Bibles in ancient languages
Old translations
Modern translations

Biblia Hebraica Stuttgartiensia Judges 11

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וְיִפְתָּ֣ח הַגִּלְעָדִ֗י הָיָה֙ גִּבֹּ֣ור חַ֔יִל וְה֖וּא בֶּן־אִשָּׁ֣ה זֹונָ֑ה וַיֹּ֥ולֶד גִּלְעָ֖ד אֶת־יִפְתָּֽח׃

wĕyipĕţá֣̇ẖ hagi̇lĕʻádi֗y háyáh֙ gi̇bò֣̇wr ẖa֔yil wĕh֖ẇʼ bėn־ʼişá֣̇̌h zòwná֑h wayò֥̇wled gi̇lĕʻá֖d ʼeţ־yipĕţáֽ̇ẖ׃

2
וַתֵּ֧לֶד אֵֽשֶׁת־גִּלְעָ֛ד לֹ֖ו בָּנִ֑ים וַיִּגְדְּל֨וּ בְֽנֵי־הָאִשָּׁ֜ה וַיְגָרְשׁ֣וּ אֶת־יִפְתָּ֗ח וַיֹּ֤אמְרוּ לֹו֙ לֹֽא־תִנְחַ֣ל בְּבֵית־אָבִ֔ינוּ כִּ֛י בֶּן־אִשָּׁ֥ה אַחֶ֖רֶת אָֽתָּה׃

waţé֧̇led ʼéֽşěţ־gi̇lĕʻá֛d lò֖w bá̇ni֑ym wayi̇gĕdĕ̇l֨ẇ bĕֽnéy־háʼişá̇̌֜h wayĕgárĕş֣̌ẇ ʼeţ־yipĕţá̇֗ẖ wayò֤̇ʼmĕrẇ lòw֙ lòֽʼ־ţinĕẖa֣l bĕ̇béyţ־ʼábi֔ynẇ ki֛̇y bėn־ʼişá֥̇̌h ʼaẖe֖reţ ʼáֽţá̇h׃

3
וַיִּבְרַ֤ח יִפְתָּח֙ מִפְּנֵ֣י אֶחָ֔יו וַיֵּ֖שֶׁב בְּאֶ֣רֶץ טֹ֑וב וַיִּֽתְלַקְּט֤וּ אֶל־יִפְתָּח֙ אֲנָשִׁ֣ים רֵיקִ֔ים וַיֵּצְא֖וּ עִמֹּֽו׃ פ

wayi̇bĕra֤ẖ yipĕţá̇ẖ֙ mipĕ̇né֣y ʼeẖá֔yw wayé֖̇şěb bĕ̇ʼe֣reẕ tò֑wb wayiֽ̇ţĕlaqĕ̇t֤ẇ ʼel־yipĕţá̇ẖ֙ ʼànáşǐ֣ym réyqi֔ym wayé̇ẕĕʼ֖ẇ ʻimòֽ̇w׃ p

4
וַיְהִ֖י מִיָּמִ֑ים וַיִּלָּחֲמ֥וּ בְנֵֽי־עַמֹּ֖ון עִם־יִשְׂרָאֵֽל׃

wayĕhi֖y miyá̇mi֑ym wayi̇lá̇ẖàm֥ẇ bĕnéֽy־ʻamò֖̇wn ʻim־yişĕ̂ráʼéֽl׃

5
וַיְהִ֕י כַּאֲשֶׁר־נִלְחֲמ֥וּ בְנֵֽי־עַמֹּ֖ון עִם־יִשְׂרָאֵ֑ל וַיֵּֽלְכוּ֙ זִקְנֵ֣י גִלְעָ֔ד לָקַ֥חַת אֶת־יִפְתָּ֖ח מֵאֶ֥רֶץ טֹֽוב׃

wayĕhi֕y kȧʼàşěr־nilĕẖàm֥ẇ bĕnéֽy־ʻamò֖̇wn ʻim־yişĕ̂ráʼé֑l wayéֽ̇lĕkẇ֙ ziqĕné֣y gilĕʻá֔d láqa֥ẖaţ ʼeţ־yipĕţá֖̇ẖ méʼe֥reẕ tòֽwb׃

6
וַיֹּאמְר֣וּ לְיִפְתָּ֔ח לְכָ֕ה וְהָיִ֥יתָה לָּ֖נוּ לְקָצִ֑ין וְנִֽלָּחֲמָ֖ה בִּבְנֵ֥י עַמֹּֽון׃

wayò̇ʼmĕr֣ẇ lĕyipĕţá̇֔ẖ lĕká֕h wĕháyi֥yţáh lá֖̇nẇ lĕqáẕi֑yn wĕniֽlá̇ẖàmá֖h bi̇bĕné֥y ʻamòֽ̇wn׃

