Bibles in ancient languages
Old translations
Modern translations

Biblia Hebraica Stuttgartensia Juges 8:8

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיֹּאמְר֨וּ אֵלָ֜יו אִ֣ישׁ אֶפְרַ֗יִם מָֽה־הַדָּבָ֤ר הַזֶּה֙ עָשִׂ֣יתָ לָּ֔נוּ לְבִלְתִּי֙ קְרֹ֣אות לָ֔נוּ כִּ֥י הָלַ֖כְתָּ לְהִלָּחֵ֣ם בְּמִדְיָ֑ן וַיְרִיב֥וּן אִתֹּ֖ו בְּחָזְקָֽה׃

wayò̇ʼmĕr֨ẇ ʼélá֜yw ʼi֣yş̌ ʼepĕra֗yim máֽh־hadá̇bá֤r hazėh֙ ʻáşî֣yţá lá̇֔nẇ lĕbilĕţi̇y֙ qĕrò֣ʼwţ lá֔nẇ ki֥̇y hála֖kĕţá̇ lĕhilá̇ẖé֣m bĕ̇midĕyá֑n wayĕriyb֥ẇn ʼiţò֖̇w bĕ̇ẖázĕqáֽh׃

2
וַיֹּ֣אמֶר אֲלֵיהֶ֔ם מֶה־עָשִׂ֥יתִי עַתָּ֖ה כָּכֶ֑ם הֲלֹ֗וא טֹ֛וב עֹלְלֹ֥ות אֶפְרַ֖יִם מִבְצִ֥יר אֲבִיעֶֽזֶר׃

wayò֣̇ʼmer ʼàléyhe֔m meh־ʻáşî֥yţiy ʻaţá֖̇h ká̇ke֑m hàlò֗wʼ tò֛wb ʻòlĕlò֥wţ ʼepĕra֖yim mibĕẕi֥yr ʼàbiyʻeֽzer׃

3
בְּיֶדְכֶם֩ נָתַ֨ן אֱלֹהִ֜ים אֶת־שָׂרֵ֤י מִדְיָן֙ אֶת־עֹרֵ֣ב וְאֶת־זְאֵ֔ב וּמַה־יָּכֹ֖לְתִּי עֲשֹׂ֣ות כָּכֶ֑ם אָ֗ז רָפְתָ֤ה רוּחָם֙ מֵֽעָלָ֔יו בְּדַבְּרֹ֖ו הַדָּבָ֥ר הַזֶּֽה׃

bĕ̇yedĕkem֩ náţa֨n ʼèlòhi֜ym ʼeţ־şá̂ré֤y midĕyán֙ ʼeţ־ʻòré֣b wĕʼeţ־zĕʼé֔b ẇmah־yá̇kò֖lĕţi̇y ʻàşò֣̂wţ ká̇ke֑m ʼá֗z rápĕţá֤h rẇẖám֙ méֽʻálá֔yw bĕ̇dabĕ̇rò֖w hadá̇bá֥r hazėֽh׃

4
וַיָּבֹ֥א גִדְעֹ֖ון הַיַּרְדֵּ֑נָה עֹבֵ֣ר ה֗וּא וּשְׁלֹשׁ־מֵאֹ֤ות הָאִישׁ֙ אֲשֶׁ֣ר אִתֹּ֔ו עֲיֵפִ֖ים וְרֹדְפִֽים׃

wayá̇bò֥ʼ gidĕʻò֖wn hayȧrĕdé֑̇náh ʻòbé֣r h֗ẇʼ ẇşĕ̌lòş̌־méʼò֤wţ háʼiyş̌֙ ʼàşě֣r ʼiţò̇֔w ʻàyépi֖ym wĕròdĕpiֽym׃

5
וַיֹּ֨אמֶר֙ לְאַנְשֵׁ֣י סֻכֹּ֔ות תְּנוּ־נָא֙ כִּכְּרֹ֣ות לֶ֔חֶם לָעָ֖ם אֲשֶׁ֣ר בְּרַגְלָ֑י כִּי־עֲיֵפִ֣ים הֵ֔ם וְאָנֹכִ֗י רֹדֵ֛ף אַחֲרֵ֛י זֶ֥בַח וְצַלְמֻנָּ֖ע מַלְכֵ֥י מִדְיָֽן׃

wayò̇֨ʼmer֙ lĕʼanĕşé֣̌y sukò̇֔wţ ţĕ̇nẇ־náʼ֙ ki̇kĕ̇rò֣wţ le֔ẖem láʻá֖m ʼàşě֣r bĕ̇ragĕlá֑y ki̇y־ʻàyépi֣ym hé֔m wĕʼánòki֗y ròdé֛p ʼaẖàré֛y ze֥baẖ wĕẕalĕmuná֖̇ʻ malĕké֥y midĕyáֽn׃

