Bibles in ancient languages
Old translations
Modern translations

Biblia Hebraica Stuttgartensia Genèse 48:5

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֗י אַחֲרֵי֙ הַדְּבָרִ֣ים הָאֵ֔לֶּה וַיֹּ֣אמֶר לְיֹוסֵ֔ף הִנֵּ֥ה אָבִ֖יךָ חֹלֶ֑ה וַיִּקַּ֞ח אֶת־שְׁנֵ֤י בָנָיו֙ עִמֹּ֔ו אֶת־מְנַשֶּׁ֖ה וְאֶת־אֶפְרָֽיִם׃

wayĕhi֗y ʼaẖàréy֙ hadĕ̇bári֣ym háʼé֔lėh wayò֣̇ʼmer lĕyòwsé֔p hiné֥̇h ʼábi֖yká ẖòle֑h wayi̇qȧ֞ẖ ʼeţ־şĕ̌né֤y bánáyw֙ ʻimò̇֔w ʼeţ־mĕnaşė֖̌h wĕʼeţ־ʼepĕráֽyim׃

2
וַיַּגֵּ֣ד לְיַעֲקֹ֔ב וַיֹּ֕אמֶר הִנֵּ֛ה בִּנְךָ֥ יֹוסֵ֖ף בָּ֣א אֵלֶ֑יךָ וַיִּתְחַזֵּק֙ יִשְׂרָאֵ֔ל וַיֵּ֖שֶׁב עַל־הַמִּטָּֽה׃

wayȧgé֣̇d lĕyaʻàqò֔b wayò̇֕ʼmer hiné֛̇h bi̇nĕká֥ yòwsé֖p bá֣̇ʼ ʼéle֑yká wayi̇ţĕẖazé̇q֙ yişĕ̂ráʼé֔l wayé֖̇şěb ʻal־hami̇táֽ̇h׃

3
וַיֹּ֤אמֶר יַעֲקֹב֙ אֶל־יֹוסֵ֔ף אֵ֥ל שַׁדַּ֛י נִרְאָֽה־אֵלַ֥י בְּל֖וּז בְּאֶ֣רֶץ כְּנָ֑עַן וַיְבָ֖רֶךְ אֹתִֽי׃

wayò֤̇ʼmer yaʻàqòb֙ ʼel־yòwsé֔p ʼé֥l şǎdȧ֛y nirĕʼáֽh־ʼéla֥y bĕ̇l֖ẇz bĕ̇ʼe֣reẕ kĕ̇ná֑ʻan wayĕbá֖rekĕ ʼòţiֽy׃

4
וַיֹּ֣אמֶר אֵלַ֗י הִנְנִ֤י מַפְרְךָ֙ וְהִרְבִּיתִ֔ךָ וּנְתַתִּ֖יךָ לִקְהַ֣ל עַמִּ֑ים וְנָ֨תַתִּ֜י אֶת־הָאָ֧רֶץ הַזֹּ֛את לְזַרְעֲךָ֥ אַחֲרֶ֖יךָ אֲחֻזַּ֥ת עֹולָֽם׃

wayò֣̇ʼmer ʼéla֗y hinĕni֤y mapĕrĕká֙ wĕhirĕbi̇yţi֔ká ẇnĕţaţi֖̇yká liqĕha֣l ʻami֑̇ym wĕná֨ţaţi̇֜y ʼeţ־háʼá֧reẕ hazò֛̇ʼţ lĕzarĕʻàká֥ ʼaẖàre֖yká ʼàẖuzȧ֥ţ ʻòwláֽm׃

