Bibles in ancient languages
Old translations
Modern translations

Biblia Hebraica Stuttgartiensia Isaiah 38

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
בַּיָּמִ֣ים הָהֵ֔ם חָלָ֥ה חִזְקִיָּ֖הוּ לָמ֑וּת וַיָּבֹ֣וא אֵ֠לָיו יְשַׁעְיָ֨הוּ בֶן־אָמֹ֜וץ הַנָּבִ֗יא וַיֹּ֨אמֶר אֵלָ֜יו כֹּֽה־אָמַ֤ר יְהוָה֙ צַ֣ו לְבֵיתֶ֔ךָ כִּ֛י מֵ֥ת אַתָּ֖ה וְלֹ֥א תִֽחְיֶֽה׃

bȧyá̇mi֣ym háhé֔m ẖálá֥h ẖizĕqiyá֖̇hẇ lám֑ẇţ wayá̇bò֣wʼ ʼé֠láyw yĕşǎʻĕyá֨hẇ ben־ʼámò֜wẕ haná̇bi֗yʼ wayò̇֨ʼmer ʼélá֜yw kòֽ̇h־ʼáma֤r yĕhwáh֙ ẕa֣w lĕbéyţe֔ká ki֛̇y mé֥ţ ʼaţá֖̇h wĕlò֥ʼ ţiֽẖĕyeֽh׃

2
וַיַּסֵּ֧ב חִזְקִיָּ֛הוּ פָּנָ֖יו אֶל־הַקִּ֑יר וַיִּתְפַּלֵּ֖ל אֶל־יְהוָֽה׃

wayȧsé֧̇b ẖizĕqiyá֛̇hẇ pá̇ná֖yw ʼel־haqi֑̇yr wayi̇ţĕpȧlé֖̇l ʼel־yĕhwáֽh׃

3
וַיֹּאמַ֗ר אָנָּ֤ה יְהוָה֙ זְכָר־נָ֞א אֵ֣ת אֲשֶׁ֧ר הִתְהַלַּ֣כְתִּי לְפָנֶ֗יךָ בֶּֽאֱמֶת֙ וּבְלֵ֣ב שָׁלֵ֔ם וְהַטֹּ֥וב בְּעֵינֶ֖יךָ עָשִׂ֑יתִי וַיֵּ֥בְךְּ חִזְקִיָּ֖הוּ בְּכִ֥י גָדֹֽול׃ ס

wayò̇ʼma֗r ʼáná֤̇h yĕhwáh֙ zĕkár־ná֞ʼ ʼé֣ţ ʼàşě֧r hiţĕhalȧ֣kĕţi̇y lĕpáne֗yká bėֽʼèmeţ֙ ẇbĕlé֣b şá̌lé֔m wĕhatò֥̇wb bĕ̇ʻéyne֖yká ʻáşî֑yţiy wayé֥̇bĕkĕ̇ ẖizĕqiyá֖̇hẇ bĕ̇ki֥y gádòֽwl׃ s

4
וַֽיְהִי֙ דְּבַר־יְהוָ֔ה אֶֽל־יְשַׁעְיָ֖הוּ לֵאמֹֽר׃

waֽyĕhiy֙ dĕ̇bar־yĕhwá֔h ʼeֽl־yĕşǎʻĕyá֖hẇ léʼmòֽr׃

5
הָלֹ֞וךְ וְאָמַרְתָּ֣ אֶל־חִזְקִיָּ֗הוּ כֹּֽה־אָמַ֤ר יְהוָה֙ אֱלֹהֵי֙ דָּוִ֣ד אָבִ֔יךָ שָׁמַ֨עְתִּי֙ אֶת־תְּפִלָּתֶ֔ךָ רָאִ֖יתִי אֶת־דִּמְעָתֶ֑ךָ הִנְנִי֙ יֹוסִ֣ף עַל־יָמֶ֔יךָ חֲמֵ֥שׁ עֶשְׂרֵ֖ה שָׁנָֽה׃

