Bibles in ancient languages
Old translations
Modern translations

Biblia Hebraica Stuttgartensia Genèse 6:7

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַֽיְהִי֙ כִּֽי־הֵחֵ֣ל הָֽאָדָ֔ם לָרֹ֖ב עַל־פְּנֵ֣י הָֽאֲדָמָ֑ה וּבָנֹ֖ות יֻלְּד֥וּ לָהֶֽם׃

waֽyĕhiy֙ kiֽ̇y־héẖé֣l háֽʼádá֔m lárò֖b ʻal־pĕ̇né֣y háֽʼàdámá֑h ẇbánò֖wţ yulĕ̇d֥ẇ láheֽm׃

2
וַיִּרְא֤וּ בְנֵי־הָֽאֱלֹהִים֙ אֶת־בְּנֹ֣ות הָֽאָדָ֔ם כִּ֥י טֹבֹ֖ת הֵ֑נָּה וַיִּקְח֤וּ לָהֶם֙ נָשִׁ֔ים מִכֹּ֖ל אֲשֶׁ֥ר בָּחָֽרוּ׃

wayi̇rĕʼ֤ẇ bĕnéy־háֽʼèlòhiym֙ ʼeţ־bĕ̇nò֣wţ háֽʼádá֔m ki֥̇y tòbò֖ţ hé֑ná̇h wayi̇qĕẖ֤ẇ láhem֙ náşǐ֔ym mikò֖̇l ʼàşě֥r bá̇ẖáֽrẇ׃

3
וַיֹּ֣אמֶר יְהוָ֗ה לֹֽא־יָדֹ֨ון רוּחִ֤י בָֽאָדָם֙ לְעֹלָ֔ם בְּשַׁגַּ֖ם ה֣וּא בָשָׂ֑ר וְהָי֣וּ יָמָ֔יו מֵאָ֥ה וְעֶשְׂרִ֖ים שָׁנָֽה׃

wayò֣̇ʼmer yĕhwá֗h lòֽʼ־yádò֨wn rẇẖi֤y báֽʼádám֙ lĕʻòlá֔m bĕ̇şǎgȧ֖m h֣ẇʼ báşá֑̂r wĕháy֣ẇ yámá֔yw méʼá֥h wĕʻeşĕ̂ri֖ym şá̌náֽh׃

4
הַנְּפִלִ֞ים הָי֣וּ בָאָרֶץ֮ בַּיָּמִ֣ים הָהֵם֒ וְגַ֣ם אַֽחֲרֵי־כֵ֗ן אֲשֶׁ֨ר יָבֹ֜אוּ בְּנֵ֤י הָֽאֱלֹהִים֙ אֶל־בְּנֹ֣ות הָֽאָדָ֔ם וְיָלְד֖וּ לָהֶ֑ם הֵ֧מָּה הַגִּבֹּרִ֛ים אֲשֶׁ֥ר מֵעֹולָ֖ם אַנְשֵׁ֥י הַשֵּֽׁם׃ פ

hanĕ̇pili֞ym háy֣ẇ báʼáreẕ֮ bȧyá̇mi֣ym háhém֒ wĕga֣m ʼaֽẖàréy־ké֗n ʼàşě֨r yábò֜ʼẇ bĕ̇né֤y háֽʼèlòhiym֙ ʼel־bĕ̇nò֣wţ háֽʼádá֔m wĕyálĕd֖ẇ láhe֑m hé֧má̇h hagi̇bò̇ri֛ym ʼàşě֥r méʻòwlá֖m ʼanĕşé֥̌y haşéֽ̇̌m׃ p

5
וַיַּ֣רְא יְהוָ֔ה כִּ֥י רַבָּ֛ה רָעַ֥ת הָאָדָ֖ם בָּאָ֑רֶץ וְכָל־יֵ֨צֶר֙ מַחְשְׁבֹ֣ת לִבֹּ֔ו רַ֥ק רַ֖ע כָּל־הַיֹּֽום׃

wayȧ֣rĕʼ yĕhwá֔h ki֥̇y rabá֛̇h ráʻa֥ţ háʼádá֖m bá̇ʼá֑reẕ wĕkál־yé֨ẕer֙ maẖĕşĕ̌bò֣ţ libò̇֔w ra֥q ra֖ʻ ká̇l־hayòֽ̇wm׃

