Bibles in ancient languages
Old translations
Modern translations

Biblia Hebraica Stuttgartensia Genèse 49:13

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיִּקְרָ֥א יַעֲקֹ֖ב אֶל־בָּנָ֑יו וַיֹּ֗אמֶר הֵאָֽסְפוּ֙ וְאַגִּ֣ידָה לָכֶ֔ם אֵ֛ת אֲשֶׁר־יִקְרָ֥א אֶתְכֶ֖ם בְּאַחֲרִ֥ית הַיָּמִֽים׃

wayi̇qĕrá֥ʼ yaʻàqò֖b ʼel־bá̇ná֑yw wayò̇֗ʼmer héʼáֽsĕpẇ֙ wĕʼagi֣̇ydáh láke֔m ʼé֛ţ ʼàşěr־yiqĕrá֥ʼ ʼeţĕke֖m bĕ̇ʼaẖàri֥yţ hayá̇miֽym׃

2
הִקָּבְצ֥וּ וְשִׁמְע֖וּ בְּנֵ֣י יַעֲקֹ֑ב וְשִׁמְע֖וּ אֶל־יִשְׂרָאֵ֥ל אֲבִיכֶֽם׃

hiqá̇bĕẕ֥ẇ wĕşǐmĕʻ֖ẇ bĕ̇né֣y yaʻàqò֑b wĕşǐmĕʻ֖ẇ ʼel־yişĕ̂ráʼé֥l ʼàbiykeֽm׃

3
רְאוּבֵן֙ בְּכֹ֣רִי אַ֔תָּה כֹּחִ֖י וְרֵאשִׁ֣ית אֹונִ֑י יֶ֥תֶר שְׂאֵ֖ת וְיֶ֥תֶר עָֽז׃

rĕʼẇbén֙ bĕ̇kò֣riy ʼa֔ţá̇h kò̇ẖi֖y wĕréʼşǐ֣yţ ʼòwni֑y ye֥ţer şĕ̂ʼé֖ţ wĕye֥ţer ʻáֽz׃

4
פַּ֤חַז כַּמַּ֨יִם֙ אַל־תֹּותַ֔ר כִּ֥י עָלִ֖יתָ מִשְׁכְּבֵ֣י אָבִ֑יךָ אָ֥ז חִלַּ֖לְתָּ יְצוּעִ֥י עָלָֽה׃ פ

pȧ֤ẖaz kȧmȧ֨yim֙ ʼal־ţò̇wţa֔r ki֥̇y ʻáli֖yţá mişĕ̌kĕ̇bé֣y ʼábi֑yká ʼá֥z ẖilȧ֖lĕţá̇ yĕẕẇʻi֥y ʻáláֽh׃ p

5
שִׁמְעֹ֥ון וְלֵוִ֖י אַחִ֑ים כְּלֵ֥י חָמָ֖ס מְכֵרֹתֵיהֶֽם׃

şǐmĕʻò֥wn wĕléwi֖y ʼaẖi֑ym kĕ̇lé֥y ẖámá֖s mĕkéròţéyheֽm׃

6
בְּסֹדָם֙ אַל־תָּבֹ֣א נַפְשִׁ֔י בִּקְהָלָ֖ם אַל־תֵּחַ֣ד כְּבֹדִ֑י כִּ֤י בְאַפָּם֙ הָ֣רְגוּ אִ֔ישׁ וּבִרְצֹנָ֖ם עִקְּרוּ־שֹֽׁור׃

bĕ̇sòdám֙ ʼal־ţá̇bò֣ʼ napĕşǐ֔y bi̇qĕhálá֖m ʼal־ţé̇ẖa֣d kĕ̇bòdi֑y ki֤̇y bĕʼapá̇m֙ há֣rĕgẇ ʼi֔yş̌ ẇbirĕẕòná֖m ʻiqĕ̇rẇ־şòֽ̌wr׃

7
אָר֤וּר אַפָּם֙ כִּ֣י עָ֔ז וְעֶבְרָתָ֖ם כִּ֣י קָשָׁ֑תָה אֲחַלְּקֵ֣ם בְּיַעֲקֹ֔ב וַאֲפִיצֵ֖ם בְּיִשְׂרָאֵֽל׃ ס