6
וַיֹּ֨אמֶר֙ שָׂרֵ֣י סֻכֹּ֔ות הֲ֠כַף זֶ֧בַח וְצַלְמֻנָּ֛ע עַתָּ֖ה בְּיָדֶ֑ךָ כִּֽי־נִתֵּ֥ן לִֽצְבָאֲךָ֖ לָֽחֶם׃

wayò̇֨ʼmer֙ şá̂ré֣y sukò̇֔wţ hà֠kap ze֧baẖ wĕẕalĕmuná֛̇ʻ ʻaţá֖̇h bĕ̇yáde֑ká kiֽ̇y־niţé֥̇n liֽẕĕbáʼàká֖ láֽẖem׃

7
וַיֹּ֣אמֶר גִּדְעֹ֔ון לָכֵ֗ן בְּתֵ֧ת יְהוָ֛ה אֶת־זֶ֥בַח וְאֶת־צַלְמֻנָּ֖ע בְּיָדִ֑י וְדַשְׁתִּי֙ אֶת־בְּשַׂרְכֶ֔ם אֶת־קֹוצֵ֥י הַמִּדְבָּ֖ר וְאֶת־הַֽבַּרְקֳנִֽים׃

wayò֣̇ʼmer gi̇dĕʻò֔wn láké֗n bĕ̇ţé֧ţ yĕhwá֛h ʼeţ־ze֥baẖ wĕʼeţ־ẕalĕmuná֖̇ʻ bĕ̇yádi֑y wĕdaşĕ̌ţi̇y֙ ʼeţ־bĕ̇şârĕke֔m ʼeţ־qòwẕé֥y hami̇dĕbá֖̇r wĕʼeţ־haֽbȧrĕqoniֽym׃

8
וַיַּ֤עַל מִשָּׁם֙ פְּנוּאֵ֔ל וַיְדַבֵּ֥ר אֲלֵיהֶ֖ם כָּזֹ֑את וַיַּעֲנ֤וּ אֹותֹו֙ אַנְשֵׁ֣י פְנוּאֵ֔ל כַּאֲשֶׁ֥ר עָנ֖וּ אַנְשֵׁ֥י סֻכֹּֽות׃

wayȧ֤ʻal mişá̇̌m֙ pĕ̇nẇʼé֔l wayĕdabé֥̇r ʼàléyhe֖m ká̇zò֑ʼţ wayȧʻàn֤ẇ ʼòwţòw֙ ʼanĕşé֣̌y pĕnẇʼé֔l kȧʼàşě֥r ʻán֖ẇ ʼanĕşé֥̌y sukòֽ̇wţ׃

9
וַיֹּ֛אמֶר גַּם־לְאַנְשֵׁ֥י פְנוּאֵ֖ל לֵאמֹ֑ר בְּשׁוּבִ֣י בְשָׁלֹ֔ום אֶתֹּ֖ץ אֶת־הַמִּגְדָּ֥ל הַזֶּֽה׃ פ

wayò֛̇ʼmer gȧm־lĕʼanĕşé֥̌y pĕnẇʼé֖l léʼmò֑r bĕ̇ş̌ẇbi֣y bĕşá̌lò֔wm ʼeţò֖̇ẕ ʼeţ־hami̇gĕdá֥̇l hazėֽh׃ p

10
וְזֶ֨בַח וְצַלְמֻנָּ֜ע בַּקַּרְקֹ֗ר וּמַחֲנֵיהֶ֤ם עִמָּם֙ כַּחֲמֵ֤שֶׁת עָשָׂר֙ אֶ֔לֶף כֹּ֚ל הַנֹּ֣ותָרִ֔ים מִכֹּ֖ל מַחֲנֵ֣ה בְנֵי־קֶ֑דֶם וְהַנֹּ֣פְלִ֔ים מֵאָ֨ה וְעֶשְׂרִ֥ים אֶ֛לֶף אִ֖ישׁ שֹׁ֥לֵֽף חָֽרֶב׃

wĕze֨baẖ wĕẕalĕmuná̇֜ʻ bȧqȧrĕqò֗r ẇmaẖànéyhe֤m ʻimá̇m֙ kȧẖàmé֤şěţ ʻáşá̂r֙ ʼe֔lep kò֚̇l hanò֣̇wţári֔ym mikò֖̇l maẖàné֣h bĕnéy־qe֑dem wĕhanò֣̇pĕli֔ym méʼá֨h wĕʻeşĕ̂ri֥ym ʼe֛lep ʼi֖yş̌ şò֥̌léֽp ẖáֽreb׃

