Bibles in ancient languages
Old translations
Modern translations

Biblia Hebraica Stuttgartensia Isaïe 10:1

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
הֹ֥וי הַחֹֽקְקִ֖ים חִקְקֵי־אָ֑וֶן וּֽמְכַתְּבִ֥ים עָמָ֖ל כִּתֵּֽבוּ׃

hò֥wy haẖòֽqĕqi֖ym ẖiqĕqéy־ʼá֑wen ẇֽmĕkaţĕ̇bi֥ym ʻámá֖l ki̇ţéֽ̇bẇ׃

2
לְהַטֹּ֤ות מִדִּין֙ דַּלִּ֔ים וְלִגְזֹ֕ל מִשְׁפַּ֖ט עֲנִיֵּ֣י עַמִּ֑י לִהְיֹ֤ות אַלְמָנֹות֙ שְׁלָלָ֔ם וְאֶת־יְתֹומִ֖ים יָבֹֽזּוּ׃

lĕhatò֤̇wţ midi̇yn֙ dȧli̇֔ym wĕligĕzò֕l mişĕ̌pȧ֖t ʻàniyé֣̇y ʻami֑̇y lihĕyò֤wţ ʼalĕmánòwţ֙ şĕ̌lálá֔m wĕʼeţ־yĕţòwmi֖ym yábòֽżẇ׃

3
וּמַֽה־תַּעֲשׂוּ֙ לְיֹ֣ום פְּקֻדָּ֔ה וּלְשֹׁואָ֖ה מִמֶּרְחָ֣ק תָּבֹ֑וא עַל־מִי֙ תָּנ֣וּסוּ לְעֶזְרָ֔ה וְאָ֥נָה תַעַזְב֖וּ כְּבֹודְכֶֽם׃

ẇmaֽh־ţȧʻàş̂ẇ֙ lĕyò֣wm pĕ̇qudá̇֔h ẇlĕşò̌wʼá֖h mimėrĕẖá֣q ţá̇bò֑wʼ ʻal־miy֙ ţá̇n֣ẇsẇ lĕʻezĕrá֔h wĕʼá֥náh ţaʻazĕb֖ẇ kĕ̇bòwdĕkeֽm׃

4
בִּלְתִּ֤י כָרַע֙ תַּ֣חַת אַסִּ֔יר וְתַ֥חַת הֲרוּגִ֖ים יִפֹּ֑לוּ בְּכָל־זֹאת֙ לֹא־שָׁ֣ב אַפֹּ֔ו וְעֹ֖וד יָדֹ֥ו נְטוּיָֽה׃ ס

bi̇lĕţi֤̇y káraʻ֙ ţȧ֣ẖaţ ʼasi̇֔yr wĕţa֥ẖaţ hàrẇgi֖ym yipò֑̇lẇ bĕ̇kál־zòʼţ֙ lòʼ־şá֣̌b ʼapò̇֔w wĕʻò֖wd yádò֥w nĕtẇyáֽh׃ s

5
הֹ֥וי אַשּׁ֖וּר שֵׁ֣בֶט אַפִּ֑י וּמַטֶּה־ה֥וּא בְיָדָ֖ם זַעְמִֽי׃

hò֥wy ʼaş֖̇̌ẇr şé֣̌bet ʼapi֑̇y ẇmatėh־h֥ẇʼ bĕyádá֖m zaʻĕmiֽy׃

6
בְּגֹ֤וי חָנֵף֙ אֲשַׁלְּחֶ֔נּוּ וְעַל־עַ֥ם עֶבְרָתִ֖י אֲצַוֶּ֑נּוּ לִשְׁלֹ֤ל שָׁלָל֙ וְלָבֹ֣ז בַּ֔ז וּלְשִׂימֹו מִרְמָ֖ס כְּחֹ֥מֶר חוּצֹֽות׃

bĕ̇gò֤wy ẖánép֙ ʼàşǎlĕ̇ẖe֔ṅẇ wĕʻal־ʻa֥m ʻebĕráţi֖y ʼàẕawė֑ṅẇ lişĕ̌lò֤l şá̌lál֙ wĕlábò֣z bȧ֔z ẇlĕşîymòw mirĕmá֖s kĕ̇ẖò֥mer ẖẇẕòֽwţ׃