7
וַיֹּ֤אמֶר יִפְתָּח֙ לְזִקְנֵ֣י גִלְעָ֔ד הֲלֹ֤א אַתֶּם֙ שְׂנֵאתֶ֣ם אֹותִ֔י וַתְּגָרְשׁ֖וּנִי מִבֵּ֣ית אָבִ֑י וּמַדּ֜וּעַ בָּאתֶ֤ם אֵלַי֙ עַ֔תָּה כַּאֲשֶׁ֖ר צַ֥ר לָכֶֽם׃

wayò֤̇ʼmer yipĕţá̇ẖ֙ lĕziqĕné֣y gilĕʻá֔d hàlò֤ʼ ʼaţėm֙ şĕ̂néʼţe֣m ʼòwţi֔y waţĕ̇gárĕş֖̌ẇniy mibé֣̇yţ ʼábi֑y ẇmaḋ֜ẇʻa bá̇ʼţe֤m ʼélay֙ ʻa֔ţá̇h kȧʼàşě֖r ẕa֥r lákeֽm׃

8
וַיֹּאמְרוּ֩ זִקְנֵ֨י גִלְעָ֜ד אֶל־יִפְתָּ֗ח לָכֵן֙ עַתָּה֙ שַׁ֣בְנוּ אֵלֶ֔יךָ וְהָלַכְתָּ֣ עִמָּ֔נוּ וְנִלְחַמְתָּ֖ בִּבְנֵ֣י עַמֹּ֑ון וְהָיִ֤יתָ לָּ֨נוּ֙ לְרֹ֔אשׁ לְכֹ֖ל יֹשְׁבֵ֥י גִלְעָֽד׃

wayò̇ʼmĕrẇ֩ ziqĕné֨y gilĕʻá֜d ʼel־yipĕţá̇֗ẖ lákén֙ ʻaţá̇h֙ şǎ֣bĕnẇ ʼéle֔yká wĕhálakĕţá֣̇ ʻimá̇֔nẇ wĕnilĕẖamĕţá֖̇ bi̇bĕné֣y ʻamò֑̇wn wĕháyi֤yţá lá̇֨nẇ֙ lĕrò֔ʼş̌ lĕkò֖l yòşĕ̌bé֥y gilĕʻáֽd׃

9
וַיֹּ֨אמֶר יִפְתָּ֜ח אֶל־זִקְנֵ֣י גִלְעָ֗ד אִם־מְשִׁיבִ֨ים אַתֶּ֤ם אֹותִי֙ לְהִלָּחֵם֙ בִּבְנֵ֣י עַמֹּ֔ון וְנָתַ֧ן יְהוָ֛ה אֹותָ֖ם לְפָנָ֑י אָנֹכִ֕י אֶהְיֶ֥ה לָכֶ֖ם לְרֹֽאשׁ׃

wayò̇֨ʼmer yipĕţá̇֜ẖ ʼel־ziqĕné֣y gilĕʻá֗d ʼim־mĕşǐybi֨ym ʼaţė֤m ʼòwţiy֙ lĕhilá̇ẖém֙ bi̇bĕné֣y ʻamò̇֔wn wĕnáţa֧n yĕhwá֛h ʼòwţá֖m lĕpáná֑y ʼánòki֕y ʼehĕye֥h láke֖m lĕròֽʼş̌׃

10
וַיֹּאמְר֥וּ זִקְנֵֽי־גִלְעָ֖ד אֶל־יִפְתָּ֑ח יְהוָ֗ה יִהְיֶ֤ה שֹׁמֵ֨עַ֙ בֵּֽינֹותֵ֔ינוּ אִם־לֹ֥א כִדְבָרְךָ֖ כֵּ֥ן נַעֲשֶֽׂה׃

wayò̇ʼmĕr֥ẇ ziqĕnéֽy־gilĕʻá֖d ʼel־yipĕţá֑̇ẖ yĕhwá֗h yihĕye֤h şò̌mé֨ʻa֙ béֽ̇ynòwţé֔ynẇ ʼim־lò֥ʼ kidĕbárĕká֖ ké֥̇n naʻàşêֽh׃

11
וַיֵּ֤לֶךְ יִפְתָּח֙ עִם־זִקְנֵ֣י גִלְעָ֔ד וַיָּשִׂ֨ימוּ הָעָ֥ם אֹותֹ֛ו עֲלֵיהֶ֖ם לְרֹ֣אשׁ וּלְקָצִ֑ין וַיְדַבֵּ֨ר יִפְתָּ֧ח אֶת־כָּל־דְּבָרָ֛יו לִפְנֵ֥י יְהוָ֖ה בַּמִּצְפָּֽה׃ פ

wayé֤̇lekĕ yipĕţá̇ẖ֙ ʻim־ziqĕné֣y gilĕʻá֔d wayá̇şî֨ymẇ háʻá֥m ʼòwţò֛w ʻàléyhe֖m lĕrò֣ʼş̌ ẇlĕqáẕi֑yn wayĕdabé̇֨r yipĕţá֧̇ẖ ʼeţ־ká̇l־dĕ̇bárá֛yw lipĕné֥y yĕhwá֖h bȧmi̇ẕĕpáֽ̇h׃ p

