Bibles in ancient languages
Old translations
Modern translations

Biblia Hebraica Stuttgartensia Osée 2:11

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְֽ֠הָיָה מִסְפַּ֤ר בְּנֵֽי־יִשְׂרָאֵל֙ כְּחֹ֣ול הַיָּ֔ם אֲשֶׁ֥ר לֹֽא־יִמַּ֖ד וְלֹ֣א יִסָּפֵ֑ר וְֽ֠הָיָה בִּמְקֹ֞ום אֲשֶׁר־יֵאָמֵ֤ר לָהֶם֙ לֹֽא־עַמִּ֣י אַתֶּ֔ם יֵאָמֵ֥ר לָהֶ֖ם בְּנֵ֥י אֵֽל־חָֽי׃

wĕֽ֠háyáh misĕpȧ֤r bĕ̇néֽy־yişĕ̂ráʼél֙ kĕ̇ẖò֣wl hayá̇֔m ʼàşě֥r lòֽʼ־yimȧ֖d wĕlò֣ʼ yisá̇pé֑r wĕֽ֠háyáh bi̇mĕqò֞wm ʼàşěr־yéʼámé֤r láhem֙ lòֽʼ־ʻami֣̇y ʼaţė֔m yéʼámé֥r láhe֖m bĕ̇né֥y ʼéֽl־ẖáֽy׃

2
וְ֠נִקְבְּצוּ בְּנֵֽי־יְהוּדָ֤ה וּבְנֵֽי־יִשְׂרָאֵל֙ יַחְדָּ֔ו וְשָׂמ֥וּ לָהֶ֛ם רֹ֥אשׁ אֶחָ֖ד וְעָל֣וּ מִן־הָאָ֑רֶץ כִּ֥י גָדֹ֖ול יֹ֥ום יִזְרְעֶֽאל׃

wĕ֠niqĕbĕ̇ẕẇ bĕ̇néֽy־yĕhẇdá֤h ẇbĕnéֽy־yişĕ̂ráʼél֙ yaẖĕdá̇֔w wĕşá̂m֥ẇ láhe֛m rò֥ʼş̌ ʼeẖá֖d wĕʻál֣ẇ min־háʼá֑reẕ ki֥̇y gádò֖wl yò֥wm yizĕrĕʻeֽʼl׃

3
אִמְר֥וּ לַאֲחֵיכֶ֖ם עַמִּ֑י וְלַאֲחֹֽותֵיכֶ֖ם רֻחָֽמָה׃

ʼimĕr֥ẇ laʼàẖéyke֖m ʻami֑̇y wĕlaʼàẖòֽwţéyke֖m ruẖáֽmáh׃

4
רִ֤יבוּ בְאִמְּכֶם֙ רִ֔יבוּ כִּֽי־הִיא֙ לֹ֣א אִשְׁתִּ֔י וְאָנֹכִ֖י לֹ֣א אִישָׁ֑הּ וְתָסֵ֤ר זְנוּנֶ֨יהָ֙ מִפָּנֶ֔יה וְנַאֲפוּפֶ֖יהָ מִבֵּ֥ין שָׁדֶֽיהָ׃

ri֤ybẇ bĕʼimĕ̇kem֙ ri֔ybẇ kiֽ̇y־hiyʼ֙ lò֣ʼ ʼişĕ̌ţi̇֔y wĕʼánòki֖y lò֣ʼ ʼiyşá֑̌ḣ wĕţásé֤r zĕnẇne֨yhá֙ mipá̇ne֔yh wĕnaʼàpẇpe֖yhá mibé֥̇yn şá̌deֽyhá׃

