Bibles in ancient languages
Old translations
Modern translations

Biblia Hebraica Stuttgartensia Isaïe 2:19

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
הַדָּבָר֙ אֲשֶׁ֣ר חָזָ֔ה יְשַֽׁעְיָ֖הוּ בֶּן־אָמֹ֑וץ עַל־יְהוּדָ֖ה וִירוּשָׁלִָֽם׃

hadá̇bár֙ ʼàşě֣r ẖázá֔h yĕşǎֽʻĕyá֖hẇ bėn־ʼámò֑wẕ ʻal־yĕhẇdá֖h wiyrẇşá̌láֽim׃

2
וְהָיָ֣ה׀ בְּאַחֲרִ֣ית הַיָּמִ֗ים נָכֹ֨ון יִֽהְיֶ֜ה הַ֤ר בֵּית־יְהוָה֙ בְּרֹ֣אשׁ הֶהָרִ֔ים וְנִשָּׂ֖א מִגְּבָעֹ֑ות וְנָהֲר֥וּ אֵלָ֖יו כָּל־הַגֹּויִֽם׃

wĕháyá֣h׀ bĕ̇ʼaẖàri֣yţ hayá̇mi֗ym nákò֨wn yiֽhĕye֜h ha֤r bé̇yţ־yĕhwáh֙ bĕ̇rò֣ʼş̌ hehári֔ym wĕnişá֖̇̂ʼ migĕ̇báʻò֑wţ wĕnáhàr֥ẇ ʼélá֖yw ká̇l־hagò̇wyiֽm׃

3
וְֽהָלְכ֞וּ עַמִּ֣ים רַבִּ֗ים וְאָמְרוּ֙ לְכ֣וּ׀ וְנַעֲלֶ֣ה אֶל־הַר־יְהוָ֗ה אֶל־בֵּית֙ אֱלֹהֵ֣י יַעֲקֹ֔ב וְיֹרֵ֨נוּ֙ מִדְּרָכָ֔יו וְנֵלְכָ֖ה בְּאֹרְחֹתָ֑יו כִּ֤י מִצִּיֹּון֙ תֵּצֵ֣א תֹורָ֔ה וּדְבַר־יְהוָ֖ה מִירוּשָׁלִָֽם׃

wĕֽhálĕk֞ẇ ʻami֣̇ym rabi̇֗ym wĕʼámĕrẇ֙ lĕk֣ẇ׀ wĕnaʻàle֣h ʼel־har־yĕhwá֗h ʼel־bé̇yţ֙ ʼèlòhé֣y yaʻàqò֔b wĕyòré֨nẇ֙ midĕ̇ráká֔yw wĕnélĕká֖h bĕ̇ʼòrĕẖòţá֑yw ki֤̇y miẕi̇yò̇wn֙ ţé̇ẕé֣ʼ ţòwrá֔h ẇdĕbar־yĕhwá֖h miyrẇşá̌láֽim׃

4
וְשָׁפַט֙ בֵּ֣ין הַגֹּויִ֔ם וְהֹוכִ֖יחַ לְעַמִּ֣ים רַבִּ֑ים וְכִתְּת֨וּ חַרְבֹותָ֜ם לְאִתִּ֗ים וַחֲנִיתֹֽותֵיהֶם֙ לְמַזְמֵרֹ֔ות לֹא־יִשָּׂ֨א גֹ֤וי אֶל־גֹּוי֙ חֶ֔רֶב וְלֹא־יִלְמְד֥וּ עֹ֖וד מִלְחָמָֽה׃ פ

wĕşá̌pat֙ bé֣̇yn hagò̇wyi֔m wĕhòwki֖yẖa lĕʻami֣̇ym rabi֑̇ym wĕkiţĕ̇ţ֨ẇ ẖarĕbòwţá֜m lĕʼiţi̇֗ym waẖàniyţòֽwţéyhem֙ lĕmazĕmérò֔wţ lòʼ־yişá̇̂֨ʼ gò֤wy ʼel־gò̇wy֙ ẖe֔reb wĕlòʼ־yilĕmĕd֥ẇ ʻò֖wd milĕẖámáֽh׃ p

5
בֵּ֖ית יַעֲקֹ֑ב לְכ֥וּ וְנֵלְכָ֖ה בְּאֹ֥ור יְהוָֽה׃

bé֖̇yţ yaʻàqò֑b lĕk֥ẇ wĕnélĕká֖h bĕ̇ʼò֥wr yĕhwáֽh׃

6
כִּ֣י נָטַ֗שְׁתָּה עַמְּךָ֙ בֵּ֣ית יַעֲקֹ֔ב כִּ֤י מָלְאוּ֙ מִקֶּ֔דֶם וְעֹֽנְנִ֖ים כַּפְּלִשְׁתִּ֑ים וּבְיַלְדֵ֥י נָכְרִ֖ים יַשְׂפִּֽיקוּ׃

ki֣̇y náta֗şĕ̌ţá̇h ʻamĕ̇ká֙ bé֣̇yţ yaʻàqò֔b ki֤̇y málĕʼẇ֙ miqė֔dem wĕʻòֽnĕni֖ym kȧpĕ̇lişĕ̌ţi֑̇ym ẇbĕyalĕdé֥y nákĕri֖ym yaşĕ̂piֽ̇yqẇ׃

