Bibles in ancient languages
Old translations
Modern translations

Biblia Hebraica Stuttgartiensia Isaiah 44

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְעַתָּ֥ה שְׁמַ֖ע יַעֲקֹ֣ב עַבְדִּ֑י וְיִשְׂרָאֵ֖ל בָּחַ֥רְתִּי בֹֽו׃

wĕʻaţá֥̇h şĕ̌ma֖ʻ yaʻàqò֣b ʻabĕdi֑̇y wĕyişĕ̂ráʼé֖l bá̇ẖa֥rĕţi̇y bòֽw׃

2
כֹּה־אָמַ֨ר יְהוָ֥ה עֹשֶׂ֛ךָ וְיֹצֶרְךָ֥ מִבֶּ֖טֶן יַעְזְרֶ֑ךָּ אַל־תִּירָא֙ עַבְדִּ֣י יַֽעֲקֹ֔ב וִישֻׁר֖וּן בָּחַ֥רְתִּי בֹֽו׃

kò̇h־ʼáma֨r yĕhwá֥h ʻòşê֛ká wĕyòẕerĕká֥ mibė֖ten yaʻĕzĕre֑ká̇ ʼal־ţi̇yráʼ֙ ʻabĕdi֣̇y yaֽʻàqò֔b wiyşǔr֖ẇn bá̇ẖa֥rĕţi̇y bòֽw׃

3
כִּ֤י אֶצָּק־מַ֨יִם֙ עַל־צָמֵ֔א וְנֹזְלִ֖ים עַל־יַבָּשָׁ֑ה אֶצֹּ֤ק רוּחִי֙ עַל־זַרְעֶ֔ךָ וּבִרְכָתִ֖י עַל־צֶאֱצָאֶֽיךָ׃

ki֤̇y ʼeẕá̇q־ma֨yim֙ ʻal־ẕámé֔ʼ wĕnòzĕli֖ym ʻal־yabá̇şá֑̌h ʼeẕò֤̇q rẇẖiy֙ ʻal־zarĕʻe֔ká ẇbirĕkáţi֖y ʻal־ẕeʼèẕáʼeֽyká׃

4
וְצָמְח֖וּ בְּבֵ֣ין חָצִ֑יר כַּעֲרָבִ֖ים עַל־יִבְלֵי־מָֽיִם׃

wĕẕámĕẖ֖ẇ bĕ̇bé֣yn ẖáẕi֑yr kȧʻàrábi֖ym ʻal־yibĕléy־máֽyim׃

5
זֶ֤ה יֹאמַר֙ לַֽיהוָ֣ה אָ֔נִי וְזֶ֖ה יִקְרָ֣א בְשֵֽׁם־יַעֲקֹ֑ב וְזֶ֗ה יִכְתֹּ֤ב יָדֹו֙ לַֽיהוָ֔ה וּבְשֵׁ֥ם יִשְׂרָאֵ֖ל יְכַנֶּֽה׃ פ

ze֤h yòʼmar֙ laֽyhwá֣h ʼá֔niy wĕze֖h yiqĕrá֣ʼ bĕşéֽ̌m־yaʻàqò֑b wĕze֗h yikĕţò֤̇b yádòw֙ laֽyhwá֔h ẇbĕşé֥̌m yişĕ̂ráʼé֖l yĕkanėֽh׃ p

6
כֹּֽה־אָמַ֨ר יְהוָ֧ה מֶֽלֶךְ־יִשְׂרָאֵ֛ל וְגֹאֲלֹ֖ו יְהוָ֣ה צְבָאֹ֑ות אֲנִ֤י רִאשֹׁון֙ וַאֲנִ֣י אַחֲרֹ֔ון וּמִבַּלְעָדַ֖י אֵ֥ין אֱלֹהִֽים׃

kòֽ̇h־ʼáma֨r yĕhwá֧h meֽlekĕ־yişĕ̂ráʼé֛l wĕgòʼàlò֖w yĕhwá֣h ẕĕbáʼò֑wţ ʼàni֤y riʼşò̌wn֙ waʼàni֣y ʼaẖàrò֔wn ẇmibȧlĕʻáda֖y ʼé֥yn ʼèlòhiֽym׃

7
וּמִֽי־כָמֹ֣ונִי יִקְרָ֗א וְיַגִּידֶ֤הָ וְיַעְרְכֶ֨הָ֙ לִ֔י מִשּׂוּמִ֖י עַם־עֹולָ֑ם וְאֹתִיֹּ֛ות וַאֲשֶׁ֥ר תָּבֹ֖אנָה יַגִּ֥ידוּ לָֽמֹו׃