5
פֶּן־אַפְשִׁיטֶ֣נָּה עֲרֻמָּ֔ה וְהִ֨צַּגְתִּ֔יהָ כְּיֹ֖ום הִוָּֽלְדָ֑הּ וְשַׂמְתִּ֣יהָ כַמִּדְבָּ֗ר וְשַׁתִּ֨הָ֙ כְּאֶ֣רֶץ צִיָּ֔ה וַהֲמִתִּ֖יהָ בַּצָּמָֽא׃

pėn־ʼapĕşǐyte֣ná̇h ʻàrumá̇֔h wĕhi֨ẕȧgĕţi̇֔yhá kĕ̇yò֖wm hiwáֽ̇lĕdá֑ḣ wĕşâmĕţi֣̇yhá kami̇dĕbá̇֗r wĕşǎţi̇֨há֙ kĕ̇ʼe֣reẕ ẕiyá̇֔h wahàmiţi֖̇yhá bȧẕá̇máֽʼ׃

6
וְאֶת־בָּנֶ֖יהָ לֹ֣א אֲרַחֵ֑ם כִּֽי־בְנֵ֥י זְנוּנִ֖ים הֵֽמָּה׃

wĕʼeţ־bá̇ne֖yhá lò֣ʼ ʼàraẖé֑m kiֽ̇y־bĕné֥y zĕnẇni֖ym héֽmá̇h׃

7
כִּ֤י זָֽנְתָה֙ אִמָּ֔ם הֹבִ֖ישָׁה הֹֽורָתָ֑ם כִּ֣י אָמְרָ֗ה אֵלְכָ֞ה אַחֲרֵ֤י מְאַהֲבַי֙ נֹתְנֵ֤י לַחְמִי֙ וּמֵימַ֔י צַמְרִ֣י וּפִשְׁתִּ֔י שַׁמְנִ֖י וְשִׁקּוּיָֽי׃

ki֤̇y záֽnĕţáh֙ ʼimá̇֔m hòbi֖yşá̌h hòֽwráţá֑m ki֣̇y ʼámĕrá֗h ʼélĕká֞h ʼaẖàré֤y mĕʼahàbay֙ nòţĕné֤y laẖĕmiy֙ ẇméyma֔y ẕamĕri֣y ẇpişĕ̌ţi̇֔y şǎmĕni֖y wĕşǐq̇ẇyáֽy׃

8
לָכֵ֛ן הִנְנִי־שָׂ֥ךְ אֶת־דַּרְכֵּ֖ךְ בַּסִּירִ֑ים וְגָֽדַרְתִּי֙ אֶת־גְּדֵרָ֔הּ וּנְתִיבֹותֶ֖יהָ לֹ֥א תִמְצָֽא׃

láké֛n hinĕniy־şá֥̂kĕ ʼeţ־dȧrĕké֖̇kĕ bȧsi̇yri֑ym wĕgáֽdarĕţi̇y֙ ʼeţ־gĕ̇dérá֔ḣ ẇnĕţiybòwţe֖yhá lò֥ʼ ţimĕẕáֽʼ׃

9
וְרִדְּפָ֤ה אֶת־מְאַהֲבֶ֨יהָ֙ וְלֹֽא־תַשִּׂ֣יג אֹתָ֔ם וּבִקְשָׁ֖תַם וְלֹ֣א תִמְצָ֑א וְאָמְרָ֗ה אֵלְכָ֤ה וְאָשׁ֨וּבָה֙ אֶל־אִישִׁ֣י הָֽרִאשֹׁ֔ון כִּ֣י טֹ֥וב לִ֛י אָ֖ז מֵעָֽתָּה׃

wĕridĕ̇pá֤h ʼeţ־mĕʼahàbe֨yhá֙ wĕlòֽʼ־ţaşi֣̇̂yg ʼòţá֔m ẇbiqĕşá֖̌ţam wĕlò֣ʼ ţimĕẕá֑ʼ wĕʼámĕrá֗h ʼélĕká֤h wĕʼáş̌֨ẇbáh֙ ʼel־ʼiyşǐ֣y háֽriʼşò̌֔wn ki֣̇y tò֥wb li֛y ʼá֖z méʻáֽţá̇h׃