11
וַיַּ֣עַל גִּדְעֹ֗ון דֶּ֚רֶךְ הַשְּׁכוּנֵ֣י בָֽאֳהָלִ֔ים מִקֶּ֥דֶם לְנֹ֖בַח וְיָגְבֳּהָ֑ה וַיַּךְ֙ אֶת־הַֽמַּחֲנֶ֔ה וְהַֽמַּחֲנֶ֖ה הָ֥יָה בֶֽטַח׃

wayȧ֣ʻal gi̇dĕʻò֗wn dė֚rekĕ haşĕ̇̌kẇné֣y báֽʼoháli֔ym miqė֥dem lĕnò֖baẖ wĕyágĕbȯhá֑h wayȧkĕ֙ ʼeţ־haֽmȧẖàne֔h wĕhaֽmȧẖàne֖h há֥yáh beֽtaẖ׃

12
וַיָּנ֗וּסוּ זֶ֚בַח וְצַלְמֻנָּ֔ע וַיִּרְדֹּ֖ף אַחֲרֵיהֶ֑ם וַיִּלְכֹּ֞ד אֶת־שְׁנֵ֣י׀ מַלְכֵ֣י מִדְיָ֗ן אֶת־זֶ֨בַח֙ וְאֶת־צַלְמֻנָּ֔ע וְכָל־הַֽמַּחֲנֶ֖ה הֶחֱרִֽיד׃

wayá̇n֗ẇsẇ ze֚baẖ wĕẕalĕmuná̇֔ʻ wayi̇rĕdò֖̇p ʼaẖàréyhe֑m wayi̇lĕkò̇֞d ʼeţ־şĕ̌né֣y׀ malĕké֣y midĕyá֗n ʼeţ־ze֨baẖ֙ wĕʼeţ־ẕalĕmuná̇֔ʻ wĕkál־haֽmȧẖàne֖h heẖèriֽyd׃

13
וַיָּ֛שָׁב גִּדְעֹ֥ון בֶּן־יֹואָ֖שׁ מִן־הַמִּלְחָמָ֑ה מִֽלְמַעֲלֵ֖ה הֶחָֽרֶס׃

wayá֛̇şá̌b gi̇dĕʻò֥wn bėn־yòwʼá֖ş̌ min־hami̇lĕẖámá֑h miֽlĕmaʻàlé֖h heẖáֽres׃

14
וַיִּלְכָּד־נַ֛עַר מֵאַנְשֵׁ֥י סֻכֹּ֖ות וַיִּשְׁאָלֵ֑הוּ וַיִּכְתֹּ֨ב אֵלָ֜יו אֶת־שָׂרֵ֤י סֻכֹּות֙ וְאֶת־זְקֵנֶ֔יהָ שִׁבְעִ֥ים וְשִׁבְעָ֖ה אִֽישׁ׃

wayi̇lĕká̇d־na֛ʻar méʼanĕşé֥̌y sukò֖̇wţ wayi̇şĕ̌ʼálé֑hẇ wayi̇kĕţò̇֨b ʼélá֜yw ʼeţ־şá̂ré֤y sukò̇wţ֙ wĕʼeţ־zĕqéne֔yhá şǐbĕʻi֥ym wĕşǐbĕʻá֖h ʼiֽyş̌׃