12
וַיִּשְׁלַ֤ח יִפְתָּח֙ מַלְאָכִ֔ים אֶל־מֶ֥לֶךְ בְּנֵֽי־עַמֹּ֖ון לֵאמֹ֑ר מַה־לִּ֣י וָלָ֔ךְ כִּֽי־בָ֥אתָ אֵלַ֖י לְהִלָּחֵ֥ם בְּאַרְצִֽי׃

wayi̇şĕ̌la֤ẖ yipĕţá̇ẖ֙ malĕʼáki֔ym ʼel־me֥lekĕ bĕ̇néֽy־ʻamò֖̇wn léʼmò֑r mah־li֣̇y wálá֔kĕ kiֽ̇y־bá֥ʼţá ʼéla֖y lĕhilá̇ẖé֥m bĕ̇ʼarĕẕiֽy׃

13
וַיֹּאמֶר֩ מֶ֨לֶךְ בְּנֵי־עַמֹּ֜ון אֶל־מַלְאֲכֵ֣י יִפְתָּ֗ח כִּֽי־לָקַ֨ח יִשְׂרָאֵ֤ל אֶת־אַרְצִי֙ בַּעֲלֹותֹ֣ו מִמִּצְרַ֔יִם מֵאַרְנֹ֥ון וְעַד־הַיַּבֹּ֖ק וְעַד־הַיַּרְדֵּ֑ן וְעַתָּ֕ה הָשִׁ֥יבָה אֶתְהֶ֖ן בְּשָׁלֹֽום׃

wayò̇ʼmer֩ me֨lekĕ bĕ̇néy־ʻamò̇֜wn ʼel־malĕʼàké֣y yipĕţá̇֗ẖ kiֽ̇y־láqa֨ẖ yişĕ̂ráʼé֤l ʼeţ־ʼarĕẕiy֙ bȧʻàlòwţò֣w mimi̇ẕĕra֔yim méʼarĕnò֥wn wĕʻad־hayȧbò֖̇q wĕʻad־hayȧrĕdé֑̇n wĕʻaţá̇֕h háşǐ֥ybáh ʼeţĕhe֖n bĕ̇şá̌lòֽwm׃

14
וַיֹּ֥וסֶף עֹ֖וד יִפְתָּ֑ח וַיִּשְׁלַח֙ מַלְאָכִ֔ים אֶל־מֶ֖לֶךְ בְּנֵ֥י עַמֹּֽון׃

wayò֥̇wsep ʻò֖wd yipĕţá֑̇ẖ wayi̇şĕ̌laẖ֙ malĕʼáki֔ym ʼel־me֖lekĕ bĕ̇né֥y ʻamòֽ̇wn׃

15
וַיֹּ֣אמֶר לֹ֔ו כֹּ֖ה אָמַ֣ר יִפְתָּ֑ח לֹֽא־לָקַ֤ח יִשְׂרָאֵל֙ אֶת־אֶ֣רֶץ מֹואָ֔ב וְאֶת־אֶ֖רֶץ בְּנֵ֥י עַמֹּֽון׃

wayò֣̇ʼmer lò֔w kò֖̇h ʼáma֣r yipĕţá֑̇ẖ lòֽʼ־láqa֤ẖ yişĕ̂ráʼél֙ ʼeţ־ʼe֣reẕ mòwʼá֔b wĕʼeţ־ʼe֖reẕ bĕ̇né֥y ʻamòֽ̇wn׃

16
כִּ֖י בַּעֲלֹותָ֣ם מִמִּצְרָ֑יִם וַיֵּ֨לֶךְ יִשְׂרָאֵ֤ל בַּמִּדְבָּר֙ עַד־יַם־ס֔וּף וַיָּבֹ֖א קָדֵֽשָׁה׃

ki֖̇y bȧʻàlòwţá֣m mimi̇ẕĕrá֑yim wayé̇֨lekĕ yişĕ̂ráʼé֤l bȧmi̇dĕbá̇r֙ ʻad־yam־s֔ẇp wayá̇bò֖ʼ qádéֽşá̌h׃

