Bibles in ancient languages
Old translations
Modern translations

Biblia Hebraica Stuttgartiensia Judges 15

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֨י מִיָּמִ֜ים בִּימֵ֣י קְצִיר־חִטִּ֗ים וַיִּפְקֹ֨ד שִׁמְשֹׁ֤ון אֶת־אִשְׁתֹּו֙ בִּגְדִ֣י עִזִּ֔ים וַיֹּ֕אמֶר אָבֹ֥אָה אֶל־אִשְׁתִּ֖י הֶחָ֑דְרָה וְלֹֽא־נְתָנֹ֥ו אָבִ֖יהָ לָבֹֽוא׃

wayĕhi֨y miyá̇mi֜ym bi̇ymé֣y qĕẕiyr־ẖiti̇֗ym wayi̇pĕqò֨d şǐmĕşò֤̌wn ʼeţ־ʼişĕ̌ţò̇w֙ bi̇gĕdi֣y ʻizi̇֔ym wayò̇֕ʼmer ʼábò֥ʼáh ʼel־ʼişĕ̌ţi֖̇y heẖá֑dĕráh wĕlòֽʼ־nĕţánò֥w ʼábi֖yhá lábòֽwʼ׃

2
וַיֹּ֣אמֶר אָבִ֗יהָ אָמֹ֤ר אָמַ֨רְתִּי֙ כִּי־שָׂנֹ֣א שְׂנֵאתָ֔הּ וָאֶתְּנֶ֖נָּה לְמֵרֵעֶ֑ךָ הֲלֹ֨א אֲחֹתָ֤הּ הַקְּטַנָּה֙ טֹובָ֣ה מִמֶּ֔נָּה תְּהִי־נָ֥א לְךָ֖ תַּחְתֶּֽיהָ׃

wayò֣̇ʼmer ʼábi֗yhá ʼámò֤r ʼáma֨rĕţi̇y֙ ki̇y־şá̂nò֣ʼ şĕ̂néʼţá֔ḣ wáʼeţĕ̇ne֖ná̇h lĕméréʻe֑ká hàlò֨ʼ ʼàẖòţá֤ḣ haqĕ̇taná̇h֙ tòwbá֣h mimė֔ná̇h ţĕ̇hiy־ná֥ʼ lĕká֖ ţȧẖĕţėֽyhá׃

3
וַיֹּ֤אמֶר לָהֶם֙ שִׁמְשֹׁ֔ון נִקֵּ֥יתִי הַפַּ֖עַם מִפְּלִשְׁתִּ֑ים כִּֽי־עֹשֶׂ֥ה אֲנִ֛י עִמָּ֖ם רָעָֽה׃

wayò֤̇ʼmer láhem֙ şǐmĕşò̌֔wn niqé֥̇yţiy hapȧ֖ʻam mipĕ̇lişĕ̌ţi֑̇ym kiֽ̇y־ʻòşê֥h ʼàni֛y ʻimá֖̇m ráʻáֽh׃

4
וַיֵּ֣לֶךְ שִׁמְשֹׁ֔ון וַיִּלְכֹּ֖ד שְׁלֹשׁ־מֵאֹ֣ות שׁוּעָלִ֑ים וַיִּקַּ֣ח לַפִּדִ֗ים וַיֶּ֤פֶן זָנָב֙ אֶל־זָנָ֔ב וַיָּ֨שֶׂם לַפִּ֥יד אֶחָ֛ד בֵּין־שְׁנֵ֥י הַזְּנָבֹ֖ות בַּתָּֽוֶךְ׃

wayé֣̇lekĕ şǐmĕşò̌֔wn wayi̇lĕkò֖̇d şĕ̌lòş̌־méʼò֣wţ ş̌ẇʻáli֑ym wayi̇qȧ֣ẖ lapi̇di֗ym wayė֤pen zánáb֙ ʼel־záná֔b wayá̇֨şêm lapi֥̇yd ʼeẖá֛d bé̇yn־şĕ̌né֥y hazĕ̇nábò֖wţ bȧţáֽ̇wekĕ׃

5
וַיַּבְעֶר־אֵשׁ֙ בַּלַּפִּידִ֔ים וַיְשַׁלַּ֖ח בְּקָמֹ֣ות פְּלִשְׁתִּ֑ים וַיַּבְעֵ֛ר מִגָּדִ֥ישׁ וְעַד־קָמָ֖ה וְעַד־כֶּ֥רֶם זָֽיִת׃

wayȧbĕʻer־ʼéş̌֙ bȧlȧpi̇ydi֔ym wayĕşǎlȧ֖ẖ bĕ̇qámò֣wţ pĕ̇lişĕ̌ţi֑̇ym wayȧbĕʻé֛r migá̇di֥yş̌ wĕʻad־qámá֖h wĕʻad־kė֥rem záֽyiţ׃