15
וַיָּבֹא֙ אֶל־אַנְשֵׁ֣י סֻכֹּ֔ות וַיֹּ֕אמֶר הִנֵּ֖ה זֶ֣בַח וְצַלְמֻנָּ֑ע אֲשֶׁר֩ חֵרַפְתֶּ֨ם אֹותִ֜י לֵאמֹ֗ר הֲ֠כַף זֶ֣בַח וְצַלְמֻנָּ֤ע עַתָּה֙ בְּיָדֶ֔ךָ כִּ֥י נִתֵּ֛ן לַאֲנָשֶׁ֥יךָ הַיְּעֵפִ֖ים לָֽחֶם׃

wayá̇bòʼ֙ ʼel־ʼanĕşé֣̌y sukò̇֔wţ wayò̇֕ʼmer hiné֖̇h ze֣baẖ wĕẕalĕmuná֑̇ʻ ʼàşěr֩ ẖérapĕţė֨m ʼòwţi֜y léʼmò֗r hà֠kap ze֣baẖ wĕẕalĕmuná֤̇ʻ ʻaţá̇h֙ bĕ̇yáde֔ká ki֥̇y niţé֛̇n laʼànáşě֥yká hayĕ̇ʻépi֖ym láֽẖem׃

16
וַיִּקַּח֙ אֶת־זִקְנֵ֣י הָעִ֔יר וְאֶת־קֹוצֵ֥י הַמִּדְבָּ֖ר וְאֶת־הַֽבַּרְקֳנִ֑ים וַיֹּ֣דַע בָּהֶ֔ם אֵ֖ת אַנְשֵׁ֥י סֻכֹּֽות׃

wayi̇qȧẖ֙ ʼeţ־ziqĕné֣y háʻi֔yr wĕʼeţ־qòwẕé֥y hami̇dĕbá֖̇r wĕʼeţ־haֽbȧrĕqoni֑ym wayò֣̇daʻ bá̇he֔m ʼé֖ţ ʼanĕşé֥̌y sukòֽ̇wţ׃

17
וְאֶת־מִגְדַּ֥ל פְּנוּאֵ֖ל נָתָ֑ץ וַֽיַּהֲרֹ֖ג אֶת־אַנְשֵׁ֥י הָעִֽיר׃

wĕʼeţ־migĕdȧ֥l pĕ̇nẇʼé֖l náţá֑ẕ waֽyȧhàrò֖g ʼeţ־ʼanĕşé֥̌y háʻiֽyr׃

18
וַיֹּ֗אמֶר אֶל־זֶ֨בַח֙ וְאֶל־צַלְמֻנָּ֔ע אֵיפֹה֙ הָאֲנָשִׁ֔ים אֲשֶׁ֥ר הֲרַגְתֶּ֖ם בְּתָבֹ֑ור וַֽיֹּאמְרוּ֙ כָּמֹ֣וךָ כְמֹוהֶ֔ם אֶחָ֕ד כְּתֹ֖אַר בְּנֵ֥י הַמֶּֽלֶךְ׃

wayò̇֗ʼmer ʼel־ze֨baẖ֙ wĕʼel־ẕalĕmuná̇֔ʻ ʼéypòh֙ háʼànáşǐ֔ym ʼàşě֥r hàragĕţė֖m bĕ̇ţábò֑wr waֽyò̇ʼmĕrẇ֙ ká̇mò֣wká kĕmòwhe֔m ʼeẖá֕d kĕ̇ţò֖ʼar bĕ̇né֥y hamėֽlekĕ׃

19
וַיֹּאמַ֕ר אַחַ֥י בְּנֵֽי־אִמִּ֖י הֵ֑ם חַי־יְהוָ֗ה ל֚וּ הַחֲיִתֶ֣ם אֹותָ֔ם לֹ֥א הָרַ֖גְתִּי אֶתְכֶֽם׃

wayò̇ʼma֕r ʼaẖa֥y bĕ̇néֽy־ʼimi֖̇y hé֑m ẖay־yĕhwá֗h l֚ẇ haẖàyiţe֣m ʼòwţá֔m lò֥ʼ hára֖gĕţi̇y ʼeţĕkeֽm׃

20
וַיֹּ֨אמֶר֙ לְיֶ֣תֶר בְּכֹורֹ֔ו ק֖וּם הֲרֹ֣ג אֹותָ֑ם וְלֹא־שָׁלַ֨ף הַנַּ֤עַר חַרְבֹּו֙ כִּ֣י יָרֵ֔א כִּ֥י עֹודֶ֖נּוּ נָֽעַר׃

wayò̇֨ʼmer֙ lĕye֣ţer bĕ̇kòwrò֔w q֖ẇm hàrò֣g ʼòwţá֑m wĕlòʼ־şá̌la֨p hanȧ֤ʻar ẖarĕbò̇w֙ ki֣̇y yáré֔ʼ ki֥̇y ʻòwde֖ṅẇ náֽʻar׃