17
וַיִּשְׁלַ֣ח יִשְׂרָאֵ֣ל מַלְאָכִ֣ים׀ אֶל־מֶלֶךְ֩ אֱדֹ֨ום׀ לֵאמֹ֜ר אֶעְבְּרָה־נָּ֣א בְאַרְצֶ֗ךָ וְלֹ֤א שָׁמַע֙ מֶ֣לֶךְ אֱדֹ֔ום וְגַ֨ם אֶל־מֶ֧לֶךְ מֹואָ֛ב שָׁלַ֖ח וְלֹ֣א אָבָ֑ה וַיֵּ֥שֶׁב יִשְׂרָאֵ֖ל בְּקָדֵֽשׁ׃

wayi̇şĕ̌la֣ẖ yişĕ̂ráʼé֣l malĕʼáki֣ym׀ ʼel־melekĕ֩ ʼèdò֨wm׀ léʼmò֜r ʼeʻĕbĕ̇ráh־ná֣̇ʼ bĕʼarĕẕe֗ká wĕlò֤ʼ şá̌maʻ֙ me֣lekĕ ʼèdò֔wm wĕga֨m ʼel־me֧lekĕ mòwʼá֛b şá̌la֖ẖ wĕlò֣ʼ ʼábá֑h wayé֥̇şěb yişĕ̂ráʼé֖l bĕ̇qádéֽş̌׃

18
וַיֵּ֣לֶךְ בַּמִּדְבָּ֗ר וַיָּ֜סָב אֶת־אֶ֤רֶץ אֱדֹום֙ וְאֶת־אֶ֣רֶץ מֹואָ֔ב וַיָּבֹ֤א מִמִּזְרַח־שֶׁ֨מֶשׁ֙ לְאֶ֣רֶץ מֹואָ֔ב וַֽיַּחֲנ֖וּן בְּעֵ֣בֶר אַרְנֹ֑ון וְלֹא־בָ֨אוּ֙ בִּגְב֣וּל מֹואָ֔ב כִּ֥י אַרְנֹ֖ון גְּב֥וּל מֹואָֽב׃

wayé֣̇lekĕ bȧmi̇dĕbá̇֗r wayá̇֜sáb ʼeţ־ʼe֤reẕ ʼèdòwm֙ wĕʼeţ־ʼe֣reẕ mòwʼá֔b wayá̇bò֤ʼ mimi̇zĕraẖ־şě֨meş̌֙ lĕʼe֣reẕ mòwʼá֔b waֽyȧẖàn֖ẇn bĕ̇ʻé֣ber ʼarĕnò֑wn wĕlòʼ־bá֨ʼẇ֙ bi̇gĕb֣ẇl mòwʼá֔b ki֥̇y ʼarĕnò֖wn gĕ̇b֥ẇl mòwʼáֽb׃

19
וַיִּשְׁלַ֤ח יִשְׂרָאֵל֙ מַלְאָכִ֔ים אֶל־סִיחֹ֥ון מֶֽלֶךְ־הָאֱמֹרִ֖י מֶ֣לֶךְ חֶשְׁבֹּ֑ון וַיֹּ֤אמֶר לֹו֙ יִשְׂרָאֵ֔ל נַעְבְּרָה־נָּ֥א בְאַרְצְךָ֖ עַד־מְקֹומִֽי׃

wayi̇şĕ̌la֤ẖ yişĕ̂ráʼél֙ malĕʼáki֔ym ʼel־siyẖò֥wn meֽlekĕ־háʼèmòri֖y me֣lekĕ ẖeşĕ̌bò֑̇wn wayò֤̇ʼmer lòw֙ yişĕ̂ráʼé֔l naʻĕbĕ̇ráh־ná֥̇ʼ bĕʼarĕẕĕká֖ ʻad־mĕqòwmiֽy׃

20
וְלֹא־הֶאֱמִ֨ין סִיחֹ֤ון אֶת־יִשְׂרָאֵל֙ עֲבֹ֣ר בִּגְבֻלֹ֔ו וַיֶּאֱסֹ֤ף סִיחֹון֙ אֶת־כָּל־עַמֹּ֔ו וַֽיַּחֲנ֖וּ בְּיָ֑הְצָה וַיִּלָּ֖חֶם עִם־יִשְׂרָאֵֽל׃

wĕlòʼ־heʼèmi֨yn siyẖò֤wn ʼeţ־yişĕ̂ráʼél֙ ʻàbò֣r bi̇gĕbulò֔w wayėʼèsò֤p siyẖòwn֙ ʼeţ־ká̇l־ʻamò̇֔w waֽyȧẖàn֖ẇ bĕ̇yá֑hĕẕáh wayi̇lá֖̇ẖem ʻim־yişĕ̂ráʼéֽl׃