hálò֞wkĕ wĕʼámarĕţá֣̇ ʼel־ẖizĕqiyá̇֗hẇ kòֽ̇h־ʼáma֤r yĕhwáh֙ ʼèlòhéy֙ dá̇wi֣d ʼábi֔yká şá̌ma֨ʻĕţi̇y֙ ʼeţ־ţĕ̇pilá̇ţe֔ká ráʼi֖yţiy ʼeţ־di̇mĕʻáţe֑ká hinĕniy֙ yòwsi֣p ʻal־yáme֔yká ẖàmé֥ş̌ ʻeşĕ̂ré֖h şá̌náֽh׃

6
וּמִכַּ֤ף מֶֽלֶךְ־אַשּׁוּר֙ אַצִּ֣ילְךָ֔ וְאֵ֖ת הָעִ֣יר הַזֹּ֑את וְגַנֹּותִ֖י עַל־הָעִ֥יר הַזֹּֽאת׃

ẇmikȧ֤p meֽlekĕ־ʼaş̇̌ẇr֙ ʼaẕi֣̇ylĕká֔ wĕʼé֖ţ háʻi֣yr hazò֑̇ʼţ wĕganò̇wţi֖y ʻal־háʻi֥yr hazòֽ̇ʼţ׃

7
וְזֶה־לְּךָ֥ הָאֹ֖ות מֵאֵ֣ת יְהוָ֑ה אֲשֶׁר֙ יַעֲשֶׂ֣ה יְהוָ֔ה אֶת־הַדָּבָ֥ר הַזֶּ֖ה אֲשֶׁ֥ר דִּבֵּֽר׃

wĕzeh־lĕ̇ká֥ háʼò֖wţ méʼé֣ţ yĕhwá֑h ʼàşěr֙ yaʻàşê֣h yĕhwá֔h ʼeţ־hadá̇bá֥r hazė֖h ʼàşě֥r di̇béֽ̇r׃

8
הִנְנִ֣י מֵשִׁ֣יב אֶת־צֵ֣ל הַֽמַּעֲלֹ֡ות אֲשֶׁ֣ר יָרְדָה֩ בְמַעֲלֹ֨ות אָחָ֥ז בַּשֶּׁ֛מֶשׁ אֲחֹרַנִּ֖ית עֶ֣שֶׂר מַעֲלֹ֑ות וַתָּ֤שָׁב הַשֶּׁ֨מֶשׁ֙ עֶ֣שֶׂר מַעֲלֹ֔ות בַּֽמַּעֲלֹ֖ות אֲשֶׁ֥ר יָרָֽדָה׃ ס

hinĕni֣y méşǐ֣yb ʼeţ־ẕé֣l haֽmȧʻàlò֡wţ ʼàşě֣r yárĕdáh֩ bĕmaʻàlò֨wţ ʼáẖá֥z bȧşė֛̌meş̌ ʼàẖòrani֖̇yţ ʻe֣şêr maʻàlò֑wţ waţá֤̇şá̌b haşė̌֨meş̌֙ ʻe֣şêr maʻàlò֔wţ bȧֽmȧʻàlò֖wţ ʼàşě֥r yáráֽdáh׃ s

9
מִכְתָּ֖ב לְחִזְקִיָּ֣הוּ מֶֽלֶךְ־יְהוּדָ֑ה בַּחֲלֹתֹ֕ו וַיְחִ֖י מֵחָלְיֹֽו׃

mikĕţá֖̇b lĕẖizĕqiyá֣̇hẇ meֽlekĕ־yĕhẇdá֑h bȧẖàlòţò֕w wayĕẖi֖y méẖálĕyòֽw׃

10
אֲנִ֣י אָמַ֗רְתִּי בִּדְמִ֥י יָמַ֛י אֵלֵ֖כָה בְּשַׁעֲרֵ֣י שְׁאֹ֑ול פֻּקַּ֖דְתִּי יֶ֥תֶר שְׁנֹותָֽי׃

