Bibles in ancient languages
Old translations
Modern translations

Biblia Hebraica Stuttgartensia Juges 4:24

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּסִ֨פוּ֙ בְּנֵ֣י יִשְׂרָאֵ֔ל לַעֲשֹׂ֥ות הָרַ֖ע בְּעֵינֵ֣י יְהוָ֑ה וְאֵה֖וּד מֵֽת׃

wayò̇si֨pẇ֙ bĕ̇né֣y yişĕ̂ráʼé֔l laʻàşò֥̂wţ hára֖ʻ bĕ̇ʻéyné֣y yĕhwá֑h wĕʼéh֖ẇd méֽţ׃

2
וַיִּמְכְּרֵ֣ם יְהוָ֗ה בְּיַד֙ יָבִ֣ין מֶֽלֶךְ־כְּנַ֔עַן אֲשֶׁ֥ר מָלַ֖ךְ בְּחָצֹ֑ור וְשַׂר־צְבָאֹו֙ סִֽיסְרָ֔א וְה֥וּא יֹושֵׁ֖ב בַּחֲרֹ֥שֶׁת הַגֹּויִֽם׃

wayi̇mĕkĕ̇ré֣m yĕhwá֗h bĕ̇yad֙ yábi֣yn meֽlekĕ־kĕ̇na֔ʻan ʼàşě֥r mála֖kĕ bĕ̇ẖáẕò֑wr wĕşâr־ẕĕbáʼòw֙ siֽysĕrá֔ʼ wĕh֥ẇʼ yòwşé֖̌b bȧẖàrò֥şěţ hagò̇wyiֽm׃

3
וַיִּצְעֲק֥וּ בְנֵֽי־יִשְׂרָאֵ֖ל אֶל־יְהוָ֑ה כִּ֠י תְּשַׁ֨ע מֵאֹ֤ות רֶֽכֶב־בַּרְזֶל֙ לֹ֔ו וְ֠הוּא לָחַ֞ץ אֶת־בְּנֵ֧י יִשְׂרָאֵ֛ל בְּחָזְקָ֖ה עֶשְׂרִ֥ים שָׁנָֽה׃ ס

wayi̇ẕĕʻàq֥ẇ bĕnéֽy־yişĕ̂ráʼé֖l ʼel־yĕhwá֑h ki̇֠y ţĕ̇şǎ֨ʻ méʼò֤wţ reֽkeb־bȧrĕzel֙ lò֔w wĕ֠hẇʼ láẖa֞ẕ ʼeţ־bĕ̇né֧y yişĕ̂ráʼé֛l bĕ̇ẖázĕqá֖h ʻeşĕ̂ri֥ym şá̌náֽh׃ s

4
וּדְבֹורָה֙ אִשָּׁ֣ה נְבִיאָ֔ה אֵ֖שֶׁת לַפִּידֹ֑ות הִ֛יא שֹׁפְטָ֥ה אֶת־יִשְׂרָאֵ֖ל בָּעֵ֥ת הַהִֽיא׃

ẇdĕbòwráh֙ ʼişá֣̇̌h nĕbiyʼá֔h ʼé֖şěţ lapi̇ydò֑wţ hi֛yʼ şò̌pĕtá֥h ʼeţ־yişĕ̂ráʼé֖l bá̇ʻé֥ţ hahiֽyʼ׃

5
וְ֠הִיא יֹושֶׁ֨בֶת תַּֽחַת־תֹּ֜מֶר דְּבֹורָ֗ה בֵּ֧ין הָרָמָ֛ה וּבֵ֥ין בֵּֽית־אֵ֖ל בְּהַ֣ר אֶפְרָ֑יִם וַיַּעֲל֥וּ אֵלֶ֛יהָ בְּנֵ֥י יִשְׂרָאֵ֖ל לַמִּשְׁפָּֽט׃

wĕ֠hiyʼ yòwşě֨beţ ţȧֽẖaţ־ţò̇֜mer dĕ̇bòwrá֗h bé֧̇yn hárámá֛h ẇbé֥yn béֽ̇yţ־ʼé֖l bĕ̇ha֣r ʼepĕrá֑yim wayȧʻàl֥ẇ ʼéle֛yhá bĕ̇né֥y yişĕ̂ráʼé֖l lami̇şĕ̌páֽ̇t׃

