Bibles in ancient languages
Old translations
Modern translations

Biblia Hebraica Stuttgartensia Juges 2:6

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיַּ֧עַל מַלְאַךְ־יְהוָ֛ה מִן־הַגִּלְגָּ֖ל אֶל־הַבֹּכִ֑ים פ וַיֹּאמֶר֩ אַעֲלֶ֨ה אֶתְכֶ֜ם מִמִּצְרַ֗יִם וָאָבִ֤יא אֶתְכֶם֙ אֶל־הָאָ֗רֶץ אֲשֶׁ֤ר נִשְׁבַּ֨עְתִּי֙ לַאֲבֹ֣תֵיכֶ֔ם וָאֹמַ֕ר לֹֽא־אָפֵ֧ר בְּרִיתִ֛י אִתְּכֶ֖ם לְעֹולָֽם׃

wayȧ֧ʻal malĕʼakĕ־yĕhwá֛h min־hagi̇lĕgá֖̇l ʼel־habò̇ki֑ym p wayò̇ʼmer֩ ʼaʻàle֨h ʼeţĕke֜m mimi̇ẕĕra֗yim wáʼábi֤yʼ ʼeţĕkem֙ ʼel־háʼá֗reẕ ʼàşě֤r nişĕ̌bȧ֨ʻĕţi̇y֙ laʼàbò֣ţéyke֔m wáʼòma֕r lòֽʼ־ʼápé֧r bĕ̇riyţi֛y ʼiţĕ̇ke֖m lĕʻòwláֽm׃

2
וְאַתֶּ֗ם לֹֽא־תִכְרְת֤וּ בְרִית֙ לְיֹֽושְׁבֵי֙ הָאָ֣רֶץ הַזֹּ֔את מִזְבְּחֹותֵיהֶ֖ם תִּתֹּצ֑וּן וְלֹֽא־שְׁמַעְתֶּ֥ם בְּקֹלִ֖י מַה־זֹּ֥את עֲשִׂיתֶֽם׃

wĕʼaţė֗m lòֽʼ־ţikĕrĕţ֤ẇ bĕriyţ֙ lĕyòֽwşĕ̌béy֙ háʼá֣reẕ hazò̇֔ʼţ mizĕbĕ̇ẖòwţéyhe֖m ţi̇ţò̇ẕ֑ẇn wĕlòֽʼ־şĕ̌maʻĕţė֥m bĕ̇qòli֖y mah־zò֥̇ʼţ ʻàşîyţeֽm׃

3
וְגַ֣ם אָמַ֔רְתִּי לֹֽא־אֲגָרֵ֥שׁ אֹותָ֖ם מִפְּנֵיכֶ֑ם וְהָי֤וּ לָכֶם֙ לְצִדִּ֔ים וֵאלֹ֣הֵיהֶ֔ם יִהְי֥וּ לָכֶ֖ם לְמֹוקֵֽשׁ׃

wĕga֣m ʼáma֔rĕţi̇y lòֽʼ־ʼàgáré֥ş̌ ʼòwţá֖m mipĕ̇néyke֑m wĕháy֤ẇ lákem֙ lĕẕidi̇֔ym wéʼlò֣héyhe֔m yihĕy֥ẇ láke֖m lĕmòwqéֽş̌׃

4
וַיְהִ֗י כְּדַבֵּ֞ר מַלְאַ֤ךְ יְהוָה֙ אֶת־הַדְּבָרִ֣ים הָאֵ֔לֶּה אֶֽל־כָּל־בְּנֵ֖י יִשְׂרָאֵ֑ל וַיִּשְׂא֥וּ הָעָ֛ם אֶת־קֹולָ֖ם וַיִּבְכּֽוּ׃

wayĕhi֗y kĕ̇dabé̇֞r malĕʼa֤kĕ yĕhwáh֙ ʼeţ־hadĕ̇bári֣ym háʼé֔lėh ʼeֽl־ká̇l־bĕ̇né֖y yişĕ̂ráʼé֑l wayi̇şĕ̂ʼ֥ẇ háʻá֛m ʼeţ־qòwlá֖m wayi̇bĕkֽ̇ẇ׃