ẇmiֽy־kámò֣wniy yiqĕrá֗ʼ wĕyagi̇yde֤há wĕyaʻĕrĕke֨há֙ li֔y miş̇̂ẇmi֖y ʻam־ʻòwlá֑m wĕʼòţiyò֛̇wţ waʼàşě֥r ţá̇bò֖ʼnáh yagi֥̇ydẇ láֽmòw׃

8
אַֽל־תִּפְחֲדוּ֙ וְאַל־תִּרְה֔וּ הֲלֹ֥א מֵאָ֛ז הִשְׁמַעְתִּ֥יךָ וְהִגַּ֖דְתִּי וְאַתֶּ֣ם עֵדָ֑י הֲיֵ֤שׁ אֱלֹ֨והַּ֙ מִבַּלְעָדַ֔י וְאֵ֥ין צ֖וּר בַּל־יָדָֽעְתִּי׃

ʼaֽl־ţi̇pĕẖàdẇ֙ wĕʼal־ţi̇rĕh֔ẇ hàlò֥ʼ méʼá֛z hişĕ̌maʻĕţi֥̇yká wĕhigȧ֖dĕţi̇y wĕʼaţė֣m ʻédá֑y hàyé֤ş̌ ʼèlò֨whȧ֙ mibȧlĕʻáda֔y wĕʼé֥yn ẕ֖ẇr bȧl־yádáֽʻĕţi̇y׃

9
יֹֽצְרֵי־פֶ֤סֶל כֻּלָּם֙ תֹּ֔הוּ וַחֲמוּדֵיהֶ֖ם בַּל־יֹועִ֑ילוּ וְעֵדֵיהֶ֣ם הֵ֗ׄמָּׄהׄ בַּל־יִרְא֛וּ וּבַל־יֵדְע֖וּ לְמַ֥עַן יֵבֹֽשׁוּ׃

yòֽẕĕréy־pe֤sel ku̇lá̇m֙ ţò̇֔hẇ waẖàmẇdéyhe֖m bȧl־yòwʻi֑ylẇ wĕʻédéyhe֣m hé֗ׄmá̇ׄhׄ bȧl־yirĕʼ֛ẇ ẇbal־yédĕʻ֖ẇ lĕma֥ʻan yébòֽş̌ẇ׃

10
מִֽי־יָצַ֥ר אֵ֖ל וּפֶ֣סֶל נָסָ֑ךְ לְבִלְתִּ֖י הֹועִֽיל׃

miֽy־yáẕa֥r ʼé֖l ẇpe֣sel násá֑kĕ lĕbilĕţi֖̇y hòwʻiֽyl׃

11
הֵ֤ן כָּל־חֲבֵרָיו֙ יֵבֹ֔שׁוּ וְחָרָשִׁ֥ים הֵ֖מָּה מֵֽאָדָ֑ם יִֽתְקַבְּצ֤וּ כֻלָּם֙ יַֽעֲמֹ֔דוּ יִפְחֲד֖וּ יֵבֹ֥שׁוּ יָֽחַד׃

hé֤n ká̇l־ẖàbéráyw֙ yébò֔ş̌ẇ wĕẖáráşǐ֥ym hé֖má̇h méֽʼádá֑m yiֽţĕqabĕ̇ẕ֤ẇ kulá̇m֙ yaֽʻàmò֔dẇ yipĕẖàd֖ẇ yébò֥ş̌ẇ yáֽẖad׃

12
חָרַ֤שׁ בַּרְזֶל֙ מַֽעֲצָ֔ד וּפָעַל֙ בַּפֶּחָ֔ם וּבַמַּקָּבֹ֖ות יִצְּרֵ֑הוּ וַיִּפְעָלֵ֨הוּ֙ בִּזְרֹ֣ועַ כֹּחֹ֔ו גַּם־רָעֵב֙ וְאֵ֣ין כֹּ֔חַ לֹא־שָׁ֥תָה מַ֖יִם וַיִּיעָֽף׃

ẖára֤ş̌ bȧrĕzel֙ maֽʻàẕá֔d ẇpáʻal֙ bȧpėẖá֔m ẇbamȧqá̇bò֖wţ yiẕĕ̇ré֑hẇ wayi̇pĕʻálé֨hẇ֙ bi̇zĕrò֣wʻa kò̇ẖò֔w gȧm־ráʻéb֙ wĕʼé֣yn kò̇֔ẖa lòʼ־şá֥̌ţáh ma֖yim wayi̇yʻáֽp׃