6
וַתִּשְׁלַ֗ח וַתִּקְרָא֙ לְבָרָ֣ק בֶּן־אֲבִינֹ֔עַם מִקֶּ֖דֶשׁ נַפְתָּלִ֑י וַתֹּ֨אמֶר אֵלָ֜יו הֲלֹ֥א צִוָּ֣ה׀ יְהוָ֣ה אֱלֹהֵֽי־יִשְׂרָאֵ֗ל לֵ֤ךְ וּמָֽשַׁכְתָּ֙ בְּהַ֣ר תָּבֹ֔ור וְלָקַחְתָּ֣ עִמְּךָ֗ עֲשֶׂ֤רֶת אֲלָפִים֙ אִ֔ישׁ מִבְּנֵ֥י נַפְתָּלִ֖י וּמִבְּנֵ֥י זְבֻלֽוּן׃

waţi̇şĕ̌la֗ẖ waţi̇qĕráʼ֙ lĕbárá֣q bėn־ʼàbiynò֔ʻam miqė֖deş̌ napĕţá̇li֑y waţò̇֨ʼmer ʼélá֜yw hàlò֥ʼ ẕiwá֣̇h׀ yĕhwá֣h ʼèlòhéֽy־yişĕ̂ráʼé֗l lé֤kĕ ẇmáֽşǎkĕţá̇֙ bĕ̇ha֣r ţá̇bò֔wr wĕláqaẖĕţá֣̇ ʻimĕ̇ká֗ ʻàşê֤reţ ʼàlápiym֙ ʼi֔yş̌ mibĕ̇né֥y napĕţá̇li֖y ẇmibĕ̇né֥y zĕbulֽẇn׃

7
וּמָשַׁכְתִּ֨י אֵלֶ֜יךָ אֶל־נַ֣חַל קִישֹׁ֗ון אֶת־סִֽיסְרָא֙ שַׂר־צְבָ֣א יָבִ֔ין וְאֶת־רִכְבֹּ֖ו וְאֶת־הֲמֹונֹ֑ו וּנְתַתִּ֖יהוּ בְּיָדֶֽךָ׃

ẇmáşǎkĕţi̇֨y ʼéle֜yká ʼel־na֣ẖal qiyşò̌֗wn ʼeţ־siֽysĕráʼ֙ şâr־ẕĕbá֣ʼ yábi֔yn wĕʼeţ־rikĕbò֖̇w wĕʼeţ־hàmòwnò֑w ẇnĕţaţi֖̇yhẇ bĕ̇yádeֽká׃

8
וַיֹּ֤אמֶר אֵלֶ֨יהָ֙ בָּרָ֔ק אִם־תֵּלְכִ֥י עִמִּ֖י וְהָלָ֑כְתִּי וְאִם־לֹ֥א תֵלְכִ֛י עִמִּ֖י לֹ֥א אֵלֵֽךְ׃

wayò֤̇ʼmer ʼéle֨yhá֙ bá̇rá֔q ʼim־ţé̇lĕki֥y ʻimi֖̇y wĕhálá֑kĕţi̇y wĕʼim־lò֥ʼ ţélĕki֛y ʻimi֖̇y lò֥ʼ ʼéléֽkĕ׃