5
וַֽיִּקְרְא֛וּ שֵֽׁם־הַמָּקֹ֥ום הַה֖וּא בֹּכִ֑ים וַיִּזְבְּחוּ־שָׁ֖ם לַֽיהוָֽה׃ פ

waֽyi̇qĕrĕʼ֛ẇ şéֽ̌m־hamá̇qò֥wm hah֖ẇʼ bò̇ki֑ym wayi̇zĕbĕ̇ẖẇ־şá֖̌m laֽyhwáֽh׃ p

6
וַיְשַׁלַּ֥ח יְהֹושֻׁ֖עַ אֶת־הָעָ֑ם וַיֵּלְכ֧וּ בְנֵֽי־יִשְׂרָאֵ֛ל אִ֥ישׁ לְנַחֲלָתֹ֖ו לָרֶ֥שֶׁת אֶת־הָאָֽרֶץ׃

wayĕşǎlȧ֥ẖ yĕhòwşǔ֖ʻa ʼeţ־háʻá֑m wayé̇lĕk֧ẇ bĕnéֽy־yişĕ̂ráʼé֛l ʼi֥yş̌ lĕnaẖàláţò֖w láre֥şěţ ʼeţ־háʼáֽreẕ׃

7
וַיַּעַבְד֤וּ הָעָם֙ אֶת־יְהוָ֔ה כֹּ֖ל יְמֵ֣י יְהֹושֻׁ֑עַ וְכֹ֣ל׀ יְמֵ֣י הַזְּקֵנִ֗ים אֲשֶׁ֨ר הֶאֱרִ֤יכוּ יָמִים֙ אַחֲרֵ֣י יְהֹושׁ֔וּעַ אֲשֶׁ֣ר רָא֗וּ אֵ֣ת כָּל־מַעֲשֵׂ֤ה יְהוָה֙ הַגָּדֹ֔ול אֲשֶׁ֥ר עָשָׂ֖ה לְיִשְׂרָאֵֽל׃

wayȧʻabĕd֤ẇ háʻám֙ ʼeţ־yĕhwá֔h kò֖̇l yĕmé֣y yĕhòwşǔ֑ʻa wĕkò֣l׀ yĕmé֣y hazĕ̇qéni֗ym ʼàşě֨r heʼèri֤ykẇ yámiym֙ ʼaẖàré֣y yĕhòwş̌֔ẇʻa ʼàşě֣r ráʼ֗ẇ ʼé֣ţ ká̇l־maʻàşé֤̂h yĕhwáh֙ hagá̇dò֔wl ʼàşě֥r ʻáşá֖̂h lĕyişĕ̂ráʼéֽl׃

8
וַיָּ֛מָת יְהֹושֻׁ֥עַ בִּן־נ֖וּן עֶ֣בֶד יְהוָ֑ה בֶּן־מֵאָ֥ה וָעֶ֖שֶׂר שָׁנִֽים׃

wayá֛̇máţ yĕhòwşǔ֥ʻa bi̇n־n֖ẇn ʻe֣bed yĕhwá֑h bėn־méʼá֥h wáʻe֖şêr şá̌niֽym׃

9
וַיִּקְבְּר֤וּ אֹותֹו֙ בִּגְב֣וּל נַחֲלָתֹ֔ו בְּתִמְנַת־חֶ֖רֶס בְּהַ֣ר אֶפְרָ֑יִם מִצְּפֹ֖ון לְהַר־גָּֽעַשׁ׃

wayi̇qĕbĕ̇r֤ẇ ʼòwţòw֙ bi̇gĕb֣ẇl naẖàláţò֔w bĕ̇ţimĕnaţ־ẖe֖res bĕ̇ha֣r ʼepĕrá֑yim miẕĕ̇pò֖wn lĕhar־gáֽ̇ʻaş̌׃

10
וְגַם֙ כָּל־הַדֹּ֣ור הַה֔וּא נֶאֶסְפ֖וּ אֶל־אֲבֹותָ֑יו וַיָּקָם֩ דֹּ֨ור אַחֵ֜ר אַחֲרֵיהֶ֗ם אֲשֶׁ֤ר לֹא־יָֽדְעוּ֙ אֶת־יְהוָ֔ה וְגַם֙ אֶת־הַֽמַּעֲשֶׂ֔ה אֲשֶׁ֥ר עָשָׂ֖ה לְיִשְׂרָאֵֽל׃ ס

wĕgam֙ ká̇l־hadò֣̇wr hah֔ẇʼ neʼesĕp֖ẇ ʼel־ʼàbòwţá֑yw wayá̇qám֩ dò̇֨wr ʼaẖé֜r ʼaẖàréyhe֗m ʼàşě֤r lòʼ־yáֽdĕʻẇ֙ ʼeţ־yĕhwá֔h wĕgam֙ ʼeţ־haֽmȧʻàşê֔h ʼàşě֥r ʻáşá֖̂h lĕyişĕ̂ráʼéֽl׃ s