13
חָרַ֣שׁ עֵצִים֮ נָ֣טָה קָו֒ יְתָאֲרֵ֣הוּ בַשֶּׂ֔רֶד יַעֲשֵׂ֨הוּ֙ בַּמַּקְצֻעֹ֔ות וּבַמְּחוּגָ֖ה יְתָאֳרֵ֑הוּ וַֽיַּעֲשֵׂ֨הוּ֙ כְּתַבְנִ֣ית אִ֔ישׁ כְּתִפְאֶ֥רֶת אָדָ֖ם לָשֶׁ֥בֶת בָּֽיִת׃

ẖára֣ş̌ ʻéẕiym֮ ná֣táh qáw֒ yĕţáʼàré֣hẇ başė̂֔red yaʻàşé̂֨hẇ֙ bȧmȧqĕẕuʻò֔wţ ẇbamĕ̇ẖẇgá֖h yĕţáʼoré֑hẇ waֽyȧʻàşé̂֨hẇ֙ kĕ̇ţabĕni֣yţ ʼi֔yş̌ kĕ̇ţipĕʼe֥reţ ʼádá֖m láşě֥beţ báֽ̇yiţ׃

14
לִכְרָת־לֹ֣ו אֲרָזִ֔ים וַיִּקַּ֤ח תִּרְזָה֙ וְאַלֹּ֔ון וַיְאַמֶּץ־לֹ֖ו בַּעֲצֵי־יָ֑עַר נָטַ֥ע אֹ֖רֶן וְגֶ֥שֶׁם יְגַדֵּֽל׃

likĕráţ־lò֣w ʼàrázi֔ym wayi̇qȧ֤ẖ ţi̇rĕzáh֙ wĕʼalò̇֔wn wayĕʼamėẕ־lò֖w bȧʻàẕéy־yá֑ʻar náta֥ʻ ʼò֖ren wĕge֥şěm yĕgadéֽ̇l׃

15
וְהָיָ֤ה לְאָדָם֙ לְבָעֵ֔ר וַיִּקַּ֤ח מֵהֶם֙ וַיָּ֔חָם אַף־יַשִּׂ֖יק וְאָ֣פָה לָ֑חֶם אַף־יִפְעַל־אֵל֙ וַיִּשְׁתָּ֔חוּ עָשָׂ֥הוּ פֶ֖סֶל וַיִּסְגָּד־לָֽמֹו׃

wĕháyá֤h lĕʼádám֙ lĕbáʻé֔r wayi̇qȧ֤ẖ méhem֙ wayá̇֔ẖám ʼap־yaşi֖̇̂yq wĕʼá֣páh lá֑ẖem ʼap־yipĕʻal־ʼél֙ wayi̇şĕ̌ţá̇֔ẖẇ ʻáşá֥̂hẇ pe֖sel wayi̇sĕgá̇d־láֽmòw׃

16
חֶצְיֹו֙ שָׂרַ֣ף בְּמֹו־אֵ֔שׁ עַל־חֶצְיֹו֙ בָּשָׂ֣ר יֹאכֵ֔ל יִצְלֶ֥ה צָלִ֖י וְיִשְׂבָּ֑ע אַף־יָחֹם֙ וְיֹאמַ֣ר הֶאָ֔ח חַמֹּותִ֖י רָאִ֥יתִי אֽוּר׃

ẖeẕĕyòw֙ şá̂ra֣p bĕ̇mòw־ʼé֔ş̌ ʻal־ẖeẕĕyòw֙ bá̇şá֣̂r yòʼké֔l yiẕĕle֥h ẕáli֖y wĕyişĕ̂bá֑̇ʻ ʼap־yáẖòm֙ wĕyòʼma֣r heʼá֔ẖ ẖamò̇wţi֖y ráʼi֥yţiy ʼֽẇr׃

17
וּשְׁאֵ֣רִיתֹ֔ו לְאֵ֥ל עָשָׂ֖ה לְפִסְלֹ֑ו יִסְגֹּוד לֹ֤ו וְיִשְׁתַּ֨חוּ֙ וְיִתְפַּלֵּ֣ל אֵלָ֔יו וְיֹאמַר֙ הַצִּילֵ֔נִי כִּ֥י אֵלִ֖י אָֽתָּה׃