21
וַ֠יִּתֵּן יְהוָ֨ה אֱלֹהֵֽי־יִשְׂרָאֵ֜ל אֶת־סִיחֹ֧ון וְאֶת־כָּל־עַמֹּ֛ו בְּיַ֥ד יִשְׂרָאֵ֖ל וַיַּכּ֑וּם וַיִּירַשׁ֙ יִשְׂרָאֵ֔ל אֵ֚ת כָּל־אֶ֣רֶץ הָאֱמֹרִ֔י יֹושֵׁ֖ב הָאָ֥רֶץ הַהִֽיא׃

wa֠yi̇ţé̇n yĕhwá֨h ʼèlòhéֽy־yişĕ̂ráʼé֜l ʼeţ־siyẖò֧wn wĕʼeţ־ká̇l־ʻamò֛̇w bĕ̇ya֥d yişĕ̂ráʼé֖l wayȧk֑̇ẇm wayi̇yraş̌֙ yişĕ̂ráʼé֔l ʼé֚ţ ká̇l־ʼe֣reẕ háʼèmòri֔y yòwşé֖̌b háʼá֥reẕ hahiֽyʼ׃

22
וַיִּ֣ירְשׁ֔וּ אֵ֖ת כָּל־גְּב֣וּל הָאֱמֹרִ֑י מֵֽאַרְנֹון֙ וְעַד־הַיַּבֹּ֔ק וּמִן־הַמִּדְבָּ֖ר וְעַד־הַיַּרְדֵּֽן׃

wayi֣̇yrĕş̌֔ẇ ʼé֖ţ ká̇l־gĕ̇b֣ẇl háʼèmòri֑y méֽʼarĕnòwn֙ wĕʻad־hayȧbò̇֔q ẇmin־hami̇dĕbá֖̇r wĕʻad־hayȧrĕdéֽ̇n׃

23
וְעַתָּ֞ה יְהוָ֣ה׀ אֱלֹהֵ֣י יִשְׂרָאֵ֗ל הֹורִישׁ֙ אֶת־הָ֣אֱמֹרִ֔י מִפְּנֵ֖י עַמֹּ֣ו יִשְׂרָאֵ֑ל וְאַתָּ֖ה תִּירָשֶֽׁנּוּ׃

wĕʻaţá̇֞h yĕhwá֣h׀ ʼèlòhé֣y yişĕ̂ráʼé֗l hòwriyş̌֙ ʼeţ־há֣ʼèmòri֔y mipĕ̇né֖y ʻamò֣̇w yişĕ̂ráʼé֑l wĕʼaţá֖̇h ţi̇yráşěֽṅẇ׃

24
הֲלֹ֞א אֵ֣ת אֲשֶׁ֧ר יֹורִֽישְׁךָ֛ כְּמֹ֥ושׁ אֱלֹהֶ֖יךָ אֹותֹ֥ו תִירָ֑שׁ וְאֵת֩ כָּל־אֲשֶׁ֨ר הֹורִ֜ישׁ יְהוָ֧ה אֱלֹהֵ֛ינוּ מִפָּנֵ֖ינוּ אֹותֹ֥ו נִירָֽשׁ׃

hàlò֞ʼ ʼé֣ţ ʼàşě֧r yòwriֽyşĕ̌ká֛ kĕ̇mò֥wş̌ ʼèlòhe֖yká ʼòwţò֥w ţiyrá֑ş̌ wĕʼéţ֩ ká̇l־ʼàşě֨r hòwri֜yş̌ yĕhwá֧h ʼèlòhé֛ynẇ mipá̇né֖ynẇ ʼòwţò֥w niyráֽş̌׃

25
וְעַתָּ֗ה הֲטֹ֥וב טֹוב֙ אַתָּ֔ה מִבָּלָ֥ק בֶּן־צִפֹּ֖ור מֶ֣לֶךְ מֹואָ֑ב הֲרֹ֥וב רָב֙ עִם־יִשְׂרָאֵ֔ל אִם־נִלְחֹ֥ם נִלְחַ֖ם בָּֽם׃

wĕʻaţá̇֗h hàtò֥wb tòwb֙ ʼaţá̇֔h mibá̇lá֥q bėn־ẕipò֖̇wr me֣lekĕ mòwʼá֑b hàrò֥wb ráb֙ ʻim־yişĕ̂ráʼé֔l ʼim־nilĕẖò֥m nilĕẖa֖m báֽ̇m׃