ʼár֤ẇr ʼapá̇m֙ ki֣̇y ʻá֔z wĕʻebĕráţá֖m ki֣̇y qáşá֑̌ţáh ʼàẖalĕ̇qé֣m bĕ̇yaʻàqò֔b waʼàpiyẕé֖m bĕ̇yişĕ̂ráʼéֽl׃ s

8
יְהוּדָ֗ה אַתָּה֙ יֹוד֣וּךָ אַחֶ֔יךָ יָדְךָ֖ בְּעֹ֣רֶף אֹיְבֶ֑יךָ יִשְׁתַּחֲוּ֥וּ לְךָ֖ בְּנֵ֥י אָבִֽיךָ׃

yĕhẇdá֗h ʼaţá̇h֙ yòwd֣ẇká ʼaẖe֔yká yádĕká֖ bĕ̇ʻò֣rep ʼòyĕbe֑yká yişĕ̌ţȧẖàẇ֥ẇ lĕká֖ bĕ̇né֥y ʼábiֽyká׃

9
גּ֤וּר אַרְיֵה֙ יְהוּדָ֔ה מִטֶּ֖רֶף בְּנִ֣י עָלִ֑יתָ כָּרַ֨ע רָבַ֧ץ כְּאַרְיֵ֛ה וּכְלָבִ֖יא מִ֥י יְקִימֶֽנּוּ׃

ġ֤ẇr ʼarĕyéh֙ yĕhẇdá֔h mitė֖rep bĕ̇ni֣y ʻáli֑yţá ká̇ra֨ʻ rába֧ẕ kĕ̇ʼarĕyé֛h ẇkĕlábi֖yʼ mi֥y yĕqiymeֽṅẇ׃

10
לֹֽא־יָס֥וּר שֵׁ֨בֶט֙ מִֽיהוּדָ֔ה וּמְחֹקֵ֖ק מִבֵּ֣ין רַגְלָ֑יו עַ֚ד כִּֽי־יָבֹ֣א שִׁילֹה וְלֹ֖ו יִקְּהַ֥ת עַמִּֽים׃

lòֽʼ־yás֥ẇr şé̌֨bet֙ miֽyhẇdá֔h ẇmĕẖòqé֖q mibé֣̇yn ragĕlá֑yw ʻa֚d kiֽ̇y־yábò֣ʼ şǐylòh wĕlò֖w yiqĕ̇ha֥ţ ʻamiֽ̇ym׃

11
אֹסְרִ֤י לַגֶּ֨פֶן֙ עִירֹה וְלַשֹּׂרֵקָ֖ה בְּנִ֣י אֲתֹנֹ֑ו כִּבֵּ֤ס בַּיַּ֨יִן֙ לְבֻשֹׁ֔ו וּבְדַם־עֲנָבִ֖ים סוּתֹה

ʼòsĕri֤y lagė֨pen֙ ʻiyròh wĕlaşò̇̂réqá֖h bĕ̇ni֣y ʼàţònò֑w ki̇bé֤̇s bȧyȧ֨yin֙ lĕbuşò̌֔w ẇbĕdam־ʻànábi֖ym sẇţòh

12
חַכְלִילִ֥י עֵינַ֖יִם מִיָּ֑יִן וּלְבֶן־שִׁנַּ֖יִם מֵחָלָֽב׃ פ

ẖakĕliyli֥y ʻéyna֖yim miyá֑̇yin ẇlĕben־şǐnȧ֖yim méẖáláֽb׃ p

13
זְבוּלֻ֕ן לְחֹ֥וף יַמִּ֖ים יִשְׁכֹּ֑ן וְהוּא֙ לְחֹ֣וף אֳנִיֹּ֔ות וְיַרְכָתֹ֖ו עַל־צִידֹֽן׃ ס

zĕbẇlu֕n lĕẖò֥wp yami֖̇ym yişĕ̌kò֑̇n wĕhẇʼ֙ lĕẖò֣wp ʼoniyò̇֔wţ wĕyarĕkáţò֖w ʻal־ẕiydòֽn׃ s

