ֥י פַרְעֹֽה׃

wayĕbá֥rekĕ yaʻàqò֖b ʼeţ־pȧrĕʻò֑h wayé̇ẕé֖ʼ mili̇pĕné֥y parĕʻòֽh׃

11
וַיֹּושֵׁ֣ב יֹוסֵף֮ אֶת־אָבִ֣יו וְאֶת־אֶחָיו֒ וַיִּתֵּ֨ן לָהֶ֤ם אֲחֻזָּה֙ בְּאֶ֣רֶץ מִצְרַ֔יִם בְּמֵיטַ֥ב הָאָ֖רֶץ בְּאֶ֣רֶץ רַעְמְסֵ֑ס כַּאֲשֶׁ֖ר צִוָּ֥ה פַרְעֹֽה׃

wayò̇wşé֣̌b yòwsép֮ ʼeţ־ʼábi֣yw wĕʼeţ־ʼeẖáyw֒ wayi̇ţé̇֨n láhe֤m ʼàẖuzá̇h֙ bĕ̇ʼe֣reẕ miẕĕra֔yim bĕ̇méyta֥b háʼá֖reẕ bĕ̇ʼe֣reẕ raʻĕmĕsé֑s kȧʼàşě֖r ẕiwá֥̇h parĕʻòֽh׃

12
וַיְכַלְכֵּ֤ל יֹוסֵף֙ אֶת־אָבִ֣יו וְאֶת־אֶחָ֔יו וְאֵ֖ת כָּל־בֵּ֣ית אָבִ֑יו לֶ֖חֶם לְפִ֥י הַטָּֽף׃

wayĕkalĕké֤̇l yòwsép֙ ʼeţ־ʼábi֣yw wĕʼeţ־ʼeẖá֔yw wĕʼé֖ţ ká̇l־bé֣̇yţ ʼábi֑yw le֖ẖem lĕpi֥y hatáֽ̇p׃

13
וְלֶ֤חֶם אֵין֙ בְּכָל־הָאָ֔רֶץ כִּֽי־כָבֵ֥ד הָרָעָ֖ב מְאֹ֑ד וַתֵּ֜לַהּ אֶ֤רֶץ מִצְרַ֨יִם֙ וְאֶ֣רֶץ כְּנַ֔עַן מִפְּנֵ֖י הָרָעָֽב׃

wĕle֤ẖem ʼéyn֙ bĕ̇kál־háʼá֔reẕ kiֽ̇y־kábé֥d háráʻá֖b mĕʼò֑d waţé̇֜laḣ ʼe֤reẕ miẕĕra֨yim֙ wĕʼe֣reẕ kĕ̇na֔ʻan mipĕ̇né֖y háráʻáֽb׃

14
וַיְלַקֵּ֣ט יֹוסֵ֗ף אֶת־כָּל־הַכֶּ֨סֶף֙ הַנִּמְצָ֤א בְאֶֽרֶץ־מִצְרַ֨יִם֙ וּבְאֶ֣רֶץ כְּנַ֔עַן בַּשֶּׁ֖בֶר אֲשֶׁר־הֵ֣ם שֹׁבְרִ֑ים וַיָּבֵ֥א יֹוסֵ֛ף אֶת־הַכֶּ֖סֶף בֵּ֥יתָה פַרְעֹֽה׃

wayĕlaqé֣̇t yòwsé֗p ʼeţ־ká̇l־hakė֨sep֙ hani̇mĕẕá֤ʼ bĕʼeֽreẕ־miẕĕra֨yim֙ ẇbĕʼe֣reẕ kĕ̇na֔ʻan bȧşė֖̌ber ʼàşěr־hé֣m şò̌bĕri֑ym wayá̇bé֥ʼ yòwsé֛p ʼeţ־hakė֖sep bé֥̇yţáh parĕʻòֽh׃