11
וַיַּעֲשׂ֧וּ בְנֵֽי־יִשְׂרָאֵ֛ל אֶת־הָרַ֖ע בְּעֵינֵ֣י יְהוָ֑ה וַיַּעַבְד֖וּ אֶת־הַבְּעָלִֽים׃

wayȧʻàş֧̂ẇ bĕnéֽy־yişĕ̂ráʼé֛l ʼeţ־hára֖ʻ bĕ̇ʻéyné֣y yĕhwá֑h wayȧʻabĕd֖ẇ ʼeţ־habĕ̇ʻáliֽym׃

12
וַיַּעַזְב֞וּ אֶת־יְהוָ֣ה׀ אֱלֹהֵ֣י אֲבֹותָ֗ם הַמֹּוצִ֣יא אֹותָם֮ מֵאֶ֣רֶץ מִצְרַיִם֒ וַיֵּלְכ֞וּ אַחֲרֵ֣י׀ אֱלֹהִ֣ים אֲחֵרִ֗ים מֵאֱלֹהֵ֤י הָֽעַמִּים֙ אֲשֶׁר֙ סְבִיבֹ֣ותֵיהֶ֔ם וַיִּֽשְׁתַּחֲו֖וּ לָהֶ֑ם וַיַּכְעִ֖סוּ אֶת־יְהוָֽה׃

wayȧʻazĕb֞ẇ ʼeţ־yĕhwá֣h׀ ʼèlòhé֣y ʼàbòwţá֗m hamò̇wẕi֣yʼ ʼòwţám֮ méʼe֣reẕ miẕĕrayim֒ wayé̇lĕk֞ẇ ʼaẖàré֣y׀ ʼèlòhi֣ym ʼàẖéri֗ym méʼèlòhé֤y háֽʻami̇ym֙ ʼàşěr֙ sĕbiybò֣wţéyhe֔m wayiֽ̇şĕ̌ţȧẖàw֖ẇ láhe֑m wayȧkĕʻi֖sẇ ʼeţ־yĕhwáֽh׃

13
וַיַּעַזְב֖וּ אֶת־יְהוָ֑ה וַיַּעַבְד֥וּ לַבַּ֖עַל וְלָעַשְׁתָּרֹֽות׃

wayȧʻazĕb֖ẇ ʼeţ־yĕhwá֑h wayȧʻabĕd֥ẇ labȧ֖ʻal wĕláʻaşĕ̌ţá̇ròֽwţ׃

14
וַיִּֽחַר־אַ֤ף יְהוָה֙ בְּיִשְׂרָאֵ֔ל וַֽיִּתְּנֵם֙ בְּיַד־שֹׁסִ֔ים וַיָּשֹׁ֖סּוּ אֹותָ֑ם וַֽיִּמְכְּרֵ֞ם בְּיַ֤ד אֹֽויְבֵיהֶם֙ מִסָּבִ֔יב וְלֹֽא־יָכְל֣וּ עֹ֔וד לַעֲמֹ֖ד לִפְנֵ֥י אֹויְבֵיהֶֽם׃

wayiֽ̇ẖar־ʼa֤p yĕhwáh֙ bĕ̇yişĕ̂ráʼé֔l waֽyi̇ţĕ̇ném֙ bĕ̇yad־şò̌si֔ym wayá̇şò֖̌ṡẇ ʼòwţá֑m waֽyi̇mĕkĕ̇ré֞m bĕ̇ya֤d ʼòֽwyĕbéyhem֙ misá̇bi֔yb wĕlòֽʼ־yákĕl֣ẇ ʻò֔wd laʻàmò֖d lipĕné֥y ʼòwyĕbéyheֽm׃