6
וַיִּנָּ֣חֶם יְהוָ֔ה כִּֽי־עָשָׂ֥ה אֶת־הָֽאָדָ֖ם בָּאָ֑רֶץ וַיִּתְעַצֵּ֖ב אֶל־לִבֹּֽו׃

wayi̇ná֣̇ẖem yĕhwá֔h kiֽ̇y־ʻáşá֥̂h ʼeţ־háֽʼádá֖m bá̇ʼá֑reẕ wayi̇ţĕʻaẕé֖̇b ʼel־libòֽ̇w׃

7
וַיֹּ֣אמֶר יְהוָ֗ה אֶמְחֶ֨ה אֶת־הָאָדָ֤ם אֲשֶׁר־בָּרָ֨אתִי֙ מֵעַל֙ פְּנֵ֣י הָֽאֲדָמָ֔ה מֵֽאָדָם֙ עַד־בְּהֵמָ֔ה עַד־רֶ֖מֶשׂ וְעַד־עֹ֣וף הַשָּׁמָ֑יִם כִּ֥י נִחַ֖מְתִּי כִּ֥י עֲשִׂיתִֽם׃

wayò֣̇ʼmer yĕhwá֗h ʼemĕẖe֨h ʼeţ־háʼádá֤m ʼàşěr־bá̇rá֨ʼţiy֙ méʻal֙ pĕ̇né֣y háֽʼàdámá֔h méֽʼádám֙ ʻad־bĕ̇hémá֔h ʻad־re֖meş̂ wĕʻad־ʻò֣wp haşá̇̌má֑yim ki֥̇y niẖa֖mĕţi̇y ki֥̇y ʻàşîyţiֽm׃

8
וְנֹ֕חַ מָ֥צָא חֵ֖ן בְּעֵינֵ֥י יְהוָֽה׃ פ

wĕnò֕ẖa má֥ẕáʼ ẖé֖n bĕ̇ʻéyné֥y yĕhwáֽh׃ p

9
אֵ֚לֶּה תֹּולְדֹ֣ת נֹ֔חַ נֹ֗חַ אִ֥ישׁ צַדִּ֛יק תָּמִ֥ים הָיָ֖ה בְּדֹֽרֹתָ֑יו אֶת־הָֽאֱלֹהִ֖ים הִֽתְהַלֶּךְ־נֹֽחַ׃

ʼé֚lėh ţò̇wlĕdò֣ţ nò֔ẖa nò֗ẖa ʼi֥yş̌ ẕadi֛̇yq ţá̇mi֥ym háyá֖h bĕ̇dòֽròţá֑yw ʼeţ־háֽʼèlòhi֖ym hiֽţĕhalėkĕ־nòֽẖa׃

10
וַיֹּ֥ולֶד נֹ֖חַ שְׁלֹשָׁ֣ה בָנִ֑ים אֶת־שֵׁ֖ם אֶת־חָ֥ם וְאֶת־יָֽפֶת׃

wayò֥̇wled nò֖ẖa şĕ̌lòşá֣̌h báni֑ym ʼeţ־şé֖̌m ʼeţ־ẖá֥m wĕʼeţ־yáֽpeţ׃

11
וַתִּשָּׁחֵ֥ת הָאָ֖רֶץ לִפְנֵ֣י הָֽאֱלֹהִ֑ים וַתִּמָּלֵ֥א הָאָ֖רֶץ חָמָֽס׃

waţi̇şá̇̌ẖé֥ţ háʼá֖reẕ lipĕné֣y háֽʼèlòhi֑ym waţi̇má̇lé֥ʼ háʼá֖reẕ ẖámáֽs׃

12
וַיַּ֧רְא אֱלֹהִ֛ים אֶת־הָאָ֖רֶץ וְהִנֵּ֣ה נִשְׁחָ֑תָה כִּֽי־הִשְׁחִ֧ית כָּל־בָּשָׂ֛ר אֶת־דַּרְכֹּ֖ו עַל־הָאָֽרֶץ׃ ס

wayȧ֧rĕʼ ʼèlòhi֛ym ʼeţ־háʼá֖reẕ wĕhiné֣̇h nişĕ̌ẖá֑ţáh kiֽ̇y־hişĕ̌ẖi֧yţ ká̇l־bá̇şá֛̂r ʼeţ־dȧrĕkò֖̇w ʻal־háʼáֽreẕ׃ s