7
וְהוּא֙ לֹא־כֵ֣ן יְדַמֶּ֔ה וּלְבָבֹ֖ו לֹא־כֵ֣ן יַחְשֹׁ֑ב כִּ֚י לְהַשְׁמִ֣יד בִּלְבָבֹ֔ו וּלְהַכְרִ֥ית גֹּויִ֖ם לֹ֥א מְעָֽט׃

wĕhẇʼ֙ lòʼ־ké֣n yĕdamė֔h ẇlĕbábò֖w lòʼ־ké֣n yaẖĕşò֑̌b ki֚̇y lĕhaşĕ̌mi֣yd bi̇lĕbábò֔w ẇlĕhakĕri֥yţ gò̇wyi֖m lò֥ʼ mĕʻáֽt׃

8
כִּ֖י יֹאמַ֑ר הֲלֹ֥א שָׂרַ֛י יַחְדָּ֖ו מְלָכִֽים׃

ki֖̇y yòʼma֑r hàlò֥ʼ şá̂ra֛y yaẖĕdá֖̇w mĕlákiֽym׃

9
הֲלֹ֥א כְּכַרְכְּמִ֖ישׁ כַּלְנֹ֑ו אִם־לֹ֤א כְאַרְפַּד֙ חֲמָ֔ת אִם־לֹ֥א כְדַמֶּ֖שֶׂק שֹׁמְרֹֽון׃

hàlò֥ʼ kĕ̇karĕkĕ̇mi֖yş̌ kȧlĕnò֑w ʼim־lò֤ʼ kĕʼarĕpȧd֙ ẖàmá֔ţ ʼim־lò֥ʼ kĕdamė֖şêq şò̌mĕròֽwn׃

10
כַּאֲשֶׁר֙ מָצְאָ֣ה יָדִ֔י לְמַמְלְכֹ֖ת הָאֱלִ֑יל וּפְסִ֣ילֵיהֶ֔ם מִירֽוּשָׁלִַ֖ם וּמִשֹּׁמְרֹֽון׃

kȧʼàşěr֙ máẕĕʼá֣h yádi֔y lĕmamĕlĕkò֖ţ háʼèli֑yl ẇpĕsi֣yléyhe֔m miyrֽẇşá̌lia֖m ẇmişò̇̌mĕròֽwn׃

11
הֲלֹ֗א כַּאֲשֶׁ֥ר עָשִׂ֛יתִי לְשֹׁמְרֹ֖ון וְלֶאֱלִילֶ֑יהָ כֵּ֛ן אֶעֱשֶׂ֥ה לִירוּשָׁלִַ֖ם וְלַעֲצַבֶּֽיהָ׃ ס

hàlò֗ʼ kȧʼàşě֥r ʻáşî֛yţiy lĕşò̌mĕrò֖wn wĕleʼèliyle֑yhá ké֛̇n ʼeʻèşê֥h liyrẇşá̌lia֖m wĕlaʻàẕabėֽyhá׃ s

12
וְהָיָ֗ה כִּֽי־יְבַצַּ֤ע אֲדֹנָי֙ אֶת־כָּל־מַֽעֲשֵׂ֔הוּ בְּהַ֥ר צִיֹּ֖ון וּבִירוּשָׁלִָ֑ם אֶפְקֹ֗ד עַל־פְּרִי־גֹ֨דֶל֙ לְבַ֣ב מֶֽלֶךְ־אַשּׁ֔וּר וְעַל־תִּפְאֶ֖רֶת ר֥וּם עֵינָֽיו׃

wĕháyá֗h kiֽ̇y־yĕbaẕȧ֤ʻ ʼàdònáy֙ ʼeţ־ká̇l־maֽʻàşé̂֔hẇ bĕ̇ha֥r ẕiyò֖̇wn ẇbiyrẇşá̌liá֑m ʼepĕqò֗d ʻal־pĕ̇riy־gò֨del֙ lĕba֣b meֽlekĕ־ʼaş̇̌֔ẇr wĕʻal־ţi̇pĕʼe֖reţ r֥ẇm ʻéynáֽyw׃