9
וַתֹּ֜אמֶר הָלֹ֧ךְ אֵלֵ֣ךְ עִמָּ֗ךְ אֶ֚פֶס כִּי֩ לֹ֨א תִֽהְיֶ֜ה תִּֽפְאַרְתְּךָ֗ עַל־הַדֶּ֨רֶךְ֙ אֲשֶׁ֣ר אַתָּ֣ה הֹולֵ֔ךְ כִּ֣י בְֽיַד־אִשָּׁ֔ה יִמְכֹּ֥ר יְהוָ֖ה אֶת־סִֽיסְרָ֑א וַתָּ֧קָם דְּבֹורָ֛ה וַתֵּ֥לֶךְ עִם־בָּרָ֖ק קֶֽדְשָׁה׃

waţò̇֜ʼmer hálò֧kĕ ʼélé֣kĕ ʻimá̇֗kĕ ʼe֚pes ki̇y֩ lò֨ʼ ţiֽhĕye֜h ţiֽ̇pĕʼarĕţĕ̇ká֗ ʻal־hadė֨rekĕ֙ ʼàşě֣r ʼaţá֣̇h hòwlé֔kĕ ki֣̇y bĕֽyad־ʼişá̇̌֔h yimĕkò֥̇r yĕhwá֖h ʼeţ־siֽysĕrá֑ʼ waţá֧̇qám dĕ̇bòwrá֛h waţé֥̇lekĕ ʻim־bá̇rá֖q qeֽdĕşá̌h׃

10
וַיַּזְעֵ֨ק בָּרָ֜ק אֶת־זְבוּלֻ֤ן וְאֶת־נַפְתָּלִי֙ קֶ֔דְשָׁה וַיַּ֣עַל בְּרַגְלָ֔יו עֲשֶׂ֥רֶת אַלְפֵ֖י אִ֑ישׁ וַתַּ֥עַל עִמֹּ֖ו דְּבֹורָֽה׃

wayȧzĕʻé֨q bá̇rá֜q ʼeţ־zĕbẇlu֤n wĕʼeţ־napĕţá̇liy֙ qe֔dĕşá̌h wayȧ֣ʻal bĕ̇ragĕlá֔yw ʻàşê֥reţ ʼalĕpé֖y ʼi֑yş̌ waţȧ֥ʻal ʻimò֖̇w dĕ̇bòwráֽh׃

11
וְחֶ֤בֶר הַקֵּינִי֙ נִפְרָ֣ד מִקַּ֔יִן מִבְּנֵ֥י חֹבָ֖ב חֹתֵ֣ן מֹשֶׁ֑ה וַיֵּ֣ט אָהֳלֹ֔ו עַד־אֵלֹ֥ון בַּצְעַנִּים אֲשֶׁ֥ר אֶת־קֶֽדֶשׁ׃

wĕẖe֤ber haqé̇yniy֙ nipĕrá֣d miqȧ֔yin mibĕ̇né֥y ẖòbá֖b ẖòţé֣n mòşě֑h wayé֣̇t ʼáholò֔w ʻad־ʼélò֥wn bȧẕĕʻani̇ym ʼàşě֥r ʼeţ־qeֽdeş̌׃

12
וַיַּגִּ֖דוּ לְסִֽיסְרָ֑א כִּ֥י עָלָ֛ה בָּרָ֥ק בֶּן־אֲבִינֹ֖עַם הַר־תָּבֹֽור׃ ס

wayȧgi֖̇dẇ lĕsiֽysĕrá֑ʼ ki֥̇y ʻálá֛h bá̇rá֥q bėn־ʼàbiynò֖ʻam har־ţá̇bòֽwr׃ s

13
וַיַּזְעֵ֨ק סִֽיסְרָ֜א אֶת־כָּל־רִכְבֹּ֗ו תְּשַׁ֤ע מֵאֹות֙ רֶ֣כֶב בַּרְזֶ֔ל וְאֶת־כָּל־הָעָ֖ם אֲשֶׁ֣ר אִתֹּ֑ו מֵחֲרֹ֥שֶׁת הַגֹּויִ֖ם אֶל־נַ֥חַל קִישֹֽׁון׃

wayȧzĕʻé֨q siֽysĕrá֜ʼ ʼeţ־ká̇l־rikĕbò̇֗w ţĕ̇şǎ֤ʻ méʼòwţ֙ re֣keb bȧrĕze֔l wĕʼeţ־ká̇l־háʻá֖m ʼàşě֣r ʼiţò֑̇w méẖàrò֥şěţ hagò̇wyi֖m ʼel־na֥ẖal qiyşòֽ̌wn׃