5
וְעַתָּ֡ה שְׁנֵֽי־בָנֶיךָ֩ הַנֹּולָדִ֨ים לְךָ֜ בְּאֶ֣רֶץ מִצְרַ֗יִם עַד־בֹּאִ֥י אֵלֶ֛יךָ מִצְרַ֖יְמָה לִי־הֵ֑ם אֶפְרַ֨יִם֙ וּמְנַשֶּׁ֔ה כִּרְאוּבֵ֥ן וְשִׁמְעֹ֖ון יִֽהְיוּ־לִֽי׃

wĕʻaţá̇֡h şĕ̌néֽy־báneyká֩ hanò̇wládi֨ym lĕká֜ bĕ̇ʼe֣reẕ miẕĕra֗yim ʻad־bò̇ʼi֥y ʼéle֛yká miẕĕra֖yĕmáh liy־hé֑m ʼepĕra֨yim֙ ẇmĕnaşė̌֔h ki̇rĕʼẇbé֥n wĕşǐmĕʻò֖wn yiֽhĕyẇ־liֽy׃

6
וּמֹולַדְתְּךָ֛ אֲשֶׁר־הֹולַ֥דְתָּ אַחֲרֵיהֶ֖ם לְךָ֣ יִהְי֑וּ עַ֣ל שֵׁ֧ם אֲחֵיהֶ֛ם יִקָּרְא֖וּ בְּנַחֲלָתָֽם׃

ẇmòwladĕţĕ̇ká֛ ʼàşěr־hòwla֥dĕţá̇ ʼaẖàréyhe֖m lĕká֣ yihĕy֑ẇ ʻa֣l şé֧̌m ʼàẖéyhe֛m yiqá̇rĕʼ֖ẇ bĕ̇naẖàláţáֽm׃

7
וַאֲנִ֣י׀ בְּבֹאִ֣י מִפַּדָּ֗ן מֵ֩תָה֩ עָלַ֨י רָחֵ֜ל בְּאֶ֤רֶץ כְּנַ֨עַן֙ בַּדֶּ֔רֶךְ בְּעֹ֥וד כִּבְרַת־אֶ֖רֶץ לָבֹ֣א אֶפְרָ֑תָה וָאֶקְבְּרֶ֤הָ שָּׁם֙ בְּדֶ֣רֶךְ אֶפְרָ֔ת הִ֖וא בֵּ֥ית לָֽחֶם׃

waʼàni֣y׀ bĕ̇bòʼi֣y mipȧdá̇֗n mé֩ţáh֩ ʻála֨y ráẖé֜l bĕ̇ʼe֤reẕ kĕ̇na֨ʻan֙ bȧdė֔rekĕ bĕ̇ʻò֥wd ki̇bĕraţ־ʼe֖reẕ lábò֣ʼ ʼepĕrá֑ţáh wáʼeqĕbĕ̇re֤há şá̇̌m֙ bĕ̇de֣rekĕ ʼepĕrá֔ţ hi֖wʼ bé֥̇yţ láֽẖem׃

8
וַיַּ֥רְא יִשְׂרָאֵ֖ל אֶת־בְּנֵ֣י יֹוסֵ֑ף וַיֹּ֖אמֶר מִי־אֵֽלֶּה׃

wayȧ֥rĕʼ yişĕ̂ráʼé֖l ʼeţ־bĕ̇né֣y yòwsé֑p wayò֖̇ʼmer miy־ʼéֽlėh׃

9
וַיֹּ֤אמֶר יֹוסֵף֙ אֶל־אָבִ֔יו בָּנַ֣י הֵ֔ם אֲשֶׁר־נָֽתַן־לִ֥י אֱלֹהִ֖ים בָּזֶ֑ה וַיֹּאמַ֕ר קָֽחֶם־נָ֥א אֵלַ֖י וַאֲבָרֲכֵֽם׃

wayò֤̇ʼmer yòwsép֙ ʼel־ʼábi֔yw bá̇na֣y hé֔m ʼàşěr־náֽţan־li֥y ʼèlòhi֖ym bá̇ze֑h wayò̇ʼma֕r qáֽẖem־ná֥ʼ ʼéla֖y waʼàbáràkéֽm׃