15
בְּכֹ֣ל׀ אֲשֶׁ֣ר יָצְא֗וּ יַד־יְהוָה֙ הָיְתָה־בָּ֣ם לְרָעָ֔ה כַּֽאֲשֶׁר֙ דִּבֶּ֣ר יְהוָ֔ה וְכַאֲשֶׁ֛ר נִשְׁבַּ֥ע יְהוָ֖ה לָהֶ֑ם וַיֵּ֥צֶר לָהֶ֖ם מְאֹֽד׃

bĕ̇kò֣l׀ ʼàşě֣r yáẕĕʼ֗ẇ yad־yĕhwáh֙ háyĕţáh־bá֣̇m lĕráʻá֔h kȧֽʼàşěr֙ di̇bė֣r yĕhwá֔h wĕkaʼàşě֛r nişĕ̌bȧ֥ʻ yĕhwá֖h láhe֑m wayé֥̇ẕer láhe֖m mĕʼòֽd׃

16
וַיָּ֥קֶם יְהוָ֖ה שֹֽׁפְטִ֑ים וַיֹּ֣ושִׁיע֔וּם מִיַּ֖ד שֹׁסֵיהֶֽם׃

wayá֥̇qem yĕhwá֖h şòֽ̌pĕti֑ym wayò֣̇wşǐyʻ֔ẇm miyȧ֖d şò̌séyheֽm׃

17
וְגַ֤ם אֶל־שֹֽׁפְטֵיהֶם֙ לֹ֣א שָׁמֵ֔עוּ כִּ֣י זָנ֗וּ אַֽחֲרֵי֙ אֱלֹהִ֣ים אֲחֵרִ֔ים וַיִּֽשְׁתַּחֲו֖וּ לָהֶ֑ם סָ֣רוּ מַהֵ֗ר מִן־הַדֶּ֜רֶךְ אֲשֶׁ֨ר הָלְכ֧וּ אֲבֹותָ֛ם לִשְׁמֹ֥עַ מִצְוֹת־יְהוָ֖ה לֹא־עָ֥שׂוּ כֵֽן׃

wĕga֤m ʼel־şòֽ̌pĕtéyhem֙ lò֣ʼ şá̌mé֔ʻẇ ki֣̇y zán֗ẇ ʼaֽẖàréy֙ ʼèlòhi֣ym ʼàẖéri֔ym wayiֽ̇şĕ̌ţȧẖàw֖ẇ láhe֑m sá֣rẇ mahé֗r min־hadė֜rekĕ ʼàşě֨r hálĕk֧ẇ ʼàbòwţá֛m lişĕ̌mò֥ʻa miẕĕwòţ־yĕhwá֖h lòʼ־ʻá֥ş̂ẇ kéֽn׃

18
וְכִֽי־הֵקִ֨ים יְהוָ֥ה׀ לָהֶם֮ שֹֽׁפְטִים֒ וְהָיָ֤ה יְהוָה֙ עִם־הַשֹּׁפֵ֔ט וְהֹֽושִׁיעָם֙ מִיַּ֣ד אֹֽיְבֵיהֶ֔ם כֹּ֖ל יְמֵ֣י הַשֹּׁופֵ֑ט כִּֽי־יִנָּחֵ֤ם יְהוָה֙ מִנַּֽאֲקָתָ֔ם מִפְּנֵ֥י לֹחֲצֵיהֶ֖ם וְדֹחֲקֵיהֶֽם׃

wĕkiֽy־héqi֨ym yĕhwá֥h׀ láhem֮ şòֽ̌pĕtiym֒ wĕháyá֤h yĕhwáh֙ ʻim־haşò̇̌pé֔t wĕhòֽwşǐyʻám֙ miyȧ֣d ʼòֽyĕbéyhe֔m kò֖̇l yĕmé֣y haşò̇̌wpé֑t kiֽ̇y־yiná̇ẖé֤m yĕhwáh֙ minȧֽʼàqáţá֔m mipĕ̇né֥y lòẖàẕéyhe֖m wĕdòẖàqéyheֽm׃