21
וַיֹּ֜אמֶר זֶ֣בַח וְצַלְמֻנָּ֗ע ק֤וּם אַתָּה֙ וּפְגַע־בָּ֔נוּ כִּ֥י כָאִ֖ישׁ גְּבוּרָתֹ֑ו וַיָּ֣קָם גִּדְעֹ֗ון וַֽיַּהֲרֹג֙ אֶת־זֶ֣בַח וְאֶת־צַלְמֻנָּ֔ע וַיִּקַּח֙ אֶת־הַשַּׂ֣הֲרֹנִ֔ים אֲשֶׁ֖ר בְּצַוְּארֵ֥י גְמַלֵּיהֶֽם׃

wayò̇֜ʼmer ze֣baẖ wĕẕalĕmuná̇֗ʻ q֤ẇm ʼaţá̇h֙ ẇpĕgaʻ־bá̇֔nẇ ki֥̇y káʼi֖yş̌ gĕ̇bẇráţò֑w wayá֣̇qám gi̇dĕʻò֗wn waֽyȧhàròg֙ ʼeţ־ze֣baẖ wĕʼeţ־ẕalĕmuná̇֔ʻ wayi̇qȧẖ֙ ʼeţ־haşȧ֣̂hàròni֔ym ʼàşě֖r bĕ̇ẕawĕ̇ʼré֥y gĕmalé̇yheֽm׃

22
וַיֹּאמְר֤וּ אִֽישׁ־יִשְׂרָאֵל֙ אֶל־גִּדְעֹ֔ון מְשָׁל־בָּ֨נוּ֙ גַּם־אַתָּ֔ה גַּם־בִּנְךָ֖ גַּ֣ם בֶּן־בְּנֶ֑ךָ כִּ֥י הֹושַׁעְתָּ֖נוּ מִיַּ֥ד מִדְיָֽן׃

wayò̇ʼmĕr֤ẇ ʼiֽyş̌־yişĕ̂ráʼél֙ ʼel־gi̇dĕʻò֔wn mĕşá̌l־bá̇֨nẇ֙ gȧm־ʼaţá̇֔h gȧm־bi̇nĕká֖ gȧ֣m bėn־bĕ̇ne֑ká ki֥̇y hòwşǎʻĕţá֖̇nẇ miyȧ֥d midĕyáֽn׃

23
וַיֹּ֤אמֶר אֲלֵהֶם֙ גִּדְעֹ֔ון לֹֽא־אֶמְשֹׁ֤ל אֲנִי֙ בָּכֶ֔ם וְלֹֽא־יִמְשֹׁ֥ל בְּנִ֖י בָּכֶ֑ם יְהוָ֖ה יִמְשֹׁ֥ל בָּכֶֽם׃

wayò֤̇ʼmer ʼàléhem֙ gi̇dĕʻò֔wn lòֽʼ־ʼemĕşò֤̌l ʼàniy֙ bá̇ke֔m wĕlòֽʼ־yimĕşò֥̌l bĕ̇ni֖y bá̇ke֑m yĕhwá֖h yimĕşò֥̌l bá̇keֽm׃

24
וַיֹּ֨אמֶר אֲלֵהֶ֜ם גִּדְעֹ֗ון אֶשְׁאֲלָ֤ה מִכֶּם֙ שְׁאֵלָ֔ה וּתְנוּ־לִ֕י אִ֖ישׁ נֶ֣זֶם שְׁלָלֹ֑ו כִּֽי־נִזְמֵ֤י זָהָב֙ לָהֶ֔ם כִּ֥י יִשְׁמְעֵאלִ֖ים הֵֽם׃

wayò̇֨ʼmer ʼàléhe֜m gi̇dĕʻò֗wn ʼeşĕ̌ʼàlá֤h mikėm֙ şĕ̌ʼélá֔h ẇţĕnẇ־li֕y ʼi֖yş̌ ne֣zem şĕ̌lálò֑w kiֽ̇y־nizĕmé֤y záháb֙ láhe֔m ki֥̇y yişĕ̌mĕʻéʼli֖ym héֽm׃