10
וְעֵינֵ֤י יִשְׂרָאֵל֙ כָּבְד֣וּ מִזֹּ֔קֶן לֹ֥א יוּכַ֖ל לִרְאֹ֑ות וַיַּגֵּ֤שׁ אֹתָם֙ אֵלָ֔יו וַיִּשַּׁ֥ק לָהֶ֖ם וַיְחַבֵּ֥ק לָהֶֽם׃

wĕʻéyné֤y yişĕ̂ráʼél֙ ká̇bĕd֣ẇ mizò̇֔qen lò֥ʼ yẇka֖l lirĕʼò֑wţ wayȧgé֤̇ş̌ ʼòţám֙ ʼélá֔yw wayi̇şȧ֥̌q láhe֖m wayĕẖabé֥̇q láheֽm׃

11
וַיֹּ֤אמֶר יִשְׂרָאֵל֙ אֶל־יֹוסֵ֔ף רְאֹ֥ה פָנֶ֖יךָ לֹ֣א פִלָּ֑לְתִּי וְהִנֵּ֨ה הֶרְאָ֥ה אֹתִ֛י אֱלֹהִ֖ים גַּ֥ם אֶת־זַרְעֶֽךָ׃

wayò֤̇ʼmer yişĕ̂ráʼél֙ ʼel־yòwsé֔p rĕʼò֥h páne֖yká lò֣ʼ pilá֑̇lĕţi̇y wĕhiné̇֨h herĕʼá֥h ʼòţi֛y ʼèlòhi֖ym gȧ֥m ʼeţ־zarĕʻeֽká׃

12
וַיֹּוצֵ֥א יֹוסֵ֛ף אֹתָ֖ם מֵעִ֣ם בִּרְכָּ֑יו וַיִּשְׁתַּ֥חוּ לְאַפָּ֖יו אָֽרְצָה׃

wayò̇wẕé֥ʼ yòwsé֛p ʼòţá֖m méʻi֣m bi̇rĕká֑̇yw wayi̇şĕ̌ţȧ֥ẖẇ lĕʼapá֖̇yw ʼáֽrĕẕáh׃

13
וַיִּקַּ֣ח יֹוסֵף֮ אֶת־שְׁנֵיהֶם֒ אֶת־אֶפְרַ֤יִם בִּֽימִינֹו֙ מִשְּׂמֹ֣אל יִשְׂרָאֵ֔ל וְאֶת־מְנַשֶּׁ֥ה בִשְׂמֹאלֹ֖ו מִימִ֣ין יִשְׂרָאֵ֑ל וַיַּגֵּ֖שׁ אֵלָֽיו׃

wayi̇qȧ֣ẖ yòwsép֮ ʼeţ־şĕ̌néyhem֒ ʼeţ־ʼepĕra֤yim biֽ̇ymiynòw֙ mişĕ̇̂mò֣ʼl yişĕ̂ráʼé֔l wĕʼeţ־mĕnaşė֥̌h bişĕ̂mòʼlò֖w miymi֣yn yişĕ̂ráʼé֑l wayȧgé֖̇ş̌ ʼéláֽyw׃

14
וַיִּשְׁלַח֩ יִשְׂרָאֵ֨ל אֶת־יְמִינֹ֜ו וַיָּ֨שֶׁת עַל־רֹ֤אשׁ אֶפְרַ֨יִם֙ וְה֣וּא הַצָּעִ֔יר וְאֶת־שְׂמֹאלֹ֖ו עַל־רֹ֣אשׁ מְנַשֶּׁ֑ה שִׂכֵּל֙ אֶת־יָדָ֔יו כִּ֥י מְנַשֶּׁ֖ה הַבְּכֹֽור׃

wayi̇şĕ̌laẖ֩ yişĕ̂ráʼé֨l ʼeţ־yĕmiynò֜w wayá̇֨şěţ ʻal־rò֤ʼş̌ ʼepĕra֨yim֙ wĕh֣ẇʼ haẕá̇ʻi֔yr wĕʼeţ־şĕ̂mòʼlò֖w ʻal־rò֣ʼş̌ mĕnaşė֑̌h şîké̇l֙ ʼeţ־yádá֔yw ki֥̇y mĕnaşė֖̌h habĕ̇kòֽwr׃