7
וַתִּמָּלֵ֤א אַרְצֹו֙ כֶּ֣סֶף וְזָהָ֔ב וְאֵ֥ין קֵ֖צֶה לְאֹצְרֹתָ֑יו וַתִּמָּלֵ֤א אַרְצֹו֙ סוּסִ֔ים וְאֵ֥ין קֵ֖צֶה לְמַרְכְּבֹתָֽיו׃

waţi̇má̇lé֤ʼ ʼarĕẕòw֙ kė֣sep wĕzáhá֔b wĕʼé֥yn qé֖ẕeh lĕʼòẕĕròţá֑yw waţi̇má̇lé֤ʼ ʼarĕẕòw֙ sẇsi֔ym wĕʼé֥yn qé֖ẕeh lĕmarĕkĕ̇bòţáֽyw׃

8
וַתִּמָּלֵ֥א אַרְצֹ֖ו אֱלִילִ֑ים לְמַעֲשֵׂ֤ה יָדָיו֙ יִֽשְׁתַּחֲו֔וּ לַאֲשֶׁ֥ר עָשׂ֖וּ אֶצְבְּעֹתָֽיו׃

waţi̇má̇lé֥ʼ ʼarĕẕò֖w ʼèliyli֑ym lĕmaʻàşé֤̂h yádáyw֙ yiֽşĕ̌ţȧẖàw֔ẇ laʼàşě֥r ʻáş֖̂ẇ ʼeẕĕbĕ̇ʻòţáֽyw׃

9
וַיִּשַּׁ֥ח אָדָ֖ם וַיִּשְׁפַּל־אִ֑ישׁ וְאַל־תִּשָּׂ֖א לָהֶֽם׃

wayi̇şȧ֥̌ẖ ʼádá֖m wayi̇şĕ̌pȧl־ʼi֑yş̌ wĕʼal־ţi̇şá֖̇̂ʼ láheֽm׃

10
בֹּ֣וא בַצּ֔וּר וְהִטָּמֵ֖ן בֶּֽעָפָ֑ר מִפְּנֵי֙ פַּ֣חַד יְהוָ֔ה וּמֵהֲדַ֖ר גְּאֹנֹֽו׃

bò֣̇wʼ baẕ̇֔ẇr wĕhitá̇mé֖n bėֽʻápá֑r mipĕ̇néy֙ pȧ֣ẖad yĕhwá֔h ẇméhàda֖r gĕ̇ʼònòֽw׃

11
עֵינֵ֞י גַּבְה֤וּת אָדָם֙ שָׁפֵ֔ל וְשַׁ֖ח ר֣וּם אֲנָשִׁ֑ים וְנִשְׂגַּ֧ב יְהוָ֛ה לְבַדֹּ֖ו בַּיֹּ֥ום הַהֽוּא׃ ס

ʻéyné֞y gȧbĕh֤ẇţ ʼádám֙ şá̌pé֔l wĕşǎ֖ẖ r֣ẇm ʼànáşǐ֑ym wĕnişĕ̂gȧ֧b yĕhwá֛h lĕbadò֖̇w bȧyò֥̇wm hahֽẇʼ׃ s

12
כִּ֣י יֹ֞ום לַיהוָ֧ה צְבָאֹ֛ות עַ֥ל כָּל־גֵּאֶ֖ה וָרָ֑ם וְעַ֖ל כָּל־נִשָּׂ֥א וְשָׁפֵֽל׃

ki֣̇y yò֞wm layhwá֧h ẕĕbáʼò֛wţ ʻa֥l ká̇l־gé̇ʼe֖h wárá֑m wĕʻa֖l ká̇l־nişá֥̇̂ʼ wĕşá̌péֽl׃

13
וְעַל֙ כָּל־אַרְזֵ֣י הַלְּבָנֹ֔ון הָרָמִ֖ים וְהַנִּשָּׂאִ֑ים וְעַ֖ל כָּל־אַלֹּונֵ֥י הַבָּשָֽׁן׃

wĕʻal֙ ká̇l־ʼarĕzé֣y halĕ̇bánò֔wn hárámi֖ym wĕhani̇şá̇̂ʼi֑ym wĕʻa֖l ká̇l־ʼalò̇wné֥y habá̇şáֽ̌n׃