14
יִשָּׂשכָ֖ר חֲמֹ֣ר גָּ֑רֶם רֹבֵ֖ץ בֵּ֥ין הַֽמִּשְׁפְּתָֽיִם׃

yişá̇̂şká֖r ẖàmò֣r gá֑̇rem ròbé֖ẕ bé֥̇yn haֽmi̇şĕ̌pĕ̇ţáֽyim׃

15
וַיַּ֤רְא מְנֻחָה֙ כִּ֣י טֹ֔וב וְאֶת־הָאָ֖רֶץ כִּ֣י נָעֵ֑מָה וַיֵּ֤ט שִׁכְמֹו֙ לִסְבֹּ֔ל וַיְהִ֖י לְמַס־עֹבֵֽד׃ ס

wayȧ֤rĕʼ mĕnuẖáh֙ ki֣̇y tò֔wb wĕʼeţ־háʼá֖reẕ ki֣̇y náʻé֑máh wayé֤̇t şǐkĕmòw֙ lisĕbò̇֔l wayĕhi֖y lĕmas־ʻòbéֽd׃ s

16
דָּ֖ן יָדִ֣ין עַמֹּ֑ו כְּאַחַ֖ד שִׁבְטֵ֥י יִשְׂרָאֵֽל׃

dá֖̇n yádi֣yn ʻamò֑̇w kĕ̇ʼaẖa֖d şǐbĕté֥y yişĕ̂ráʼéֽl׃

17
יְהִי־דָן֙ נָחָ֣שׁ עֲלֵי־דֶ֔רֶךְ שְׁפִיפֹ֖ן עֲלֵי־אֹ֑רַח הַנֹּשֵׁךְ֙ עִקְּבֵי־ס֔וּס וַיִּפֹּ֥ל רֹכְבֹ֖ו אָחֹֽור׃

yĕhiy־dán֙ náẖá֣ş̌ ʻàléy־de֔rekĕ şĕ̌piypò֖n ʻàléy־ʼò֑raẖ hanò̇şé̌kĕ֙ ʻiqĕ̇béy־s֔ẇs wayi̇pò֥̇l ròkĕbò֖w ʼáẖòֽwr׃

18
לִֽישׁוּעָתְךָ֖ קִוִּ֥יתִי יְהוָֽה׃

liֽyş̌ẇʻáţĕká֖ qiwi֥̇yţiy yĕhwáֽh׃

19
גָּ֖ד גְּד֣וּד יְגוּדֶ֑נּוּ וְה֖וּא יָגֻ֥ד עָקֵֽב׃ ס

gá֖̇d gĕ̇d֣ẇd yĕgẇde֑ṅẇ wĕh֖ẇʼ yágu֥d ʻáqéֽb׃ s

20
מֵאָשֵׁ֖ר שְׁמֵנָ֣ה לַחְמֹ֑ו וְה֥וּא יִתֵּ֖ן מַֽעֲדַנֵּי־מֶֽלֶךְ׃ ס

méʼáşé֖̌r şĕ̌méná֣h laẖĕmò֑w wĕh֥ẇʼ yiţé֖̇n maֽʻàdané̇y־meֽlekĕ׃ s

21
נַפְתָּלִ֖י אַיָּלָ֣ה שְׁלֻחָ֑ה הַנֹּתֵ֖ן אִמְרֵי־שָֽׁפֶר׃ ס

napĕţá̇li֖y ʼayá̇lá֣h şĕ̌luẖá֑h hanò̇ţé֖n ʼimĕréy־şáֽ̌per׃ s

22
בֵּ֤ן פֹּרָת֙ יֹוסֵ֔ף בֵּ֥ן פֹּרָ֖ת עֲלֵי־עָ֑יִן בָּנֹ֕ות צָעֲדָ֖ה עֲלֵי־שֽׁוּר׃

bé֤̇n pò̇ráţ֙ yòwsé֔p bé֥̇n pò̇rá֖ţ ʻàléy־ʻá֑yin bá̇nò֕wţ ẕáʻàdá֖h ʻàléy־şֽ̌ẇr׃

23
וַֽיְמָרֲרֻ֖הוּ וָרֹ֑בּוּ וַֽיִּשְׂטְמֻ֖הוּ בַּעֲלֵ֥י חִצִּֽים׃

waֽyĕmáràru֖hẇ wárò֑ḃẇ waֽyi̇şĕ̂tĕmu֖hẇ bȧʻàlé֥y ẖiẕiֽ̇ym׃

24
וַתֵּ֤שֶׁב בְּאֵיתָן֙ קַשְׁתֹּ֔ו וַיָּפֹ֖זּוּ זְרֹעֵ֣י יָדָ֑יו מִידֵי֙ אֲבִ֣יר יַעֲקֹ֔ב מִשָּׁ֥ם רֹעֶ֖ה אֶ֥בֶן יִשְׂרָאֵֽל׃