13
כִּ֣י אָמַ֗ר בְּכֹ֤חַ יָדִי֙ עָשִׂ֔יתִי וּבְחָכְמָתִ֖י כִּ֣י נְבֻנֹ֑ותִי וְאָסִ֣יר׀ גְּבוּלֹ֣ת עַמִּ֗ים וַעֲתִידֹתֵיהֶם שֹׁושֵׂ֔תִי וְאֹורִ֥יד כַּאבִּ֖יר יֹושְׁבִֽים׃

ki֣̇y ʼáma֗r bĕ̇kò֤ẖa yádiy֙ ʻáşî֔yţiy ẇbĕẖákĕmáţi֖y ki֣̇y nĕbunò֑wţiy wĕʼási֣yr׀ gĕ̇bẇlò֣ţ ʻami̇֗ym waʻàţiydòţéyhem şò̌wşé̂֔ţiy wĕʼòwri֥yd kȧʼbi֖̇yr yòwşĕ̌biֽym׃

14
וַתִּמְצָ֨א כַקֵּ֤ן׀ יָדִי֙ לְחֵ֣יל הָֽעַמִּ֔ים וְכֶאֱסֹף֙ בֵּיצִ֣ים עֲזֻבֹ֔ות כָּל־הָאָ֖רֶץ אֲנִ֣י אָסָ֑פְתִּי וְלֹ֤א הָיָה֙ נֹדֵ֣ד כָּנָ֔ף וּפֹצֶ֥ה פֶ֖ה וּמְצַפְצֵֽף׃

waţi̇mĕẕá֨ʼ kaqé֤̇n׀ yádiy֙ lĕẖé֣yl háֽʻami̇֔ym wĕkeʼèsòp֙ bé̇yẕi֣ym ʻàzubò֔wţ ká̇l־háʼá֖reẕ ʼàni֣y ʼásá֑pĕţi̇y wĕlò֤ʼ háyáh֙ nòdé֣d ká̇ná֔p ẇpòẕe֥h pe֖h ẇmĕẕapĕẕéֽp׃

15
הֲיִתְפָּאֵר֙ הַגַּרְזֶ֔ן עַ֖ל הַחֹצֵ֣ב בֹּ֑ו אִם־יִתְגַּדֵּ֤ל הַמַּשֹּׂור֙ עַל־מְנִיפֹ֔ו כְּהָנִ֥יף שֵׁ֨בֶט֙ וְאֶת־מְרִימָ֔יו כְּהָרִ֥ים מַטֶּ֖ה לֹא־עֵֽץ׃

hàyiţĕpá̇ʼér֙ hagȧrĕze֔n ʻa֖l haẖòẕé֣b bò֑̇w ʼim־yiţĕgȧdé֤̇l hamȧşò̇̂wr֙ ʻal־mĕniypò֔w kĕ̇háni֥yp şé̌֨bet֙ wĕʼeţ־mĕriymá֔yw kĕ̇hári֥ym matė֖h lòʼ־ʻéֽẕ׃

16
לָ֠כֵן יְשַׁלַּ֨ח הָאָדֹ֜ון יְהוָ֧ה צְבָאֹ֛ות בְּמִשְׁמַנָּ֖יו רָזֹ֑ון וְתַ֧חַת כְּבֹדֹ֛ו יֵקַ֥ד יְקֹ֖ד כִּיקֹ֥וד אֵֽשׁ׃

lá֠kén yĕşǎlȧ֨ẖ háʼádò֜wn yĕhwá֧h ẕĕbáʼò֛wţ bĕ̇mişĕ̌maná֖̇yw rázò֑wn wĕţa֧ẖaţ kĕ̇bòdò֛w yéqa֥d yĕqò֖d ki̇yqò֥wd ʼéֽş̌׃