15
וַיִּתֹּ֣ם הַכֶּ֗סֶף מֵאֶ֣רֶץ מִצְרַיִם֮ וּמֵאֶ֣רֶץ כְּנַעַן֒ וַיָּבֹאוּ֩ כָל־מִצְרַ֨יִם אֶל־יֹוסֵ֤ף לֵאמֹר֙ הָֽבָה־לָּ֣נוּ לֶ֔חֶם וְלָ֥מָּה נָמ֖וּת נֶגְדֶּ֑ךָ כִּ֥י אָפֵ֖ס כָּֽסֶף׃

wayi̇ţò֣̇m hakė֗sep méʼe֣reẕ miẕĕrayim֮ ẇméʼe֣reẕ kĕ̇naʻan֒ wayá̇bòʼẇ֩ kál־miẕĕra֨yim ʼel־yòwsé֤p léʼmòr֙ háֽbáh־lá֣̇nẇ le֔ẖem wĕlá֥má̇h nám֖ẇţ negĕdė֑ká ki֥̇y ʼápé֖s káֽ̇sep׃

16
וַיֹּ֤אמֶר יֹוסֵף֙ הָב֣וּ מִקְנֵיכֶ֔ם וְאֶתְּנָ֥ה לָכֶ֖ם בְּמִקְנֵיכֶ֑ם אִם־אָפֵ֖ס כָּֽסֶף׃

wayò֤̇ʼmer yòwsép֙ háb֣ẇ miqĕnéyke֔m wĕʼeţĕ̇ná֥h láke֖m bĕ̇miqĕnéyke֑m ʼim־ʼápé֖s káֽ̇sep׃

17
וַיָּבִ֣יאוּ אֶת־מִקְנֵיהֶם֮ אֶל־יֹוסֵף֒ וַיִּתֵּ֣ן לָהֶם֩ יֹוסֵ֨ף לֶ֜חֶם בַּסּוּסִ֗ים וּבְמִקְנֵ֥ה הַצֹּ֛אן וּבְמִקְנֵ֥ה הַבָּקָ֖ר וּבַחֲמֹרִ֑ים וַיְנַהֲלֵ֤ם בַּלֶּ֨חֶם֙ בְּכָל־מִקְנֵהֶ֔ם בַּשָּׁנָ֖ה הַהִֽוא׃

wayá̇bi֣yʼẇ ʼeţ־miqĕnéyhem֮ ʼel־yòwsép֒ wayi̇ţé֣̇n láhem֩ yòwsé֨p le֜ẖem bȧṡẇsi֗ym ẇbĕmiqĕné֥h haẕò֛̇ʼn ẇbĕmiqĕné֥h habá̇qá֖r ẇbaẖàmòri֑ym wayĕnahàlé֤m bȧlė֨ẖem֙ bĕ̇kál־miqĕnéhe֔m bȧşá̇̌ná֖h hahiֽwʼ׃

18
וַתִּתֹּם֮ הַשָּׁנָ֣ה הַהִוא֒ וַיָּבֹ֨אוּ אֵלָ֜יו בַּשָּׁנָ֣ה הַשֵּׁנִ֗ית וַיֹּ֤אמְרוּ לֹו֙ לֹֽא־נְכַחֵ֣ד מֵֽאֲדֹנִ֔י כִּ֚י אִם־תַּ֣ם הַכֶּ֔סֶף וּמִקְנֵ֥ה הַבְּהֵמָ֖ה אֶל־אֲדֹנִ֑י לֹ֤א נִשְׁאַר֙ לִפְנֵ֣י אֲדֹנִ֔י בִּלְתִּ֥י אִם־גְּוִיָּתֵ֖נוּ וְאַדְמָתֵֽנוּ׃

waţi̇ţò̇m֮ haşá̇̌ná֣h hahiwʼ֒ wayá̇bò֨ʼẇ ʼélá֜yw bȧşá̇̌ná֣h haşé̇̌ni֗yţ wayò֤̇ʼmĕrẇ lòw֙ lòֽʼ־nĕkaẖé֣d méֽʼàdòni֔y ki֚̇y ʼim־ţȧ֣m hakė֔sep ẇmiqĕné֥h habĕ̇hémá֖h ʼel־ʼàdòni֑y lò֤ʼ nişĕ̌ʼar֙ lipĕné֣y ʼàdòni֔y bi̇lĕţi֥̇y ʼim־gĕ̇wiyá̇ţé֖nẇ wĕʼadĕmáţéֽnẇ׃