26
בְּשֶׁ֣בֶת יִ֠שְׂרָאֵל בְּחֶשְׁבֹּ֨ון וּבִבְנֹותֶ֜יהָ וּבְעַרְעֹ֣ור וּבִבְנֹותֶ֗יהָ וּבְכָל־הֶֽעָרִים֙ אֲשֶׁר֙ עַל־יְדֵ֣י אַרְנֹ֔ון שְׁלֹ֥שׁ מֵאֹ֖ות שָׁנָ֑ה וּמַדּ֥וּעַ לֹֽא־הִצַּלְתֶּ֖ם בָּעֵ֥ת הַהִֽיא׃

bĕ̇şě֣beţ yi֠şĕ̂ráʼél bĕ̇ẖeşĕ̌bò̇֨wn ẇbibĕnòwţe֜yhá ẇbĕʻarĕʻò֣wr ẇbibĕnòwţe֗yhá ẇbĕkál־heֽʻáriym֙ ʼàşěr֙ ʻal־yĕdé֣y ʼarĕnò֔wn şĕ̌lò֥ş̌ méʼò֖wţ şá̌ná֑h ẇmaḋ֥ẇʻa lòֽʼ־hiẕȧlĕţė֖m bá̇ʻé֥ţ hahiֽyʼ׃

27
וְאָֽנֹכִי֙ לֹֽא־חָטָ֣אתִי לָ֔ךְ וְאַתָּ֞ה עֹשֶׂ֥ה אִתִּ֛י רָעָ֖ה לְהִלָּ֣חֶם בִּ֑י יִשְׁפֹּ֨ט יְהוָ֤ה הַשֹּׁפֵט֙ הַיֹּ֔ום בֵּ֚ין בְּנֵ֣י יִשְׂרָאֵ֔ל וּבֵ֖ין בְּנֵ֥י עַמֹּֽון׃

wĕʼáֽnòkiy֙ lòֽʼ־ẖátá֣ʼţiy lá֔kĕ wĕʼaţá̇֞h ʻòşê֥h ʼiţi֛̇y ráʻá֖h lĕhilá֣̇ẖem bi֑̇y yişĕ̌pò̇֨t yĕhwá֤h haşò̇̌pét֙ hayò̇֔wm bé֚̇yn bĕ̇né֣y yişĕ̂ráʼé֔l ẇbé֖yn bĕ̇né֥y ʻamòֽ̇wn׃

28
וְלֹ֣א שָׁמַ֔ע מֶ֖לֶךְ בְּנֵ֣י עַמֹּ֑ון אֶל־דִּבְרֵ֣י יִפְתָּ֔ח אֲשֶׁ֥ר שָׁלַ֖ח אֵלָֽיו׃ פ

wĕlò֣ʼ şá̌ma֔ʻ me֖lekĕ bĕ̇né֣y ʻamò֑̇wn ʼel־di̇bĕré֣y yipĕţá̇֔ẖ ʼàşě֥r şá̌la֖ẖ ʼéláֽyw׃ p

29
וַתְּהִ֤י עַל־יִפְתָּח֙ ר֣וּחַ יְהוָ֔ה וַיַּעֲבֹ֥ר אֶת־הַגִּלְעָ֖ד וְאֶת־מְנַשֶּׁ֑ה וַֽיַּעֲבֹר֙ אֶת־מִצְפֵּ֣ה גִלְעָ֔ד וּמִמִּצְפֵּ֣ה גִלְעָ֔ד עָבַ֖ר בְּנֵ֥י עַמֹּֽון׃

waţĕ̇hi֤y ʻal־yipĕţá̇ẖ֙ r֣ẇẖa yĕhwá֔h wayȧʻàbò֥r ʼeţ־hagi̇lĕʻá֖d wĕʼeţ־mĕnaşė֑̌h waֽyȧʻàbòr֙ ʼeţ־miẕĕpé֣̇h gilĕʻá֔d ẇmimi̇ẕĕpé֣̇h gilĕʻá֔d ʻába֖r bĕ̇né֥y ʻamòֽ̇wn׃

30
וַיִּדַּ֨ר יִפְתָּ֥ח נֶ֛דֶר לַיהוָ֖ה וַיֹּאמַ֑ר אִם־נָתֹ֥ון תִּתֵּ֛ן אֶת־בְּנֵ֥י עַמֹּ֖ון בְּיָדִֽי׃

wayi̇dȧ֨r yipĕţá֥̇ẖ ne֛der layhwá֖h wayò̇ʼma֑r ʼim־náţò֥wn ţi̇ţé֛̇n ʼeţ־bĕ̇né֥y ʻamò֖̇wn bĕ̇yádiֽy׃

31
וְהָיָ֣ה הַיֹּוצֵ֗א אֲשֶׁ֨ר יֵצֵ֜א מִדַּלְתֵ֤י בֵיתִי֙ לִקְרָאתִ֔י בְּשׁוּבִ֥י בְשָׁלֹ֖ום מִבְּנֵ֣י עַמֹּ֑ון וְהָיָה֙ לַֽיהוָ֔ה וְהַעֲלִיתִ֖הוּ עֹולָֽה׃ פ

wĕháyá֣h hayò̇wẕé֗ʼ ʼàşě֨r yéẕé֜ʼ midȧlĕţé֤y béyţiy֙ liqĕráʼţi֔y bĕ̇ş̌ẇbi֥y bĕşá̌lò֖wm mibĕ̇né֣y ʻamò֑̇wn wĕháyáh֙ laֽyhwá֔h wĕhaʻàliyţi֖hẇ ʻòwláֽh׃ p