ẇşĕ̌ʼé֣riyţò֔w lĕʼé֥l ʻáşá֖̂h lĕpisĕlò֑w yisĕgò̇wd lò֤w wĕyişĕ̌ţȧ֨ẖẇ֙ wĕyiţĕpȧlé֣̇l ʼélá֔yw wĕyòʼmar֙ haẕi̇ylé֔niy ki֥̇y ʼéli֖y ʼáֽţá̇h׃

18
לֹ֥א יָדְע֖וּ וְלֹ֣א יָבִ֑ינוּ כִּ֣י טַ֤ח מֵֽרְאֹות֙ עֵֽינֵיהֶ֔ם מֵהַשְׂכִּ֖יל לִבֹּתָֽם׃

lò֥ʼ yádĕʻ֖ẇ wĕlò֣ʼ yábi֑ynẇ ki֣̇y ta֤ẖ méֽrĕʼòwţ֙ ʻéֽynéyhe֔m méhaşĕ̂ki֖̇yl libò̇ţáֽm׃

19
וְלֹא־יָשִׁ֣יב אֶל־לִבֹּ֗ו וְלֹ֨א דַ֥עַת וְלֹֽא־תְבוּנָה֮ לֵאמֹר֒ חֶצְיֹ֞ו שָׂרַ֣פְתִּי בְמֹו־אֵ֗שׁ וְ֠אַף אָפִ֤יתִי עַל־גֶּחָלָיו֙ לֶ֔חֶם אֶצְלֶ֥ה בָשָׂ֖ר וְאֹכֵ֑ל וְיִתְרֹו֙ לְתֹועֵבָ֣ה אֶעֱשֶׂ֔ה לְב֥וּל עֵ֖ץ אֶסְגֹּֽוד׃

wĕlòʼ־yáşǐ֣yb ʼel־libò̇֗w wĕlò֨ʼ da֥ʻaţ wĕlòֽʼ־ţĕbẇnáh֮ léʼmòr֒ ẖeẕĕyò֞w şá̂ra֣pĕţi̇y bĕmòw־ʼé֗ş̌ wĕ֠ʼap ʼápi֤yţiy ʻal־gėẖáláyw֙ le֔ẖem ʼeẕĕle֥h báşá֖̂r wĕʼòké֑l wĕyiţĕròw֙ lĕţòwʻébá֣h ʼeʻèşê֔h lĕb֥ẇl ʻé֖ẕ ʼesĕgòֽ̇wd׃

20
רֹעֶ֣ה אֵ֔פֶר לֵ֥ב הוּתַ֖ל הִטָּ֑הוּ וְלֹֽא־יַצִּ֤יל אֶת־נַפְשֹׁו֙ וְלֹ֣א יֹאמַ֔ר הֲלֹ֥וא שֶׁ֖קֶר בִּימִינִֽי׃ ס

ròʻe֣h ʼé֔per lé֥b hẇţa֖l hitá֑̇hẇ wĕlòֽʼ־yaẕi֤̇yl ʼeţ־napĕşò̌w֙ wĕlò֣ʼ yòʼma֔r hàlò֥wʼ şě֖qer bi̇ymiyniֽy׃ s

21
זְכָר־אֵ֣לֶּה יַעֲקֹ֔ב וְיִשְׂרָאֵ֖ל כִּ֣י עַבְדִּי־אָ֑תָּה יְצַרְתִּ֤יךָ עֶֽבֶד־לִי֙ אַ֔תָּה יִשְׂרָאֵ֖ל לֹ֥א תִנָּשֵֽׁנִי׃

zĕkár־ʼé֣lėh yaʻàqò֔b wĕyişĕ̂ráʼé֖l ki֣̇y ʻabĕdi̇y־ʼá֑ţá̇h yĕẕarĕţi֤̇yká ʻeֽbed־liy֙ ʼa֔ţá̇h yişĕ̂ráʼé֖l lò֥ʼ ţiná̇şéֽ̌niy׃

22
מָחִ֤יתִי כָעָב֙ פְּשָׁעֶ֔יךָ וְכֶעָנָ֖ן חַטֹּאותֶ֑יךָ שׁוּבָ֥ה אֵלַ֖י כִּ֥י גְאַלְתִּֽיךָ׃

máẖi֤yţiy káʻáb֙ pĕ̇şá̌ʻe֔yká wĕkeʻáná֖n ẖatò̇ʼwţe֑yká ş̌ẇbá֥h ʼéla֖y ki֥̇y gĕʼalĕţiֽ̇yká׃