19
וְהָיָ֣ה׀ בְּמֹ֣ות הַשֹּׁופֵ֗ט יָשֻׁ֨בוּ֙ וְהִשְׁחִ֣יתוּ מֵֽאֲבֹותָ֔ם לָלֶ֗כֶת אַֽחֲרֵי֙ אֱלֹהִ֣ים אֲחֵרִ֔ים לְעָבְדָ֖ם וּלְהִשְׁתַּחֲוֹ֣ת לָהֶ֑ם לֹ֤א הִפִּ֨ילוּ֙ מִמַּ֣עַלְלֵיהֶ֔ם וּמִדַּרְכָּ֖ם הַקָּשָֽׁה׃

wĕháyá֣h׀ bĕ̇mò֣wţ haşò̇̌wpé֗t yáşǔ֨bẇ֙ wĕhişĕ̌ẖi֣yţẇ méֽʼàbòwţá֔m lále֗keţ ʼaֽẖàréy֙ ʼèlòhi֣ym ʼàẖéri֔ym lĕʻábĕdá֖m ẇlĕhişĕ̌ţȧẖàwò֣ţ láhe֑m lò֤ʼ hipi̇֨ylẇ֙ mimȧ֣ʻalĕléyhe֔m ẇmidȧrĕká֖̇m haqá̇şáֽ̌h׃

20
וַיִּֽחַר־אַ֥ף יְהוָ֖ה בְּיִשְׂרָאֵ֑ל וַיֹּ֗אמֶר יַעַן֩ אֲשֶׁ֨ר עָבְר֜וּ הַגֹּ֣וי הַזֶּ֗ה אֶת־בְּרִיתִי֙ אֲשֶׁ֣ר צִוִּ֣יתִי אֶת־אֲבֹותָ֔ם וְלֹ֥א שָׁמְע֖וּ לְקֹולִֽי׃

wayiֽ̇ẖar־ʼa֥p yĕhwá֖h bĕ̇yişĕ̂ráʼé֑l wayò̇֗ʼmer yaʻan֩ ʼàşě֨r ʻábĕr֜ẇ hagò֣̇wy hazė֗h ʼeţ־bĕ̇riyţiy֙ ʼàşě֣r ẕiwi֣̇yţiy ʼeţ־ʼàbòwţá֔m wĕlò֥ʼ şá̌mĕʻ֖ẇ lĕqòwliֽy׃

21
גַּם־אֲנִי֙ לֹ֣א אֹוסִ֔יף לְהֹורִ֥ישׁ אִ֖ישׁ מִפְּנֵיהֶ֑ם מִן־הַגֹּויִ֛ם אֲשֶׁר־עָזַ֥ב יְהֹושֻׁ֖עַ וַיָּמֹֽת׃

gȧm־ʼàniy֙ lò֣ʼ ʼòwsi֔yp lĕhòwri֥yş̌ ʼi֖yş̌ mipĕ̇néyhe֑m min־hagò̇wyi֛m ʼàşěr־ʻáza֥b yĕhòwşǔ֖ʻa wayá̇mòֽţ׃

22
לְמַ֛עַן נַסֹּ֥ות בָּ֖ם אֶת־יִשְׂרָאֵ֑ל הֲשֹׁמְרִ֣ים הֵם֩ אֶת־דֶּ֨רֶךְ יְהוָ֜ה לָלֶ֣כֶת בָּ֗ם כַּאֲשֶׁ֛ר שָׁמְר֥וּ אֲבֹותָ֖ם אִם־לֹֽא׃

lĕma֛ʻan nasò֥̇wţ bá֖̇m ʼeţ־yişĕ̂ráʼé֑l hàşò̌mĕri֣ym hém֩ ʼeţ־dė֨rekĕ yĕhwá֜h lále֣keţ bá̇֗m kȧʼàşě֛r şá̌mĕr֥ẇ ʼàbòwţá֖m ʼim־lòֽʼ׃

23
וַיַּנַּ֤ח יְהוָה֙ אֶת־הַגֹּויִ֣ם הָאֵ֔לֶּה לְבִלְתִּ֥י הֹורִישָׁ֖ם מַהֵ֑ר וְלֹ֥א נְתָנָ֖ם בְּיַד־יְהֹושֻֽׁעַ׃ פ

wayȧnȧ֤ẖ yĕhwáh֙ ʼeţ־hagò̇wyi֣m háʼé֔lėh lĕbilĕţi֥̇y hòwriyşá֖̌m mahé֑r wĕlò֥ʼ nĕţáná֖m bĕ̇yad־yĕhòwşǔֽʻa׃ p