14
וַתֹּאמֶר֩ דְּבֹרָ֨ה אֶל־בָּרָ֜ק ק֗וּם כִּ֣י זֶ֤ה הַיֹּום֙ אֲשֶׁר֩ נָתַ֨ן יְהוָ֤ה אֶת־סִֽיסְרָא֙ בְּיָדֶ֔ךָ הֲלֹ֥א יְהוָ֖ה יָצָ֣א לְפָנֶ֑יךָ וַיֵּ֤רֶד בָּרָק֙ מֵהַ֣ר תָּבֹ֔ור וַעֲשֶׂ֧רֶת אֲלָפִ֛ים אִ֖ישׁ אַחֲרָֽיו׃

waţò̇ʼmer֩ dĕ̇bòrá֨h ʼel־bá̇rá֜q q֗ẇm ki֣̇y ze֤h hayò̇wm֙ ʼàşěr֩ náţa֨n yĕhwá֤h ʼeţ־siֽysĕráʼ֙ bĕ̇yáde֔ká hàlò֥ʼ yĕhwá֖h yáẕá֣ʼ lĕpáne֑yká wayé֤̇red bá̇ráq֙ méha֣r ţá̇bò֔wr waʻàşê֧reţ ʼàlápi֛ym ʼi֖yş̌ ʼaẖàráֽyw׃

15
וַיָּ֣הָם יְ֠הוָה אֶת־סִֽיסְרָ֨א וְאֶת־כָּל־הָרֶ֧כֶב וְאֶת־כָּל־הַֽמַּחֲנֶ֛ה לְפִי־חֶ֖רֶב לִפְנֵ֣י בָרָ֑ק וַיֵּ֧רֶד סִֽיסְרָ֛א מֵעַ֥ל הַמֶּרְכָּבָ֖ה וַיָּ֥נָס בְּרַגְלָֽיו׃

wayá֣̇hám yĕ֠hwáh ʼeţ־siֽysĕrá֨ʼ wĕʼeţ־ká̇l־háre֧keb wĕʼeţ־ká̇l־haֽmȧẖàne֛h lĕpiy־ẖe֖reb lipĕné֣y bárá֑q wayé֧̇red siֽysĕrá֛ʼ méʻa֥l hamėrĕká̇bá֖h wayá֥̇nás bĕ̇ragĕláֽyw׃

16
וּבָרָ֗ק רָדַ֞ף אַחֲרֵ֤י הָרֶ֨כֶב֙ וְאַחֲרֵ֣י הַֽמַּחֲנֶ֔ה עַ֖ד חֲרֹ֣שֶׁת הַגֹּויִ֑ם וַיִּפֹּ֞ל כָּל־מַחֲנֵ֤ה סִֽיסְרָא֙ לְפִי־חֶ֔רֶב לֹ֥א נִשְׁאַ֖ר עַד־אֶחָֽד׃

ẇbárá֗q ráda֞p ʼaẖàré֤y háre֨keb֙ wĕʼaẖàré֣y haֽmȧẖàne֔h ʻa֖d ẖàrò֣şěţ hagò̇wyi֑m wayi̇pò̇֞l ká̇l־maẖàné֤h siֽysĕráʼ֙ lĕpiy־ẖe֔reb lò֥ʼ nişĕ̌ʼa֖r ʻad־ʼeẖáֽd׃