14
וְעַ֖ל כָּל־הֶהָרִ֣ים הָרָמִ֑ים וְעַ֖ל כָּל־הַגְּבָעֹ֥ות הַנִּשָּׂאֹֽות׃

wĕʻa֖l ká̇l־hehári֣ym hárámi֑ym wĕʻa֖l ká̇l־hagĕ̇báʻò֥wţ hani̇şá̇̂ʼòֽwţ׃

15
וְעַ֖ל כָּל־מִגְדָּ֣ל גָּבֹ֑הַ וְעַ֖ל כָּל־חֹומָ֥ה בְצוּרָֽה׃

wĕʻa֖l ká̇l־migĕdá֣̇l gá̇bò֑ha wĕʻa֖l ká̇l־ẖòwmá֥h bĕẕẇráֽh׃

16
וְעַ֖ל כָּל־אֳנִיֹּ֣ות תַּרְשִׁ֑ישׁ וְעַ֖ל כָּל־שְׂכִיֹּ֥ות הַחֶמְדָּֽה׃

wĕʻa֖l ká̇l־ʼoniyò֣̇wţ ţȧrĕşǐ֑yş̌ wĕʻa֖l ká̇l־şĕ̂kiyò֥̇wţ haẖemĕdáֽ̇h׃

17
וְשַׁח֙ גַּבְה֣וּת הָאָדָ֔ם וְשָׁפֵ֖ל ר֣וּם אֲנָשִׁ֑ים וְנִשְׂגַּ֧ב יְהוָ֛ה לְבַדֹּ֖ו בַּיֹּ֥ום הַהֽוּא׃

wĕşǎẖ֙ gȧbĕh֣ẇţ háʼádá֔m wĕşá̌pé֖l r֣ẇm ʼànáşǐ֑ym wĕnişĕ̂gȧ֧b yĕhwá֛h lĕbadò֖̇w bȧyò֥̇wm hahֽẇʼ׃

18
וְהָאֱלִילִ֖ים כָּלִ֥יל יַחֲלֹֽף׃

wĕháʼèliyli֖ym ká̇li֥yl yaẖàlòֽp׃

19
וּבָ֨אוּ֙ בִּמְעָרֹ֣ות צֻרִ֔ים וּבִמְחִלֹּ֖ות עָפָ֑ר מִפְּנֵ֞י פַּ֤חַד יְהוָה֙ וּמֵהֲדַ֣ר גְּאֹונֹ֔ו בְּקוּמֹ֖ו לַעֲרֹ֥ץ הָאָֽרֶץ׃

ẇbá֨ʼẇ֙ bi̇mĕʻárò֣wţ ẕuri֔ym ẇbimĕẖilò֖̇wţ ʻápá֑r mipĕ̇né֞y pȧ֤ẖad yĕhwáh֙ ẇméhàda֣r gĕ̇ʼòwnò֔w bĕ̇qẇmò֖w laʻàrò֥ẕ háʼáֽreẕ׃

20
בַּיֹּ֤ום הַהוּא֙ יַשְׁלִ֣יךְ הָאָדָ֔ם אֵ֚ת אֱלִילֵ֣י כַסְפֹּ֔ו וְאֵ֖ת אֱלִילֵ֣י זְהָבֹ֑ו אֲשֶׁ֤ר עָֽשׂוּ־לֹו֙ לְהִֽשְׁתַּחֲוֹ֔ת לַחְפֹּ֥ר פֵּרֹ֖ות וְלָעֲטַלֵּפִֽים׃

bȧyò֤̇wm hahẇʼ֙ yaşĕ̌li֣ykĕ háʼádá֔m ʼé֚ţ ʼèliylé֣y kasĕpò̇֔w wĕʼé֖ţ ʼèliylé֣y zĕhábò֑w ʼàşě֤r ʻáֽş̂ẇ־lòw֙ lĕhiֽşĕ̌ţȧẖàwò֔ţ laẖĕpò֥̇r pé̇rò֖wţ wĕláʻàtalé̇piֽym׃

21
לָבֹוא֙ בְּנִקְרֹ֣ות הַצֻּרִ֔ים וּבִסְעִפֵ֖י הַסְּלָעִ֑ים מִפְּנֵ֞י פַּ֤חַד יְהוָה֙ וּמֵהֲדַ֣ר גְּאֹונֹ֔ו בְּקוּמֹ֖ו לַעֲרֹ֥ץ הָאָֽרֶץ׃

lábòwʼ֙ bĕ̇niqĕrò֣wţ haẕu̇ri֔ym ẇbisĕʻipé֖y hasĕ̇láʻi֑ym mipĕ̇né֞y pȧ֤ẖad yĕhwáh֙ ẇméhàda֣r gĕ̇ʼòwnò֔w bĕ̇qẇmò֖w laʻàrò֥ẕ háʼáֽreẕ׃

22
חִדְל֤וּ לָכֶם֙ מִן־הָ֣אָדָ֔ם אֲשֶׁ֥ר נְשָׁמָ֖ה בְּאַפֹּ֑ו כִּֽי־בַמֶּ֥ה נֶחְשָׁ֖ב הֽוּא׃ פ

ẖidĕl֤ẇ lákem֙ min־há֣ʼádá֔m ʼàşě֥r nĕşá̌má֖h bĕ̇ʼapò֑̇w kiֽ̇y־bamė֥h neẖĕşá֖̌b hֽẇʼ׃ p