waţé֤̇şěb bĕ̇ʼéyţán֙ qaşĕ̌ţò̇֔w wayá̇pò֖żẇ zĕròʻé֣y yádá֑yw miydéy֙ ʼàbi֣yr yaʻàqò֔b mişá֥̇̌m ròʻe֖h ʼe֥ben yişĕ̂ráʼéֽl׃

25
מֵאֵ֨ל אָבִ֜יךָ וְיַעְזְרֶ֗ךָּ וְאֵ֤ת שַׁדַּי֙ וִיבָ֣רְכֶ֔ךָּ בִּרְכֹ֤ת שָׁמַ֨יִם֙ מֵעָ֔ל בִּרְכֹ֥ת תְּהֹ֖ום רֹבֶ֣צֶת תָּ֑חַת בִּרְכֹ֥ת שָׁדַ֖יִם וָרָֽחַם׃

méʼé֨l ʼábi֜yká wĕyaʻĕzĕre֗ká̇ wĕʼé֤ţ şǎdȧy֙ wiybá֣rĕke֔ká̇ bi̇rĕkò֤ţ şá̌ma֨yim֙ méʻá֔l bi̇rĕkò֥ţ ţĕ̇hò֖wm ròbe֣ẕeţ ţá֑̇ẖaţ bi̇rĕkò֥ţ şá̌da֖yim wáráֽẖam׃

26
בִּרְכֹ֣ת אָבִ֗יךָ גָּֽבְרוּ֙ עַל־בִּרְכֹ֣ת הֹורַ֔י עַֽד־תַּאֲוַ֖ת גִּבְעֹ֣ת עֹולָ֑ם תִּֽהְיֶ֨ין֙ לְרֹ֣אשׁ יֹוסֵ֔ף וּלְקָדְקֹ֖ד נְזִ֥יר אֶחָֽיו׃ פ

bi̇rĕkò֣ţ ʼábi֗yká gáֽ̇bĕrẇ֙ ʻal־bi̇rĕkò֣ţ hòwra֔y ʻaֽd־ţȧʼàwa֖ţ gi̇bĕʻò֣ţ ʻòwlá֑m ţiֽ̇hĕye֨yn֙ lĕrò֣ʼş̌ yòwsé֔p ẇlĕqádĕqò֖d nĕzi֥yr ʼeẖáֽyw׃ p

27
בִּנְיָמִין֙ זְאֵ֣ב יִטְרָ֔ף בַּבֹּ֖קֶר יֹ֣אכַל עַ֑ד וְלָעֶ֖רֶב יְחַלֵּ֥ק שָׁלָֽל׃

bi̇nĕyámiyn֙ zĕʼé֣b yitĕrá֔p bȧbò֖̇qer yò֣ʼkal ʻa֑d wĕláʻe֖reb yĕẖalé֥̇q şá̌láֽl׃

28
כָּל־אֵ֛לֶּה שִׁבְטֵ֥י יִשְׂרָאֵ֖ל שְׁנֵ֣ים עָשָׂ֑ר וְ֠זֹאת אֲשֶׁר־דִּבֶּ֨ר לָהֶ֤ם אֲבִיהֶם֙ וַיְבָ֣רֶךְ אֹותָ֔ם אִ֛ישׁ אֲשֶׁ֥ר כְּבִרְכָתֹ֖ו בֵּרַ֥ךְ אֹתָֽם׃

ká̇l־ʼé֛lėh şǐbĕté֥y yişĕ̂ráʼé֖l şĕ̌né֣ym ʻáşá֑̂r wĕ֠zòʼţ ʼàşěr־di̇bė֨r láhe֤m ʼàbiyhem֙ wayĕbá֣rekĕ ʼòwţá֔m ʼi֛yş̌ ʼàşě֥r kĕ̇birĕkáţò֖w bé̇ra֥kĕ ʼòţáֽm׃