23
רָנּ֨וּ שָׁמַ֜יִם כִּֽי־עָשָׂ֣ה יְהוָ֗ה הָרִ֨יעוּ֙ תַּחְתִּיֹּ֣ות אָ֔רֶץ פִּצְח֤וּ הָרִים֙ רִנָּ֔ה יַ֖עַר וְכָל־עֵ֣ץ בֹּ֑ו כִּֽי־גָאַ֤ל יְהוָה֙ יַֽעֲקֹ֔ב וּבְיִשְׂרָאֵ֖ל יִתְפָּאָֽר׃ פ

ráṅ֨ẇ şá̌ma֜yim kiֽ̇y־ʻáşá֣̂h yĕhwá֗h hári֨yʻẇ֙ ţȧẖĕţi̇yò֣̇wţ ʼá֔reẕ pi̇ẕĕẖ֤ẇ háriym֙ riná̇֔h ya֖ʻar wĕkál־ʻé֣ẕ bò֑̇w kiֽ̇y־gáʼa֤l yĕhwáh֙ yaֽʻàqò֔b ẇbĕyişĕ̂ráʼé֖l yiţĕpá̇ʼáֽr׃ p

24
כֹּֽה־אָמַ֤ר יְהוָה֙ גֹּאֲלֶ֔ךָ וְיֹצֶרְךָ֖ מִבָּ֑טֶן אָנֹכִ֤י יְהוָה֙ עֹ֣שֶׂה כֹּ֔ל נֹטֶ֤ה שָׁמַ֨יִם֙ לְבַדִּ֔י רֹקַ֥ע הָאָ֖רֶץ מִי אִתִּי

kòֽ̇h־ʼáma֤r yĕhwáh֙ gò̇ʼàle֔ká wĕyòẕerĕká֖ mibá֑̇ten ʼánòki֤y yĕhwáh֙ ʻò֣şêh kò̇֔l nòte֤h şá̌ma֨yim֙ lĕbadi̇֔y ròqa֥ʻ háʼá֖reẕ miy ʼiţi̇y

25
מֵפֵר֙ אֹתֹ֣ות בַּדִּ֔ים וְקֹסְמִ֖ים יְהֹולֵ֑ל מֵשִׁ֧יב חֲכָמִ֛ים אָחֹ֖ור וְדַעְתָּ֥ם יְשַׂכֵּֽל׃

mépér֙ ʼòţò֣wţ bȧdi̇֔ym wĕqòsĕmi֖ym yĕhòwlé֑l méşǐ֧yb ẖàkámi֛ym ʼáẖò֖wr wĕdaʻĕţá֥̇m yĕşâkéֽ̇l׃

26
מֵקִים֙ דְּבַ֣ר עַבְדֹּ֔ו וַעֲצַ֥ת מַלְאָכָ֖יו יַשְׁלִ֑ים הָאֹמֵ֨ר לִירוּשָׁלִַ֜ם תּוּשָׁ֗ב וּלְעָרֵ֤י יְהוּדָה֙ תִּבָּנֶ֔ינָה וְחָרְבֹותֶ֖יהָ אֲקֹומֵֽם׃

méqiym֙ dĕ̇ba֣r ʻabĕdò̇֔w waʻàẕa֥ţ malĕʼáká֖yw yaşĕ̌li֑ym háʼòmé֨r liyrẇşá̌lia֜m ţ̇ẇşá̌֗b ẇlĕʻáré֤y yĕhẇdáh֙ ţi̇bá̇ne֔ynáh wĕẖárĕbòwţe֖yhá ʼàqòwméֽm׃

27
הָאֹמֵ֥ר לַצּוּלָ֖ה חֳרָ֑בִי וְנַהֲרֹתַ֖יִךְ אֹובִֽישׁ׃

háʼòmé֥r laẕ̇ẇlá֖h ẖorá֑biy wĕnahàròţa֖yikĕ ʼòwbiֽyş̌׃

28
הָאֹמֵ֤ר לְכֹ֨ורֶשׁ֙ רֹעִ֔י וְכָל־חֶפְצִ֖י יַשְׁלִ֑ם וְלֵאמֹ֤ר לִירוּשָׁלִַ֨ם֙ תִּבָּנֶ֔ה וְהֵיכָ֖ל תִּוָּסֵֽד׃ ס

háʼòmé֤r lĕkò֨wreş̌֙ ròʻi֔y wĕkál־ẖepĕẕi֖y yaşĕ̌li֑m wĕléʼmò֤r liyrẇşá̌lia֨m֙ ţi̇bá̇ne֔h wĕhéyká֖l ţi̇wá̇séֽd׃ s