25
וַיֹּאמְר֖וּ נָתֹ֣ון נִתֵּ֑ן וַֽיִּפְרְשׂוּ֙ אֶת־הַשִּׂמְלָ֔ה וַיַּשְׁלִ֣יכוּ שָׁ֔מָּה אִ֖ישׁ נֶ֥זֶם שְׁלָלֹֽו׃

wayò̇ʼmĕr֖ẇ náţò֣wn niţé֑̇n waֽyi̇pĕrĕş̂ẇ֙ ʼeţ־haşi̇̂mĕlá֔h wayȧşĕ̌li֣ykẇ şá̌֔má̇h ʼi֖yş̌ ne֥zem şĕ̌lálòֽw׃

26
וַיְהִ֗י מִשְׁקַ֞ל נִזְמֵ֤י הַזָּהָב֙ אֲשֶׁ֣ר שָׁאָ֔ל אֶ֥לֶף וּשְׁבַע־מֵאֹ֖ות זָהָ֑ב לְ֠בַד מִן־הַשַּׂהֲרֹנִ֨ים וְהַנְּטִפֹ֜ות וּבִגְדֵ֣י הָאַרְגָּמָ֗ן שֶׁעַל֙ מַלְכֵ֣י מִדְיָ֔ן וּלְבַד֙ מִן־הָ֣עֲנָקֹ֔ות אֲשֶׁ֖ר בְּצַוְּארֵ֥י גְמַלֵּיהֶֽם׃

wayĕhi֗y mişĕ̌qa֞l nizĕmé֤y hazá̇háb֙ ʼàşě֣r şá̌ʼá֔l ʼe֥lep ẇşĕ̌baʻ־méʼò֖wţ záhá֑b lĕ֠bad min־haşȧ̂hàròni֨ym wĕhanĕ̇tipò֜wţ ẇbigĕdé֣y háʼarĕgá̇má֗n şěʻal֙ malĕké֣y midĕyá֔n ẇlĕbad֙ min־há֣ʻànáqò֔wţ ʼàşě֖r bĕ̇ẕawĕ̇ʼré֥y gĕmalé̇yheֽm׃

27
וַיַּעַשׂ֩ אֹותֹ֨ו גִדְעֹ֜ון לְאֵפֹ֗וד וַיַּצֵּ֨ג אֹותֹ֤ו בְעִירֹו֙ בְּעָפְרָ֔ה וַיִּזְנ֧וּ כָֽל־יִשְׂרָאֵ֛ל אַחֲרָ֖יו שָׁ֑ם וַיְהִ֛י לְגִדְעֹ֥ון וּלְבֵיתֹ֖ו לְמֹוקֵֽשׁ׃

wayȧʻaş̂֩ ʼòwţò֨w gidĕʻò֜wn lĕʼépò֗wd wayȧẕé̇֨g ʼòwţò֤w bĕʻiyròw֙ bĕ̇ʻápĕrá֔h wayi̇zĕn֧ẇ káֽl־yişĕ̂ráʼé֛l ʼaẖàrá֖yw şá֑̌m wayĕhi֛y lĕgidĕʻò֥wn ẇlĕbéyţò֖w lĕmòwqéֽş̌׃

28
וַיִּכָּנַ֣ע מִדְיָ֗ן לִפְנֵי֙ בְּנֵ֣י יִשְׂרָאֵ֔ל וְלֹ֥א יָסְפ֖וּ לָשֵׂ֣את רֹאשָׁ֑ם וַתִּשְׁקֹ֥ט הָאָ֛רֶץ אַרְבָּעִ֥ים שָׁנָ֖ה בִּימֵ֥י גִדְעֹֽון׃ פ

wayi̇ká̇na֣ʻ midĕyá֗n lipĕnéy֙ bĕ̇né֣y yişĕ̂ráʼé֔l wĕlò֥ʼ yásĕp֖ẇ láşé֣̂ʼţ ròʼşá֑̌m waţi̇şĕ̌qò֥t háʼá֛reẕ ʼarĕbá̇ʻi֥ym şá̌ná֖h bi̇ymé֥y gidĕʻòֽwn׃ p

29
וַיֵּ֛לֶךְ יְרֻבַּ֥עַל בֶּן־יֹואָ֖שׁ וַיֵּ֥שֶׁב בְּבֵיתֹֽו׃

wayé֛̇lekĕ yĕrubȧ֥ʻal bėn־yòwʼá֖ş̌ wayé֥̇şěb bĕ̇béyţòֽw׃

30
וּלְגִדְעֹ֗ון הָיוּ֙ שִׁבְעִ֣ים בָּנִ֔ים יֹצְאֵ֖י יְרֵכֹ֑ו כִּֽי־נָשִׁ֥ים רַבֹּ֖ות הָ֥יוּ לֹֽו׃