ʼàni֣y ʼáma֗rĕţi̇y bi̇dĕmi֥y yáma֛y ʼélé֖káh bĕ̇şǎʻàré֣y şĕ̌ʼò֑wl pu̇qȧ֖dĕţi̇y ye֥ţer şĕ̌nòwţáֽy׃

11
אָמַ֨רְתִּי֙ לֹא־אֶרְאֶ֣ה יָ֔הּ יָ֖הּ בְּאֶ֣רֶץ הַחַיִּ֑ים לֹא־אַבִּ֥יט אָדָ֛ם עֹ֖וד עִם־יֹ֥ושְׁבֵי חָֽדֶל׃

ʼáma֨rĕţi̇y֙ lòʼ־ʼerĕʼe֣h yá֔ḣ yá֖ḣ bĕ̇ʼe֣reẕ haẖayi֑̇ym lòʼ־ʼabi֥̇yt ʼádá֛m ʻò֖wd ʻim־yò֥wşĕ̌béy ẖáֽdel׃

12
דֹּורִ֗י נִסַּ֧ע וְנִגְלָ֛ה מִנִּ֖י כְּאֹ֣הֶל רֹעִ֑י קִפַּ֨דְתִּי כָאֹרֵ֤ג חַיַּי֙ מִדַּלָּ֣ה יְבַצְּעֵ֔נִי מִיֹּ֥ום עַד־לַ֖יְלָה תַּשְׁלִימֵֽנִי׃

dò̇wri֗y nisȧ֧ʻ wĕnigĕlá֛h mini֖̇y kĕ̇ʼò֣hel ròʻi֑y qipȧ֨dĕţi̇y káʼòré֤g ẖayȧy֙ midȧlá֣̇h yĕbaẕĕ̇ʻé֔niy miyò֥̇wm ʻad־la֖yĕláh ţȧşĕ̌liyméֽniy׃

13
שִׁוִּ֤יתִי עַד־בֹּ֨קֶר֙ כָּֽאֲרִ֔י כֵּ֥ן יְשַׁבֵּ֖ר כָּל־עַצְמֹותָ֑י מִיֹּ֥ום עַד־לַ֖יְלָה תַּשְׁלִימֵֽנִי׃

şǐwi֤̇yţiy ʻad־bò̇֨qer֙ káֽ̇ʼàri֔y ké֥̇n yĕşǎbé֖̇r ká̇l־ʻaẕĕmòwţá֑y miyò֥̇wm ʻad־la֖yĕláh ţȧşĕ̌liyméֽniy׃

14
כְּס֤וּס עָגוּר֙ כֵּ֣ן אֲצַפְצֵ֔ף אֶהְגֶּ֖ה כַּיֹּונָ֑ה דַּלּ֤וּ עֵינַי֙ לַמָּרֹ֔ום אֲדֹנָ֖י עָֽשְׁקָה־לִּ֥י עָרְבֵֽנִי׃

kĕ̇s֤ẇs ʻágẇr֙ ké֣̇n ʼàẕapĕẕé֔p ʼehĕgė֖h kȧyò̇wná֑h dȧl֤̇ẇ ʻéynay֙ lamá̇rò֔wm ʼàdòná֖y ʻáֽşĕ̌qáh־li֥̇y ʻárĕbéֽniy׃

15
מָֽה־אֲדַבֵּ֥ר וְאָֽמַר־לִ֖י וְה֣וּא עָשָׂ֑ה אֶדַּדֶּ֥ה כָל־שְׁנֹותַ֖י עַל־מַ֥ר נַפְשִֽׁי׃

máֽh־ʼàdabé֥̇r wĕʼáֽmar־li֖y wĕh֣ẇʼ ʻáşá֑̂h ʼedȧdė֥h kál־şĕ̌nòwţa֖y ʻal־ma֥r napĕşǐֽy׃

16
אֲדֹנָ֖י עֲלֵיהֶ֣ם יִֽחְי֑וּ וּלְכָל־בָּהֶן֙ חַיֵּ֣י רוּחִ֔י וְתַחֲלִימֵ֖נִי וְהַחֲיֵֽנִי׃