17
וְהָיָ֤ה אֹֽור־יִשְׂרָאֵל֙ לְאֵ֔שׁ וּקְדֹושֹׁ֖ו לְלֶהָבָ֑ה וּבָעֲרָ֗ה וְאָֽכְלָ֛ה שִׁיתֹ֥ו וּשְׁמִירֹ֖ו בְּיֹ֥ום אֶחָֽד׃

wĕháyá֤h ʼòֽwr־yişĕ̂ráʼél֙ lĕʼé֔ş̌ ẇqĕdòwşò֖̌w lĕlehábá֑h ẇbáʻàrá֗h wĕʼáֽkĕlá֛h şǐyţò֥w ẇşĕ̌miyrò֖w bĕ̇yò֥wm ʼeẖáֽd׃

18
וּכְבֹ֤וד יַעְרֹו֙ וְכַרְמִלֹּ֔ו מִנֶּ֥פֶשׁ וְעַד־בָּשָׂ֖ר יְכַלֶּ֑ה וְהָיָ֖ה כִּמְסֹ֥ס נֹסֵֽס׃

ẇkĕbò֤wd yaʻĕròw֙ wĕkarĕmilò̇֔w minė֥peş̌ wĕʻad־bá̇şá֖̂r yĕkalė֑h wĕháyá֖h ki̇mĕsò֥s nòséֽs׃

19
וּשְׁאָ֥ר עֵ֛ץ יַעְרֹ֖ו מִסְפָּ֣ר יִֽהְי֑וּ וְנַ֖עַר יִכְתְּבֵֽם׃ פ

ẇşĕ̌ʼá֥r ʻé֛ẕ yaʻĕrò֖w misĕpá֣̇r yiֽhĕy֑ẇ wĕna֖ʻar yikĕţĕ̇béֽm׃ p

20
וְהָיָ֣ה׀ בַּיֹּ֣ום הַה֗וּא לֹֽא־יֹוסִ֨יף עֹ֜וד שְׁאָ֤ר יִשְׂרָאֵל֙ וּפְלֵיטַ֣ת בֵּֽית־יַעֲקֹ֔ב לְהִשָּׁעֵ֖ן עַל־מַכֵּ֑הוּ וְנִשְׁעַ֗ן עַל־יְהוָ֛ה קְדֹ֥ושׁ יִשְׂרָאֵ֖ל בֶּאֱמֶֽת׃

wĕháyá֣h׀ bȧyò֣̇wm hah֗ẇʼ lòֽʼ־yòwsi֨yp ʻò֜wd şĕ̌ʼá֤r yişĕ̂ráʼél֙ ẇpĕléyta֣ţ béֽ̇yţ־yaʻàqò֔b lĕhişá̇̌ʻé֖n ʻal־maké֑̇hẇ wĕnişĕ̌ʻa֗n ʻal־yĕhwá֛h qĕdò֥wş̌ yişĕ̂ráʼé֖l bėʼèmeֽţ׃

21
שְׁאָ֥ר יָשׁ֖וּב שְׁאָ֣ר יַעֲקֹ֑ב אֶל־אֵ֖ל גִּבֹּֽור׃

şĕ̌ʼá֥r yáş֖̌ẇb şĕ̌ʼá֣r yaʻàqò֑b ʼel־ʼé֖l gi̇bòֽ̇wr׃

22
כִּ֣י אִם־יִהְיֶ֞ה עַמְּךָ֤ יִשְׂרָאֵל֙ כְּחֹ֣ול הַיָּ֔ם שְׁאָ֖ר יָשׁ֣וּב בֹּ֑ו כִּלָּיֹ֥ון חָר֖וּץ שֹׁוטֵ֥ף צְדָקָֽה׃

ki֣̇y ʼim־yihĕye֞h ʻamĕ̇ká֤ yişĕ̂ráʼél֙ kĕ̇ẖò֣wl hayá̇֔m şĕ̌ʼá֖r yáş֣̌ẇb bò֑̇w ki̇lá̇yò֥wn ẖár֖ẇẕ şò̌wté֥p ẕĕdáqáֽh׃