17
וְסִֽיסְרָא֙ נָ֣ס בְּרַגְלָ֔יו אֶל־אֹ֣הֶל יָעֵ֔ל אֵ֖שֶׁת חֶ֣בֶר הַקֵּינִ֑י כִּ֣י שָׁלֹ֗ום בֵּ֚ין יָבִ֣ין מֶֽלֶךְ־חָצֹ֔ור וּבֵ֕ין בֵּ֖ית חֶ֥בֶר הַקֵּינִֽי׃

wĕsiֽysĕráʼ֙ ná֣s bĕ̇ragĕlá֔yw ʼel־ʼò֣hel yáʻé֔l ʼé֖şěţ ẖe֣ber haqé̇yni֑y ki֣̇y şá̌lò֗wm bé֚̇yn yábi֣yn meֽlekĕ־ẖáẕò֔wr ẇbé֕yn bé֖̇yţ ẖe֥ber haqé̇yniֽy׃

18
וַתֵּצֵ֣א יָעֵל֮ לִקְרַ֣את סִֽיסְרָא֒ וַתֹּ֣אמֶר אֵלָ֗יו סוּרָ֧ה אֲדֹנִ֛י סוּרָ֥ה אֵלַ֖י אַל־תִּירָ֑א וַיָּ֤סַר אֵלֶ֨יהָ֙ הָאֹ֔הֱלָה וַתְּכַסֵּ֖הוּ בַּשְּׂמִיכָֽה׃

waţé̇ẕé֣ʼ yáʻél֮ liqĕra֣ʼţ siֽysĕráʼ֒ waţò֣̇ʼmer ʼélá֗yw sẇrá֧h ʼàdòni֛y sẇrá֥h ʼéla֖y ʼal־ţi̇yrá֑ʼ wayá֤̇sar ʼéle֨yhá֙ háʼò֔hèláh waţĕ̇kasé֖̇hẇ bȧşĕ̇̂miykáֽh׃

19
וַיֹּ֧אמֶר אֵלֶ֛יהָ הַשְׁקִינִי־נָ֥א מְעַט־מַ֖יִם כִּ֣י צָמֵ֑אתִי וַתִּפְתַּ֞ח אֶת־נֹ֧אוד הֶחָלָ֛ב וַתַּשְׁקֵ֖הוּ וַתְּכַסֵּֽהוּ׃

wayò֧̇ʼmer ʼéle֛yhá haşĕ̌qiyniy־ná֥ʼ mĕʻat־ma֖yim ki֣̇y ẕámé֑ʼţiy waţi̇pĕţȧ֞ẖ ʼeţ־nò֧ʼwd heẖálá֛b waţȧşĕ̌qé֖hẇ waţĕ̇kaséֽ̇hẇ׃

20
וַיֹּ֣אמֶר אֵלֶ֔יהָ עֲמֹ֖ד פֶּ֣תַח הָאֹ֑הֶל וְהָיָה֩ אִם־אִ֨ישׁ יָבֹ֜וא וּשְׁאֵלֵ֗ךְ וְאָמַ֛ר הֲיֵֽשׁ־פֹּ֥ה אִ֖ישׁ וְאָמַ֥רְתְּ אָֽיִן׃

wayò֣̇ʼmer ʼéle֔yhá ʻàmò֖d pė֣ţaẖ háʼò֑hel wĕháyáh֩ ʼim־ʼi֨yş̌ yábò֜wʼ ẇşĕ̌ʼélé֗kĕ wĕʼáma֛r hàyéֽş̌־pò֥̇h ʼi֖yş̌ wĕʼáma֥rĕţĕ̇ ʼáֽyin׃