6
וַיֹּאמְר֣וּ פְלִשְׁתִּים֮ מִ֣י עָ֣שָׂה זֹאת֒ וַיֹּאמְר֗וּ שִׁמְשֹׁון֙ חֲתַ֣ן הַתִּמְנִ֔י כִּ֚י לָקַ֣ח אֶת־אִשְׁתֹּ֔ו וַֽיִּתְּנָ֖הּ לְמֵרֵעֵ֑הוּ וַיַּעֲל֣וּ פְלִשְׁתִּ֔ים וַיִּשְׂרְפ֥וּ אֹותָ֛הּ וְאֶת־אָבִ֖יהָ בָּאֵֽשׁ׃

wayò̇ʼmĕr֣ẇ pĕlişĕ̌ţi̇ym֮ mi֣y ʻá֣şá̂h zòʼţ֒ wayò̇ʼmĕr֗ẇ şǐmĕşò̌wn֙ ẖàţa֣n haţi̇mĕni֔y ki֚̇y láqa֣ẖ ʼeţ־ʼişĕ̌ţò̇֔w waֽyi̇ţĕ̇ná֖ḣ lĕméréʻé֑hẇ wayȧʻàl֣ẇ pĕlişĕ̌ţi̇֔ym wayi̇şĕ̂rĕp֥ẇ ʼòwţá֛ḣ wĕʼeţ־ʼábi֖yhá bá̇ʼéֽş̌׃

7
וַיֹּ֤אמֶר לָהֶם֙ שִׁמְשֹׁ֔ון אִֽם־תַּעֲשׂ֖וּן כָּזֹ֑את כִּ֛י אִם־נִקַּ֥מְתִּי בָכֶ֖ם וְאַחַ֥ר אֶחְדָּֽל׃

wayò֤̇ʼmer láhem֙ şǐmĕşò̌֔wn ʼiֽm־ţȧʻàş֖̂ẇn ká̇zò֑ʼţ ki֛̇y ʼim־niqȧ֥mĕţi̇y báke֖m wĕʼaẖa֥r ʼeẖĕdáֽ̇l׃

8
וַיַּ֨ךְ אֹותָ֥ם שֹׁ֛וק עַל־יָרֵ֖ךְ מַכָּ֣ה גְדֹולָ֑ה וַיֵּ֣רֶד וַיֵּ֔שֶׁב בִּסְעִ֖יף סֶ֥לַע עֵיטָֽם׃ ס

wayȧ֨kĕ ʼòwţá֥m şò֛̌wq ʻal־yáré֖kĕ maká֣̇h gĕdòwlá֑h wayé֣̇red wayé̇֔şěb bi̇sĕʻi֖yp se֥laʻ ʻéytáֽm׃ s

9
וַיַּעֲל֣וּ פְלִשְׁתִּ֔ים וַֽיַּחֲנ֖וּ בִּיהוּדָ֑ה וַיִּנָּטְשׁ֖וּ בַּלֶּֽחִי׃

wayȧʻàl֣ẇ pĕlişĕ̌ţi̇֔ym waֽyȧẖàn֖ẇ bi̇yhẇdá֑h wayi̇ná̇tĕş֖̌ẇ bȧlėֽẖiy׃

10
וַיֹּֽאמְרוּ֙ אִ֣ישׁ יְהוּדָ֔ה לָמָ֖ה עֲלִיתֶ֣ם עָלֵ֑ינוּ וַיֹּאמְר֗וּ לֶאֱסֹ֤ור אֶת־שִׁמְשֹׁון֙ עָלִ֔ינוּ לַעֲשֹׂ֣ות לֹ֔ו כַּאֲשֶׁ֖ר עָ֥שָׂה לָֽנוּ׃

wayòֽ̇ʼmĕrẇ֙ ʼi֣yş̌ yĕhẇdá֔h lámá֖h ʻàliyţe֣m ʻálé֑ynẇ wayò̇ʼmĕr֗ẇ leʼèsò֤wr ʼeţ־şǐmĕşò̌wn֙ ʻáli֔ynẇ laʻàşò֣̂wţ lò֔w kȧʼàşě֖r ʻá֥şá̂h láֽnẇ׃