10
וְהִיא֙ לֹ֣א יָֽדְעָ֔ה כִּ֤י אָֽנֹכִי֙ נָתַ֣תִּי לָ֔הּ הַדָּגָ֖ן וְהַתִּירֹ֣ושׁ וְהַיִּצְהָ֑ר וְכֶ֨סֶף הִרְבֵּ֥יתִי לָ֛הּ וְזָהָ֖ב עָשׂ֥וּ לַבָּֽעַל׃

wĕhiyʼ֙ lò֣ʼ yáֽdĕʻá֔h ki֤̇y ʼáֽnòkiy֙ náţa֣ţi̇y lá֔ḣ hadá̇gá֖n wĕhaţi̇yrò֣wş̌ wĕhayi̇ẕĕhá֑r wĕke֨sep hirĕbé֥̇yţiy lá֛ḣ wĕzáhá֖b ʻáş֥̂ẇ labáֽ̇ʻal׃

11
לָכֵ֣ן אָשׁ֔וּב וְלָקַחְתִּ֤י דְגָנִי֙ בְּעִתֹּ֔ו וְתִירֹושִׁ֖י בְּמֹֽועֲדֹ֑ו וְהִצַּלְתִּי֙ צַמְרִ֣י וּפִשְׁתִּ֔י לְכַסֹּ֖ות אֶת־עֶרְוָתָֽהּ׃

láké֣n ʼáş̌֔ẇb wĕláqaẖĕţi֤̇y dĕgániy֙ bĕ̇ʻiţò̇֔w wĕţiyròwşǐ֖y bĕ̇mòֽwʻàdò֑w wĕhiẕȧlĕţi̇y֙ ẕamĕri֣y ẇpişĕ̌ţi̇֔y lĕkasò֖̇wţ ʼeţ־ʻerĕwáţáֽḣ׃

12
וְעַתָּ֛ה אֲגַלֶּ֥ה אֶת־נַבְלֻתָ֖הּ לְעֵינֵ֣י מְאַהֲבֶ֑יהָ וְאִ֖ישׁ לֹֽא־יַצִּילֶ֥נָּה מִיָּדִֽי׃

wĕʻaţá֛̇h ʼàgalė֥h ʼeţ־nabĕluţá֖ḣ lĕʻéyné֣y mĕʼahàbe֑yhá wĕʼi֖yş̌ lòֽʼ־yaẕi̇yle֥ná̇h miyá̇diֽy׃

13
וְהִשְׁבַּתִּי֙ כָּל־מְשֹׂושָׂ֔הּ חַגָּ֖הּ חָדְשָׁ֣הּ וְשַׁבַּתָּ֑הּ וְכֹ֖ל מֹועֲדָֽהּ׃

wĕhişĕ̌bȧţi̇y֙ ká̇l־mĕşò̂wşá̂֔ḣ ẖagá֖̇ḣ ẖádĕşá֣̌ḣ wĕşǎbȧţá֑̇ḣ wĕkò֖l mòwʻàdáֽḣ׃

14
וַהֲשִׁמֹּתִ֗י גַּפְנָהּ֙ וּתְאֵ֣נָתָ֔הּ אֲשֶׁ֣ר אָמְרָ֗ה אֶתְנָ֥ה הֵ֨מָּה֙ לִ֔י אֲשֶׁ֥ר נָֽתְנוּ־לִ֖י מְאַֽהֲבָ֑י וְשַׂמְתִּ֣ים לְיַ֔עַר וַאֲכָלָ֖תַם חַיַּ֥ת הַשָּׂדֶֽה׃

wahàşǐmò̇ţi֗y gȧpĕnáḣ֙ ẇţĕʼé֣náţá֔ḣ ʼàşě֣r ʼámĕrá֗h ʼeţĕná֥h hé֨má̇h֙ li֔y ʼàşě֥r náֽţĕnẇ־li֖y mĕʼaֽhàbá֑y wĕşâmĕţi֣̇ym lĕya֔ʻar waʼàkálá֖ţam ẖayȧ֥ţ haşá̇̂deֽh׃

15
וּפָקַדְתִּ֣י עָלֶ֗יהָ אֶת־יְמֵ֤י הַבְּעָלִים֙ אֲשֶׁ֣ר תַּקְטִ֣יר לָהֶ֔ם וַתַּ֤עַד נִזְמָהּ֙ וְחֶלְיָתָ֔הּ וַתֵּ֖לֶךְ אַחֲרֵ֣י מְאַהֲבֶ֑יהָ וְאֹתִ֥י שָׁכְחָ֖ה נְאֻם־יְהוָֽה׃ פ