21
וַתִּקַּ֣ח יָעֵ֣ל אֵֽשֶׁת־חֶ֠בֶר אֶת־יְתַ֨ד הָאֹ֜הֶל וַתָּ֧שֶׂם אֶת־הַמַּקֶּ֣בֶת בְּיָדָ֗הּ וַתָּבֹ֤וא אֵלָיו֙ בַּלָּ֔אט וַתִּתְקַ֤ע אֶת־הַיָּתֵד֙ בְּרַקָּתֹ֔ו וַתִּצְנַ֖ח בָּאָ֑רֶץ וְהֽוּא־נִרְדָּ֥ם וַיָּ֖עַף וַיָּמֹֽת׃

waţi̇qȧ֣ẖ yáʻé֣l ʼéֽşěţ־ẖe֠ber ʼeţ־yĕţa֨d háʼò֜hel waţá֧̇şêm ʼeţ־hamȧqė֣beţ bĕ̇yádá֗ḣ waţá̇bò֤wʼ ʼéláyw֙ bȧlá̇֔ʼt waţi̇ţĕqa֤ʻ ʼeţ־hayá̇ţéd֙ bĕ̇raqá̇ţò֔w waţi̇ẕĕna֖ẖ bá̇ʼá֑reẕ wĕhֽẇʼ־nirĕdá֥̇m wayá֖̇ʻap wayá̇mòֽţ׃

22
וְהִנֵּ֣ה בָרָק֮ רֹדֵ֣ף אֶת־סִֽיסְרָא֒ וַתֵּצֵ֤א יָעֵל֙ לִקְרָאתֹ֔ו וַתֹּ֣אמֶר לֹ֔ו לֵ֣ךְ וְאַרְאֶ֔ךָּ אֶת־הָאִ֖ישׁ אֲשֶׁר־אַתָּ֣ה מְבַקֵּ֑שׁ וַיָּבֹ֣א אֵלֶ֔יהָ וְהִנֵּ֤ה סִֽיסְרָא֙ נֹפֵ֣ל מֵ֔ת וְהַיָּתֵ֖ד בְּרַקָּתֹֽו׃

wĕhiné֣̇h báráq֮ ròdé֣p ʼeţ־siֽysĕráʼ֒ waţé̇ẕé֤ʼ yáʻél֙ liqĕráʼţò֔w waţò֣̇ʼmer lò֔w lé֣kĕ wĕʼarĕʼe֔ká̇ ʼeţ־háʼi֖yş̌ ʼàşěr־ʼaţá֣̇h mĕbaqé֑̇ş̌ wayá̇bò֣ʼ ʼéle֔yhá wĕhiné֤̇h siֽysĕráʼ֙ nòpé֣l mé֔ţ wĕhayá̇ţé֖d bĕ̇raqá̇ţòֽw׃

23
וַיַּכְנַ֤ע אֱלֹהִים֙ בַּיֹּ֣ום הַה֔וּא אֵ֖ת יָבִ֣ין מֶֽלֶךְ־כְּנָ֑עַן לִפְנֵ֖י בְּנֵ֥י יִשְׂרָאֵֽל׃

wayȧkĕna֤ʻ ʼèlòhiym֙ bȧyò֣̇wm hah֔ẇʼ ʼé֖ţ yábi֣yn meֽlekĕ־kĕ̇ná֑ʻan lipĕné֖y bĕ̇né֥y yişĕ̂ráʼéֽl׃

24
וַתֵּ֜לֶךְ יַ֤ד בְּנֵֽי־יִשְׂרָאֵל֙ הָלֹ֣וךְ וְקָשָׁ֔ה עַ֖ל יָבִ֣ין מֶֽלֶךְ־כְּנָ֑עַן עַ֚ד אֲשֶׁ֣ר הִכְרִ֔יתוּ אֵ֖ת יָבִ֥ין מֶֽלֶךְ־כְּנָֽעַן׃ פ

waţé̇֜lekĕ ya֤d bĕ̇néֽy־yişĕ̂ráʼél֙ hálò֣wkĕ wĕqáşá̌֔h ʻa֖l yábi֣yn meֽlekĕ־kĕ̇ná֑ʻan ʻa֚d ʼàşě֣r hikĕri֔yţẇ ʼé֖ţ yábi֥yn meֽlekĕ־kĕ̇náֽʻan׃ p