11
וַיֵּרְד֡וּ שְׁלֹשֶׁת֩ אֲלָפִ֨ים אִ֜ישׁ מִֽיהוּדָ֗ה אֶל־סְעִיף֮ סֶ֣לַע עֵיטָם֒ וַיֹּאמְר֣וּ לְשִׁמְשֹׁ֗ון הֲלֹ֤א יָדַ֨עְתָּ֙ כִּֽי־מֹשְׁלִ֥ים בָּ֨נוּ֙ פְּלִשְׁתִּ֔ים וּמַה־זֹּ֖את עָשִׂ֣יתָ לָּ֑נוּ וַיֹּ֣אמֶר לָהֶ֔ם כַּאֲשֶׁר֙ עָ֣שׂוּ לִ֔י כֵּ֖ן עָשִׂ֥יתִי לָהֶֽם׃

wayé̇rĕd֡ẇ şĕ̌lòşěţ֩ ʼàlápi֨ym ʼi֜yş̌ miֽyhẇdá֗h ʼel־sĕʻiyp֮ se֣laʻ ʻéytám֒ wayò̇ʼmĕr֣ẇ lĕşǐmĕşò̌֗wn hàlò֤ʼ yáda֨ʻĕţá̇֙ kiֽ̇y־mòşĕ̌li֥ym bá̇֨nẇ֙ pĕ̇lişĕ̌ţi̇֔ym ẇmah־zò֖̇ʼţ ʻáşî֣yţá lá֑̇nẇ wayò֣̇ʼmer láhe֔m kȧʼàşěr֙ ʻá֣ş̂ẇ li֔y ké֖̇n ʻáşî֥yţiy láheֽm׃

12
וַיֹּ֤אמְרוּ לֹו֙ לֶאֱסָרְךָ֣ יָרַ֔דְנוּ לְתִתְּךָ֖ בְּיַד־פְּלִשְׁתִּ֑ים וַיֹּ֤אמֶר לָהֶם֙ שִׁמְשֹׁ֔ון הִשָּׁבְע֣וּ לִ֔י פֶּֽן־תִּפְגְּע֥וּן בִּ֖י אַתֶּֽם׃

wayò֤̇ʼmĕrẇ lòw֙ leʼèsárĕká֣ yára֔dĕnẇ lĕţiţĕ̇ká֖ bĕ̇yad־pĕ̇lişĕ̌ţi֑̇ym wayò֤̇ʼmer láhem֙ şǐmĕşò̌֔wn hişá̇̌bĕʻ֣ẇ li֔y pėֽn־ţi̇pĕgĕ̇ʻ֥ẇn bi֖̇y ʼaţėֽm׃

13
וַיֹּ֧אמְרוּ לֹ֣ו לֵאמֹ֗ר לֹ֤א כִּֽי־אָסֹ֤ר נֶֽאֱסָרְךָ֙ וּנְתַנּ֣וּךָ בְיָדָ֔ם וְהָמֵ֖ת לֹ֣א נְמִיתֶ֑ךָ וַיַּאַסְרֻ֗הוּ בִּשְׁנַ֨יִם֙ עֲבֹתִ֣ים חֲדָשִׁ֔ים וַֽיַּעֲל֖וּהוּ מִן־הַסָּֽלַע׃

wayò֧̇ʼmĕrẇ lò֣w léʼmò֗r lò֤ʼ kiֽ̇y־ʼásò֤r neֽʼèsárĕká֙ ẇnĕţaṅ֣ẇká bĕyádá֔m wĕhámé֖ţ lò֣ʼ nĕmiyţe֑ká wayȧʼasĕru֗hẇ bi̇şĕ̌na֨yim֙ ʻàbòţi֣ym ẖàdáşǐ֔ym waֽyȧʻàl֖ẇhẇ min־hasáֽ̇laʻ׃

14
הוּא־בָ֣א עַד־לֶ֔חִי וּפְלִשְׁתִּ֖ים הֵרִ֣יעוּ לִקְרָאתֹ֑ו וַתִּצְלַ֨ח עָלָ֜יו ר֣וּחַ יְהוָ֗ה וַתִּהְיֶ֨ינָה הָעֲבֹתִ֜ים אֲשֶׁ֣ר עַל־זְרֹועֹותָ֗יו כַּפִּשְׁתִּים֙ אֲשֶׁ֣ר בָּעֲר֣וּ בָאֵ֔שׁ וַיִּמַּ֥סּוּ אֱסוּרָ֖יו מֵעַ֥ל יָדָֽיו׃

hẇʼ־bá֣ʼ ʻad־le֔ẖiy ẇpĕlişĕ̌ţi֖̇ym héri֣yʻẇ liqĕráʼţò֑w waţi̇ẕĕla֨ẖ ʻálá֜yw r֣ẇẖa yĕhwá֗h waţi̇hĕye֨ynáh háʻàbòţi֜ym ʼàşě֣r ʻal־zĕròwʻòwţá֗yw kȧpi̇şĕ̌ţi̇ym֙ ʼàşě֣r bá̇ʻàr֣ẇ báʼé֔ş̌ wayi̇mȧ֥ṡẇ ʼèsẇrá֖yw méʻa֥l yádáֽyw׃