23
כִּ֥י כָלָ֖ה וְנֶחֱרָצָ֑ה אֲדֹנָ֤י יְהוִה֙ צְבָאֹ֔ות עֹשֶׂ֖ה בְּקֶ֥רֶב כָּל־הָאָֽרֶץ׃ ס

ki֥̇y kálá֖h wĕneẖèráẕá֑h ʼàdòná֤y yĕhwih֙ ẕĕbáʼò֔wţ ʻòşê֖h bĕ̇qe֥reb ká̇l־háʼáֽreẕ׃ s

24
לָכֵ֗ן כֹּֽה־אָמַ֞ר אֲדֹנָ֤י יְהוִה֙ צְבָאֹ֔ות אַל־תִּירָ֥א עַמִּ֛י יֹשֵׁ֥ב צִיֹּ֖ון מֵֽאַשּׁ֑וּר בַּשֵּׁ֣בֶט יַכֶּ֔כָּה וּמַטֵּ֥הוּ יִשָּֽׂא־עָלֶ֖יךָ בְּדֶ֥רֶךְ מִצְרָֽיִם׃

láké֗n kòֽ̇h־ʼáma֞r ʼàdòná֤y yĕhwih֙ ẕĕbáʼò֔wţ ʼal־ţi̇yrá֥ʼ ʻami֛̇y yòşé֥̌b ẕiyò֖̇wn méֽʼaş֑̇̌ẇr bȧşé֣̇̌bet yakė֔ká̇h ẇmaté֥̇hẇ yişáֽ̇̂ʼ־ʻále֖yká bĕ̇de֥rekĕ miẕĕráֽyim׃

25
כִּי־עֹ֖וד מְעַ֣ט מִזְעָ֑ר וְכָ֣לָה זַ֔עַם וְאַפִּ֖י עַל־תַּבְלִיתָֽם׃

ki̇y־ʻò֖wd mĕʻa֣t mizĕʻá֑r wĕká֣láh za֔ʻam wĕʼapi֖̇y ʻal־ţȧbĕliyţáֽm׃

26
וְעֹורֵ֨ר עָלָ֜יו יְהוָ֤ה צְבָאֹות֙ שֹׁ֔וט כְּמַכַּ֥ת מִדְיָ֖ן בְּצ֣וּר עֹורֵ֑ב וּמַטֵּ֨הוּ֙ עַל־הַיָּ֔ם וּנְשָׂאֹ֖ו בְּדֶ֥רֶךְ מִצְרָֽיִם׃

wĕʻòwré֨r ʻálá֜yw yĕhwá֤h ẕĕbáʼòwţ֙ şò̌֔wt kĕ̇makȧ֥ţ midĕyá֖n bĕ̇ẕ֣ẇr ʻòwré֑b ẇmaté̇֨hẇ֙ ʻal־hayá̇֔m ẇnĕşá̂ʼò֖w bĕ̇de֥rekĕ miẕĕráֽyim׃

27
וְהָיָ֣ה׀ בַּיֹּ֣ום הַה֗וּא יָס֤וּר סֻבֳּלֹו֙ מֵעַ֣ל שִׁכְמֶ֔ךָ וְעֻלֹּ֖ו מֵעַ֣ל צַוָּארֶ֑ךָ וְחֻבַּ֥ל עֹ֖ל מִפְּנֵי־שָֽׁמֶן׃

wĕháyá֣h׀ bȧyò֣̇wm hah֗ẇʼ yás֤ẇr subȯlòw֙ méʻa֣l şǐkĕme֔ká wĕʻulò֖̇w méʻa֣l ẕawá̇ʼre֑ká wĕẖubȧ֥l ʻò֖l mipĕ̇néy־şáֽ̌men׃