19
לָ֧מָּה נָמ֣וּת לְעֵינֶ֗יךָ גַּם־אֲנַ֨חְנוּ֙ גַּ֣ם אַדְמָתֵ֔נוּ קְנֵֽה־אֹתָ֥נוּ וְאֶת־אַדְמָתֵ֖נוּ בַּלָּ֑חֶם וְנִֽהְיֶ֞ה אֲנַ֤חְנוּ וְאַדְמָתֵ֨נוּ֙ עֲבָדִ֣ים לְפַרְעֹ֔ה וְתֶן־זֶ֗רַע וְנִֽחְיֶה֙ וְלֹ֣א נָמ֔וּת וְהָאֲדָמָ֖ה לֹ֥א תֵשָֽׁם׃

lá֧má̇h nám֣ẇţ lĕʻéyne֗yká gȧm־ʼàna֨ẖĕnẇ֙ gȧ֣m ʼadĕmáţé֔nẇ qĕnéֽh־ʼòţá֥nẇ wĕʼeţ־ʼadĕmáţé֖nẇ bȧlá֑̇ẖem wĕniֽhĕye֞h ʼàna֤ẖĕnẇ wĕʼadĕmáţé֨nẇ֙ ʻàbádi֣ym lĕparĕʻò֔h wĕţen־ze֗raʻ wĕniֽẖĕyeh֙ wĕlò֣ʼ nám֔ẇţ wĕháʼàdámá֖h lò֥ʼ ţéşáֽ̌m׃

20
וַיִּ֨קֶן יֹוסֵ֜ף אֶת־כָּל־אַדְמַ֤ת מִצְרַ֨יִם֙ לְפַרְעֹ֔ה כִּֽי־מָכְר֤וּ מִצְרַ֨יִם֙ אִ֣ישׁ שָׂדֵ֔הוּ כִּֽי־חָזַ֥ק עֲלֵהֶ֖ם הָרָעָ֑ב וַתְּהִ֥י הָאָ֖רֶץ לְפַרְעֹֽה׃

wayi̇֨qen yòwsé֜p ʼeţ־ká̇l־ʼadĕma֤ţ miẕĕra֨yim֙ lĕparĕʻò֔h kiֽ̇y־mákĕr֤ẇ miẕĕra֨yim֙ ʼi֣yş̌ şá̂dé֔hẇ kiֽ̇y־ẖáza֥q ʻàléhe֖m háráʻá֑b waţĕ̇hi֥y háʼá֖reẕ lĕparĕʻòֽh׃

21
וְאֶ֨ת־הָעָ֔ם הֶעֱבִ֥יר אֹתֹ֖ו לֶעָרִ֑ים מִקְצֵ֥ה גְבוּל־מִצְרַ֖יִם וְעַד־קָצֵֽהוּ׃

wĕʼe֨ţ־háʻá֔m heʻèbi֥yr ʼòţò֖w leʻári֑ym miqĕẕé֥h gĕbẇl־miẕĕra֖yim wĕʻad־qáẕéֽhẇ׃

22
רַ֛ק אַדְמַ֥ת הַכֹּהֲנִ֖ים לֹ֣א קָנָ֑ה כִּי֩ חֹ֨ק לַכֹּהֲנִ֜ים מֵאֵ֣ת פַּרְעֹ֗ה וְאָֽכְל֤וּ אֶת־חֻקָּם֙ אֲשֶׁ֨ר נָתַ֤ן לָהֶם֙ פַּרְעֹ֔ה עַל־כֵּ֕ן לֹ֥א מָכְר֖וּ אֶת־אַדְמָתָֽם׃

ra֛q ʼadĕma֥ţ hakò̇hàni֖ym lò֣ʼ qáná֑h ki̇y֩ ẖò֨q lakò̇hàni֜ym méʼé֣ţ pȧrĕʻò֗h wĕʼáֽkĕl֤ẇ ʼeţ־ẖuqá̇m֙ ʼàşě֨r náţa֤n láhem֙ pȧrĕʻò֔h ʻal־ké̇֕n lò֥ʼ mákĕr֖ẇ ʼeţ־ʼadĕmáţáֽm׃