15
וַיִּמְצָ֥א לְחִֽי־חֲמֹ֖ור טְרִיָּ֑ה וַיִּשְׁלַ֤ח יָדֹו֙ וַיִּקָּחֶ֔הָ וַיַּךְ־בָּ֖הּ אֶ֥לֶף אִֽישׁ׃

wayi̇mĕẕá֥ʼ lĕẖiֽy־ẖàmò֖wr tĕriyá֑̇h wayi̇şĕ̌la֤ẖ yádòw֙ wayi̇qá̇ẖe֔há wayȧkĕ־bá֖̇ḣ ʼe֥lep ʼiֽyş̌׃

16
וַיֹּ֣אמֶר שִׁמְשֹׁ֔ון בִּלְחִ֣י הַחֲמֹ֔ור חֲמֹ֖ור חֲמֹרָתָ֑יִם בִּלְחִ֣י הַחֲמֹ֔ור הִכֵּ֖יתִי אֶ֥לֶף אִֽישׁ׃

wayò֣̇ʼmer şǐmĕşò̌֔wn bi̇lĕẖi֣y haẖàmò֔wr ẖàmò֖wr ẖàmòráţá֑yim bi̇lĕẖi֣y haẖàmò֔wr hiké֖̇yţiy ʼe֥lep ʼiֽyş̌׃

17
וַֽיְהִי֙ כְּכַלֹּתֹ֣ו לְדַבֵּ֔ר וַיַּשְׁלֵ֥ךְ הַלְּחִ֖י מִיָּדֹ֑ו וַיִּקְרָ֛א לַמָּקֹ֥ום הַה֖וּא רָ֥מַת לֶֽחִי׃

waֽyĕhiy֙ kĕ̇kalò̇ţò֣w lĕdabé̇֔r wayȧşĕ̌lé֥kĕ halĕ̇ẖi֖y miyá̇dò֑w wayi̇qĕrá֛ʼ lamá̇qò֥wm hah֖ẇʼ rá֥maţ leֽẖiy׃

18
וַיִּצְמָא֮ מְאֹד֒ וַיִּקְרָ֤א אֶל־יְהוָה֙ וַיֹּאמַ֔ר אַתָּה֙ נָתַ֣תָּ בְיַֽד־עַבְדְּךָ֔ אֶת־הַתְּשׁוּעָ֥ה הַגְּדֹלָ֖ה הַזֹּ֑את וְעַתָּה֙ אָמ֣וּת בַּצָּמָ֔א וְנָפַלְתִּ֖י בְּיַ֥ד הָעֲרֵלִֽים׃

wayi̇ẕĕmáʼ֮ mĕʼòd֒ wayi̇qĕrá֤ʼ ʼel־yĕhwáh֙ wayò̇ʼma֔r ʼaţá̇h֙ náţa֣ţá̇ bĕyaֽd־ʻabĕdĕ̇ká֔ ʼeţ־haţĕ̇ş̌ẇʻá֥h hagĕ̇dòlá֖h hazò֑̇ʼţ wĕʻaţá̇h֙ ʼám֣ẇţ bȧẕá̇má֔ʼ wĕnápalĕţi֖̇y bĕ̇ya֥d háʻàréliֽym׃

19
וַיִּבְקַ֨ע אֱלֹהִ֜ים אֶת־הַמַּכְתֵּ֣שׁ אֲשֶׁר־בַּלֶּ֗חִי וַיֵּצְא֨וּ מִמֶּ֤נּוּ מַ֨יִם֙ וַיֵּ֔שְׁתְּ וַתָּ֥שָׁב רוּחֹ֖ו וַיֶּ֑חִי עַל־כֵּ֣ן׀ קָרָ֣א שְׁמָ֗הּ עֵ֤ין הַקֹּורֵא֙ אֲשֶׁ֣ר בַּלֶּ֔חִי עַ֖ד הַיֹּ֥ום הַזֶּֽה׃

wayi̇bĕqa֨ʻ ʼèlòhi֜ym ʼeţ־hamȧkĕţé֣̇ş̌ ʼàşěr־bȧlė֗ẖiy wayé̇ẕĕʼ֨ẇ mimė֤ṅẇ ma֨yim֙ wayé̇֔şĕ̌ţĕ̇ waţá֥̇şá̌b rẇẖò֖w wayė֑ẖiy ʻal־ké֣̇n׀ qárá֣ʼ şĕ̌má֗ḣ ʻé֤yn haqò̇wréʼ֙ ʼàşě֣r bȧlė֔ẖiy ʻa֖d hayò֥̇wm hazėֽh׃

20
וַיִּשְׁפֹּ֧ט אֶת־יִשְׂרָאֵ֛ל בִּימֵ֥י פְלִשְׁתִּ֖ים עֶשְׂרִ֥ים שָׁנָֽה׃ פ

wayi̇şĕ̌pò֧̇t ʼeţ־yişĕ̂ráʼé֛l bi̇ymé֥y pĕlişĕ̌ţi֖̇ym ʻeşĕ̂ri֥ym şá̌náֽh׃ p