15
וַיְבָ֥רֶךְ אֶת־יֹוסֵ֖ף וַיֹּאמַ֑ר הָֽאֱלֹהִ֡ים אֲשֶׁר֩ הִתְהַלְּכ֨וּ אֲבֹתַ֤י לְפָנָיו֙ אַבְרָהָ֣ם וְיִצְחָ֔ק הָֽאֱלֹהִים֙ הָרֹעֶ֣ה אֹתִ֔י מֵעֹודִ֖י עַד־הַיֹּ֥ום הַזֶּֽה׃

wayĕbá֥rekĕ ʼeţ־yòwsé֖p wayò̇ʼma֑r háֽʼèlòhi֡ym ʼàşěr֩ hiţĕhalĕ̇k֨ẇ ʼàbòţa֤y lĕpánáyw֙ ʼabĕráhá֣m wĕyiẕĕẖá֔q háֽʼèlòhiym֙ háròʻe֣h ʼòţi֔y méʻòwdi֖y ʻad־hayò֥̇wm hazėֽh׃

16
הַמַּלְאָךְ֩ הַגֹּאֵ֨ל אֹתִ֜י מִכָּל־רָ֗ע יְבָרֵךְ֮ אֶת־הַנְּעָרִים֒ וְיִקָּרֵ֤א בָהֶם֙ שְׁמִ֔י וְשֵׁ֥ם אֲבֹתַ֖י אַבְרָהָ֣ם וְיִצְחָ֑ק וְיִדְגּ֥וּ לָרֹ֖ב בְּקֶ֥רֶב הָאָֽרֶץ׃

hamȧlĕʼákĕ֩ hagò̇ʼé֨l ʼòţi֜y miká̇l־rá֗ʻ yĕbárékĕ֮ ʼeţ־hanĕ̇ʻáriym֒ wĕyiqá̇ré֤ʼ báhem֙ şĕ̌mi֔y wĕşé֥̌m ʼàbòţa֖y ʼabĕráhá֣m wĕyiẕĕẖá֑q wĕyidĕġ֥ẇ lárò֖b bĕ̇qe֥reb háʼáֽreẕ׃

17
וַיַּ֣רְא יֹוסֵ֗ף כִּי־יָשִׁ֨ית אָבִ֧יו יַד־יְמִינֹ֛ו עַל־רֹ֥אשׁ אֶפְרַ֖יִם וַיֵּ֣רַע בְּעֵינָ֑יו וַיִּתְמֹ֣ךְ יַד־אָבִ֗יו לְהָסִ֥יר אֹתָ֛הּ מֵעַ֥ל רֹאשׁ־אֶפְרַ֖יִם עַל־רֹ֥אשׁ מְנַשֶּֽׁה׃

wayȧ֣rĕʼ yòwsé֗p ki̇y־yáşǐ֨yţ ʼábi֧yw yad־yĕmiynò֛w ʻal־rò֥ʼş̌ ʼepĕra֖yim wayé֣̇raʻ bĕ̇ʻéyná֑yw wayi̇ţĕmò֣kĕ yad־ʼábi֗yw lĕhási֥yr ʼòţá֛ḣ méʻa֥l ròʼş̌־ʼepĕra֖yim ʻal־rò֥ʼş̌ mĕnaşėֽ̌h׃

18
וַיֹּ֧אמֶר יֹוסֵ֛ף אֶל־אָבִ֖יו לֹא־כֵ֣ן אָבִ֑י כִּי־זֶ֣ה הַבְּכֹ֔ר שִׂ֥ים יְמִינְךָ֖ עַל־רֹאשֹֽׁו׃

wayò֧̇ʼmer yòwsé֛p ʼel־ʼábi֖yw lòʼ־ké֣n ʼábi֑y ki̇y־ze֣h habĕ̇kò֔r şî֥ym yĕmiynĕká֖ ʻal־ròʼşòֽ̌w׃