28
בָּ֥א עַל־עַיַּ֖ת עָבַ֣ר בְּמִגְרֹ֑ון לְמִכְמָ֖שׂ יַפְקִ֥יד כֵּלָֽיו׃

bá֥̇ʼ ʻal־ʻayȧ֖ţ ʻába֣r bĕ̇migĕrò֑wn lĕmikĕmá֖ş̂ yapĕqi֥yd ké̇láֽyw׃

29
עָֽבְרוּ֙ מַעְבָּרָ֔ה גֶּ֖בַע מָלֹ֣ון לָ֑נוּ חָֽרְדָה֙ הָֽרָמָ֔ה גִּבְעַ֥ת שָׁא֖וּל נָֽסָה׃

ʻáֽbĕrẇ֙ maʻĕbá̇rá֔h gė֖baʻ málò֣wn lá֑nẇ ẖáֽrĕdáh֙ háֽrámá֔h gi̇bĕʻa֥ţ şá̌ʼ֖ẇl náֽsáh׃

30
צַהֲלִ֥י קֹולֵ֖ךְ בַּת־גַּלִּ֑ים הַקְשִׁ֥יבִי לַ֖יְשָׁה עֲנִיָּ֥ה עֲנָתֹֽות׃

ẕahàli֥y qòwlé֖kĕ bȧţ־gȧli֑̇ym haqĕşǐ֥ybiy la֖yĕşá̌h ʻàniyá֥̇h ʻànáţòֽwţ׃

31
נָדְדָ֖ה מַדְמֵנָ֑ה יֹשְׁבֵ֥י הַגֵּבִ֖ים הֵעִֽיזוּ׃

nádĕdá֖h madĕméná֑h yòşĕ̌bé֥y hagé̇bi֖ym héʻiֽyzẇ׃

32
עֹ֥וד הַיֹּ֖ום בְּנֹ֣ב לַֽעֲמֹ֑ד יְנֹפֵ֤ף יָדֹו֙ הַ֣ר בֵּית צִיֹּ֔ון גִּבְעַ֖ת יְרוּשָׁלִָֽם׃ ס

ʻò֥wd hayò֖̇wm bĕ̇nò֣b laֽʻàmò֑d yĕnòpé֤p yádòw֙ ha֣r bé̇yţ ẕiyò̇֔wn gi̇bĕʻa֖ţ yĕrẇşá̌láֽim׃ s

33
הִנֵּ֤ה הָאָדֹון֙ יְהוָ֣ה צְבָאֹ֔ות מְסָעֵ֥ף פֻּארָ֖ה בְּמַעֲרָצָ֑ה וְרָמֵ֤י הַקֹּומָה֙ גְּדוּעִ֔ים וְהַגְּבֹהִ֖ים יִשְׁפָּֽלוּ׃

hiné֤̇h háʼádòwn֙ yĕhwá֣h ẕĕbáʼò֔wţ mĕsáʻé֥p pu̇ʼrá֖h bĕ̇maʻàráẕá֑h wĕrámé֤y haqò̇wmáh֙ gĕ̇dẇʻi֔ym wĕhagĕ̇bòhi֖ym yişĕ̌páֽ̇lẇ׃

34
וְנִקַּ֛ף סִֽבְכֵ֥י הַיַּ֖עַר בַּבַּרְזֶ֑ל וְהַלְּבָנֹ֖ון בְּאַדִּ֥יר יִפֹּֽול׃ ס

wĕniqȧ֛p siֽbĕké֥y hayȧ֖ʻar bȧbȧrĕze֑l wĕhalĕ̇bánò֖wn bĕ̇ʼadi֥̇yr yipòֽ̇wl׃ s