23
וַיֹּ֤אמֶר יֹוסֵף֙ אֶל־הָעָ֔ם הֵן֩ קָנִ֨יתִי אֶתְכֶ֥ם הַיֹּ֛ום וְאֶת־אַדְמַתְכֶ֖ם לְפַרְעֹ֑ה הֵֽא־לָכֶ֣ם זֶ֔רַע וּזְרַעְתֶּ֖ם אֶת־הָאֲדָמָֽה׃

wayò֤̇ʼmer yòwsép֙ ʼel־háʻá֔m hén֩ qáni֨yţiy ʼeţĕke֥m hayò֛̇wm wĕʼeţ־ʼadĕmaţĕke֖m lĕparĕʻò֑h héֽʼ־láke֣m ze֔raʻ ẇzĕraʻĕţė֖m ʼeţ־háʼàdámáֽh׃

24
וְהָיָה֙ בַּתְּבוּאֹ֔ת וּנְתַתֶּ֥ם חֲמִישִׁ֖ית לְפַרְעֹ֑ה וְאַרְבַּ֣ע הַיָּדֹ֡ת יִהְיֶ֣ה לָכֶם֩ לְזֶ֨רַע הַשָּׂדֶ֧ה וּֽלְאָכְלְכֶ֛ם וְלַאֲשֶׁ֥ר בְּבָתֵּיכֶ֖ם וְלֶאֱכֹ֥ל לְטַפְּכֶֽם׃

wĕháyáh֙ bȧţĕ̇bẇʼò֔ţ ẇnĕţaţė֥m ẖàmiyşǐ֖yţ lĕparĕʻò֑h wĕʼarĕbȧ֣ʻ hayá̇dò֡ţ yihĕye֣h lákem֩ lĕze֨raʻ haşá̇̂de֧h ẇֽlĕʼákĕlĕke֛m wĕlaʼàşě֥r bĕ̇báţé̇yke֖m wĕleʼèkò֥l lĕtapĕ̇keֽm׃

25
וַיֹּאמְר֖וּ הֶחֱיִתָ֑נוּ נִמְצָא־חֵן֙ בְּעֵינֵ֣י אֲדֹנִ֔י וְהָיִ֥ינוּ עֲבָדִ֖ים לְפַרְעֹֽה׃

wayò̇ʼmĕr֖ẇ heẖèyiţá֑nẇ nimĕẕáʼ־ẖén֙ bĕ̇ʻéyné֣y ʼàdòni֔y wĕháyi֥ynẇ ʻàbádi֖ym lĕparĕʻòֽh׃

26
וַיָּ֣שֶׂם אֹתָ֣הּ יֹוסֵ֡ף לְחֹק֩ עַד־הַיֹּ֨ום הַזֶּ֜ה עַל־אַדְמַ֥ת מִצְרַ֛יִם לְפַרְעֹ֖ה לַחֹ֑מֶשׁ רַ֞ק אַדְמַ֤ת הַכֹּֽהֲנִים֙ לְבַדָּ֔ם לֹ֥א הָיְתָ֖ה לְפַרְעֹֽה׃

wayá֣̇şêm ʼòţá֣ḣ yòwsé֡p lĕẖòq֩ ʻad־hayò̇֨wm hazė֜h ʻal־ʼadĕma֥ţ miẕĕra֛yim lĕparĕʻò֖h laẖò֑meş̌ ra֞q ʼadĕma֤ţ hakòֽ̇hàniym֙ lĕbadá̇֔m lò֥ʼ háyĕţá֖h lĕparĕʻòֽh׃

27
וַיֵּ֧שֶׁב יִשְׂרָאֵ֛ל בְּאֶ֥רֶץ מִצְרַ֖יִם בְּאֶ֣רֶץ גֹּ֑שֶׁן וַיֵּאָחֲז֣וּ בָ֔הּ וַיִּפְר֥וּ וַיִּרְבּ֖וּ מְאֹֽד׃

wayé֧̇şěb yişĕ̂ráʼé֛l bĕ̇ʼe֥reẕ miẕĕra֖yim bĕ̇ʼe֣reẕ gò֑̇şěn wayé̇ʼáẖàz֣ẇ bá֔ḣ wayi̇pĕr֥ẇ wayi̇rĕḃ֖ẇ mĕʼòֽd׃