32
וַיַּעֲבֹ֥ר יִפְתָּ֛ח אֶל־בְּנֵ֥י עַמֹּ֖ון לְהִלָּ֣חֶם בָּ֑ם וַיִּתְּנֵ֥ם יְהוָ֖ה בְּיָדֹֽו׃

wayȧʻàbò֥r yipĕţá֛̇ẖ ʼel־bĕ̇né֥y ʻamò֖̇wn lĕhilá֣̇ẖem bá֑̇m wayi̇ţĕ̇né֥m yĕhwá֖h bĕ̇yádòֽw׃

33
וַיַּכֵּ֡ם מֵעֲרֹועֵר֩ וְעַד־בֹּואֲךָ֙ מִנִּ֜ית עֶשְׂרִ֣ים עִ֗יר וְעַד֙ אָבֵ֣ל כְּרָמִ֔ים מַכָּ֖ה גְּדֹולָ֣ה מְאֹ֑ד וַיִּכָּֽנְעוּ֙ בְּנֵ֣י עַמֹּ֔ון מִפְּנֵ֖י בְּנֵ֥י יִשְׂרָאֵֽל׃ פ

wayȧké̇֡m méʻàròwʻér֩ wĕʻad־bò̇wʼàká֙ mini̇֜yţ ʻeşĕ̂ri֣ym ʻi֗yr wĕʻad֙ ʼábé֣l kĕ̇rámi֔ym maká֖̇h gĕ̇dòwlá֣h mĕʼò֑d wayi̇káֽ̇nĕʻẇ֙ bĕ̇né֣y ʻamò̇֔wn mipĕ̇né֖y bĕ̇né֥y yişĕ̂ráʼéֽl׃ p

34
וַיָּבֹ֨א יִפְתָּ֣ח הַמִּצְפָּה֮ אֶל־בֵּיתֹו֒ וְהִנֵּ֤ה בִתֹּו֙ יֹצֵ֣את לִקְרָאתֹ֔ו בְתֻפִּ֖ים וּבִמְחֹלֹ֑ות וְרַק֙ הִ֣יא יְחִידָ֔ה אֵֽין־לֹ֥ו מִמֶּ֛נּוּ בֵּ֖ן אֹו־בַֽת׃

wayá̇bò֨ʼ yipĕţá֣̇ẖ hami̇ẕĕpá̇h֮ ʼel־bé̇yţòw֒ wĕhiné֤̇h biţò̇w֙ yòẕé֣ʼţ liqĕráʼţò֔w bĕţupi֖̇ym ẇbimĕẖòlò֑wţ wĕraq֙ hi֣yʼ yĕẖiydá֔h ʼéֽyn־lò֥w mimė֛ṅẇ bé֖̇n ʼòw־baֽţ׃

35
וַיְהִי֩ כִרְאֹותֹ֨ו אֹותָ֜הּ וַיִּקְרַ֣ע אֶת־בְּגָדָ֗יו וַיֹּ֨אמֶר֙ אֲהָ֤הּ בִּתִּי֙ הַכְרֵ֣עַ הִכְרַעְתִּ֔נִי וְאַ֖תְּ הָיִ֣יתְ בְּעֹֽכְרָ֑י וְאָנֹכִ֗י פָּצִ֤יתִי־פִי֙ אֶל־יְהוָ֔ה וְלֹ֥א אוּכַ֖ל לָשֽׁוּב׃

wayĕhiy֩ kirĕʼòwţò֨w ʼòwţá֜ḣ wayi̇qĕra֣ʻ ʼeţ־bĕ̇gádá֗yw wayò̇֨ʼmer֙ ʼàhá֤ḣ bi̇ţi̇y֙ hakĕré֣ʻa hikĕraʻĕţi̇֔niy wĕʼa֖ţĕ̇ háyi֣yţĕ bĕ̇ʻòֽkĕrá֑y wĕʼánòki֗y pá̇ẕi֤yţiy־piy֙ ʼel־yĕhwá֔h wĕlò֥ʼ ʼẇka֖l láşֽ̌ẇb׃