ẇpáqadĕţi֣̇y ʻále֗yhá ʼeţ־yĕmé֤y habĕ̇ʻáliym֙ ʼàşě֣r ţȧqĕti֣yr láhe֔m waţȧ֤ʻad nizĕmáḣ֙ wĕẖelĕyáţá֔ḣ waţé֖̇lekĕ ʼaẖàré֣y mĕʼahàbe֑yhá wĕʼòţi֥y şá̌kĕẖá֖h nĕʼum־yĕhwáֽh׃ p

16
לָכֵ֗ן הִנֵּ֤ה אָֽנֹכִי֙ מְפַתֶּ֔יהָ וְהֹֽלַכְתִּ֖יהָ הַמִּדְבָּ֑ר וְדִבַּרְתִּ֖י עַל־לִבָּֽהּ׃

láké֗n hiné֤̇h ʼáֽnòkiy֙ mĕpaţė֔yhá wĕhòֽlakĕţi֖̇yhá hami̇dĕbá֑̇r wĕdibȧrĕţi֖̇y ʻal־libáֽ̇ḣ׃

17
וְנָתַ֨תִּי לָ֤הּ אֶת־כְּרָמֶ֨יהָ֙ מִשָּׁ֔ם וְאֶת־עֵ֥מֶק עָכֹ֖ור לְפֶ֣תַח תִּקְוָ֑ה וְעָ֤נְתָה שָּׁ֨מָּה֙ כִּימֵ֣י נְעוּרֶ֔יהָ וִּכְיֹ֖ום עֲלֹתָ֥הּ מֵאֶֽרֶץ־מִצְרָֽיִם׃ ס

wĕnáţa֨ţi̇y lá֤ḣ ʼeţ־kĕ̇ráme֨yhá֙ mişá̇̌֔m wĕʼeţ־ʻé֥meq ʻákò֖wr lĕpe֣ţaẖ ţi̇qĕwá֑h wĕʻá֤nĕţáh şá̇̌֨má̇h֙ ki̇ymé֣y nĕʻẇre֔yhá wi̇kĕyò֖wm ʻàlòţá֥ḣ méʼeֽreẕ־miẕĕráֽyim׃ s

18
וְהָיָ֤ה בַיֹּום־הַהוּא֙ נְאֻם־יְהוָ֔ה תִּקְרְאִ֖י אִישִׁ֑י וְלֹֽא־תִקְרְאִי־לִ֥י עֹ֖וד בַּעְלִֽי׃

wĕháyá֤h bayò̇wm־hahẇʼ֙ nĕʼum־yĕhwá֔h ţi̇qĕrĕʼi֖y ʼiyşǐ֑y wĕlòֽʼ־ţiqĕrĕʼiy־li֥y ʻò֖wd bȧʻĕliֽy׃

19
וַהֲסִרֹתִ֛י אֶת־שְׁמֹ֥ות הַבְּעָלִ֖ים מִפִּ֑יהָ וְלֹֽא־יִזָּכְר֥וּ עֹ֖וד בִּשְׁמָֽם׃

wahàsiròţi֛y ʼeţ־şĕ̌mò֥wţ habĕ̇ʻáli֖ym mipi֑̇yhá wĕlòֽʼ־yizá̇kĕr֥ẇ ʻò֖wd bi̇şĕ̌máֽm׃