28
וַיְחִ֤י יַעֲקֹב֙ בְּאֶ֣רֶץ מִצְרַ֔יִם שְׁבַ֥ע עֶשְׂרֵ֖ה שָׁנָ֑ה וַיְהִ֤י יְמֵֽי־יַעֲקֹב֙ שְׁנֵ֣י חַיָּ֔יו שֶׁ֣בַע שָׁנִ֔ים וְאַרְבָּעִ֥ים וּמְאַ֖ת שָׁנָֽה׃

wayĕẖi֤y yaʻàqòb֙ bĕ̇ʼe֣reẕ miẕĕra֔yim şĕ̌ba֥ʻ ʻeşĕ̂ré֖h şá̌ná֑h wayĕhi֤y yĕméֽy־yaʻàqòb֙ şĕ̌né֣y ẖayá̇֔yw şě֣baʻ şá̌ni֔ym wĕʼarĕbá̇ʻi֥ym ẇmĕʼa֖ţ şá̌náֽh׃

29
וַיִּקְרְב֣וּ יְמֵֽי־יִשְׂרָאֵל֮ לָמוּת֒ וַיִּקְרָ֣א׀ לִבְנֹ֣ו לְיֹוסֵ֗ף וַיֹּ֤אמֶר לֹו֙ אִם־נָ֨א מָצָ֤אתִי חֵן֙ בְּעֵינֶ֔יךָ שִֽׂים־נָ֥א יָדְךָ֖ תַּ֣חַת יְרֵכִ֑י וְעָשִׂ֤יתָ עִמָּדִי֙ חֶ֣סֶד וֶאֱמֶ֔ת אַל־נָ֥א תִקְבְּרֵ֖נִי בְּמִצְרָֽיִם׃

wayi̇qĕrĕb֣ẇ yĕméֽy־yişĕ̂ráʼél֮ lámẇţ֒ wayi̇qĕrá֣ʼ׀ libĕnò֣w lĕyòwsé֗p wayò֤̇ʼmer lòw֙ ʼim־ná֨ʼ máẕá֤ʼţiy ẖén֙ bĕ̇ʻéyne֔yká şîֽym־ná֥ʼ yádĕká֖ ţȧ֣ẖaţ yĕréki֑y wĕʻáşî֤yţá ʻimá̇diy֙ ẖe֣sed weʼème֔ţ ʼal־ná֥ʼ ţiqĕbĕ̇ré֖niy bĕ̇miẕĕráֽyim׃

30
וְשָֽׁכַבְתִּי֙ עִם־אֲבֹתַ֔י וּנְשָׂאתַ֨נִי֙ מִמִּצְרַ֔יִם וּקְבַרְתַּ֖נִי בִּקְבֻרָתָ֑ם וַיֹּאמַ֕ר אָנֹכִ֖י אֶֽעֱשֶׂ֥ה כִדְבָרֶֽךָ׃

wĕşáֽ̌kabĕţi̇y֙ ʻim־ʼàbòţa֔y ẇnĕşá̂ʼţa֨niy֙ mimi̇ẕĕra֔yim ẇqĕbarĕţȧ֖niy bi̇qĕburáţá֑m wayò̇ʼma֕r ʼánòki֖y ʼeֽʻèşê֥h kidĕbáreֽká׃

31
וַיֹּ֗אמֶר הִשָּֽׁבְעָה֙ לִ֔י וַיִּשָּׁבַ֖ע לֹ֑ו וַיִּשְׁתַּ֥חוּ יִשְׂרָאֵ֖ל עַל־רֹ֥אשׁ הַמִּטָּֽה׃ פ

wayò̇֗ʼmer hişáֽ̇̌bĕʻáh֙ li֔y wayi̇şá̇̌ba֖ʻ lò֑w wayi̇şĕ̌ţȧ֥ẖẇ yişĕ̂ráʼé֖l ʻal־rò֥ʼş̌ hami̇táֽ̇h׃ p