36
וַתֹּ֣אמֶר אֵלָ֗יו אָבִי֙ פָּצִ֤יתָה אֶת־פִּ֨יךָ֙ אֶל־יְהוָ֔ה עֲשֵׂ֣ה לִ֔י כַּאֲשֶׁ֖ר יָצָ֣א מִפִּ֑יךָ אַחֲרֵ֡י אֲשֶׁ֣ר עָשָׂה֩ לְךָ֙ יְהוָ֧ה נְקָמֹ֛ות מֵאֹיְבֶ֖יךָ מִבְּנֵ֥י עַמֹּֽון׃

waţò֣̇ʼmer ʼélá֗yw ʼábiy֙ pá̇ẕi֤yţáh ʼeţ־pi̇֨yká֙ ʼel־yĕhwá֔h ʻàşé֣̂h li֔y kȧʼàşě֖r yáẕá֣ʼ mipi֑̇yká ʼaẖàré֡y ʼàşě֣r ʻáşá̂h֩ lĕká֙ yĕhwá֧h nĕqámò֛wţ méʼòyĕbe֖yká mibĕ̇né֥y ʻamòֽ̇wn׃

37
וַתֹּ֨אמֶר֙ אֶל־אָבִ֔יהָ יֵעָ֥שֶׂה לִּ֖י הַדָּבָ֣ר הַזֶּ֑ה הַרְפֵּ֨ה מִמֶּ֜נִּי שְׁנַ֣יִם חֳדָשִׁ֗ים וְאֵֽלְכָה֙ וְיָרַדְתִּ֣י עַל־הֶֽהָרִ֔ים וְאֶבְכֶּה֙ עַל־בְּתוּלַ֔י אָנֹכִ֖י וְרַעִיתִי

waţò̇֨ʼmer֙ ʼel־ʼábi֔yhá yéʻá֥şêh li֖̇y hadá̇bá֣r hazė֑h harĕpé̇֨h mimė֜ni̇y şĕ̌na֣yim ẖodáşǐ֗ym wĕʼéֽlĕkáh֙ wĕyáradĕţi֣̇y ʻal־heֽhári֔ym wĕʼebĕkėh֙ ʻal־bĕ̇ţẇla֔y ʼánòki֖y wĕraʻiyţiy

38
וַיֹּ֣אמֶר לֵ֔כִי וַיִּשְׁלַ֥ח אֹותָ֖הּ שְׁנֵ֣י חֳדָשִׁ֑ים וַתֵּ֤לֶךְ הִיא֙ וְרֵ֣עֹותֶ֔יהָ וַתֵּ֥בְךְּ עַל־בְּתוּלֶ֖יהָ עַל־הֶהָרִֽים׃

wayò֣̇ʼmer lé֔kiy wayi̇şĕ̌la֥ẖ ʼòwţá֖ḣ şĕ̌né֣y ẖodáşǐ֑ym waţé֤̇lekĕ hiyʼ֙ wĕré֣ʻòwţe֔yhá waţé֥̇bĕkĕ̇ ʻal־bĕ̇ţẇle֖yhá ʻal־heháriֽym׃

39
וַיְהִ֞י מִקֵּ֣ץ׀ שְׁנַ֣יִם חֳדָשִׁ֗ים וַתָּ֨שָׁב֙ אֶל־אָבִ֔יהָ וַיַּ֣עַשׂ לָ֔הּ אֶת־נִדְרֹ֖ו אֲשֶׁ֣ר נָדָ֑ר וְהִיא֙ לֹא־יָדְעָ֣ה אִ֔ישׁ וַתְּהִי־חֹ֖ק בְּיִשְׂרָאֵֽל׃

wayĕhi֞y miqé֣̇ẕ׀ şĕ̌na֣yim ẖodáşǐ֗ym waţá̇֨şá̌b֙ ʼel־ʼábi֔yhá wayȧ֣ʻaş̂ lá֔ḣ ʼeţ־nidĕrò֖w ʼàşě֣r nádá֑r wĕhiyʼ֙ lòʼ־yádĕʻá֣h ʼi֔yş̌ waţĕ̇hiy־ẖò֖q bĕ̇yişĕ̂ráʼéֽl׃

40
מִיָּמִ֣ים׀ יָמִ֗ימָה תֵּלַ֨כְנָה֙ בְּנֹ֣ות יִשְׂרָאֵ֔ל לְתַנֹּ֕ות לְבַת־יִפְתָּ֖ח הַגִּלְעָדִ֑י אַרְבַּ֥עַת יָמִ֖ים בַּשָּׁנָֽה׃ ס

miyá̇mi֣ym׀ yámi֗ymáh ţé̇la֨kĕnáh֙ bĕ̇nò֣wţ yişĕ̂ráʼé֔l lĕţanò̇֕wţ lĕbaţ־yipĕţá֖̇ẖ hagi̇lĕʻádi֑y ʼarĕbȧ֥ʻaţ yámi֖ym bȧşá̇̌náֽh׃ s