20
וְכָרַתִּ֨י לָהֶ֤ם בְּרִית֙ בַּיֹּ֣ום הַה֔וּא עִם־חַיַּ֤ת הַשָּׂדֶה֙ וְעִם־עֹ֣וף הַשָּׁמַ֔יִם וְרֶ֖מֶשׂ הָֽאֲדָמָ֑ה וְקֶ֨שֶׁת וְחֶ֤רֶב וּמִלְחָמָה֙ אֶשְׁבֹּ֣ור מִן־הָאָ֔רֶץ וְהִשְׁכַּבְתִּ֖ים לָבֶֽטַח׃

wĕkáraţi̇֨y láhe֤m bĕ̇riyţ֙ bȧyò֣̇wm hah֔ẇʼ ʻim־ẖayȧ֤ţ haşá̇̂deh֙ wĕʻim־ʻò֣wp haşá̇̌ma֔yim wĕre֖meş̂ háֽʼàdámá֑h wĕqe֨şěţ wĕẖe֤reb ẇmilĕẖámáh֙ ʼeşĕ̌bò֣̇wr min־háʼá֔reẕ wĕhişĕ̌kȧbĕţi֖̇ym lábeֽtaẖ׃

21
וְאֵרַשְׂתִּ֥יךְ לִ֖י לְעֹולָ֑ם וְאֵרַשְׂתִּ֥יךְ לִי֙ בְּצֶ֣דֶק וּבְמִשְׁפָּ֔ט וּבְחֶ֖סֶד וּֽבְרַחֲמִֽים׃

wĕʼéraşĕ̂ţi֥̇ykĕ li֖y lĕʻòwlá֑m wĕʼéraşĕ̂ţi֥̇ykĕ liy֙ bĕ̇ẕe֣deq ẇbĕmişĕ̌pá̇֔t ẇbĕẖe֖sed ẇֽbĕraẖàmiֽym׃

22
וְאֵרַשְׂתִּ֥יךְ לִ֖י בֶּאֱמוּנָ֑ה וְיָדַ֖עַתְּ אֶת־יְהוָֽה׃ ס

wĕʼéraşĕ̂ţi֥̇ykĕ li֖y bėʼèmẇná֑h wĕyáda֖ʻaţĕ̇ ʼeţ־yĕhwáֽh׃ s

23
וְהָיָ֣ה׀ בַּיֹּ֣ום הַה֗וּא אֶֽעֱנֶה֙ נְאֻם־יְהוָ֔ה אֶעֱנֶ֖ה אֶת־הַשָּׁמָ֑יִם וְהֵ֖ם יַעֲנ֥וּ אֶת־הָאָֽרֶץ׃

wĕháyá֣h׀ bȧyò֣̇wm hah֗ẇʼ ʼeֽʻèneh֙ nĕʼum־yĕhwá֔h ʼeʻène֖h ʼeţ־haşá̇̌má֑yim wĕhé֖m yaʻàn֥ẇ ʼeţ־háʼáֽreẕ׃

24
וְהָאָ֣רֶץ תַּעֲנֶ֔ה אֶת־הַדָּגָ֖ן וְאֶת־הַתִּירֹ֣ושׁ וְאֶת־הַיִּצְהָ֑ר וְהֵ֖ם יַעֲנ֥וּ אֶֽת־יִזְרְעֶֽאל׃

wĕháʼá֣reẕ ţȧʻàne֔h ʼeţ־hadá̇gá֖n wĕʼeţ־haţi̇yrò֣wş̌ wĕʼeţ־hayi̇ẕĕhá֑r wĕhé֖m yaʻàn֥ẇ ʼeֽţ־yizĕrĕʻeֽʼl׃

25
וּזְרַעְתִּ֤יהָ לִּי֙ בָּאָ֔רֶץ וְרִֽחַמְתִּ֖י אֶת־לֹ֣א רֻחָ֑מָה וְאָמַרְתִּ֤י לְלֹֽא־עַמִּי֙ עַמִּי־אַ֔תָּה וְה֖וּא יֹאמַ֥ר אֱלֹהָֽי׃ פ

ẇzĕraʻĕţi֤̇yhá li̇y֙ bá̇ʼá֔reẕ wĕriֽẖamĕţi֖̇y ʼeţ־lò֣ʼ ruẖá֑máh wĕʼámarĕţi֤̇y lĕlòֽʼ־ʻami̇y֙ ʻami̇y־ʼa֔ţá̇h wĕh֖ẇʼ yòʼma֥r ʼèlòháֽy׃ p