29
וַיְצַ֣ו אֹותָ֗ם וַיֹּ֤אמֶר אֲלֵהֶם֙ אֲנִי֙ נֶאֱסָ֣ף אֶל־עַמִּ֔י קִבְר֥וּ אֹתִ֖י אֶל־אֲבֹתָ֑י אֶל־הַ֨מְּעָרָ֔ה אֲשֶׁ֥ר בִּשְׂדֵ֖ה עֶפְרֹ֥ון הַֽחִתִּֽי׃

wayĕẕa֣w ʼòwţá֗m wayò֤̇ʼmer ʼàléhem֙ ʼàniy֙ neʼèsá֣p ʼel־ʻami̇֔y qibĕr֥ẇ ʼòţi֖y ʼel־ʼàbòţá֑y ʼel־ha֨mĕ̇ʻárá֔h ʼàşě֥r bi̇şĕ̂dé֖h ʻepĕrò֥wn haֽẖiţiֽ̇y׃

30
בַּמְּעָרָ֞ה אֲשֶׁ֨ר בִּשְׂדֵ֧ה הַמַּכְפֵּלָ֛ה אֲשֶׁ֥ר עַל־פְּנֵי־מַמְרֵ֖א בְּאֶ֣רֶץ כְּנָ֑עַן אֲשֶׁר֩ קָנָ֨ה אַבְרָהָ֜ם אֶת־הַשָּׂדֶ֗ה מֵאֵ֛ת עֶפְרֹ֥ן הַחִתִּ֖י לַאֲחֻזַּת־קָֽבֶר׃

bȧmĕ̇ʻárá֞h ʼàşě֨r bi̇şĕ̂dé֧h hamȧkĕpé̇lá֛h ʼàşě֥r ʻal־pĕ̇néy־mamĕré֖ʼ bĕ̇ʼe֣reẕ kĕ̇ná֑ʻan ʼàşěr֩ qáná֨h ʼabĕráhá֜m ʼeţ־haşá̇̂de֗h méʼé֛ţ ʻepĕrò֥n haẖiţi֖̇y laʼàẖuzȧţ־qáֽber׃

31
שָׁ֣מָּה קָֽבְר֞וּ אֶת־אַבְרָהָ֗ם וְאֵת֙ שָׂרָ֣ה אִשְׁתֹּ֔ו שָׁ֚מָּה קָבְר֣וּ אֶת־יִצְחָ֔ק וְאֵ֖ת רִבְקָ֣ה אִשְׁתֹּ֑ו וְשָׁ֥מָּה קָבַ֖רְתִּי אֶת־לֵאָֽה׃

şá֣̌má̇h qáֽbĕr֞ẇ ʼeţ־ʼabĕráhá֗m wĕʼéţ֙ şá̂rá֣h ʼişĕ̌ţò̇֔w şá֚̌má̇h qábĕr֣ẇ ʼeţ־yiẕĕẖá֔q wĕʼé֖ţ ribĕqá֣h ʼişĕ̌ţò֑̇w wĕşá֥̌má̇h qába֖rĕţi̇y ʼeţ־léʼáֽh׃

32
מִקְנֵ֧ה הַשָּׂדֶ֛ה וְהַמְּעָרָ֥ה אֲשֶׁר־בֹּ֖ו מֵאֵ֥ת בְּנֵי־חֵֽת׃

miqĕné֧h haşá̇̂de֛h wĕhamĕ̇ʻárá֥h ʼàşěr־bò֖̇w méʼé֥ţ bĕ̇néy־ẖéֽţ׃

33
וַיְכַ֤ל יַעֲקֹב֙ לְצַוֹּ֣ת אֶת־בָּנָ֔יו וַיֶּאֱסֹ֥ף רַגְלָ֖יו אֶל־הַמִּטָּ֑ה וַיִּגְוַ֖ע וַיֵּאָ֥סֶף אֶל־עַמָּֽיו׃

wayĕka֤l yaʻàqòb֙ lĕẕawò֣̇ţ ʼeţ־bá̇ná֔yw wayėʼèsò֥p ragĕlá֖yw ʼel־hami̇tá֑̇h wayi̇gĕwa֖ʻ wayé̇ʼá֥sep ʼel־ʻamáֽ̇yw׃