ʼàdòná֖y ʻàléyhe֣m yiֽẖĕy֑ẇ ẇlĕkál־bá̇hen֙ ẖayé֣̇y rẇẖi֔y wĕţaẖàliymé֖niy wĕhaẖàyéֽniy׃

17
הִנֵּ֥ה לְשָׁלֹ֖ום מַר־לִ֣י מָ֑ר וְאַתָּ֞ה חָשַׁ֤קְתָּ נַפְשִׁי֙ מִשַּׁ֣חַת בְּלִ֔י כִּ֥י הִשְׁלַ֛כְתָּ אַחֲרֵ֥י גֵוְךָ֖ כָּל־חֲטָאָֽי׃

hiné֥̇h lĕşá̌lò֖wm mar־li֣y má֑r wĕʼaţá̇֞h ẖáşǎ֤qĕţá̇ napĕşǐy֙ mişȧ֣̌ẖaţ bĕ̇li֔y ki֥̇y hişĕ̌la֛kĕţá̇ ʼaẖàré֥y géwĕká֖ ká̇l־ẖàtáʼáֽy׃

18
כִּ֣י לֹ֥א שְׁאֹ֛ול תֹּודֶ֖ךָּ מָ֣וֶת יְהַלְלֶ֑ךָּ לֹֽא־יְשַׂבְּר֥וּ יֹֽורְדֵי־בֹ֖ור אֶל־אֲמִתֶּֽךָ׃

ki֣̇y lò֥ʼ şĕ̌ʼò֛wl ţò̇wde֖ká̇ má֣weţ yĕhalĕle֑ká̇ lòֽʼ־yĕşâbĕ̇r֥ẇ yòֽwrĕdéy־bò֖wr ʼel־ʼàmiţėֽká׃

19
חַ֥י חַ֛י ה֥וּא יֹודֶ֖ךָ כָּמֹ֣ונִי הַיֹּ֑ום אָ֣ב לְבָנִ֔ים יֹודִ֖יעַ אֶל־אֲמִתֶּֽךָ׃

ẖa֥y ẖa֛y h֥ẇʼ yòwde֖ká ká̇mò֣wniy hayò֑̇wm ʼá֣b lĕbáni֔ym yòwdi֖yʻa ʼel־ʼàmiţėֽká׃

20
יְהוָ֖ה לְהֹושִׁיעֵ֑נִי וּנְגִנֹותַ֧י נְנַגֵּ֛ן כָּל־יְמֵ֥י חַיֵּ֖ינוּ עַל־בֵּ֥ית יְהוָֽה׃

yĕhwá֖h lĕhòwşǐyʻé֑niy ẇnĕginòwţa֧y nĕnagé֛̇n ká̇l־yĕmé֥y ẖayé֖̇ynẇ ʻal־bé֥̇yţ yĕhwáֽh׃

21
וַיֹּ֣אמֶר יְשַׁעְיָ֔הוּ יִשְׂא֖וּ דְּבֶ֣לֶת תְּאֵנִ֑ים וְיִמְרְח֥וּ עַֽל־הַשְּׁחִ֖ין וְיֶֽחִי׃

wayò֣̇ʼmer yĕşǎʻĕyá֔hẇ yişĕ̂ʼ֖ẇ dĕ̇be֣leţ ţĕ̇ʼéni֑ym wĕyimĕrĕẖ֥ẇ ʻaֽl־haşĕ̇̌ẖi֖yn wĕyeֽẖiy׃

22
וַיֹּ֥אמֶר חִזְקִיָּ֖הוּ מָ֣ה אֹ֑ות כִּ֥י אֶעֱלֶ֖ה בֵּ֥ית יְהוָֽה׃ ס

wayò֥̇ʼmer ẖizĕqiyá֖̇hẇ má֣h ʼò֑wţ ki֥̇y ʼeʻèle֖h bé֥̇yţ yĕhwáֽh׃ s