ẇlĕgidĕʻò֗wn háyẇ֙ şǐbĕʻi֣ym bá̇ni֔ym yòẕĕʼé֖y yĕrékò֑w kiֽ̇y־náşǐ֥ym rabò֖̇wţ há֥yẇ lòֽw׃

31
וּפִֽילַגְשֹׁו֙ אֲשֶׁ֣ר בִּשְׁכֶ֔ם יָֽלְדָה־לֹּ֥ו גַם־הִ֖יא בֵּ֑ן וַיָּ֥שֶׂם אֶת־שְׁמֹ֖ו אֲבִימֶֽלֶךְ׃

ẇpiֽylagĕşò̌w֙ ʼàşě֣r bi̇şĕ̌ke֔m yáֽlĕdáh־lò֥̇w gam־hi֖yʼ bé֑̇n wayá֥̇şêm ʼeţ־şĕ̌mò֖w ʼàbiymeֽlekĕ׃

32
וַיָּ֛מָת גִּדְעֹ֥ון בֶּן־יֹואָ֖שׁ בְּשֵׂיבָ֣ה טֹובָ֑ה וַיִּקָּבֵ֗ר בְּקֶ֨בֶר֙ יֹואָ֣שׁ אָבִ֔יו בְּעָפְרָ֖ה אֲבִ֥י הָֽעֶזְרִֽי׃ פ

wayá֛̇máţ gi̇dĕʻò֥wn bėn־yòwʼá֖ş̌ bĕ̇şé̂ybá֣h tòwbá֑h wayi̇qá̇bé֗r bĕ̇qe֨ber֙ yòwʼá֣ş̌ ʼábi֔yw bĕ̇ʻápĕrá֖h ʼàbi֥y háֽʻezĕriֽy׃ p

33
וַיְהִ֗י כַּֽאֲשֶׁר֙ מֵ֣ת גִּדְעֹ֔ון וַיָּשׁ֨וּבוּ֙ בְּנֵ֣י יִשְׂרָאֵ֔ל וַיִּזְנ֖וּ אַחֲרֵ֣י הַבְּעָלִ֑ים וַיָּשִׂ֧ימוּ לָהֶ֛ם בַּ֥עַל בְּרִ֖ית לֵאלֹהִֽים׃

wayĕhi֗y kȧֽʼàşěr֙ mé֣ţ gi̇dĕʻò֔wn wayá̇ş̌֨ẇbẇ֙ bĕ̇né֣y yişĕ̂ráʼé֔l wayi̇zĕn֖ẇ ʼaẖàré֣y habĕ̇ʻáli֑ym wayá̇şî֧ymẇ láhe֛m bȧ֥ʻal bĕ̇ri֖yţ léʼlòhiֽym׃

34
וְלֹ֤א זָֽכְרוּ֙ בְּנֵ֣י יִשְׂרָאֵ֔ל אֶת־יְהוָ֖ה אֱלֹהֵיהֶ֑ם הַמַּצִּ֥יל אֹותָ֛ם מִיַּ֥ד כָּל־אֹיְבֵיהֶ֖ם מִסָּבִֽיב׃

wĕlò֤ʼ záֽkĕrẇ֙ bĕ̇né֣y yişĕ̂ráʼé֔l ʼeţ־yĕhwá֖h ʼèlòhéyhe֑m hamȧẕi֥̇yl ʼòwţá֛m miyȧ֥d ká̇l־ʼòyĕbéyhe֖m misá̇biֽyb׃

35
וְלֹֽא־עָשׂ֣וּ חֶ֔סֶד עִם־בֵּ֥ית יְרֻבַּ֖עַל גִּדְעֹ֑ון כְּכָל־הַטֹּובָ֔ה אֲשֶׁ֥ר עָשָׂ֖ה עִם־יִשְׂרָאֵֽל׃ פ

wĕlòֽʼ־ʻáş֣̂ẇ ẖe֔sed ʻim־bé֥̇yţ yĕrubȧ֖ʻal gi̇dĕʻò֑wn kĕ̇kál־hatò̇wbá֔h ʼàşě֥r ʻáşá֖̂h ʻim־yişĕ̂ráʼéֽl׃ p