13
וַיֹּ֨אמֶר אֱלֹהִ֜ים לְנֹ֗חַ קֵ֤ץ כָּל־בָּשָׂר֙ בָּ֣א לְפָנַ֔י כִּֽי־מָלְאָ֥ה הָאָ֛רֶץ חָמָ֖ס מִפְּנֵיהֶ֑ם וְהִנְנִ֥י מַשְׁחִיתָ֖ם אֶת־הָאָֽרֶץ׃

wayò̇֨ʼmer ʼèlòhi֜ym lĕnò֗ẖa qé֤ẕ ká̇l־bá̇şá̂r֙ bá֣̇ʼ lĕpána֔y kiֽ̇y־málĕʼá֥h háʼá֛reẕ ẖámá֖s mipĕ̇néyhe֑m wĕhinĕni֥y maşĕ̌ẖiyţá֖m ʼeţ־háʼáֽreẕ׃

14
עֲשֵׂ֤ה לְךָ֙ תֵּבַ֣ת עֲצֵי־גֹ֔פֶר קִנִּ֖ים תַּֽעֲשֶׂ֣ה אֶת־הַתֵּבָ֑ה וְכָֽפַרְתָּ֥ אֹתָ֛הּ מִבַּ֥יִת וּמִח֖וּץ בַּכֹּֽפֶר׃

ʻàşé֤̂h lĕká֙ ţé̇ba֣ţ ʻàẕéy־gò֔per qini֖̇ym ţȧֽʻàşê֣h ʼeţ־haţé̇bá֑h wĕkáֽparĕţá֥̇ ʼòţá֛ḣ mibȧ֥yiţ ẇmiẖ֖ẇẕ bȧkòֽ̇per׃

15
וְזֶ֕ה אֲשֶׁ֥ר תַּֽעֲשֶׂ֖ה אֹתָ֑הּ שְׁלֹ֧שׁ מֵאֹ֣ות אַמָּ֗ה אֹ֚רֶךְ הַתֵּבָ֔ה חֲמִשִּׁ֤ים אַמָּה֙ רָחְבָּ֔הּ וּשְׁלֹשִׁ֥ים אַמָּ֖ה קֹומָתָֽהּ׃

wĕze֕h ʼàşě֥r ţȧֽʻàşê֖h ʼòţá֑ḣ şĕ̌lò֧ş̌ méʼò֣wţ ʼamá̇֗h ʼò֚rekĕ haţé̇bá֔h ẖàmişi֤̇̌ym ʼamá̇h֙ ráẖĕbá̇֔ḣ ẇşĕ̌lòşǐ֥ym ʼamá֖̇h qòwmáţáֽḣ׃

16
צֹ֣הַר׀ תַּעֲשֶׂ֣ה לַתֵּבָ֗ה וְאֶל־אַמָּה֙ תְּכַלֶ֣נָּה מִלְמַ֔עְלָה וּפֶ֥תַח הַתֵּבָ֖ה בְּצִדָּ֣הּ תָּשִׂ֑ים תַּחְתִּיִּ֛ם שְׁנִיִּ֥ם וּשְׁלִשִׁ֖ים תַּֽעֲשֶֽׂהָ׃

ẕò֣har׀ ţȧʻàşê֣h laţé̇bá֗h wĕʼel־ʼamá̇h֙ ţĕ̇kale֣ná̇h milĕma֔ʻĕláh ẇpe֥ţaẖ haţé̇bá֖h bĕ̇ẕidá֣̇ḣ ţá̇şî֑ym ţȧẖĕţi̇yi֛̇m şĕ̌niyi֥̇m ẇşĕ̌lişǐ֖ym ţȧֽʻàşêֽhá׃