19
וַיְמָאֵ֣ן אָבִ֗יו וַיֹּ֨אמֶר֙ יָדַ֤עְתִּֽי בְנִי֙ יָדַ֔עְתִּי גַּם־ה֥וּא יִהְיֶה־לְּעָ֖ם וְגַם־ה֣וּא יִגְדָּ֑ל וְאוּלָ֗ם אָחִ֤יו הַקָּטֹן֙ יִגְדַּ֣ל מִמֶּ֔נּוּ וְזַרְעֹ֖ו יִהְיֶ֥ה מְלֹֽא־הַגֹּויִֽם׃

wayĕmáʼé֣n ʼábi֗yw wayò̇֨ʼmer֙ yáda֤ʻĕţiֽ̇y bĕniy֙ yáda֔ʻĕţi̇y gȧm־h֥ẇʼ yihĕyeh־lĕ̇ʻá֖m wĕgam־h֣ẇʼ yigĕdá֑̇l wĕʼẇlá֗m ʼáẖi֤yw haqá̇tòn֙ yigĕdȧ֣l mimė֔ṅẇ wĕzarĕʻò֖w yihĕye֥h mĕlòֽʼ־hagò̇wyiֽm׃

20
וַיְבָ֨רֲכֵ֜ם בַּיֹּ֣ום הַהוּא֮ לֵאמֹור֒ בְּךָ֗ יְבָרֵ֤ךְ יִשְׂרָאֵל֙ לֵאמֹ֔ר יְשִֽׂמְךָ֣ אֱלֹהִ֔ים כְּאֶפְרַ֖יִם וְכִמְנַשֶּׁ֑ה וַיָּ֥שֶׂם אֶת־אֶפְרַ֖יִם לִפְנֵ֥י מְנַשֶּֽׁה׃

wayĕbá֨ràké֜m bȧyò֣̇wm hahẇʼ֮ léʼmòwr֒ bĕ̇ká֗ yĕbáré֤kĕ yişĕ̂ráʼél֙ léʼmò֔r yĕşîֽmĕká֣ ʼèlòhi֔ym kĕ̇ʼepĕra֖yim wĕkimĕnaşė֑̌h wayá֥̇şêm ʼeţ־ʼepĕra֖yim lipĕné֥y mĕnaşėֽ̌h׃

21
וַיֹּ֤אמֶר יִשְׂרָאֵל֙ אֶל־יֹוסֵ֔ף הִנֵּ֥ה אָנֹכִ֖י מֵ֑ת וְהָיָ֤ה אֱלֹהִים֙ עִמָּכֶ֔ם וְהֵשִׁ֣יב אֶתְכֶ֔ם אֶל־אֶ֖רֶץ אֲבֹתֵיכֶֽם׃

wayò֤̇ʼmer yişĕ̂ráʼél֙ ʼel־yòwsé֔p hiné֥̇h ʼánòki֖y mé֑ţ wĕháyá֤h ʼèlòhiym֙ ʻimá̇ke֔m wĕhéşǐ֣yb ʼeţĕke֔m ʼel־ʼe֖reẕ ʼàbòţéykeֽm׃

22
וַאֲנִ֞י נָתַ֧תִּֽי לְךָ֛ שְׁכֶ֥ם אַחַ֖ד עַל־אַחֶ֑יךָ אֲשֶׁ֤ר לָקַ֨חְתִּי֙ מִיַּ֣ד הָֽאֱמֹרִ֔י בְּחַרְבִּ֖י וּבְקַשְׁתִּֽי׃ פ

waʼàni֞y náţa֧ţiֽ̇y lĕká֛ şĕ̌ke֥m ʼaẖa֖d ʻal־ʼaẖe֑yká ʼàşě֤r láqa֨ẖĕţi̇y֙ miyȧ֣d háֽʼèmòri֔y bĕ̇ẖarĕbi֖̇y ẇbĕqaşĕ̌ţiֽ̇y׃ p