17
וַאֲנִ֗י הִנְנִי֩ מֵבִ֨יא אֶת־הַמַּבּ֥וּל מַ֨יִם֙ עַל־הָאָ֔רֶץ לְשַׁחֵ֣ת כָּל־בָּשָׂ֗ר אֲשֶׁר־בֹּו֙ ר֣וּחַ חַיִּ֔ים מִתַּ֖חַת הַשָּׁמָ֑יִם כֹּ֥ל אֲשֶׁר־בָּאָ֖רֶץ יִגְוָֽע׃

waʼàni֗y hinĕniy֩ mébi֨yʼ ʼeţ־hamȧḃ֥ẇl ma֨yim֙ ʻal־háʼá֔reẕ lĕşǎẖé֣ţ ká̇l־bá̇şá̂֗r ʼàşěr־bò̇w֙ r֣ẇẖa ẖayi̇֔ym miţȧ֖ẖaţ haşá̇̌má֑yim kò֥̇l ʼàşěr־bá̇ʼá֖reẕ yigĕwáֽʻ׃

18
וַהֲקִמֹתִ֥י אֶת־בְּרִיתִ֖י אִתָּ֑ךְ וּבָאתָ֙ אֶל־הַתֵּבָ֔ה אַתָּ֕ה וּבָנֶ֛יךָ וְאִשְׁתְּךָ֥ וּנְשֵֽׁי־בָנֶ֖יךָ אִתָּֽךְ׃

wahàqimòţi֥y ʼeţ־bĕ̇riyţi֖y ʼiţá֑̇kĕ ẇbáʼţá֙ ʼel־haţé̇bá֔h ʼaţá̇֕h ẇbáne֛yká wĕʼişĕ̌ţĕ̇ká֥ ẇnĕşéֽ̌y־báne֖yká ʼiţáֽ̇kĕ׃

19
וּמִכָּל־הָ֠חַי מִֽכָּל־בָּשָׂ֞ר שְׁנַ֧יִם מִכֹּ֛ל תָּבִ֥יא אֶל־הַתֵּבָ֖ה לְהַחֲיֹ֣ת אִתָּ֑ךְ זָכָ֥ר וּנְקֵבָ֖ה יִֽהְיֽוּ׃

ẇmiká̇l־há֠ẖay miֽká̇l־bá̇şá̂֞r şĕ̌na֧yim mikò֛̇l ţá̇bi֥yʼ ʼel־haţé̇bá֖h lĕhaẖàyò֣ţ ʼiţá֑̇kĕ záká֥r ẇnĕqébá֖h yiֽhĕyֽẇ׃

20
מֵהָעֹ֣וף לְמִינֵ֗הוּ וּמִן־הַבְּהֵמָה֙ לְמִינָ֔הּ מִכֹּ֛ל רֶ֥מֶשׂ הָֽאֲדָמָ֖ה לְמִינֵ֑הוּ שְׁנַ֧יִם מִכֹּ֛ל יָבֹ֥אוּ אֵלֶ֖יךָ לְהַֽחֲיֹֽות׃

méháʻò֣wp lĕmiyné֗hẇ ẇmin־habĕ̇hémáh֙ lĕmiyná֔ḣ mikò֛̇l re֥meş̂ háֽʼàdámá֖h lĕmiyné֑hẇ şĕ̌na֧yim mikò֛̇l yábò֥ʼẇ ʼéle֖yká lĕhaֽẖàyòֽwţ׃

21
וְאַתָּ֣ה קַח־לְךָ֗ מִכָּל־מַֽאֲכָל֙ אֲשֶׁ֣ר יֵֽאָכֵ֔ל וְאָסַפְתָּ֖ אֵלֶ֑יךָ וְהָיָ֥ה לְךָ֛ וְלָהֶ֖ם לְאָכְלָֽה׃

wĕʼaţá֣̇h qaẖ־lĕká֗ miká̇l־maֽʼàkál֙ ʼàşě֣r yéֽʼáké֔l wĕʼásapĕţá֖̇ ʼéle֑yká wĕháyá֥h lĕká֛ wĕláhe֖m lĕʼákĕláֽh׃

22
וַיַּ֖עַשׂ נֹ֑חַ כְּ֠כֹל אֲשֶׁ֨ר צִוָּ֥ה אֹתֹ֛ו אֱלֹהִ֖ים כֵּ֥ן עָשָֽׂה׃ ס

wayȧ֖ʻaş̂ nò֑ẖa kĕ̇֠kòl ʼàşě֨r ẕiwá֥̇h ʼòţò֛w ʼèlòhi֖ym ké֥̇n ʻáşáֽ̂h׃ s